Mawitei bawihtlung story

MANGRAM PASALṬHA  CHAPTER 5  “Nu ka pa hi a thi nge a dam tih hi min hrilh ve tawh la, ka pa chungchâng hi i sawi ngai bawk silo, nge ni a ka hriat a rem lo zâwk" zingkar mi reh lai chuhin ka nu chu ka zâwt a, a hmêl chu danglamin min rawn en zawk mai “Bawihi ni e; tûnah chuan i puitling ta bawka i hriat chu a ngai a ni" tiin a ngawi data. “I pa hi Lal fapa a nia, tûnah chuan Lalah a ṭhut tawh ngei ka ring" tiin a phun sapa, ka thu hriat chuan mak min tih tîr lo theilo, ka nu hi tûnah pawh a la naupanga, in hriat angin hmanlai chuan naupang tê pawhin nupui pasal an nei mai zel, âwm lo ka ti lem lo. “Kei hi hmeithai fa mai ka nia, mahse i pa khân min hmangaih tlat bawk nen min rawn hel fo va, min rawn hel ta na na na chu keipawhin ka lo duh ru ve tho nên kan chesual dûn ta nge nge a" tiin a ṭhen saka, an nunhlui a sawi let chuan a rilru a tina tih hairual a nilo. A kutah hum sakin ka kuaha “I pa chu zaidam tak mai ania, khaw mipuite ngainat pawh a hlawh, rethei leh p...

MANGRAM PASALṬHA  CHAPTER 4  “Tirawh Saithan daiah kal lawk ang" zîngah chuan an inah ka lo nghaka, Lalpa in khaw mipui a hrilh chhunga lo awm bo pui ka duh vang a ni. “Engah chuan maw?" a rawn tihchuan ka nui saka. “Aw râl kut aṭangin ka rawn tlân chhuak ve em em a, min va ngailo ve. Tirawh, titi dun te pawh ka duh alâwm" tiin ka kai chhuaka, min zui ve mai bawk, kan pahnih chuan ramhnuaiah chuan lûtin khaw chhûng thawm hriat phak mai lohna tur hmunah chuan ka awm puia. “Enteh kan naupanlai khân henglai hmunah khân infiamin i thusawi kha i la hria em?" ka tihchuan a nui ringawta “A rei tawh emai ka hre tawhlo" a tihchuan Saithana a nih lohzia ka hre chiang khawp mai. Saithankhuma kha chuan ala hre vek tlat. “Keichuan ka la hre vek asin, a pawilo ka ngaidam ang che" ka sawi mek lai chuan khaw mipui thâwm rawn ri hluai avâng chuan a ding chhuak zawka, kal mai a tum chu ka man bet nghal vat “Eng emaw an timai mai ania'ng, lo ṭhu rawh" ti...

MANGRAM PASALṬHA  CHAPTER 3  Ka mal na zawk zawk avâng chuan au chhuakin min deptu kut chu ka hmer sak nghal ngat ngata, ka men chhuah rual chuan khapa bawk kha a lo ni, Saithankhuma emaw ka ti leh tawh, a mit chauh chu a la ti langa. A kuta min khawihna chu a theih tâwkin a dim ve tih pawh ka hria. “Ana lutuk" tiin ka ṭhen chak chaka, “Tlanchhuah tum lo tur i ni a sin, ka hrilh che kha. Ka kiangah awm la chuan engmah i tuar lovang" a aw chu a pa ka ti riau lehnghâl, Saithankhuma ai kha chuan a liana, mahse an mitmeng hi a inang ka ti tak zet. Ka mal hliam a hruk mawlh mawlh lai chuan a hmai tuamna chu lo lâksak ka tuma. Ka kut chu a rawn man nghal chata, ka mitah tak a rawn en chuan ka ṭek chhawk thei, Saithankhuma kha ka duh viau emaw ka tia mahse engvanga hepa bulah hian danglam tlat zêl nge ka nih ka in hre bik lo. Ka thlahlel ngawih ngawihte hian ka inhria “I hmêl tinge i thup tlat, ka hmu duh che. Chuan engvanga min hum nge i nih? In ral man ka ni a, engvang...

MANGRAM PASALṬHA  CHAPTER 2  “Kha hei hi" ka mi hmuh pa thil min pêk ka hmuh chuan ka nui var vara, hrui a hmawr tawn tawna thir zum nalh tak awm chu min pe a, hei chu keimah pawhin ka movie en ṭhin avanga ka lo in zir fo tawh a ni bawka. Ka hlim ngei mai. La vatin lâwmthu chu ka hrilh zuia “Ka kal phawt ange, i inven nân ka pe che a nih kha" tiin a bo zuia, ka nu nen kan in neih ve chhun lam pan chuan ka kal zui hnak hnaka “Enge kha kha?" Saithankhuma chu ka hmaah rawn ding runa. Enge tuna ataka a rawn in lan ni, a hma zawng zawngah ramhnuaiah ka rem ti lo chung a awm lui a nih kha “I hriat ve angai lo, Pasalṭha kawng min lo kian thei angem?" tiin kal pelh ka tuma, ka ûmzui tawh dâwn bik lo, a duh leh kha lasi nu kha ûmzui zêl rawh se. Keichuan engatan mah ka ngai duh tawh bik lo vang. “Min hrilh rawh, khatiangin min chhâng hmuk hmuk suh, tinge min pehhêl chu i tum tlat?" huiham, ka sawi peih tawh lo. “Ṭhian nih pawh ka duh tawhlo, in hre ngai lo angin awm ang...