MANGRAM PASALṬHA CHAPTER 5

MANGRAM PASALṬHA 

CHAPTER 5 

“Nu ka pa hi a thi nge a dam tih hi min hrilh ve tawh la, ka pa chungchâng hi i sawi ngai bawk silo, nge ni a ka hriat a rem lo zâwk" zingkar mi reh lai chuhin ka nu chu ka zâwt a, a hmêl chu danglamin min rawn en zawk mai “Bawihi ni e; tûnah chuan i puitling ta bawka i hriat chu a ngai a ni" tiin a ngawi data.

“I pa hi Lal fapa a nia, tûnah chuan Lalah a ṭhut tawh ngei ka ring" tiin a phun sapa, ka thu hriat chuan mak min tih tîr lo theilo, ka nu hi tûnah pawh a la naupanga, in hriat angin hmanlai chuan naupang tê pawhin nupui pasal an nei mai zel, âwm lo ka ti lem lo.

“Kei hi hmeithai fa mai ka nia, mahse i pa khân min hmangaih tlat bawk nen min rawn hel fo va, min rawn hel ta na na na chu keipawhin ka lo duh ru ve tho nên kan chesual dûn ta nge nge a" tiin a ṭhen saka, an nunhlui a sawi let chuan a rilru a tina tih hairual a nilo.

A kutah hum sakin ka kuaha “I pa chu zaidam tak mai ania, khaw mipuite ngainat pawh a hlawh, rethei leh pachhia te a khawngaih thei em ema, khaw mipuite ah khan fello ti tu chu an vâng viau ang. I pi pawhin a ring tawk, mahse a nu leh pa khân keiang hmeithai fanu kha chu min neih an phal lova, khawdang lal fanu nei turin an ti reng bawka, kei lahin ka lo pai hman tawh che sia, i pa khân min ngaihtuah a sin, a lal ṭhutthleng hial pawh kalsan a inhuama" tiin a mittui chu a hru zauha.

“Ka pai che tih i pi leh pu(Lal te) ten an hriat khân tih tlâk tîr che min tuma, mahse ka rem ti bik lo. Nang leh i pite him nân kan tlânchhe ta a, min rawn ûmzui bik lo, i pa mawlh kha a ni ka ngaihtuah, tûnah chuan nupui dangte pawh a nei tawh mai thei, kan chanchin a hre dâwn silova, i pi erawh kan tlanchhiatna lamah a ni tar chak lo nen min peihloh san ta a, chau zetin he khua hi ka vâk lût ta a ni" a tihchuan ka mittui chu a luang ve ngiai ngiai mai.

“A nih ka pa chuan a rawn zawng miah lo che em ni?" ka tihchuan a nui haka “Min zawng ngei ang, mahse min hmu dâwn lo, he khua hi kan khua aṭang chuan a hlat bâkah ka hming dik tak ka zêp avângin an hre mai lovang,  ka hming ka sawi a nihchuan min rawn zawng hmu anga, i pi leh pu in keini nufa chu min that duh mai ang" a tihchuan ka kuah vang vanga.

Keimah avanga a harsatna tawh zozai ka hriat tâkah chuan ka ṭah a chhuak ve ṭun mai. “A nih ka pa chu eng ang mi nge a nih?" tiin ka zâwt leha, a ngawi vang vanga. A hmelah chuan a lunglêng hle tih ka hre thei “Mi fel leh zaidam, hmelṭha tak mai ania, chuan a che chhe thei hle bawk. Kan vawikhat inhmuhna aṭangin kan in duh tawn a,  vawikhat chu kan in hmu ru tur kha ka lo nghah reng laiin thil rawn ri suau hria in ka hawi leta, i pa chu awih pangah a lo tawlh thla a, a puan vên zawng zawng a phelh vek bawk nen ka be ṭawng zo mai lova " tiin a nui hak haka.

“A che chhia kha zakin min be duh lova, haw lêt leh te a tum laiin ka kuah bet ta hrama, a ni pawh a rei tâkah kha chuan a zahte bo in min be ve leh ngam chauha, i pi leh pu hmuh hlau leh khaw mipuite hriat hlau khân a ruk thei ang berin kan in hmu ve ṭhina, Pasalṭha tak mai a nia. A nun a nem êm avang khân mi pawhin an zuam sual phah fo a sin" tiin a phun sap sapa.

Ka pa a ngaih zia ka hmuh hmaih lo, “In awm em?" Saithana aw kan hriat rualin kan in siamṭha vata, a rawn hman tawh a ni ngei ang. “I la insiam nange?  Enga tinge ka sawi sa vek kha" a rawn ti lut nghal ringawta.

“A la hma a lawm, lo ṭhu rawh ka em vêl kan la ange" tiin ka che zui sawk sawka, a ni pawh ka nu bulah ṭhu in a lo fiam leh zuk zuk tawh mai. Ka hmanrua ve chu kengin chaw fun chu ka êmah chuan ka dah a,  “Kal ila ka hman, nu lo lamah kan kal dawn ania" tiin ka chhuak zuia.

Saithana pawh chuan min rawn zui ve nghal zat mai, kawtchhuahah chuan feh tur dang pawh lo awm ve in min lo fiam nak naka, huatah pawh ka la duh lêm lo. “Kan Pasalṭha in a hmeithai fa i han zui tlat mai chu, khawnbawl fapa tih atân chuan a va mawi lêm lo ve, keichu hmeithai fa lehnghâl hi chu zui buai ka tumlo" mipa pakhatin a rawn tihchuan Saithana chuan a hnaih nghal ruak mai.

“Engmaw i sawi kha, hmeithai fa a nih avangin ka zui theilo tihna em ni? Han sawi nawn leh teh" a aw chu nem dap angin lang mahse a mitmeng chu ka hmuh hmaihlo, midang pawh chuan chupa chu an lo khap thuaia “Aw a nih lohin, nge ni a a taksa mawina hmangin a lo thlem zawk che" a tileh chiah chu a pawita.

Saithana chuan a hnek nghal sawka, bawh betin a hmaiah chuan a hnek zui nghal mawlh mawlh mai, keipawh chupa thusawi duh dan kher kher chuan min ti lâwm lo takzet. Eng mi nge maw a niha, hmeithai fa ka nih avanga min hmuh hniam em em mai ni, midang lo awm ve te chuan Saithana chu an pawt sawn ta thuaia.

“Khatiang thu i sawi leh a nih chuan i lu kha ka la ang" Saithana chuan a ti ta hrawka, chupa pawh chuan engmah a sawi ngam tawh lo. Saithana chu ka kal pui ta vata “Thinrim tawh suh aw, engah mah ka ngai lo a nia. Tirawh kal vat ang" tiin hma chu ka hruaia, ka hnungah muangchangin min rawn zui hnu hnu mai.

“Saia in feh dâwn em ni?" kan hnunglam aṭanga aw rawn chhuak avâng chuan hawi letin kan khaw khawnbawl fanu Thanpari te ho an lo ni “A nih hi enge in tih dâwn?" Saithana chuan a lo ti ve vata “Nia keini pawh kan feh dâwn a, kal rual ang u. Kha Darpuii nên khân em ni in feh dawn, nuam dawn bik ve" tiin an nui har hara.

Kei erawh engmah ka sawi lo, ngawi reng chuan ka kal mawp mawpa, ka hnungah chuan inkawmin an nui leh har har ṭhin. Saithankhuma nui peih lutuk pawh chu vuakthluk tawp ania ka duh, hmeichhe dang bula chutia a nui chu ka duh hauh lo, lerh lutuk mai.

Thanpari fiam dan leh a awm danah lah chuan a duh tih ka hai tawp silo, huiham ka ning. Ka thikthu chhe lutuk chu duh lo mah ila a chhe tho bawk sia, pêng kan thlen tâkah chuan ka thaw huai mai, haw lama in nghah an tih phei chuan lâwm lo tak ka ni.

Chak zet chuan kalin kan lo lam chu ka pan daiha “Darpui min lo nghâk ve la, kan kal rual dawn lovem ni? Lo ding teh" a tih pawh chuan ka chhâng peihlo, din pawh ka tum hek lo. “Darneihpui" a rawn tih leh tâkah chuan dingin ka inher a “An bulah khân va tel rawh, nuam i tih êm kha kal nal nal rawh" tiin kan lo lam pan chuan chak zetin ka kal leha.

Min rawn zui leh tho, be duh lo chuan thlam thlen rualin ka chawfun chu dahin thlai rah vel lo tur chuan ka chhuak leha, kan lo hi hmeithai lo tih takah a zau lêm lo. Mahse chunga zîm pawh a ni chuang lo “Amak e, thinrim ngawt lo teh. Tlangval kan nia, nulate chu kan be ve bawk ang chu" a tih phei chuan ka thinrim zual lutuk tlat.

“A nih chu kal nal nal rawh, ka bula awm pawh a ngailo, engah mah min lo ngai ve lo zuk nia" tiin ka êm a khah rual chuan thlam lamah ka chho a, in nghatin ka hmanrua nen vau lui lam chu ka pansan nghal daih bawk. Biak pawh ka be peih tawhlo, min duh tak tak lo a nih hi, khatiang chung khân min la mutpui ania.

Vau a kawrte tui luanna ka thlen chuan in chiah daiin ka hawi veuh veuha, ka bula a rawn ṭhut chuan ngaihsak pawh ka tum lo. Ka hmanrua chu la in a pian deuha changel hmunah chuan ka vai kual zui pap papa, ka thinrim bawka ka kut thlâk a na ngei mai. Changel kung te  deuh chu chhum hmawk hmawkin an tlu zuia.

“Duhtawk rawh, Darpui duh tawk rawh" Saithana chu a rawn au ṭhata, ka tâwp ve hram. “Min lo tibuai reng lo la, kal sawn teh. Saithankhum keimaha awm ka duh" ti a kalsawn ka tum chu min rawn vuanin min man beta, thinrim sa ka ni bawk nen ka lâwm viau lo, kan insual buai chu a ni der mai.

“Kal bo rawh, min mutpui bâk i duh lo, thlâwk bo rawh" tiin ka nam vak vaka, a tâwpah awih panga ding kan ni bawk nên kan lum duna, dum uih lutukah kan la tâng zui, ka thinrim lutuk chu ka au tuar tuar mai.

“Che tawh lo teh, i ngaihdan hi kalpui nasa lutuk suh, mutpui a tân chiah ka hnaih lo che. Min rinchhiat em em hi bânsan tawh teh, haw ila inah ka nuin sahbawn a siam a, kan hmang dâwn ania. Chutilo zawng kan uih reng mai ang" tiin min thawh chhuah puia.

“Min zui reng reng suh, hmuh che hi ka chak tawh miah lo a nia, tûn a chinah chuan in hmu tawh lovang" tihmakin thlam lam chu ka pana “Darpui thinrim lo la, i ngai dik lo mai mai a nih kha, Thanpari te kha chu ka fiam mai mai a lawm, min ngaidam rawh. Ka tân chuan hmeichhe dangdai ber i ni tih hre bawk la, chuan he hmanrua hi khawi aṭanga i neih nge?" a rawn ti nghâl zat mai.

“I hriat ve angai lo, thlai veh i tum lo em ni?" tihchu ka zawta, “Tum lo niminah ka naute an kal alâwm, vah harh pui che ka duh vang mai mai ania, khawi ka ippuiah hian rawn khung rawh. Nang chuan engmah phurh hah a ngailo" tiin ka thlai lawh sa chu a ippuiah chuan a khung zuia.

Sawisel tawh lêm lo chuan êm ruak phurh aiah thing fak tlêm azâwng chu ka thawna, kan in chhawm haw leh ta hnak hnaka. Kan taksa lah chu dum a kan tlâkna kan berh nasa mai sia, kan hmai chenin a bal fai vek mai.

Haw kawngah chuan kan in be tlêm khawp mai, kawng sir a pangpar nalh zet zet chu thliak pahin ka zai leh rat rat ṭhin, a niin ngawi rengin min chhawm bawka. Kal dûn si a in be tam lo ber kan ni hial ang chu “Nula hmelṭha bulah chuan sawi tûr i hriat nen ka bulah chuan i ngawi chawi leh hle sia" ka ti chu a rum nghata.

“Ngawi mai mai rawh, an ni ai khân i hmelṭha tih i hre reng, tin titau tawh lo teh. Ka duhzia che chu i la hre zêl mai ang" tiin a ngawi leh daiha, ka ner nawng nawng thung. Kawtchhuah kan thlenga, naupang lo infiamten min hmu chu “Ramhuai" tiin an tlânchhe haw nghal veka, a va han zia lo tak.

An nute hlauthâwng lahin in aṭangin min rawn en haw haw hlawma, mahse kan hmêl an hmuh chian tâkah erawh an nui pût pût hlawm mai, kan inah thlai chu dahin in bual tumin an in lam chu kan pan lehnghala.

Khawlaia min lo hmutute lah chuan min lo en leh haw haw ṭhin, kan berh êm bawk a ni e. Nu Zampuiin min lo hmuh chuan min lo la nuih vak vak zuia, sahbawn chu la in keini pawh tuikhur lam pan chuan kan liam zui ta thuaia.

ZAWMNA.

Tuikhur kan thlen chuan mi an rawn kal palhah tiin a thlang lam ah thui fe kan chhuka, chutah chuan tui a lo tling khâwm leha, a hma ai a nawm hmêl zâwk zui. Phûr zet chuan ka thawmhnaw nên luh mai ka tum lai chuan Saithana chuan min rawn dang leh tlat tawh mai.

“Enge i hriata? Min thlah teh, ka intifai vat suh ania” tiin ka kut chu thinthlak mai ka tuma, a chelh nghet bawk si. “Min thlah teh ka ning” ka tih leh lai chuan rawn hnai thutin ka puan bih chu a rawn tawka.

“In phelh rawh, kan pahnih chauh kan nih hi. Engmah zah tur a awm lo, kan in hre tawn vek tawh tih i hria a ni lo'm ni?” a tihchuan ka thaw haka.

“I naute kha an haw tawh em ni?” ka ti daih chu rum nghatin “Zingah an lêt tawh, an khua a ngaihtuahawm ve tho a, kan thusawi thlâk tum suh” tiin amah zawk chu inphelh in ka hmaah chuan ruakin a ding ta to mai, kan berh dûn bawk si. A hmêl chu a hlauhawm lek lek mai.

Keipawh chu zak deuh tak chuan ka in phelha, ka panty nên tlawng chuan ka ding ta teu mai. Min pawm nawlhin tui chhûngah chuan min luhpui a, amah chuan sahbawn chu min hnawih vek bawk.

“Min hnawih lêt ve rawh” rawn tisupin lung bang chu a nghenga, chil lem khalhin ka hnawih ve bawk. A âwm vêl ka hnawih lai chuan min lo en ngar ngar mai, ka zâm lutuk chu tihreh tumin ka infuih ngar ngara mahsela a har lam mah chu a ni e.

Chutah ka kut chu rawn chelhin tak ngur chuan min ena, ka  en lêt ve kar bawk. A lamah min pawt hnai lehzualin a âwmah chuan ka kut chu a daha, sahbawn ka ken chu min lâksak in kan sir lung chungah chuan a dah daih bawk.

“Saithan enge tih i tum?” ka aw te chu a lâwi lek lek mai. A taksa lumna chuan tuichhungah chuan min ur sa ham ham bawk, ka zâm takzet “Darpui min en teh” a aw dam dap leh pa zet chuan a rawn ti a, muangchangin a mitah chuan melhin min lo en dân avâng chuan ka chil ka lem nghâl khalh mai.

“Ka ngaihtuahna i hria em?” tiin ka nghâwng velah chuan a rawn fâwp kual dan dana, ka lo thaw hak mai. Hepa min khawihna hi chu a dang bikah a lakah hian ka zawr vek nimaiin ka hria, ka thaw leh ham ham ṭhin. 

Ka hmuiah chuan muangchanga rawn fawpin ka tukkhumah a ṭham a, a nu tûnlai mi a nih vâng nge hepa hi ka rinai a zei daih mai. A chêt phung rêng rêng hi hmanlai mi a ang lo hrim hrim, a mah hi a tûnlai ka timai, a pian hmang leh hmêl hrim hrim bawk.

Ka panty phelh a tum chuan a kut ka man beh saka, “A chi loh, kan tingun mah mah, innei pawh kan la nilo a, min neih i tum em pawh ka hre lo ania, Saithan ti tawh lovang” ka tihchuan a rawn rum deuh nghuta, a mipatna khawng ul tawh chuan min nek lui salh bawk.

“Ka nei ang che, nang lo neih ka tum lo. Tinge min rinhleh reng mai le? Duh ni ila chuan kha lasi nula pawh kha ka nei ang chu, engkim i hre vek a ni lo'm ni?” a rawn ti nghuta, engmah ka sawi tawh lo.

Ka ngawih reng avâng chuan min rawn fâwp leh ngatin lung chungah chuan min hlâng nawlha, tui aṭanga rawn chhuak zui ve in ka chungah chuan a rawn bawk nghâl zata, a rit si ka thaw nghal hak mai. Ka taksa a khawih kual dan dan avâng chuan mitchhing diar diarin ka ena.

Ka taksa chu a danglam leh vek tawh bawk, chu chu a hailo tih ka hria. Ka hnute vêlah chuan fâwp kual dan danin ka panty chu a phelh zuia, a mah pawh chu insiam remin min kuah beta, a thil lian pui chu a rawn luh tir leh ta ṭual ṭual mai.

Ka thawk hip lêt kawkin ka rum zui dar dara, ka bawp pahnih chuan a kâwngah ka in kherh bet phah bawk. “Saithankhum ka hmangaih che” tiin lung chungah chuan ka zawi thla hnaka, a ni erawh ngawi ngulin uar zetin ala che thung.

Ka biangah rawn khawihin kan inmelh tawn rana “Thanpari kha hnaih tawh hauh suh ang che” ka tihchuan a nui suk ringawt.

Rawn che duh thawh sauhin ka chungah chuan a rawn bawk thla a, a rit ropui si a zawi ngat phei hi chuan a rit leh zual. Ka thawk a chham lo chauh ani “Awmsawn teh i rit ania aw, ka thusawi kha chhâng rawh” tiin ka nama, a awmsawn ve mai bawk.

“Thanpari chu enga tân nge ka tih ang, ka sawi tawh kha. Ka tân nang lo hmeichhia an awm lo, chuti nilo se nangmah avângin engah nge Vankima kha ka beih kher ang? Min ring duh lo a nihchuan sawi theih ka neilo, Thanpari phei chu i hre chiang hle lo em ni? He khuaah hian nang nên kan seilian dûn a, ka hnaih lai i la hmu lo ang” a tihchuan sawi tûr pawh ka hre tawh lo. A sawi dik chiah a ni.

Kan seilian duna, kan inkawm ngar ngar a. Hmeichhe dang a hnaih ngai lo tihchu ka hre chiang viau, chûng erawhin thil engkim ka hre tawh bik chuang lo. Mahsela keimah nilo a hnaih ngai lo tihchu ka la hre thei, mipa naupang pawh kâwm lovin kan inzui chawt zêl a nih kha.

Tûnah kum 20 ve ve kan ni a, kan chunga thil thleng chu a mak zâwk “Ka ring che a lawm, i lakah ṭhian mai nih ka duh tawh loh avâng zâwkin ania, ka thikthu ka pêk chhiat chhan chu ka hmangaih vâng chauh che. Chân che ka hlau tawh bawk, i hlat aṭanga awm hran ka duh tawh lo” ka tih tâkah chuan min rawn kuahin ka chalah chuan a fâwp zui zauha.

“Min chân i hlauh aia nasa in chân leh che ka hlau zâwk tih hre reng rawh. Ka hmuh phâk lohah awm leh tawh suh ang che, ka hmuh loh che chuan ka buai vek ṭhin tih i hre dâwn ania, hmeichhe dang vêng thâwng suh. An lakah min chân ngai lovang, nangmah hi ka duh ai rimtu i ngah mah mah” a tihchuan ka nuih hak ringawt.

“Nula ka nia” ka tihchuan min hmer salha “Ka nula i ni tawh, hre reng rawh. Ka ta i nia, mipa dang an ngai lo hrim hrim, ka nu hian min hrilh ṭhin a, i awmna hmuna an awmdân te, in ngaihzâwng awmdân thlengin” a tihchuan ka nui haka.

“Chuan chutiang chu i zir ve dâwn em ni?” ka tihchuan a rawn nui ve saka “Ka hrelo le, kan in ha tawh mai dâwn em ni? Mi an rawn kal hlauh ange” a tihchuan ka pawi ti bik lo, tho chhuakin kan in tleuh leh thuak thuaka. Inhru hulin inthlâkna kan ken chuan kan inthlâk zuia.

A ni pawh nu Zampuiin kawr a ṭhui sak a ha a, ti phei hi chuan tûnlai mipa ho ang mai a ni. Kan khua hrim hrim hi nu Zampuii avângin an changkâng phian mai, a thil siam an inbel nasa êm a ni. Lal ai pawhin an nei nung hialin ka ring, Saithankhuma lah hi pasalṭha a lo ni ve bawk si.

An nun hi a awhawm phian mai, “Saithan ka lu a na lutuk” kawng kan chhuak chho ṭep tih chuan ka lu chu a rawn na vaka, ka khaw hmuh a phe ruai bawk. “I ṭha em? Engtin nge i awm? Darpui” ka chhâng thei tawhlo, ka thil hmuh chu an thim hmuka. Thâwm hriat tur awm lovin a reh nghâl duk mai.

“Nang maw tinge hetia ka awm?” putar ka hmuh avâng chuan mak tiin ka en haw a “I harh chhuak leh vat mai ang, i boruak hip danglamin a ti chau mai mai che a nih kha, ngaihṭha takin awm rawh. Tin lasi te kha hnaih tam suh ang che u, tûnah hian nang leh i pasalṭha lâk hran leh dân cheu an zawng meka, mahse an ṭhen hrang leh tawh lovang che u, ka kal phawt ange” tiin a bo zuia.

Keipawh chu ka harh chhuak ve nghâla, ka nu lungngai zeta a lo awm ka hmu hmasa bera. Saithana rawn lût chiah nen chuan, ṭhenawm khawvengte pawh an lo awm deuh ṭhap avâng chuan mak ka ti ngei mai “I lo harh tawh maw?” ka nu in a rawn tihchuan ka ṭhu chhuak vata.

Saithana pawhin min rawn hnaih nghal ruak mai “I ṭha em?” a rawn tihchuan ka bu nghat nghata “Min ti hlauthâwng a lawm, khatiangin vawikhatmah awm tawh suh ang che” a tihchuan ka nuih a, ka nui a hmuh rual chuan a lâwm loh hmêl ngei mai.

“Nui suh, ka ngaihtuahzia che i hria em? Ka chân leh dâwn che emaw ka ti a sin” a rawn ti rum hmaka. A chêt dân leh ṭawng dân avâng chuan awm ve dang ho pawh an lo nui ṭha mai “Nu hrilhfiah teh, ka ṭha lutuk tih hi, ka chau deuh mai mai a lawm, engtin mah ka awm tawh dâwn lo” tiin ka nu chu ka ena.

“Chemte kan ngaihtuah êm che a sin, keipawh ka hlauthawng ve tho a lawm. Inchhûng a rawn luhpui hlimah che phei chuan i thi emaw ka tia, khatiang khân awm tawh hauh suh” a rawn ti ve bawk. An va han hahthlâk tak, a lehlamah chuan an hlauhthâwnna chu a âwm ve tho.

“Kha artui hi hip zo vek ang che, ka nu in ei zo ngei ngei rawh se a ti che a nia, i ei zawh loh vaih chuan a lâwm lo viau ang” Saithana bawk chuan a rawn ti leha, ka pawi ti lo viau. Artui te chu ka ngaina emai, chutia ka ziaawm takah chuan midang chu an ṭin zui phak phak hlawma.

Ka nu leh Saithana nên kan pathum chuan kan awm ṭhap a, ka nu chuan artui chu pum hnih min hem sak bawka. Mi an ngaihtuah bawk nên an tih ang ang chuan ka pawm tawpa, Saithana pawh kan inah chaw ei leh a tum tih ka hria, ka nu rawngbawl hi tui a ti êm êm reng chu a nih hi.

“Sakhi hâng ka van hâwp châk tak, awi ka ngaihtuah zâwng ringawt pawhin ka chil a pût, Saithan min kah sak dâwn tiraw?” tiin ka nuih tlawna, min la melh rûn rûn mai. Nichina ka nuih aṭang khân a nui hmêl ka la hmu lo hrim hrim.

“I ei châk loh kha” a rawn tihchuan ka ner naka, ei châka sawi na na na ava han sual thiam thei tak. “A pawi lo keimah ka ram vâk mai ang” ka tihchuan a kut chuan ka hmui chu a rawn hupa “Ngawi hle hle rawh, i duh chuan naktûkah ka ram vâk ang inah hian lo awm mai mai ang che” tihlukin artui ka nu in a rawn dah chu a mah chuan a chhîp lam tuk kehin min hip tir zuia.

Kan sarep Saithana te min hleh chu chhumin ka nu chuan a vila, keini pahnih erawh kan inhnial char char mai.

“Ka rawn tel ve duh” ka tihchu a phallo lutuka, chuvanga inhnial kan ni ber mai. “Nangmah a awm tir che ka duh hleinem, kan awm tlâng zêl tawh ang. Min bosan ve daih te ka hlau ve tho a, ka lo tel ve ang kan pahnihin ramvak ang” ka ti ve ngar ngar mai.

Enge ka pu thil min hrilh avâng khân a maha thlahthlam mai mai ka tum lo “Bawihi hmeichhia i nih kha, tu hmeichhia mah sapelhnaah an tel ngai lo, awm mai mai rawh” ka nu in a rawn tih pawh chuan ka hawi tau hmaka.

“Ka duh a nimai a lawm, min dang tlat suh u, ka tel dawn. A hma anga awm leh ka duh tawh lo, ka zui ru tho ang che” ka tihchuan luhlul min tih hmêl lutukin a thaw hrawka. Ka ngai pawimawh duh tehchiam lo, enge ka ngaihtuaha amaha awm tir mai mai ka phal tawh lo.