MANGRAM PASALṬHA CHAPTER 4

MANGRAM PASALṬHA 

CHAPTER 4 

“Tirawh Saithan daiah kal lawk ang" zîngah chuan an inah ka lo nghaka, Lalpa in khaw mipui a hrilh chhunga lo awm bo pui ka duh vang a ni. “Engah chuan maw?" a rawn tihchuan ka nui saka.

“Aw râl kut aṭangin ka rawn tlân chhuak ve em em a, min va ngailo ve. Tirawh, titi dun te pawh ka duh alâwm" tiin ka kai chhuaka, min zui ve mai bawk, kan pahnih chuan ramhnuaiah chuan lûtin khaw chhûng thawm hriat phak mai lohna tur hmunah chuan ka awm puia.

“Enteh kan naupanlai khân henglai hmunah khân infiamin i thusawi kha i la hria em?" ka tihchuan a nui ringawta “A rei tawh emai ka hre tawhlo" a tihchuan Saithana a nih lohzia ka hre chiang khawp mai. Saithankhuma kha chuan ala hre vek tlat.

“Keichuan ka la hre vek asin, a pawilo ka ngaidam ang che" ka sawi mek lai chuan khaw mipui thâwm rawn ri hluai avâng chuan a ding chhuak zawka, kal mai a tum chu ka man bet nghal vat “Eng emaw an timai mai ania'ng, lo ṭhu rawh" tiin ka pawt ve vata. A hun hma a thudik a hriat chuan a chi miahloh.

“Thil thleng a awm ani, ka lêt angai" ti a kal mai a tum chu tho chhuakin a hmuiah chuan ka fâwp ta siaha, a ni pawh a kal tum chu a tâwp chiang ngei mai. Tuilo viau mah ila ka dan rih angai miau bawk sia, min duh ru tih ka hre reng, min rawn chhâng letin ka mawngah chuan a rawn ṭham tawn tawna.

A rûk chuan ka ner sak sak mai, kan thlen thui tak tak hma chuan Saithanate an in peih tawh ringin ka awm sawn zui thuaia. “Let tawh ang hmiang, ka nuin min lo ngaihtuah tawh ang" ka tihchuan a hmui a tuai zauha, a hmelah chuan la kham lo hmêl te pawh a pu, mahse min nawr lui ngam dâwn lo tih ka hria.

Khawlam pan chuan kan inzuia, kawtchhuaha khaw mipui ho lo ding ṭhap ka hmuh chuan ka ṭhen saka, a chhan pawh an zînga hmaituam lo ding ran chu tunge a nih ka hre tlat a ni “Engthil nge thleng?" kan lemchangthiama chuan nu Zampuii te chu a zawta, an ni lahin engmah sawi lovin an rawn hnaih sauh mai.

“Ka lem i channa hun ka rawn ti tâwp dawn mawle, ka awm loh chhûnga ka ai i lo awh avângin ka lawm khawp mai" a hmai tuamna phelha rawn hmachhawn tu a hmuh rual chuan ka bula mi zâwk chu a meng kawka “Vankim min la hria maw? Kha in beihna ah khân phakar chhuahin min beih rawna, tûnah chuan i lasi puite pawhin an pui thei tawh hauh lovang che" Saithankhuma chuan rawn ti chhak chhakin keichu alamah min pawt hnai zuia.

“Ilo la dam phiangsen a nimaw? I thi tawh ngei ang, chuan khanu pawh kha ka chhuhsak khawp ang che, ka hmuia a fâwp kha chu a nuam teh a sin" a ti vêl chu eilo zet chuan ka lo ner saka “Lemchanna mai a nih kha, lo ngai thu tak lutuk suh, i tlanchhiat loh nâna ka ruahmanna mai mai a nih kha" lo ti ve sakin Saithana kut chu ka hum zauha.

Ka fâwp tih a hre kher kher chu tilang lem lo mahse a bula awm ka ni bawka, a taksa chêt zauh dân aṭangin a lâwm vak lo tih ka hre mai. 

“Tunah chuan dik tak leh hlemhletna tel hauh lovin aw" ti fakin an in veh zui ta dân dân a. Ka hlauthâwng ru riau “Dawi tello in min bei ngam ange maw?" Saithanan a tihchuan Vankima pawh a lo aw tawi tûk mai. Chutah in hnaih thutin an in sat ri nghal bur bura, ka hlauthâwng ru ngei mai.

Saithana chuan a hneh lo mai ang tih ka hlau, lasite theihna chungchuan zia thawnthuah ka lo hre fo tawh, thiltihtheihna an la nei tel zui. Ka hlauthâwng lo theilo, chutah in vai tawn zak zakin an la inkhawih fuh lo ve ve a, chu ringawt pawh chuan mi namai an nih lohzia a ti lang chiang viau mai.

Saithana chu vir zawkin a chem chu a vai chhuak nghal fua a, Vankima âwm chu a thi nghal sar sar mai. Chutah, a ni thinrim pawh chuan chet rawn la ve in a chem chu a vai nghal zawt zawta, Saithana ban chu a zai thi ve ta ṭhawt mai, insûm hman lovin ka lo au chhuak tuara, Saithana erawh na hria ang pawhin a awm hauhlo.

A nat dâwn tehlul nen, chutah ṭan han la lehin a tâwpah Vankima chu a au ṭhawt a, a mal chu a kau deuh huau mai “Ka u" hmeichhe aw rawn chhuakin khanu ngei kha a rawn langa “Nang kha i la hre khawp ang" min rawn tiin a u nên chuan an bo zui daiha, ka ner sak mai. A lerh lutuk vanga engkim hi thleng vek a nih hi.

Saithana chu pan vatin a ban na lai chu ka tuamsak malh malha “Ana viau em?" ti a ka en lai chuan mit a lo sân uk mai, chutah harh chhuak zawkin mipui an awm ve tih ka hriat avâng chuan ka zak hle. Kûn chala kalsawn ka tum chuan ka kut rawn man chatin “Tunah chuan pângngai takin kan awm leh thei tawh ang. Thudik lo hmanga bum in lo nih avângin a pawi ka ti hle mai, ka lem chang chung khân engchiah nge a lo tih ang ka hrelova, mipuite hriatthiamna ka ngên e" a tihchuan mipui lam chu an au dar dara.

“Ka pasalṭha a hun taka i rawn lêt chu a lawmawm hle mai, tirawh u le. Khaw lam pan tawh ang ule, kan pasalṭha hian hahchawlh te a mamawh ang" tizuiin khawlam pan chuan kan in zui dam dam hlawma.

“Ka kut hi thlah tawh la, ka haw ve ange" tisapin awm sawn ka tuma, a phal tlat lo. A naute ho kha kan bulah an la awm vek bawk nên min ti lai zo vek, hêng ho hian engkim an hre ve bawk si “Saithan" ka tihleh tâkah chuan lâwm vak lo hian min ena “Ka hliam pawh min ngaihsak miahlo in haw i tum a maw? Tin, kan inah nangmah ngei hian min luhpui la ka duh" a tihchuan ka hnial ta bik lo.

Ka nu pawh chuan min en liam tawpa, keini ho pawh in zui ṭham ṭhamin a naute ho chu lalpa chuan midang inah chuan a sem darh hlawma. Keini pahnih pawh an inah chuan inzui lûtin nu Zampuii te chuan min lo pui nghal zung zunga, a hliam vêl ka ensak lai chuan min lo en reng bawk nen duh ang pawhin ka che theilo.

Tuilum chuan sil fai sakin ka tuam zuia, bawlpu enkawl duh miau heklo. A damdawi siam vêl pawh keimah vekin ka hnawih, “Ka zo e, nu Zampui ka haw tawh mai dawn a sin, ka nu a lo buai lutuk palh ang" ka tihchuan an ni pawh chuan an lo remti ve maia, Saithana erawhin engmah a sawi lo.

Chhuak zuiin kan in lam chu ka pana, naupang ho infiam chu ka chhaih pah bawk. Hmanlai nun chu nuam ka ti riau, awm hlen thei ila tih chu ka duhthusam a ni, râlmuang lo ti ṭhin viau mahse a tam zawk an chuan tûnlai ai a nuam daih zawk. An in ngaihsakin an fel hlawm bawk si.

In ka thlen chuan ka nu nên chuan Saithana chungchang bawk chu kan sawia, mak a ti viau pawh a niang. Kei erawhin mak ka ti lêm lo, a chhan chu khawvel dangah min thawn bo theih chuan thil an ti thei tawk tih a hriat reng mai.

Zan lamah chuan tlangvâl ho chu an rawn lêng leh nak naka, kan in a te ve bawk nen kan tawt ve lek lek mai. Saithana pawh a ban tuam luk chungin mipa pakhat nen an rawn lût a, a hming ka hre lo nangin kan khaw mi tho a ni tih chu ka hria.

“Lo ṭhu ve rawh u, kha ṭhutna tur a la tam ania" lo ti ve mai in ka en duh lem lo. Ka zak ru tlat zêl, a hma a lasi tlangvâl in a lem a chan kha chuan amah kha a nelawm thiama,mahse tuna Saithana tak tak hi chu nel a har ka ti, a ṭawng duhlo in a mi uap ana ka timai. Mahse ka duhzawng tak a ni thung si, a zûna uai ana ka timai.

Tlangvâl ho chu titiin an nui leh dar dar ṭhina, ka lo tel ve zauh zauh bawk. An vaibelah chuan meiling chhuan sakin ka kal kual a, Saithana bul ka thlen chuan “Zanlaiah thingkhawn bulah lo chhuak ang che" ka beng bulah chuan a tawn ti a, ka bu nghat ringawt.

Midangin min ngaihven lo bawk nen a pawilo turah ka ngai, ka ṭhutna ngaia ka lêt leh lai chuan vawiin lama thil thleng bawk chu an sawi leha. Mak an ti viau pawh a nimahna kei erawh ka ngawi reng, kan inkârah thuthlun nghet pawh nei lovin min mutpuia, a tîrah khân min hria se khatiang khân a ti kher angem? Ka awm a nuam theilo.

Leng hâwn ar a khuan tâk al alah chuan tho phak phakin an chhuak hlawma, ka nu nên chuan mu thuaiin kei erawh ka mu meng kar thung.

Ngawi reng chuan awmin zanlai ar khuan hun chu ka nghaka, a rei duh hle lehnghâl. Chutah reife hnuah chuan a rawn khuang ta al ala, dim taka tho in pâwnah chuan ka chhuak zui ta thuaia, thingkhawn phên ka en chuan ala awm hauh lo, a ni hi min bum nge mawni?

Chutah ka hnunglam aṭanga ka hmui rawn hupin “Keimah" a rawn tih tâkah chuan ka inthlah dula “Kawtchhuah lamah" tiin min hruai leha, khawlai chu a reh tlawk tlawk mai, kawtchhuaha lungah chuan ṭhu in kan in nghêng riala.

“Saithan kan inkar hi sawifel a ngaiin ka hria" tisapin alam chu ka hawia “Ni e, ka sawi tum tak a ni Darpui naupan têt aṭangin ka hre tawh che a, ka tân mi bik i nihzia i hailo, ka duh che" a rawn ti tawla, ka nui sak mai. A rilru lang tlang vêk vawk tak hi ka duh nachhan pakhat a ni.

“Keipawhin ka duh mai nilovin ka hmangaih che" tiin a awmah chuan ka bei ta kaka, ka thlamuang suai suai mai. Min pawm betin lungphun phenah chuan min luhpuia, ka hmuiah chuan a rawn fâwp nghal tawn tawn mai. Lo chhang vatin a samah chuan ka ṭhamsak nak naka.

“Saithan min nghah tîr suh" tiin ka kuaha “Nangmahin chêt la rawh" a rawn tih avâng chuan nui sakin ka bawhthlu hmiaha, zahna hun a nilo tih ka hria. A puan ven chu phelhin ka puan chu ka phelh ve zuia “Ka hmangaih che" tisapin a mipatna chu ka ṭhut tlum riai riaia, thawk ka la nghâl hawk mai.

A ni pawh a pangngai biklo, rum ham hamin ka mawngah chuan a ṭham tawn tawna, thawm pawh dim sen a nilo. Rak ṭhat ṭhatin a chungah chuan ka bawk thla hnaka, min lo kuah in min lehthala, a mah zâwk chu a che ve ta thung. Reiloteah chuan zo ve leh in kan inkuah chiala, ka thaw halh halh mai.

“Min kalsan suh aw, Saithan nang lo chu in nghahna dang ka nei ve lo tih hi hre reng ang che" tiin a hnungah chuan ka chûl sak riak riaka.

Rei fe kan awm hnuah in siamṭha in kan haw zuia “Naktuk chu lo lamah kal ang hmiang ka rawn sâwm ang che" a tihchuan ka hnial lêm lo, lo lam ka la kal lo hrim hrima, ka kal ṭum khan min lo man kha a nia, Saithana nên ngei kan kal dâwn avang chuan ka phur ru viau bawk.

In chhûngah chuan lût lehin ka mu zui ta thuaia, hmeithai fa in a phu miah lo khawnbawl fapa ka hmangaih ta tlat chu ania.