MANGRAM PASALṬHA CHAPTER 3

MANGRAM PASALṬHA 

CHAPTER 3 

Ka mal na zawk zawk avâng chuan au chhuakin min deptu kut chu ka hmer sak nghal ngat ngata, ka men chhuah rual chuan khapa bawk kha a lo ni, Saithankhuma emaw ka ti leh tawh, a mit chauh chu a la ti langa. A kuta min khawihna chu a theih tâwkin a dim ve tih pawh ka hria.

“Ana lutuk" tiin ka ṭhen chak chaka, “Tlanchhuah tum lo tur i ni a sin, ka hrilh che kha. Ka kiangah awm la chuan engmah i tuar lovang" a aw chu a pa ka ti riau lehnghâl, Saithankhuma ai kha chuan a liana, mahse an mitmeng hi a inang ka ti tak zet.

Ka mal hliam a hruk mawlh mawlh lai chuan a hmai tuamna chu lo lâksak ka tuma. Ka kut chu a rawn man nghal chata, ka mitah tak a rawn en chuan ka ṭek chhawk thei, Saithankhuma kha ka duh viau emaw ka tia mahse engvanga hepa bulah hian danglam tlat zêl nge ka nih ka in hre bik lo.

Ka thlahlel ngawih ngawihte hian ka inhria “I hmêl tinge i thup tlat, ka hmu duh che. Chuan engvanga min hum nge i nih? In ral man ka ni a, engvanga min that lo nge i nih?" ti  a ka zawh lai chuan thaw hawkin “Hmeichhe that duh tur khawpa nêp ka nilo, ka hmai ka khuhna chuan chhan a nei animai, tunge i hming?" a rawn tihleh tâkah chuan ka ner nanga.

“Min that duh silo in ka zahawmna min lâksak tawha, engtia min tih zêl nge i tum. Enge i tan ka hming hriat a pawimawhna?" ti ve hmakin ka ke hliam chu ka ena, silai mu khan a fuh chiang lo a, a thawi thuak kha a nia. Mahse a kak thûk phian mai.

“Min hnial lo khân min hrilh mai teh" tihlukin min rawn hmer ṭawka, ka rak nghal ṭhat mai. Midang ho chuan kan lam an rawn hawi ṭhap a, ka hliam mi pahnih pawh an lo tuam ve bar mai. 

“Darneihpuii ka ni e, thlah teh a na lutuk" ka tih tâkah chuan mengkawkin chiang lutukin min rawn en hnaia, ka lo tawlhhnung rawk thung.

Chutah min pu lawpin midang awmlohnaah chuan min kalpui leha, ka hlauthâwng lutuk chu ka au chûl mai. Min khawih leh a tum em ni ang? “Khawngaihin min kal tîr rawh, min tina suh. Khawngaihin ka..ka duh lo" lunghmunah min luhpui in a kara tui lo luanna dai dapah chuan min ṭhut tira.

“Min en rawh. Ka mitmeng hi i hria em?" tiin min thing deuh nawka, keipawh ka tal lai chu tâwp chawtin amitah chuan ka melh lêt ve kara. A mitmeng chu, min aikaih a ni ber mai, ni e, ka hria a ni he mitmeng hi ka hria, mahse ka mi hriat nen an taksa pianhmang erawh a inang mawlh silo.

“Saithan" tisapin a hmai tuamna chu banin ka phelh riai riaia, min lo dang tawh biklo. Chutah le a hmêl ka hmu chiah chu mak tihna in ka khat, Saithankhuma nen an hmel a inang chiah chiah a ni, a biangah chuan ka chula “Engtin nge a nih theih? Khaw chhûnga awm kha tunge?" tiin ka phun sap sapa.

Ka hmuhsual emaw ka ti hial “Keimah ngei ka ni, Darpui, kha mihring thah tum khân ani he khua hi ka rawn pan, a nau nen in thurualin nang hi khawvel dangah an thawn che tih ka hria a, kan inbeihna lamah inhliamin a nu leh ka pa an lo inkawm ngeih si a, a thup nân a unaupa chuan ka lem a chang a nih kha" a tihchuan mak ka ti takzet.

Khapa Saithankhuma emaw ka tih kha lasi maw? Lalpa leh, kan chhûngte kha an him hauh lovang. Khaw mipui zawng zawng a bum tihna a nia, rapthlâk hian, a nau nen engkim an lo ruahman a maw? Ka theih tawpin ka bei ngei ang.

“A nih chuan Saithankhuma i nih si chuan enga tinge khatiang thil kha ka chungah i tih si" ka zawhna avang chuan a mit a chhing sawka “Khapa zûn in a phuarna che kha ka phelh a ngai tih min hrilhtu an awma, chuan kha thil kha ka ti ta mai a nih kha, a tâwp lamah chuan keichauh ka nihloh kha, nangmah pawhin min nawr luih ve tho kha" a tihchuan ka melh ngheka.

A rawn nui deuh hawk mai, keiin a nui hmêl chu ka lo en reng thung. Amah tak tak a nih vang a ni ngei ang kha zân pawh khân keimahah danglam a awm tlat ni, a biangah chuan dawmin ka ṭhut hnaiha. “Tinge a tirah i rawn lan vat loh? Kha pa khân min lo bum char char tihna ania, i sual lutuk" tiin ka chum data.

“Min haw lo em ni? I chungah khatiang thil kha ka ti si a" a rawn tihchuan ka lu ka thing nak naka “I bula ka awm khân ka danglam ve tho a, dem thei che ka nilo. Putar pakhatin helai hmunah hian min rawn hruai lût leha, amah vang chauh a intawng leh thei kan ni, Saithankhum ka hmangaih che" tiin reitak ka lo thup tawh chu ka hrilha.

A hmêl chu a rawn êng nghal sar mai, chutah kuah hnaiin a hmuiah chuan ka fawp nghal chata. Min lo chhâng let vat bawk, duhthawh zet chuan kan in fâwp tawn tawna, ka puan chu hlimin ka kawr hak themhlem zet chu a phelh zuia, ka na pawh ka hre chang tawhlo. Ka hnute chu a kut lian leh thap hrup chuan a rawn ṭham tawn tawna.

Kan in fawh-na erawh kan tâwp chuang lo, lei hik thlarah chuan min delh mu in ka chungah a rawn bawka, a mitmeng sexy zeta min en chuan ka tuiral nawn awn awn lo chauh a ni. A hmui nalh zet chu ka lo chulsak zai zaia, ka nuih ver ver bawk, “I na sia" arawn tihchuan a hmui chu ka hup saka.

“A pawilo, i rawn tlai ṭêp tih i hria em? Rawn hmanhmawh lo la kha pa zunah khân ka lo uai hman ngei ang, a danglam ka lo ti renga. Nangmah i lo nih loh vâng lek a lo nih kha" tisapin a âwm chu ka chûl sak zai zaia “Ka nu kha i rawn luhna khawvêl aṭanga rawn kal ve tho a sin" a tihchuan mak ka ti lêm lo, nu Zampuii khân sahbawn vêl a siam thiam tlata.

“Ka ring a lawm, min nghah tîr rei mah mah a ni. Tumahin ka lak aṭangin emaw i lak aṭangin emaw min laksawn ka phal tawhlo, khapa khân a unaunu i duh zâwk angin a lan tira, ka lo awih hman ṭepa, ka hua che a nia aw" ka tihchuan a rawn nui haka.

“Hei ka rawn kîr tawh alâwm, an lemchan chu a tâwp ṭep tawh e, nang nen tumahin min ṭhen hrang tawh lovang" tiin ka hmuiah chuan a rawn fawp leha, ka lo chhang leh nghal zat bawk. A chêt dân hi a hmanlai mi lo riau ka ti a, a nu in thil a lo hrilh ṭhin vang a nimahna.

Ka mal chu a hliam tih hria in dim te in a che a, a rawn lut zui nghal zat. Thawk la ham hamin ka rum chhuak ham hama, a ni erawhin ka hmêl awmdan chu chiang takin a en reng thung, ka in pet fan fana. Ka mipa hmangaih ngei a ni tih ka hriatna chuan ka nawmna chu a belh chhah zual, “Saithankhum" chubak ka lam theilo, a rawn chet nat salh rual apiang chuan ka lo er ngâng ngâng a.

“Ka insum thei tawhlo, min hrethiam rawh" tiin a rawn che rang sauha, ka mal chu ana zawk bawk. Mahse ka tuar fan fan thung, ka nawmna tawrh mek chuan engdang mah min ngaihtuah tir theilo “I ta chauh nih ka duh" tiin ka kuah beta, ka fâwp nghal tawn tawn bawk.

Chutah zawi dûn hnawkin kan inkuah hle hle a “A tîrah khân Darpuii i nih ka ring lo lâwk a, mahsela ka en chian che kha chuan i ni tih ka chiang nghal maia. Enga tinge ral hnaih laia i rawn vah chhuah reng reng, ka hote zînga ngaihtuahna tawi deuh tawng phei la chuan i thi thei a sin" tiin ka sam chu a zût hliau hliaua.

Ka ke lei hnawng a tawh avanga vawt thlar chu tawmin amah chu ka delh beta “Khapa vâng bawk mawle, a unaunu nên khân lemchangin in ngaizawng ang chiahin an awma, nangmah emaw ka tih miau avangin ka thika, ka rawn feh chhuak alâwm; taka lasi an ni si a, engkim an hre tawh hial lo maw?" ka tihchuan nui sukin ka chalah chuan a rawn fawpa.

“Engmah an hrelo vang, lasi nimahse hringmite chin zawng zawng an hre bik hleinem. Ka la dam tih pawh an hre tawp nang, min zawng nasa a, mahsela min zawng hmu lova an beidawng ta a nih kha" tiin a chungah min pawt kaia, ruak ve vea kan la awm avâng chuan kan engkim chu kan in hmuh sak vek bawk.

“I vun chu a nalh zual sawt mai a" a rawn tihchuan lai zet hian ka nuia, ni e ka vun a var sara, an ni erawh an hnathawh nasat avângin a uk kharh thung. Ka mal hliam lai chu dim te hian a rawn chûl heuh heuha, a chêt dân dam ruih chu ka lo en ve reng bawk.

“Tho tawh ang, midang khân rei min lo ti palh ang. Chuan i hmai kha tuam tawh rih suh aw, i nu leh pa leh ka nute ka hmuh rûk a ngai a ni, engkim kan hrilh sa anga. Lal hnênah an lo hrilh thei ang" ka tihchuan a dik a ti ve nge engmah a sawi lem lo.

Kan thawmhnaw chu inbelin ka sama hnahthel ro kaite chu min thenfai saka, chutah in chûl mâm thuak thuakin midang awmna lamah chuan kan phei zuia.

In kai riala kan phei chu mak tih hmel takin min lo en hlawma, ni e, engmah an la hre ve miau lova.“In vaia chungah ka tihpalh takzet, chuan ka hliam avâng cheu pawh khân a hma kha chuan ka hmelma emaw ka ti cheua" ka tihchuan an rawn nui hak hlawma.

“Hei hi ka sawi tawh Darneihpuii kha a nih hi, tin, kan luhna tur khua hi ka pate khua a ni a. Ṭha zaia chinfel theih a ni a, chutih rualin keima lemchang an awma" a tihchuan an thum zui mar mar mai. 

“Lasi te hi kan pi leh pute aṭangin an sawi fova, mahse tun ah erawh hringmi nunah an inrawlh thûk hreta, chu thil chu kan tih tawp a hun tawh. In khaw rama ka rawn tlûk luh dân in hriat kha, hei hi ka hmeichhe hmangaih a niin thikna avangin hmun dangah min dah bo saka, mahsela a rawn kîr leh ta a nih hi; tin tûnah hian ka lem changin lasi pakhat chuan kan khua a awp bet meka, Darpuii hian ka nu leh pa te a lo han hmu hmasa anga, an niin min puih chuan kan tân kawng a awlsam tawh ang" a ti dap dap a.

An ni pawh chuan lu lo bûk khumin min rawn chibai zui sap sapa, ka lai lek lek mai “Tlem a tlemah kan lo in tina hman ṭep alâwm" tiin an nui zui dar dara, keipawh ka nui ve var var mai. Saithankhuma kut lianpui chu ka hum ran renga, thlah mai mai ka tum tawhlo, a taksa ka tawh hian amah diktak a ni tih ka hre thei tlat a ni, rinhlehna ka nei heklo.

Chutah tukṭhuante chu kîl ho in kan titi zuia, keipawhin khawchhûng lam an in ral rin tawh zia te sawiin ka lêt dan tur chu an sawi ho nak naka, Saithankhuma erawhin min ngaihtuah viau mai. 

Khawlam panin thâwm dim thei ang berin kan chhuak hlawma, mi sawmthum vêl bak kan nilova buaina chhuak lo zâwnga chêt lâk vat a ngai a ni.

Dai kan thlen dâwn chuan Saithankhuma nen chauh chuan kan kal duna “Min ngaihtuah suh aw, i nu leh pa te ka han hmu anga,  chuan an niin lal leh tlangvâlte an biak chhûngin i hmelma pa chu ka lo chhaih buai ang, min duh tih ka hria alâwm" in ring tâwk zet chuan ka ti a, a ni erawh angaih a ngam thei chiahlo, ṭawng lo chuan min chelh run reng ringawt.

“Saithan" ka tih leh tâkah chuan ka lamah rawn kûn hniamin min kuah chuan ka dârah khabe a rawn nghata “Fimkhur ang che, buaina i tâwk a nih chuan ka rawn kal nghal ang, ka lo en reng dâwn che ania" tiin ka hmuiah chuan a rawn fâwp leh vang vanga.

A awmsawn hnu chuan “Hlauthawng suh, min tina thei tawh hleinem, i hlatah tumahin min dah lovang ka tih tawh kha. Thudik hi lan chhuah tîr vat a ngai a ni" tiin a biangah chuan chuk zauhin khawlam pan chuan ka kal zuia, ka sam vêl chu ka tuai thur bawk.

Kawtchhuah ka thlen chuan lo feh haw ho chu an lo châwl ṭhap a, min lo hmuh chuan an mengphawk hlawm ngei mai. Chutah, a ṭhen chuan min rawn buaipui vatin kan in lam pan chuan min hruai hlawma. 

“Nu ka lo haw e" ka nu chu inchhûng lam aṭanga rawn tlan chhuak nghalin chutah min hmuh rual chuan ṭap chungin min rawn pana “Ka fanu i thi ta emaw ka ti a sin" tiin a ṭap hawm hawma, ka lo kuah ve vat mai.

In chhûng lamah chuan in zui lûtin ṭhenawm khawveng te pawh ka chin ngaihvenin an rawn lût phak phaka, nu Zampuii te pawh an rawn lang ve bawk “Darpui i rawn haw thei chu a va lâwmawm em, i ṭhianpa pawhin a zawng nasa che a sin, engtin nge i rawn tlân chhuah theih?" an tihchuan an vai mai chuan min ngaichâng bawk nen dawt chu ka phuah chawpa.

Ka hmanruaa ka beih leta hun ka neih ruala ka tlanchhiat thu ka sawi tâkah chuan an awih ve mai bawk. “I ṭha em?" Lasi Saithana lema chang ngei mai chu a rawn lût a, min ngaihtuah hmêl em em lehnghâl. A hmêl chu chiang takin ka ena, ka kuta a rawn vawn chuan Saithana bula ka awm a thil feel ka neih ang kha ka nei hauh lo tih ka hre thei.

“Ka ṭha alawm, ilo dam maw?" Ka tihchuan bu nghatin “Ka ngaihtuah lutuk che a sin, ka thu kha zâwm mai la chuan i bo lo tur" a rawn tihluka, ka lo nuih ringawt. Ka rilru chuan ka haw ru hle thung, Saithana lem a lo chang ringawt pawh hi ka hua.

“Ka chau deuha, nu ka ril a ṭam lutuk" ka tih tâkah chuan midang chu an chhuak phak phaka,  “Nu Zampui zanin chu ka lo lêng dawn ania" ka tihchuan engmah min zâwt lem lo in an bu nghata.

Saithankhuma lem lem pawh min ngaihtuah viau mahse chawlh hahdam ka duh thu ka sawi miau avângin a haw ve a, chutia mi an awm tâk lohah chuan ka nu chu thil awmzia ka hrilh mawlh mawlha, a ni pawhin mak a tih hmêl viau mai.

“Chemi a ni thei dâwn em ni?" a rawn tih leh chuan ka bu nghat nghata, a ni pawh in engmah min zâwt tawh lovin nu Zampuii te hrilh vat a ṭhat thu a lo sawi ve bawk a.

Zânah chuan kan mi lempa Zawlbuk kai hun awm velah chuan nu Zampuiite in chu ka pana “In awm maw pa Sai?" tiin ka lût zuia, an nupa a an lo awm ka hmuh chuan ka thaw huai mai. 

“I hliam nen enge nita, thu min hrilh duh nei tlata ka hriat che chu" pa Saian a rawn tihchuan ka khuh kharh kharha, “Tuma hriat loh tûrin ka duha" ka tihchuan ni Zampuii zâwk chuan kawngka chu ava khâr vata.

Chutah an bulah chuan ṭhu hnaiin thil awmdân zawng zawng ka hrilh chuan an ni pawh a ṭhâwng hle tih ka hre mai “Nu Zampui chêt kan lâk vat angai ani, Lal leh khaw mipuite hrilhhriat vat an ngai, a tirah keipawhin ka ringhlela, mahse a bula ka awm chiah khân Saithana ngei tih ka hre thei a ni" ka tih leh tâkah chuan nu Zampuii chu a rawn chet hlaka.

“I pa Saia nên kan intawn tirh pawhin lasi ho vâng bawkin kan buaia, an inkawm ṭhin miau avangin kei ngei pawh in ka tuar ṭep a sin, tûnah ka fapa chungah lehzêl chutiang chuan an ti amaw?" tiin a ṭawng khur dar dara, pa Saia erawh a hmel a la dam dap mai, Pasalṭha nihna a pu zo hliah hliah, Saithana khân a chhûn hle in ka hre bawk.

“Ka ṭhiannu chuan hetiang hian ka fate chungah a tih ka ring lo a sin, engpawh chu nise kan chêt vat angai a nih chu, zaninah lal ka lo han be dâwn ania. Kan fimkhur angai ang, kan hre chhuak tih hi hre rih lo se a ṭha ber, a fapa hmanga min bum duh hi chu an timah mah deuh chu ani e, he khawvêlah hringmite aia chungnun an awm love" tiin a rawn sawi charh charha.

“Ka haw phawt ange, naktûkah khaw mipui in koh khawm dâwnah min rawn hrilh ula, keiin a ni hruai pên dân ka lo ngaihtuah ang. Saithanan khua a rawn luh hunah ka rawn luh pui anga, an pahnih ngeiin an chingfel tur ani" tiin ka chhuahsan zuia.

Inah pawh haw lêm lovin ka nu ka hrilh sa tawh bawk nen dai lam chu ka pana, ka thlen chuan a lo reh ṭhiap mai. Ka hlau lek lek, a thim bâkah a la ngaw ṭha ropui sia “Darpui" ka hnung lam aṭanga min rawn kuah rual chuan thaw huaiin ka nui zui var vara.

Saithana lamah chuan inherin ka kuah nghal chat mai “Engkim ka hrilh tawh e, naktukah daiah ka rawn hruai chhuak anga, Lalpa leh i pa in khaw mipuite an lo hrilh thung anga. Chumi chhungin nang pawh khua ilo lût thei ang" ka tihchuan “Teuhlo mai, kha pa kutah khân nangmah in ka awm tîr dâwn lo che" a rawn ti tawi tuka.

A va hahthlâk tak, mi angaihtuah vang tih hre mah ila kan ruahmanna a chhiat ka hlauh avâng chuan ka thu chu pawm mai turin ka nawr ngat ngata, a tâwp an chuan a aw ve ta hrama, haw mai lovin kan pahnih chuan leiah ṭhuin a dârah ka beia, kan titi dûn sep sep a, kan inhmuh loh chhûnga kan hun hman dan kan sawi a ni ber, kan naupan lai zawng zawng nên lam a hriat avang chuan amah a ni tih ka chiang zual..

A chhan chu kan pahnih thuruk thlengin a hre tlata.