LALHRIATPUIA CHAPTER 32

LALHRIATPUIA

CHAPTER 32 

“A goal e a goal e " ka au chul mai, Hriatpuia chuan ka lam hawiin flying kiss a rawn pek rual chuan screen ah ka hmel a rawn lang kuaua, ka zak ngei mai, mipui lam lah chuan min en thup lehnghal. An khelh leh takah chuan thaw ham hamin ka thu rana, mipui hma a min rawn tihdan kher chu lawm viau mahila ka zaklo theilo. Ka thil tawn ngai loh a niin awmdan tur pawh ka thiam hek lo.

Hriatpuia te chak chu an mahni tantu mipui chu an au dur dura, keipawh ka hlim takzet. An rawn chhuah hnuah Hriatpuia chuan min rawn pana, a mit ko san euh euha min rawn en chu lo nuih seihim ka hnaih nghal vat “Ka ti ang ka tih tawh kha, ka thutiam chu ka hlen ta phawta. I thutiam i hlen hun Taitai" a rawn tihchuan ka chil ka lem khawlh mai “Mi awm loh hunah aw" ka tihchuan a rawn nui suka, a bu ve nghat tho.

A car chhunga kan luh veleh ka lamah a rawn awn hnaia, a duh ka hriat chian em avang chuan a hmui sen deuh chakah chuan ka fawp de de, duhthawh zetin min lo fawp nghal tawn tawn mai. Kan inthlah rual chuan ka sam chu ka bengah zepin a thaw ham hama “I rim hi a tui takzet, eizawh vek che a nia ka duh" a tihchuan ka nuih saka “Min ei zawh in min hmu tawh nang" tiin ka fiam zauh va. Nui vur vur chuan min tlan chhuah pui nghal zat, kan thlenna hotel kan thlen rual chuan reporter ho chuan min lo bawr nghal sup sup mai.

Milar tak chu ka ti thei lova, mahse India ramah rau rau chuan hre tu a ngah tawh bawk nen khawiah pawh camera hian an zuiin ka hria, chubakah milar deuh hmeichhia emaw mipa emaw inzui an hmuh hian an ngaihven zual thin bawk si. Hriatpuia chuan an zawhna zinga pakhat chiah a chhanga, chupawh a nupui ka nih thu in a ni, a tawk ka ti viau mai. Room kan thlen rual chuan AC chu ka on nghal vat “Tlai lam chu tuipuikamah kan kal dawn a nia," a tihchuan ka phur leh pek viau.

Zirsang ve viau mah ila helam hi ka kal ngai loh avangin tuipuikam hi ka la hmu lo hrim hrim bawk nen ka kal chak chhan pakhat a ni “Thla te kan la anga a nuam dawn lutuk" tiin ka zuang euh euha, ka awmdan naupang chhia zet chu a lo lawm ve lehchhawnga. Kan pahnih chuan insiamin tuipuikam lam chu kan panduna, ka titi leh pah mawlh mawlh mai, ka chhungte a be tawh a. An ni pawh an beidawng ta nge chutia min inthen tir an tum tawh hauhlo.

Chu chuan tlemin min ti thawveng ve ta deuh, Hriatpuia nu leh pa erawh an ngaihdan ka la hre hauh lo thung. Tuipuikam kan thlen chuan mipui an lo tam viau mai, couple an tam bera. A dang erawh chhungkua a kal te an nih hmel, sap an tam viau bawk. Hawi kual ruaiin in awm vel te chu ka enkuala, Hriatpuia chuan ka kutah a kai run mai bawk nen amah hretu an ni ngei ang a then chuan rawn bia in an chibai nak nak hlawma.

Hriatpuia chuan an zawhna te chu tha taka chhangin a nupui ka nihthu a sawi thin laia an hmela mak tihna chu ka hmuh hmaih lo. Ni e ala naupanga, a vanglai a hmang dawn chauh tiha nupui a neichu amah duhtu leh ngaisangtu tan chuan a uihawm ve viau ang le. Kan milar tam tak leh infiamna lama kal ho te hi chu kum upat lama nupui pasal nei an ni thin miau va. A awm lo love.

Hriatpuia pawhin hmalam hun thui tak a la neia, infiamna lamah a kal bawk nen nupui nei lo in infiamna lam ngawr ngawrah a kal theih chuan ama tana a that tur zia lah ka hailo. Mahsela a mah berin a duh miau si a enge keiin tih theih ka neih chuan, ka hmangaih ve tho si a. Tui chim chin ah chuan kalin tiau vuta ka ke pil thaih thaih chu enin ka thaw chhuak suai suaia, a dai sawng sawng mai.

In ngaizawng tam tak pawh kan awm angin an awm ve tho va, ka zak duh lutuk bik lo. Mizoram a awm kan nilo bawk nen chungin mi mitmei ven vak ngailo chu a nuamin a hahdam thlak, nimahsela kan sakhuana atanga ena mawilo lutuka awm chu ka duh chuang lo thung. Ni e mizo te pawh kan changkang chho zela, chutih rual erawh chuan kan in ngaihzawnna leh kan inchei danah pawh kan sakhuana nen a inmil a inchei thiam leh awm thiam erawh a tha viau.

A chhan chu kan changkang viau emaw kan tih pawhin nu leh pa bakah thenkhat min hmuhdan ah chuan a mawilo in kan zahpuiawm leh tlat thin. Mi ram anga thawmhnaw sexy tak tak leh khawlaia in fawh vak vak te emaw hi kan ram angah chuan ala theih loh a ni ber, chuvang a niang heti taka leak out emaw ho te a kan lar hluai thin ni. Kan rinna hian min dang ve tlata, ni e thianghlim tak hian a in ngaihzawn theiha. Taksa lang tam thawmhnaw inbel miah loh pawhin mipa mit kan la tho tih hi kan hriat a tha.

Taksa lang tam thawmhnaw ha hmeichhia chu mipa in an zuam tlangpuia, an chhaih nawm nah reng bawk. Mipa chauh hi dem turah ka ngailo, chhut chet chet hian kan thawmhnaw hak duhdan atang rengin mipa in hmeichhe rilru thenkhat hi chu an hre ve reng tih hi hriat tur ania, sexy tak takin social media ah kan in post vak vaka, mipa in min rawn be nuaih nuaihin a thenin min chhaih nawm naha. FIR kan han tinghal thin hi a tha ber lo ka ti ve tlat.

Chutih rualin thawmhnaw zahawm tak inbela, tumah va be lem lo mipa mawl zualin an va be nawmnah thin erawh hi chu kan mizo mipa then khat nundan mawi hre ta lo lutukah ka puh ber thung. Hmeichhe biak dan mawi an hre tawh lova, va biaka mawi hnai taka biak awm lovin hursualna lamin an va be nghal tawnga. Keimah ngei pawhin ka tawng tawh, hetiang mite hi chu mipa tha leh pasal tlakah ka ngailo, tunlai mipa tam tak chin chhoh mek a ni zel bawk, kan hmeichhia ten hnamdang an neih kan huat si chuan keimah ni hi kan hmeichhia ten chhungkua dinpui tlaka min ngaih theih nan awm ila heti em em hian hnamdang nei an tamin ka ring lo.

“Taitai" Hriatpuia chu ka en ha a, mak tizeta min lo en chu nuih hak hakin “I duhawm lutuk" tiin a biangah chuan ka piai sak zauh va. Duh lo lutukin a tuma, chu chuan a biang tipuarin a ti duhawm deuh deuh lehnghal, hepa hi chu avahan tha chiang tak “Veilohtheihlohpa ka nunna pawh chan huamin ka vuan tawh ang che, ka thlah leh duh tawh miah lo che ania" tiin ka nuih var vara.

“I thutiam chu hre reng ang che Lalthakim, ka kut hi vuanla thlah leh tawh suh ang che" ti a ka kawnga rawn vuanin tui chim chinah chuan min vir kual puia, nui uar uarin a biang tawn tawnah chuan vuanin ka fawp zauh va. Chu chuan a tihlim hle tih ka hre thei “Hriatpui, a hma a ka ngaihdan zawng zawng che i thlak a ni, ka hmangaih che a ka hmangaih reng fovang che. Mipa rilru puitling tak i nih avang pawh hian ka lawm e, min thlah duh loh avang pawhin" tiin mittui tling pamin a tawp lam chu ka tawng chhuaka.

Ni e hepa ka tawng hi ka lawm takzet a ni, a tello hian engtin nge ka awm theih tawh ang tih hi ka ngaihtuahna a ni fo mai. A hmeltha a, tunah phei chuan hmeichhia tute pawh bem dawn se a ngaihtuah awm hek lo, Chung zawng zawng kara kei chhuan tur neilo, mite sawisep kai min thlang hi engah nge ka lawm loh tehlul ang “Nangmah i nihna ang hian ka hmangaih chea, i nunhlui chu engpawh nise ka pawm thei che. Keimah avanga i nun chhia hi engtin nge ka dem phal ve ang che, ka hmangaih che Lalthakim" tiin min dahthla in a kawngah chuan ka inkherh bet nghal thaka.

A awmah chuan ka bei nghal chial bawk, a rimte a aw te a engkim hi ka ngaiin ka thlahlel ngawih ngawih a ni sia le, engtin nge ka lo kalsan phal zawk ni. Haw lamah chuan restaurant ah chawl dun in eitur tui hnai tak tak chu min ei puia, a tul hunah puitling takin a che a. Duat a phut hunah a naupang chhia leh maia, mi a duat duh hunah erawh ka tana famkim tur khawpin mi a care in a che romantic thiam riau bawk thin lai hi ka duh zualna chhan a ni.

Ka sa ruh khel chu a ti tha nen a nih nuaih avang chuan ka pet vak bawk nen chelh nghet zo lovin a thlawk chhuaka, Hriatpuia hnunga lukawlh luah tak chuan a va inperh ri fawk mai. Zak lutuka ka kun laiin Hriatpuia chuan ngaihdam lo dilin a tum vang a nih loh thu leh sa a sak deuh thu a sawi chuan chupa pawh chuan hrethiam takin a pawi loh thu in a lo chhanga.

Ka thaw huai mai, ka tih a ni tih sawi duh miah lova a mah a insawi leh avang chuan ka thinlung chhungril lam atang chuan ka nui ver ver mai, hepa hi chuan mi a thup mawi hneh thiam takzet .

ZAWMNA

“Hriata hei hi tunge" restaurant atanga kan chhuah chuan vai hmeichhe hmeltha zet hian a lo bia a. “Maya hei hi Tha-i a nih hi" nuisangin chunu chu a hmachhawna. Midang bula a nupui anga min sawi laiin chu nu bulah erawh a dang daih chu ka lawm vaklo. “Oh ilo chhuh huna party kan tum kha ila hre reng ang chu maw? Naktuk zanah tih tum ila lo kal rawh aw" a tihleh chuan ka lo ner saka.

Lalhriatpuia chuan a hnial dawn emaw ka tihlaia a pawm avang chuan tum hmakin ka kalsawn nghal nal nal mai. Car kal pelh ka tum chu ka kutah a rawn man nghal chat mai “I thinrim em ni?" a rawn tihchuan rum zetin ka melha “Tha-i a nih hi" tihchauha ka chhang chu a ner nung mai, car chhungah chuan min thut tira. Ka tawng duh miah lo chu min en zauh zauh mai “Taitai i thinrim em ni?" “Tha-i a nih hi" ka lo ti leh chu a rawn rum nghut mai.

“I lungawi loh chuan sawi mai la khatia awm kher kha a ngailo" a rawn tichu “Tha-i a nih hi" ka lo tileh ngata. Hmeichhe hmeltha a duh anihchuan pan mai rawh se, min be tawh bik lo in kan thlenna kan thlen thleng chuan kan inbe lova, room hawnga khum lam ka pan rualin min rawn zui ve nghal zat. Khuma mu in phone chu ka ensana, intihfai pawh ka peihlo a mood ah ka cheng hek lo, min rawn kuah a tum chu ka lo tawlhsawn nghal hmak mai.

“Taitai ka tihpalh" a rawn tihpawh chuan chhan tumna ka neilo, ka thinrim laklawh tlat. Khanu hma a min ko duh lo khan tunah min ko leh vel a maw “Min tawk suh " tiin puan chuan ka inkhuha, ka lama a rawn tawlh hnai rual chuan thawh chhuah tumin ka chea, min kuah bet nghal hmiah mai. “Ka tihpalh, mahse khanu kha ka thian bak a ni miah lo a nia, thinrim suh. Taitai ka tihpalh" a tihpawh chuan chhang lo in ka mit ka chhin sana.

Awmsawn ka tum tawh loh avang chuan a ni pawh chu inthlah dulin a thaw chhuak suai suaia, a mutthilh hnu chuan ngawi renga a lama inherin ka en kar a “Hriatpui chan che ka hlau mange, ka zui leh che hi ka tisual angem le? Keiai tha hmeichhia in an hel reng chung che hian engtin nge ngaihngam taka ka awm theih ang" tisapin ka tho chhuaka. Bathlarah chuan thu chhuakin Mumbai khawpui lang pe tuar chu thlirin puan chu ka sina.

Ka nunhlui te ngaihtuahin ka zu in lai te chu ka ngaihtuah chhuaka, inchak chang nei mah ila Hriatpuia laka ka inthlahrun vangin ka insum tang tang kha a nia, tunah lah hmeichhe hmeltha zet in a rawn bia in an inpawh hmel hle bawk si. Keilah ka vun te a mawilo in a vuai chho tan chu a nimai sia, tleirawl ti tuai nalh chu mipa tan pawh an mit an la nghal zel chu a ni si a. Ear phone chu vuahin ka mit ka chhing vang vanga.

Ka chhungte ka pawh ngam tawh lova, keimahin ka awm ngam tawh hek lo. Engtin nge ka awm chhoh zel dawn le? Ka hma a rawn ding awm anga ka hriat avang chuan ka mengchhuak riai riaia, thingthia ka kut rawn vuan tu chu ka en ha mai,ka ear phone chu la thla in Hriatpuia min en reng chu ka en let a “Ilo harh elo?" ti a thawh chhuah ka tum chu ka malah chuan a lu a rawn nghata “I bo emaw ka tia, ka hlauthawng lutuka. Taitai min kalsan miah suh aw" a tihchuan ka nuihsak ringawt.

A lu chu ka tuaisak zauh va “Thihna te ka chungah a thleng a nih loh chuan ka kalsan lovang che, a chhan chu ka neihchhun i ni tawh a lawm. Ka thi ta a nih pawhin ka ngaihtuah lo che Hriatpui" ka hmuiah chuan a kut in a rawn hup chawta, rawn tho chhuakin ka chalah chuan a chal chuan rawn tauhin a thaw ham ham mai “Thihna kha sawi suh, ka ngaina lo. Kumkhua in kan cheng dun dawn a lawm, thih na hi ka hua" tiin ka mittui chu a rawn hru zauh va.

Engtin nge ka tap tih a lo hriat leh hman ni “Kan hma hun kan hre hleinem Hriatpui, chuvang chuan engmah ka tiam thei lo che, tuna kan innei leh tur pawh hi a tha ber angem ka hrelo a ni" tiin ka phun sapa. Min pawm kang nawlhin inchhung lamah chuan min luhpuia “Sawi tawh suh, ka phallo ka bulah i awm reng dawn a lawm. Min ngaidam rawh aw, mahsela Maya kha ka thian bak a nilo tak tak" a rawn tihleh chuan a lu ah chuan ka tuaisak zauh va.

“Muhil tawh ang" tiin khumah chuan muthla in ka kuaha, a ni pawh chu a mit a chhing leh mai bawk. Chan ka hlauh luatah a lakah ka thikthu ka pe chhe fo va, midangin a mit la in min phatsan ang tih hlau reng renga awm chu ka rilru hi a tinuam lo in min tichak lo telh telh ni ber in ka hria, hmangaihna an tih thinah hian he thil hi a tel ve ngai a nihchuan thih pui khawp hiala chak a lo ni ngei dawn a nih hi tih ka hrechiang khawp mai.

Hmangaihna hi ka sawifiah thiam lova, ka lanchhuah tir thiam heklo. Mahse ka nun leh ka awmdan a chik a, a enthiam a nih ngai chuan a hrethiam ve ngeiin ka ring a ni, a muhil hmeltha zet chu ka en renga “Hriatpui, engtin nge ka tih dawn che le" tiin ka phun sep sepa, tuna ka hlauhthawn ber chu a thiante thu a ngaihpawimawh luatah hian a nun a tihchhiat vek ka hlau a ni ber. Dina te ho kha awm ve se chuan heti em em hian ka hlauthawng lo tur, hindu tamna hmunah kan awma.

Zu leh party, hlimhlawp chi hrang hrang engah ngai lo va ti pawp pawp mai zel ramah kan awm miau si a. Suala a tluk ve hi ka hlau a ni ber.

ZAWMBELH

“Party ah chuan kal i dawn lo em ni?" ina a awm reng avang chuan ka zawta. A lu thing nak nakin ka kawngah chuan a kut pahnih chuan rawn dawmin min pawt hnaia “Kal dawn lo e, a hmuna hnial kha ka duh silo a engmah ka sawi lo a nihkha, chuan Tha-i ka ti che kha i lungawi lo tih ka hria a, mahse ka sawi tawh kha Maya khan ka laka i pawimawh zia a hria a lawm. Chuan keiin phatsan che ka tum lo bawka, hlim takin awm tawh rawh le, i nuih loh chuan ka mood a fuh theilo" tiin ka biangah chuan a rawn piai zauh va.

Keipawh chu ka nui ve ta sak saka, “Naktukah Mumbai hi kan chhuahsan dawn a nia" a tihchuan ka en ha a, “Thlakhat vel kan awmdawn i ti emaw tia" ka tihlai chuan nui put putin “Nia mahse i thinrim sia midang i neih ka hlau sia, chuvang chuan inneih vat vata. I kuta ka nupui i nihzia tihlanna tur bun la ka duh tawh a lawm, chutilo chu ka chân palh ang che" a tihchuan ka nuih haka. “Anih vur a tawlh vel chu" ka tihleh chuan ka samah chuan a rawn chul zauh va.

“Haw pahin kan kal kawi dawn a lawm, kan fang vek ang. Khilam ka be tawha, dan 2 na in kan innei dawn bawka, mahse ropui thei ang bera tih ka duh " tiin a nui leh var vara. Hepa hi chu ava han hmeltha tak em, a rilru thatna avang hrim hrim pawh hian hmelchhia tih phal lah a ni heklo, a thiante ni ngei tur chuan an rawn phone a “Ka lo kal thei lo ang, ka nupui hi amah maia kalsan ka duhlo. Bakah khatiang chu ka ti ve ngai lo tih in hriat kha" tiin phone chu a dah zuia.

A awmah chuan bei thakin ka thaw chhuak suai suai mai “Dina te ho pawh ka be tawha, an ni pawh kan inneih ni ah chuan an lo kal ngei ngei ang. Khua ah an awm ve thei dawna, kan insakna tur pawh an lo buaipui thei ang chu. Ka hlawh hian khua ah khan football training na tur siam ka tuma, khawtlang hruaituten an rem ti tawh bawk nen sum tlem a zawng kan lo thawh chhuah theih pawh kha a hlu a lawm" a tihchuan ka bu nghat nghat mai.

“Keipawhin ka pui thei ang che, ka inkhawl ve nual tawha. Engtikah emaw pasal ka la nei ve ngeia ka rin avangin inthen hun pawha ka baihvai loh nan ka inkhawl ve hram hram a lawm" tiin ka nui haka “I nuthlawi tawh hauh lovang. Ka ta i nih hi" tiin ka hmuiah chuan a rawn fawp vang vanga. Khumah chuan inkuah chiala mu in ka dul chu a chul hauh hauh va “Kan naute khan apa hi a ngaidam thei angem le?" a rawn tihchhuah tak supah chuan ka en nghal vat.

A hmela inthiamlohna leh natna ka hmuhsak avang chuan a kut chu ka hum sak vang vanga “A pa ka ni hi min haw viau ang, lo pian chhuaha khawvel hmachhawn ve te kha a chak dawn a sin, a pa avangin a ti thei ta silo. Kan naute khan min ngaidam thei tak ang maw?" inchhirna nena a sawi vang nge ka khawngaih viau mai “A haw reng reng lovang che. Kan chan loh tura khuanu in a ruat pawh a ni zawk ang, a la hun lo te pawh a nimahna, midang tha tak kan la nei mai thei asin" tiin a kut chu ka hmer nghet salha.

“Nangmah inthiam lo tawh suh aw, ka hmangaih che a kan naute pawh khan a ngaidam ngei ngei ang che. A pa in a nu a hmangaih zia a hmuh hian a lawm dawn em a sin, a nau tur te kan pai thei a nih ngai chuan a ni pawhin min en ve ngei ngei ang " tiin a samah chuan ka chul saka. A thaw huai ka hmuh chuan ka hahdam sawng sawng mai, “Muhil rawh, ka lo awi ang che" tiin a hnungah chuan ka bensak thek theka.

Mi in hmangaih tak leh khuanu in a ruat dik tak chu eng dinhmun leh harsatna pawh tawk mahse an intawng leh nge nge thin. Inthenin hmun hla takah in kalsan leh thin mahsela, thinlung lam inzawm tawh chuan intawn a, awmdun hun an nei leh nge nge thin. Hmangaihna hi neih awlsam tak a ni a, mi thenkhat in hmangaihna a awm nghal thei lo ti thin mahse, kan pianpui thinlungin a than hnan leh siamtu min siam chhan hian hmangaihna chu awlsam takin a neih tirin a awm tir theia.

Nimahsela chu hmangaihna awlsam taka rawn awm thin chu tihreh leh erawh a harsa takzet thin mai chauh zawk a ni. Mihring tute pawh hian hmangaih kan nei veka, kan thlah leh thei mai ngai heklo. Chutih rualin inhmangaih tawn ve ve innei thei erawh an vang viau thung, an sawi fo thin hmangaih berte kan nei theilo tlangpuia, kan hmangaih ber dawt chiah erawh kan nei fur thung an ti thin.

Dik pawh a dik ngei ang, kei atan erawh hmangaih pakhat chiah ka neia. A ni ngei pawhin min hmangaih bawk, a hmangaihna zau zawng hre turin a thinlung leh ngaihtuahna ka hre phak lova. Mahsela a awmdan leh chetzia ah hian tam tak ka hre thei thung, tam tak chuan min tidanglam theitu leh min sawi nghing thei tu hi kan hmangaih niah kan ngai fo va, mahse hengte pawh hi a lo dik vek kher lo bawk.

Hmangaihna hi chu amaka, hrilhfiah sen a nilo. Kan hmangaih viau ni a kan ngaih te pawh hi an kianga kan awm chiah hian kan thinlungin a pawm tak tak em tih hi a lang chiang fo thin si a. Hriatpuia laka ka awmdan erawh chiang takin hmangaihna dik tak a ni tih ka hre thei thung. Alaka ka awmdan angin tu mipa dang lakah mah ka la awm ngai hek lo, amah aia hmeltha leh neinung tur pawh ka hmu ve teuha.

Mahse mit leh thinlung in thlan bik a lo neih zia hrechiang turin amah lo ka hmu mawi thei tlat silo a ni. Ka awma beichial chunga thaw sak sak chu ka ena, a lu pawh ka duh dan ang thlapin a met leh tawha. A chhip buk lai chu ka tham sak nak nak mai, a thawk zawng a ka awm rawn lum leh pap thin te pawh chu ka hrechiang viau. Chung thil ho te te pawh chuan min tihlim pha tlat si.

Movie velah ka lo hmu in ka lo en fo va, tunah a takin ka tawng chho ve ta chu mumang te pawh a ang rum rum mai. He hmangaihna hi ka tahpuia, at phah dawn khawpin ka la na a. Mite sawi kai khawpin ka dawh in ka nghak thei bawk, thil mak tak chu a lo ni e. Mi thlak danglam hnehsawh thei ber ka tilo theilo, huaisenna, tumruhna leh chakna min pe a, kehchhiatna, natna leh mahni nunna hial la thei tur khawpin min thunun hneh chu a nimai si a.

“Hriatpui, hetiang em ema danglam hian engtin nge i pian theih le. Mahse mipa dang i an lohna tak hi vanneihpuitu leh hlimpuitu ka ni si, danglam ngai miah suh aw" ti a phun sep sepa a hmui leh hnar vel chu khawihin mutthilh tum chuan ka chhing zui ta riai riaia. Ka taksa zut dan dantu an awm avang chuan mengchhuakin Hriatpuia chuan min rawn fawp nghal chata “Ka mamawh che" tiin a thawmhnaw chu phelh sawk sawkin ka mutkawr pawh chu a phelh nghal veka.

Dan pawh tum lo in a awmah chuan lo chulsak ve in ka thaw hak hak ringawt. Nghakhlel zeta ka lo en lai chuan a rawn lut ta riai riaia, mitchhin mai ka tum lai chuan phal lovin “Min en rawh" a rawn ti bung nghata, ka menchhuah ruala a mitmeng thim raih raih leh na tuar ang maia a rum kawk chuan keimah ah danglamna a thlen lo theilo “Hriatpui ka..." rum ham hamin ka kuah nghet sauh sauh a “Tihlawm che ka duh a lawm Taitai—Oh" a rawn nawr na sauh va.

Rak that thatin ka zal nghal hnawk mai, a ni erawh uar zeta la che in reilo teah chuan a rum ve ta hawk hawka. Ka sirah rawn muthla in min kuah nghal chial mai, “Ka tina che em? Ka insum thei lo a" tiin ka ka thlan avanga ka nghawng leh awmvela bet thlar chu a rawn la kianga, ka sam hi a seia ka mawng a thleng zarh bawk nen a chang chuan a hnawk chu ka ti ve thina. Mahse tan tawi erawh ka phallo thung, a tawi leh a sei kan hmuhin kan awta. A sei leh a tawi kan awt leha, chuvang chuan hmeichhia kan nihna ang ngeiin a sei tur a ni ka ti ve tlat.

Tam tak mipa ang maia an bek china tan kual vel te hi an in hmeh leh inhmeh loh lam ka ngaihtuah ve lo. Hmeichhia kan nihna ang ngei hian sei sela, chu chu keimahni min chawi tu leh mipa te mit la tu a ni fo zawk. Kan sam hi min chawitu ber pakhat a ni ve a, chu chu kan hriat hi a tha fo reng ani. “Tlai lamah kan thlawk chhuak anga, ka sawi tawh angin vur hmunah ngei kan in fiam ang, khawiah ber nge i kal chak" a tihchuan Jammu and Kashmir lam chu ka ngaihtuah chhuak vat.

Kan chhungte timai ila ka cousin Zorammawia te intawn lehna hmunah ngei khan, ani chu thi tawh mahse a sulhnu fan pah a nimai. Tun thlengin a nupui lahin ala ngai em em renga, an fapa lah a lian ve tawhin a pa ang mai a ni leh nghal, a chang chuan ka lainat thin. Sipai te nun hi a tawi thin si a, u Zoa lah kha a nupui a duatin a hmangaih bawk nen a thi hma lutuk kha ka ui takzet. (AN STORY HI THE PROTECTOR KHA AW) 

Ka kal duhna ka sawi chuan alo pawm ve mai bawk, mahse rei erawh kan cham dawn lo thung. Tunlai phei chu ram ri a buai ngun riau lehnghala, inbual faiin kan insiam dun mawlh mawlha. Ka pum tileh nghulh thin chu hre mah ila ka pum chakloh vangah ka ngai mai bawk, airport kan thlen lai chuan tu emaw hian an rawn bia a. Ka hriat a hlau nge a kalsawn daih lehnghal, a rawn let leh chuan biang ti puar vekin ka lo ena. Min hmuh rual chuan a rawn nui nghal hawk hawk mai.

Ka biangah chuan a rawn piai zauh va “Kan inneihna lam tur a nihkha, ka ruahmanna erawh i hriat a rem rihlo. Thuruk a ni rih tlat" a tihchuan ka zawt zui tawh bik lemlo, engtiang taka tih tum nimaw. Thlawhna chhungah chuan kan thu leh ta vanga, zin leh haw tur ho chu an phun mur mur mak. Thlawhna a thlawh chhuah tan takah chuan chungin an bengchheng ta lo hlauh va. Hriatpuia kut chelh chuan thlawhna darthlalang atang chuan chhum chu enin tlai lam ni khawtlang lama liam mek chu ka ena.

Ka thlawk nimaiin ka hria, nui var varin Hriatpuia chu ka ena “A mawi zia saw, chhum chunga thlawk angah ka in ngai" tiin ka phun sapa, a ni erawh in ka dara beiin a nui reng ringawt. Zanah kan thlenga, hotel ah in nghatin hetah pawh hmelhriat a lo nei tho nia, chubakah vai ho hi an lo polite zek mai lehnghal. Sawi ang tak takin helam chu a boruak a la vawt vur mai, zanriah kan ei lai chuan an thil rawn chhawp chu ka ngeih lo nge ka uak tuar mai.

Toilet lamah chuan lutin ka luak nghal vak vaka, an thil rawn chhawp rim kha ka ka ah lah chuan a cham tlat lehnghal “Taitai i tha em" Hriatpuia chuan pawnlam atang in min ngaihtuah tih hriat tak hian a rawn ti a “Um Hriatpui test kid lei i peih em, ka rai animai thei. Tun thla hi ka la period miah lo" ka tihchuan “Tak tak maw? Ka kal nghal a nia" tiin kawngkhar in hawng riin a zui a, ka pum chu chul hauh hauhin “Lo ni hram teh aw" tiin ka phun sapa.

Hriatpuia pawh a rawn let har lo “Test vat vat teh, ka phur tawh a nia. Aw lalpa, Taitai test vat teh" tiin pathum vel lai chu a rawn phawrha, pahnih chu laksakin toilet ah bawk chuan ka lur leha. Ka test pah chuan ka tawngtai pah mawlh mawlh mai, reife kan nghah hnuah line sen pahnih chu a rawn awm ta kalh mai. Phur lutukin Hriatpuia chu ka kuah a “Ka rai, Hriatpui ka rai a nia" tiin lawm avang chuan ka mittui a tling pam thei.

A nilah chuti bawk “Ka lawm e, tunah chuan in nat mai mai ka phal tawh lovang. Ka chan thiang tawh heklo, tun tum chu fimkhur takin kan che tawh ang" tiin ka dul zawnah chuan a bei vang vanga, ka hlim takzet. Hma zetah chuan min mutpuiin a phur zia te a fa hmel a hmuh chak thute chu a sawi mial miala, keiin ngawi rengin ka lo ngaithla bawk. Ka pum kuah chial chunga a mutthilh takah chuan thaw huaiin ka insiam rema.

Ka mutsan ngai meuh lova, a chauh vang nge a muhil hmasa ngei ngei zel. Nimahsela pawi tihna em em ka nei chuang lo, a ngaihthat thlak veng veng zawk. Tun ang laiah in uiresanna a tam em em bawk nen khatiang te kha kan tawng ve mai ang tih hi ka hlau ru ngawih ngawih zel.

“Nuam lutuk" tiin nui har harin vur chungah chuan ka mu a, ka let kual tawp tawp mai. Hriatpuia pawh ka sirah vur tawlhna nen a ding ve rana, a tawlh thiam chuang silo chu ka nuihza bawk nen ka nuih leh kur kur thin, Mizoram ah vur hetiang tluka tam tla ve ngai heklo thiam ngaihna a awm lo hrim hrim. “Hetah hian lo mu ve la kan hlawk zawk ang" ka tichu a tumruh sauh sauh a, chutah thui lo te a tawlh thlak rualin a let leh nghal tawpa.

Ka nui leh kur kur chu “Lalthakim lo nui tei vet suh" a rawn ti tawi tûka. Chu chuan ka nuih a tiza deuh deuh, vur chu hlawmin ka vawm thla a, a awmah chuan a ri darh nghal chuai bawk. “Takzet che hian" tiin a ke tawnna chu phelhin a rawn tlan chho a, nui chungin ka tlanchhiat pah chuan vur hlawm chuan ka vawm let leh thina. A tawpah tlan peih tawhlo in hmun leh hmun atang chuan invawmin kan nui dun hawk hawka.

Ka hlim takzet, ka samah chuan vur chu a kai nuaiha ka thawmhnaw ah nen lam. A ni pawh chuti tho, min rawn hnaihin vur sur karah chuan kan infawp vawng vawnga “Ka hmangaih che a ka hmangaih reng fovang che" tiin ka chalah chuan a rawn tauh data, chhang kher lo mah ila a ni pawhin ka chhanna tur chu a hrechiang a ni. Keipawh hian ka thinlung zawng zawng in ka hmangaih tih hi.

Vur hmanga kan infiam zawh chuan kan piaha khualzinte riahbuk tur an siamah chuan kalin kan inthlaka, sa hem hmin nen beer chu inchhawpin ka in erawh a phal hauh lo thung. Sa hem hmin chu ka ei hlak hlaka, ka naupai ta chuan eiin ka lo duh em em kha alo mak hran love. Hriatpuia lahin min duat thiamin ka tana pawi thei tur a a hriat ka tih leh ka tawh a phal hauh lova, min veng run hi a ni ringawt.