LALHRIATPUIA CHAPTER 31

LALHRIATPUIA

CHAPTER 31 

Khawpui chhungah min kalpuia thawmhnaw chu min leisaka, ngawi rengin ka zui ve zel bawk. Kalsawn duh viau mah ila ka kuta a kaih reng avang chuan ka tan chetsawn ngaihna a awm lo, footballer lar nge nge chu hretu an lo tama. Kan vak chhuak chu phun sep sep a lo tawng tawk an awm lo theilo, kumkhat chhung chiah la inkhel siin record thar a siam chuan a tihlar zual phah a ni ber mai. India hi hetiang lamah chuan kan la hniamin world cup tel pha ram kan la ni miah lova.

Tan kan ngai hle in ka hria, chuta karah Mizoram atanga engmah tih theih nei lo vin theih tawp chhuaha ram tana khel te an lo rel vak vaka. Inkhelh thiam hlei lo in a thiam awm ang berin tihdan tur kan lo sawi zuah zuaha, a takin kan chet chhuah pui ngam ve der silo. A ngam a ten theih tawpin an beia, chuti chunga lo rel leh sel vak vak ho hi chu ka tei thei thaklo. Tun thlenga an sum hmuh zat ve veleh pawh an dam chhunga han hmu pha lo tur ten Ronaldo leh Messi an khaikhin ve sek lah hi ka haw thin.

Duhzawng leh tan zawng nei vek kan ni a, nimahsela kan tan zawng fak nana midang sawisel kher hi a tha ber lo ka ti ve tlat, kan tan zawng leh kan duhzawng chu tan mai ila. Min rawn hria a, min rawn sawiseltu pawh ni hleilo kan mi ngaihsanin a huat avanga lo huatpui ngawt te, lo rel ve ringawt te hi a thing ka ti ve tlat. Chubakah Mizoram chu celeb kan tam hlura, chutah ramdangin an hriat khawp erawh in kan celeb leh chuang silo hi a zahthlak lam chu a ni.

Thil pahnih khat kan han lar puia, kan chapo nghal ara, a lar ve lem lo te kan han hmusit in kan be tha lo nghala. Heta a Mizoram hmun zim lutuk a tlema lar ve dek deka lo inlak milen vak hi chu a thing ngawih ngawih zawk, mi ram mi lar chu an ram mai nilo khawvel pumin an hria a. Mizo milarte erawh an mahni chiah in milar an ni tih an inhre thung, nuih lam lam hi a za thin. Film emaw zai emaw, thildang  lam zawng pawhin mi min hriattam avangin nihna kan han in pe hmak hmaka.

Midangin an pek ngai miah lovin mahni in kan nihna kan inbel hmak hmak bawka. Thiamna leh finna lama hmasawn aiin model leh milar tur kan ngah hlur chhung hi chuan hma kan sawn thei pawhin ka ring lo e, chu ai chuan India rama state te ber pawl kan nihna min hmusit thei miah lo turin zirna lamah leh infiamna lamah hian tan la ila, sawrkar hnathawk, officer te hi han nei thup ila kan ram min chhuh tuma min nek min nek tute hian min zuam em em hauh lovang.

Infiamna lamah pawh nise mi hriat hlawh thei tur khawpin han tang ila mizo te kan duai loh zia an hmuh miau chuan tumahin kan sakhuana hi min rawn nek chepsak an tum hek lovang, tun anga kan kal zel hi chuan kan ram chhungah bak lar tak tak lo tur vek  kan nih a chianga. Hma kan sawn mawh viau ang le, kan thenawm ramte an lian tual tuala, keini ram a tlachhe tawlh tawlh mai si. “Enge i ngaihtuah" ka phu nasa lutuk chu khawia awm nge kan nih tih ngaihtuah lo in ka au tuar mai.

Kan bul vela awmte chu an rawn hawi thupa, Hriatpuia lah ka au chu a nernawng mai “Tinge min biak thut zela, mawl lutuk kal vat ang" tiin zak zet chuan ka kun chala “I ril a tam em?" a rawn tihchuan ka lu ka thing nghal nawk nawka. Mahse dawrah min luhpuiin chocolate vel chu min lei ta tho va “Hriatpuia i ni tiraw? Khawngaihin thla kan lakpui thei che angem, kan ngaisang lutuk che a" tleirawl school bang hlim chuan an rawn ti a.

Hriatpuia chuan min rawn melh zawka, kei erawhin engmah ka sawilo thung. Hetiang lamah hi chuan eng han sawi vak ka tumlo, an ngaisang a nimai a keiin eng lo sawi theih ka nei love “Ka bialnu titau ka thlem lai a nisia amah hi tel tir ve in pawi tih loh a thu le, ka thlah chuan alo kalsawn daih ang tih ka hlau sia" tiin ka kut a kaih chu la kangin a hmuh zauh va. Chung tleirawl ho chu an nui har har mai “Pawilo e, i bialnu chu a van hmeltha em em" an tihchuan ka lai lek lek mai.

Thla chu lakpuiin lawm thusawi chuan an kalsawn zuia “Zanin chu ka bulah i awm dawn ka tih kha aw" an kawm dawna, chuta min tel tir ve a duh tlat chu keilah ka la lungawi chiah lo nen kan la insawm ngat ngat chu a nih hi, zonet lam in an kawm dawna. Camera hma a lo thut ve luau kha chu ka duh vak lo“Duhlo mahla ka hruai tho tho ang che, hmeichhe dang i thik tawh loh nan ka nupui i ni tih hre rawhse" a tihchuan hnial pawh ka peih tawh lo.

In suih that a sawi a, mahse chu erawh a la hla deuh dawn a nih hmel. Tun kan dinhmun nen chuan tih theih rih hek loh, kan chhungte lam ve ve an la hel tlat bakah keimah lah ka thin a la rim ve bawk si. Thinrim reng duh lo mahila a awmdan hian min ti lawm miau silo, in kan thlen rualin rawng ka bawl nghal mawlh mawlha. Hetia hna a neih tak hnu hian a puitling ve sawtin a taksa chauh vang nge a hmel pawh a lang upa ve ruak mai.

A sam a zuah erawh ka lawm tehchiam lo, a tukkhum lamah an bet fara, sei over lo mahse keichuan a tawi lai kha ka duh zawk. Ka rawngbawl chu min be buaiin min puih ve a tuma, a zeilo bawk nen ka vin leh pawng pawng thin chu nui vur vurin a ngai te bawkin a awm leh thin. “Neih loh che hi ka hlau sia, khulamah ka chhuk leh tep tawh nen ka hruai zel dawn che ka tihkha, vur tawlhna ah te kan tawlh dun anga, hmun te kan fang ve ang chu" tiin ka hnunglam atangin min kuaha.

Ka ngawi ngar ringawt, a hma khan duhthu kan sam nasa hle thin a nihkha. Tuna a sawi pawh hi tih ka chak thu ka sawi zinga mi kha a ni a, a la hre reng a nih hmel. “I duh tiraw, heta ka dah ringawt che chuan chhuah ringawt i lo tum anga, pasal min lo neihsan daih ang tihte ka hlau si a, chuvang chuan ka kalna a piangah ka bungrua i ni tel mai ang chu, min ngaidam nghal turin ka phut lui lo che a. Chutih rual erawhin min kalsan tum tawh lo la tih hi ka duh ber a ni" a tihchuan alamah ka inhera.

Ka en nghal vang vang mai “Ka haw ngai reng reng lo che. Ka kalsan chhan che chu..." tiin ka sawi hreh leh si chu ka ngawi daiha, a nilah chuan chutia ka ngawi daih chu a lo duh lehpek lo “Enge sawi i tum, min kalsan khan chhan a nei a maw, kan naute vang kha a nilo em ni?" tiin min kuai daka, ka lu thing nak nakin “Kan naute ka chan khan ka rilru ana em em a, nangmah vangah ka ngai lo theilo va, mahse ka dem em em chuang lo che. Kalsan che pawh kha ka duhlo mahse..." tiin thawk ka la vang vanga.

Ka thusawi tur chu ngawi reng hian min lo enkara “I nu leh pa in tih takzeta kalsan tur che a min tih kha chuan ka tan pawh vawn reng che kha a har a sin, an sawi kha a dik ve miau. Keimah avangin engmah i ti tha thei lova, min ngaihtuah avangin i thil tum pawh i sawn zel tih ka hre ve tho, kha aia hma a chhuk tur i ni a. Mahse keimah avang bawkin i thulh leha, min hrilh miah lo mahla ka hre ve a sin, i nu in a tha taka min ngena i tan a ni tih ka hriat khan harsa timah ila kalsan che kha ka thlang ta a, mahse ka hlim chuang silo" tiin ka mittui tla tur chu ka hru zauh va.

“Chuvang zawk chuan maw min kalsana, Taitai min hmangaih tiraw?" ka nuisaka “Ka thinlung zawng zawngin ka hmangaih che a lawm Hriatpui, i inkhel te kha ka enlo ngailo. Mahse ka en a i chanchin ka hriat apianga i bula ding ve thin hmeichhia avang erawh kha chuan ka tap ve fo a sin, tunah erawh chuan ka tuar ve thei ta deuha" ka thusawi zawh rual chuan min kuah thlawpin a rawn kun hniama.

Ka hmuiah chuan a rawn fawp nghal vawng vawng mai, keipawh chuan ka lo chhang let nghal zat. He hmui, he rim he mipa leh a engkim hi ka ngai takzet, a bo leh mai ka hlau a ni “Tunah chuan tumahin min then hrang leh tawh lovang, kan pahnihin kan fight anga, tudang mah an tel tawh tur a nilo. Kan chhungte pawhin min hlimpui theilo a nihchuan an ni tello pawhin kan ti tlang mai a niang chu" tiin ka chalah chuan a fawp leh zauh va.

Ka nuih nghal ver ver mai, tunah chuan ka lung ti tawt tun tu kha lak kian ang huai a ni tawh. Rawng chu bawl zawm lehin kan infiama, hetianga kan awm leh takah chuan keipawh ka hlim a ni, heti khawpa min hmangaihtu hi ka phu lo zawk. Mipa rinawm leh rilru nghet tlut ka tawng hi ka vannei ka tilo theilo, ka tan a rinawm renga, mipa tam tak anga hmeichhia kawp kuala, an rilru tihnat sak tu a nilo pawh hi ka lawm.

Zanriah eikham rualin inleng kan nei ta ngeia , eng eng emaw a inkhelh tan tirh vel te chu an zawt nuala “Ruthi kha i bialnu emaw kan lo ti veka, tuna i bula awm hi tunge kan hre thei angem aw? Keini hian kan lo ring dik lo reng em ni?" an tihchuan ka lo inhum ruh vaka, Hriatpuia chuan ka kuta rawn chelh pah chuan “Khawvela ka hmeichhe hmangaih ber leh ka nupui a nih hi, eng emaw avangin kan awm hranga, tunah erawh ka kiangah a awm reng tawh ang. Insuih that kan tum deuha, Ruth erawh kha chu ka thian a ni e," tiin a chhang fel et a.

Ka thaw huai mai, an haw hnu chuan khum lamah min pawm lutin kan muduna, tunah chuan engmah hi ngaihtuah hah a, ngaihpawimawh ka duh ta lo. Hriatpuia bak hi in nghahna tur ka neilo bawk; a kiangah hian ka tlu lut mai tur a ni, ka sam thlanin a ka hmaia a tih behthlar chu huisawnin min fawp leh vang vanga, thawmhnaw kan inbel lo ve ve bawk nen a taksa lum ham ham chu ka hre chiang viau.

“Ka hmangaih che" tileh in ka chungah chuan a bawk leh runa, a nghawnga kuah chung chuan a hmuiah chuan ka chuk leh zauh mai. Kan mutthilh dawn lamah ruah chu a rawn sur leha, thal ruahsur hi chu thli a keng tel bawk nen ka nello riau zel. Hriatpuia hnaih sat sat chung chuan ka mit ka chhing zui riai riaia, ka chhungte ka la be theilo bawk nen rilru kilkhatah chuan an awm ve rauh rauh mai.

Khua an thleng anga, min hmu lo khan a ti hrilh hai viau ang le. Hriatpuia lahin la biak mai a phal silo, mahsela Hriatpuia khua ah a rawn kala kan bo rual tih an hriat chuan ngaihdan an neih nghal mai erawh ka ring tho bawk. “Tho tawh rawh le, kan kal a hun a nia" ka bengbula rawn phun sar sar ka hriat rualin ka mengchhuak riai riaia “Ka lo kal ve kher a ngai em ni?" ti a ka zawh lah chuan “Ngai e ngai e, ilo tlanbo ang. Chubakah ka inkhel a hmun ngeiah rawn en rawh, ka thiante pawhin an hmu chak che" a tihchuan ka ner nanga.

Dina te ho pawh Aizawl ah awm mahse kan la inhmu hman lova, khulam vai ram daih daiha a thiante zu hmuh chu, engmah sawilo chuan ka tho zuia. Insiamsa vek kan nih avangin rei buai a ngai lem lo bawk, airport lam pan chuan mipui tam hma in kan chhuak zui ta thuaia, traffic jam peih nen hian tho hma ila kan vannei a nimai. Khawpui ka ninna a ni pakhat, vahchhuah dawn pawhin hun a rei duh bik bawk si.

 HRIATPUIA TUNA A SAM AW🤭

ZAWMNA.....

“Hriata hei hi tunge" Mumbai kan thlenga a thiante nen chuan min in hmelhriat tir a, “Ka nupui a nih hi" a tihchuan a thiante chuan mak an tih hmel ngei mai“I va sawi har ve, Ruthi nen khan kan lo ringhlel ve em em cheu a" an tihchuan an awm lohna lamah inherin ka nersaka, Hriatpuia chuan eng emaw sawi in an ni pawh chu an bu nghat nghat mai. Min rawn chibai hlawmin an hming an sawi diat diata.

Mizo dang pawh an awm ve a nih hmel, Hriatpuia chuan an hotute bulah pawh chuan engkim sawiin an ni pawhin min lo lawm thiam viau mai “Nupui ila neih rin loh laia, hei nupui i va nei hmeltha ve" an tihchuan Hriatpuia chuan min rawn nuihsukin “A hma daih atang tawhin ka nei tawh zawk alawm, kan pahnih nunkawng hi har em em lo se chuan inneihna mawi takin ka tihsak thei tur" tiin engdang mah sawi belh lo in a in lamah min hruaia.

Ka zui ve hnak hnak zel ringawt, helamah awm reng dawn lo mah ila Mizoram lam ka ngai veng veng tho, a bikin kan intawnna khua ngei kha. In hmun leia kan chenna tur tiin Hriatpuia khan min hrilh a nihkha, chu chuan min tihlim takzet. Kha khua ah khan sulhnu pawr deuh nei mah ila nuam ka ti tho si a ni, khumah chuan mu dunin kan thlawhna chuang chau leh kan motor chuanna nen ka taksa chu a rawl thum mai. Ham bai baiin Hriatpuia awmah chuan ka bawha.

“Helamah chuan kan awm rei lo ang tiraw?" ka tihchuan thlakhat vel kan awm tur thu sawiin ka hmuiah chuan a rawn fawpa, ka lo chhang let ve nghal zat “Tunah chuan tupawhin ka nupui i ni tih an hre tawh anga, chuan dan khatna ka tlinpui thei lo che hi keimah vang a ni tih ka hria a, i lakah khan lo insum tlat ila chuan kohhranah ngei mokawr nen mawi takin i ding thei tur, mahse tihdan dang ka ngaihtuaha. I hlim ngei ka beisei, mokawr i ha ngei bawk ang tih ka tiam a che" a tihchuan a biangah chuan ka khawihsaka.

“A pawilo,keimah pawh ka insum theih bik loh kha. Chuan helai atang hian kan haw tlang nghal dawn nge" ka tihchuan a nuisuka, a lu a thing nghal nawk nawk mai “Uttarakhan velah te ka sawi tawhin vur hmun an nei tha a, kan kal phawt ang. Helam kal remchan laiah, ka inkhawl nasa tawh a lawm, a chhan chu i suangtuahnate kha ka theihnghilh ngai lova, ka tihsak theih nan che ka hlawh hmuh ang ang ka khawl nual a lawm" a tihchuan a hmuiah chuan ka fawhsak vawng vawnga.

He mipa hi ka hmangaih a ni, ni e kei ngei pawh ka chhungte nen kan in pawh tak lohah khan ka hlawh ka khawl nual a vangin sumah chuan ka ngaihtuah awm em em loh. “Ka hmangaih lutuk che Hriatpui" a taksa chungah chuan min hlang nawlha “Keipawhin ka hmangaih lutuk che Taitai" tiin min lehthal thutin a biang dawm chuan min en renga, ka lai leh chu a rawn nui hawk hawk mai “I lai hma lutuk hi a buaithlak thin, i mita en rual hi chuan i khur chhe lo chauh zel a nih hi. Engle khawle vawiin chu let huat huat mai ang aw" tiin min kuah beta.

Khumah chuan min lehkual pui nghal zat, nui uar uarin tal chhuah ka tuma, min man nghet bawk si “Ka lu a hai vek ania aw," tiin ka thaw hle hlea, Mizoram Aizawl pawh a lum tih laia helai phei chu lum tak hi a ni tawh. Boruak hi a inang lo hlawm mai sia “Ka tar ve ta a nih hi, ka chau hma riau mai, kum 30 han tlin chhoh meuh chuan kan tla duai duai mai" eilo lutuk in ka melh ngheka “Zak teh Lalhriatpui, kum 21 bak i nilo" ka thusawi avang chuan a nui kur kura.

Mi runluih hi chu a hrat a ni e, nuam a ti lutuk hi ka ngei thin “I kum leh ka kum belh ila kum 49 ka ni tawh" a nakah chuan ka sik nghal sawk mai. Sawi awm loh pui pui hi a sawi ziah lehnghal “A ni a lawm, keiai i lo upa te hi i zûn ngah zia tilang tu a nih hi, miin duh lo mahse keichuan nuam ka tia, ka hlim bawk. Piang nawn leh dawn pawh ni ila nang aia naupan tho ka thlang ang, mipa tam tak chu an mahni zawkin hmeichhia an thlema, an dawh a ngai thin bawk. Chupawh an upat zawk avangin, keichu tihian naupang reng ila min thlem in min dawhthei reng dawna, a nuam dawn emai. Mi in ngaizawng chu a mipa in an thlem zela, keini chu nangmahin min thlem zel dawna a nuam bik " ka melh kar chu a rawn nui leh vur vur tawh.

“I tawng thei si, ka thlem dawn lo chiang lutuk che " ka tihchuan “Min thlem reng thin kha ka la hre reng a nia aw... ka hriatna hi  tha deuh mai a nia, kan awmdan zawng zawng te kha ka la theihnghilh ngailo" tiin ka samah chuan a rawn chûl hliau hliau va, “Tun atang chuan nangmahin min thlem char char ang, a mipa zawk i nihkha" ka tihlak hlak chu a mit kan zauhvin “Hmeichhia zawng zawng hi a mipa zawkin an thlem tlangpuia, ka sawi tawh kha keichu nangmahin min duatin min thlem zel rawh, ka tihtauh chang pawhin nang chu i titau ve lo ang" a tileh hmak nia.

Chhang duh tawh lo chuan tho chhuakin inbual turin ka luhsana, a zai ri chu ka hre pha reng “I tan hian ka tling lo a nihchuan Taitai i tan hian tumah an tling lo'ng, keichuanin ka ringlo, keiai a hmangaihtu che hi an awm lo. Taitesena leh Vanapa pawh tehkhin dawn ila, min tluk lo'ng e, keiai a pasaltha tur chuang an awm bik nem he lei chinah" tihchu a rawn zai ri vak vaka, mi zaikhum lah hi a hrat bawk si, hepa hi chu engtia han tihchi pawh a nilo.

Mahse hetiang hun kan thleng leh ta mai erawh chuan min tihlim phian bawk si. Ka chhuah leh chuan kawr pawh ha lo in tukverh atang chuan Mumbai khawpui chu a lo thlr renga “Enge i ngaihtuah" a hnunglam atang chuan ka va kuaha, a taksa kan ukin “Eng nilo e, i zo tawh em ni?" tiin a rawn inhera, ka kawngah chuan a kut a rawlh lut nghal zat bawk. “A lum kha a zia huai huai mai, ram leilung pawh hi a lo in ang lo a nih hi" ka tihchuan a bu nghat nghata.

“Helam a lum leh em em laiin ram ri hrul ho Jammu and Kashmir lam te khi a vawt leh em em an ti thunga, ram leilung hi a inan vek chuan a nuam dawn bawk silo" a tihchuan ka nuih ve hak mai, “Vura tawlh chu ka chak ber. Movie a mi te ang khan in vawmin infiam ve vel ila, Korean movie ang ngei khan awi a nuam dawn lutuk" keimah chuan ka phul leh hluta, min kuahin a lo nui ve var var ringawt. “Hriatpui tihian engtin nge kan awm zel ang, i nupui ka nih thu i sawia,mahse..." tiin ka ngawi leh daiha.

“Ka hria alawm, he kutah hian zungbun a la awm ngei ang tih ka tiam a che, chuan naktuk ka inkhel turah chuan nang hi ka pan mai theih tura i awm ka duh ania." tiin ka hmuiah chuan a rawn fawp leha, ka lo aw nghal vat. An chak leh ngei ka beisei, an team hi India ramah chuan a lar pawl an ni tawha. Tantu leh duhtu pawh an ngah viau bawk, tv lam ah thleng kawmtu an nei zut a nihkha. Mizo an awm ve nual bawk nen Mizoram atang pawhin hotute lam thlenga ngaihven leh chawimawi an hlawh miau a.

A chang chuan ka phulo lek lek hian ka hre zel, mahse chân leh chu ka zuam tawh mawlh lo. Min kaltir a phal tawh dawn lo tih a awmdan leh thusawite hian an tichiang viau bawk si, ni e natna tawrh nawn leh ai chuan chhungte phal lo chungin keipawhin a tawp thlengin ka vuan ve tawh ang chu. Kalsan leh mai mai tur chuan ani ka hmangaihna leh thlakhlelhna hian a rem ti tawh hek lo.

Nileng chuan mu in eitur a order tawpa, pawn pawh chhuak vak lo in kan inkhung duna, naktulah inkhelhna hautak leh hahthlak zet an hmachhawn leh dawn bawk nen vahchhuah chu châk viau mah ila hun a la tam tiin engmah ka sawi duh lo thung. A taksa hian hahdam a mamawh tih ka hre miau va.

A LA TAWP MAI DAWN LO A NIA 😂😂