LALHRIATPUIA CHAPTER 13

LALHRIATPUIA

CHAPTER 13

“Hriatpui min ngaithla teh" ka hma a thinrim lutuka kal vawk vawk chu ka um zuia, Jonathan-an min duhthu a sawi lai a lo hre fuha, biak pawh ka be theilo “Lalhriatpui ding rawh" ka ti deuh thata. Ding deuh datin min rawn en vang vanga“I thu ka awihna chhan tur min hrilh teh" a rawn tinghata. “Khapa kha ka duh ve loh avangin, i hria em? Thinrim nghal ringawt suh, ka duh loh thu ka sawi lai kha i hre reng a ni lawm ni?" ka tihchuan a thaw hawka.

Ala lungawi hmel chuang loh “Enge i duh? Tinge i lungawi loh em ema"tiin ka pan pheia, chuveleh alamah min pawt dawrhin thingkungah chuan min nawr beta, ka hmuiah chuan a rawn fawp nghal tawn tawn bawk. Ka hnute a tham vak chuan ka rak thata, a rawn nui nghal hak “Ka duh chu maw, kan inkar hi zep ka duh tawhlo. A hre tur chuan hre vek rawhse, inzep renga mipa dang biak reng kha ka duh lo" a rawn tihmuk mai.

Ala lungawi chiah lo tih a hriat “Midangin an hriat chuan ka chhungten an hre vek dawn a sin" ka tihchuan chiang zet hian min rawn en a “Enge pawi, an hau kher dawn che em ni" tiin hnah ro tla chungah chuan min thutpuia, ramhnuaiah kan lo inzui lut reng tih ka hriat chuan mak tih aiin ka nuih a za. “Naupang chhia deuhin awm tawh suh, min bem mahse ka duh chuang hleinem" tiin a kut chu ka hum saka.

“Duhlo mahla an niin an duh che a lawm, khang kha ka duhlo ka ta i nih hi" pawr zet hian a ti a, lu thing nak nakin “Khawimaw i phone kha min lo pe teh" ka tihchuan min pe ve mai, a message ka check kuala. Mi a biak na vak a awm lo a, midangin an biakna erawh a tam viau thung. Hmeichhia an la tam zawk zui leh ta nghala, Rintei nen an inbiakna chuan ka mit ala nghal chat mai. “Miss ai chuan ka tha fe zawk,nang ai a la upa leh nghal" ka nersak mai.

“Ka duh zia che i hriat kha, min fiamkual mai mai suh aw" tih vel te chu a thawn nawka, a thusawi tam takah chuan keimah min sawi a ni ber. Hriatpuia erawhin a chhang tha meuhlo, a chhan dan pakhat ka hmuh chuan min tinui sak mai “Keiin ka duh a lawm, midang min neihsan ka hlauh em em hi engtin nge ka kalsan theih ngawt ang. Ka duha ka thlan a nia, kan kum avangin kan in ngaizawng lo bawk. Kan induh a nimai, a nilo nihpui tumna ka neilo" a tihchu.

Hriatpuia chu ka en a, a dar a lo san uk ringawt “I lungawi em? Nangmah bak ka ngaihsak lo ka tihkha" a tihchuan nui var var in a biangah chuan ka fawp zauh a, a lawm hmel hle “Lo fawp leh teh maw, i vawikhat min fawh hmasakna " tiin a biang chu a rawn dawh leha “I over a tawk" tiin ka namsawn zauh a. Nui vur vur hian ka kut chu a hum beta, tunah chuan alamah hian ka nghet tual tual tih ka hre chiang viau.

A tira ka rilru nen khan tuna ka rilru hi chu dang tak a ni. Ka bialpa tak tak angin ka en tawh tihlah ka chiang “I ti tha e, hmeichhe dang biak ka phal miahlo a nia. I fel zel chuan kha lo pawh ila hlawh thei" ka tihchuan a nui haka, alamah min pawt hnaiin “Kum vang mai maia lo inthen te chu a, kan hrelo pawh ni hleilo. I hmel phei chu hmeichhia ka hmuh tawh zawng zawngah a la cute ber, keiai i naupang emaw ka nauten an ti lehnghal" tiin a nui haka.

“Maw? I nau te i hrilh maw?" ka tihchuan a bu nghata “Kan thlalak dun kha ka thawna, i hmel a tha an tihbakah keiai naupang ngaihin an ngai che" a tihchuan ka hmui chu ka tipawrh deuha, ka hmel hi chu mi pawhin an sawi fo mai. Ka hmai a bial lam a nih avang hian nge i kum ai i naupan hmel daih min ti fo thin. A ni te pawh a niang “Ka chau nizan ka tlaivar titiha" tiin a dar ah chuan ka beia.

Kan hmalama sava leia sawt euh euh chu enin ka nui hak “A chhe eu eu mange" ka tihchuan Hriatpuia chuan a vawm zauha “Ramhnuai hi a nuam riau, inhmu ziah tawh ila a tha ang. Zep kher ngai lo hian in zui ve thei ila ka ti, mahse kan chhungte ngaihdan tur i ngai pawimawh si a. Keima lamah chuan buaina a awm dawn lo a, nangma lam zawk hi ania Taitai, i chhungte hriat i la duhloh chuan sawi kher ka tumlo. Mahse kan inkar hian lanchhuah hun a nei dawn tih i hria tiraw?" a rawn ti a.

Ni e kan in zep thei reng dawnlo tihchu ka hria a lawm, mahse tunah chuan ka la in peihlo “Ka hria a lawm, mahse a zep theih chhung hi chu zep ka duh ani. Ka zahpui lam che nilo in kan chhungkaw chanchin ka hrilh tawh che kha, ka pa hian a pawm dawn lo tih ka hria a, ka hlauthawng a ni Hriatpui" ka tihchuan ka biangah a rawn chula.

“Ka nupui i nih hunah chuan tumahin an tihnat che ka phallo ang, tumah i hlauh ka phal heklo. Ka thlazar hnuaiah hlim takin ka siam ang che" a tih chuan ka nui sak mai. “Taitai nu leh pa te hian tinge an fate hi an hriatthiam ve duh miah loh le, an vanglaiin hetiang hian awm ve se kan danglamna vak hi a awm awm chuang silo va" tiin chiang zetin min en a.

“A chhan chu maw.. kan vanglai hi kan ngaihtuah thleng pha lo a, kan fate duhzawng leh hmangaih zawngte hi kan pawmpui theilo a ni ber. Hausa leh nun nuam taka kan awm min duhpui vang a ni pakhata, mahse hei hi an hre tel lo te pawh a niang, mi hausa tam tak nei ho hi an hlim kher lova. Sum hian hmangaihna leh hlimna a thlen lo tih hi an ngaihtuah thleng pha thin lo. Hei hi kan fate hma hun tam tak kan tihchhiat sakna ani tih hria se chuan an ti bik lovang" tiin ka nui haka.

“Mi hausa fapa zu ngawlvei emaw, addict te pawh nise sum an ngaha an awm theih phawt chuan nu leh pa thenkhat chuan kan fate tan kan iai chuang lo. Mi rethei, ti ila thingtlang lam kan hmusit leh thin bawk nen hei hian in hmangaih tam tak an pawt then thin. Thingtlang kut hnathawk te hi en hniam tawk kan lo awm leh thina, kan khawlai nun leh thian lam zawng chuan an ngai pawimawh lemlo. Mahse chhungkua a insiam dawna, in zawm tur tak tak chuan thingtlang mi iai tawk an awm fo" ka tihchuan a bu nghat nghata.

“Ka sawi awmzia i hria em? Thil engkim hi kan nei thei vek lo a, in ngaizawng tam tak buaina chu hei hi a ni fo, kan fate hlimna leh thlamuanna lam ngaihtuah ai chuan sum kan dah pawimawha, tin mi min ngaihdan tur kan ngaihtuah vang hi a ni pakhat. A chhan chu inrel leh in sawisel peih tak hnam kan ni a, sawisel leh rel tur hmu thei tak mahse an kianga kan awm lai chuan tlawn leh huam huam thin hnam kan ni, hei vang hian kan duh zawng leh hlimna tur tam tak hi kan tihloh phah thin alawm" ka chawl deta.

“In ngaihzawnna lamah pawh nise, mi in ngaizawng kan hmelhriat an nih pawhin lawmpui mai ai chuan hmuh loh lam atanga rel zawt zawt ching hi kan nisia, hei vang hi ania . Keini  pawh kan fimkhur a ngaihna chhan chu, mi hmuhah langsar takin inzui ila, an sawi hmasak ber tur chu Zirtirtu ve si a zirlai a ngaizawng ania min ti ngei anga. A duh chhe deuh phei chuan kan nihna lo angin min sawi ngei ngei dawn. Kan hma hun kan hrelo va ,chuvang chuan fimkhur taka kan awm angai tih hrethiam la ka duh" a kut chu ka vawnsaka.

“Hmeichhia chu kan mualphona hote, mahse damchhung daih a ni thin lai ah hian nangpawhin min hriatthiam ka beisei, miin an hriat hun chu ala awm dawn tih kan hailo ve ve, mahse an hre chhuak a nih loh chuan sawi kher ka duh lo tih hre thiam rawh aw, tunah chuan ka bialpa ang tak takin ka en che a. Mi min hriatpui kan mamawh kher lo, keimahni hi kan pawimawh ber, in ring tawna rinngama awm ve ve kan mamawh a ni" ka tihchuan a bu nghat nghata.

“Engpawh lo thleng se ka kianga i awm phawt chuan ka kalsan bik lovang che, ka tana i awm chhung chuan, min kalsan i duh a nihchuan thuhran" then sak pah chuan ka ti a. “Ka then duh teuhlo che, bul ka tan tawha. Awlsam taka tawp tir ka tumlo, i tan chuan ka bei ang. Ka puitlin hun nangmah ka enkawl theih hun che lo nghak reng la, chuan i chhungte chu ka dil mai ang. I sawi angin kan pahniha kan tanrual a pawimawh alawm, i tan ka awm reng ang" tiin ka kut chu a rawn hmer nghet salha.

“I tan mi ropui tak ka ni anga, nun nuam tak leh hlim tak i neih ngei theih nan hma ka la ang. Kalsan che leh kawp tumna che ka nei miah lo a nia, ka rinawm tawk tih hi hria la ka duh. Min naupang chhe en ziah lo la ka duh bawk, tam takah chuan i duh angin ka puitling tawk lo tih ka hria, mahse ka theih tawp ka chhuah ve a nia aw. Turkish movie pawh nangmah vangin ka en ziah" a rawn tihchuan ka nui chhuak hawka.

“Engah nge keimah vanga i en nachhan?" ka tihchuan nui put put hian “Aw a changtupa te an senior deuha, an awmdan ka zir duh alawm. In ngaihzawnna lam film chang thin ah chuan a tha pawl an ni tlat a" a tihchuan ka nui leh har hara. Hepa hi ka lawm sawt riau, a chet phung reng reng hian min tihlim em em zel “A nihchuan an awmdan anga i awm a ngai a nihchu, mipa chu upat kher an mamawh lo. Rilru a pawimawh tih hre reng rawh aw,haw tawh ang hmiang ka rawn zui ve tawp che sia nutei te an lo mangang ang" tiin ka ding chhuaka.

Nui hak hian a rawn tho chhuak ve a “Khapa kha hmu lo ila chuan helai hi kan thleng awm tawp silo va, kan teacher chu nilo se ka khawih duh mai thei ani. Mahse i duhloh zawng emaw ka duhloh lutuk thil a tihchuan ka hrelo le" tiin kawngpui lam pan chuan kan in zui hnak hnaka, Jonathan-a mi tih dan tak erawh ka sawi duh talo, a chhan pawh insual an hrat si a,an lo va tihbuai leh mai ka hlau. A khat tawkin an insual tih ka hre ziah lehnghal.