DEMON KING CHAPTER 1

DEMON KING

CHAPTER 1 

“Engvangin nge min kal tir mai loh?” tiin mipa min ûmzui tu te chu tlân pah chuan ka au khum tuara, New york ah hian Nutei te awmin American mi pasal ah a neia, an bulah lehkha zir turin ka awma, ka awmna pawh a la reilo, chutah ka college luh ni la la in hetiang mipa hi ka tawng a nia.

Ka tum em em pawh nilo in room pakhat ah hian ka tlân lût rawka, chûng ho pawh chu an rawn lût ve nghal bawk. Tlânna tur a awm tawhlo, hlauthâwng zet chuan ka ena, chutih lai chuan “In va han bengchheng em em ve mawle?” ka hnunglam aṭanga tiri ka hriat rualin rang zet hian ka hawi lêt a, mipa dawhkân chhe tawh an dah chunga thatchhe zeta lo mi, thawmhnaw dum veka inthuam hi a lo awm renga.

A rawn hawi chhuah rualin min ûm tu te ho chuan “Kan tihpalh” hlauh hmêl lutuka tiin an tlân chhuak nghal rawk rawka “Vawikhat mah rawn lût tawh suh ang che u” ti a au zuitu chu ka en renga, a hmêl ka la hmu chiang theilo. Tunge a nih ang? 

Chutah rawn ṭhu chhuakin a chal sam hui kiang chuan min rawn ena, Lalpa leh! A hmêlṭha lutuk, mahse a mitmeng erawh a nelawm loh viau thung “Tunge i nih?” a rawn tihchuan ka phu zawka.

“Keimah maw?” ka lo ti hu chu a rawn nui suka “Aw nangmah kha” a rawn tihchuan “Fiona Zosangpuii” ka ti sepa, min en ngur bawk si ka insiamṭha sek ringawt. Hmelhriat ka la nei bawk silo, chupa lah tunge a nih lah ka hre hek lo.

Rawn kal pheiin ka hmaah chuan a rawn dinga, min en vang vangin ka sam chu ka bengah a zepa “Ka venghim ang che” a rawn tihchuan ka en chho vata, min lo melh lêt ve nên ka ṭek chhawkin ka hria, Lalpa hepa mitmeng pâwl phat leh mawi lutuk lak aṭang hian ka mit ka la sawn thei tawhlo. 

Ka lamah rawn kûn hniamin a nui leh suka, ka ip deuh chawih mai. “Tunge i nih?” ka ti sepa, a mah hi nui sâng mah se min ûm tute'n an hlauh dânah khân mi ṭha tak a nih ka ring lo ve tawp, “Damian min ti thei ang, i chhuak ang hmiang. Ka hlatah i awm a nihchuan khâng ho khân an buaipui leh ngei dawn che a nia” a tihchuan ka harh chhuak zawka, a hmêl ka enna ata ka mit chu ka la sawn ta bawk.

“Engtin nge ka tih ang, ka vawikhat luhna aṭangin miin min zawng nghal ania, hetiang chuan ka kal rei thei dâwn em ni?” tiin keimah leh keimah chu ka in be sapa, chupa lah chuan min en reng bawk nên awm a tinuam lo lek lek.

“Lo kal rawh” tiin min kai chhuak zui ta dâwr dâwr a, engmah sawi hman pawh a ni tawhlo, a tlanin ka tlân a ni ber mai. “Hey Da..Damian” a hming ka theihnghilh deuh avâng chuan ka sawi bah deuh naka, a ni lahin ka bia tih pawh hrelo ang mai chuan min pawt kal dâwr dâwr ringawta.

College lam kan pan rualin students ho chuan min lo en ṭhup a, a ṭhen te lahin mak tihmel leh hlauthâwng hmêl an pu a, hmeichhe ho erawh chuan keimah ringawt chu min enin min melh rum hlawm khawp mai.

A âwm lo hran lo, tûna min kai chunga kal dâwr dâwr pa hi a hmêlṭha in a pian a nalha, a chhelo lutuk tlat a tin ni. “Damian ding teh ka tihchu ka chau a nia” ka tih tâkah chuan a ding ta chauha, “Eng nge i hriata? Kha tia hnuh dawr dawr tur ka ni hleinem, tunge i nih pawh ka hre lo a” ka tih lai chuan kan lam panin mipa pathum an rawn pheia, Damian-a chu bân an rawn vai khum zauh bawk.

“Ehe bro, hei chu khawi lam mi nge mi thar em ni?” sam buang thang mai chuan a rawn ti a, min en chik viau hlawm lehnghâl. “Kan bulah awm tawh rawh se, a hming chu Fiona, mi thar a nia buaina a tâwk nghal pang mai mawle” tiin Damian-a chuan nui suk hian min rawn ena, a ṭhiante pawh amah ang maiin an chhelo em em vek mai.

Mahse a mitmeng pâwl phat leh a nui mawi lutuk hian a ṭhiante lakah pawh ka mit ala fâl lo theilo, a sâng in a hmêlṭha zual. “Hey Martin ka nia” sambuang bawk chuan a rawn ti ve leha, ka lo chibai ve mai bawk. Ka vawikhat kalna ah ṭhian chu ka nei a, chu pawh hmeichhia nilo in mipa vek an la ni zui dâwn a nih hmêl.

“Tyler ka nia” samkir chuan a rawn ti a, pakhat la awm a sam sei deuh chuan “Sammy” a rawn ti ve sapa, ka chibai ve hlawm mai bawk. Ka hawi kual chu mi chuan min lo la en ṭhup a, a tuala awm leh a chhûnga awm te chen chuan tukverhah dâk chhuakin min lo en ṭhup a nihchu, mak ka ti chu Damian-a chu ka en zawka.

“Tinge kan lam an hawi ṭhup a?” ka ti chu in enkualin an nui hak hlawma “Engmah kal ang u, i class tur lo sawi teh, kan subject lâk a in an chuan kan ṭhu tlâng vek thei tihna” Martin chuan a rawn ti a, science lam ka lâk dâwn thu ka sawi chuan inen kual lehin an nui sung hlawm a “Kan inmil hlawm dâwn hle mai, tirawh kal ila mithar te chu mi pawhin hmelhriat ve che rawh se” tiin an pali chuan min rawn kuah thuak thuakin university chhûng lamah chuan min luhpui a.

Mak tak maiin nichina min ûmtu te kan tâwk chu min tibuai ngam tawh miahlo, hlauh hmêl tak leh kimki duk hian an lo awma. Mak ka ti ru riau, midang ho lah khân min en ṭhup reng bawk si, he mite ṭhian ho in an inthuam dân te, an chêt phung leh hmêlah te hian mi naran an nih ka ring ta lo tawp mai.

“Kan classs a in ang dawn ringawt em ni?” ti a ka zâwt ha chu nui var var hlawmin “Tehreng mai, kan ṭhu tlâng vek ang. Taka Fiona khawi aṭanga rawn kal nge i nih? I hmêl leh vun rawng aṭang chuan Asian i anga, mahse i dang deuh bawk si” an tihchuan ka nui haka.

“Asian chu ka nia lawm, India ram chhûnga state pakhat Mizoram aṭang ka rawn kala” ka tihchuan an bu nghata “Indian i va ang lo, philipines lam hmêl i pu” an ti chu ka nui leh mai, ni e han chhui chian chuan Thai te, Philippines lam nên chuan thlahtu thuhmun kan ni hial ang chu, kan thawnthu thlengin a lo in an bâkah China lam aṭanga helam thleng thla kan ni miau a lawm.

“Lut phawt ang u, ka class tur pawh ka hrelo, khâng mi ho khân min lo tibuai ringawta, pakhat kapah ka pêt saka” ka ti chu min rawn en ṭhap a, Damian-a erawhin a hrechiang bawka a lo nui suk ringawt. “Tute nge a?” an rawn tihchuan ka thaw haka “Ka hrelo, nichina kan tawh hnuhnun ber te kha, an hming pawh ka hrelo” ka ti chu an bu nghat nghata.

“Lungngai suh, kan kiangah awm la i him a nimai, a bikin i va tê ve. Kan university ah chuan i tê ber dawn a nih hi” an ti erawh ka ner nasa mai. “Tê mah ila ka huai tehmai a nia aw, keini hnam chu lian chiam kan awm lova, mipa pawh a awm chhun chu tlêm te chiah an ni, a tlângpuiin kan tê a lawm” ka ti chu Sammy-a chuan “Mahse in hmelṭhat ka ring, i hmêlṭha emai” a rawn ti khauha.

Ka nui nghal har har mai, hêng ho hi reilote chiah la hre mah ila ka nêl ta riau mai, an mahni hi ka pawh nghal êm em chhan hi ka hre biklo, room chhûng kan luh chuan mi an awm lo nual tawha. Keini kan luh rual chuan an thâwm a reh leh ṭhap tawh, Damian-a te ho erawh chuan ngai pawimawh lo tih hriat tak hian min ṭhut thlâk puia.

Phone phawrhin games an khêl a, ml an la khêl ve zui! “Ehe! In khêl ve ṭhin elo? Keipawhin ka khêl a sin” ka tih tâkah chuan “A nihchuan rawn lût ve nghal rawh, kan squad ah i awm ve nghal ang, panga chiah chiah kan nia kan khêl tlâng thei ang” an tihchuan ka phûr ngei mai.

Games mai mai mah nise ka nuam tih ber a nia, ka thiam em em lo nângin ka khel peih viau thung. Lût ve vatin kan in follow diah diaha, an squad ah chuan ka awm ve a DEMON✓ tihte mai hi an squad name chu, mahse a nalh phian mai.

An ni ṭhian li leh keimah chiah kan ni a, hmeichhe awm chhun ka ni bawk. “Mage nge mm i hman ṭhin” an tihchuan “Ka thei ve ve mahse ka pro lo” ka ti chu an nui haka “Mid mai rawh, Damian-a hian a vêng hneh lutuk ang che, a thiam a lawm. A ni hi kan in nghahna a nih hi, hyper a pro teh ania” an tihchuan Damian-a chu ka en zauha.

A ni erawh lollipop lo hmuamin a phone ngawt chu a ena “Aw le khêl tawh ang u” tiin kan in sâwma, an chhelo bawka a rûka ka screenshot hlak kha, Mizorama ka ṭhiante ka hmuh anga ka intih theih khum nasa viau ang, min awt dâwn tih ka hre reng si a.

An sawi ang tak takin lane kan inthlâk veka, a chhan pawh an rawn update thar hi duh duh lane thlan theih hek loh, eudora chu hmangin mid ah chuan ka kala, Damian-an Gus hmangin a hyper a, Thamuz chu Sammy-a chuan a hmanga, tigreal Martina chuan hmangin Miya Tyler-a chuan a hmang ve bawk.

Ka nui var var mai, an kill par para, kei erawh ka kill thei ve vak lo. “Ka thi dâwn, min pui rawh u hei min beih rawn a nia” tiin ka au chula, class chhûnga awm kan ni tih pawh ka hre chang tawhlo ka au tuar tuar mai. 

Chutah Martina chuan a rawn hui khawma, Damian-a pawh a rawn thleng chawp chilh nghal bawk, a combo vawm chhuakin lehlam ho chu an thi phiara, âng phuau chunga Damian-a ka va en chu Tyler-a zâwk chuan min lo chhângin “Kan sawi reng kha, a thi ve mai mai ngailo, a pro lutuk khelh pui la i rank i up zawt zawt mai ang” a rawn ti a, keipawh ka phûr ta ngei mai.

“Min push pui zêl rawh u aw keimah chuan rank ka up hleithei loa, a har lutuk” ka tihchuan an in melh ralh hlawm lehnghâl. Teacher an rawn luh tâkah chuan ka dah vata, an ni ho erawhin an ngaihpawimawh hmêl tehchîam loh.

An khelh ngai chuan an khêl renga, kei erawh professor chuan introduction nei tura min tih avângin zâm deuh tak chung chuan ka ding chhuaka, chutah dawhsanah chuan ding chhuakin zirlai lam chu ka ena, American chu movie vela kan lo hmuh fo tawh ang hian keini anga ngil pût a room siam lo in a inchhawng thliahin ṭhutna an siama, chu chuan zirtirtu tân hmuh a tihnawm bâkah zirlaite tan pawh engkim a lang chiang bawk.

In hmelhriattirnate chu nei zuiin ka kalna ram vêl ka sawi hnuah ka ṭhian tharte lamah chuan ka kal leh zuia, an ni pawh an phone chu an lo dah ve tawha, ka phei leh lai chuan Damian-a bulah chuan hmeichhe chhelo zet hi a lo ṭhu reng mai.

A sam a sen thara, a hmêlṭha in a pian a nalh viau bawk, Damian-a bânah chuan a la kuah chial zui. Engvang nge ka hrelo, mahse hmuh nuam ka ti miah lo, Martina bulah chuan ka ṭhu ta daiha, Damian-a pawh chu ka en zui tawh lêm lo, Zirtirtu lam chu hawiin a thil sawi vêl chu ka chhinchhiah zui mawlh mawlha.

Lehkha zir hi ka ngai pawimawha, ka chhûngte min beisei ang ngei hian awm pawh ka duh, ka ṭawng leh tawh miahloa. An ni ho pawhin min be em em lo, chawlh hun a nihchuan ka lehkhabu chu khung sawk sawkin chawhnu lam class ka nei rih lo bawk nên haw tumin ka chhuak zuia.

Class room aṭanga ka chhuah rual chuan min hmu apiang chu an phun leh sep sep tawha “Damian-a te bulah a awma, tumahin tibuai suh u, buaina in duh loh chuan Damian-a khân a thla vâng a hauh an ti ania” an tihri chu ka hre reng, kal pelh mai ka tum lai chuan “Ngatinge khatia engmah sawi lova i chhuaha” tih leh ka dâra rawn kuah chu a ruala, a hmêl ka en chuan Damian-a bawk.

“Ka haw dawn, tihtur ka nei tawh hleinem. Kal vat ka duha, min thlah la” ka tihchuan a nui suka, a hnungah chuan nichina hmeichhia bawk kha a rawn ding lehnghala. Ka awm a nuam lo lehnghâl, a bialnu a ni ngei anga, lo tihbuai pawh ka duhlo, rang zet chuan Damian-a kut chu ka la thla a, kal leh mai ka tum lai chuan min dang leh vata.

“Eng nge i hriata? Khatia hlauh hmêl deuha min en? Nichinah kha chuan i ṭha vek si a, Fiona diklo a awm em ni?” a rawn tinghal mawlh mawlha, ka lu ka thing nawk nawk ringawt.

“Haw ka duh tawh mai chauh ania, khawngaihin min thlah thei angem” ka ti sapa, ka hmanhmawh tawh. A bialnu lah hian min ngeih loh hmêl ropui si.

DAMIAN

ZAWMNA 

“Kal rawh keipawhin class ka nei tawh lo lêng ang” tiin min rawn kaia, min pawt kal nghal dawr dawr mai. A bialnu emaw ka tih nu in a auh zuina pawh a ngaihsak leh tawh chuang lo, hepa hi ka hre ve chauha mahse mi a nêl phian bawk si, ka lakah hlauhawm tur chuan a che hauh chuang bawk silo.

“Damian haw ka duh, ka lêng hman lo ka chhungte'n min ngaihtuah palh ang” ka tihchuan a rawn hawi vuta “A ho lutuk, puitling i ni tawh. Kan awmdân chhûngte kan inkhap tir bur tur a nilo, mahnia ngaihdan nei ve tur in kum i tling tawh, engkimah chhûngte thu thu a awm i tum tihna em ni? Lo kal phawt teh” tiin Gate lam pan chuan min kal pui zela, chutah gate sira car leh bike lo inhung dul lamah chuan min kalpuiin bike dum hlarh mai nalh zet zâwnah chuan min dinpui chata.

Ducati ngat lehnghâl, amah nên chuan an inhmeh lutuk tlat. Ka âng pama, bike to tak a ni tih ka hria a. An hausa hle in ka ring ve ringawt bawk, bâkah a incheina hrim hrim hian mi awm thei tak an ni tih min rin tur mai, helmet fullface chu khumin min rawn ena, Lalpa leh! A mitmeng mawlh chi, biker duh em em leh reels vela en peih em em tân chuan ennin a har lutuk tlat.

American ho phei chu an mitmeng a mawi zia in hre vek in ka ring, ka thaw haka. A zûnah ka uai chiang a lawm, vawikhat hmuhna ah pawh min hneh em em tawh mai si. “Lo chuang la, ka lênpui ang che” tiin a nui leh suka, ka zui ang nge ka haw dawn tih ka ngaihtuah neuh neuha.

Mipa chhelo lutuk chutia han hnar teh tlawng chu ka ui ve tho bawk si, muangchang chuan a bike hnung ah chuan ka ṭhu chho a, a khân a sâng bawk nên lâwn a har ngei mai. Ka ṭhut dawt rualin a rawn nui haka “Ka hmeichhe hmuh tawhah bike chuan ila zeilo ber” a la rawn ti zuia.

“Ka chuang ngai hleinem, bâkah a sâng em a nih kha, kal vat ang. Haw leh vat ka duh ania, nutei ten min hau palh ang” ka tih tâkah chuan ka kut rawn banin a kâwngah chuan min kuah tira, mi chuan min en leh ṭhup tawha, a nuam lo duh ngei mai, tûnah chuan Damian-a hi mi naran mai mai a nih ka ring lo ta tawp mai.

A tlân chhuah rual chuan a hnungah ka bei rawk rawka, a tlân chak bawk nên bei loh chi pawh ani tawh lo ka au phei vawn vawn mai. “Tlan muang deuh teh, kan accident ange aw Damian, tlân muang rawh ka hlau a nia” tiin ka au chula, a tâwpah chuan a tlân muang ve ta hrâm mai.

Thli in min chhêm nasa bawk si ka sam chu a hnawk rumin ania ka rin ni. A phe suau suau mai, a tâwpah khawpui pâwnah min tlân puiin ka hawi kual ruaia, kawngpui sir dunga Tuipui cham pût mai te chu hmuh a nuam lutuk tlat, ka lo kal châk ṭhinna em emah khân tûnah chuan ka kal ta mek chu a ni si a, mi ram mawi ka lo tih em em ṭhin ah khân tûnah hian ka beisei phâk loh khawpa mipa chhelo leh hmêlṭha nên kan kal mêk chu a ni si a.

Kawngpui aṭang chuan min pên pui in kawng tetakte lo awmah chuan min tlân pui zela, hlauhna pawh ka neilo. A chêtzia aṭang hian ka ring ve tawp ringawt, chutah min dinpuiin a helmet chu a phelha “Chhuk tawh la, heta ṭang chuan ke a kal angai tawh a” a tihchuan ka chhuk vata. 

Ka hawikual nghâl ruai mai, thingin min hual khup bawk nên khaw hawi a tâwi duh ngei mai. Ka kutah bawk chuan rawn kaiin ngaw chhûng lamah chuan min luhpui a, thui lo te kan kal leh hnuah tuiluang ri ka hria a, chutah kan hmaah chuan thing lian pui pui lo dingin a hnuai chu a thelh hana, phûl leh hnim tawi tê tê bâk hmuh tur a awm lo.

Ka hmaah chuan dil lian vak lo lo awmin a pâwl raiha, a nalh lutuk tlat. “A mawi lutuk” ti a phun sapin Damian-a pawh ngaihsak tawh lêm lo chuan ka pan vata, a ramhnuai awmdân te, a dil mawi lutuk te chuan rilru a ti hahdam sawng sawng thei hial mai.

Nui sakin ka hnaih zela, a tui chu va khawihin ka beng per chhak chhaka “Hetianga mawi hi ka la hmulo, Damian engtin nge hetiang hmun hi i hriata?” ka tihchuan a dâr a sân uka “Heta chêng ka nia, ka hriat ve bawk lohin, ka thuruk a nih hi. Ka rilru hah châng te, buaina ka tawh apiangin he hmunah hian ka kal ṭhin” tiin dil sira lungchungah chuan a ṭhu a.

Ka en nghal ha mai, dil lam chu hawiin a ngawi vang vanga, eng emaw ngaihtuah hmêl te pawh a pu. Engmah zâwt tawh lêm lo chuan tui chu ka ke chuan ka dai per chhak chhaka, ka nui ver ver bawk. Tûn ang khawlum hnuaiah chuan inchiah daihna atâna duhthusam a ni.

Damian-a chu rawn in phelh sawk sawkin kekawrbul nên tlawng chuan tuiah chuan a rawn zuang luta, a rawn per bawk nên ka thawmhnaw chu a huh deuh ṭhat ṭhat a, ka au nghâl chûl bawk. “I â em ni? Ka thawmhnaw i ti huh vek dâwn a lawm” ti a ka hau chu tui chhûng aṭanga rawn dah chhuah pah chuan a sam huh chu a thing per chhak chhaka.

A pian nalh lutuk leh a hmêlṭha ser sawr lutuk chu hmuh nuam tak a ni, ka thusawi tum zawng zawng ka theihnghilh leh zo vek dâwn takngial in ka hria, engvanga he mipa chhelo lutuk hian kan vawikhat inhmuhnaa heti khawpa min ngaihsak nge a nih tih pawh ka hre hauhlo, mahse ka lâwm ru viau thung si.

“Lo lût ve rawh, khatia din tlâwn reng ai chuan nuam i ti zâwk ang. Hmanhmawh la” a tihchuan ka lu ka thing nawk nawka, teuhlo rapthlâk lutuk. Ka in phelh te chuan kekawrte leh bra nên ka awm angai anga, min hmu vek dâwn asin. Bâkah an ni ho hi chu an ngo dân hi a chiang ngawih ngawih a, keini ang Asian vun nên phei chuan khaikhin chi pawh anilo.

A bulah chuan ka vun hi a eng zualin ka hria, “Ka duhlo tihian ka duhtâwk, ka in phelh duhlo” ka ti chu a rawn nui haka. Min rawn pan hnaih chuan phâwk zet hian ln en in ka mit chu ka la sawn zui daiha.

Ka hmaa a rawn din leh tâkah chuan en loh theih hek loh le, chil lem khalh chuan ka en chho ha a “I zak em ni? Zah loh tur, hetiang mai mai lehnghal, tui i chêng ve ngai lo em ni?” a rawn tihchuan “Cheng ngai e, mahse mipa nên kan chêng ngailo” ka ti chu za tak hian a rawn nui leha.

Engvanga ka thusawi pawh chu nuih nuih nge maw a nih le sual lutuk mai, chutah ka inrin hma chuan ka kekawr chu a pawt thla thuta, inhup ngaihna a awm tawhlo. Phâwk hru chuan panty nên chuan ka ding tlâwn ta reng ringawta, Damian-a pawh chuan min en reng mai.

“Hmela engvanga khatianga min ti nge i nih?” tiin ka vin zui hlak hlaka, ka beng nghâl chawrh bawk “Tihpalh, a hrim hrimin khatiang te chu ka hmu tam lutuk, zak suh ka tih kha i thlan hluam tawh bawk nen tuiah hian rawn inchiah ve vat turin ka duh mai che a nia, kan awm rei tawh dawn lo, khatiang zahthlâk pawh a nih loh kha” a tih tâkah chuan ka awm a nuam ve ta deuha.

THAWHLEH ZÂNAH CHAPTER 2 DAH KAN TUM ANG