MANGRAM PASALṬHA CHAPTER 9

MANGRAM PASALṬHA

CHAPTER 9

“Ka tihpalh, Saithan ka tihpalh, mahse khanu kha ka thik em a ni?” tiin ka mittui chu a âwmah chuan ka tat nawk nawka,  “Ka chhanchhuah nu a nia, i thik nân ka che mai mai a nihkha, tumahin min ṭhen hrang leh tawh lovang” a tihchuan ka ṭah nuih leh haka.

Chutih lai chuan pûk chu rawn êngin kan hmaah chuan hmeichhe hmêlṭha zet hi a rawn dinga, Saithana nên chuan kan lo en reng thung. “In harh tawh a maw, kan tlai teuh hle mai” tiin a nui saka, tu tak chu ni ang maw?

“Nangmahni chhanchhuaktu cheu ka ni e, Saithana khân a rawn man hman lo ang che tih hlauin ka lo pui a nih kha, ka faten in chunga an thiltih avâng khân min ngaidam dawn a nia, i pa lakah pawh ka inthiamlo lutuk a. Ka fate hi an luhlul ve bawk si a” a tihchuan Vankima te unau nu a ni tih ka hre nghal.

“A nihchuan helai hmuna min dah tu pawh hi nangmah em ni?” ka tihchuan a rawn bu leh nghat a. Amah vanga him kan ni tih ka hriat chuan ka lâwm ngei mai “Kan lawm e” ka tisapa, Saithana erawh a la ngawi tlat thung. Ala ngeih lo hle tih ka hria, Vankima te unau a huatzia ka hre miaua.

“Engvanga min pui nge i nih? I faten min thah an duh a ni lo'm ni?” a lo ti hmuka, chunu chu a rawn nui leh sak mai. “Nia ka fate pawh hi an mahni thu duh lutuk an nia, tûnah chuan hremna tuarin engmah an rawn ti tawh lovang, in mihringpuite lakah fimkhur tur cheu in ka duh, tûnah pawh hian an pasalṭha i thahsak khuaten thah che tumin an zawng mek che a nia” tiin Saithana chu a melh kalha.

“Ka kal phawt ange, in ei tur faisa vêl ka dah kha, heta ṭang hian la chhuak lo ula a ṭha ang. An zawng reng cheu a nia” tiin a bo zuia, a awm loh hnu chuan Saithana nên chuan kan inmelh haw a. Min kuah lehin ka biang tawn tawnah a vuana, chiang zet hian min en bawk.

“Ka hmangaih che” a rawn tihchuan lâwm avângin ka mittui a tla nghal ngiai ngiaia, “Keipawhin ka hmangaih che Saithankhum, nupui i nei ti a an sawi khân ka na lutuka, chuvang a sin Khawlian lalfapa pawh neih ka rem tih ni. Ka chân che tih ka hriat na khân min tina em em si a” tiin ka mittui chu ka hru zauha.

“Min kal bosana, engtin nge nupui nei turin min la rin cheua, nang tê hian min rin hi i harsat em em sia tiraw? Ka pa hnen aṭangin i awmna hre lo phei ila ka la hmu nâng che” a tihchuan ka nuih saka, a lu tuam bar chu ka khawih saka.

“Tinge i lo zuan thlâk ve?" ka zawhna avâng chuan ka kut chu la kangin a fâwp zauha, “Ka hmangaih che a lawm, engtin nge nangmah chauha ka kaltîr theih ang che. Khatiang thil kha ti tawh hauh suh” a tihchuan ka nuih saka, dingdihlip in a hmuiah chuan ka fâwp nghal zauh mai.

A lo duhtâwk leh pek lo duhthawh zet hian min fawpin pûk chhûng bangah chuan min nawr beta, ka thaw hlawp hlawp mai. Ka taksa danglam chak lutuk chu amak zâwk, ka na lam ka ngaihtuah thei tawh lo, a samah chuan ṭhâm sakin ka thiam tâwk chuan ka chhâng lêt ve tân tân a.

“Ka mamawh che” a aw pa zet chuan rawn tiin lung bang ṭhutna rem châng zet lo awmah chuan min ṭhut tirin min rawn hnaih nghal ruak mai. Mitmeng phelh phanga ka lo en chu min rawn nuihin ka puan bih chu a phelha, ka zak buai peih tawh lo kan engkim kan inhriat tawn sak miaua.

“Saithan” a nghâwngah chuan ka zuhsak dêk dêka, ka lungphu lah a rangin ka sa pup pup bawk. A ni pawh an bâng biklo, thaw hawk hawk hian ka hnute chu a ṭhâm ṭawk a, ka ner deuh sak mai.

(A thekthi in duh bawka thekthi viau ang)

“Nau keng ngei ngei turin ka che tawh ang” tiin a nui suka, ka nui ve hak mai. “Ka duhthusam a lawm, i fa pai ka duh” ti ve sapin a zakhnuaiah zen lûtin ka kuaha.

A fa ka pai chuan hmeichhe dang lakah pawh ka hlauhthâwnna te a reh deuh tawhin ka ring, min kalsan ring lo mah ila hmeichhe dang zaklo tak tak an tam si a, kan buai leh ka hlau ber mai.

“I pai ngei ngei ang” tiin bangah chuan min nawr na sauha, a puan ven chu phelhin a mipatna chu a rawn in perh chhuak nghal auh mai. Nui sakin a mi tih ang ang chuan ka lo ngai châng rana, ka hnar phal teuhlo mai.

Ka taksa chhûngah chuan muangchanga rawn lûtin puk bangah chuan a kut chuan in nam khalhin min d** zuia, ka thaw tawi hak hak mai. Rum ham hamin a hnung zângah chuan ka ham tawn tawna, ka mit chhingin ka au chhuak ṭhat ṭhat bawk.

“Darpui” ka hmuiah chuan a rawn fâwp tawn tawna, hnuailam chu a chêt ran sauh bawk. Ka taksa chu a mur chem chema “Kaaa zo dâwn” ka au chhuak leh ṭhata, ka khûr nghal dar dar mai.

A ni erawh a la che duhthawh viau mai, leiah chuan min mutthla in ka kapkarah chuan a rawn in zep leha. A rawn lût lehnghâl zat bawk ,“Tawp turin min duh êm?” a rawn tichhar chhar chu mittui tla chung chuan ka lu ka thing nawk nawka.

“Tawp suh, tâwp turin ka duhlo che” tiin keimah zâwk chuan lehthalin a chunglam aṭang chuan ka che sauh sauha, a ni pawh a rum nghut nghut mai. A hmêlṭha leh pa hrak mai chu enin ka nuih saka, ka hnute chu rawn ṭhamin a dak leh arh ṭhin. Leiah a lu chu nghatin ka chêt dân chu min en renga, a chunga ṭhu chuan ka che sauh sauh mai.

Ka hmui chu pet fan fanin ka taksa nawmna in a tuam mêk avâng chuan awm ngaihna ka hrelo a ni ber mai. “Ka hmangaih che” a rawn ti nawn leh saka, a biangah chuan chûl sakin zawi hnak hian a chungah ka bawka, ka kaw chhûngah a lum lût pap pap bawk.

Kumkhat lai kan awm dûn tawh lova, chutia kan han awm leh thei ta chu kan indim lovin kan duhthawh dun zia kan hai lo ve ve, kan taksa bal tur pawh ngaihtuah lovin inkuah chial chuan kan mu a.

“Min rawn zawng miah lo la chuan pasal ka nei ngei ngei ang, ka hmangaih lutuk che tih i hria tiraw? Mahse kha lalfanu kha i zui haw khera, bâkah ka pa ka hmu ve chauha a bula awm ka duh ve tho sia, min ngaidam rawh aw. Ka nu ka ngaihtuaha, kan nufa tuarna kha min hriatpui vek kha, ka pa ngei ka hmu ve thei kha ka lâwm a sin” tiin ka phun sap sapa.

Ka hnungah chuan a chûl hliau hliau a “Ka hrethiam e, mahse ka hriat loh in engthil mah tinawn leh tawh suh ang che. Kei min ngaihtuah lo ah ngaiin vawikhat mah ka tibuai tawh dâwn hauh lo che a nia, chuvâng chuan engkim ka hriatna ngeiin tila ka duh” a ti dap dapa.

Ka bu nghauh nghauh ringawt “Min hmangaih tih ka hre tawha, tûnah chuan engkim huamin ka vuan tawh ang che. Ka thlah tawh miahlo ang che” tiin ka nuih sen sena, chutah min thawh pui nawlhin puk chhûng lamah chuan min luhpui a, tui ri sar sar ka hriat avâng chuan mak ka ti ngei mai.

Pûk chhûngah tui maw? Kan hnaih zela, a rawn êng ta uar mai. Pûk chhûng chu zau deuh hian a lo kua a, a chung lam aṭang chuan tui chu a rawn luang lût tih a hriat hle bawk.

ZAWMNA

“Inbual dûn ang hmiang” a tihchuan ka melh deuh haw a, “Sahbawn pawh kan neilo” ka lo tih lai chuan a rawn nui suka, a ippui chu a dap nghal ruk ruk mai. A lo pai leh pek nge mawni?

Time travel hi ka ring ngai lêm lova, mahse mahni ngeiin han tawn tâkah chuan ka hrechiang khawp mai. Nu Zampuii pawh keimah ang thova awm ve a ni miaua, sâp thawnthuah pawh an lo sawi fo ṭhin a, a awmlo tih ngawt chi a nilo tihchu keimah ngei pawhin ka chiang ta.

“Ka nu hian ka zin chhuahna reng rengah ken loh a phal hleinem, tihian ka ak reng a lawm, le in phelh la inbual zung zung teh ang” a tihchuan ka hnial duh tawh lêm bik lo, kan bal tawh lutuk tlat. Kan awmna hmuh lah khawilai nge tih ka la hre ṭhak lo lehnghala, inbual zawha vah kual ngei a ngai dâwn a nih hi.

Ka thawmhnaw chu phelh sawk sawkin tuiah chuan ka lût zuia, Saithana pawh chu a rawn lût ve bawk. Sahbawn chu min rawn chulhin ka taksa chu a chûl kuala, ngawi reng chuan a tih ang angin ka dawh ringawt tawp. Dik tak chuan kan tlâkna lamah khân ka taksa hi a na ṭhem ṭhum bawk nên chêt vel ka phûr viau lo.

Kha lasi nu khân min pui lo se chuan kan thi chiang ang chu aw, Saithana chu ka en ṭhin. Ngawi reng leh tak ran hian sahbawn chu min hnawih mawlh mawlha, a mit chuan ka taksa bâk a en lo, kha khamah khân ka tân a rawn zuangthla ve mai chu ani sia le.

Nui seihin a nghâwngah chuan ka kuaha, “Ka hmangaih che Vanlalpa em em pa” tiin ka mit chu ka siai saka, a rawn khi ve suk mai. Ka hmu hmêlṭha leh em em tawh, a sahbawn chu lâksakin ka chulh lêt ve ta thunga, a vun uk kharh te chu a inhmeh pui hluah hluah mai.

“Tu hmeichhia nên mah sawizawm che ka duh tawh lo a nia, keimah bâk i nunah awm suh se. Khawtina bialnu nei thei ang te hi ka ngaihsan zâwng an ni ve loa, tlang takin ka sawisa a nihchu. I kawp lâwr ka tihna nilo in, a hma anga buai leh ka duh tawh lo, keipawh i lakah mipa dang hming emaw i hmuha mipa dang awmpui vêl kha ka ti ngai dâwn lo, i hmuh loh pawhin ka rinawm reng tih hi hre phawt la” tiin ka sawi dap dapa.

A bu nghat nghat mai, kan taksa chu nuai dunin tui chuan kan in tleuh zuia, pûk chung lam aṭanga ni êng rawn in kâp lût ah chuan dingin ka in pho a, a nuam ngei mai. Ka taksa hmun ṭhenkhat chu kan tlâkna lamah ka sawh tih hriat takin an pilh phêng phunga, chutianga nasa erawh chu an ni lo hlauh thung.

Saithana pawh a ni ve tho, a ni phei chu min venna lamah a bân vêl chu a ti hliam tih chiang takin ka hre thei, engtin nge na hre miah lo anga ala awm theih zâwk ni.

Kan inbual zawh chuan kan thawmhnaw ngai bawk chu kan ha leha, puk pâwnah ka dak chhuak chu ka au chhuak lo chauh. Saithana chuan ka ka rawn hup vat lo se chuan ka au chhuak vak ngei ang le, kan hnuai chu feat 10 dâwn lai a la sâng a ni tlat, ka thidang lo chauh a ni. Kha lasi nu khân hetah hian min dah a ni ngei ang.

“Bengchheng suh, nangmah neih tumtu lalfapa khuate khân min zawng mek a nia” Saithana chuan a rawn ti sar sara, eng maw? Thangkunga te chuan min zawng a maw? Ka pa ten chin an hrilh a ni ngei ang, ka rilru a hah ngei mai. Inneihna kha ka tih tâwp ngei a ngai bawk si.

“Kan dam chu an ring tawh lo phawt anga, kan ruang an zawng a ni ngei ang” tiin ka phun sapa, a ni pawh a bu nghat mai. A kut hum ruh ṭûn chu chelhsakin ka chûl zauha, “Thinrim suh aw, tûnah chuan engkim ka hre tawha. Ka nei dâwn miah lo ania, khuaah kan lêt ve leh ka pa engkim ka hrilh vek ang” tiin ka phun sepa.

“Ka ril a ṭâm tawh Saithan” ka tih tâkah chuan pûk chhûng lamah chuan min luhpui lehin kha lasi Lalnu ei tur dah vêl kha a siam zui mawlh mawlha, mei chhuah ngam a la ni silo nên ngawi reng hian kan che dûn mawlh mawlha, thei vêl chu kan ei ta tawpa.

Serthlum te a awm ngei lehnghâl, duhthawh zet chuan ka ei mawlh mawlha. Tui ka ti ngei mai, ka ei tân tâna, Saithana erawhin ei vak lo in ka ei tur chuan a rawn chhawp hnai mawlh mawlha. Thei a ngaina vak lo nge maw ni?

“I duh ve lo em ni?” ka tihchuan a lu a thing nar nara “Nangmah khan ei ṭeuh phawt rawh, i puar kha a ṭha ber. Min zawng tute kalsawn hunah rawng kan bawl dâwn a nia” a tihchuan ka bu nghat nghata, mipa tân chuan thei ringawt chu puar a har dâwn em a ni.

Thil eizawh chuan tih tur dang a awm lo nên pûk bang nghêng chuan ka mu mai maia, Saithana erawh a khât tawkin min zawngtute chin bihin a va dâk chhuak zauh zauh thung. Nui sak sakin ka en leh ṭhin, a che vel rêng rêng chu a hmuhnawm hi a ni tawp mai.

Ka bula a rawn ṭhut chuan ka lo nghêng nghal vata, a dârah chuan beiin a kut hraw hrup chu ka hum rana. “Kan thi lo hi a mak e, nidangah chuan khatiang rawn ti ve tawh miah suh aw, kei ka thi a nih pawhin nang tal chu i dam tur a ni, chu chu hre reng rawh. Tu emaw zâwk tal hi kan dam chhuah ngei ngei a ngai tih hi” ka thusawi chu a ngaithla kar mai.

Dik tak chuan ka inthiam bîk chiah lo, khatiang thil ngaihtuah chiang miahloa ka ti kha nuam ka ti bik lo, keimah avângin hote ah a nun a chân thei chu a nisia. Tlâng thang pasalṭha a niin a khua leh tui tân a pawimawh dân tur ka hria, mi tam tak thlamuanpui ṭhin hneh loh la neilo kha keimah avângin a thih phah ṭep chu a ni sia le.

“I tello in ka dam duh bik hleinem, ka sawi tawh kha engtikah mah ka thlah tawh ngai dâwn lo che. Kan thi emaw, kan dam emaw kan pahnih zela hringnun hmachhawn dun ka duh, i kut chelh a i kiangah awm reng ka duh. Pasalṭha nimah ila ka hmangaih tel lo chuan engvangin nge ka dam reng duh bik ang” a tihchuan ka ngawi renga.

Sawi mai tur pawh ka hrelo, min hmangaih miahlo emaw ka tia, mahsela keiai min hmangaihna hi a nêp bikin ka hrelo. A hmêl chu chiang takin ka en ṭhin, duh nise chuan lalfanu hmêlṭha leh awm thei tak tak nei thei tur a ni a sin le.

Mahse kei min thlang mauh mai si a, engtianga chhân tur nge pawh ka hrelo. Ka thinlung tak erawh chuan ka hlim viau thung si, a kut chu hmer na salhin a âwmah chuan ka beia, a lungphu dat dat chu ka ngaithla pah bawk.

“Keipawhin he khawvêla mipa ah chuan ka hmangaih ber che, tûnah chuan phatsan che emaw mipa dang hnaih san che ka tum tawhlo. Ka pasalṭha ni reng rawh aw, min venghim reng turin ka duh che” tiin a kut chu ka khalhsak neuh neuha.

Dik tak chuan awm hran pawh ka duh tawh lo, nupa anga kan awm rau rau inneih mai ka duh tawh zâwk. 

“Min zui haw mai dâwn em ni? I nu leh pa chu palai kan tir mai anga” a tihchuan pawi ka ti lêm lo viau mai, awm hrana rilru hah leh na reng renga hun hman ka duh tawhlo, engtik lai pawha a kianga awm ka duh.

“A pawilo i bula ka awmna tur a nihchuan, inneih vat ka duh. Ka ta ni vat la, tu hmeichhia mahin an beisei tawh loh nân che i nupui nih thuai ka duh” ka lo ti ve vata, a rawn nui nghal hak mai, nuihzatthlâk a awm der silo. Ka melh ram rama, ka sama rawn tuai zauh pahin pûk chhung lam chu a melh zauha.

“Kan hliamte hi han dam fel phawt sela khaw lam chu kan pan mai dawn a nia, i nu leh pa an thinrim lutuk êm lovang chu maw? Indo vak te hi a ngai mai anga” tiin a nui suk suka, ka ner nâng mai.

“An ti kher lovang, ka nu leh pa chuan min hrethiam em em ang, mahsela Khawlian lalfapa te zâwk hi a ni, an thinrim viau angem tih ka ngaihtuah kan khuate hi an rûn duh maiin ania ka rin ni” ka lo ti chu ka kut a rawn hmer salha.

“Ngaihtuah suh, ka pa te ka bia anga kan venghim mai ang, ka bula i awm theih dân tur ngaihtuah phawt angai a nih hi maw. Engpawh chu nise mut tam kan la mamawh tlat, kan taksa tih chak ṭhat vat a ngai a nia, muhil leh tawh rawh. Ka lo vêng ang che” tiin mu tur chuan min nawr zuia.

Hnial duh bik lo chuan insiam remin puk chhung leiah chuan ka muthla a, a bal lo bawka a nuam tâwk viau mai.

Reilote ah muhil in mangramah ka lût zui ta thuaia, ka harh leh meuh chuan a lo tlai duai tawh mai. Saithana chuan mei lo chhemin chaw a lo chhuang meka, ka hmuh rual chuan ka panhnai nghal vat bawk.

“Ka lo ti ang, lo va awm rawh. Hmeichhe tih chi a nih kha” ka tih pawhin a duh tlat lo, a chêt ngai chuan a chêt zawm mawlh mawlh mai. A luhlul bawk nen ka tilui leh thei dâwn lo tih hria in ka kalsan ta tawpa.

ZAWMNA

“Saithan khu sakhi” kan awmna khâm hnuaiah chuan sakhi a rawn tla dân dân a, a la thau nalh em em lehnghâl. Saithana chuan min rawn hnaih vata, Sakhi chu ka kawh hmuh rual in a thal chu a va la a, kan awmna mi hriat tir a duh loh avângin silai a hmang duh lo tih pawh ka hria.

A chêt dân chu ngun takin ka lo en renga, a thal chu kuai kul pawpin sakhi chu a tin vâng vanga, a ni lah chung lam rawn hawi nachâng hre hek lo le sunhlu rah tla chu chharin a ṭhial bap bap mai. Chutah a rawn hawi chhuah lai tak chuan Saithana thalfang chu thlâwk chhuakin sakhi nghâwngah tak chuan a bur ta chata.

Rang zeta pûk aṭanga zuang thla in sakhi tlân deuh chu muangchangin a ûm a, thui a tlân lo. Tlu hnawkin a tâl khûr ta char char mai. Chung lam aṭanga en ka nih miau avângin ka hmu chiang viau mai, Saithana chuan a thih leh thih loh fiahin a ippuiah chuan a ak zui ta hmaka.

Pûk lama a rawn lâwn chhoh leh lai chuan ka lo nuih var var mai, pûk a rawn thlen rualin a ippui chu hlân sak ka tuma. A lo rit bawk nen pûk chhuatah chuan ka nghat thla nghâl hnawk mai, chutia ka che vêl chu min lo enin a nui suk suk mai.

“A va rit reuh ve, puah vat ang a tui dâwn lutuk” tiin ka phawrh zuia, a mâm zar mai. A ki pawh a chal ve tawh tih hriat takin a sei ve viau mai, chûl hauh hauhin Saithana chuan a chem nên chuan a vun chu a rawn lihsak ta mawlh mawlha, lo chelhin ka lo pui ve vat bawk.

A sa chu chan sawmin kan thuk siam ah chuan a ṭhen kan repa, a chek chu a siam zui mawlh mawlha. Ka ei ve ngai loh avângin ka ei tur bik a ruh leh a ti ṭha panga vêl chu min chhum sak ve bawk, a rim ringawt pawhin pum a ti ri rawih rawih thei, a tui dâwn tih a hriat.

“Awi ka ril a ti ṭâm lutuk ka ei châk tawh, thal kah i van thiam em em. Thiamloh neilopa, i zei vêl vek” tiin ka nuih var vara, a ni erawh ka thusawi avâng chuan a ner sak mai. “Hmarcha awm se aw, taka i ippuiah khân ka hmu tak, kan siam ange. Kan piah deuhah sâwn lo a awm asin, purun vêl a awm ngei ngei ang” ti a kal ka tum chu min lo danga.

“Keimahin ka va la ange, fimkhur kan la ngai a nia. Tumahin an hmu thiang lo che, tihian lo awm rawh. Nang ai ka che rang zâwk ang, bâkah an man che ka duhlo” a tihchuan a ngaihtuahna ka hre bawk nen ka tilui duh ta lo.

“Nangpawh va fimkhur rawh aw, tumahin an hmu thiang lo che. Him takin rawn kîr leh ngei ngei ang che” tiin ka kuaha, a ni pawh rei awm lovin a chhuak zui ta thuaia.

Ka en zui vang vang mai, keimah avânga nun chân turin ka duh hauh lo. Mei chu chhawm ṭha in sa kan rep bawk nen a uih hlau chuan ka che vat vata, kan sa chhum rim lah chuan min hip phian lehnghâl.

Rei vak lo hnuah Saithana pawh a lo lêt a, ka lo chiau au vat mai. Hmarcha leh purun chu a rawn hâwn nual mai, nui ver verin raw hmanga ka hmarcha rawtna tur siam chawpah chuan ka rawt nghal sawk sawka, ral lêng pûrun nên chuan kan sakhi sa chhum chu a in mil dâwn tih ka chiang.

Ka pum lah ril ṭam avângin a rawn ri kuar kuar mai Saithana chu a lo nui haka “A hmin tawhin ka ring, kha i pum lam a au ring tawh emai kan ei mai dawn em ni?” tiin raw hmanga kan sa chhum chu a rawn phawrh zui thuaia, mau no anga kan siamah chuan a tui chu thli chhuak vekin a tak chu Changel hnah chungah chuan kan chhunga, chaw nen chuan ṭhet in hmarcha chu kan chhawp zuia.

A rim chu a fuh vêl vek “Awi a tui dâwn lutuk, ka ei mai dawn” tiin sakhi sa ti lian ṭha nelh nawlh chu ka ei hmasa bera. A mah nên bak kan awm loh avângin inthup ṭît ṭêt pawh ka peihlo, ka nihna ang anga ka lang chung hian min iaina a neilo tih ka hrechiang em a ni.

Tep chap chapin ka nui ver vera “Awi ka lei ka lem tel mai dawn a tui lutuk, ei ve vat rawh” tiin chaw chu lian zet zetin ka bara, ka chaw ei a tui bawka, si hliam hliam chungin ka ei kawh luah mai.

Ka puar tâwk ka ei meuh chuan che peih pawh ka awm tawhlo. Puk bang nghêng chuan ka ṭhu tawpa, ka pum lah chu a puar kawh luah mai lehnghal. Chul hauh hauh in Saithana che mawlh mawlh chu ka ena, a mitmeng pa êm êm mai chu an inhmeh pui hluah hluah mai.

A hmui a la phîr zui! Mawi tak hi a ni ringawt, a fuh vêl vek maiin ka hria. Ka lam a rawn hawi thut avâng chuan ka lei ka chhuah ringawt a, a zawh veleh ka bula rawn ṭhu in min kuaha, khua a thim lam tawha mahsela kan la inhmu chiang viau thung.

Min kuahin a âwm chu ka nghêng ar ara, nuam ka ti takzet. Kan pahnih chauh nimah ila khawharna leh lunglenna pawh ka nei lêm lo, a kiangah ka awm tih ka hria a. Ka nau erawh ka hmu leh châk tawh viau thung, ka nu te pawhin min ngaihtuahin kan thi angah an ngai a nga, an tuar hle ngeiin ka ring.

“Inkhua chu engtikah nge kan pan ang?” tiin ka zâwt sapa, min kuah ngheh sauh pahin ka nghâwngah chuan a rawn fâwp zauh bawk. “Naktukah emaw khaw lam kan pan dâwn a nia, i nu leh pa bula chin hrilh tur tir zâwk ila a ṭha, mi in kan damchhuak tih hi hre vak lo sela a ṭha, ka hlauthâwng lam nilo in i nu leh i pa te ka ngaihtuah zâwk, kan dam tih i pasal hual ten an hria a nih chuan in khua hi an beih tur hmasa ber a ni” a tihchuan dik ka ti viau mai.

Min neih ngei ngei a tum zia ka hailo, min zar buai sek reng a nih kha. Engkim ka hrilh chunga min la pawm thei tu kha chuan min duh ve hle tih ka hria, awlsam tak chuan min chân a tum hauh lovang le.

“Ka awm lo tih i hriat khân engtin nge i awm?” ka hre duh miau sia ka zâwt lo theilo “Ka zawng che, khaw ṭhenawm ah ka kal kual a, ka zawng che a ni ber. Mahse ka hmulo che, i awm a ka rinlohna khua berah ilo leh awma, sumdâwng in rawn sawiin ka pa in lo hre lo sela chuan tûn thleng pawhin ka hmuh che ka ring lo, kha sumdâwng pa kha lâwm thu hrilh hial tlâk a ni” a tihchuan ka nuih saka.

Tu tak chu ni ang maw? Ka hming alo va sawi a ni ngei ang le “Nupui i nei tawh angin ka hre ve thoa, ka na a nia aw. Midang ta ni tur khân ka phal miah lo che a, mahse ilo nei tawp silo a, tlêm a tlemah thikna avângin midang ta ka ni ṭep a nih hi” tiin ka nui seiha, a rawn nui ve hak mai.

Alamah inherin a dârah chuan ka beia, ka thaw hle hle mai. A lung phu dup dup lah ka hre chiang “Tihian kan innei dawn tihna maw? Kan inru angin mi a kal dâwn?” tiin ka en ha a, a rawn bu nghat mai.

“Awi ka nuih a za reuh, khâm aṭangin zuangthla ve em em a tihian pasal ka nei daih a nia. A ho reuh e” tiin ka nui hak haka, ka taiah a rawn hmer ṭawk avâng chuan ka au chhuak nghal ṭhat mai.

“Kei min neih chu a ho a maw?” a rawn tihluk mai, a hmêl lah a pe rum leh nasa tawh mai, thil dang sawi belh ngam chi pawh ani tawh lo. Fiamthu pawh a ngai thutak vek zel bawk si, pasalṭha tih takah a tak ngul zel zawng a nih hi.

“Ka fiamthu a nihkha, tikhan thu tak vak ṭhin suh. I hlauhawm thei si, nui ve sâng la ka bula i awm phei chuan thinrim hmêl pu reng reng suh ka hlau mai ang che, nelawm deuh te hian awm ve la. Nupui te bulah pawh mi i seh hlauhawm khawpin i meng rum renga, nui ve ṭha zêl rawh” tiin a mal kham chuan ka mu thla a.

Engmah a sawi tawh lêm lo, ka thusawi ṭhin hi min chhâng ngai lo mahse a theih chen chenah a zâwm ve tih ka hria, khua a rawn thim ṭan ta bawk nên puan dang awm hek lo inkuah chial chuan kan mu leh a, puan sin tur a awm loh avâng hian thlasik a la nilo bawka kan taksa lumna hi kan in pe tawn a ni ber mai.

“Ehe! Thla a rawn êng ṭan a nihsaw, a mawi reuh lutuk” tiin thlaêng chinah chuan ka tawlh pheia, ala êng fiah vak lo nângin a mawi em em tho. Nui var varin ka bula Saithana rawn tawlh hnai chu ka lo pawt vata “Ka awmna angin êng dang a awm lova, thla êng pawh a mawi zual, hetiang tak hian lung a ti lêng thei tih ka hrelova” tiin ka phun sap sapa.

A ni erawh a ngawi reng thung “Hla ka sa ang aw?” ti a ka zawhna a avâng chuan a rawn nui haka “I zaithiam ringawt dâwn em ni?” a tihchuan ka nui ve hak mai “Zaithiam lo mah ila zai sak che ka duh a lawm, tikhan lo ngaithla rawh” tiin ka zai zui ta rat rata.

Lalngengpuiin a nalh taka a sak duhaisam chu ka zai rat rata “Ka thlir si-ar leh chhawrthlapui an mawi ngei kei ka tân, khuanu'n a duan ang rêngin tu dang ngai lo te'n an lêng” ti a sa in a thunawn ah chuan ka lût zuia, Saithana chuan min kuah nghet sauh mai.

A pangtilum chuan vawt pawh min tih tir lo, a nuam tâwk em em mai. Khan chialin a lamah chuan ka inhera, a âwmah chuan ka bei nghâl than mai “Ngaihzual tih lai khân ka hre chhuak che, ka ngai reng che a i hmêl ka hmuh loh chhûng phei kha chuan ka ngaizual ngawih ngawih che” tiin a kut chu ka hum hnana.

“Ka tân hian i va han hlu ngawih ngawih tak em, min kalsan tawh miah suh aw. Nang nên kumkhua a awm duna, fa tam tak neih ka duh. Nangmah anga pasalṭha leh hmêlṭha, fel tak tak hlir mai neih ka duh” tiin ka sawi zawm zata.

“Nangmah anga hmêlṭha hlir fanu nei ila, Pasalṭha mâkpa kan nei ṭhup zâwk anga a ṭha mai lo em ni? I rilru pawh a hah lo deuh ang, mipa kan neih chuan rilru hah reng rêngin i awm anga, an ram mut i phal loh phei chuan a buaithlâk dawn emai” tiin a nui suk suka.

Ka ner nâng nâng mai “An pasalṭha vek kher lovang, in lama hnathawk pâwl an awm mai dawn a lawm. Nangmah anga an zinchhuah reng chu ka phal teuhlo, an lerh phei chuan ka vaw hrep ang” ka ti chu a rawn nui hawk hawk mai.

Ka hmaiah chuan piai nawk nawkin “Kan duhthusam ang chu kan la siam chho dâwn a nia, tûnah chuan a pai i hna a ni tlat, che tluk tluk mai ang aw. Fa tam tak neih i duh chuan a pai pawh i huam a ngai a nih chu” tiin ka chungah chuan a lâwn zui zata.

Ka dang duhlo, nui har harin a nghâwngah chuan ka kuaha, ka pasal a ni tawha. Engah nge ka dan lêm ang? Bakah ka hmangaih a ni tlat, thla êng dul raih hnuaiah chuan kan pahnih khawvêlah chêng dunin tumah ngaihtuah lêk lo chuan kan che duna, ka muthluk lap lap thleng chuan min kuahin ka hnungah a chûl hliau hliau reng mai.

Zîngah lah ka thawh hma in a lo tho leh der tawha, hetiang em ema thawh hria hi engtin nge an awm theih zâwk ni? Thawh khalh lai ka la nei lo rêng rêng, a muhil ve ngailo ti dawn ila muhil lova chu chen chen a awm theih ka ring der silo.

“Tho hma thei pa, thawh khalh theih reng reng loh” tiin ka in chûl mâm thuak thuaka, ka kam te ṭhuahin meihawl chuan ka ha ka nawta, ka zawh fel meuh chuan chaw ei a lo peih leh der tawh. Vawiinah an khaw lam kan pan tawh dâwn a, a hmanhmawh deuh te pawh a ni'ang.

Sa nên chuan puar el euhim chaw chu ka ei leha, a tui ngei mai. Kan ei bâng chu kawng laka ei turin kan funa, kan sa rêp te pawh chu ippuiah chuan ak ṭha in pûk aṭang chuan muangchangin min chhuahpuia, fimkhur a ngai bawk nen a hahthlâk ngei mai.

Lei thlen nân ringawt pawh ka thlan a sa phung mai, muangchanga an khaw lam ni a a hriat lamah chuan min kalpuiin thâwm a ngaithla phah reng bawka, kei erawh ngaih ṭhat lohna em em pawh nei lovin a kuta kai chung chuan ka kal ve zel ringawt.

Hlauh tur em em pawh ka hre ve miau lova, ka ngaih han ti ṭha lo tur thil hmuh ka nei bawk hek lo. Rei fe kan kal tâkah chuan a him a ti tawh a ni ngei ang, a hma ang em em chuan a fimkhur tawh hauh lo, reilote min chawlh puiin tui chu ka in zui khalh khalha.

Ka thlan te chu ka biangah an luang zawih zawih mai, ngawi reng chuan kan ṭhu dun renga, a ṭawng hma chu ṭawng hmasak ka tumlo. A la râlmuang lo pawh ani thei a, keimah avânga kan pahnih nunna derthawng a a awm ka duh bik lo.

“I chau tawh em?” a rawn tihchuan ka lu ka thing nar nara, ka lu ah chuan a rawn chûl hliau hliau mai. “Thui vak lo kan kal leh chuan in khaw ram chin chu kan pêl fel tawh ang, lâwmpa te kha an lo va haw tawh em ang chu maw? Nge ni a min lo la zawng reng zâwk ni ang?” a tihchuan chhan dân tur ka hre hauhlo.

Mi pahnih rawn kal pui kha chu a nei ngei a, mahse khâm aṭan

ga kan tlâk hnu khân chin engmah kan hre tawh miau si lova “An haw tawh chu ka ring, kan bo aṭangin ni a liam tam tawh emai” ka tih tâkah chuan a bu ta nghat nghata.

NEXT AH TÂWP TIR KAN TUM DAWN NIA