MALSAWMPUIA (HRIATPUIA S2) CHAPTER 1

MALSAWMPUIA 

CHAPTER 1

HRIATPUIA FA TE KHA AW

“En teh Nono, u Sawmpuia a rawn haw tih i hria em?" ka thiannu in a tihchuan ka nui saka, kan tleirawl chhuah atangin ka duh tawha, a awmna lama piangah ka zui ti ila a dik ber ang. A hmeltha a, a thil zir mek ang chiahin a felin a zaidam bawk, a nu leh pa ka fak hle. Mahse kei ang mi thawveng lutuk nen chuan kan inmil vakin ka ring lo.

Sawmpuia a rawn haw tih ka hriatna chuan ban thuai thuaia, haw zung zung ka chak tawh. Master of divinity zirin a awm bo vang vang kha pa nia, nakinah chuan pastor puitling tak ala nih ngei ka ring. Aizawl atangin he khuaah hian college ka kala, an college dinna a la reilo a, chutih rual erawhin college tha leh hmingthang pawl tak an ni nghala.

Chuvanga ka nu leh pa pawhin min kal tir phal an ni, an fanu lahin zirna vang nilo a mipa duh bur avangin kal ka dil a ni reng si a.

“Ka haw vat angai a nihchu, chawhnu chu ka chawl mai ang" tiin ka nui vur vura, “Nang nu hi chu aw, pastor nupui ni turin i tling dawn em ni?" a rawn tih hlak chuan ka ner vaka.

“Tehreng e, a tan chauh tun thleng ka la invawnga, ka thawvenna hi em ni min iai puia" tihmakin ka tum bura, ka thiannu berin chutia min tih avang chuan ka lawm lo lek lek.

“Tak takin, pastor nupui meuh chu in uluk a ngai a nia, tuna i awmdan nen chuan a chi loh a lawm, ka iai lam che a nih loh chu" a tihchuan ka inher nghata.

“I u a nih avangin in mo atan min iai a nihkha, a tha a lawm" tihmaka kalsawn ka tum chu min chelh beta “Amak thin e, ka iai vang che a nilo. Ka u hian a nupui tur chu mize zawi raih leh amah tawiawm thei tur khawpa zaidam leh fel, mite fak rawn ani tur a ni a ti thin a, i rilru na tur ka duh lo a lawm" a tihchuan ka thaw haka.

“Ka sual chuang hleinem, min tihpui la a nih mai chu" tiin ka tho chhuaka, ka sawi ang tak takin chawhnu lam chu ka haw hmak mai.

“U Sawmpui, ilo haw em ni? Enge min lo hawn" tiin an inchhungah chuan ka tlan luta, nu Tha-i chuan min lo be nghal vata.

“Nono in bang tawh em ni? Khawiah nge i thiannu" a tihchuan ka lu ka thing nar nara “U Sawmpuia ka hmu chak tawha, ka lo tlan bo a lawm. Khawnge a awm a nu Tha" tiin ka hawi kuala “I pa Hriata football training puina lamah an kal lawk anihkha, an rawn haw tep ang. I u Sawma hi chu i ngai thei mawle, a unaute ai pawhin i ngai thin chu a nih hi, lo thu rawh" tiin a nui har hara.

“A ngai a lawm, bakah u Davida leh u Pekpeki an awm tawh siloa, in khua a har ka ring a lawm. Tepuii ringawt chuan in lunglen a hnem chuang nang" ti zat zata ka lo tawng lai chuan kawngkhar chu rawn inhawngin pa Hriatpuia leh u Sawmpuia chu an rawn luta, an va han in ang chiang tak, pafa tur dik tak an niin ka hria.

“U Sawmpui enge min lo hawn?" ti lehnghal zatin a banah ka va vuana, ngawi reng chuan dahthlak a tum ve bawk. Mahse ka thlah mai mai lovang.

“Kha bawiha a lo hmuak ve che a nihkha, enge i hawn pe ve la" nu Tha-in a rawn tihchuan a thaw haka “Min rawn zui rawh" tiin a kal nghal nul nul chu a hnungah chuan ka zui nghal zat, nu Tha-i nui hak hak chu ka hriat hmaih lo, ka star zia hre tu te an ni miau a lawm, thup vel ka thiam lo bawk nen min hmu tu tan hai theih ni nghal lo chuan.

“Kha!" a rooma kan luh rual chuan teddy bear hi min rawn pe a, lawm zet chuan ka la nghal vat.  “Ka va han lawm tak, ka duh zual sauh che" ka thusawi avang chuan thaw hak hian min en a.

“Sawi ziah suh, ka tan chuan i nau lutuk, ka chhang chhang leh ai pawhin i la nau zawk" a tihchuan ka ner nanga “Keiai Tepuii kumhnih bakin a u lo, baka kan class a in ang reng" tihmakin ka hnaih sauha, a lo tawlh hnung dawrh lehnghal.

“Min duh tawh suh ka tihkha; nang nena inzawmna neih ka duh lo" a aw chu a tawi tupa, insum a tum nasa hle in ka hria. Ka hmui chu pet zauhin ka en chho haa, a hmeltha zet chu ka thlir vang vang midang ta ni tur chuan ka phal bik silo a ni.

“Ka duh leh ka duh ang che chu, ka rilru i nia mi? Ka thluak leh ka taksa, ka thinlung a nia ka thu thu. Min duh ve kher rawh pawh ka tih loh che kha" ka hmaa mipa chu ka au khum tan tana.

“Naupang mai i nih kha, min ti thinrim lo teh" dam dup chuan ala rawn ti ve bawk “A ho, kum 19 chu ka ni ve tawh, pastor nupui ka nimai dawna enge pawi vak, ka hmelthat zia hi min en teh" tiin ka taksa chu ka theh kual vela, a mit a chhing sawk mai.

“A tawk, ka hmeichhe duhzawng i nilo, ka kal vat duha khatah khan ding lo teh. Tin nang ang mize pharvar lutuk hi ka duh chi i nilo" chu bawk chu. 

“Kum thum chhungin kha chiah kha mi i sawi tur neih chhun, ka duh ve em em che a. Khati khan min ti bik reng mai, ka lawm miah lo, nangpawh duh deuh neila min duh suh ti tlat che sela i thei bik dawn em ni?" tiin ka au khum tan tana, a rimtui zet chu ka hnaih bawk nen ka hriat hmaihlo.

“U Sawmpui, hmeichhe sual tak ka ni em ni? Ruih theih thil ka tilo a, chuan ka fel em em bawk. Ka harh lutuk tih mai loh chu" tiin lei ka chhuah zuka, ka nui nghal hak bawk.

“A theih loh ka tih tawh kha, nang nen chuan kan in thlau lutuk" chu thu bawk chu “I nute pawh nu Tha-i a upa zawka an in duh tawn em tho hi, tun thleng an la hlim. Keite chu ka naupang zawka, hmeichhia chu kan naupang tur a lawm" tiin ka hnaih sauha, hepa hian pastor nih a tum nen hmeichhe cheng pawh a la hriat ka ring thak lo.

A hmui bul chetah chuan dingdihlipin fawh tum ang deuh chuan ka awma, min namsawn rang ngei mai.“Chhuak vat rawh" a tihchuan nui har harin ka chhuahsana, a teddy bear min hawn chu pawmin nu Tha-i chu ka au pah chul bawk.

“En teh, min hawn a nih hi. Ka duhzawng engtin nge a hriat le? A zeiloh tehlul nen, pastor awm hliah hliah chu a nih hi, nu Tha ka haw phawt ange aw" tiin ka tlan chhuak zuia, Putea te in ka thlen chuan min lo hau leh mawlh mawlh tawh mai, class ka tlanbo tih an hriat hi chuan mi an hau ve ziah.

Mahse mi an duat zia ka hria a, ka haw duh ngai lemlo. Ka roomah chuan lutin ka teddy bear chu khumah chuan ka mut tira, nui var varin ka chul leh thul. U Sawmpuia min hawn a nih vang hrim hrim pawh chuan ka duhin uluk takin ka enkawl ngei ang le, a bulah mu chuan ka kuaha.

“Engtikah emaw chuan ka ta ila nih ve ngei ka beisei, ka duhna che hi i hrethiam bawk anga. U Sawmpui ka rilru hi engtikah emaw min dawn puiin min la pawm ve ka beisei tlat a ni" ti a phun sep sepin ka mit ka chhinga, Patea te hian awmpui an nei bawk nen tih tur ka nei ngailo a ka awl viau mai.

Muhil hmakin ka mang lah chu a taka putea a te tawng nen a in pawlh nuaih mai. 

Malsawmpuia min duh lotu hi in duh tir ngei kar duh a ni, ka tana mipa awmchhun ni tur hi.

FB KA GROUP AH KA POST AN REMOVE A S1 PAWH IK LIKE A TLING KHA A NIA KA UI KHAWP MAI, LIKE LEH COMMENT TAIMA TEH U AW