MANGRAM PASALTHA CHAPTER 8

MANGRAM PASALTHA 

CHAPTER 8 

“Enge u in tih dawn?" Saihlira insiam mawlh mawlh leh lalfapa leh u Kapkima rawn kal chu ka en ha a, “Kan zin chhuak mai mai dawn a nih hi ran ngo zawn pahin, khuaa kan awm reng zawngin nula te mit lah kan lamah a fu ve thei silo va, nupui neih kan hun ve tawh a lawm" ti a lalfapa a rawn tawng avang chuan Saihlira chu ka melh vata. Min lo en ve reng avang chuan ner sakin ka chawhmeh vil lai chu ka chawk mawlh mawlha.

Ka pasaltha thawnthu ngaihthlak nen an zinchhuak dawn tih ka hriat chuan rinawm lo tur ang tlatin ka ngai leh nghal, an lawmnu te kalsanin an zinsana, an kalna a nula hmeltha deuh an hmuh leh an lawmnu te theihnghilhin an chetsualpui fo tih ka hria a, hmanlaia hmeichhia an dah hniam zia lah ka hailo. Keichuan awlsam takin ka pawm leh thei hek lovang.

“Ka be duh che " tiin pawnah chuan ka chhuak zuia, inhnung lamah chuan ka kal nghal zat “Engtia rei nge cham in tum" ka hnung lam a thawm ka hriat rual chuan ka ti nghata, engvanga zinchhuah tum ve kher nge maw a nih ni “Ni 6 vel a niang, kan lalpa in tu hmel a hmu chak tawh si a lawmpa kha kan vahchhuah pui a ngaih thu a sawi miau si a, lal thupek hnial turin min beisei suh " a tihchuan ka thaw haka.

“Ni e a dik a lawm, ka duh chu hei hi a ni min theihnghilhin hmeichhe dang hnaih hauh suh ang che aw, ka hlauthawng a nia. Kei min duhkhawp lova hmeichhe dang i pan dawn a nihchuan tunah hian thutawp min siam pui nghal mai dawn ania" ka tihchuan hnim karah chuan min pawt lut vata, ka hmuiah fawpin min kuah nghal vawng vawng mai.

“Ka tiam tawh che a lawm, ngaihtha takin awm rawh. Ka awm loh chhungin tu mipa mah lo hnaih suh ang che, a bikin kha Thanpui lalfapa kha" a tihchuan ka bu nghat nghata, “Awle lo haw leh vat rawh aw, hre reng rawh min phatsan hauh suh ang che" tiin a hmuiah chuan ka fawp veleh nghal zata, a duhthawh leh tak em avang chuan kan chesual leh ta nge  nge a. Kan zawh rual chuan insiam tha vatin in lam chu kan pan duna.

A fiamthu thawh avang chuan nui hak hakin inchhungah chuan kan lut zuia, a thiante pahnih nena an kal chhuak chu thlir chung in luhkaah chuan ka ding renga “Zampui i u chu i va ngai awm ve aw,  kha a hmeichhe duhzawng tak va tawng ve tak ang maw? I pa nen tu hmel hmuh kan chak ve tawh si a, kan lalfanu lah a hnar ta bur mai si a. Lalpa in a rem tih tehlul nen enga tinge mawni" ti a ka nu tawng barh barhin a ruk chuan ka khi saka.

Keimah avanga lalfanu a hnar tih ka hriat khan ka lawm hle a nihkha, chaw eikham chuan inhnung lamah bawk chuan kalin ka dar chu ka ti ri bal bala, chutah ka hmaa engah chuan lutin ka khawvel pangngaiah chuan ka let a, ka in pawh a ngai ngaiin a lo la awm e, che zung zungin ka puan vel chu ka la khawma, ka mamawh tur chu ka pawisa khawla lei hnawkin ka inah chuan ka inchhek vum hnura.

“Hlute i va inchhek khawm nasa ve pem i tum hial em ni?" kan thenawmnu in a rawn tihchuan ka tum thu leh ka in chu hralhna tur min lo zawnpui tura ka chah hnuah inchhungah chuan ka luh sana, chhung lam atang chuan kalhin ka dar chu ka khawng ri leh bal bala, “Nu min lo pui teh" ka nu chu au lang langin ka thil chheh hnawk ho chu ka thiar nghauh nghauha, ka nu in mak tih hmel lutuka min rawn en chungin “Zampui heng hi khawi a mi nge" a rawn tihchuan nakina ka hrilh tur thu sawiin inchhungah chuan kan lut zuia.

“Nu hei in mutphah tur chuan hei hi sin ula" tiin puan ho chu a then ka pe a, ka leithar erawh Saihlira sin tur nen ka dah hrang thlapa. Ka nu te khumah chuan phah mawlh mawlhin lukham nen chuan ka daha “Bawihi i bungraw ho hi khawi a mi maw" a tihleh chuan nui var varin ka chanchin dik tak ka hrilh chuan ka nu chu a mengkawk kawka, “Ava mak ve awih loh dawnin heng thil te hian a tichiang bawk si, tiin sahbawn bakah bungbel leh inchhung khur a mamawh dang nen zawng zawng chuan a enkuala.

Lasi te zarah tunah chuan chaw pawh thleng leh fian nen pangngai takin a ei theih tawh ang chu “Nu tumah hrilh loh tur aw, kan lei emaw ti mai mai rawh se tirawh in rem fel ang" tiin kan che zui mawlh mawlha, ka pa rawn haw pawh chuan mak tiin min en renga, ka nu nen chuan hrilh fiah mawlh mawlhin a ni pawh a lawm hmel viau “Tunah chuan he khua a hausa ber pawl chu kan ni tawh dawn a nih hi" ka pa in hlim taka a tihchuan ka nuih sanga.

Kan in dah fel zawh meuh chuan in chu a khat ve deuh hnawk mai, ka bel lakluh chu tlailam ei rawngbawlnan kan hmang zuia, ka puan thenkhat chu Zualtei pe turin ka chhuak zuia “Kha Zampui enge i tih dawn" Thanpui lalfapa chu ka melh zawka “Zualtei ka hmu dawn" tiin ka kalzawm zata, min rawn zui loh avang chuan ka thaw huai mai, a nupui ka nih theih nan thlem chitinin min thlema, mahse Saihlira vangin ka hnar bur thung.

A ni chau lo pawh khawdang lalfapa bakah khawnbawl fate chenin min rawn rim turin kan khua an rawn chuangkai fo va, mahse he Thanpui lalfapa ang erawh chuan an rawn lawr zing lo thung, Zualtei te in ka thlen chuan au lang langin ka lut zuia “Lo kal rawh, awi kha chu enge " a tihchuan ka puan ken vel chu hmuhin “I ta tur a nih hi, chuan kha hei i hak tur " tiin thawmhnaw tlem azawng chu ka pe a.

A lawm thiam hle lehnghal, engkim ka hrilh tawh bawka, a bo em em lo. Thawmhnaw ha chung chuan a nui leh sen sen thin, hmeichhe hmeltha tak a ni a, nun nuam tak nei thei se ka duhpui hle bawk. Ni a liama Saihlira te lah rawn haw tih an nei bawk silo, kawtchhuah chu ka en leh vawng vawng thina, mahse a reh tlawk tlawk mai. Khualpang zin ho atangin an khaw kalna hrang hrangah midangte puiin an lawm hle tih ka hria a.

Chu zawng aia min ti lawm tu chu Saihlira nundan inthlak zaidam tak leh mite tanpui nana a nunna ngei pawh chan a huam zia sawia a nundan inthlak chu mak an tih zia an sawi thin chu a ni. Ka ngai em em a lo haw vat vat se tih tluka chak ka neilo, kawlsen phut thlir chunga ka hawi veuh veuh lai chuan thawm a rawn awma, ka hawi chhuaka ka mi hmuh avang chuan ka tho chhuak zawka.

“U" tiin ka tlana, ka kuah nghal thlawp mai. Ka ngai tawh lutuk hi ka tahte a chhuak zawk “Bawiha ilo haw thei maw? I nau a khua a har lutuka, kha in rawn haw har bawk si nitin a lo hmuak ziah cheu a, a hmuak hlawhtling ve ta cheu a nihkha" tiin ka nu chu inchhung lamah a lut zuia. “Min lo ngai viau em ni?" a tihchuan ka bu nghauh nghauha “Keipawh min hmuaktu tur tha deuh nei ve ila aw, kha Zampui i kawr chu a va dangdai ve " tiin u Kapkima chuan ka kawrfual chu a rawn kawk zauh va.

“Nia thawmhnaw dangdai deuh ka thui ve a nih hi" tiin Saihlira bawk chu ka ena, a nipawh chuan ka thawmhnaw hak chu en vung vungin ka awm a rawn en reng avang chuan laizetin ka hawisawna “In induh em em mai sia, titeh thiana keini pawh haw ve tawh ang hmiang, kan mal bik emai. Kan farnu te tal hian min lo kuah ve rawh se" tiin lalfapa chu nui huk hukin u Kapkima nen chuan an kalsawn zuia.

“Lut ang hmiang, miin mak min ti lutuk ange" a tihchuan ka bu nghata, dik tak chuan a ruka in ngaihzawn ngai hi ka ning, ka nu leh pa hi engkim hrilh vek mai ka duh tawh. Inchhung kan luha Saihliran thil awmzia a hriat chuan a lawm hmel vak loh hle “Enga, i khawvelah i let amaw?" a tihchuan ka bu nghat nghata “Taka kha heng hi i hak tur a nih hi, nisa ah i taksa a lang renga, a tha lo, hei ha rawh" tiin a kawr leh kekawr tur ka lei ho chu ka pea, a puan vel ka hmuh lai chuan khumpui lamah chuan min kai luta.

Ka nuten  min la ringhlel lo hlauh chu a vanneih thlak, “Engvanga let nge i nih?" a tih hmuk chuan ka en ha a, a lawm ve kha ka ring a sin “Ka lo let leh hi, tinge i thinrim viaua. En teh i mamawh tur ka ngaihtuah a nih hi" ka tihchuan ka thawmhnaw hawn chu chhuatah a vawm thuaia “Ka mamawh lo" a tihchuan ka en kar mai “Tinge khatianga i chet kher, ka ngaihtuah vang zawk che a sin " tiin a thawmhnaw paih chu ka chhara.

“Bawiha ni e thinrimna tur a awm lohkha, Zampuii vangin hei bungraw tha tak tak kan neih phah zawk a nih hi" ka nu in a rawn tih ve pawh chuan a lawm hmel chuang loh, “Hetiang thil kan mamawh lo, kan hunlai anga a awm thiam loh chuan zir mai rawh se" a thusawi avang chuan mak tizetin ka ena “A tha e i duh lo a nihchuan ka paih mai ang, ilo haw nghakhlel em em in ka lo awma, mahse nang chuan hlim hmel pawh min hmuh duh lova, a tha e ka paih vek ang" tiin a thawm hnaw chu pawmin in chu ka chhuahsan zuia.

“Khaih khaih Zampui, lo lut rawh" ka nu in a tihpawh chuan inhnung lam ramhnuai chu ka pan zel tho va, “Sual lutuk" tah chhuak zet chuan thawmhnaw chu khama thehthlak tum chuan ka la kanga “Tawp rawh" Saihlira chuan ka hnunglam atanga a rawn tih avang chuan ka tawp chata “Ka tihpalh, ka awm loh chhunga i lo bo daih hlau em em in ka awm ve tho a sin, i khawvel atang chuan rawn let thei tawhlo tala engtin nge ka awm ve ang " a rawn tihchuan ka enkara.

Min rawn pan hnaiin min kuah vawng vawnga “I sual lutuk, ka awm reng chuan lawm tak khan la mai ta che, rei deuh i bo va ka ngaihzia che pawh i hrelo" tiin a awmah chuan ka  chumsak dat data, min kuah nghet sauhvin min thlem pah hauh hauh va, khawthim tur nen kan bul velah chuan thawm a rawn awm leh thina, sihal vel an nih ka ring “Min ngai takzet a maw?" a tihchuan ka bu nghauh nghauha, “Keipawhin ka ngai lutuk che" a tihchuan thim thamah chuan ka nui var vara.

“Let tawh ang hmiang, zanlaiah ka rawn haw ang pawnah min lo nghak rawh aw" a tihchuan ka bu nghata “Saihlir ka nu leh pa hi kan hrilh thei mai lovem ni?" ka tihchuan a ngawi vung vunga “Keimahin ka la sawipui dawn a nia, tunah rihchuan ala hun lo" a tihchuan ka nawrlui lutuk duh bik lo. “Aw le a tha a lawm, haw phawt ang i mutbu tura ka tihkha keng rawh aw" ka tihchuan a bu nghata.

In kan va thlen chuan ka pa pawh a lo haw tawha “Bawiha in unau hian in ti taurau reng lo te hian awm ve tawh teh u, hetiang reng chuan a buaithlak emai, i nauin duhsak taka a pek che chu la ve mai thin rawh" ka nu in a lo tihchuan Saihlira chuan a chhang lemlo, zanriah eikham rualin zawlbuk lam a pana, dan ngai te in Thanpui lalfapa te pawh an rawn leng leh tawha, biak chhiat thiang hek lo. Nuih lui ngai te chu ka kham hluah hluah mai.

Zanlai a nihchuan ka nute tih harh hlau takin pawnah ka chhuaka, rei vak lo ka awm hnuah aw thian deuh kharh ri chu hria in ka pan hnai vata, Saihlira chuan min lo kuah chat mai. “Ilo kal dawn lo emaw ka tia" tisar sarin ka biang vel a nul nak nak avang chuan ka za ti chu ka tal deuh naka “Ka ngai tawh che a lawm" a rawn tihve sup avang chuan ka nui hak mai “Saihlir innei lova hetia awm reng zawng tha ka tilo ee" ka tihchuan ka kawngah chuan a hmer salha.

“Ka tiam a che ka nupui ila ni ngei ngei ang tih" a tihchuan ka khi saka, hnar thei heklo inkawmkar thim laiah chuan min pawt lutin leiah chuan min muta, ka kawrfual chu hlim chho in a rawn lut nghal zat. Au chhuah hlau zet chuan a dar chu ka seh a, a ni pawh a rum deuh hak mai. Chet lak chhunzawm zawt zawtin ka kawchhungah chuan a rawn lum lut ta puat puata.

“Engthil" ka pa aw kan hriat rualin Saihlira nen chuan kan en rual thawta, meichher nena ka nu nen min lo en reng kan hmuh chuan kan inthlah vata, ka insiam tha nghal sawk sawk mai. “Inchhungah rawn lut rawh u" ka pa chuan a tihmuka, ka nu nen chuan an inzui lut nghal daih bawk. Hlauthawng zet chuan Saihlira chu ka ena, a ni erawh hlau ang pawhin a lang lo.

“Engtin nge kan tih dawn?" ka tihchuan ka kut a rawn huma “Hlauthawng suh an hriat a hun tawh te pawh a nimahna " a tihpawh chuan ka hlauthawng lo theilo. Ka pa aw ah khan a lawm lohzia a lang vek si a, kan mu dun lai kher an rawn hmu chu ka zak takzet bawk. Inchhung kan luh chuan mei chu a lo eng papa, ka pa chuan min lo en reng bawk.

”Enge kan thil rawn hmuh kha a awmzia, nang ni pahnih hian ramri in pel a maw?" a rawn tih chuan ka kun chala “Unau in ni tih in hria em?" a rawn tihleh chuan Saihlira zawk chu a rawn tawng chhuaka “Unau kan ni reng reng lo, kan in hmangaih a ni, hrilh cheu ka tuma hun remchang ala awm loh vang zawk a ni e " dam dap hian a chhanga.

Ka nu leh kei erawh kan lo ngawi reng thung “Zampuii pawh fa angin kan en che a, mahse khatiang khan maw i lo chet thina" a rawn tihleh chuan ka en ha a “Pa ka tihpalh, mahse ka u hi ka hmuh hmasak ber atang khan ka duh in ka hmangaih a ni. Ni e nu leh pa pawh neilo min lo tuamhlawma, chhungkua min pe in min enkawla. Ka lawm lutuk, Saihlira hi duh loh pawh ka tum ve a sin, mahse ka theilo" ka tihchuan ka nu zawk chu a rawn insut hlap hlapa.

“Keizawng khua ka hawi ngam tawh dawn em ni?" a tihchuan ka inthiam lo takzet “Miin an hriat tam hma in inthen ang cheu, nang pawh Saihlir lalfanu nen khian in innei ang, chu chu i duh lo a nihchuan i nu leh i pa hi min chhuahsan tur a ni" atihchuan Saihlira chu a inhum ruh tawlh tawlha “Ka tilo vang" a tihchuan ka pa chu rawn ding chhuakin Saihlira chu a beng sawka, ka lo au that mai.

“I tilo a nihchuan i nu leh pa hi min that ang che" a tihchuan ka en haua “Nilo pa, ka..keimah ka chhuak zawk mai ange" ka lo tihchuan Saihlira chuan ka kut chu a hum nghet sauh va “A ngailo" a rawn ti hmuk bawk. Mahse keimah avanga a nu leh pa a do tur chu ka duhlo, keimah avangin a tuar dawn tih lah ka hai hek lo “Ka tihpalh Saihlir, mahse i tuar ai chuan ka chhuak zawk mai ang, Lalfanu chu nei rawh keichuan ka tuar thei em em ang" ka tihchuan thinrim hmel zet hian min ena.

“A tawpah chuan min chelh hlen ngam si nange, hmeichhe laktlak loh lutuk" tiin a chhuak zuia, ka au dawna ka ngam der silo. “Nangpawh chhuah kher angailo, khati khan a tha unau in ni a mi hmuh ah pawh a mawilo, lalfanu chu nei rawh se" ka pa bawk a ni. “Nilo e naktukah lalpa ka dil anga ka chhuak zawk ange, in mi enkawlna ah ka lawm lutuk " tiin khum lam pawh pan ta lo chuan ka chhuak zuia.

A tukah pawh Saihlira chu a rawn haw duh miah lova, keipawh lalpa hnena inhran ka duh thu ka sawi chuan mak min tih hmel hle. Ka nawr luih takah chuan a rem tih thu leh chhun lama hna tlanga ka intur an sak tur thu a sawi chuan ka chhuak zuia “Lawmpa nen in intithiam lo em ni? Kan be tawng zo silo" lalfapa in a rawn tihchuan ka tap chhuak haka.

“Engmah min zawt suh" tiin inlam chu ka pana, Saihlira leh Lalfanu Ngurhruaii tui rawn chawi haw lam ka hmuh avang chuan ka ding data, min en duh hauh lo lehnghal. Thawk la ham hamin ka kal pel zuia, tlangau rawn auin lal in lalmuala kal khawm tura a tih thu a sawi chuan an kalkhawm tak taka, ka in tur sak tur a nih thu an hriat chuan mak an tih hmel hlawm ngei mai.

Khaw mipui lah chuan ngaihdan an lo sawi leh sap sap tawha, kan intithiamlo a ni ang tih vel nen. Ka nu chuan chhuak lo turin min ti ve mahse ka hnial ve vata, ka bungrua neih ang ang nen chuan insiam sa in ka in tur an sakna lamah chuan ka kal ve a, Saihlira leh lalfanu awm dun hmuh chu a hrehawm takzet, Zualtei bulah engkim sawiin ka tahkhuma.

A ni pawhin min khawngaih hmel viau, an in bulah ka in tur chu an sa a, keimah te chauh ka ni dawn bawk nen sak len a ngailo bawka chaw hma ah an zo der mai. U Kapkima te chuan Saihlira nen min melh tawn leh thina, an thianpa lah chuan tawngkam khat pawh a chhak chhuak duh silo.

Tlai lamah chuan ka inah chuan ka invawm lut vea, Zualtei leh u Kapkima chuan min awmpuiin thil awmzia chu ka sawia, min khawngaih hmel viau mai. “Lawm pa chu ka lo bia ange" a tihchuan ka chhanglo, an haw phei hnu chuan ka mutbu vel chu siam tha in chaw pawh eilo chuan ka mu daiha, ka mittui luang ngiai ngiai nen chuan ka muhil thei mai lo lehnghal.

Ka in kawngka a rawn rik rak avang chuan ka mengphawk hru a, ka tho chhuak nghal vat “Tunge?" ka pan hnaia ka hmunphiah chu kengin thim karah chuan ka pheia, thawk leh khatah ka hmui rawn hupin min man beta, ka tal nghal nawk nawk mai “Keimah" Saihlira aw ka hriat takah chuan ka inthlah dula “Enge i lo tih dawn" ka tihchuan ka hmuiah chuan a rawn fawp leh bawrh bawrha 

“Awmsawn rawh, lalfanu ka nih loh hi kalbo rawh" ti thatin ka namsawna “Huh i ni ka ti em ni? Ngurhruaii chuan nang ang mai maiin min kalsan ve ngai hleinem, nang hmeichhia mahni thutiamah pawh ding theilo hmeichhe derdep leh hmuhsitawm tak chu i lo nih hi" a tihchuan ka insum zolo a hmaiah chuan ka bensak thuaia “Chhuak rawh, ka taksa bak duh i neilo zawk a nihkha, nang ang buaina ka tawh laia hmeichhe dang awm pui nghal thei kha ka mamawh lo che" tiin ka tap zawih zawiha.

Thinrim taka a chhuah hnu chuan thu hnawkin ka insut zui hlawp hlawp mai, ka pa khan palai a tir tih ka hria. Ka ta a ni ve dawn lo bawk, ni e ka thlah mai a ngai a ni.