MANGRAM PASALTHA CHAPTER 7

MANGRAM PASALTHA 

CHAPTER 7

“Yes Sakhi" vau atanga Saihliran sakhi a rawn pu haw nalh nalh ka hmuh chuan ka lo au ve chula, rite an haw bawk nen kan hnaih lamah chuan riak an awm tawh meuh loa. Ala riak te erawh chu an awm teuh tho nangin kan inhlat thung, pasaltha tih takah lo hla ber thlang miau hek le. Keini pawhin kartluana kan thawh chuan kan zo maiin ka ring, Saihlira a rawn thlen chuan a balh leh palh loh pawh pawisa lem lovin ka lo kuah chata.

Ka lu ah rawn chul zauhin “Le sa hi kan chan dun dawn em ni?" a tihchuan ka phur ngei mai. Hmeichhia in sa an chan ngailo a, kei erawhin ka chan ngei dawn e. Kan pahnih chiah kan ni bawk si ka puih ngei ngei a ngai dawn tlat, phur zet chuan chemte a hmawr zuma ka chher tir chu pe in a ke atang chuan a zai tana, a vun zawng zawng kan lih zawh chuan a sa sahchhanah hmang nghalin kan chan duna.

Ka phur lutuk chu min nuih leh suk suk thin tih khaw thim ti tih chhanah chuan ka hmu thei “A tui dawn e, kan hunlaiah chuan ramsa hi duh duhin a ei mai mai theihloha. A hring ngat phei chuan ka hmu ngailo, a rep hlirin kan ei thina " tiiin ka tawng pah mawlh mawlha “I puar hnawk thlengin i ei dawn a nia" a tihchuan ka phur zawng tak a ni. Sa kawchhung chu vau lui teah chuan kan va sil faia, keiin meichher kengin a mah zawkin a sil sawk sawka.

Thlam lama kan let leh chuan a chek chu a siam nghal mawlh mawlh mai, kan thlai lawhsa chu keiin ka lo buaipui ve bawk. Purun chu sawhthing nen chuan ka deng sawk sawka, a rim chuan pum a ti ri ruih ruih thei hial mai. Sa chek tui tak nen chuan zanriah chu kan eiduna, a ti vel te chu min suahin keiin ka lo ei zung zunga, a tui ka ti lutuk chu chaw pawh nidang ai ka heh zual.

“Ei zo vek rawh aw ka lawmnu eithei te" a rawn ti kher chu duh lo zetin ka ner nanga “Sual suh aw, ka awmloh lai khan lal te khan min pe ve thin mahse i sakah kha ka eichak leh theih zia" tiin ka phun nang nanga “Kha ka kah ngei chu a nihkha, tam deuhin ei rawh. Naktukah a dang hi kan siam leh dawn a nia, kan riah chhung chu min daih ang, lalsa tut erawh kan dah hrang sa dawn a nia" a tihchuan ka bu nghat nghata.

Chaw chu ka eizawm leh mial mial bawk, chaw ka heh tihchu ka zep peih si selo, Saihlira lah hian min lawm zawk emaw ni ei teuh teuh turin min la fuih deuh deuh lehghal. Ka hmangaiha a ni pawhin min duh tih ka hriat avang hian a hmaah ka nihna ang angin ka lang mai zela, inthup tur chuang ka nei tawhlo.

 Thla rawn eng tan ka hmuh chuan ka tho tharha “ A mawi hle mai, Saihlir i sawi kha a dik tak tak anih hi, hei thla chu a rawn eng tan ania" tiin thlam luhkaah chuan ka ding vang vanga. Saihlira chaw eikham chu rawn chhuakin a kam a thuah zuia, “Kha khatah khan ka tihrimtuina ka dah kha hmuam ve rawh a tha lutuk" tiin ka thil siam chawp chu ka hmuha, ka khawvela let zuai ka chak takzet, ka mamawh tur zawng zawng in keng lut ila tha tur.

Kan chaw eina chu va ti fel sawk sawkin mei chu ka chhawm tha leh te te a, Saihlira bul luhka tlangah chuan va thu in a dar ka nghenga, kan piah tlang sang ve tak chhip atanga thla eng rawn lang dut dut chu kan thlir dun renga, “Ka zai chak lutuk ka zai sak ang che aw" ka tihchuan a rawn nui haka “I aw a chhe ropui si zai lovang" a tihchuan a nakah chuan ka sih sak vaka.

“I hre bawk lo, zeilo si bialnu te pawh ngaihsak thiam lo tikhan lo ngawi hle hle rawh" tiin rum zeta enin a thikthu chhiat zia hre ranin ka zaia “Aw di tuanna vangkhua ngei a, len ve zawng ka nuam ngei, i rauthla tal rawn tir la nem ten aw lo chawi nang'e" tihchu ka sak khum hlawrh hlawrha, rin ang ngeiin ka lam rawn hawi chuan min sawi deuh nawka.

“Tu phiangsen nge i zaichhan? Ka that dawn khawp" hepa hi chu aw a thinbutut hi a reh thei meuh lo chu a nih hi, “Nangmah leh nangmah inthah i duh leh i thu thu, thinchhe viau thin suh. Miin an hlauh zia che an sawi thin a nia, i khua leh tui tan tha viau mahla midang hmuhah pawh tha tho rawh, sual lutuk loh tur" ka tihchuan “Ka thu a ni, ka nihna anga min pawm lo tur hmeichhia lah ka hnaih dawn hek lo" ti a kalsawn a tum chu ka vuan beta.

A induhtawk lutuk hi ka haw lek lek zel “Hmeichhia chu i hmu teuh tih ka hria e, min sawi khum ziah pawh a ngailo. I duh viau chuan hmeichhe dang chu va ngaizawng rawh, ka ning ka haw dawn" ti ve hmakin thim karah chuan thlam tualah chuan chhukin haw kawng lam pan chuan ka kal zuia, thui pawh ka kal hman lo. Zo lutuka min chawiin a dar lehlamah min nghat dawta, thlam lam pan chuan min kalpui nghal nul nula mai.

Tal buai bik lem lo chuan tum burin a darah chuan ka uai hnawpa, thlam thlen rualin mutbu chu la in a kaipharh zuia, kalsawn ka tum chu min man leh hman tho nia, hetiang em em a mihring cherang hi ka la hmulo, a hmelma tan chuan hlauh awm hliah hliah chu a lo nih hi. A zawh rual chuan min chawi lawpin min mut thla a, ka chungah bawkin min fawp nghal hmiah bawk.

Ka chhang let duh mailo, a induhtawkna hi a paih hma loh chuan ka chhang hek lovang, ka mal te chu na zet zet hian a hmera, a thinrim hle a nih ka ring “Saihlir awm sawn rawh" ti a namsawn mai ka tum chu ka thei thaklo, thim karah chuan kan inchai buai titiha, Mipa a nih bakah kan in lenhleih bawk nen ka hneh lo lutuk chu ka inthlahdul ta tawpa, a ni erawh sapui thinrim ang maiin a rum nghut nghut mai.

Ka hnute a hrawm bawrh bawrh chuan ka au chhuak thata “Saihlir a na a nia min dim rawh" tiin ka vin that thata, min thlah duh mailo nen a tawpah a kutah chuan ka sehsak ta vaka, min thlah pah chuan a phun hluk bawk. Min khawih zawm tawh lovin a tho chhuaka, pawnah chuan ava awm renga, keipawhin va pan ka tum bik lo. Mahse a thawm a reh rei tak em avang chuan ka hlau deuh bawk nen tho chhuakin pawn ah chuan ka va chhuaka, ka hmuh loh avang chuan ka hlauthawng zual sauh mai.

“Saihlir khawiah nge i awm?" tiin thla eng ring chuan ka hawi kuala, mahse ka hmuh chin a tawi lutuk tlat. “Saihlir ka hlau a nia" tiin thlam kawtah chuan ka ding renga, kan lo a vau bawk nen ngaw thim khup ka hmuh te nen chuan ka ti hru tawh mai, mahni a awm ngai lo ka ni a ka thla a muang lo takzet “Saihlir ka tihpalh lo chhuak rawh" tiin ka au leha, a tawpah eng deuh ka hmuh avang chuan pan hnaiin vau atanga eng mak tak rawn chhuahna lam chu ka thlir renga.

Chutah hmeichhe kawr var vek ha leh Saihlira lo ding dun ka hmuh chuan ka ding chawta, thawm chhuah miah lo chuan ka en reng bawk “Kan lalnu in hringmite nena in zawmna neih hi a rem ti silo va, chuti nilose u Sai nang nena awmdun ve ka duh a sin" ti a Saihlira awm a a bei chu ka hmu reng, chu thil chuan min ti mitsulha, engtik laiin nge ka pan hnaih pawh ka hrelo “Saihlir hei hi tunge" ka tihchuan min rawn en rual thawta, a hmeichhia lah chu a hmeltha em em lehnghal.

Chumai a nilo a mah atanga eng chhuak zawk chu a ni mak ka tih ni “Ka hmeichhe hmangaih ber a nih hi, mahse kan awmdun theilo" a tihchuan ka tawlh hnung dawrha, “Nilo e a fiam che a nihkha, lasi an sawi thin hi ka ni e, in intithiam lo tih ka hria a ka rawn beng dai a nihkha, taka he thil hi i ta tur a nia. Kan lalnu in pe tur che in min ti a " tiin dar tetakte chu ka kutah a rawn daha.

“Enge hei hi ka tan atangkaina " ka tihchuan a la sawi theih loh thu chu sawiin Saihlira chu a melh zawka “Let tawh rawh u" a tihchuan Saihlira chu min nghak lek lo hian a kal zui daiha “Tinge min fiamkual ang maia ka hriat tlat thin le Saihlir" ti a kal ve mai ka tum chu lasi zawk chu a rawn tawnga “Kha thil kha i khawvel a i let leh theihna tur hmanrua a nihkha, mahsela a hman dan tur erawh kan lalnu in a la hrilh ang che" a tihchuan ka lawm ngei mai 

Thlam lam pan chuan ka kal vata, Saihlira lo mu ngut chu panin ka va inthawlh ve a, amah hlat tak chuan ka mu bawk. A tisa chakna hrikthlakna atan chiah min duh ah ka ngai tlat bawk, “Kha dar kha eng tur nge" a tihchuan ka chhang mai lo. Ka lamah rawn inlet in “Enge a tangkaina chu min hrilh rawh" a rawn tihleh hrawk avang chuan thinrim ve sa ka ni bawk nen “Ka khawvela ka letna tur a nih hi" ka tihchuan a rawn thu chhuak hlawla.

“Khawi min rawn pe rawh" ti a min rawn lak sak a tum chu ka hum bet tlata, a la thei mai bik lo “Enge i hriata, min thlah rawh. Ka let leh duh a lawm, enge chu chu i tan buaina tur kha lasi nu kha i hmangaih thu i sawi a ni lawm ni" tiin a kutah chuan ka chum sak vak vaka, ka kut zawk in a la tawrh phah zui. “I let lo ang, let lo turin ka tih tawh che kha" a tihchuan ka nui hak “Ka thu thu ka let anga, chuan ka theihnghilh daih ang che nga, ka awmna hmun a mi mipa hmeltha tawk ngaizawngin a ni nupui leh a hmangaih chu ka ni ang" ka tihchuan a che lai chu a tawp chata.

Tunah chuan ka thin pawh a rim tawhlo, a rilru tihbuai ka chak tlat a nihchu. “Mipa hmeltha tawk, min hmangaihtu tur chu tiang mi ngei chu ka tawng anga ka khawvela ka let chuan maw nang pawh ka theihnghilh nghal dawn che tih min hrilha" ka tihleh chuan a hlauthawng ta deuh nge “Nilo lasi kha ka duhlo, nangmah a lawm ka duh. Min kalsan dawn lo tiraw? Min theihnghilh ka duhlo, ka tihpalh" tiin a mi khawihna te pawh chu a dam ta thlapa.

“Thudik chiah ka hre duh, thu dik i sawi lo anihchuan tunah hian ka let san ang che, dawt i sawi a nihchuan he ka dar hi amahin a rawn ri zel dawn a nia, thudik tak in min chhang ang che, min hmangaih em?" a mah hmachhawn zawng chuan ka thu chhuaka “Ka thinlung zawng zawngin ka hmangaih che, nichin kha chu ka thinrim deuha, Sipari kha chu ka lasi thian mai a nihkha, ka sawi fo tawh kha nangmah bak ka hmangaih ngailo ang, i rawn kal tihkha Sipari khan a hre vek a lawm" a tihchuan ka ngawi rauh rauha.

A sawi chu ka ringhlel lo, lasi a ni miau va “A nih leh tinge ka lakah i thinrim reng" ka tileh ngata. A lu chu hiat nauh nauhin “ Zualtei khan mipa thikthu chhe deuh i duh a tia, bakah mipa dang i sawi hi ka duhlo, ka ta chiah ni turin ka duh che" a tihchuan ka en vang vanga, thla eng in a chhun a hmel chu a thutak hle tih ka hre thei, chubakah ka thil sawi avang khan dawt min hrilh ka ring lo bawk.

“A nihchuan min tih tauh khum tawh suh, min tina tawh lola, hmeichhe dang lasi emaw pawh hnaih tawh suh. Kha lasi in a a duh thu che leh mihring chu ni ve se in awmdun tur thu a sawi kha ka hre vek" ka tihchuan a hmai a tuai pawka “Thik tir che a duh vang a nihkha, a dang a awmlo. Chubakah ka mihring pui ngei neih ka tum bawk" a tihchuan ka nuihsaka “A hmeltha a i tan pawh hnar a har ang chu" ka tihleh chuan a nui haka.

“Hmel ringawt en dawn ila Zampui nang kher ka thlang lovang che. A chhan chu nula hmeltha tak tak chu an awm teuh a lawm, i hmel avangin ka thlang hleinem che, i hmeltha lo ka tilo mahse hmel ringawt hi a nilo" a tihchuan ka nui ta saka, a sawi tum chu ka hre thiam mai. Keimah zawk chu che chhuakin ka puan chu ka phelha “Engthil nge i tih?" a tih tham tuak chuan amal chungah thu in a hmuiah chuan ka fawhsak zauh va.

Ka mawng tiche a a puan chhan vel ka nawk chuan a rum hawk mai, “Zampui ka insum theih lai hian awmsawn rawh" a tihchuan lu thing nak nakin kan taksa ruak kang chu insik tir turin ka kuaha, a awm lum ham hama ka taksa a beh thlar takah chuan keipawh chu ka thaw hak mai “Nichina i ngaihtuahna ang kha ka ngaihtuah angah ngai rawh, i ta nih ka duh Saihlir i ta chiah" tiin a sam a tukkhum lama a bawk chu ka tham sak zauh va.

“I hlauhthawnna avangin in ngaihtuah chiang lo in thil tisuh, min dem na tur engmah ka ti duhlo, Zampui ka insum theih lai hian awmsawn vat rawh" a tihchuan chhang tawh lovin a hmuiah chuan ka fawp ta hmiaha. Inchhir leh turin he thil hi ka tilo, ka hmangaiha ka hmangaih kiangah hian engtianga rei nge ka awm theih dawn ka hrelo, ka khawvelah ka let leh thut thei tihlah ka hailo, chuvang chuan ka engkim hi a tana hlan ka duh ani.

A ni pawh chu a insum thei tawh lo ka samah thamin ka chet dan aia nasa zawk chuan chet a rawn lakzawma, min in her puiin min delh mu a “I rem ti takzet em?" a rawn tihleh chuan “Saihlir ka hmangaih che a, ka inchhir dawn lo chuan ka dem dawn lo che, nangmahin min hmuhsit phah dawn pawh nila a pawi ka tilo, ka duh ber chu i ta nih hi ani" ka tih takah chuan thaw huai in a puan ven chu a phelh riai riaia.

Thla engin a hlimthla a chhun atanga a pian lang chu a pa in a nalh hliah hliah bawk, min rawn delhin chet ala zui ta riai riaia, a mipatna khawng at ka kawchhunga a luh meuh chuan na tiin ka rak deuh thata. Ka in pet fan fan bawk, zawi muang chuan che in a duhthawh chho tial tiala, keipawh chu na ka tihna chu rehin a ka lamah ka kuah hnai tawk tawka.

Ka zawh dawn avang chuan rum chhuak hak hakin a banbul lian tha telh tawlh hmer chung chuan ka khur dat data, a nipawh rei tlin lo in ka chungah chuan a rawn bawk thla hnawka. Ka lo kuah nghal vat, rit viau mahse ka thlah phallo a ni ber mai, ka kawchhunga a mipatna la awm reng pawh chu ka hailo, a la phu dat data. Ka kaw chhung chu a lum pap pap bawk, ka sirah chuan let thla in a thaw hawk hawka.

Lo mawng lam atanga thlifim rawn tleh chu dawn tumin ka thu chhuak, ka kap vel chu ana thul mai. Ka taksa pawh chu a duk thluahin ka ring, ka puan chu bih tha in lo mawng lam hawi chuan ka thu a, Saihlira pawh chu rawn tho chhuakin ka hnunglam atang chuan min rawn kuaha, ka lo nui sak mai “Ka lawm e, ka hmangaih che Zampui" a tihchuan thim thamah chuan ka nui var vara.

“Keipawhin ka hmangaih che" tiin a kut ka dula insuih bet ran chu ka hum hnana, titi dun sep sepin rei vak lo hnuah chuan kan mu leh thuaia, ka chau bawk nen ka muhil rang ngei mai, Saihliran min kuah miau avangin hlauhna nei lovin thlamuang tak chuan ka muhil siai siaia, hepa hi ka hmangaih a ka pasaltha chiah ni turin ka duh bawk.

Zingah chuan tho chhuakin a rawn harh hma chuan mei chu ka chhem zung zunga, sakhi sa rep chu zing hmeh turin ka siam zui bawka. Thlai rah chu kan tura siam zuiin ka che sat sata “I va tho hma ve" rawn ti tu avang chuan phu zawkin kan mutna lam chu ka melha, min lo en reng avang chuan laizetin mei lam chu ka melh leha, rawn nui hakin a tho chhuak ri chu ka hre reng.

“Ka nupui chu a fel hle mai" a tihchuan ka lo tin zuaiha, “I ninawm min fiam reng suh, kha hei hi lo chan rawh ka tih ang khan" tiin ka bawkbawn chan lai chu ka pe a, kei erawh ka lai bawk nen ka che khawr tut mai, nizan kan chet dan in ka ngaihtuaha ka la tim ur ur thei nia. A duhthawh zia lah kha, ka melh zawka uluk lutuka bawkbawn a chan lai hmel chu a cool in a pa ngei mai, a zunah hian uai nawn awn awn tham a ni.