MANGRAM PASALTHA 6

MANGRAM PASALTHA 

CHAPTER 6 

“Saihlir ka bo daih chuan min zawng miah suh aw, a chhan chu u hrilh hai zual zawk ang. Chuvang chuan kan hun neih chhun hi am takin hmang ang aw" ka tihchuan min kuah nghet sauh va, thla engin a hmeltha tak a chhun chu ka thlir dauh dauh va, hmeltha lutuk tih tur chu nilo mahse a pa ngawih ngawiha, hmeichhia te duhzawng tak chi a ni.

A banbul lian tha telh tawlh tak chu ka chul sak hliau hliaua “Bo daih suh ka tihkha, i let ka phal dawn lo. Ka hmuh phak loha i awm ka duhlo, ka hmangaih che" a tihchuan a lamah ka inhera ”I ti tak tak em? Keipawhin ka hmangaih che, Lalfanu nen in innei tur ka hmuh duh loh avang in a nia ka kalbo" ka tihchuan min kuai dak salha ”Dawt sawi mi ka nilo e, chuan ka ta i ni tih hi hre reng ang che, Zualteiin min hrilh lo phei se chuan ka hre nang, hmeichhe tam takin mitmei min hmuh fo tawh, lalfanu pawh an bang chuang lo, mahse tu hmeichhia mah ka la hnaih lo tih hi ring rawh" a tihchuan ka bu nghat nghata.

“Mu tawh ang, ka mut a chhuak lutuk" tiin ka ham bai baia, puk chhungah chuan lutin kan changel phah chungah chuan kan mu duna, a taksa lumna nen vawt ka ti em em lo. Khan chial chung chuan ka mit ka chhing zui siar siara.

“Ka fanu" ka nu chuan min kuahin a tap hawm hawma, Zualtei te ho pawh an lo awm vek a nih hmel “Tinge engmah sawilo a i kalbo" a tihchuan sawi tur ka hrelo “Tihpalh nu" tisepin ka kun chala, lalfapa a lo awm ve tih ka hriat chuan ka awm a tinuam lo vek. Saihlira nen thian an ni si a, engtin tak min ngai ang maw? Saihlira hian a hrilh ngei ka ring, pawi ka ti a nilo. Mahse a farnu in Saihlira a duh tih a hre ngei awm si a, kan chunga thil tha lo an tih ka hlau a ni ber mai.

Lalpa hian a fanu in thu a sawi vaih chuan a bengkhawn lo thei dawn silo. Keimah avanga Saihlira tuar lai hmel ka hmu thei lovang, “Pasaltha ilo let tawh a nimaw? I farnu chu i hmu ta em?" " Lalfanu chu rawn tlan thla in Saihlira banah chuan a vuan nghal chata, chu chu ka melh ding nghal ngar bawk “Ngurhruai, inah haw rawh" Ngurthanga chuan a lo ti hrawka.

Lalfanu chu Ngurhruaii maw? A hming ka vawikhat hriatna, ka vah chhuah ngai loh bakah a hminga ko mai mai tu an vang em lah taka “Mahse ka u, ka ngai ve alawm" ti a Saihlira a nuih vel chu ka hmu theilo, Saihlira lah chuan engtin mah a ti der silo. Ka rindan kha a lo dik a nih dawn hi ka let leh theihnana a ruahmanna bak a ni lova nge “Nu lut ang u" tiin inchhung lamah chuan ka luta.

An ni pawh an rawn lut zui nghal thuaia, Saihlira chu melh pawh ka melh leh tawhlo. Ka nu leh pa chuan ka let leh lawmin ar an talha, Saihlira chu ka be tawh lo hrim hrim.

Ni hnih ka awm leh hnuah lo lamah kan feh duna, biak ka tum ngai loh vang nge Saihlira dawhtheihna chuan tlin tawh heklo “Engvanga min be duh miah lo nge i nih" ka la chhang chuang lo, thlam kan thleng tep tawha chawlh vat vat ka duh ber. “Saizampui" a rawn tih leh hrawk chuan ka inher ngata “Enge biakna tur che awm? Ka be chak lo che tihna a nimai" tiin thlamah chuan ka lut zuia.

Ka phur ka nghah rual chuan min chawikang lawpa “Engvanga thinrim nge i nih?" a zawhna avang chuan za lo zet hian ka then saka, min la zawt ngam a maw “A chhan chu maw nang hian dawt hmanga min hruai haw avangin, a chhan chu dawt hlir min hrilh a vangin, a chhan chu hnaih che ka duh tawh lo. I lak atang hian ka rilru ka la peng anga i lakah beiseina ka nei tawh lovang" tiin ka au khum ve thata.

Ka thusawi avang chuan a mengkawk mai, hah dawt hmanga min bum haw tu hi ka huat loh a ring reng reng em ni? “Dawt ka hrilh lo che" a rawn tihchuan ka mit chu ka chet ralha “A nihchu, keichuan thudik i sawi lai ka lo hrelo zawk, lalfanu nge nge chu khum an lo har a nia nge. Min thlah rawh a tlai tawh hna tan a hun" tiin chhuahsan mai ka tum chu min pawt bet chawta.

Ka hmuiah chuan ka tihdan ang chiah khan a rawn fawp buan buan mai, min hmer nat em avangin tal ngam pawh a nilo. Ka dar chu ana ut ut thei hial mai, a awmah chuan ka sihsak vaka. Na hre miah lo angin ala awm zui,min fawhna chu a thlah chuang heklo. Mahse a hma angin min hmerna tawh lo thung, a tawpah chuan inthlahdulin ka chhang leta, thlam chhuatah chuan min mutthla in ka sirah chuan a awm kanin a mu a, min fawh chhunzawm reng bawk.

Puan tlawng ka bih bawk nen ka mal atanga a chul chhoh chuan ka mal chu a lang chho veka. Chu chu a hmuh rualin a rum nghal hawk mai, ka chungah rawn bawk kaiin ka lu bul ve ve ah chuan a innem khalha, a kap pawng ulin min nawr salh rual chuan ka thaw ham ham mai. A puan a phelh dawn chiah tih chuan thawm a rawn awma, rang zet chuan kan insiam tha nghal sawk sawka.

“Pasaltha in awm maw?" upa lam aw in a rawn tihchuan Saihlira chuan a lo chhawn vata, a rawn luh rual chuan kan rî pa a ni tih ka hre nghal mai. Min rawn hmuh teuh zia ka hriat chuan ka zak hle, “Englo a nia saw lo mawngah ka thang kam kha sanghal ka awk hlauh maia, ala nung bawk nen kan hnaih mai ngam silo va, a kawlh bawk si a min rawn pui lawk hman angem" a tihchuan Saihlira pawh chu a tho chhuak thuaia.

Thlama lo nghak tura min tih hnuah chhuak zuiin keimahte chuan ka awm rana, a hnu fe ah chuan sa hrang tam tham deuh nena rawn letin tulah chuan a vit mawlh mawlha. Ram kan riak dawn bawk nen chawhmeh tur sa han neih chu ka phur ngei mai, meichhemin kan ur zuia. Saihlira chuan min en leh vung vung thina, kei erawhin nichina thil thleng avang khan ka la en let ngam miah lo thung.

“Thlamah hian sa rep hi lo vil ta che, a rep that loh chuan a uih a hlauhawm bawk si a " a tihchuan ka hnial duh ta biklo. A ni erawh hlo thlo tur chuan a chhuak zuia, chhun chaw tur te chu lo bawl in keimah te chuan ka buai ve tawk hle, fanghma hmin nen chuan bawlin ka ei pah hlak hlaka, Saihlira a rawn let rual chuan thingpui chu lo thlitin ka pe zuia, rua kan hmang bawk nen a ken a nuam letling phian mai.

“I lo buai em?" a tihchuan ka lu thing nak nakin thlam chhuat chu ka thai nauh nauha, “Hetah lo thu teh maw?" tiin ka kutah manin alamah chuan min pawt hnaia, a sira ka thut rualin min kuah nghal vat “I zak em ni, kha i hmai a tai ania" a tihchuan ka lei ka chhuah zauh va.

SAIHLIRA POV..

A zah a vanga a biang taitek chu thlir nin a har ngei mai, he hmeichhia hian min hmangaih tih hi awih har ka la tifo mai, hmeichhe dang laka ka awmdan nen a inan lohzia chu a bula ka awm hian ka hrechiang viau mai. Kan lalfanu nen inzui anga min ngai tlat hi ka hrethiam lo, lalfanu a ni a kei atana lo hnar chiam kha a mawiloh bakah ka thianpa farnu anihna angin ka dawh hram hram zawka.

Mahsela Zampuiin a thik em em tih ka hriat hian ka lawm phian zawk. Hmeichhia la ngaihsak ngai lo mahila mahni duhber te bula awm chuan tihtur leh sawi tur a awm ve zel bawk. Khawtin hlauh rawn leh pasaltha nunrawng tak thanin ka thanga, pawi ka ti ngailo. Ka kalna hmun apiangah an pasaltha te ka thahsaka, an mi sawidan chu a awm viau tho, mahse a vawikhat nan he hmeichhe tan hian a in nghah ngamna nih ka duh ani.

A lakah ka insum theilo va, nichinah ngei pawh khan ka chetsualpui lo chauh a nihkha, min hmangaih chuan a inphal tur ah ka ngai bawk. Mahsela a duhlo chung erawh nawr luih a laksak ka tum lem lo, ngaihngam taka ka laka inphal a nih erawh chuan ka kalsan ngai lovang.  Pawla sai pumpelh nan chauha tihlah ka tum heklo, ka ta ni kumkhua se tih hi ka duh zawk a ni.

A hmeltha a, a mah a ngo paw phek bawk nen tlangval ho in an ngaizawng ru fur tihlah ka hailo, a awm loh lai pawh khan khawkhat lalfapa a mah rim tumin an rawn kal fo a nihkha. Ka thiana ngei pawh a bang heklo, mahse Zualtei thusawi ka hrilh a chin kha chuan a rawn hnaih ta lo kha a nia “U Saihlir tihian kan pahnih chiah in em ni kan riah leh dawn" a rawn tihsap chuan ka en vata.

Min en let ngam hauh lo “Animai ang chu, i hlau em ni?" ka zawhna avang chuan a lu a thing nar nara. “A nuam dawn e, thla eng leh se aw " a tihchuan ka nuihsuka “Naktip zan lam atang chuan a eng tan tawh turah ka ngai, tirawh le chaw fak ang hmiang" ka tihchuan a che vat vata, a chaw ei hlak hlak ka hmuh chuan ka nui lo theilo. In zep ve tit tet heklo a bar pawng pawnga, a biang chu a puar pang bawk nen a hmuhnawm dangdai phian.

A thusawi kha ka ring thlap bawk, a chet dan en reng reng hian a thusawi kha awih loh chi lah a ni hek lo. Mipa biak dan leh tihkual dan tak ngial pawh a hrethiam lo chu a nisia, mahse heng te hi ka duhna tipung tu an ni si, chaw ei kham chuan a seng fel zung zunga.  A che fel rang zet chu ka lo en leh reng thin, amah a inveng thiam tihchu kan in hmuh hmasak ber atang khan ka hre tawha, ral lah kha a hlau lo tih lah lawmpa te unau kan chhan ni khan a hriat hle bawk.

“Heiha" ka bula a rawn thut thlak hnak rual chuan chawi lawpin ka kapkarah ka thut tira, min rawn melh nghal ha mai. A sam bu nalh zet chu chulsak zauhin a dara ka khabe chu ka nghata “Miin min hmu ange aw, ka nu leh pa lah khan engmah an la hre ve silo va" a rawn tihchuan ka bu nghat ringawta, engtikah emaw chuan ka la hrilh ngei an ngai ang.