MR. ARYAN CHAPTER 7

MR. ARYAN 

CHAPTER 7 

Holi hmangin kan intihlim vut vuta, Aryan te chhungkaw hnaivai zawng zawng an rawn kim a tih theih ang. Colour powder chuan Aryan lah chuan min vawmin kan in umkawi zawr zawr reng mai, an saree ang ha in ka inthuam ve a, ka dul vel lang chuan min ti confi lo riau zel. Khua a dur khap bawk nen chawhnu lamah chuan a sur ngei ang le, ka nu lah chuan Aryan ka then tawh leh tawh loh min zawt sek reng bawk si. Ka rilru a buai vek mai.

“Ka duh tawhlo Aryan " tiin ka au chula, ka kawr leh ban ka hmai velah chuan rawng hrang hrang ka kai nuk tawha, Aryan lah chu ti bawk. Kan in nuih dun hak haka, a hmai rawng chi hrang hrang kai nuk chu kawkin ka nuih vak vaka, min chawi lawpin min virkual puia. Kan nui dun hawk hawk bawk, midang pawh kan piahah chuan lamin an hlim hlawm ngei mai, ruah rawn sur avang chuan vanlam chu ka en vata.

Ruah a sur khat bawk nen kan vai chuan do in kan intihlima, ka zep lo. Kumar chhungkaw bula awm hi a hlimawm takzet, an felin an zau takzet. Aryan pa lah nise a tha chakin tunah ngei pawh intihhlimnaah chuan a lam ve nasa mai, Aryan chuan inhnung lamah min hruaiin ruahsur hnuaiah chuan kan lam duna, ka hmuiah chuan rawn fawpin min chawi kang lawpa, inchhung lam pan chuan min luhpui nghal zata.

Tumah inchhung lamah an awm loh avangin a reh thiap mai, a room lam pan chuan min kalpuia. Min fawhna ala thlah heklo, room kan thlen rualin ka dara saree kaih chu a hlip thla a, ahnuaia ka hak leh ka pawnfen fual zet bak ka inbel tawhlo, khur dar darin ka en renga. Atan ka inphal mai chu mak pawh ka ti hran lo, hepa hi ka hmangaih a ni; ka kalsan ngei a la ngai dawn bawka.

Ka kawr hnung an suih chu min kuahin a phelh riai riaia, a chetdan reng reng chu a dam thlup bawk. Ka dul lang lai chu a chul pah riak riaka, chu chuan min tidanglam zual. Ka pawnfen chu phelh zuiin tawng tuma ka ang chiah chu a hmui chuan a rawn khar chilh zuia, khum lamah chuan min pawm phei nawl nawlin min bawh bet run a. Ka thiam ang tawkin ka fawp let ve zel bawk, an hnam kawr a hak chu phelhin a awm phiar fat chu a rawn lang zuia.

Chil lem khalhin ka chul nghal dan dan mai, ka ta ni dawn lo mahse atana ka neih hlu ber hi hlan ka duh a ni. Ka then lo a nihchuan ka nu leh ka unau ka hnam phatsantu ka ni dawna, ka then a nihchuan kumkhua in ka hmangaih hmasa ber ka chan dawn bawka, ka nuna duhthlanna harsa lutuk tur awm mai chu ka tah a chhuak ru takzet “Ka hmangaih che Ryan " ka tihchuan mawi zet hian min rawn nuiha.

“A aia nasa in ka hmangaih che Je" tiin ka hmuiah chuan a rawn fawp zui lehnghala, tunah chuan ruak vek ve ve in kan awm tawha. Ka rilru ah chuan Ryan bak a awm lo hrim hrim,ka taksa a a rawn luh takah chuan ka au chhuak thata. Duat taka min kuahin min thlamuan pah sup a, a che zui mai lo bawk, ka na ti chu ka then chak chaka. Aryan hnungah chuan ka ham tawn tawn bawk, thawk la ham hamin a zia takah chuan keimah zawk in hnuai lam atang chuan ka mawng ka ti chea.

Chuveleh anipawh chuan chet a rawn lak zawm ve nghal “Ka tan hmeichhe hmasa ber i nihna anga i tan pawh mipa hmasa ber ka nih avang in ka lawm e Je " tiin a zo tur chu a rum chhuak hrawiha, a aw thum leh tham deuh si ah chuan a nuam tih zia a hriat theih, keipawh chu khur dat datin ka zo zui ve nghala, ka kawchhungah chuan a chi chu a rawn tilut vek bawk. Chau zetin kan thaw dun halh halha.

Kan awm thlan dap chu a insi ran bawk nen a lum zual, ka sira a leh thlak takah chuan chung lam melhin ka thaw zui kawk kawka “Kha ai thil nuam leh duhawm ka nunah a la thleng ngailo" ti a a rawn sawi chuan “Ka tan pawh" lo tisepin ka kuah zuia, pawnlam ruah sur nen tumahin kan au ri kha an hriat ka ringlo. Ka muhil zui daiha, ka harh leh thlengin Aryan chuan min lo en renga, lai zetin ka nuih seih ringawt.

Min nei rawh" a thusawi avang chuan ka ho in ka en chho a,chu thu chuan min ti hnual nghal rawih mai, neih chu ka chak lutuk mahse a rem loh zia hretu ka ni bawk si “Ka tihpalh Aryan ka theilo" tiin ka thawmhnaw chu ka inbel sawk sawka, “Engvang in nge, Je min hmangaih ge lo em ni?" ka chhang lo, ka thawmhnaw ka hak zawh rual chuan ka tlanchhuahsan dawr dawra. Min rawn umzuiin kailawn thlen hma chuan ka banah a rawn hmer nghal chat.

“Engvangin nge min neih theih loh?" a rawn ti deuh hrawka, a hmel zaidam tak kha a bo vek tawh “A chhan chu a theihloh, nang chu kan hnampui i niloh bakah kan rinna a inang heklo, Ryan hrethiam teh" ka tihchuan za lo zet hian a nui ro hawka, a sam chu tuai pawkin anchhia a phuhchhuak hluk bawk “Min neih duh loh chhan ka hre duh. Min iai em ni?" a tihleh chuan ka lu ka thing nawk nawka.

Engtin nge ka nu in makpa atana a duhloh thu hi ka hrilh theih ang. A na dawn lutuk “A theih loh a nimai, innei tur chuan ka la in peih lo bawk, chubakah ka hnampui ngei neih ka duh" ka tihchuan a rilru a nat hmel hle, a hmelah chuan thinrimna a lang thei bawk. “Min lo duh ve tehhrep lo a nih hi, a tha a lawm. Keichuan nupui neih ngei ka tum" a tihchuan mak ti zetin ka en a.

“Enge i sawi awmzia?" ti a ka zawhna chu min nuih sukin a phone a phawrh zuia “Maya, ka nei ang che" a thusawi avang chuan ka mengkawk ringawt. “Engthil Aryan i...i ti tak tak lo tiraw?" ka tihchuan a then leh suka “Nupui neih ka hun tawha, ka neih ngei a ngai a lawm" a tihchuan ka chum dawpa “Ka hua che" tiin ka room ah chuan tlan lutin ka thawmhnaw chu ka khung mawlh mawlha.

“I chhuak a nihchuan i hnathawh engkim ka ti tawp ang" a rawn tisupa “A pawi ka tilo, min kawp renga i hmel ka hmuh tawh loh hram ka beisei" tiin chhuahsan ka tum chu ka kutah manin min nam let dawra, khumah chuan min bawh bet nghal run mai “Ka kawp che maw? Engvanga min nei duh lo nge i nih min hrilh rawh, Je min iai em ni?" a tihchuan ka lu ka thing nawk nawka.

“Nilo min thlah rawh, nupui neih nghal tum mipa, min lo kawp char char tih ka hriat hian ka lo hnar che kha ka tisual lo tih ka hre chiah" ka tihchuan a nui haka “Kawpa, i ti dik e ka lo kawp reng che a nihchu. Mahse ka pa dam chian hma loh chuan i chhuah ka rem tilo, i chhuak lui a nihchuan dan hmaah kan pawisa ru a tlan bo angah ka report ang che. Ka ti tak tak ania Janet " tiin a tho chhuak zuia, ka thinrim lutuk chuan sawi mai tur pawh ka hrelo.

“Ka hua che ka haw hluah hluah che" tiin ka mittui chu a luang zung zunga. Rawn hruk a tum rual chuan ka hawi sawn nghal hmak, nui hakin a chhuak zuia. Ka sam chu ka kek vak vaka, ka a tak zet a ni, ka lo mutpui hman tawh bawk si. Ka thiam loh vek a ni, nitin chuan ka tan ni hrehawm ber a ni.

Ryan lah chuan min runluih ni awm hrimin Maya chu a rawn hruai lut ziaha, hmu lo angin ka awm reng thung. Inhualna an kal pui mup mupa, pi Sonya lahin thil awmzia min zawt reng bawk. Ka chhang ngai lo thung,ka vanduaina belhchhah turin nau ka la pai zuia, Aryan erawh hrilh ka tum lo. Inhual hma ni chuan Maya chuan min biak duh thu min hrilhin kailawn bulah chuan ka zui pheia.

Inchhung cheia buai mup mup ho chu ka thlir vang vang mai “Aryan nen in lo in ngaizawng tawh nangin lo tibuai tawh lo la ka duha, he inchhungah hian ka lawi lut thuai dawn bawk nen chhuah san la ka duh " a tihchuan ka nui haka “I inrawlhna tur niin ka hrelo" ti a inhnuai lam chhuh ka tum chu ka hnung lam atanga min rawn nam thut avang chuan inveng hman tawhlo in step thui zetah chuan ka lum thla a.

Nilo ka naute, ka pum chu ka hup ve tak nangin ana lutuk tlat, kailawn tawp ka thlen rualin hnathawk ho chu an rawn tlankhawma “Engthil nge thleng" pi Sonya in a tihchuan vai tawng chuan an lo chhang mawlh mawlha, kei erawh ka kap atanga thisen chhuak avang leh ka pum na lutuk avang chuan ka inpet fan fan ringawt “Engthil nge" Ryan aw ka hriat rualin ka bulah a rawn thu hniama.

Min pawm kang nghal lawp mai, duh lo viau mah ila hnial turin chakna ka neilo, ka mit chu a vai chum chuma. Engmah ka hre zui tawh heklo, ka harh leh chuan Ryan ka hmu hmasa ber. A kun lapa chu chuan min tihlauthawng takzet “Ka naute, Aryan ka naute a tha em?" tiin ka pum chu ka dawma, a rawn hawi chhuak mit chu a sen ram mai.

“Je kan naute a awm tawh lo" a tihrual chuan ka au chhuak tuara “Kha Maya kha ka that dawn, a mah avangin ka naute ka chan ani. Min khawih suh" Aryan chuan min kuah betin ka tal nawk nawk chu nghet zet chuan min kuaha “Ka hua che, nang leh i nupui hual khan ka naute in that a ni" ka ti tuar tuara. Doctor leh pi Sonya te rawn lut chuan inbengdai turin min timahse ka theilo.

“Kha Maya kha ka that dawn" tiin ka au tuar tuar renga, ka kuta hriaua an rawn chiu takah chuan ka tha a zawi tial tial mai “Engkim ka siam tha vek ang Je, ka fa  i pai tih hria ila chuan hetiang in i awm lo tur" Aryan thusawi pawh chu ka hre chang chang chauh a ni, ka harh leh chuan a lo reh thiap tawha.

“I tha em Je? Na ila nei em?" ka chhang lo,a ni pawh hi ka hua. Tawngkam khat mah chhak chhuak lovin ka tho chhuaka, min lo dawm a tum chu a kut ka vai per nghal nawlh bawk, muangchangin ka awmna room chhuahsan chuan ka kala, Aryan chuan let turin min lo tur ve sek bawk “Ka hmuh phakah rawn lang tawh suh tualthattu" ka tih tuar takah chuan ding chawtin min en renga.

Ngaihsak tawh lo chuan ka kalzel ringawt, pi Sonya te rawn lut tur nen kan la intawk zui “Janet khawiah nge i kal dawn, ila dam chian loh kha. A pawi hle mai, Maya pawh police in an la tawh a nia" a tihchuan ka nui saka, chunu chu a vannei hle mai “Kan ramah ka let dawn" ka tihchuan an meng kawk hlawma “Je i thei lo" rawn ti tu chu huatna a khat hian ka melh ram a.

A mit hnuai val kulhah chuan a mu tha lo hle tih a hriat “Min dang turin thuneihna i neilo" tikha fakin damdawi in pawnlam chu ka pan zui zela, ka hnungah min rawn zui diah diah chu mi lahin min en duh. Engmah hrelo ang mai chuan ka kalzawm zela “Je " ka kang nghal nawlh mai “Min thlah rawh" mipui mit lah kan chungah a fu thup tawh “Janet Laldinpui min nei rawh" ring lutuka a au avang chuan mipui lam chu an lo au dur dura.

Ka zak takzet, camera nen ka chhungten min hmu ngei ngei ang. Eng chhanna nge ka pek tak ang “Min nei mai rawh, eng mi nge i nih leh kan hnam hran ka thliar ve lo, i tan theih tawp ka chhuah ang tih ka tiam a che. Ka thiam lo a ni min ngaidam rawh, mahse nang nena chhungkaw dinna chance dang min siam leh rawh" a tihchuan mipui lam chuan aw ti turin min lo au dual duala.

Ka en ngar ngar thung, tunah hian ka kalsan dawn nge ka chelh zawk ang. Thutlukna chu ka kut ah a in nghat mek a ni, mahse kan inkawp rem thei kher angem. “Mahse hmeichhe dang i duh kha" ti a kalsawn leh mai ka tum chu leiah chuan a thingthi hnawka “Je min ngaidam rawh, khawngaihin min nei rawh" a rawn tileha, a aw ah chuan a beidawng hle tih ka hre thei. Ka phone a rawn ri a, ka nu ngei a ni.

Ka thin a phu dawt dawta, Aryan nen chuan ka en tawn hnuah muangchang chuan ka la a, engtak rawn sawi ang maw?

NEXT AH EMAW A TAWP ANG AW