MR. ARYAN CHAPTER 5

MR. ARYAN

CHAPTER 5

“Janet ka fapa hian a duh che tih ka hria a lawm, inthlahrung miah suh aw. Kan iai hauh lo che ania, kan chhungkaw tan phei chuan i tangkai in kan vanneihna i ni ringawt a lawm. Ka fapa nui hmel kan hmuh khat nen i awm a chin hi a nui tam a sin, kumdangah a rawn haw pawhin hetiang hian kan in pawh ngailo, kan fapa nun i thlak a ni ringawt" pi Sonya thu sawi vang chuan lai zetin ka nui ringawta.

Sawi tur vak ka hrelo, mahse Aryan nen kan inkar an pawm chu ka lawm takzet. “Mom ka bialnu kha kawl reng ka phallo a nia " tih ri rawn chhuah rualin ka hnungah a rawn ding tih hriat tak hian ka taksa chuan a hre nghal chat mai. Pu Sonya chu a nui har hara, ka nui ve hak mai “Ok ka kal dawn e, bawiha leng rei lutuk lo ula aw " tiin thu chu min chah zuia.

Ka lo aw vat, len rei a chi loh hrim hrim. An ina ka awm atangin zanah ka bulah rawn riah ahmanga, khap ve mah ila a ni mipa in a tum tawh chu a ti bur bawk nen dan loh a finthlak zawk. Chutih rual erawhin vawikhatmah kan la chesual lo thung, Aryan-a insum theihna vang a ni tih ka hria. Vawikhatmah min khawih luih a tum ngai lova, ni e in duhtawn chuan a tu a ve ve tan pawh insum a har thin.

Mahse chutiang hunah pawh amah zawkin a tak thlen hma in min tawp pui chang lah a tam. Ka fak lo theilo an ni ang hnam phei hi chu lerh tak turah ka ngaia, ka hriat dan ani bawk. Mahse Aryan ka tawn atangin ka ngaihdan a dang tial tial mai, a car nalh zet nen chuan kan inphur chhuak leha. An park ah min hruai tih ka hriat chuan ka nui var var mai.

Ka vak chhuak khat bawk nen hetianga hmun nuam a awm tih ka lo hre lo hrim hrim, tui a luang her hera. Khawlum pawh a tidai sawng sawngin ka hria, phul vek aniin sap ram ang mai hian thing a awm ve a. Pangpar nen an par lai a ni bawka hmuh a nuam lutuk tlat. Aryan chuan puan rawn la chhuakin thing hnuai daihlim lam chu min panpuia.

Chulai awm ho in min en thup leh thla min laksak ka hmuh chuan ka hmai chu ka khuh deuha. Aryan vang a ni tih ka hria, an post darh leh ngei ang le, milarte nun ka tem chho ta mai chu ka awihlo lek lek mai. Ka duh lo viau bawk, kan chanchin tumahin ngaihven lo se tih hi ka duhthusam a ni zawk mah, chutilo chu ka hnampui ten an hmu thuai anga min hre tu an awm dawn tih lah ka hailo.

A hun hma a sawisel kan kai nghal vak ka hlau a ni “Hetah hian lo thu rawh, i hmel kha thup deuh la a nih loh chuan i tan a thalo palh ang. Keichuan hmu che mahse pawi ka tilo va, mahsela nangmahin i duh loh miau chuan tihluih che ka tumlo. Rawn thu vat teh maw" a rawn tihchuan ka puana ka hmai hliah deuh pah chuan ka thu thla a “Hmeltha leh lar lutuk mite ngaihven rawn bialpa ka neia, ka ngaihtuah hian ka â vek dawnin ka hria" ka tihchuan a rawn nui hawk hawka.

“Je i danglamna hi ka duhna tak che a ni, hmeichhe thenkhat chuan lar chak reng rengin keimah nen min hmehbelna tur an lo zawng chamchi thina. I hriat angin ka nu leh pa leh kan sumdawnna avang hian kan duh ni miah lovin mi hriat kan ni a, ka ning ve fo a sin. Khawiah mah zalen takin a awm theih loh. America ah kha chuan tlemin a zia deuh avang khan ka awm tam thin hle a, mahse min hre tawk chu an la awm tho, hetah ka rawn haw a ka hmu ta che a. Awm hlen ka tum loh chu nangmah avangin ka awm hlen dawn ta a nih hi" tiin ka biangah chuan a chula.

Nui var varin ka en ringawt, hepa hi a ni telin ka duh zual telh telh. A chetdan te, a tawngkam engkim hian min hneh thin, tawngkam thiam tak tih tur chu a nilo mahse mi a hneh ngawih ngawih zel. A vin ngai lova, a thinrim changin a ngawi daih zel thung, mipa tam tak ang chu nise ang buan buanin kutthlak tur a zawng ve mai thei. Mahse a thinrim hi ka hmu ngai lo tluk a ni, ka lakah ngat phei chuan a inthup nge chu ka hrelo.

“Ei tawh ang hmiang" kan thil ken chu kawk zauhin theitui dahvawh chu a rawn phawrha, kan dahna a tha bawka ala vawt tha viau mai. No ah chuan thli karh karhin kan induna, Aryan chuan ka che vel chu min en reng bawk. Chhang chu ka ka ah chuan hnawh tawn tawnin ka biang chu a puar veka, Aryan chuan min rawn nuih hawk hawk mai.

“I duhawm lutuk Je" a tihchuan ka chhang theilo, ka chhang ei chuan ka ka a hnawhphui fai vek. Theitui ka in leh takah chuan ka tawng thei ta hrama “I thil eidan kha ka duhzawng tak a ni, i nihna ang ang khan lang rawh.  I duhawm zual " a tihchuan ka nuih ve hak ringawt, ni e thil uchuak taka no tum lutuk avanga mahni a awma kan ei thin dana ei lova awm hi ka thei ve lo. Mipa bula awm avanga no taka lan hi ka duh ve hek lo.

Chu ai chuan ka nihna ang ang hian lang ila, chuta ka nihna ang anga min pawm tu chuan kan inneih hnu thleng pawhin harsatna leh buaina kan neilo ang tih hi ka ring bawk, mizia thup lutuka inneih hnua lan chhuah tir leh tho si ai chuan kan nundan a tha leh thalo lam pawh hi hre sa se, keimahni pawhin an mizia hrechiang sa ila chutah chuan kan duhzawng tur chu dawhtheih dan kan inzir thei mai thin.

Aryan lakah pawh ka mize tha lai leh thalo lai thlengin lang ila, chu chuan nakin zelah pawh a kiangah thlamuang tak leh hahdam takin min la awm tir thei dawn tih ka hria, hepa miten vai mai mai an tih zûnah hian ka uai nghet tawh em a, ka kal san thei tawhin ka ringlo. Nimahsela ka nuten an hriat hunah engtin nge min tih ang tuh zawk hian ka rilru a luah lo theilo.

“Ka lawm e Ryan, ka nihna ang anga min pawm avangin. A chang chuan ka thawveng lutuk hi mi pawi ka sawi ka hlau thina, ka harh thit thet bawk sia mi hian min ngei ang tih ka hlau thin" ka tihchuan ka biangah a rawn piai nawk nawka, mi lah hi a naupang chhe chei ziah lehnghal. A sam ah chuan ka tham sak nghal hlaka, ka malah chuan a rawn mu nghal thak lehnghal, phakar lutuk mai.

ZAWMNA...

“Haw i duh tawh em? " Aryan rawn meng siar siar chu ka lo zawta, a hnathawk mengrei thin nen a chau viau in ka ring. A lu ah chuan ka chul sak heuh heuha “Duhlo, tihian kan pahniha awm ka duh zawk, tirawh le tuipuikam lam chu pan tawh ang hmiang. Ni tlak dawn hian a mawi bik a nia" tiin a rawn tho chhuaka, ka kutah kaiin car lam pan chuan kan bungraw ken nen chuan kan phei dun leh hnak hnaka.

Ka nui reng mai, ka bula awm vang hian ka hlim a ni. An mahni avangin in kan sak theih phah bawka, tunah hian ka hlawh nen ka nuten in an sa meka, tunah chuan mite hmuhsit kan ni tawh bik hauh lo. Chu chu ka nu te rawn sawi thin a ni, a hma kha chuan kan retheih bakah hmeithai fate kan nih avang khan hmuhsitna tinreng kan dawng thina. Mahse ka nu, nu chak tak a fate pali hah pawh pawisa lova a sur a sa hnuaia kan lehkha zirnana hnathawk thin avangin a ni tun dinhmun hi kan thlen theih ni.

Chuvang chuan ka theih tawpa enkawl hi a phu a ni. Aryan chu ka en vang vanga, an ni chhungkua chu awm lose tun dinhmun hi ka thlen theih ka ring lo, ni e doctor pangngai tak ni tur chuan hun ka la duh bakah ka thawhna tur ala chiang heklo. Mahse an chhungkua avangin tunah chuan hahdam tak leh hlawh hlawk bawk siin ka awm theih phaha, kan insakna tur chenin min la pui zui a nihkha. Ka hlawh chauh chuan la daih miau dawn hek lo.

Ka tan chuan vantirhkoh an ni ringawt, a carah chuan thu lutin kan tlan chhuaka, a juice min lei chu ka hip pah hlak hlak bawk. Hnamdang mipa hi kan lo sawisel thina, an tha lutuk ka tihna nilo in an bialnu te maw an nupui te pawh nise an care thiamna hi a tha ka ti in ka ngaisang letling, kan hnamah chuan mipa an in la pa em em a. Chutihrualin hmeichhia te hriatthiamna leh han ngaihsak hliau hliau hi an vang khawp mai.

Tawng pawr tak tak, inchhung khura inla lal em em an kat nuk laiin hnamdang te erawh a tul chuan a mipa pawh nise inchhungkhurah an che lawp lawpa. Fate enkawl thlengin an zak hauhlo, kan mipa te erawh social media ah an tawng theihzia a lang tual tuala. Phone kal tlanga inla huai tak tak a taka penchhuak ngam erawh tlemte kan ni thung si lai hi amak ka ti thin. Tunah chuan kan ram ah ngei mahni hnam tawng ngei kan hmang lo tial tiala.

Hnampui tawng vulh lianin kan thalaite lah mizo tawng dik taka ziak leh sawi thei an vang tawh bawk si nen hetia hnam dang kara ka awm chiah hian an mahni hnam tawng an lo vulh len zia ka hrechiang leh zual thin. Mizote chuan kan khawlai kalna ah leh zel pawh English tih tel pet kan tuma, English thiam kan ngaihsanna lamah mahni tawng bo vek khawpin kan fate zirna ah chenin mizo tawng ai sap tawng kan zirtira, chu chuan kan hnamzia kan tibo tial tial tih kan hre der silo.

Hnamdang rawn kal meuh pawhin mizo chuan in hnam tawng chawi lenna chang in hrelo va, hetianga in kal reng chuan mizo thisen kai siin in hnam a bo hlen ang min ti hial a nihkha. Ka ringhlel lemlo. Tun ang renga kan hnam leh ram hi a kal chuan mizo tawng bovin, mizo nunphung a bo thuai dawn tih hi a chiang viau a ni. Tuipuikam kan thlen takah chuan ka ngaihtuahna atanga in thing harhin Aryan-a kut rawn phar chu ka vuana.

Ka nuih sak bawk, ka pheikhawk chu phelhin chapal ka ken chu ka buna, kekawrbul nen chuan tuiin a chim chin vutah chuan kan kal duna. Aryan ban vuan chuan ka titi zat zat bawk, Aryan lah ngawi rengin a kal renga. A chang hian a cool riau zelin ka hria ”Ryan i lungawi lo em ni?" ka zawt ta nge ngea, min rawn melh thla nghal vut a ”Enga timaw " a rawn ti supa. A nui suk bawk.

“I muk ren run lutuka, ka awm a nuam lo i tum hmuk hi chuan awmdan tur ka hre lo ziah" ka tihchuan a nui hak mai. Ka hmuiah chuan a rawn fawp vang vanga ”Inneih lam ka ngaihtuaha" a tihchuan ka khawng deuh awta, ka chhungten hre ta se engtin nge min tih ang. Engmah sawilo chuan hmalam ka ena, tunah hlim viau mah ila kan hmahun kan hre der silo.

Ka chhungte ka hrilh ve phawt loh chuan engtinmah ka chhang theilo.