MR. ARYAN CHAPTER 1

MR. ARYAN

CHAPTER 1 

“Janet vawiinah kan fapa upa ber a lo haw dawna, inthlahrung viau mah ila vawiin chu hetah awm mai ta che" titu chu ka en kar mai,thla 5 vel chu ka thawk tawha. An fapa upa ber an tih hi ka la hmu ve miah lo, mi hausa tak an nia, kei ngei pawh an hnathawk lai ka ni. Mahse ka thawh dan erawh midang nen chuan a in ang chiah lo thung.

Mumbaiah hian doctor lam nih tumin ka chhuka,ka training mek bawk. Chhungte tibuai lutuk loa mahnia in enkawl ve theih ka duh avangin Kumar chhungkuaah hian ka lut a ,an lo fel phian bawk nen an mahni nen pawh kan in pawh hle . An fapa upa ber erawh vawikhat mah ka la hmulo thung,kum hnih chhung ram dangah business zirin a awm tih chiah ka hriat chhun a ni.

“Awle pi Sonya " tiin hmun chu ka phiat mawlh mawlha, an fapa thlalak chu ka hmu tawha. Mahse a fiah vak lo thung, vai chhungkaw dang ang lo takin chhungkaw thlalak an tar chhuak vak lova, chu ai chuan lemziak an uar hle thung. Manto tak tak in an leia chungte ringawt atang pawh chuan an hausak zia in hre mai awm e.

Tlai lamah chuan an fapa room chu ka tifai mawlh mawlha, a rawn thleng har phian mai “Tunge i nih?" Room ka tihfai mawlh mawlh laia rawn ti tu aw danglam zet avang chuan ka inher zawka,chutah sakei mit ang maia eng ralh nen chuan kan in melh ta chat mai “Enge ka roomah hian i tih" a rawn tihchuan ka nui saka , an fapa chu a ni tih ka hre chiah. A hmeltha hle a ,chuan a sang tha hle bawk. A hmelah chuan a room a ka awm chu a duh lo hle tih ka hria.

“Ka tifai a nih hi,ka zo e" ti a chhuah mai ka tum lai chuan min pawt let dawrhin ka inringlo nena a awmah chuan ka bet nghal thlawp mai, rum nghutin min en chhuk runa, ka thaw ham ham mai. A rim chu a tuiin apa takzet,ka ngaihtuahna chu duhlo in ka lu ka thing nawk nawk “ Ka pu kal ka duh tawha min thlah rawh" tiin ka tala,min thlah ve mai bawk. Chuveleh rang zet hian ka tlan chhuak ti tiha.

Ka lung la phu dup dup chu tihreh tumin thawk ka la halh halha, a mitmeng mawlh kha ka tuiral mai dawnin ka hria, vai tam tak ka hmua. Hang thil thel vek chu nilo mahse vai mipa hi tha ka ti ngailo, an hmuihmulte hi ka ten tlat zel. Mahse kha pa kha chu a danglam lutuk tlat, a hmuihmul buk lutuk silo a mitmeng eng êng lam pang te kha a mawi lutuk, tinge khapa kha ka duh tihna em ni ang? Teuhlo lutuk! Ka vawikhat hmuhna lehnghalah ka duh theilo hrim hrim.

Inhnuaiah chuan chhukin sofa ah chuan ka thu hnaka “Janet ka fapa kha ilo hmu maw? A rawn haw hlim hi chuan roomah hahchawlh a duh thin a, i va rawn chhuak hma ve" pi Sonya in arawn tihchuan “Nia amah khan awm vak a phallo a niang" ti bah niaihin ka hmai chu ka tuai pawk a, a lum bawk em a ni. Vairam hi chu awm mai mai chung pawhin a lum em ema, hei hi a hrehawmna ber a ni.

“Aw...bawiha tak hi chu aw, a la hmu ngailo che a chuvang a niang. A hmuh ngailoh mi hi chu a be tha duh thinlo, ka hau ngun a nia. Lo hrethiam hram hram rawh, in in hmuh leh hunah chuan a zia tawh ang" a tihchuan ka bu nghata “Anih ka haw tawh mai dawn a sin, naktukah ka lo kal leh zawk dawn nia, vawiin lam ka kal thei silo va. Zanlam tala ka zir loh chuan ka tichhe lutuk palh ang, kan senior te hian mi an endik zel sia " tiin ka chhuahsan zuia.

Mitthla ah lah chuan khapa ringawt kha ka hmu lehnghal, a unau te pawh an hmeltha hle a. Mahse khapa kha hmeltha lutuk han tih tur chu a nilo, amahaia hmai fang tha khawvelah hian an tam. Mahse a mideh dan kha a dang tlat si, chutia vawikhat ka hmuhna a ka vei lutuk chu keimah te ka inhaw hlur mai, mipa hi hnaih ka duh ngai hauh lo. A chhan pawh doctor puitling ka nih hma chu ngaihzawng emaw pasal emaw ka nei lo ang tiin.

Tunah Mumbai hospital pakhatah ka thawk ve meka, mahse thil serious lutuk erawh kan la tilo thung. Inzir mek kan nihna angin midang che tla kan ena, doctor thiam tak tak ten min train reng bawk nen keimah ngei pawhin hma ka sawn chak viau mai, doctor senior ho pawhin min fak ve na a ni bawk. Ka zir zung zunga anga ka nu leh ka naute ka chawm thuai ang tia ka infuih sauh sauhna rah chu ka seng chho mek tih ka hriatna hian phurna min pe a.

Mizoram lam ngai viau thin mah ila kan dinhmun hre rengin ka tuar hram hram a ni zawk. Zanlam duty ve ka ngaih dawn avangin ka hmanhmawh bawk nen ka inluah lam panin ka tlan hlawk hlawka,auto phar ka tum lem lo. Ka in luah awmna a hla em em lo bawk nen pawisa sen leh ai chuan ka ke hian ka kal mai zela, ka tlai ngai lem lo bawk nen sum save na tha tak a niin ka hria. Mi tam tak chuan hla lote kal nan pawh auto kher an hmanga, kei erawhin inren ngaihzia ka hriat avangin ka ti duh lem lo thung.

In la thlen rualin waiwai vel chhum sawk sawkin damdawiin lam chu ka pan zuia, ka thlen chuan ka thiante chuan min lo pan lehnghal nak nak mai “Jane enge chanchin Aryan chu a rawn haw ta em?" chu bawk chu, an in a hna ka thawh thu ka sawi atangin a khat tawkin min zawt reng zel, hetiang em em hian an vei tih ka hre lo hrim hrim. A hma kha chuan ka la hmuh loh avangin ka lo uksak lem lo, mahse a hmel ka hmu a hmeichhia in a chanchin an ngaihven viau pawh hi awm lo ka ti ta lo.

“Haw e duh tawh suh u, a sual lutuk" ka tihchuan Devni zawk chu a rawn ner nasa mai “Ani a lawm a room ka tifaia a eng a mah hma in min rawn vin hrawk ringawt, khatiang star tawh reng reng suh u"ka tihchuan Aaditya nen chuan an nui nghal kar kar mai “Kha tak kha alawm kan duh, an sawi dan chuan bialnu ala nei miah lo an tia, i hriat angin a nu leh apa hi bollywood lamah sulhnu an nei liana. Milar leh hausa fa chu lerh leh hmeichhe lawm tak an ni tlangpuia, mahse a ni chu midang ang lo takin a ni chu hetiang lam ah hian sawi a kai ngai miah lo nia.

An hmehbel hmeichhia chu awm mahse a tak a lo ni ngai leh thin silo. America lamah pawh nise chuti bawk, a mak khawp mai nge a lo pa lo ru nge mawni" Devni in a rawn tihchuan kan nui haka “Pa ang, a awmdan reng reng kha a ngeng ngel ngul emai. Tuai a ang lo, a awmdan kha ka hlau" ka tihchuan min nuih leh kur kur mai. Aryan hmel mawlh kha ka sawi zawng chuan ka mitthla ah a la lang thei nia, tinge ka vei em em le?

Kei hi hnamdang mipa chutah Hindu sakhaw vuantu leh nghal ka duh thianglo, ka inthing nawk nawka. Mahse a mitmeng in a chiang zeta min melhna ringawt kha ka ngaihtuahlo theilo, ka vawikhat hmuhna mahnise ani anga min tidanglam thei tu an la awm miah lo bawk. Love at first sight an tih hi ka chungah a thleng em niang? “Jane kan thusawi i hre leh lo a nia, enge i ngaihtuah Aryan i ngaihtuah ve chiang mai" an tihchuan ka nuih ringawt.

A tuk lam ka kal chu alo la mu a nih hmel, pi Sonya lah chuan kai tho turin min la tizuia, mi a ngainat zia ka hria a, mi an duat bawk nen an ina kal pawh hi nuam ka ti thin. Mi hausa chhungkua nimahse an induh in an chapo ve lova, an hnathawk te pawh an chhungzinga mi ang maia an en thei leh khawngaihna an ngahna hian an hnathawkte pawh a ti rinawmin an chhungkua pawhin an vanneih phah ve tho mai.

“Pi Sonya ih min lo hau hrep ange" ka tihchuan a nui har hara “Hau lo ang, i haw hnu khan i chanchin min zawta, a sual lo a nia. I chanchin ka hrilh hnu phei che kha chuan a khawngaih ve che nge chhawr lutuk lo tur che in min tih ve ngei kha" a tihchuan ka meng ak ringawt. Ka chanchin a lo zawt amaw? Muangchangin a room lam chu ka pana, ka thaw dep dep bawk. Kawngkhar hawnga ka luh hnu chuan khuma tui zeta alo mu chu ka hmu nghal zat.

A muhil hmel chu a hahdamin hmuh a nuam takzet, a sam a thur sanga. A thaw sak sak bawk, a muhil lai chu remchangah la in chiang zetin a hmel chu ka ena, a hmai tung lam mahse a mah tipa tu nisi te, a hmui senno chak chu ka hmui atan ka awt zawk. Tiang em em a mipa tha tih ka la nei ngailo, hmeichhia in an lo ngaihven em em thin kha ka demlo, a hmel a fuh em a ni. Ka en reng lai chuan a rawn mengchhuak thuta.

A mitmeng mawi ka tih em em chuan khawdang hawi leklo hian min enkar mai, ka lai lutuk chuan hawisawnin “I...i..nu... in lo chhuk rawh se a ti " tiin ka lei chuan ka hmui chu ka liak zauh va “Ka hmeltha i ti viau em ni?" a rawn tihchuan ka phu zawk mai, ka zak takzet. Tinge ka lo en reng kher kher ni “Tilo, tilo i mutui sia ka kai tho hreh che a lawm, ka kal dawn" ka tih rual chuan tho chhuaka kal mai ka tuma.

Mahse ka kutah rawn man betin khumah chuan min pawt mu nghal zat “E...ng thil nge i tih" tiin mak ti lutukin ka ena, thawh chhuah tum chuan ka bei nghal fat fat bawk. Ka chungah bawkin “Nang hian ka lakah beisei i nei em ni miss Janet " a rawn tihchuan ka lei ka chhuah zauh va “Teuhlo lutuk, tho vat rawh. I nuten chaw an ei dawn, i tlai ange min thlah teh" ka kut a nem bet tlat nen a hrehawm.

Nui suk hian a tho chhuaka, a kal nghal nal nal bawk. Bathrooma a luh rual chuan thaw huaiin ka chhuaka, keimah chuan ka inhau thla mawlh mawlh mai “Aryan chu i kai tho em?" pi Sonya in a tihchuan a intihfai thu hrilhin a rawn chhuk vat ang tih nen chuan ka hrilha, chaw ei chu ka siamsak nghal mawlh mawlh bawk. An zinga ei turin min sawm fo mahse an hnam leh kan hnam thil ei a inang lo bawk nen an ei thin hi ka ngaina lo a ni ber mai.

Chuvang chuan ka tlai viau pawhin keimahin ka ei duhzawng ka siam mai zel, midangin chaw ei dawhkan chu rawn kil tak takin “U Janet, vawiin chu in hospital ah thisen kan lo pe dawna, nangmahin min lo buaipui rawh aw" Tina chuan a rawn ti a, ka lo aw ve mai bawk. An fanu naupang ber a ni bawka, a duat pawh an duat chutia midang an titi mawlh mawlh lai chuan kailawn chu rawn ri khep khepa, Aryan chu a rawn chhuk thla ri khap khapa.

“U hetah lo thu rawh, engmah min lo hawn lo a ka lungawi lo a nia" Tina chuan a lo ti nghal bal bala. Nui suk chunga a nau chu rawn panin “Ka buai deuha, hetah i duh zawng sawila ka lei mai dawn che a nia aw" tiin a nau chu a piai zauh va. A mitmengah pawh a nau a hmangaihzia a hriat theih,keichu min rawn melh zawkin ka lo en reng a vang chuan a kiai leh suk mai.

Engmah sawilo in an chhungkaw chaw ei chu hnathawk dangte nen chuan kan en thap hlawma “Tina chu i u Janet-i rualin kal mai rawh, in kalna tur a inang tho" pi Sonya chuan a rawn ti a “An pahnihin ka rualin kal rawh se. Vah harh ka duha" Aryan an a rawn tihchuan ka en leh a, min lo la en char char avang chuan ka che dik lo zo vek takngial dawn. Hepa hian min tihbuai a tum emaw nile.

FB KA GROUP LAMAH NEN COMMENT ANG U AW.