LALHRIATPUIA CHAPTER 34

LALHRIATPUIA 

CHAPTER 34 

“An chak leh e" ka nuteiin a tihrualin kei erawh in lawm avangin ka mittui chu ka hru fap thung. Chutah an trophy chawi chu Hriatpuia chuan la in an vai mai chuan ka hming lamin an aua, tv chhan mah nise ka lawm takzet. Ka beisei phak loh a ni, Mizo tawng a Hriatpuian “Lalthakim i tan liau liau a nih hi aw, ka fa nen khan ka hmangaih che u" tiin camera lam chu a rawn hawia.

Ka awma kut dah chungin “Keini pawhin kan hmangaih che" tisapin ka mittui luang zung zung chu ka hru a, tunah chuan India ramah  no 1 an hauh thei ta. Ka pum chu chulin a puar ak tawh bawk nen ka naute pawh chu a rawn che dat mai. “I paten hnehna an chang ania, i pa ang maia rinawm leh tha rawn ni ang che aw" ti a be sap sapin mu tur chuan room lam ka pan zuia, ka phone ri ral ral chu la in Hriatpuia hming a rawn lang nghal zat.

Ka chhan rual chuan “Min ngai tawh em" a rawn tisupa, thlahnih chhung teh meuh ka hmu tawh lo a ka ngai tih piah lam a ni. “Ngai lutuk e, kan naute pawhin a ngai tawh che, chuan in chak kha a hre ve pawh a nimahna ka pum a rawn pet ania" tiin ka nui haka. A rawn phur nghal hle “Lo in enkawl tha ula, dam chuan kartawp lamah ka rawn haw ang. Mipa i hnaih lo tiraw" a dan ngai te bawkin kan in biak apianga min zawh a ni ziah.

“Hnaih lo hnaih lo, tunge nau neih hun dawn lamah vak chhuak reng peih ang. Inah ka awm chawt a nih hi, lo haw vat la a nimaia, nangmah zawk khan duhai hmeichhia i hnaih nasa mah mah" ka tihchuan a rawn nui huka. “Aw kan team te ho bialnu an nia, ka lo melh tai hleinem, bawng ang vekin nang lo hmeichhia chu ka hmu thin ka tihkha" tiin lehlam atang chuan a rawn au deuh lauh lauha. Kan in ngaihzawn tirh vel thu a rawn sawi chuan ka nui ve hak mai.

“Dam takin lo haw ang che, thil pek nen ka lo hmuak ve ngei ang che" ka tihchuan a rawn nui vur vura “Chiah maw, ka lo haw vat ang khawi maw lo awm hnai teh. I hmelkha a tha zual sawtin ka hria" a tihchuan ka lei ka chhuah khum vaka, in video call hi chuan hmel hi a lang mak thei si “Ka duhlo, ka mu pah dawn aw" tiin khumah chuan ka mu tha sat sata “Khawi maw ka naute ka hmu duh" a rawn tihchuan ka dul chu tilangin ka pum che dat dat in Hriatpuia chu ka hrilh nghal zata.

A ni erawh phone tang a nih avang chuan a hmu theilo a nimahna “A lian tawh hle mai, pa tak tak ka ni tep e" a tihchuan ka nuih ve haka. A rawn haw hunah a fate hi pahnih an nih thu ka hrilh hunah engtin tak awm ang maw. Phone pawh chu dah phallo in mutsan mai tur chuan min ti a, ka muhil hmel hmuh leh a tum a nih hmel. Alo la screenshot ziah lehnghal.

Ni a liam leh meuh chuan Hriatpuia rawn haw tur chu pawnah hmuakin thutthlengah chuan ka thu vanga, ka nutei te erawh inchhung lamah an inkawm thung. Thla chu a eng ruiha, April 25 Hriatpuia birthday ni bawk si chu engkim kan buatsaihsa nen a phurawm vel vek mai, car ri ka hriat rualin ka ding chhuak taih taiha. Kawngpui lam chu ka pan vat, chutah ka hmazawnah car chu rawn dingin ka mi ngaih em ema ngei chu a rawn chhuak ta zan zan mai.

Jeans a hak chu a inhmeh leh pek hle, a ban a phar rual chuan ka theih tawka chak chuan ka pana, a zak hnuaiah kut rawlh lutin a awmah chuan ka bei nghal than mai. A awmah chuan ka biang nawr nak nakin ka thaw chhuak siai siai a “Min lo ngai ve hle a nimaw? Ka ngaih ang chiah che hian" a tihchuan ka bu nghat nghata. Ka hmuiah chuan rawn fawp vang vangin “Ka rawn haw tawh e, khawimaw ka fa chu kan lo khawih ange" tiin ka pumah chuan a rawn chula.

“Hriatpui hrilh duh che ka neia" tiin ka awmsawn deuha, ka puma chelh run pah chuan “Sawila eng thil nge " a tihchuan nui hakin ka pum chu ka kawk zauh va “Doctor in he tah hian naute pakhat mai nilo pahnih an awm a ti a" ka tihchuan a meng deuh kawka “Maw..!! Phir maw? Taitai i ti tak tak em" tiin a phur lutuk chu a au deuh hluaia. Ka lo aw ve vat bawk, in lam pan chuan kai phei zuiin kawngka bulah chuan ka dinga.

“Happy birthday Hriatpuia, i kum 22 na ka lawmpui a che" ka tihchuan min melh vuta, nuih sangin kawngka chu hawngin kan chhungte ho chuan an lo wish rual thap bawk nen nui hakin min rawn en leha, chutah cake nuteiin a lo kenna lam chu panpuiin “Le duhthusam la, chuan i chhem hlum dawn a nia" tiin bati chu ka kawk zauha, “Duhthusam ka neilo, ka duhthusam awmchhun i awm tawh alawm" tiin bati chu a chhem hluma.

Cake chu zaiin min barh hmasa bera, midang erawhin an hnar leh hmaiah an in tat berh luai hlawma. “Ka lawm e, chuan ka rawn haw huna i thilpek sawi chu ka beisei aia tha a ni. Lalthakim ka bem tlu lo ang che tih ka va hlau ta em, ka nun zawng zawng hi in tan ka hmang ngei ang, i upa emaw ka pawisa lo. Nangmah i nih chhung chuan ka iai in ka kalsan ngai lovang che" khuma kan pahniha kan mut hnuah chu thu chu a sawia.

Ni e keipawhin he khua ah hian ka kal lo ang tih ka hlau, kan in pawh thla lehah chuan kan luah lut thei tawh dawna. Nau ka neih a hnai bawk nen mamawh kan inlei nual tawh mai, “Keipawhin he khua ah hian i awm lovang tih leh he khua ah hian ka rawn thawk lovang tih hi la hlau hnuhnawh khawp a sin, a chhan chu ka hmangaih ber ka tawng ta si che a. A tirah kha chuan kan in upat hleih em avang khan ka hnaih duh lo che a, mahse tunah erawh i tello chuan ka awm thei tawh der silo. Ka hmangaih che Lalhriatpui" tiin ka kuah nghet sauh sauh va.

Ka hlim ani, kan bul tan dan fuh lo in buaina leh harsatna ten min tlakbuak mahse kan hun tawp lamah erawh hlimna ten min hmuak ve ta thunga, kan dam dun chhung zawng chu ka hmangaih reng tawh ang.

“Ana lutuk" ka nau nei tur chu ka inpet ruh fan fana, hetiang em em hian a na ang tih ka ring phalo. Hriatpuia chuan duat taka ka sama chulin min thlamuan pah renga, ka bulah a awm ve reng avang chuan ka thlamuan phah hle bawk. Khawpui damdawi in pan lo in kan awmna khuaa nau chhar thiam kan pan tawpa, ani chuan min buaipui zung zung bawk. Ka thlan te chu a chhuak bat bat mai.

“Tuar hram hram rawh aw an rawn chhuak tep a nia, Taitai tang fan fan rawh" tiin a ni pawh chu a thlan ve bat bat tho. Theih tawp chuan san chu ka pe leh vaka, naute tap ri ka hriat rualin ka thaw huai mai “Mipa a ni e, pakhat zawk hi san pe leh teh maw. Tang fan fan rawh aw, i fate tan hian tan i ngai a nia" tiin pitar pawh chuan min fuih ve sauh sauh va. Rei vak lo hnuah hmeichhia ka hring veleh nghal bawk nen Hriatpuia lawm hmel chu mut chhuak zet karah chuan ka hmu phe vuai mai.

“Ka nupui duhtak harh tawh la, kan fate tui a hal a nia" ti a ka bengbula phun sup ka hriat rualin ka mengchhuak riai riaia, Hriatpuia nen chuan kan inmelh nghal chat mai. Naute pahnih ka bula an mut chu ka en nghal vat “Kan fate " tisapin ka nui haka, an mit chhingin pakhat chu a rawn chik that thata, tho kangin Hriatpuia chuan min rawn pui nghal vat, pawmin ka hnute chu ka phawrh dawna Hriatpuian min lo en reng tih ka hriat avang chuan ka tawp leh rih.

“Min lo en kur suh" ka tihchuan a nui deuh hawka, a hawisawn rual chuan ka hnute chu ka barha, a hne nghal dawk dawk mai. Ka en reng, ka vawikhatna mahnise nu nihtakah chuan tihdan tur a lo awm ve zel mai, pakhat pawh chu rawn harh zuiin an pahnih chuan ka pe tawna, an la te bawk nen chunga pawm hrehawm an ni hauh lo. Hriatpuia chuan min rawn enin a kiai sak saka, a hmelah chuan a hlim hle tih ka hria.

In lama kan haw chuan nutei ten zoar leh vawksa nen min lo lawm a, naute te chu pawm inchuhin an ri le lu mai, ka nute ho pawh naktukah an lo chho dawna. Hriatpuia nu leh pa lah chuti bawk, a naute erawh kan inneiha an rawn kal bak kha chu an school lut tawh nen lo kal lo mai turin an ti a, an chak lutuk erawh an khawngaihthlak zawk. Mahse an u hian an zirna a ngaihpawimawh pui miau si a.

Zanah chuan Hriatpuia chuan nau hlam ek chu su in pawnlamah a awma “Ehe kha pa i nih meuh chuan i insu turh turh a nimaw, thaibawih deuh ve. Khawi maw Thahmuithlumi fate chu en ang hmiang, kan hmuh uiin an nau neih thu pawh min hrilh lawk duh lova. En ila " Dina chu a rawn au lut lauh lauh va, midang erawh an lo nui tha thung “Ehe an va hmeltha ve, ee hei chu ka duat tur ka fapa a nih hi" tiin kan fapa chu a pawma.

Hminga te erawhin kan fanu zawk an pawm thung, a pi leh pu in an hming sa tawh mahse kei atan erawh kan fate tih mai hi ka duhtawk rih khawp mai. “An hming kan la hrelo a nia" Roland an a rawn tihchuan nui hakin “Malsawmpuia leh Lalpekhlui te an nih kha" tiin Hriatpuia la insu lam chu ka pansan ta riha, nutei ten kan su ang an tih pawhin phal hek lo. “An pa ka nia, ka fate zun leh ek chu ka su tur a ni" thutak runa a tih avangin an chuh duh ta lo kha a nia.

HRIATPUIA HMEL HI CHHINCHHIAH THA HLE RU 😹😹

A bulah chuan va dingin “I chau tawh em, i kut a kham lo em ni" a nuai nawk nawk chu enin ka zawta, “Chau lo e, hei ka zo tep. Lo chet ve phet te kha i tum ange, in dim turin an tihche kha i thi a put anihzawngin a thalo, chuvang chuan engmah kha lo tih tum suh aw. Ka awm hi, duh leh i that deuh hunah i ti zawk dawn a nia" tiin a sam a chala bet thlar chu a huisawn zauh va.

“Ka hria lawm, mahse awm mai mai hi a inthlahrunawm thina" tisapin a bulah chuan ka thu thla a “Keimah ka awm hi, i that hma chu keimahin ka ti vek mai ang. Kan fate pahnih hi tha tak in enkawl la a tawk, kan in luah luh hunah pawh keimahin rawng pawh ka bawl vek ang" a tihchuan ka mit ka san zauh va,  “I bawl thei tak tak ang maw, a hma pawhin i sawia keimah tho in ka bawl ziah" ka tihchuan a rawn nui haka “I damloh chhung chuan ti ngei ngei dawn e " tiin a lu chu a tuai zauha.

Ka ring renga, rawngbawl reng tur chuan mipa hi chuan an tlin lo reng a ni. “I fate hi i enkawl anga a nimai a lawm, nangmah an chhun lutuk che a ka lawm lo lek lek " ka tihchuan a puan suk chu din chhuahpuiin “Ka fate an ni miau a lawm, ka thisen atanga piang chuan keimah min ang tur a ni" a tiduaha. Ka lo ner nak mai “I paiin i hring ve em ni? Tikhan tibik reng reng suh nangai ka chau daih a nia" ka tihchuan ka biangah a kut huh chuan a rawn piaia.

“Chuvang reng chuan a lawm ka duat em em che, kan fate hian apa angin apa zawk hi duh sela, chuan kei an pa chiah hian nang hi duh che ila ka duhthusam a ni" tiin ka chalah chuan a rawn fawp vang vanga, a thusawi avang chuan ka lai hle ringawt. A sawi awmzia ka hrechiang hle a ni, kan inneih hnu hian a thikthu a chhe zual hle tih ka hria a, tunah pawh a fate hian min ngainat lutuk chuan ka kiangah hun a hmang tam theilo ang tih lam bawk a ni alo ngaihtuah leh ni.

A puan ken chu zar sakin “I ho emai hna a i kal a ngai reng dawna, keimah min duh zawk dawn tho tho" ka tihchuan ka hnunglam atangin ka kawngah min rawn kuaha “Teuhlo mai, keimah chiahin ka duh in ka hmangaih thei che, an ni pawhin an hmangaih tho ang che. Mahse keiaia nasa chuan an hmangaih thiang lo che" a tihchuan a kutah ka sih sak vaka “Lalhriatpui, i fate an nih hi, khatiang thu sawi ngai suh, ka nunah nangni hi a pawimawh ber ber tur in ni, kan thisen atanga piangte an nih hi, lut tawh ang" tiin ka kaia.

“Keipawhin ka hmangaih tho a lawm, ka enkawl ngei ngei bawk ang. Hna chu ka sawi tawh kha " tiin Dina ten kan fate an lo chhaihna lam chu kan pan duna “An pa te vek kan nih hi, chuvang chuan he mite unau hi chu kan duat ang" Dina chuan a lo tinghal zata “I tawngtheih i kai ange ka phal miah lo a nia" Hriatpuia chuan a ti nghal tawnga. Zira te ho chu an lo nui hak mai “Kei ang an nihchuan a tha daih zawk a lawm, nang an chhun che a nihchuan an nu zemzum awm si" Dina chuan a rawn ti veleh mai bawka.

Hepa hi chu hnial chi vak pawh a nilo, hnial chhung chu a tawng peih tih ang vel kha a ni. An haw hnu chuan kan fate nen chuan roomah kan luta, a fanu pawm chunga a awi ve durh durh chu hmuh a nuam viau mai. Ni e kum 22 lekah pa a ni a, mahsela a mawhphurhna erawh mipa kum 30 ral kai tawhte ai pawhin a hlen tha in ka hre thin, tam tak chuan a tih ang nau ek suk te kha an peih hauh lovang. Tin nau pawma awih hliau hliau te pawh mipa tam tak chuan pa an nihna hrelo in a mipa zia lo an ti fo thin renga.

Hriatpuia erawhin pa nih awmzia a hrechiang te pawh a niang, ni e a fate fahrah ai chuan amah pawh fahrah zawk huam tu pa nih tling kha a ni miau a lawm. “An duhawm takzet, mi nau pawm ka hmuh khan ka lo en liam mai thina, mahse ka fate ngei ka han hmuh takah chuan pa nih awmzia leh fate lo hmangaihna nasat zia ka hre chhuak chho zel dawn niin a lang, ka fate hi hrisel taka an awm zel theih nan an pa hian theih tawp ka chhuah ngei ang" tiin a fate pahnih chu a en ngawih ngawiha.

A mitah chuan hmangaihna ka hmuhsak thei a ni, ni e a tiam tawha. A hlen ngei dawn tih ka hria, chutih rualin kan fate hma hun tam zawk erawh Pathian kutah ka hlan thung. Kan sirah kan fate chu mut tirin kan innuih dun var vara, an kut te tak te leh an hnar ngul sang vah mahse te lutuk si te chu thlir nin an har a ni ber mai.

ZAWMNA....

Kan fate tah avang chuan Hriatpuia nen chuan zanlaiah kan harha. Ka hnute chu a lehlam ve ve hnek tirin an la te bawka, an pahnih pawhin an la hnawk lo viau mai. Hriatpuia chu ka bulah thu in a fate kut an awma an dah tai chu khawihin a lo en ve renga, an hnek zawh chuan an puan phelhin rin ang ngeiin an zun leh ek nen an lo berh nasa mai. Hei vang hi a ni ngei ang an rawn tah ni.

Hru fai zung zungin puan dang chuan ka tuama, an mutthilh leh takah chuan an ekna puan chu zinglama suk tura dahin khumah chuan kan mu zui leha. “An aw rawl a ring hle mai " ti a nui suk sukin an muhil chu a en reng a, “An te lutuk hi amak nau piang ka vawikhat hmuhna a nia, ka fate ngei an la ni zui" tiin lawm tih hriat zet hian min ena “Ka upa telh telh anga, min kalsanin hmeichhe dang i nei leh ang tih te hi a nia ka hlauh, kan fate hi fahrahin an awm dawn tihna a nia" ka tihchuan a rum nghata.

“Ka sawi fo tawh, i vun chuarin i hmel a lo dang ta a nih pawhin ka kalsan ngai dawn lo che, kan tar hun thlengin keiai a thi hmasa tur pawhin ka duh lo che, ka thi hmasa anga chuan ka lo nghak ang che. He khawvel eng keiai hmu hmasa mahla min kalsan hmasa leh zel tur chuan ka phallo che" tiin ka chalah chuan a rawn fawp zauh va. Ka nuisak ringawt, kuahin ka hmai chuan ka nul thuak thuaka “Danglam ngai suh aw....ka hmangaih che" tisepin ka en chho kara.

“Miin pitar ang ti che pawh nise a pawilo, ka mitah chuan i tha reng dawn tho. I hmel hi ka hmangaih chhan che a ni hleinem, i mizia nu em em te, nunnem tak leh mi dawh tang tang peih hmeichhia hi ka tawng leh tawh nang ka chhuah phal reng reng hleinem che, chuvang a lawm hmeichhe dang ngaihsak lek lo e ka hmangaih em em che ni, tar vun chuar kan nih thleng pawhin ka mitah chuan i nulat lai ang reng hian i awm zel ang" tiin min kherh bet thuta.

Naute tih harh ka hlau bawk nen ka tal na ngam bawk silo “Min thlah teh a lum" tihlakin ka tal deuh aih aiha “Aih, kan induat khat tawh emai. Nau i pai chhung zawng ka khawihin ka tawk lo che a, ka ro vek lo chauh a nih hi" a tih nuah nuah chuan ka nui haka. “Ila insum a ngai a nihchu, naktukah a pi leh pute ho an lo thleng dawn sia chaw hmeh bazar vete a ngai ang, nutei te ringawt rin chu a inthlahrun awm. Kan in pawh thlalehah chuan kan luah lut thei tawh ang chu" tiin a awm lang laiah chuan ka thai sak neuh neuha.

A ni tel hian a hmeltha tulh tulh nimaiin ka hria, a upa ve zela chu chuan a hmel hi a tipa tawlh tawlh bawk. A rawlthar hmel a bo ta veka chu chuan a tilang puitling sawt bawk nen a ni tel hian ka vei niberin ka hria, “Huiha kan naute te lo piang chu malsawmna nimahse ka la khawih theilo che a, chawbel bulah ka tamchhawl reng dawn a nih hi, ninawm" ti bui buiin a zangthal thuka.

A titau hmel ka hmuh chuan insum theiloin ka nui nghal ar ar mai. Min rawn melh run runin “Min nuih suh, i nau neihna hliam a dam hunah chuan ka insum tawh dawn miah lo a nia" a tihchuan ka lei ka chhuah tet ringawt, mipa hi chu sawi zah hi an neilo bawk nen mi an tizak lo thei thin lo. “Insum turin ka ti hleinem che, titau bur bur lo la. I fate hian an chhun lutuk che a nge " ka tihchuan “Duh leh min chhun rawh se, an mahni vangin an nu in min hau a, apa hi ka khai hil vek tawh" a tihchuan tho kangin a hmuiah chuan ka fawh sak zauh va.

“I thinrim emaw i ti tau hmel hi keichuan duhawm ka ti thin a nia, i hmeltha emai tau lo mai rawh. Kan fate an leikang anga engkim a tha leh vat mai ang" tiin a awmah chuan ka bawk a, “Ka duhawm ziahlo, pa ka nih tawh hi fa pahnih ka nei tawh, duhawm rual ka ni tawhlo" tiin ka sam chu a chul hauh hauha. Ham bai baiin “Ka tan chuan i duhawm reng dawn tho, muttui aw mu tawh ang. Zingah kan tho tlai hlauh ange" tiin ka mit ka chhing zui a.

Ka hnungah chuan beng thek thekin a thawk zawng chuan ka taksa chu a kang leh ak thina, chung te chuan mut an tichhuak zual bawk nen ka muhil zui leh ta siai siaia.