LALHRIATPUIA CHAPTER 30

LALHRIATPUIA

CHAPTER 30 

1 YEAR LATER 

HRIATPUIA POV...

“Taitai ka phone chhang hram teh" rilru na zet chuan number dik lo ka call tih rawn sawi ziah chu ka call nawn fo mai, ka thiante lah khua ah an awm tawh lova. A number neih dan an hre silo, Taitaii chanchin an sawi erawhin min ti na a ni, hmeichhe fel leh zaidam tak khan zu a in ta fo tih hriat chu kei hrechiang em em tu tan chuan ana lo theilo, kohhran a in hmang thin em em khan tunah chuan a nun a tichhe mek a ni si a.

Ka haw vat a ngai a ni, Ruthi rawn phei chu ka lo en renga, ka bialnu angin awm mahse kan inkarah engmah a awm lo thung. Min duhzia vawi tam a sawi tawha, vawikhat mah ka kuahin ka la fawp lo, “A theihnghilh tawh che a nihkha, ka nuten sir Jonathana nen khan an inzui nasa hle an ti a sin, an in nei tep tawh ang" a tihchuan ka inhum ruh vak ringawt “Naktukah ka haw ang, nang chu hetah i duh chuan i awm thei e, ka bula awm ka duh vak lo tih i hriat kha" tihmukin ka car lam chu ka pan zuia.

Sir Jonathana hming ka hriat rual khan ka sa pup pup mai, kan inzui lai pawha lo ngaizawng em em tu a ni bawk nen Taitaii chu a hmin ta mai em niang “Ka la hmangaih reng che. Ka thusawi kha i la hre reng em? Lalhriatpuia puitling tak nen ka lo let ang ka tihkha, nangmah chawm zo ngei tu ni turin ka tihkha, Lalthakim min kalsan hian chhan a nei ngei dawna, chu thil chu ka hriat theih ngei ka beisei bawk" tiin ka phun sapa.

A thlalak chu ka en vang vang mai, a whatsapp leh message engkim ah keichu min block veka, kei erawhin englai mahin a dp ka check hmaih ngailo. Mahse a dp a thlak ngai lova, tunah phei chuan a sim a thlak tawh tih chiang takin ka hria a, ka haw vat vat a ngaihzia ka hai heklo. A awmdan a zirin ka rilru ka siam fel tawh ang chu.

TAITAII POV...

Khaw mipui in an lo lawm vut vut chu ka in luah atang chuan ka enkara, engvanga helaia rawn kal leh nge a nih ang. Ruthi nen bawk an rawn inzui leh avang chuan rei en duh lo in ka khumah chuan ka mu hlana, tunah chuan ka nun chu a letling thawk a ni. Zu chu ka inhnemna ber a ni a, nuteiin vawitam min tawngtai sakin nghei turin min ti thin, mahse harhfima awm chu ka ngam tawh lo a ni. Ka harh fim leh ka natna tur ka hmu hnema, ka ruih lahin a hmel ka hmu a.

Mahsela harh fima ka awm ai chuan ka la thlang zawk tho tho, school ah erawh ka rui ngai lo thung. Jonathana lah in min zuiin min be renga, thian ang bakin ka en lo thung, thenkhat lah chuan kan in ngaizawng emaw an ti thul. Kan in ngaihzawn miau loh avangin huat enah ka en duh lo thung, Lalhriatpuia hmel chu ka mitthla ah chuan a rawn lang leha, kumkhat chiah la nimahse a hmel chu a upa ve ruak tawh mai.

A sam a zuah sei deuh vang te pawh a niang ka hmu dang riau mai. Nidang ang bawkin zanlam chu zu um nen chuan ka inchhawp leh rana, harhfim in ka muhil thei miau silo, amah avanga ka natna hian min kian san ngai lova; nitin harhfim chunga na tawrh ai chuan ruiha chahthlak hi ka tan chuan a tha ber a ni. Ka kawngka in kik dat dat avang chuan tho chhuakin ka pan taih taiha.

Pawna lo ding ka hmuh rual chuan khar tumin ka che lehnghal; mahse ka tlai hret a rawn lut hman tlat “Chhuak rawh" ka tihchuan a nui haka. “Min kalsan chhan chu a lo tha hle mai, mahse kei min kawp lai ai chuan i nun a chhe ta hle maia. Zu maw? I bialpa chuan zu in turin a thlem thlu che a nimaw" a tawngkam mei nei zet chu ka hriat hmaih lo nasa “Chhuak nghal rawh, ni e i sawi dik hei hi ka nun chu a nih hi, i bialnu in i awm tih a hre palh hlauh ange chhuak rang rawh. Ka hmu peih lo che" tinghatin ka inhersana.

Ka kuta a rawn vawn rual chuan inherin ka hnek nghal thuai mai “Chhuak rawh, rawn lang leh tawh suh. I tello hian ka hlim, he khua a i rawn let chhan hi ka hai i ring em ni? I bialnu nen in hlimzia min rawn hmuh tir i chak vang a ni lawm ni, ka hmu tawh e. Ka hmu ngun mawlh mawlh khawp mai, chuvang chuan helai atang hian chhuak la rawn lang leh tawh suh" ka tihchuan a awm ngai rengin a awm lui ngar mai “Nilo e, nang hian min la duh tiraw? I hmel atang hian ka hrechiang khawp e, ka la awm rei hmela chumi chhung chuan ka nupui hlui i nihna ang pawhin enga tinge kan chen dun leh mai loh ang?" ngeiawm zeta nuichunga a rawn tihchuan thinrim tawh tak ka ni.

Chu mai nilovin ka rilru a na bawk, min hmuhsit chu nuam a tihzia a lang reng si a “A thleng leh tawh ngai lovang, chhuak rawh thenawmte ka koh hma hian" engmah sawi tawh lo in min fawp tawn tawna. Chu chuan ka rilru a tina zual, ka chum pawp pawpa mahsela mipa tha nge nge chu ka hneh der silo, ka mittui chu a luang zung zung mai. Amah vang nilo in a mi hmuhsitna a vang zawk chuan a ni “Lalhriatpui tinge ka lo hmangaih theih zawk che, helai hmun atang hian chhuak rawh" min thlah rual rual chuan ka ti a. 

Ngawi reng chuan a chhuak ve mai bawk, chhuatah chuan thingthi hnawkin ka tap chhuak hawm hawma “Nangmah avangin ka chhungte ka chana, nangmah avang bawkin ka naute ka chana, Lalhriatpui chuti chung chuan i hmuhsitna chiah maw ka chana, tun atang chuan nang ka hriatrengna che hi thi ang a ni tawh ang. I duha i hlawhtling ta, min rawn beisei leh tawh ngai suh ang che" tiin ka phun sep sepa, amah ka hlat theih nan chuan pasal ka neih mai a ngai tih ka hailo.

Ka nute lam chu phone in ka pasal tura an duh chu ka neih duh thu ka hrilh ta tawpa, an lo lawm viau lehnghal. Naktuk lama min hruai tura lo kal an tum thu sawiin phone chu an dah zuia, rilru fim taka ngaihtuah chu duh mah ila Lalhriatpuia min tihnatna leh min elsenna hian tilo theilo ah min siam zawk a ni. Theihnghilh ngai dawn lo mah ila, pasal ka neih a chhungkua te ka la din ve leh ngai a nihchuan ka theihnghilh thei em em ang. 

Ka nunah mipa pahnih ka la lut sual tawha, tuna mi tal hi chu a sual tawh loh ka beisei, hman atangin min bem tawha. Mahse tawngkam tha ka hmuh ngai lo a nihkha, a ni tal hi chuan min tihhlima min kalsan ve loh ka beisei bawk. Ka awmdan chu mawl min ti pawh ni ula ka pawisa love, kumkhua a nata a ni hmuh reng ai chuan midang ta ni chunga khawvel hmachhawn chu a nuam tawh zawk ang. Min hmusit ta em em tu ka hmangaih ni thin ai chuan hetiang ka nichung pawha min iai lo tu chu ka vuan ta mai ang chu.

Hetiang tilo theilo va min siamtu Lalhriatpuia hian a mi ngaih ang ka nih lohzia hre ve ngei rawh se. A tuk lamah chuan ka nute rualin Aizawl lamah chhuh tum chuan ka insiam malh malha, school lam ah kalin ka banna ka thehlut tawh bawk, min ui viau mahsela ka duh miau avangin min dang thei hek lo. Gate atanga ka chhuah rual chuan thawk la ham hamin ka hawi kual, he sikul atang ngei hian bul tanin hlim takin kan awma. He khua ah ngei hian tudang ngai lovin kan leng ve thin a nihkha.

Tunah erawh chuan khang thil te khan mual min liamsan zova, khang kan hlimnite kha engtikah mah an rawn lang leh tawh dawn hek lo. In ka thlen rualin ka thawmhnaw nen chuan nutei te in lam ka pan hnak hnaka, kawnglakah ka hmazawna car rawn ding avang chuan ding chatin tunge tih chu ka en ha a, Lalhriatpuia ka hmuh rual chuan chak zetin nutei te in lam pan chuan ka kal hlawk hlawka. Mahse ka hnung lam atanga ka kan dawrh rualin ka hmuiah chuan a rawn hup nghal chat mai.

Tal chhuah tumin ka che nawk nawka, mahsela min man nghet lutuk tlat. A car chhungah chuan min dah lutin ka hmuiah chuan a phuar lehnghal mawlh mawlha, nasa zet chuan ka tal ve nangin ka kut a chelh beh miau avangin ka tal chhuak theilo. Ka mit chuan a rum thei ang berin ka melha, ka kut pawh chu phuar leh mawlh mawlhin “Ka tihpalh" tisupin ka bag tla chu va chhar in hmanhmawh zet hian a rawn let leha, a car chu tinung nghalin a tlan chhuak nghal zat.

Ka meng phawk vak ringawt, khawiah nge min kalpui a tum ang. Ka rum ka rum chu ka hmui tuamna chu min rawn phelh saka “Lalhriatpui engvanga hetianga min ti nge i nih? Min chhuah nghal rawh" tiin ka au tuar tuara, a nersawk mai “Engvanga tinge ka nih i rin, pasal neih i tum tih ka lo hria a " tunge hrilh ang. Engmah sawi duh lo chuan ka ngawi ngara “I pasal tur chu i hmu chak tawh viau dawn nangin neih tir che ka tum hauh lo ania, ka thusawi kha ila hre reng em? Ka kaltir dawn lo che, ka lo let leh ang ka ti lovem ni Lalthakim" a rawn ti deuh hmuka.

Chu chuan min ti thinrim phat mai “Nang hian min hnaih ngam tur pawh i nilo, Ruthi nena in in hmangaihzia mite hmuhah i ti lang reng a ni lawm ni? Engvanga rawn let chu nge i nih a, min hmusit turin maw? I tawngkam elsen zet zet ngaithla tur khawp chuan ka hniam bik lo a nia, engtin nge bul ka lo tanpui duh zawk che tih hi ka ngaihtuah ber a ni i hria em, nang ka lo nihpui che kha ka inchhir takzet bawk " ti tuarin tal chhuah tum chuan ka che leh phata.

 A bek pawng tawlh tawlhah chuan a thinrim hle tih ka hria “Ka hmangaih thu ka sawi lai i hria em? Min kaltir tu i nilo vem ni? Tinge i thik leh si a, a ni chuan nang angin min tina ve hleinem, heti chung hian engtin nge ka la hmangaih tlat che ni" tihlukin hmalam bawk chu a melh leh ngura, khawchhung kan chhuah san zel avang chuan ka hlauthawng zual, khawi hmunah nge min hruai a tum ang ni.

“Min hmangaih ngailo, nizana i thusawi khan a tichiang viau bawk. Min hmusit lutuk tu hi hnaih leh che pawh ka duh tawhlo, ding rawh pasal ka nei dawn i hria em? Ka bula awmturin ka duh lo che,ka duh duh ka nei anga enge pawi, nang anga min hmusit lo tu ka tawng chu i lawm leh si nange" tiin ka vin tawn tawn a. “A that nasat chu pasal chu i nei mawlh ang, chuan pasal dang nilo in kei i hmangaih ngei hi ka ni bawk ang. Mipa dang neih kha chu tum buai duh suh, pasal neih i in peih a hnu ka awm reng a lawm" a rawn tihchuan zak lo tizet hian ka ena.

“Ka nei dawn lo che, min chhuah tir vat rawh. Police ka mantir ngei ang che, nang nena in hnimhnaih hi ka duh tawh lo. Kalbo rawh, kalbo la rawn kir leh tawh suh" ka thusawi avang chuan a nui leh haka “I mita min thlakhlehna ka hmuh tawh loh hunah le, tin ka sawi tawh ang khan mipa dang ta ni mai mai turin ka kal tir dawn lo che. Hre reng rawh, ka ta i nih hi Lalthakim, khapa kha neih i rem tivela, i nei ngai lovang" tibul hmukin car chu a khalh chak zual sauh va.

“Ka nunah in rawlh theihna dan i nei tawhlo, nangpawhin hmalam i pan theih chuan keipawhin hmalam ka pan ve thei tho. I tel tawh lo bawk ang, min hmangaihtu ka tawng chu enge i lo huat viau" car chu tidingin ka lam chu a rawn hawia. “Hmangaih, kei hian ka hmangaih ve lo che i tihna maw? Chupa chuan vawikhat pawh a hmangaih thu che a hrilh che em?" a thusawi tin chu a ri chhuak fak faka.

“I hriat kher a ngailo, min iaina nei miah lova min pan tu chu ka hnar bik love" tinghatin ka kut a tawnna na ut ut tawh chu ka melh zawka. “Ka iai che i tihna em ni? Lalthakim, pasal chu i nei khawp ang, chuan keimah ngei hi ka ni bawk ang. Keilo i nei ngai dawn lo, ka hmangaih lo che ni a i rinna chu keihian ka fiah dawn khawp, ka sawi tawh kha hetiang ni tur hian min duh a ni lawm ni? A hma in Jonathana, tunah mipa dang leh bawk eng zat fa ko nge zui i tum" a rawn ti hmuka.

“500 a tawk em ka kut hi phelh rawh ana a nia, chuan khua ah min dah let leh rawh. Ka nute an lo thleng tep tawh ang" tiin ka melh zauh va, Ka kut chu a rawn phelh ve mai bawk “Haw kha chu beisei suh mipa dang nupui ni tura ka tirh haw duh che i ring a nihchuan i tisual chhia va a nihchu, heti hian ka hruai bo che anga a tawk" a tihchuan thaw ham hamin ka kut chuan a samah chuan ka va thama.

“Min kaltir rawh, nat nawn leh ka duh tawh lo. Keichu i hringnuna i hmeichhe thuhruk mai mai ka nih hi, i hlawhtlinna avanga i duh duha min tihkual theih i ring em ni?" ka thinrim lutuk chu ka aw a khur thei hial mai “Ka hmusitah che i ngai em ni? Ka sawi fo kha, nangmah avangin asin heng thil hi ka tih, ka enkawl ve theih nan che. Chumai nilo i nu leh pa in min pawm ve theih nan te, i tan i tan vek a sin. Chuti chung chuan ka na lo bik leh ka hmangaih lo ang che in i ngai amaw? Lalthakim, engchiah nge nang ka hneh theih nan che hian ka tih la ngai dawn" a aw ah chuan natna a lang tel a ni.

Ka lamah a rawn awn pheia, ka tukkhumah a kut chu rawn rawlh lutin min pawt hnaia “Taitai ka ngai lutuk che asin, nang lah chuan pasal dang neih i tuma, min ngaihtuah ve miah lo em ni?" a rawn ti tham tiaka. Ka ngawi kar ringawt “Keima bula i awm lai khan i hlim ve reng reng em? Kum khat chiah la nimahse ka tan chuan kum 10 chuanga rei a ni, ka be thei lo che a, i number i thlak bawka Dina ten i chanchin an hriat chhun khan min tina a sin, ka hmangaih hmeichhe nunnem  leh fel em em khan a huat ber zu in in keimah avangin a nun a tichhe si a" tiin ka chalah chuan a rawn tauh data.

Ka mittui tling pam nen chuan hawisawn tumin ka che a, mahse min dang leh vat tho. Ka hmuiah chuan a rawn fawpa, a awmsawn leh mai dawn emaw ka tihlaiin a duhthawh tual tual lehnghal, ka kut hum ruh tlat chu rawn chelh hnanin a aia duhthawh chuan min fawh zawma. Ka mittui chu a luang ngiai ngiai ringawt.

ZAWMNA

“Ka hua che, ka haw lutuk che " min fawhna a laksawn rual chuan ka ti sapa, a ni erawhin ka samah chuan chul heuh heuhin min kuah beta. “Kha nu kha mite hma ah i duhzia i tilang a ni lo'm ni? Ka dawn ngailoh zawng zawng i pe bawka, tunah chuan ka danglam ve tawh. Ni e keichu i tan chuan ka u mah mah, i rualpui ngei chu ngaizawng la min kaltir ang che. Keipawhin min iai lo tu chu neiin engtikah emaw chhungkaw hlim tak ka la din ve ngei ang" tiin ka phun sap sapa.

A taksa chu a tang nghal tung mai “Teuhlo, khanu kha ka pek ai che engmah ka pe lo, ka thinlung hi chiang takin ka pe lo bawk. I tan vek a sin, chutianga i thik a nihchuan mite hriatah ka pho lang dawn reng che a lawm, heti hian kan innei ang. Mahse inruk pangngai nilo in dankhatna kan tlin lo a" ti a a nuihchuan a awmah chuan ka beng nghal thlawpa. “Ka duhlo min dah let rawh, ka nei duh tawh lo che" ka tihchuan ka biangah rawn dawmin min kuai daka.

Chiang zeta min en pah chuan “Min hmangaih tawh lovem ni?" a rawn tihsup chuan ka chhang lo. “Mawh Taitai, min hmangaih tawh miah lo em ni? Min ngai ve ngai reng reng em, kan naute te kha keichuan ka ngai vek a sin, engkim kha ka ngai ka chhungte kha lo hmu lo ila tunah hian hlim takin kan chhungkua in kan awm zawk tur. Mahse ka tisuala min kalsan phahna a ni si, min nei duh lo mahla ka haw tir dawn lo che. Mipa dang ta ni tur i ni tih hre reng chunga ka thlah theih che ring suh" ka kut chu a rawn hum beta.

A kut a lian bawk nen ka kut chu a hum bo vek mai “Mipa dang ta i ni lai ka thlir duhlo, ka â thei mai ang. Lo haw ka chak fo thina, mahse ka thei rih silo, ka awm loh chhunga mipa dang i lo neih mai ka hlau va, ka ni te ka biak phah fo a sin. Taitai tunah chuan hna leh hlawh ka nei ve tawha, i chhungte pawhin min pawm em em ang" tiin ka chala a chal rawn nghat chung chuan a thaw ham hama.

“Min kaltir rawh, ka na duh tawh lo. Kha nu nena mi in an post cheu ka hmuh a pianga ka natzia i hrelo, min ngaihtuah ni la khatiang kha i ti duh tak tak lovang. Min hmangaih nila min ti na in hmeichhe dang i hnaih lovang, chuvang chuan ka lo kir duh tawh lo, pasal ka neilo a nih pawhin ka kalbo zawk mai ang. I chanchin leh Ruthi i chanchin ka hriat te, camera hma a nuisanga i awmpui lai te khan min ngaihtuah ve reng reng em? Ngaihtuah lo tiraw, min hmangaihtu chuab khatiang thil a tilovang" tiin ka rilru kam run tu te chu ka sawi chhuak veka.

A ni erawhin min melh tlawk tlawk ringawt “Taitai, i tello va ka hlim vang a nilo asin. Ka kiangah i awm lova engmah i hrelo a nihkha, Ruthi chu thian ang chauh a ni, Aizawl ah kan chhuk anga engkim a tha leh mai ang. I chhungte hnenah chuan tha takin ka dil mai ang che" tiin ka hmui ah chuan a fawp vang vanga, min kaltir duh dawn chuang lo tih ka hriat avang chuan ngawi rengin ka thu ta ringawta.

Ka mutthilh lai ka hre lo va, ka harh leh chuan kan lo thleng thui tawh viau tih ka hre mai, ruah chu a lo sur hum huma, chhum a zing phui chuk bawk“I ril atam chuan kha khatah khan i duhzawng ka leisa ka dah kha, ei rawh kan thleng tep a nia" a tihchuan a sawina lai chu ka ena. Theitui leh chhang ka duh deuh chu a lo awm khiau mai, dawnfawh a awm tel ran bawk. Ka ei nghal mial miala, min en zauh zauh tihchu ka hre reng “Aizawlah ka awm peih miah lo a nia" ka tihchuan thaw ham hamin a hmui chu a ti kawi zauh va.

A ni tak tak khawpui hi thlakhlelhna pawh ka nei tawhlo, ka nun hian hmun bengchheng leh chep hi a kham ni berin ka hria. “I awm duh loh leh ka hna atanga ka rawn let leh hunah let lehin pem lehkha nen Dina te kan bia anga in kan sak tir mai dawn a nia " a rawn tisupa “I bulah awm ka tum reng reng lo min phur thla bawka, kan in ah min dah ang che" ka tihchuan a rum nghata “Lalthakim, ka thu chu awih mai rawh. Min hnial hauh suh, ka ning a nia tinge tha tak hian i awm ve mai loh, ka kal tir dawn lo che ka tihkha" a rawn tihrawka.

“Min nin chuan min dah ta reng che, nang nena bul tan ka duh tawh reng reng lo. I thu hriat khan a tichiang viau lo em ni" Aizawl kan luh tan avang chuan min chhang tawhlo. Motor a tam tawh nen accident a hlauhawm miau va, mahse a hmel awmdan atangin a thinrim hle tih ka hria. Khawpui chhung tak tak lut lo in pakhat lian lutuk lo mahsela nalh tak si kawtah chuan min dinpuia. Ruah a la sur reng bawk nen chu in lamah chuan min tlanluh puia.

Kan bag erawh car ah chuan a la awm thung, ka tal ve sek chu min pu nawlhin kawngkhar chu chahbi vuahin a hawng zuia, min luhpui nghal zat. “Min dahthla nghal rawh, ka chhuak tho tho ang" tiin a hnungah chuan ka chum vak vaka, roomah min luhpui chung chuan min nghat nawlhin a thawmhnaw chu a phelh mawlh mawlha. A abs nalh zet leh a pian a hma aia in hnawh muk tha leh nalh lutuk chu en duh lo in ka hawisawn vat.

Room chhung chu a faiin a thianghlim sara, khum pakhat zau zet awmin rizai vel chu a var vek a ni bawk nen tihbalh a hlauhawm zawk. Ka thawmhnaw a rawn ban rual chuan a kut chu ka lo seh saka, a ner nawng nawng mai “Reuh che chuan Lalthakim" tiin ka hnarah chuan a rawn hmeta, ka thlah rang ngei mai. Ka hmuiah bawk chuan rawn fawp leh in ka duh lo talkual vel chu min man betin ataksa si chet chuan min pawt hnaia.

A taksa lumna ka hriat rual chuan ka hriatna a rawn thar uar uar mai. Ka thawmhnaw huh in ka taksa a tihvawh thler in a lumna a hre chiah chu danglam chak tak ka ni. “Min ngai ve lo mahla keichuan ka ngai che, ka kal tir theilo che Taitai, ka mamawh awmchhun i ni a sin" min fawhna thlah chuan ka hmui bulah a rawn phun thawp sata “Ka tihpalh, kan naute ka venhim theih loh avang pawhin ka tihpalh, min ngaidam tiraw? Mipa dang nei miah suh aw, ka ta chiah i nih hi. Mipa dang bula i kal ka phallo" a hma anga aw ka vin hmang lo a a tawng chuan min hneh takzet.

Ka mittui chu tla in ka tap nghal hlawp hlawpa “Ka hua che, mahse ka ngai ngawih ngawih tho che. Hmuh leh che ka chaka, ka bul hnaiah awm la tihkha ka duhthusam a ni a sin. Mahse i kala, vawikhat pawh min bia in min ngaihven hek lo. Tichuan i hlawhtling chho va, i kiangah hmeichhe dang dingin i hlim hmel ka hmuh khan ka na a sin, ka tawrhzia i hre phalo. Ka vah chhuah a piangin midangte deuhsawhna ka tuara, Ruthi an chhuan zia te, in inhmeh zia te an sawi a sin, chuan a hma daih atanga in inkara inrawlh niin min sawi bawka, khang kha i hre lo ang tiraw?" tiin a awmah chuan ka chum leh dawta.

“Nang in hlim takin i nui hmel tv ah i tilang renga, kei erawhin mite hmuhsitna ka tuar asin. An sawi dik lo lo chuang lo, kan inhauh apiangin Ruthi i pana, i tan hian a hlu hle ngei ang. Harhfima ka awm chuan mite tawng zawng zawng hria in pawn ka chhuak tha ngam lova, kha tih lai pawh khan ka la lam fan che, mahse i awmlo. Harhfima midangte tawngkam mawilo dawn ka ngam tak loh avangin zu ah ka tuana, chu chuan ka zan mu theilo te min chhawk ta zawk hlauha. Mahse mite min relna leh selna erawh a nasa sauh thung, khawngaih tu chu ka nei ve, mahse khawngaihtu aia min nuihsawhtu an tam si" tiin ka hmai ka hupa.

Ka tap khur dar dar ringawt “Ka tawrhna min hriatpui lo in i rawn leta, min deu sawh zuia, khati chung khan ka duhthlanna siam hi min la dema. Hriatpui hmeichhia niin ka dinhmunah hian ding la i thei bik angem, min hriatthiam loh ang chiah hian hrethiam lo ve che ila eng tin nge i awm ang, rilru na leh a hmeichhia zawk ka nihna avanga demna zawng zawng ka tuar ang kha tuar ve dawn la i thei chiah ang maw" ka thusawi tawp lam chu a ri chhuak chang chang chauh ani.

Ka thawmhnaw chu a rawn khawih leha “Ka tihpalh, inthlak phawt la chuan kan sawi tha dawn a nia aw, i dam lo palh ang" tiin amah chuan ka thawmhnaw chu a phelh mawlh mawlha.  A thawmhnaw dahna lam chu panin tshirt leh boxer a rawn ken phei chu min pe a “A dang kha chu phelh mai rawh aw" ka bra leh panty nen a ka ding tang chu min en tha duh bik hauh lo, la ve maiin a ni erawh min hnungchhawn zawngin a inhera.

Ka inthlak nghal sawk sawk mai, thawmhnaw huh chu la khawmin a chhuak zawka, a rawn let leh chu ka lo en tlawk tlawk ringawt. A khum fai thianghlim sarah chuan min pawmin min mutpuia, ka sam hnawm deuh chu a zut hliau hliau bawk “Ka hmusit ngai reng reng lo che, mahse min kalsan khan ka rilru a tina em a ni. Tunah chuan tumahin min then tawh lovang, min nei rawh aw.... Taitai min nei ang tiraw" a tihchuan ka chhang lo.

Neih em em ka tumlo, a chhan chu a hma anga buaina bawk kha kan tawh leh ka hlau a ni “Naktukah ka chhuak ang ka tih tawh kha, engmah ka sawi duh tawh lo. Tihian tu hriat loh hian ka awm anga, kei ai tha hmeichhia i phu e, keichu mite hmuhsit rawn leh bawlhhlawh hmeichhia mai ka nih tawh hi, nuthlawi zu in thin chuvang chuan nang ang milar leh mite ngaihsan rawn nupui tur atan chuan ka tling love. Min kal tir zawk rawh" tiin ka mit chu ka chhing zui hmaka.

“Ka sawi tawh kha, ka beidawng dawn lo" tihzawng sawiin min kuah chung chuan a thaw zui suai suaia.