LALHRIATPUIA CHAPTER 27

LALHRIATPUIA

CHAPTER 27 

Khuaah kan haw a, kei erawh pawn ka la chhuak ngam vak lo thung. Ka nu leh ka pa te an haw tawha, khaw mipuiten min sawi nasa bawk nen khawlaia vah chhuah kha ka duh lo a ni ber. Hriatpuia erawhin midang thusawi chu ngaipawimawh lo turin min ti a, amah pawh in sawisel a tawk nasa hle bawk. Mahse a ngai pawimawh ve duh hauh lo thung,Nutei te pawh an rawn leng phei thina.

An ni erawhin kan dinhmun chu min hriatthiam pui em em thung. Ka nu leh pa lo ni zawk se ka ti thin, mi hriatthiamna an ngahin engkimah min support tha em em bawk nen ka tan chuan an hlu takzet. An ni hi awm lo se hetiang khawp hian Hriatpuia nen kan awm theilo ang “Ka nupui" ka rawngbawl laia rawn au lut luah luah avang chuan chawhmeh chawh mawlh mawlh pah chuan ka nui haka.

A ni te inah kan awma, rawng kan bawl dun bawk nen ni Remi pawh chu a nui ve hak mai. “Nupui neih nuam a ti lutuk hi a hmuhnawm zawk"a rawn tihchuan ka pawmpui thlap, “Ehe! Hetah animaw in lo awm, roomah lut lawk ang" a rawn tihchuan ka hnial nghal vat “Teuhlo lutuk, rawng ka bawl hi i hmu ve reng " tiin a ni hmaizah tak chung chuan ka ti a. A tum leh deuh hmuk tawh mai.

“Thil tete ka lo hawn che ania, lo kal lawk mai la kan rei tawh miah lovang" a tihchuan a ni zawk chu a lo nui haka. Kan haw hlim khan hetiang chiah hian min ti tawha, darkar chanve chuang roomah min inkhung puia, chhuah ka tum leh min dang zel bawk nen a chhungte ho hmai zah na nen ka hau char char a, ala hre reng a nih hmel “Eng thil maw, ninawm lutuk mi hi tibuai reng lo te hian min pui ve zawk la" tiin ka kut chu hru hulin room lam ah chuan ka zui luta.

Thil eng emaw Taitaw tiat vel Taitaw nen in ang si mahse a rawng erawh a dang thung. Chutiang chu rawn phawrhin ka hmaah chuan. dah den dena “Enge a?" tiin ka kut chuan la in ka en vang vanga “Theikhuangthluk a nihkha ei rawh, ila ei ka ring lo a vanga zawrh tur pawh a awm ngai lo a nia" a tihchuan ka ei chhina.  A mu lian viau mahse a thlumin a tui lutuk tlat (Heng hi chu thing rah chi khat a nia, ramhnuaiah an awm bera, hrelo kan awm takin a chhung a sen aw).

Ka kut ka en chu a lo sen nghal vek “I hmui kha fawh a chakawm lutuk" a rawn tihchuan darthlalangah ka in ena. Ka hmui leh lei chu a lo sen vek nia, “Avan nalh reuh" tiin ka nui haka, pakhat chu ei lehin ka hmuiah chuan naupang chhia ang mai chuan ka tat a “Hnawihsenah a hman theih dawn a nih hi" tiin ka nui var var mai. Min rawn fawh thut avang chuan ka chil ka lem dawka.

Hepa tak hi chu aw, ka hmui chu petin a zuk dek deka, ka chhang lo va. Ka dawh tawp ringawt, a awmsawn rual chuan “Tikhan min ti thut thin suh, ka chil ka hak dawn a lawm" tiin ka thil ei lai bawk chu ei leh in a then ka keng chhuaka “Ni, i ei ve duh em? Hriatpuian min lo hawna, kha ei ve rawh" tiin ni Remi chu ka pe a, a ni pawh chuan a lo eichak aniang a ban nghal vat.

“A van tawh nen khawi a mi nge a hmuh a, lawh a har ropui sia, ka eilohna chen pawh ka hre tawh lo, kan ei ange" tiin a ka ah chuan pakhat chu a hmawm nghal zauh va. Rawngbawl pah chuan kan ei char chara, kan hmui leh lei bakah kut chu a sen deuh vek tawh mai. Hriatpuia lah chuan kan hnung atang min lo tilui pah bawk nen kan ri le lu mai, a naute ho lo haw takah chuan chaw ei siamin kan titi leh nak naka.

Hriatpuia chhungte hi ka fak a ni; vawikhat mah tawngkam mawilo ka hriatah an la hmang lova. Min duhlo awm ang pawhin an awm hek lo, a ni fate lah chuan mi an nelin mi an be reng a, hrehawm ti miah lovin ka awm theih phah, chaw ei lai chuan an titi leh nak nak a, Hriatpuia tan pawh hian an hlu hle in ka ring. An tawiawm tha bawk nen keimah ngei pawh min en hranna an nei hek lo.

A nu leh pa erawhin engtin nge min ngaih ka hre lova, Hriatpuia nen kan inruk thu chu an hre tawh ngeiin ka ringa. Eng emaw tak sawilo chuan an awm ka ring hek lo, mahse Hriatpuia hian min hrilh a tum loh danah thil tha lo a awm lo turah ka ngai ve mai bawk. Chaw eikham chuan thleng silin Tekawki chuan min pui ve a, a ni hi an naupang ber a ni a. A tawng duh bakah amah a lawmawm bawk nen kan hlimpui thei viau mai.

Midang bula ka va thut ve chuan Hriatpuia chuan alamah min pawt hnai vat “I man hi engtin nge kan tih dawn, i nu leh pa te lah kan be thei silo va, i nutei te sawn dawng mai se tha i ti em?" pa Muanzualan a rawn tihchuan ka thaw haka. Ka nu leh pa hel tlat hian min tilungngai ru takzet “Pawilo mai e, in tih dan dan kha a nimai" inthlahrung tak chuan ka ti a. Ka pasal neiha, ka man leh zel pawh dawng duh lo ka nu leh pa lakah chuan a vawikhat nan ka vui ve a ni.

Ka rilru ana bawk, an ril a rah an thisen atanga piang leh an enkawl seilen an fanu hlimna hi an duh miah lo tihna a nia. “Inthlahrunna tur a awm lo a nia, nang ni ber in innei tawh a a innei a te ber in induh chuan midang chuan tih theih kan neilo, naktukah i nutei te chu kan va be leh ang chu" a rawn tihchuan ka chhang tawh lem lo. “A rang thei ang bera tih kan duh pa Muan, a nutei te bula hlan a rem tih chuan a tha mai ani lawm ni. Midangin min sawina te hi kiang vat vat teh se,Taitaii tan pawh a nuam lo school luh kan hun chho nen " Hriatpuia chuan muang ban charh hian a rawn ti a.

Amah ang lo takin a tawngkam a puitling thlap mai, a nite nupa pawh chu an bu nghat nghata, Hriatpuia chuan room lamah min luhpui nghal daih bawk. “Nangmah insit miah suh aw, i man dawng duh lo pawh nise keichuan engah mah ka ngailo ania, ka nupui i nihna ang in i zahawmna leh i inkiltawihlohna tur ka duh ve tho, mahse a rem ngang lo a nih pawhin i laka ka rilru chu a ngai reng ang" a tihchuan ngawi rengin a zak hnuaia ka kut rawlh lutin ka kuaha .

A awmah chuan ka bei nghal vang vang bawk, nutei te chuan an dawng ngei dawn tih ka hre chiang hle bawk “Ni e, ka kianga i awm phawt chuan tu thusawi mah ka bengkhawn lovang. mahsela school luh hun ah erawh zawhna ka ngah ve deuh dawn a nih hi" tiin ka thensak a. A ni erawh chuan khumah min mut puiin “Kei neih engmah neilo hi min hmangaih takzet em" tiin a mit chu a kan euh euha. Ka nuih nghal hak .

Chutah “Rosum leh pai sakhmel mawina ah te ka en ve lo, i chhungril thatna zawk hian min hneh si. Miten an hmuh ve loh nangmah thatna hian, i lamah min hip i neih lo min it sik, ka tan ini mi bik,  in sit bik mai lo la" tihlai zawng chu ka sawi chhuaka, a rawn nui hak mai. Hla ngaithla dun leh ang hmiang, nangmah avang hian Young fella leh smiley hla ka ngaihthlak tam phah a nia" a tihchuan ka nui haka.

Tunlai zaithiam ah chuan ka duh dan in ang ve ve an ni a, an pahnih hla ka ngaihthlak hmaih ngailo. Zaithiam lutuk chu ka tilo nangin hla thu ah hian an sang fal nalh ka ti thung, thenkhat chu rawn lar thut miin an duh em em, mahse an hla dang rawn zai leh a a hma a an lar pui hla thluk in ang put hi an tam viau va. Young fella erawh a hla reng reng hi a danglam tlat zel ka ti, mi a hneh bik bawk. A taka hmuh ka chak takzet, “Play rawh, mut paha ngaihthlak a nuam a lawm" tiin ka lo tuihniha.

Dik tak chuan hla thu hian kan sawi ngam loh tam tak min puan chhuah sak ka tilo theilo, keimaha ka awm chang hian ka ngaihthlak tam ber a ni. Thawnthu ngaihthlak lam hi chu ka tui pui em em lo thung, Hêllai rual û zawk tihchu rawn play in a rap pui zaih zaiha “Miin hmel en atang chuan a u ve hret tiin lenlai rual lo teh hrep hi i duh theih zawk ti a kam thluma thlemna ka dawng tam tawk tawh. Mahse ka tana hlimna an dawn phalo, ka tan tha lo turah an ngai an vei an sawi dik ni e, kei ai fe chuan a kum a tam, an hriat siloh hian in e ka tum a dang, bem pui a nihpui a harsat pawn ka beidawng dawn lo ka duh tlat dawn, like they said,OLD IS GOLD" tihlai chu a zai pui a.

Ka hmel a rawn en kher zel erawh ka lo sik leh vak zel “Sakhmel tha lalnu i zuna uai, tuaitir duh leng mit i tlai ngei e" ka hmuiah chuan rawn fawp zauhvin “He thil hi kan nih hma atang tawh khan ka ngaithla a, beidawng lova ka kal theihna chhan a ni bawk. Tunah ka beidawn duhlohna rah chu ka pawm ta kuk che a nih hi" a tihchuan ka chum dat a “Tikhan tikher zel suh, i tawngkam hi a mak thei si,miin chapo te an ti che ange, nupui neih avanga kha tianga awm chuk loh tur " ka tihchuan “Awle ka nu Dar" a rawn ti a nihchu.

A ri leh nghal awk, “Awi ka nu ka thi.......ana lutuk " a au deuh ruah ruaha. “Enge ni ta Tha-i, bawiha chu tinge" kawngkhar chhan atangin ni Remi chu a rawn au va. Lalhriatpuia chu rum zetin ka melh nghal “A uang a nihkha, engmah a nilo" ka tihchuan nui chungin a kalsawna. “Over lutuk, hmelchhe si" ka tih nang nang lai chuan min kuah ngheh sauh pahin “Ka hmelchhia i tih loh tawp kha, hmelchhia min tila chu min nei dawn lo sa, kan hmelchhe tih kan nei ngailo" mi hnial dan lah hi a thiam hrek hruk bawk sia.

“Tawngthei zet zawt lutuk, tu emaw te thawnthu ang mai, a mipa zawk hi i tawng zuah zuah reng mai" ka tihchuan “A nih ka cool tawh dawn, ka tawng thei tawh dawn lo. I tan chauh ka thai Taiduhlai" khumah chuan kan inchai titih, hetiang em ema ngeiawm thiam mai. A chungah bawkin a remna lai laiah ka chuma, na erawhin ka chum lo thung, alo indang ve zel bawk. “A lum lutuk" ka che peih tawh lo chu ka mu thaw hle hle a .

Rizai chu tlawh thla in ka inzap hauh hauh mai “Ninhleiin tawpeng a nei an tihkha" tiin min rawn delh leh thuka “Awmsawn rawh a lum lutuk, nangmah vang vek" tiin namsawn ka tuma.  A ke lah chuan min kherh bet deuh deuh lehnghal, “Naute i pai tawh angem le" a rawn tihchuan ka pum chu ka khawih zauh va “La pai lo chu a nih hi, mu ang kan inneihna a la reiloh em hi" ka tihchuan “Kan chetsualna a rei tawh a lawm" a hmui chu ka hup vat.

Tumah awm lo mahse kha kha sawi mawi pawh ka tilo “Sawi tawh suh, hmeichhia chuan rai theih hun bi kan neia, chubakah innei zawng zawng hian fa an neih nghal mai bik loh hi, mu hil tawh ang" tiin lehlamah chuan ka inher sana “A insiam ka ring tawh tlat, a lo pian hunah apa hian a duat ber ang" tiin ka dul chu a chul heuh heuha, ka ngawi rauh rauh ringawt. Naupai theilo te hian ka awm ang tih erawh ka hlau ru viau, fa te ka neih a an tu hmel an hmuh chuan ka nu leh pa rilru pawh a dang ve tawh mai thei a sin.

ZAWMNA....

School kan lut a, ka zirtirtu pui te chuan min fiam zauh zauh renga, a chhe lam a nih loh avang erawhin ka thaw huai thung “In pa zawk i zirtir turh turh dawn ania, ka duh e " Nunkimi nui uar uar chu ka nuih ve sak saka. Ka school naupang lahin Hriatpuia nen kan innei chu mak an ti bawk a niang an class a ka luh a piangin mi an zawta, ka hau duh bik lem lo.

An ni naupang tan chuan hetiang lam hi an la tawng dawn lo bawk nen ka thiam viau thung. Class ka la zo ka chhuak chu ka lu rawn hai deuh avang chuan ka pai nak a, ka ding vang vang mai; “Miss i tha em" zirlai ho chuan an rawn ti vata. Ka that thu a chhangin office lam chu muangchangin ka pana, tun ang lai chu ka nuam thei lo viau mai, ka zawi nguaia ka mut a chhuak em em reng bawk nen a ngaihna tak pawh ka hre bik lo.

Banah Hriatpuia chuan min rawn pan hlawk hlawka “Vawiinah i tlu tep an ti a, Taitai tinge min rawn hrilh loh" lungawi lo deuh chuan a rawn ti a. A hmelah erawh engmah lang chhuak lo in a dam dap thung “Ka tlu chuang hleinem, ka lu a hai deuh mai mai a lawm" tiin ka nuiha, a hmui a ner leh nung nung tawh mai. Hetianga a awm lah hian a duhawm ka tiziah lehnghal “Tlu lo tih, tlu in na palh ta la engtin nge ka awm anga? Mawl lutuk, haw vat ang taksa chakna i ei a ngai a nih hi" tiin a bike lam pan chuan min kai phei dat data.

Hnial duh bik lo chuan a hnungah chuan ka pen ve hlak hlak ringawt “Hriatpui ka chau a nia" thaw hlap hlapa ka tihchuan tlemin a kalmuang ve deuh va. A bike bul kan thlen rualin min hlang nghal nawlh mai “Bazarah kal hmasa ang, thei hrisel lam te an zuar em, zo artui kan zawng pah dawn a nia" tiin a helmet chu a khuma. A tlan chhuak nghal zat, min ngaihtuahna chuan a rukin min ti hlim viau mai.

Titau bur bur thin mahse a tul hunah chuan min duat in min ngaihsak leh em em a, heng te hian min tihlim leh em em thin thung. Bazar ah chuan kal in thlai leh thei rah lam chu a tha tih tih a lei ve hmiah hmiaha. Sawisel lo in ka zui ve zel ringawt, sa zawrhna kan kal pel tur sa thâng rim ka hriat rual chuan ka uak nghal tuarh tuarh mai. Ka in veng hman tawhlo, Hriatpuia chuan mi awm lohna lai kawrah chuan min hruai nghal vat a.

Ka luak chu ka hnungah min lo chul sak hauh hauha, ka mittui chu a tla phung tawh. Hetiang hian ka awm ngai hauh silo va “I tha em? Damdawi in ah kal ang, Taitai i awmdan hi ka hlauthawng a nia" a rawn tihchuan ka nuih saka. Tui min rawn pek chu ka lo in nghal khawlh khawlh mai “Ka tha a lawm, test kid lei ang hmiang, nau ka pai pawh a nimai thei. Thla hmasa kha ka period miah lo" ka tihchuan a hmel chu a dang hlawk mai.

A ding hluaia “Tak tak maw, kal nghal ang i pai a nih ka ring tlat" tiin damdawi lam zawrhna dawr chu min panpuia, a phur tih a hmel atang pawhin a hriat theih. Damdawi dawr lo nghak tu nu hnenah chuan test kid chu ka zawta, Hriatpuia nen chuan min melh tawn zak zakin min rawn pe ve mai bawk “Nupa em ni in nih" a rawn tihchuan Hriatpuia zawk chuan kan nih thu in a lo chhanga.

Chunu hmela mak tihna chu ka hai lo, a awm ve tho. Hriatpuia hmel enin a la upat loh bakah uniform nen a la ni thlap bawk sia, mak tih loh chi pawh a nilo. A man chu pe in kan chhuak zuia, thil dang pawh ti tawh lo in kan haw zuia, Hriatpuia phur lutuk lah chuan min tur sek reng mai, in kan thlen rualin ni Remi a hrilha, a nipawh a lo phur viau tho. Nau ka pai an lo nghakhlel hle tih ka hre ve chiah a ni.

Toilet ah lut in ka zun chu ka test a, ka nghak deuh vang vang phawta. Chu mi chhung chuan Hriatpuia nghak theilo chu a au ngun em avangin ka keng chhuaka, nghah rei ve deuh angai bawk nen a ni ho chuan kan en thap mai. A tawp a tawpah line sen pahnih a rawn awm takah chuan ni Remi zawk chu a au hliai a, a danga kan test leh pawha a ngai zel anih takah chuan nau ka pai tih a chiang ta bawk nen Hriatpuia phur lutuk chuan min kuah in min vir pui nawk mai. 

A hlim hmel chuan keipawh min ti hlim takzet, dawrah va kalin ka tana tha tur a hriat ang ang chu ava leia, ni Remi nen chuan a phur lutuk chu kan lo nuih reng ringawt. Dang duh bik lo in kan thlir liam a ni ber mai, tlaia pa Chuanga te rawn haw pawh chanchin kan lo hrilh ve a. Min lawmpui thiamin a tlai a tlaiin zo ar an talha, chhungkua in kan eia tun hun hi keipawhin ka theihnghilh theih ka ring tawh lo.

Ka suangtuah fo thin leh ka hma hun ka ngaihtuah apianga ka ngaihtuah tel loh theih loh naute chu tunah hian ka pumah a awm mek chu a ni si a. Pasal neiha chhungkua ka din hun tur ka suangtuah thin hun chu ka tawng chho ve ta mek zel chuan min tihlim takzet, mu tura kan luh hnu chuan a titi nasa mai. Fa neih a chak tawh zia leh enkawl dun a phur zia chu sawiin ka pum ah chuan a kut nghatin a chul heuh heuha.

 A awmah ka bei chial bawk, “Ka ngaihtuah hian mumang a ang rum rumin ka hria, kan tleirawl lai khan thian ho khan pasal kan neih hun tur te, fa nei ila engtin nge kan awm ang tih te kha kan sawi nasa thina. Ka thiante chuan pasal neiin fa an nei nual tawha, tunah ka tawng chho ve mek hian mak min tih tir lawia, mahse ka hlim tho bawk si. Keimahah hian ka ni kual nuaihin ka hria" ka tihchuan a rawn nui haka.

“Keipawh tun anga hma a nupui neih hi ka tum bik hleinem, hna te ka han nei phawt anga tih kha ka duh dan a ni thin. Mahse ilo langa, ka thutiam theihnghilhin chan loh che ka hlauh luatah ka phi chung chu a nih hi" tiin ka biang velah chuan a rawn nul dan dan a, za ka ti chu ka nui hak hak mai. A bula ka awm chin hian tahna leh lungngaihna thaw pik ngawih ngawiha awm kha ka nei ngai ta lova.

A ni ka tawng hi vannei ka in tilo theilo, a la rei loh vang nge chu ka hrelo, mahse Hriatpuia bulah hi chuan ka nun hi a hlima. Rilru hahna ka nei ngai lo bawk, ka lo tawng har mah mah zawk a ni, mipa te hi an upat leh naupanah hian teh chi ah ka ngai ta lo, an rilru put hmang zawk a zir hian a niin keichuan ka hria, upa kher hian hmeichhia an duatin an care vek kher lo va.

Mi rilru puitling chi an awma, chung chu tawn fuh an ngai thung. Naupang mahse a rilru a puitlin miau chuan hmeichhe tan pawh a nawm lohna a awm lova. Min chawm zo tu leh min tihlima min ngaihsaktu a ni lawm ni kan zawn ber thin ni, min hmangaih se tih kan duhthusam a ni fo bawka. Hriatpuia hi mi famkim chu ka tilo va, mahse ka tan chuan a famkim takzet thung si.

Ka nunah hian mipa pahnih ka tawn atangin kum upat leh upat loh hian a lo hril lo tih hi ka hriat chian ber a ni. Hriatpuia ka tawng hi tunah chuan inchhirna ka nei rihlo, engkimah a theihtawka min ngaihsaktu hi engtin nge keihian engtin nge ka dem phal ang. “Ka paitluan ngei ka beisei, ka hlim takzet he kan naute hian a pi leh pu rilru pawh a thlak thei mai thei a sin" tiin ka phun sep sepa.

“An pawm lo a nih pawhin i tan ka awm reng ang ka tihkha, a tul chuan kan pahnihin kan awm hrang mai ang. An bula chen kher a ngailo, kan pahnih pawhin kan hlim dawn tho tho, dik tak chuan tunah pawh hian kan hlimin i thlamuang zawk tih ka hai hleinem" a tihchuan ka bu nghata. Ka pawmpui thlap, ka hlim miau a lawm.

A CHAPTER A LA THUI DEUH MAI THEI KA NGAIHTUAH LAWK ANGA KA ZIAH THEIH CHUAN 😂