LALHRIATPUIA CHAPTER 25

LALHRIATPUIA 

CHAPTER 25 

Ka rilru chu siam felin ka thawmhnaw tlem azawng chu bag ah ka khunga, ka room kawngkhar chu ka kalh hmak bawk. Ka nu leh pa ka zahlo a nilo, mahse an fanu hian duhzawng leh hmangaih zawng ka nei ve a, chu thil min pawmpui siloh chuan thlan tur dang ka nei bik lo. An mahniin a nia hetianga ding lo theiloa min siam tu chu, ka mittui chu hru zauh vin Hriatpuia lo kal hun chu ka nghaka.

Mahnitea awm a lungngaihna in min tuam chiah hian ngaihtuahna pawh a lo kal thui duh khawp mai, hun harsa tawhlai hi chuan engmah ngaihtuah chiang lo a thil tih mai hi a awl a. Kan tum loh dana kan awm a tul fo thin, Dar 12 a ri hnaia ka tukverh chu ka hawng sa thlap bawk. Inthiamlohna ka neiloa, ka hlimna tur ai an hlimna tur an ngaihpawimawh miau si chuan ka tan pawh nu leh pa bul atanga pasal neih a rem bik lo.

An duhthlanna avang zawkin an fanu hian he thil hi ka tih ngei a ngai si a ni. Ka rooma rawn lut ka hmuh rualin ka kuah nghal thlawpa, ka samah chuan rawn chulin khumah chuan min thutpuia, ka bag chu a hmu a ni ngei ang min namsawn deuhin a nuisak a “Tap tawh suh le, i hlim theih nan theihtawp ka chhuah ang. Ka hnen ata hi tumahin an lasawn leh tawh lovang che. An in ngaihtuah harh hunah te chuan thil a pangngai leh mahna" tiin ka kutah kaiin a lehlamin ka bag chu a khaia.

Tukverh atang chuan thawm dim tak chuan min chhuahpuia, in lam chu ka melh leh vang vang “Nu, pa ka tihpalh mahse he thil hi tilo theilo va min siam tu chu in nihkha" tiin Hriatpuia kai chung chuan ka zui hnak hnaka, nutei te in atanga hla fe ah chuan Dina te ho chu an bike nen an lo awm thama “In lo inhruaichhuak thei maw, nupui ruk runpui kan nei dawn a nih hi" an lo tihchuan ka nui ve hak mai.

An bike ah chuan mutbu tur ni awm tak hi an phur thap bawk “Kan ram thlamah awm mai rawh u aw, tumahin in awm tih an hre lovang. Hun eng emaw ti chhung chu, in ei tur kan rawn dah thin dawn a nia" Hminga chuan a rawn ti a. Hriatpuia pawh chuan a thiante chu lawmthu a hrilh ve sup bawk “In dinhmun kan hria a, inthiam lo suh u. Thian chu mamawh hunah an in tlansan ngailo, in tan theih tawp kan chhuah dawn a lawm. Miss nang pawh thlamuang deuhin awm rawh, Hriatpuia bulah phei chuan i hlim viau ang" an rawn ti nak naka.

Ka tan hian an hlu thin, Hriatpuia tan lah a unau te ang mai an ni bawk. Thian dik tak chu an ni ang hi an ni ngei ang, tun ang lai hunah hetiang khawpa thiante ngaihlu an la awm hi mak ka ti zawk. “In chungah kan lawm takzet, kal tawh ang u" aw zangkhai vah chuan ka ti a. An mahni avangin ka rilru hahna then khat chu a bo duak mai, Hriatpuia hnungah chuan ka bei hle hlea, a khat tawkin min rawn be leh zauh zauh bawk nen ka nu leh pa avangin ka intilungngai lutuk duh bik lo.

Hminga te ram nghet kan thlen chuan dar 3 a ri ti tiha. An thlam chu an kumtin rin a ni bawka in pangngai ang mai a ni, a lian tha hle bawk. Kan bungrua chu rem fel zung zungin an ni erawh mi thawh hma a let leh hman an duh avangin an haw zui thuaia, an haw hma chuan rilru ti hah lutuk lo tur chuan min chah ve thlap bawk. Hriatpuia nen chauh kan awm takah chuan a reh leh riai tawh “Lo kal teh maw" tiin min kuaha.

“I inchhir em?" a tihchuan alamah ka inher a “Inchhir lo, mahse ka rilru an tina a ni. Ka duhzawng tal chu min pawmpui ve ka ringa, mahse a lo nilo; min hruai haw a pasal dang neih ai chuan nangmah neih mai che kha a tha zawk. He thil hi kan duh vang a nilo va, mahse tilo theilo in min siam miau si a " ka tihchuan a ni pawh chu a bu nghata “Mu ang hmiang i mut a chhuak tawh ang" a tihchuan mutna tur chu siamin kan mu duna.

Ka hnung lam atanga min rawn kuahin a thaw ham hama “Amak tiraw, tum loh dan deuhin kan in ru kuk sia, miin mak an ti awm" tiin a nui kur kur a. Ka nuih ve hak ni e an chak kan lawm zanah kan inru bawk nen a sawi dan nen zawng zawng chuan ka nuih a za “Mak an ti reng dawn tho a lawm, tunah lo pawh in ru ila naktukah chuan an hre vek dawn a nihkha" ka tihchuan a nui ve leh haka.

“Tunah chuan ka nupui i ni ta bawka, insum ka tum miah lo a nia" tiin ka dul chu a chul zai zaia, kan awmna ramhnuai a ni bawk nen rannung hram leh kan pahnih thawm tih chauh lo chu hriat tur a awm lo. Kan mutthilh meuh chuan khua a var ti tiha, kan harh leh chuan ni a tlangsang duai tawh mai. Hriatpuia chuan rawng a lo bawl kurh kurha, ka nuih hak “I inhmeh lo" ka tihchuan min rawn en vuta.

A hmai dum niau ka hmuh chuan ka nuih nghal har har mai, nui ve sakin chaw chu a vil hauh hauh a. A bulah chuan ka thu vat “Ka lo ti ang, i hmai kha va phih rawh" tiin keimah chuan mei chu ka chhawm tha a. Pawnah chhuakin ava inphih faia, nidanga awm dun pangngai ang kha kan ni tawh lo bawk nen tlem chuan ka lai ve deuh. Pasal ka nei ta mai chu mumang te pawh a ang rum rum mai, ka tum loh dan deuhin ka awm chu a nisia.

A hma kha chuan dan khatna ngeiin pasal ka nei ang ka ti thin kha a nia, mahse Hriatpuia ka tawn atang hian engkim a danglam vek chu a nih hi. A rawn luh hnu chuan ka bul chetah thu in min en char chara, ka che a tikhawr lek lek a ni “Min en reng suh" lai zet chuan ka ti a. A rawn nui nghal hak mai “Ka nupui i ni hi ka lawm ema, khatia i che hlak hlak hmuh te kha a nuam ka ti, i hmuhnawm" a tihchuan ka nuih ringawt.

Huan a phuihnam vel chu la in kan baia, artui tlem a ken chu kan kang bawka. Sa nilo mahse ka chaw ei a tui daih zawk “Hrehawm i ti em?" min ngaihtuah thiam tak chuan min rawn zawt leha, a awmah ka beia a niin ka hnungah a chul hauh hauh thung. Min ngaihtuah ve hle tih ka hria, ala naupanga mahse a thiam tawk chuan min hnem ve a, hengte hian amah min duh zual tir thin. A in ngaihtlawmna leh a mi ngaihsakna ah hian sawiselna tur ka neilo.

Hun harsa kan tawh lai hian hmalam pan thei tura kan infuih nasat a ngai, kan rilru anat em em lai hun hi mihring kan nihna fiahtu tha ber a. ni bawk. Kan rilru nat lai leh beidawng ngawih ngawiha kan awm lai hi kan chakna fiahna tha ber a ni bawk, mi chaklo tan chuan tluk hlenna, mi chak tan erawh hun hrehawm zual tawh hun pawha beiseina nena hmalam pan thei tur a min chher hriam tu a ni.

Mihring tupawh hian beidawn chang leh chakna neilo ang maia inngaih chang kan nei veka, mahse chu hun kan tawhlai chu kan chak tawk a ni tih fiahnan a hun tha ber a ni. Kan harsatna tawh te hi hmachhawn ngam lo a kan nun kan ti tawp mai a nihchuan mihring kan nih man a awm dawn em ni? Kan chakloh pauh leh chak zual tura kan rilru tih pau khauh a ngai zual thina, kan beidawn pauh leh beiseina thar neih luih a, kan rilru nat zual lai ber pawhin hlimna dik tak leh tlo zawk zawn hmuhna tha a ni ti a ngaihtuah chunga hmalam pan a tul zawk thin.

Miin kan rilru an tihnat em em chang pawhin mahni infuih a hmalam pan fan fan hian kan hmelma te kan hnehna tha ber a ni bawk. “Min ngaihtuah suh aw Hriatpui, ngun taka in ngaihtuah hnua zui che ka ni a, hrehawm ka tilo ania. I bulah hi chuan ka hlim em em zawk, a chhan chu min tihlim tu ber i nia, ka harsatna tawh changin i tlanchhe ngai heklo. Ka chhungten min tihnat lai pawha ka tana i awm reng a vang pawh hian ka lawm e " tiin a biangah chuan ka fawp zauh va.

A rawn nui nghal ver ver mai “Vawiin chu tih tur kan neilo bawka, nilengin mu ang aw " tiin mutna kan phahna lamah chuan min pawm pheia, min dekin ka nui uar uar mai. Kan pahnih nui bak loh chu hriat tur a awm lo, a bulah hi chuan ka rilru hahna te hi a bo vek thin. Ama phone chu a rawn ri a, a ni hming a lang nghal kalh mai; min rawn en zawkin phone chu a la a “Aw nite" lehlam atang chuan chin an rawn zawt a ni ngei ang a thaw haka.

“Min ngaihtuah suh u, kan awmna sawi ka tum rihlo, ka hria a lawm. Mahse dah let tumna ka neilo a nia, ka nupui a ni tawh; ka mawh phurhna a ni bawk. Loh theihloha min nawr vang zawk a ni e, a mittui a tlaka kut a tawrh ka phal hleinem. Ka kiangah hian awm sela a tha ber, ka nu leh ka pa hnenah chuan min lo sawi fiah sak mai dawn a nia, ka dah phawt ange" tiin phone chu a dah zuia.

“An hau che em ni?" hlauthawng zeta ka lo tihchuan a lu thing nak nakin min kuah nghet sauh va, kei erawh ka phone ka switch off tlat avangin ka chhungten min be thei lo ngei ang “Nilo e min ngaihtuah deuh a nih hmel, i chhungten an zawng nasa viau che a nih hmel" a tihchuan ka thaw ham hama “An thu zawm loh ka duh ngai lova, mahse ka laka hetiang an tih avang hian ka hua" tiin a awmah chuan ka hmai ka nawra.

Ka mittui chu a tla sawk mai, ka pa min tihdan zawng zawng ka ngaihtuaha, min hringtu tih atan chuan rapthlak ka ti. A chhan chu min hmangaihna neilo ang maiin ani an chet hi ni.

ZAWMNA

“A rei anga an la pawm thiam mai ang, kan inkawp an phal miau silo va, heilo duhthlan tur kan neih loh phah a nih hi. Ka bula awm hi i duh tak tak em Taitai" a rawn tihchuan ka bu nghata. A bula awm hi ka duhlo angah a ngai tlat a nih hmel “I ta ka ni tawha, i bula awm baka duh ka neilo, ka hmangaih che ka tihkha Hriatpui, nang hi ka mipa hmangaih hmasa ber i ni" ti a ka chhanna chuan a tilawm hle tih ka hre thei.

“Tlai lamah Dina te ho khan kan ei tur an rawn dah dawna, chumi chhung chuan kan pahnih hian tih tur kan nei" mit kan zauh va a tihchuan ka thawk a sa lehnghal vek. Puan chungah chuan min mutin ka hmuiah a rawn fawp nghal mial miala, ka lo chhang let ve zel bawk. “Ka nupui i ni tawh, engmah zah tur a awm lo Taitai, hahdam rawh" ka taksa tang tung chu a hria aniang min ngaihtuah tak chuan ka taksa chu dim te te in a chula.

Ka thawmhnaw chu phelh vekin reilo teah a nipawh chu a inphelha, ka chil ka lem khawlh mai. A taksa sek phiar fat chu chulsakin ka fawp zauha, ka bawp chu kuai kakin muangchang chuan a rawn lut zui riai riai a. Ka thaw chhuak nghal hawk mai, a ni pawh chu thaw halh halhin a kawng chu tiche in a rum hawk hawka. A rawn d*p zawng chuan ka ner leh sak thin, mahse hrehawm erawh ka tichuang lo.

“Na i ti em" a rawn tihchuan ka lu ka thing nak naka, kuah betin a hma ai chuan a ni pawh chu a che na sauh va. Ka mit chhing in thawm ka chhuah leh zauh thin a, a ni pawh a thaw ve hlawp hlawp tho. Ka taksa chu rawn insang marin a tek chhawka, ka zawi nghal hnawk mai, khur der derin ka chunga bawk ran chu ka ena. A ni erawh ala che duhthawh viau thung. A zo dawn tih hriat takin a che rang sauh a.

Ka kawngah chuan rawn chelhin keipawh chu a chet dan avang chuan a vawihnih nan ka zo tur chu a rawn intham lehin kan zawi dun hnawka, ka kaw chhunga lum lut pap pap avang chuan ka ip deuh chawiha. Ka samah rawn chulin a thaw ham hama, ka thawk la pangngai lo zet leh nawmna la zam chiai chiai si te nen chuan chhungril atang chuan hlimna riau ka nei bawk. Tunah chuan inthiamlohna ka nei tawhlo, a chhan chu ka pasal a ni tawh miau a lawm.

“Ka tha a zo " tiin ka sira rawn mutthlak pah chuan ka nghawngah chuan a rawn nawr a. Ka nuih hak “Ka mut a chhuak" tiin ka kuah leta, puan chu sin dunin kan mu a. A ni chu a muhil lehnghal mai, kei erawh ka la harh kar thung; ka thawmhnaw chu inbelin pawnlamah ka thu chhuak a. Hminga te ram chu a zau bawka, thlai leh thei an tam hle bawk, thehlei leh sava vel thei kunga an fu chu ka en mai mai a.

A khawhar thlak lek lek, chutia reife ka thut hnu chuan Hriatpuia chu rawn tho chhuakin ka bulah a rawn thu a. “Enge i tiha, i nuam lo em ni?" a rawn tihchuan ka lo nuih ringawta, ka kut chu rawn vuanin ka darah a rawn bei chiala. “Ramhnuai hi ka awm thanna a ni silo va, ka awm a nuamlo deuh mawle a fâl bawk sia" ka tihchuan a rawn rum nghata. “Ka awm hi engmah hlauh tur a awm lo, chubakah a khat tawkin an feh renga; thlai pawh an la that em hi" a tihchuan ka um ringawta.

“Enge i hriata, tawngkam bul deuh deuh chuan min biak, i thinrim em ni?" thut that pah chuan a rawn ti a. “Chutiang pawh a nilo, i ngai diklo mai mai a nihkha. Thu lut ang" tiin inchhung lamah chuan ka kai luta, ka hnungah chuan lungawi vaklo chuan min zui ve hnu hnu tho. “Thinrim silo khatianga in chhan nghat nghat kher, ka awih chuang lo" a tileh pah bul bula. Hepa hi chu aw....lungawi loh hi a pe na thei bawk si.

“Tah hian mu rawh i arngeng awm kha ka sawr dawn" ka tihchuan “A ngailo a pung mai mai ka menrei thin vang a nih hi, a reh mai ang" a tihchuan ka ner nanga. Ni e ar ngeng hi chu a nei ngailo, tunkar chu a chau bawk nen a nei ve teh khiah a. Kei lah hian sawt sak ka chak nasa mai si, “A nihchuan i phone games tal khel ang. A reh emai" tiin a bulah chuan ka thu a. A phone chu min pe ve mai bawk, ka ngaihthat lohna tur khawpin hmeichhia a be ngai lova.

A hmeichhia zawk in an biakna erawh hmuh tur a tam hle thung, a ml chu ka khelh saka, ka hnungah ka nghen theih tura thu in a tih dan tur chu min lo hrilh zela. Ka thi ngun lutuk leh a ni lo tang lutuk chu amah zawk a lo thinrim hlur mai “Classic mai mai a nih hi, i chân nasa vak chuang nang" ka tihchuan thawk ala hawka “I thiamlo si, thiam lo chung chuan khelh loh mai tur" a rawn tih hluk chuan ka tum hmak.

“Kha la rawh, ka khel tawh dawnlo" tiin kut kuangkuah hmak chuan ka thu a. Nuam a tileh silo nge a lu thak lo pui chu hiat nauh nauhin “Kha khel leh rawh ka hau tawh miahlo ang che" a rawn tihchuan a awm lohna lamah chuan ka in her leh nghat. Ka biangah chuan a rawn fawp zauh va, “Bawihte nang chu i ti tau reng mai, nang chu thlem i ngai reng mai, i ti ti tau tau" tihchu zai rut rutin ka darah chuan ka khabe a rawn nghata.

Ka la en duh thak lo “Taitai tau lo la, i inhmeh ve lo? Mawh lo hawi teh" tiin ka biangah chuan a rawn fawp zauh zauh va “Nangmahin khel rawh ka lo en ang che" tiin a malah chuan ka thu kai a, lungawi loh reng ka tum biklo. Kan awmdunna pawh a la rei lova, kan chhungte mah tihnak alaia kei lo lungawi loh kha ka duh lo. A games khel chu ka en char chara, a khel thang bawk a niang a kill zung zung mai.

Keia khel nen chuan inang lo tak kan ni, a inkhel en reng takah chuan ka lo muhil a ni ngei ang. Dina te ho thawm rawn awmah chuan ka harh chiang hle “In thawm te dim ve thin ta cheu" Hriatpuia chuan ka mu min ti harh chu a lawm vak lo tih a hriat “Eee in lo ti laklawh ange tihte kan hlaua thawm kan rawn nei a nihkha, nge i thinchhiat viau, kan rawn phawk palh cheu chuan nangmahni a nia zak tur" Dinan a rawn tihchuan zahthlak viau mahse an thusawi chu a dik tho mai.

Nupa kan ni a, chutah tumah dang an la awm lo bawk nen an fing ka ti phian mai. Chaw hmeh tam tham zet an rawn ken chu an rawn dah chhuaka “Miss Tha-i nu te lamin min en thla deuha, duh angin kan lo kal hma duhlo. In awmna an hriat kan hlau bawk nen kan lo tlai phah a nih hi" Hmingan a tihchuan Hriatpuia nen chuan kan in melh zawka, ni e an beidawng mai mai hauh lovang.

Ka pa mizia nen a inmil tlatlo, Hriatpuia nen pawh hian kan bik bo rei a ngai viau thei bawk. Aizawla haw a an duhzawng ka la hriat ngai pawh nilo doctor anih avang ngawta makpa atana an awh hi keichuan neih ai chuan Hriatpuia kianga hrehawm tawrh pawh ka thlang zawk. Kan hmangaih loh te kianga awm ai chuan kan hmangaihte kianga rethei tak chung pawha awm kha ka duh zawk.

Sumin a lei theihloh hlimna neih hi a hlu ka ti ve tlat, Dina te ho pawh chu an awm ve renga. Beer an rawn ken chu in in Hriatpuia erawh chuan in ve a tum hmel loh, ka awm avangin a insum nge pawh ka hrelo. Mahse a hma a a ruih ka hmuh khan a thian te ho hian a vawikhat in na an tih tak kha maw, fiamthu sawiin an nui ho leh dar dar tawha. Hriatpuia nupui nei chu an fiam zuk zuk reng bawk nen ka lo lai thei viau mai.

“Kum 20 ah pu Hriatpui tih i ngai nghal der dawn a nia" tiin an nui kiah kiaha, Hriatpuia pawh chu a nui ve suk suk ringawt. Hepa hi chu a mizia hi over silo hian a ngaihawm ru ka timai, a hunah a cool a thiam, a hunah chuan a thawveng leh em em thin bawk. A bula awm te a zira a inthlak danglam thei zung zung hi ka fak ve na a ni bawk.

Dina te ho chu kan bulah zanriah eiin rei fe an awm ve a, chutia an awm chu keimah tak pawh in ka thlamuan phah ka tilo theilo. Hriatpuia chuan a hlata ka awm erawh a phal miah lo thung, khaw mite pawhin kan chin an hre vek tawh tih an sawi lai chuan ka danglam ve deuha. Mahse pawi tihna erawh ka neilo, a rei anga ngaiah an la neih ve leh mai ang, chu zawng aia ka ngaihtuahna tibuai tu chu Hriatpuia chhungte leh ka chhungte hi an ni.

Ka chhungte rilru chu a lang reng tawha, Hriatpuia chhungte rilru erawh ka hrelo thung hian min tizam lo theilo, an mo ni tur hian min pawm angem tih hi ka hriat duh ber chu a ni.

SILVER JUBILEE A HNAI TAWHA INBUATSAIH ANGAI NASA TAWH NEN ZAN TIN KAN UP THO A IN HRIATTHIAM AH AW,A TAWI PAWHIN.