LALHRIATPUIA CHAPTER 24

LALHRIATPUIA

CHAPTER 24 

“Ka duh lo ka tihchu Lalhriatpui" ka hmaiah rawng hnawih phet a tum chu ka lu chu hawisawn zelin ka kun ngar ngar a. Final ni a ni a, an mahni leh Dampui khua te an in tum dawna chu chu Jersey rawng pawl chu min hnawih a tum ngar ngar “I duh loh chuan ka hrem dawn che a nia" ka roomah kan pahnihin kan awma. Inthup tit tet angailo nen a ngeiawm tih piahlam a ni.

“Ka biang a chat ang ka duh lo, thlasik lai a nih hi sual viau suh ka hnawih duh lo" tiin ka vin hlak hlaka, ka nghawngah a rawn fawh thut chuan ka phu zawk mai. Ka mal chu a zut nghal zai zaia “I duh loh chuan i duh theih dan turin ka che dawn a nia, Taitai ka insum theilo mai thei bawk. Chuvang chuan ka dawhtheih lai che hian inhnawih vat mai teh" a rawn tihchuan lungawi lo lutukin ka ena “A tha ka lo en dawn lo che, kal rawh ka duhlo chung chu min hnawih chuang lo ang" tihmakin khumah chuan ka thu a.

Ka kut ka kuangkuah hmak bawk, ka hma a a rawn thut chuan melh pawh ka melh duhlo. “Min lo en loh te'n ka khel tha thei nang, khawi maw a nih ka hnawih lo ang che. Miin couple a an hnawih vangin ka chak ve mai maia" tiin ka kut chu a rawn vuana “Ka duh ve kher hleinem, mi tih ang kher tih tur tih pawh a inziaklo. Chubakah nangin i khel dawna khatiang inhnawih ve pawh ni ila engmah a hriatloh. Biang chatna mai mai" tiin ka phun leh hlak hlaka.

Ka Jersey nghawngah chuan rawn thamin min fawp zauh va “Sorry ka ti tawh miah lo ang. Kal ang le kan tlai palh ange, i nutei ngaihte a lo tha lo leh vel a nge" tiin a nui suk suka. Vawikhat a rawn leng ka thlah kha pawnah kan awm rei lutuk nutei ngaihtha lo in min rawn enthla peka, chu chu Hriatpuia lah hian sawi chhuah nuam a ti em em lehnghal. Miin an chetchhiatna te thup an duh zawk a ni ngaia.

“Min fawp leh te a nih loh chuan rawn dak lut mahse engtin mah a tilo ang che " tiin ka nui ve har hara. Ka bag chu la in ka tho chhuak zuia, pawna kan chhuah chuan nutei chuan thut thleng a thu chung chuan min lo fiam leh zauh zauh tawh mai. “Ka fawp tawh dawn lo, i ngeiawm emai mi in ngaizawng bihthlak hmang nutling ve pui si nghal lutuk" an in ngam tlak bawka Hriatpuia chuan a vin hluk hluk mai.

“I theih a thu le a lawmawm hlei hlei a nimai a lawm" nuteiin a lo tih chuan Hriatpuia tlawm la chu a ding leh rih “Ka rawn fawp vûng vek ang" tiin keichu min kai chhuaka, nutei nui vak vak ri chu pawn atang pawhin ala hriat phak. Keipawh chu ka ner nang nang mai “Haw hunah i hmui a vung vek tur a ni" tiin ka hmui chu a rawn khawih zauh va. Hepa hi chu aw a thusawi lah hi a ti tak tak ziah lehnghal.

“Ka duh lo ana dawn a sin, chutiang te chuan engtin nge ka awm anga" ka tihchuan a nui haka “I Nutei kha ka ngei, khatiang nutling pui tawh lehnghal; a nghal si. Ka runluih hrep dawn mawni" tiin a bike chu tinung zui vut vuta, a hnungah chuan ka thu kai nghal vat. Mas thing fawm an sawi tawh bawk nen tournament a zawh rual hian an tihzui mai ka ring a, ka phur ru takzet.

Ka nuten min la rawn be leh lova, nimahsela an ngawih rei erawh ka ring hauh lo. Ka pa mizia lah ka hriatchian em em a ni bawk si, field kan thlen chuan chhuk vatin ka sam chu ka chul mam thuak thuaka, vawiin chu chawhma chiah a ni dawn bawk nen rei awm a ngai dawn lo a, ka lawm ru viau “Kan zawh hunah kan pahnihin kan leng dawn a nia" a tihchuan ka bu nghata. A thianten an lo koh takah chuan an lam pana phei dunin a bag chu min ah tira.

“Kan champ chuan zaninah kan lawm ang, miss Tha-i pawh ilo kal ve ngei angai ang" an captain in a lo tih chuan ka lo aw ve mai bawk. An chak phawt chuan lawm loh te chu a hlu lo ka ti ve tlat, football chu an khel hmasa a, Hriatpuia au chuan field sirah ka lo tlan kual ve char chara. Ka chau ngei mai, an team in an pet goal chuan ka au tuar tuara; ka hlim lutuk chu ka mittui a tla thei hial mai.

Tunah chuan football ah an chak ta, an rawn chhuah rual chuan kan veng mipui chuan panin an chibai mawlh mawlh hlawma. Hriatpuia phei chuan chibai tu a ngah mawlh mawlh hle, keipawhin ka hnaih thei meuh lo. A tawpah chuan ka lamah a rawn pheia, ka lo en reng chu min rawn nuihsuk mai, a mitmeng chuan lawmman a duh leh ngei dawn tih a tichiang viau bawk.

Ka bul a rawn thlen rualin ka kawngah a rawn kuaha “Tirawh le, volleyball ka beng dawn lo a leng lawk ang hmiang" a rawn tihchuan “Enga timaw i ben dawn loha?" tiin ka en chho ha a. “Football ah kan ni tawha, volleyball te chu khawdang atanga rawn kal kan ken loh ten a dik nang. An rawn kal hah ve si a " a tihchuan a ngaihdan chu tha ka tihpuiin an team rilru zauna chuan min tihlim viau bawk.

Midangte an kian hreh lo a, mi thenkhat chu nise a pahniha chak an duh ngei ang. A bike chuan inphur leh in khawpawn lam kan pana, picnic spot an nei ve bawk nen chulai hmunah chuan kan kal duna, tumah an awm lo tih hriat takin a reh thiap mai. Ka kutah kaiin in lam chu min panpuia, mau hmanga sak a niin a chhuat vel pawh dâp an chih vek a nih hmel, a dai nuamin khawthlirna tur an siam thlapa.

A hahdam thlak viau mai “Ka duh i hria tiraw?" ka beng bulah chuan a rawn thaw ham hama, ka kawrah chuan rawn zen lutin ka hnute chu a tham nghal chat mai. “Hriatpui mahse.." ka hmuiah chuan kut zungchal chu rawn nghatin tawng lo tur chuan min ti a “Ka hmangaih che" a rawn tileha. Ka ngawi reng ringawt, engvangin nge a lakah hian ka nem zel mai le, chulaia thutthleng mut theihna tur a an siamah chuan min mutin ka sirah a rawn lawn nghala.

Ngawi reng chuan ka en kar ringawt, kan thil tih hi keimahin ka duh loh em em leh pasal ka neih hma chuan ka invawng thianghlim ang ka tih thin kha a ni a. U Chhana lakah kha chuan ka vawng thei reng thin a nihkha, mahse Hriatpuia lakah erawh vawihnih lai ka hlan tawha. Engvanga a ni bulah hian nem zel bik nge ka nib le “Tilo ang, Hriatpui inneih hma chu ti tawhlo ang. Ka zahawmna hi khawngaihin min hum sak zawk rawh" ka tihchuan a che lai chu a tawp data.

A thaw deuh hrawk mai “Tun thlengin ka tan hian i la in phal famkim chuang lo animaw Taitai" a thusawi avang chuan mit ka chhing sawk mai “Hriatpui min hrethiam lo a nihkha, in phal famkim lo ila ka neih hlu ber ka hlan dawn che em ni? Hmeichhia in kan thianghlimna hial kan hlan phal chu kan tan an pawimawh hle tih hrethiam ve ta che, i tan ka inphala. Ka inchhir chuang lo, mahse i rilru ka hre thei bik lova, hman reng hi ka duhlo mai ani. Enge kan hma hun kan hriat loh hi" ka tihchuan ka luah chuan a rawn chul zauh va.

“Ka hria lawm, mahse insum har ka ti thin. I taksa ka tawh hlek chuan ka danglam zel, vawi eng zat nge nangmah avanga ka danglam hi i hre miah lo ang. Ka insum ngun thin ve tho" tiin ka kut chu a la a, a kap lam pawng ul chu min khawih tir rualin ka ip chawih mai. “Tikhan i hrethiam mai em? Ka mamawh lutuk che" tiin ka hmuiah chuan a rawn fawpa, tih lungawi loh ka hlau ve tho bawk nen ka chhang ve leh ta nge nge a.

Dik tak chuan rilru leh lam hi chuan ka thianghlim tawh lo tho tho ti a ngaihtuahin a laka insum reng hi a tum bik lo. Mahse ka rilru lehlam zawk erawhin insuma inneih hun chiaha hmang turin min ti thung. Mahse kan hmangaih ber ten min ngen tawh chuan mamawh ve tho kan nihna hian min nawra, suala tluk nawn hi a lo awl em a ni. Hmeichhia phei chuan min hriatthiam puiin ka ring, mahni hmeichhiatpui lo hi chuan kan rilru an hre tak tak ngailo.

Kan hmangaih miahloh te lakah chuan kan danglam ngailo a, kan hmangaihte min tawh hlekna erawhin hote pawh nimahse min tidanglam hma em em thung si. Châkna nei vek kan ni a, insum a har zia pawh. Chutih laia insum tluan thei erawh mi ngaihsan awm ber an ni. Kei erawhin ka thei silo, a chang chuan kohhran a in hman te pawh hi ka tim phah ta hial thin.

A tawp thut avang chuan ka en ha a, min nuih ver verin “Ka hmangaih che, chuvang chuan ka insum thei a lawm" tiin ka chalah chuan a rawn fawpa. Nui hakin ka kuah nghal chat “Ka lawm e ka thu i ngaihpawimawh avangin Hriatpui keipawhin ka hmangaih che" ka tihchuan a hmeltha lutuk timawi zualtu a biangsum lang kak chuan a nui a. A vahan chhelo chiang tak, khawthlirna tura an leikapui dawhah chuan kan thu duna.

Kan thlang chu ruam a niin thli a rawn thaw heuh heuh a, kan piah ral hla taka tlang chu romeiin a bawh paw chuk mai bawk nen hla phuah thiam te tana hla thu ngaihtuah chhuah tur tam em em hun a ni chiang a lawm. Ka hnung atang chuan min kuahin a ngawi vang vanga, a awmdanah erawh a hahdamin a hlim hle tih ka hre thei. “A mawi takzet, thlifim thaw heuh heuh te hian an tinuam zual, nakinah chuan heng hunlai te hi kan la ngai ve ngei anga, kan vanglai ni te hian min la kiansan ve ngei awm si a " tiin ka phun sap sapa.

Kan piah ral atanga tawllawt leh thuro rawn hram thin te chuan kan boruak chu a tihahdamin lung a ti leng vawng vawng mai. “I vanglai pelh hunah pawh ka hmangaih reng ang che Lalthakim, i hmel hi hmu tha reng turin ka mit hi ka ti danglam ang" a tihchuan ka nui hak mai. Ka biang chu a biang chuan a rawn nul tir na na a, a chuk zauh zauh bawk nen ka za ti chu ka tal leh nawk nawk thin “Awm tha teh, an zo tawh angem le? Nutei lah khan a chah uluk nasa mai che sia" ka tihchuan a rawn nui huka.

“Ka runluih hrep dawn emaw ni, i hmui chu ka ti vung vek dawn nge" tiin a mit chu a tikang zauh zauh va. “A sawi sa hrep che a nimai" fiamthua ka lo tihchuan a nuih a za ve viau mai, a rawn leng ngun bawka. Nutei nen an in nelin a chang phei chuan an tawngkam na thei lutuk hi an in tih thinrim ka lo hlau thin, mahse fiamthu ah an in lak sak thei zela, hetiang kawngah hi chuan nutei hi ka fak thlawt. Ka nu leh pa lamah tang tlat se chuan Hriatpuia nen hetianga kan awm theih hi ka ring lo.

Vawikhat phei chu nutei tuichawi bungbu kut kut kha a mawngah a tlawha, tlawh na lo mahse nutei in ring lo kha a tin bawhin a tlu rawk tawh, khata a thinrim duh miah lo te khan min tingaina zual. Hriatpuia pawh hian a nelin a duhsak hle reng a, a rawn len chang hian nutei duhzawng a rawn ken sak thina. Ka nau te lah chuan lo fiam nan tak hmangin chhungkua in kan nui ham ham zel, Dina te ho rawn tel ve chang in an inhnial luai luai thin a, an bengchheng lutuk chu kan in khap ngun thei viau.

“Ka awm loh hunah tu mipa mah lo hnaih suh ka tihkha aw, kum lah chu a liam duak duak mai si a. Chuvang chuan kan hun thawl neih December thla hi chu ka kiangah awm reng mahla ka pawi tilo, chupawh hei thla chanve ang deuh thaw kan hmang leh ta reng chu ania, ka ngai lawk che" aw hniam deuh raiha rawn tihchuan a kut tang sei thlarhah chuan ka kut tang chu rawlh lutin ka hum sak vang vanga. “Keipawhin ka ngai dawn che, mahse kan pahnih tan a ni si a, ka lo nghak reng ang che ka tih tawh kha. Rinawm tlat la min phatsanin ka thinlung tikehsawm tu ni ngai suh ang che" ka thusawi chu tih tak zetin a ni ka sawi ni.

Vai hmeichhia phei chu hmeltha tak tak an niin tunlai mi phei chuan hlawh nei an hria in an taksa an hlan phal nasa mai nen; min phatsan hi a ni ka hlauh ber chu ni. “I tan lo ka awm ngailo vang, i tan chauh ka tih fo kha. Ka hmeichhe hmangaih awm chhun i ni a, ka theihnghilhin awlsam tak chuan ka kal tir ngai lovang che. Haw tawh ang hmiang an zo dawn tawhin ka ring " tiin min kai tho va.

Field kan thlen chuan trophy vel chu an lo sem meka, Hriatpuia chu a teammate te chuan an rawn pawt phei nawk nawk mai. An thil dawn nen chuan an vawr lawp lawpa, volleyball erawh Hriatpuia sawi angin khaw dang atanga rawn kal te chuan pakhatna an ni ngei e. Khual khua an ken thiam dan ka hmuh chuan ka ngaisang viau, zanlama lawm tiin keichu an team a tel ve silo ah min sawma. Mi thenkhat lah chuan min fiam zuk zuk reng lehnghal.

In kan thlen rualin zanlama min rawn sawm tur thu sawiin an inlamah a phei nghala. Keipawh chuan inchhung lutin nutei chu Hriatpuia te football a pakhatna an nih thu ka hrilh chuan a lo hlim ve viau va, zanlama a lawmna a min sawm thu ka sawi chuan kal tur chuan min lo ti ve bawk. Nutei hi chuan thalai te tuina a hrethiamin kawng tam takah min khuah khirh lutuk duh bik lova, mahse thil thalo kan tihloh nan min fuih reng thin thung.

Hei vang te pawh hi a niang a thu hi zawm loh a hrehawm bik ngawih ngawih zel, zanah chuan Hriatpuia chuan min rawn sawm ta ngeia, ka chhungte ho chuan an lo chibai nak naka, a lai deuh reuh emaw ni. Nuteiin a fiam chuan a lei a chhuah khum zuka, ka nuih a lo za viau thung “Va fimkhur ula aw, rawn haw tlai lutuk lo ula zu te kha Hriata i in ve palh hlauh ange. I u Tha-i hi veng reng ang che" a tihchuan Hriatpuia pawh a lo bu nghata.

Kan chhuah rual chuan “ I u Tha-i han tih kher, ka bialnu i ni tih a hre reng sia" a tihchuan nawr kal nawk nawk pah chuan “Kal mai mai teh, nang ai ka upa reng a lawm. Kan tlai bik lutuk ange" tiin a bike ah chuan ka lawn khalha, kan tlan chhuah rualin a ving leh fua fua tawh viau “Tlan muang rawh ka tihkha, accident te a awm thei. I tlan chak leh chuan min phur tawh lo ang" tihmakin a dul thep leh ruh deuh tungah chuan ka sihsak vaka.

“Ka tlan chak loh hi, saw kan thleng dawn a rim chuan mi a va ko ve" a tihchuan boruaka an sa rim nam chem chem chu ka hre thei. A hmun kan thlen chuan an lo che suau suau tawha, hmeichhia tlem an awm bawk. Zu rim nam tawk lah bo lo, mahse rui chhia an awm hauh lo thung, Hriatpuia chuan nuam lo ka tih hlauin a bulah min awm tir renga. Midang chu an lam hut hut mai, kei awm lo ila Hriatpuia pawh chu a lam ngei ang.

“Va lam ve rawh, i chak ve tih ka hria alawm" ka tihchuan min en zawkin “I phal tak tak em ni?" a tihchuan ka bu nghata. “Anih tah hian lo awm reng la, ka lo kir leh vat ang" tiin midang lam chu a va zawm ve a. An chak lawm an ni bawka an au ring viau mai, Hriatpuia lam ka en reng lai chuan hmeichhe pakhat hi a bulah va kalin an lam duna, ka nui lai ka tawp hmak bawk. “I thik em ni?" ka bula mipa rawn ding chu ka en a.

Ka rualpui tur vel mipa lo ding chu ka la hmu ngai hauh lo “Thik lo e, lo kal kiang lawk teh. Pawnlamah boruak kan va hip lawk ange" ka tihchuan a kal ve duh thu sawiin min rawn zuia. Misual hmel a pu lo bawka hlauhna em em ka neilo, pawna fatu ho bulah chuan mei lum aiin kan titi duna. A ni pawh college kal tawh lo in sipai lam a luhchilha nih hmel, chawlh la a a haw lai tak a nih thu chu sawiin fiamthu a thawh pah zauh zauh va.

Kan nui dun leh hak thin, rinai a bula awm a lo nuam phiana. Keiai kum hnihin a upa a nih hmel “Tinge pawnah i awm"nelawm vak lo a rawn titu chu Hriatpuia ngei a ni “Eee Hriata nang i ni maw, lo thu ve rawh. Hei miss hmeltha tak kan neih thu ka nauten an sawia ka lo be mai mai a nih hi, rawn haw lai a ni bawka rim te pawh kan la duh thei" Sangzuala chuan a lo ti a. Hriatpuia hmel ka en chu a rum tha viau mai “Vawt ka ti a inchhung a bengchheng bawk nen ka chhuak a nih hi" ka ti ve mai.

“A nihchu tihmakin inchhung lamah bawk chuan a lut zuia, a lungawi lo tih ka hriat avang chuan zui luh mai ka tuma “A thik thu a pe chhe hle mai, naupang hi chu dawhtheih an ngai a nia. Zu lut rawh, an ni ang rual kan nih lai kha chuan kan pawr in kan thu kan duha. Insual cho ata a awm hma in zu lut thuai teh" Sangzualan a rawn tihchuan chhang tawh lo in inchhung lam chu ka pan zui vata, sofa a tum bura lo thu chu ka pan hnai vat.

A bula ka thut chuan en pawh min en duh lo “Khapa bula i awm duh vang kha a nimaw min lam tir" a tihchuan thaw hakin “Teuhlo, i lam hnuah ka hmu chauh a lawm" ka tihchuan awih loh hmel lutuk hian a rum nghata “Dawt, pawn chhuah i duh chuan min hrilh thei reng" a rawn tileh fak faka. Min en chiang bawk nen ka melh let ngam der lo“Min lo zui mai mai a lawm, chubakah nang pawhin hmeichhia i lam pui tho" ka tihchuan a ner sawka.

“Sawilo mai teh. I awm dan nen chuan a inang lo lutuk" tihlukin dawhkana tui chu a inkhawlha “Mipa i biak duh vang a nihkha" a rawn tileh hram chu ka dawh thei tawh bik lo “Lalhriatpui a nilo ka tihchuan a nilo a nimai, min ring chhe viau suh. Min rin chhiat viau dawn ai chuan haw ila a nimai" ka ti ve hmaka. A duh dawn lo tih keiai hrechiang tu an awm lo vang “I thulo " tiin ka kutah kaiin kawm char lam zawk chu min pan pui hlawk hlawka 

Thim karah min pawt lutin min fawp nghal tawn tawn bawk “Mi an lo kal ang, thu tha teh" tiin ka namsawn a. Min tilui tawh bik lo, an vawk chaw chhumna mei la nung vet vet chu thing tuah belhin a ti alh tha leha, thutthlengah chuan min pawt thu in ka darah a bei nghal thak bawk. Ka thik thu chhia a duhlo em em a, a thikthu chhia chhiat over nen hian mi a puhchhe thei bik lutuk hi ka haw lek lek zel.

ZAWMNA...

Chaw ei tura min rawn koh takah chuan inchhung lamah inzui lutin chaw ei an lo siam mawlh mawlh lai kan hmuh chuan ka pui nghal vata. Chaw ei lai chuan ka bulah thu in sa chu a ti tha lai chu min rawn suah sak zung zunga, ama zarah chaw ka ei teuh phah, chaw eikham lam chuan an lam leh vut vuta. Hriatpuia erawh lam tur a ka tih pawhin a duh tawh thaklo.

Ka kut a kai run renga, keilah lam ka ti ve ngai lo bawk nen ka thu hle hle a “Mipa nen in inhmuhna hun remchang siamsak kha beisei reng reng suh. A awm tawh dawn lo chiang lutuk" tiin meilum bulah chuan min thut puia, thlasik a ni bawka. A vawt ngei mai “I rilru mak kha a nih mai chu, mipa melh duh ni ila nang nihpui kher lo che pawhin melh tur an tam lutuk" ka ti ve hlaka.

A ngei leh mai mai ang chu “A nih tak chu chung ho chu va nihpui la tinia" mi chelhna chu a thlah nghal hmak mai. “Tak tak maw?" tiin ka en ha a, runluih ka chak nasa mai sia,a lu a buk nghut chuan tho chhuakin kal mai ka tuma. Chuveleh ka kutah chuan rawn kaiin kan sira pa pakhat chu kan haw tur thu hrilhin a bike lam pan chuan min pawt phei dawr dawr mai. A thinrim bawk a niang a mi hmerna chu a na tih piahlam a ni.

“Min kalsan chu i lo chak viau a ni maw? Chuang rawh a thleng ngailo ang ka tih kha" tiin a nui deuh vur vura, a thinrim hle dawn emaw tihlaia a rawn nui leh si chuan keimah lam lam min tihamhaih. A bike a kan tlan chhuah hnu ah chuan a hma a kan awm dun na thin tlangpawngah khan kan kal duna, kal pah chuan a kiuah ka kut rawlh lutin ka uai deuh ti tiha.

Vana arsi lang nen chuan boruak chu a nuam viau mai, hmun thenkhat atang chuan christmas hla an play dup dup tawha. Pipu an siamah chuan uaiin Hriatpuia chuan na vak lo in min thena, ka kan ruala arsi rawn lang hnai leh vawk thin chu hmuhnawm tiin ka dak veuh veuha. Ka hnung lama mipa awm nen chuan zan nuam tak a ni chiang a lawm, khawvela hmun nuam ber chu hmangaihte bula awm hi an lo ti renga.

A dik zia ka chiang viau in ka hria, min tihlim theitu chu hmangaihna a ni a, min tina thei tu pawh hmangaihna tho a ni bawk. “He zan hi ral theilo se la ka duh. Ka zan hman tawhah chuan ala nuam ber " tiin ka nui ver vera, vana siruk te, Hrangchhuana leh Chawngmawii te lang chu thlirin duhthu ka sama “Heiai zan nuam pawh hi i hman zel theih nan ka theihna zawng zawng ka chhuah ang. Ka lo haw ve leh min nei ang tiraw Taitai" a tihchuan pipu atang chuan chhukin ka pana.

Ka chhanna ngai chang chuan min en kar bawk “Tehreng mai, ilo haw chuan ka nei em em ang che. I lo haw hmat leh kan innei hma anga, ilo haw loh leh ka bo a nimai" fiamthu deuha ka tihchuan alamah min pawt hnaiin min kuaha, a zak hnuaiah kut rawlh lut chuan ka kuah let ve bawk. “Ka sum ka khawl anga, nang leh kei ma tan lo chuan hman ka tum lo ang, min lo nghak reng rawh ka tih kha. Keimah lo chuan tumahin an nei dawn lo che, chu chu ka thutiam a nihchu" tiin a nui haka.

“Urlawk zan chu helaiah hian kal dun ang aw, tih duh ka nei a nia" a tihchuan ka hnial bik lo. Hun kan nei tlem tawha, kum a thar anga an exam zawh chuan a bo vang vang tawh dawn lehnghal. Ina kan haw chu inchhung kan luh rualin ka nu leh pa ka hmuh avang chuan Hriatpuia ban chu ka hmer chawta.  A ni pawhin ka awmdan danglam chhan chu enin a mit a chuar nang a “Tute nge" a rawn tihchuan “Ka nu leh ka pa" ka tih rualin a kut tha chu a rawn tang nghal tung mai.

“Lalthakim hetah hian lo thu teh" ka pa chuan chang tha beng bawng chuan a rawn ti a. Ka hlauthawng nghal vek, helai thleng thlenga an rawn kal ka beisei lo a sin, Hriatpuia chuan an bul chu min panpuia. Chiang zet hian ka nu leh pa chuan ka bula kal chu an en ran bawk, nutei chuan a mitmeng chuan hahdam turin min hrilha, mahse hahdam har ka ti takzet. Ka pa te bul kan thlen chuan ka pa zawk chu a rawn tawng leha.

“Hei hi em ni i bialpa chu, tun ang hun thleng thleng i leng a maw?" a rawn tichang faka “U Than chaw an eikhawm ka tih tawh kha" nuteiin a tihchuan ka pa chuan kan chhungkaw chungchangah lo inrawlh lo turin a ti a. Ka nu erawh a ngawi reng thung “Ni e ka pa hei hi ka bialpa Lalhriatpuia a nih hi" tiin ka pa chu ka en leta. A hmelah chuan a lawm lo hle tih ka hre thei “Then tur che khan ka ti tawh che in ka hria, insiam la naktukah kan haw ang" a rawn tihchuan ka ding chhuaka.

“Nilo pa, ka then dawn lo tinge ka aia a naupan vang maiin then tura min tih? Ka duhlo, chubakah helaiah Christmas hman ka duh zawk" ka tihchuan ka pa thinthawk chu a rawn tho chhuak hluaia. Hriatpuia chu ka hmaah rawn dingin ka pa chu a hmachhawna “Kan in hmangaiha khawngaihin min inneih tir rawh u, ka la naupang tih ka hria;in duhzawng ka nilo a nihpawhin in fanu hi ka hmangaih a ni " ka pa en ran a a tihchuan ka pa chu a thinrim zual sauh tih a hriat.

“Nang hian chawmna tur pawh i nei dawn em ni? Nang naupang hian i chawm thei ang maw? Nang ni ang rual rilru hi chu ka hre viau a sin, nupui nangmah ni zawk chawm thei tur in duh a dik em? Ka fanu hi kalsan rawh i phu lo" ka pa chuan a rawn tichang faka. Hriatpuia inhum ruh ngut ngut chu a kutah ka chelh vat “Pa chutiang mi a nilo a sin" ka lo ti ve chu ka pa chuan ngawi tur chuan min ti zuia.

“In fanu hi a sum avang chauhin ka duh lo tih in lo hre dawn a nia, keichuan ka kalsan dawn lo. Amahin min hnar tawp te a nih loh chuan ka kalsan ngai lovang" a ti chang ve ta bawnga. Ka pa hmel chu a chang tha viau “I nu leh pa kan be dawn hria ang che. Mahni aia upa ngaihzawn pawh hi i zak nange? Lalthakim nang pawh haw turin lo inring ang che, i duh lo a nihchuan ka pawt lui tho ang che" a rawn tizuia.

“Ka duh lo, helamah Christmas ka hmang duh, kha chen in thu ka lo zawm tawh. Tunah chuan ka duhdan te hi min pawmsak ve ta che u, min hmangaih miah lo em ni pa" ka biang chu a ri nghal sawka. Hriatpuia chuan ka pa nghawngah chuan thamin hnek a tum ta mai, ka biang lah chu ka pa ben na a vang chuan a sa thip vawng vawng a, ka mittui chu a luang ngiai ngiai a. Nutei te pawh chuan ka pa leh Hriatpuia chu an rawn thelh vata.

“ I fanu hi keichuan ka hmangaiha kutthlak mai mai ka phal hleinem, i hmangaih anihchuan kut kha i thlak tur a nilo a sin. Hmeichhia a ni a, keichuan hmeichhia a nihna ang leh ka hmangaih a nihna angin kutthlak ka phallo, i fanu pawh a ni thei mahsela ka hmuhlaia kut i thlak a nihchuan apa i nihna hi ka theih nghilh mai ang. A hringtupa zawk hian kut i thlak a maw, i thisen atanga lo piang hian enge tihsual a neih? Kei min hmangaih chu enge a pawina" Hriatpuia chuan a tichang fak faka.

“Ka duh chuan i fanu hi ka laksak thei che, kut thak i hnawih mai mai ai chuan kei hian hmangaih takin ka lo enkawl zawk ang. Tichuan tunge he hmeichhia hmangaih a enkawl thei tu leh tihlim theitu chu in hmu mai ang" a tizui fak faka, a aw atang pawhin a thinrim hle tih a hriat. “Ngawi hmak rawh, ka fa a ni a kut ka thlak thiang. I nei anga maw? Teuhlo mai, i nu leh pa in aia upa zah turin an zirtir ngai lo che em ni, ka fanu kut kha thlah la; he in atang hian chhuak nghal rawh" ka pa bawk chuan thinrim aw sai hlawk hlawk chuan a ti a.

Hriatpuia erawhin haw a tum loh hmel viau thung “Nilo e, i fanu a nihna avangin i sawisak tur a ni hauh lo. Ka sawi tawh kha na tuar tur in ka hawsan lovang, tin helamah Christmas chu a hmang ngei bawk ang. A duhthlanna a ni e " tiin ka thlavang hauh chu a pe na in ka hmaah chuan a ding runa. Ka pa nen chuan an in melh run run mai, a tu ave ve mah chuan tlawm an tum lo tih hriat tak hian an hawisawn lo hrim hrim.

“Pa a insum phawt teh u, Rini te tan pawh an thenawm te lakah a inthlahrun awm. Zan a rei tawh si a, naktukah kan sawi tha leh dawn a nia, Bawihi nangpawh i roomah va lut rawh" ka nu in a rawn tihchuan Hriatpuia chu ka ena, a nipawh chuan min lo thlah ve mai “Naktukah kan inhmu dawn a nia, ka sawi kha hre reng rawh. Ka kalsan ngai dawn lo che" tiin ka chalah chuan a rawn fawp zauh va.

Haw duh lo viau mahse nuteiin haw rih tura a tih avang chuan a haw ve maia. A awm loh rual chuan ka pa chuan min hau in then tur chuan min tileh nghal hlawk hlawka. Kei erawhin ngawi rengin ka ngaithla a, then ka tum lo, ka duhthlanna chu keimah ngeiin a ka siam tur ka ti ve tlat “Ka lo haw dawn lo ka tih kha, school luh a ni chho leh anga helamah Christmas pawh ka hmang dawn" ngeng zeta ka tihchuan ka pa chuan a tih fo thin danin kut min thlak leha.

Ka nu leh pa Muana chuan an lo dang vat “I haw ang ka tihchuan i haw khawp ang, va insiam ang che. Naktukah kan haw ang" a tihchuan mittui tla chungin ka room lam chu ka pana, haw chakna pakhat mah ka neilo, mahsela ka pa in a tih luih miau chuan ka haw ngei ngei dawn tih ka chiang si. Ka phone chu phawrhin Hriatpuia chu ka call a.

Ka tah khum nghal hlawp hlawp mai, ka pa min tihdan ka sawi chuan lehlam atang chuan a rawn thaw hawka “Lo insiam rawh" tihzawng sawiin phone chu a daha, message chuan dar 12 vela a lo kal tur thu a sawi chuan ka rilru a buai viau. Innei turin ka la ngaihtuah lova, chutih rualin ka chan phal bawk silo, ka ngaihtuahna chu a buai ve map mai.

A lehlamah erawh ka pa min tihdan chuan ka tlawm a tila in ka rilru a na bawk nen pawi tihna em em pawh ka nei tawhlo.