LALHRIATPUIA CHAPTER 22

LALHRIATPUIA 

CHAPTER 22 

Kan inkhel en chu kan au leh nasa tawh, Jersey no 7 ha in a pet goal leh ta an tih lai phei chuan ka zuang tawr tawr mai. Hriatpuia chetla hmuhnawm zia chu tumahin an hai bik lo tih ka hria, Mike atang te chuan an rawn puang dup dup renga. Ka lo chhuang ve em em ringawt, Ronaldo ka footballer ngaihsan em em nen an number a la in ang zui. No 7 ngei ha a a pet goal chuan ka duhzawng min tuipui thiam zia a tilang a ni.

Nula ho lah chuan an au hulh hulh renga, a mah a hmeltha bawk nen lawmtu leh tantu an awm nuk mai “Awi min bem se min thei sa" tilawng lawng tu chu ka en vat, midang erawh an nui dar dar thung. Inkhelh an zo a an rawn chhuah leh lai chuan hmeichhia chuan an lo bawr luih luiha. Lawm vak lo chuan ka awmna ngaiah chuan ka awm reng ringawt.

“Lalthakimi kha lo kal teh" a rawn au a, midang chuan min en thap ringawt. Alamah chuan muangchangin ka pena, hmeichhe ho phun nak nak chu ka hre renga, alamah min pawt hnaiin min kuaha “Nula te u, hei hi ka bialnu chu a nia, inhmeh min ti em? Mahse bialnu ka neih avang in min lo tanloh phah lo ula aw, in chungah ka lawm em em e. Ka bialnu hi ka duh bawk sia min pawmpui ngei ka beisei" nuisanga a tihchuan hmeichhe ho pawh chuan an lo aw sap sapa.

An kalsawn hnu chuan field sir mi awmlohna lam chu min panpui a “Thik suh ka tihkha" a rawn tihchuan ka thik loh thu chu ka lo sawi ve vat. Awihlo deuh hian a nui saka “I hmela thikna lang kha ka hai hleinem, chuan i duhawm lutuk i tum kual vel khan min ti lawm riau" tiin ka biangah chuan a piai zauha. Mi lah hi tihluih nuam a ti em em chu a nih hi, thingbuk hnuaiah chuan tuma chim buai lohin kan thu duna.

“I lar tana ka duhlo riau mai, phone ah pawh YouTube velah an duhzia che an sawi a. He khua chauh lo pawh hmun dang atanga lo entute chenin ka lang nalh dawnin ka hria" ti a ka fiam chuan min kuahin min sawi nawk nawka “Ngeiawm nu,nangmah chiah hmeichhia angin ka en che ka tih tawh kha. Engthil pawh lo thleng se nangmah lo chu hmangaih ka nei tawh lo ang" a thusawi thin te hi ka lawmin ka ngaithla ning theilo.

A zak hnuaiah chuan kut rawlh lutin ka kuah let a, Christmas kan hnaih tawha. A exam in kum lehah chuan ka hmuh phaklohah a bo vang vang dawn tih ka hriatna hian min tihnual rawih rawiha. Ka ngai sa ngawih ngawih bawk; mahse a hmuha hmel hmuh nuam lo put erawh ka tum lo bur. Hlim hmel tak chuan ka nuihsang renga, hun kan neih tlem tawh zia kan hailo ve ve a, kan hun neih chhung reilote hi am taka hman dun ka duh.

Nakinah chuan ka hmuh leh khawih theihah a awm tawh dawn lova, chuvang chuan ka khawih phak leh hmuh phaka a awmlai hian hlim taka awmdun ka duh a ni. “Kan kal sawn lawk dawn em ni?" ka bengbula a rawn tihchuan ka en deuh ha mai “Timaw? In inkhel leh dawn lo em ni?" ka tihchuan “Reilote chiah" a tileha. Enge tih a duh hrelo mah ila hnial duh bik lo chuan ka zuia.

Ramhnuai lam kan pan chuan ka en leh ha ha thin “Hriatpui enge kan tih dawn" hlauthawng deuh reuh chung chuan ka ti a. Chutah mipui thawm kan hriat phak lohna hmun kan thlen rual chuan min pawt hnai thutin min fawp tawn tawna “He thil hi ka chak tawh lutuk, Taitai ka kham theilo che " tiin thingkungah chuan min nawr beta. A che duhthawh lutuk chu ka kuah ringawta “A chiloh, hei bak chu pel tawh lo ang. Hriatpui kan tih fo hi a thalo" ka tihchuan mitmeng phelh phang hian a rawn hawi chhuaka.

“Timaw? A nihchuan innei mai ang" he thu bawk chu “Nilo e, a la hun rihlo ka tihkha, chho ang miin min rawn hmu ange" ka tihchuan a thinrim titih mai. Engmah sawi lo chuan a kal nghut nghuta, ka auh zuina te chu min chhang lo in min nghak tawh lo chuan a kalzawm hmawk hmawk mai “Thinrim lo la, Hriatpui min hrethiam ve la" ka tihpawh chuan a rawn hawi let lo. Field kan thleng chho a, Dina te ho chu panin a thu ngawi ngul mai.

Mi kara inhauh ka duh loh avangin an bulah chuan ngawi rengin ka thu a. Tinge a thinrim hmat theih em em le, ka awm a nuam tawhlo. An khelh leh pawh chuan a mizia a dang hlawka, a mah su deuh tu chu a khawih titih zel lehnghal. A tawpah an coach chuan a rawn chhuah tir ta tawpa “In in ti thiam lo leh em ni" Dina chuan ka bengbulah a rawn ti su su a, ka nuih ringawt.

Haw lamah pawh min nghak duh thaklo, a bike in a tlan haw tak vung vung kha. Zanah lah chu ti bawk, ka call a message ka thawna, mahse vawikhat te mah min chhang lo. Kan hun neih tlem tawh tehlul nen, a tuklamah pawh ka bulah pawh awm duhlo in hmeichhe rual bulah a thu a. Volleyball a ni tawh bawk nen a hma ai mi an tam lehzuala, Nauteiin engkim a hre bawk nen min thinrim pui lutuk chu amah zawk a tap titih.

“I u Dina te ho bulah sawn awm rawh aw, ka haw ange ka hmuh reng chuan ka na mai mai " tiin inlam pan chuan ka kal zuia. Ka mittui chu kal pah chuan ka hru leh zeuh thin “Ka taksa chiah em ni i duh le Hriatpui" tisepin kalkawngah chuan kun chung chuan ka kal a, mi min biakna pawh chu chhan a har mah a ni. 

HRIATPUIA POV...

“Ka haw lutuk che nangmah vang vek a u Tha-i kha a haw phah, lo hnaih leh tawh suh ang che. I hria maw, vawikhat mah hnaih tawh suh nanglo duhtu pawh a ngah ve tho, Aizawl ah a haw anga pasal nei rawhse. Nang ang mipa hian i phulo " ti tawn tawn tu chu ka melh renga, Dina te ho a bulah an awm thap bawk “I tina ngun mah mah a ni Hriata, tinge hetianga i tih renga i duh tak tak loh chuan kalsan ang che, nang ai a u mai a vang hian a dawh reng dawn lo che, hmeichhia a nih theih nghilh suh. A rilru natna tawp khawk i thlen chuan a lo kir leh tawh lovang" Dina chuan a rawn tihmuka.

“Taitaii Aizawl a haw a tum maw?" ka tihchuan Nautei chu a in her nghata “I duh dan a lawm, a chhungte thu ngaipawimawh lo in nangmah avangin helamah a awm a. I tina reng tho bawk nen mipa tha tak tawng tawh turin ka duhsak e " tiin a kalsawn nal nala, ka thiante pawh chuan an zui nghal zat. Ka thutna atanga tho in field atang ka tlan chhuaka, alaka ka pangchan bakah ka thu ka lo ngaipawimawh lutuk thin tih ka hria.

Mahse a haw tur thu a sawi ngai hauh silo a, ka bike ah chuan chuangin an inlam chu ka pana, thui pawh ka tlan hma in kawngsira kal kun a a kuta a hmai khawih leh thin chu ka hmu nghal zat. A tap tih ka hailo, chu chuan min inthiamloh tir nghal rawih rawih mai. A bul kawng sirah chuan ka va dinga, min lo melh zawk mai “Taitai min ngaidam rawh" tiin bike atanga chhuk in a kutah chuan ka va vuana.

Engmah a sawilo, ngawi rengin hnuailam chu a melh ngara, a rilru a na hle tih ka hre thei. Ka lamah pawt hnaiin ka pawm kanga, a rawn insut nghal hlawp hlawp mai. Field awmna hi a va hla a, ramhnuai kal tlang a ngai bawk nen a maha a haw mai chuan a rilru natzia a tilang chiang hle. “Ka tihpalh lutuk, khatiang in ka nawr in ka runluih tawh lo ang che. Min ngaidam rawh aw" ka thusawi avang chuan a rawn tap ri hawka.

Mi min hmuh ka duhlo bawk nen kawngsir ramhnuaiah chuan luhpuiin ka thutpuia “Ka tihpalh lutuk, i mittui ka tihtlak avangin i duh chuan min hrem rawh, ka thiamloh a ni" tiin ka be sup sup renga. Ka awmah chuan a beia, a mittui chuan ka kawr awm chu a rawn tihuh dap tawh. “Min hmangaih lo, ka taksa chiah i duh. Ka tihsual a ni, i tan ka lo inphala chu chu min ngaihnep phahna a nih hi, tunah chuan ka tihsual chuan min vaw let mek a ni" a thusawi chuan ka lung a ti che dawt mai.

Keimah avangin hetiang khawp hian a nimaw a rilru a buaini, ka ngainep angin a ngaia a taksa chiah ka hmangaih ah a ngai a maw “Nilo ka ngainep lo che, i taksa chiah ka duh lo Taitai min ngaidam rawh. Aw tun atang chuan ka khawih leh tawh lo ang che, i rilru ka tihnat ai chuan ka tawk tawh lo ang che" ka tihchuan a rawn dak chhuaka “Chutiang em em ka duhlo" a rawn tileh bawk si.

Ka rilru tihbuai dan lah hi a hre si, hei ai hian hmeichhe cheng man ila ka ti, ka hre lo ropui bawk sia.

END OF HRIATPUIA POV..

A ngawi vung vunga, a tawng tawh dawn lo emaw ka tih hnuah “Taitai i rilru hi hriatthiam a har si, ka hrethiam theilo ania, hriatthiam turin siam la" a rawn ti bul bul mai. “I hriatthiam loh leh hrethiam lo reng mai rawh, ka kal dawn" tiin awmsawn ka tuma. Phallo in min man bet lehnghal chat “A nih ka inzir dawn a lawm, tikhan awm lo la. Tap tawhlo la ka thlem thiam lo che, nilo ka lak a i lungawi loh chuan ka awm thiamlo, engtin nge ka tihlungawi ang che" a rawn tileha.

“Min rawn be tawh lo la, min rawn hmu tawh lo la hmeichhe dang vawiina i zui kual ang te kha va kawp rawh. Ka inhnamhnawih peih tawh lo, in beng dawn tawh ang kal rawh" tiin kalsawn ka tuma, a dawh theilo nge min pawt her lawpin min bawhtlu a, ka hmuiah chuan na zet hian a rawn fawpa, ka tal ve ngat ngat chu duh lo in min nawr na sauh “Lungawi lo chungin kal suh, ka ti tawh lo ang ka tihkha. Min kalsan suh, pasal i neih ka phallo. Tinge mipa dang neih i tum tho chuan kei hi min neih i hlauh em em bik?" a aw ah chuan natna a tel.

“Mawh Taitai, min iai tiraw i nau in pasal i neih tur thu min hrilha, a dik a nih hi. Nangpawh hian min iai a ni, inneih ka sawiin i pawm ngai lova mahse Aizawl mipa ngei neih i duh a" tiin a nui haka. A hmelah erawh a nuih a za lo hle tih ka hria “Vawiinah chuan engmah kan sawi thei dawn lo, ni e va haw tawh rawh ka let ange, hlim takin awm rawh" tiin a kalsawna. Chelh din ka duh, mahse a kal liam tawh. 

Tap chhuak lehin leiah chuan ka thu thla a “Tinge engkim hi a buai chhoh tak em em le, Hriatpui nang pawh u Chhana ang lek kha ilo ni, min lo ning ve tho a nih hi. Tumahin min dawm thei ngailo ang" tiin insut hraih hraihin ka tho chhuaka. “Tinge tu mipa mah hian min ngaihsak ve theih loh, duat leh dimdawi hi ka phu ve lo em ni" ka aw chu a ri chhuak che che chauh ani.

Ka hma a mipa rawn ding chu tunge a nih ka hailo “Hriatpui" ka mittui chuan ka khawhmuh a tiphe vek tawh “Kal ang, helai chu mi an veivak tam emai. Min ngaidam rawh aw, ka thinrim ve deuha" tiin a awmah min pawm beta. Hnial pawh ka peih tawhlo, ka chau zo tawh.

ZAWMNA...

A bike chuan min phurin an inlam min panpuia, ngawi reng chuan a hnungah ka bei reng ringawt. An in kan thlen rualin amah chu chhuk thla in ngawi reng chuan min rawn pawm leha, a kawnga inkherh betin a nghawngah chuan ka kuah tai ringawt. An inah chuan tumah an awm lo a nih hmel, a roomah chuan min luh puiin a khumah chuan min thut thlak puia “Min ngaidam ang tiraw" a rawn ti sapa.

“Ngaidam dawn lo, ka ngaidam duh lo che, nang hian eng atan mah min ngailo. Ka taksa i nei tawha chu chu min khuahkhirh nan hmangin min induh khum tih ka hrethiam ve vek. Khawngaihin min timualpho lo hram ang che, ka tuar anga ka theihnghilh thei em em ang che; chuvang chuan min hnaih tawh lo la ka duh, pasal ka nei emaw nei lo emaw min ngaihtuah suh. I rawn in rawlh loh phawt chuan engkim a tha a nimai, ka tihsual rah chu ka tuar chho mek a nih hi. Pathian laka ka thutiam ka bawhchhiat avangin tunah chuan chu hremna chu ka tuar mek a ni" ka thusawi avang chuan a taksa chu a rawn tang nghal tung mai.

“Ka theilo, chutiangin ka ngainepin ka khuah khirh lo che. I lakah ka pangchangin ka thu ka lo duh mah mah thina, min ngaidam rawh. I rilru ka hriatthiam ve loh avang pawhin min ngaidam ang che, aw...pasal chu min neihsan suh. Nilo keimah min nei mai rawh, tihian innei ang, mipa dang i neilo ang tih min tiam rawh" tiin min ena. A mitah chuan kalsan a hlau in a hreh takzet tih ka hre thei.

“Nilo e min ngaihtuah suh nang nen chuan inkawp tur kan nilo ania nge, buaina kan ngah tawh lutuk kan chhungte lam thlengin min biak duh tawh loh phaha. Tuna kan buaina hi kan tan a tha tura Pathian ruat pawh a nimahna, ka haw phawt ange" tiin ka tho chhuaka. Ka kutah chuan a rawn vuan leh vat “Aih ka duhlo, min kalsan suh, Taitai min kalsan suh khawngaihin" a mittui chu a mitah a tling pama.

Kal luih ka tum chu a rawn insut hrawiha, ka hawi let lehnghal “Lalhriatpuia tap ziah suh mipa i nih kha" tihlarin ka ena “Enge min then i tum duh, ka rilru ana a a ka tap a nimai a lawm. Mipa nih avangin tap suh tih a inziak lo, i duh leh pa lo pawh min tirawh ka tap dawn tho tho. An hmangaih berin kalsan se keilo pawh an tap tho ang" tiin a mittui chu a hru zauha. A tap nasa duh hauh lo thung.

He naupang hi ka hmangaih chu a ni sia aw“I chhe perpur kha a nihchu, then che tum apiangin i mittui khan min dan tum miah suh" ka kut chu ka kuangkuah hmaka. Rawn ding chhuakin ka hmaah chuan a rawn dinga “A pawi ka tilo, ka tap zel ang min kalsan ka phallo. Ka rilru hi i ngaihtuah miah lo em ni" tiin ka biangah a rawn dawma “Nangpawhin min ngaihtuah bik em ni? Ngaihtuah ngai hauh lo tiraw, chuvang chuan ngaihtuah lo tih thumal kha chhak chhuak leh tawh suh" ka ti nghata.

“Awle a nih in ngaihsak ve ve tawh ang" tiin khumah chuan min inher pui lawpin min bawhtlua, min kuahin ka samah chuan a chul nghal hauh hauh bawk. A chetdan naupang chhia viau mahse amah min duh tir tu ber a ni bawk si lai hi ka buaina a ni fo dawn a nih hi.“Naupang chhia pa" “Enge naupang chhia nu" a rawn ti ve nghal zat. “Kan naupang chhia ve ve chuvang chuan kan inhmeh tawk chiah, i la lungawi lo em ni, min hrem mai rawh" a rawn ti a.

Chuveleh a darah chuan ka seh sak nghal vaka,  na chu a ti ve tho tih hriat takin ka thlah rualin a ner sak sak mai “I beng ve dawn lo em ni nge inah min hruai haw reng reng" ka tihchuan “Ka hruai haw hma che in i haw a nihkha, min puh reng reng suh midangin an lo beng mai ang. An chak turah ngai rawh an thiam a lawm" a timaia, a ngaih a sam viau a nih hmel.

A ni berin a rin tawk miau chuan an ti tha turah ka ngai “Thinrim duh tawh miah lo ang aw, keipawh ka insum tawh dawn. Min then hi ka hlau, nichinah pawh khan hmeichhe ho bula awm kha nuam ka ti tak tak miah lo a nia. Hmeichhia angin nangmah bak ka en ngailo che ka tihkha, i thik turin ka awm pui mai mai a nihkha, dik tak chuan insum a har ve a. Hman tawh chuan mipa tan phei chuan insum a har lutuka, min hrethiam dawn a nia. Insum a har bawk nen" inthiam lo zeta a rawn tihchuan ka nem leh vek tawh.

“Ka hria a lawm, keipawhin ka dem em em lo che a nia, mahse khatiang hmun ual au leh mi pui punna ah kha chuan kan mualpho mai ka hlau. Chubakah tih fo pawh a tha lo, bawhchhe tawh mah ila ka tan chuan hrehawm chang a awm lo theilo " ka tihchuan ka kut chu la kangin a fawp zauh va.

 Bzi sak“Hmangaihna liah zuang lutin, a thuk zia kan hre mawlh silo; tunah erawh ka pil zo ta,engvang kher nge ka lo tawn che? Mampui eng tizia nge, Hlimte'n kan lenlai khan,ka tleirawl thinlung thianghlim min lo ruksak mai le" tihchu a play a, keimahni nun nen chuan a inang riau hian ka hria a. Chuvang te nge ni ka thinlung thlengin thu a sawi pha nia, hla ka ngaithla ngai meuh lova, mahse he hla chuan min hneh in Hriatpuia thinlung chu ahma ai ka hrethiam zawk nimaiin ka hria.

“He hla hi nangmah avangin ka ngaithla fo a sin Taitai, ka thinlung hi i ru a ka hmuh ni atang che khan ka taksa a bet siin ka thinlung ngei hian i lakah min phatsan ta asin" a tihchuan ka sawi tur hre lo chuan ka lei ka chhuah tet ringawt. A naupan ang ai hian a ril phian lehnghala, “Ka ti tak tak ania i tello chuan a hlim thei tawhlo" tiin ka hmuiah chuan a rawn fawp zauh va. “Hriatpui tuna i nih ang hian danglam lovang che aw, kumkhua a ka tana awm reng tur in nangmah bak duh ka neilo" a awmah chuan ka bawka.

“Haw ka tum chhan pawh ka lakah i lungawi loh a piangin hmeichhe dang i pana, kha kha keichuan ka duhin ka hmu theilo. Chu ai chuan ka inthiar fihlim zel mai ang" ka tih chuan “Ka tihpalh, ka tileh tawh miah lo ang. Ka hmangaih che " tiin a awmah chuan min kuah bei thana, nichina lunghnur em em kha tunah chuan hlimna in ka khat.

(SAWHTHING KAN LOAD A CURRENT AWMLO NEN KA TYPE THUI THEILO AW)