LALHRIATPUIA CHAPTER 20

LALHRIATPUIA

CHAPTER 20 

“Ka riak ve dawn " ka beng nul thuak thuak chunga a rawn tihchuan ka phu zawk mai “A tul lo" ka tinghal hluk, a tum nghal bur mai “Min phalsak ve mai la, chhunah lah khan zana i vah chhuah theihloh ringin ka lawmsak ve em em che a, zanah lawm leh tho bawk si" a tinui nui chu a biangah chuan piaiin ka sawi nawk nawka. A hmuiah chuan ka kutin ka hmehsak bawk.

“Min naupang chhe chei ziah suh, ka fawp mai ang che" a tihchuan ka nuih hak a, ka hmui chu ka tihpawrh khum kher a. Chuveleh a rawn chuk nghal zauh “I lo riah fo hi a tha lo a lawm, i chhungte mithmuh ah pawh a mawilo, i duh leh zantin ilo leng thei zawk alawm. Innei pawh kan la nilo a, a tha lo" ka tihchuan a ngawi vung vunga “Keini ai naupang inkawp pawh an riak dun fo alawm, ka hre tam emai" a tihchuan ka chet hlak.

“Khavang reng khan a lawm fimkhur angaih, tunlaiah chuan sualna a tam tawh lutuk a, thalai tam tak lahin hna thawh an peihlo a saruakin an live vak vaka, chu chuan naupang lehzualah thil tha lo a thlen ve leh chhawnga. A ram mualpho a kan mualpho reng hi, nangpawh thawnthu tawngthei tih hriat reng reng kha ngaithla fo suh, nuihzatthlak viau mahse midang zahlohna leh midang chhan peihna bak a thlen lo, khatiang mipa lehnghal tawng zut zut ang te kha a thing, ngaihthlak reng chi pawh a nih loh kha. Nuihna tur tam kha tha mahse a thalo zawngin enge nghawng a neih tihkha ngaihtuah rawh" tiin ka chawl deta.

Ngun lutuk chuan ka thusawi chu a ngaithla ve run mai “Khatiang kha nuihna tur tam mahse a tha ka tilo. A takah zir a awl , khatiang chiah khan awm dawn la nu leh pa i chhang mawi lo in midang nen in inkarah in huatna a thlen thei daih. Hmanni a naupang dawtsawi avanga mi pakhat tawrhna te kha i hre ve em, kan fate hi thlahrang thawnthu kan ngaihthlak tir tam lutuk vang ani pakhat ang. Chu mai bakah dawtsawi hreh miah lo a a awm chhan kha a nu leh pate atang pawhin a ni thei" ka tihchuan a bu nghata.

“Hlawkna kan duh avang hian kan youtuber ho lah hian an lo post chak nasa mai si nen dawt phuah in kan post chhuaka, media chak tawh nen mizote ah pawh nun thalo hman phahna tur kan chhawp chhuak kur zuta, khang ai kha chuan pasaltha te hi ngaithla zawk rawh, an nunah indo na aia zirtur tha tam zia hi ngaihtuahla. Tun anga kan tlawmngaih tawh loh zia leh aia upa kan zah tawh lo lutuk te hi enge a chhan ngaihtuah reng tur, mitin hian YouTube kan ngaithla nasa tawha, thalaite lam chenin kan thu ngaihthlak hian kan nun tam tak a hruaisual thei.

(Thubelh, ka thilziahah hian mi kah ka nei lemlo a, kan tunlai thil thleng kan thu ngaihthlak nasat avanga thil tha lo thleng chho mek ka tihlan duh vang a ni e aw, a bikin naupanga kan thil hmuh leh hriat kan zir chho zel hi kan insiam that a hun tawh hle. Naupang chu thil zirlai an ni a, tawngkam mawi lo leh thu thalo an ngaihthlak ngun hian an mahni ah tih ve chakna a awm fo thin)

Nang pawh ka sawi ang khan khatiang tawng thei zawt zawt lutuk hlir kha ngaithla suh, zir ve a awl. Thawnthu tha hi ngaihthlak tur, nuih hi hriselna nimahse kan tawngkam a zir hian mi pawisawi a awl. Fiamthu na tak hi a awma, keini leh a ngaithla tu te tana na lo kha a tuar tu tan a na thei tih hriat reng tur" ka tih dap dap chuan a ngawi ngar mai.

Ka ti tak tak kan thu ngaihthlak hian min kaihruai nasa tawh si a, hmanlai angin in len pawh leh in tihhlim kha a khat tawha. YouTube vel hi kan thil hriat na ber a nih avang hian kan nun kaihruai tu ber a ni tawh bawk nen thalai tam tak nunah a thalo zawngin a thawk mek chu a nih hi. Mi saruak live kan vawrh lara, a hma a tu khawkha in an ngaihsak loh kha YouTube lamah an sum lakluh nan an vawrh darha. En duh pungin sawisel reng siin pawisa chawia en kan duh tho chu ania.

Mizo te hi kan tenawm ru ka ti thin, hmanni lawka naupang dawtsawi avanga tuartupa te kha ka khawngaih, thu hrechiang hawt siloa sawisatute khan hremna an phu hliah hliah. A mawhphurtu ber chu kha naupang leh a chhungte kha an ni, an fapa dawtsawi hmang tak kha engtin mah tilo a an dah a nihchuan khatiang kha a ching hlenlo ang tih pawh a sawi theihloh.

“Kha naupang kha chu a mak ngawt mai, engtin nge khatiang a dawt a phuah chawp thiam" a rawn tih ve dut chuan “Nangpawh i thawnthu ngaihthlak atang khan phuah tur i hre teuh ang chu, kan fate phone kan neih tir hma thin lutuk a, hmanlai ang kha a ang thei tawh lo chu a nih hi, hmanlai naupang mizia leh tunlai naupang mizia a inang theilo a, chutiang bawkin thalai te pawh, khawvel changkanna in a kentel kan ti thla zena, mahse kan nundan tam tak hi chu hmanlai ang kha a la ni thei reng, kan tum lo mai chauh a ni" ka tihchuan ka biangah a rawn piai nawk nawka.

Mi thutak lai laia chutia mi rawn ti chu a chalah ka bensak a, “Awm mai mai teh, phone ah hian thil tha leh tha lo a awm teuha, a tha lam ai chuan a chhe lamin min pawt nasa tih hriatna em em chu a khat tawka rawn lar hat thil awm reng hi a ni, kan nundan a tha bik ka ti lo nangin hnamdangin min hmusit ta lutuk ka hriat chang hian ka rilru a na ve thin, Mizo hnam ka nihna ang hian ka na ve, hnam dang nei kan hmusita, kan mizo pui ngei nei lah kan rel reng tho bawk si. Kan nun dan hi a tawp chho telh telh dawn a nih hi" ka tihchuan a lamah min pawt hnaia.

“Engtikah emaw kan la tha chhuak leh mial mahna, khalam kha chu sawi tawh lo ang. Kan mood a tichhe dawn tlat, inneih lam te hi hawi tawh zawk ila mahse hna ka la nei bawk silo, ka nupui zawk hlawh ringa awm heuh heuh lah kha ka tum teuh silo" a tihchuan ka nui chhuak hak haka. “I bei hram hram ang chu, fate kan neih ve ngai chuan eng ka ti thei tawh awm silo a, pa berin min chawm a ngai tawh dawna, i tan viau angai ang" tiin amah chu ka en kiau a.

“A chang chuan nang ai hian u in hna nei ta ila ka ti thin. Ka nei vat thei ang che anga, duat dan che pawh ka thiam zawk bawk dawn asin mawle" a tihnuah nuah chuan a awm chu ka kheuh sak neuh neuha, keichuan heibak ka beiseilo “Mipa pawh hi zeilo chi in awma, hei ai upa pawh nila i zei loh miau chuan min tih dan vak i thiam dawn chuang lo. Kei chuan tuna i awmdan hi tha ka ti ber, ka hlim bawk thil dang ka mamawh miahlo, nakinah helai hmun atanga i awm bo hunah min theihnghilh nghal mai ang tih hi ka hlau ber" tiin ka rilru dik tak chu ka hrilh ve sap sapa.

“A teuuuh loo lutuuk, ka kalsan phal teuh lo che. Thlan leh thisen luangin ka nei thei tawk che a, awlsam taka kaltir che ka duh teuhlo, ka duh lutuk che hian hmeichhe dang min hmuh mawi tir zolo, ngaihtha deuhin awm rawh. I LALHRIATPUIA, i Hriathmelthaa, i bialpa chhelo ka ni reng dawn alawm. Nang zawk hi lo rinawm viau ang che, pasal lo um na teh ka chet dan tur ka sawi theilo" a tihchuan a hmui chu ka hup saka.

“Ka tiam tawh a lawm, keichuan ka thutiam ka vawng thin. Mipa lam in min phatsan hma chuan ka nghak ang che, mahsela nangpawh hian min kalsanin keiai hmeltha leh chhelo i thlang anga, na taka ka awm leh ka hlau ber" tiin a dar chu ka ngheng hnai sauha, u Chhana kha la ngaihtuah chhuah chang ka neilo theilo, ka nuna mipa ka tawn hmasak ber a ni ve miaua. Hriatchhuah loh chang a awm lo theilo.

“Kha mipa kha ngaihtuah chhuak tawh lo la ka duh ber a ni. Ani anga na kha chuan ka siam lo ang che, hma hun ka hrelo mahse nang phatsanin hmeichhe dang ka mutpui ve ngai hauh lo ang, ka tiam a che" a lungzawnah chuan ka kut chu a hmeh bela “Hetah hian nangmah i awm tawha, he thil hian a thlang bawk che. Mi pakhat chiah thlan a nei thin, engtianga kawplawr pawhin pakhat chiah an thlang tho vang. Keipawhin nangmah chiah niturin ka thlang che a, thlan nawn theih leh thlak danglam theih a ni tawhlo" a tihchuan a lungphu dat dat chu ka ngaithla a.

Ka tel ve nimaiin ka hria, ka feel thei a ni “Hriatpui,ka...." sawi tur pawh ka hrelo hepa hi a ni telin ka duhin ka hmangaih a ni. A awmdan hian min hneh telh telh bawk, “Nang chauh i ni reng ang, ka tiam a che min ring rawh, ka hmangaih che tih hi ringhlel suh aw. Ka hmangaih che tih thu ka sawina hmasa ber ini " tiin a kiai suka. Ngawi reng chuan a malah thu kaiin a awmah chuan ka bei vang vang a.

A tlai tawh tihlam reng ka ngaihtuah lo, tinge ka lo tawn har em em le. Keiai a nau mah nise tunah chuan ka pawisa tawh biklo ang, keipawh hian ka hmangaih a ni. Mahsela sawi phawng phawng hi ka ngam ve tlat lo, “Min hmangaih ve tiraw Taitai" a tihchuan ka lu chu ka bu nghauh nghauha, a rawn nui nghal hak. A hmel pawh ka en ngam lo “Ka haw tawh ange riah ve i phal siloa, naktuk zanah ka lo leng leh dawn a nia" a tihchuan ka thu tha vata.

“Awle lo leng leh ngei ngei rawh aw" ka tihchuan a bu nghata. A tho chhuak zui chu ka zui chhuak ve nghala, inpawnah chuan ding leh reng rawnin ka kut chu a vuana “Ka thusawi kha hre reng rawh aw, zu te kha i in leh hlauh ange. Ka duh lo a nia, nakinah kan pahnih tan mai nilo i tan pawh a thalo, ka lawm e aw ka birthday tawhah chuan ala ropui ber" tiin ka nuiha.

A biang a rawn dawh chuan hrethiamin ka lo fawp zauh, in mangtha in thim kara a liam lai chu ka en zui renga. A lan theih tak lohah chuan ka lut ve ta thuaia, zinga ka tho chu ka nu call a lo awm tehmiala. Ka call back nghal vat “Aw bawihi phone i va la theilo em em ve " a rawn tihchuan ka thawh chiah thu chuan ka chhanga a rawn thaw hak mai. “Hei khalam mi mikhual kan in bul maiah a rawn awma, a thusawi hi a dik em? I zirlai i ngaizawng tih hi" a rawn tihchuan ka phu deuh zawk a.

A tu chu nge ni ang“Nu" ti ringawt chuan ka chhanga “A dik em, nang ai naupang daih i ngaizawng em ni? Min chhang rawh" a rawn tihleh chuan ka mit ka chhing sawka, hetianga an hriat hi ka duhlo keimah ngeiin hrilh ka duh zawk a sin le. “A dik a lawm, mahse a puitling takzet a sin" ka tihchuan ka nu chu a rawn thinrim nghal ngei mai, ka pa rawn tawng ve nghal pawh chu ka hria a.

A tih than ngai bawkin thu ngaihthlak nuamlo pui pui a chhak chhuak leh tawh, Hriatpuia chu bansan nghal turin min tibawk. Mahse ka tum lemlo, ka duhthlanna hi chu min zahsak ve ka phut a sin le. Kalsan ka tum loh thu ka sawi chuan an rawn ang tawn tawna, chhan ka tum lemlo, ni e min hringtute an ni a ka tan chhan vak a mawilo, nimahsela tinge ka ai naupang ka ngaihzawn avang ngawta hetiang em em a an thinrim mai ni.

Phone chu ka dah zui ta daiha, thaw pik zet chuan ka thaw chhuak nghal halh bawk. Hriatpuia chu kalsan ka tum lo hrim hrim, ka hmangaiha a tan chuan ka tuar huam ve tur a ni.

ZAWMNA..

Chhun lamah chuan inah awmin ka nute thusawi chuan nilengin min ti awm nuamlo. Mahse Hriatpuia kalsan ka tumlo, atan ka engkim ka hlan tawha. Kalsan theih a ni tawhlo, an fanu ngaihtuah miahlo a khatianga an tawng pawp pawp khan min tina a ni, engvanga phallo em em nge an nih? Mi pawh an aia naupang nen an innei ve tho a hetiang buaina hi an nei bik tawp silo.

oo

Ka nutei pawh chu ka nu chuan a bia a ni ngei ang an tihdan vel chu a sawia “I nu leh i pa hi chu an buaithlak a ni e, hei vang hian a nia a hma atanga ngaizawng lo tura ka tihche. Mahsela in in hmangaih viau chuan keini sawi tur a awm lo, in beih ve deuh a ngai dawn a nih hi. Nu leh pa thenkhat hi chuan an fate duh nilo in an mahni duhzawng hi an thlang ngawt thina, chu chuan fate nun an tihchhiat tir fo thin, hmanlai atangin kan nundan a la bo theilo ber a ni bawk" a tihchuan ka pawmpui viau.

Hriatpuia sana min pek ka bun mi chu ka khal neuh neuh a, a niin ka tan theihtawp a chhuah laia kalsan tu bik lo nihkha ka tum lo “Awhaw, kha chu rangkachak elo? A va to dawn ve, tunge lei che a" nutei in a rawn tihchuan ka nuihsaka “Hriatpuian nimin khan min pe a, lak loh ka tum viau nangin min hnawn lui tlat sia ka la hram a nih hi" ka tihchuan a mit chu a chet ralh ralha. A nui hak hak bawk.

“A ngaihlu ve hle che a nihchu, engpawh chu nise ka sawi tawh ang khan in tuarchhel a ngai a nihchu, engpawh thleng thei a ni a. In pahniha in rilru a pawimawh ber" tiin insu tur in a kalsawn zuia. Keipawh chu pawnlamah chhuakin nilum ai chuan ka thu a, kum tawp lam a ni ve tawh bawk nen a vawt ve vur tawh mai. Ka nu chuan min rawn call leha, engdang sawi leh lo chuan a hma ang bawk thu chu a rawn sawi leha.

“Nu ka hmangaiha kalsan ka tum lo, keiai a naupang tihchu ka hria a lawm. Mahse kan in hmangaih tawna chu chu enge a thatlohna, mi pawh an innei fo va an hlim lo chuang lo" ka tihchuan a rawn chek tlak tlak a “Thlah rawh ka tih che chuan thlah la a nimai, helamah pawh sawrkar hnathawk ten an duh thu che an sawi chamchi a, i pa nen pawh nei ngei la kan duh bawk. Khalamah i awma thu i awihlo zo tawh a nih hi, i bialpa hmasa lah kha ti kha a nia kan thu chu zawmla a nimai" a tihchuan ka in hum ruh ve ngar ngar mai.

“Nu ka pasal turah chuan ka duhthlanna ngei ka nei dawn, vaiho anga mahni fate neih tur lehzel thlansak kha in tih loh hram ka beisei, Hriatpuia hi ka kalsan dawn lo. Ka tihpalh, mi in pawmpui lo a nihpawhin a pawilo, ka kalsan thei tawhlo" ka tihchuan ka nu chu a rawn ang leh vaka, ka pa lah chuan haw turin min tibawk. Engmah sawi tam duhlo chuan phone chu ka off a, Hriatpuia an duhlo lutuk chuan min tina a, ka tlawm a la bawk.

Kalsan lo turin ka rilru an tinghet sauh sauh zawk, kum a tawp anga reiloteah ka tan a kal bo anga. Chumi a rawn kir leh hun chu ka lo nghak reng dawn a ni, a niin min phatsan hma chuan ka kalsan dawn lo. Zanlamah a rawn lenga Dina te ho an tello ve tehkhiah mai, amah chuan a rawn lut a, a inthlahrung ve deuhin ka hria. A hmel chu ka lo en vang vanga, ka nute thusawi ka ngaihtuaha inneih sawm mai te ka duh rum rum mai.

Nutei ten an lo biak bawrh bawrh takah chuan a tlangnel ve leh nghal mai ang. An ni ho pawh rei thu lo in room lamah an lut diaka, chuveleh min rawn thut hnaih nghal vat “Ka zak e " a tihchuan ka nuih haka “Makpa interview a nisia a awm ve a lawm" ka tihchuan a hmui kum deuhin a nui put puta, a dar ngheng chuan ka bei nghal chial mai.  A rim te hi hriat vek ka duh “Thil thleng a awm em?" a changa ka melh ngai ka melh leh ngawt ngawt thin chuan a ngaih a ti tha lo a ni ngei ang.

Ka lu chu ka thing nawk nawka “Awm lem lo e, ka ngai che a" ka tihchuan a lamah min pawthnaiin min kuaha, ka kuah let ve vat. Ka hmuiah chuan duhthawh zet hian a rawn fawpa, keipawh chuan dan ka tum bik lo ka theih ang ang chuan fawpin a taksa chu ka zut kuala. Kan pahnih chuan kan danglam ve ve tih hairual a nilo, ka beng bulah chuan a rawn thaw deuh huam huama.

“Ka lo riak dawn aw" a rawn tih khurh dar dar chuan hnial pawh ka tumlo. Ka rilru buai leh hah nen ka bula awmtura ka duh ber a ni, kawngka chu va kalhin thawm dim tak chuan ka room lamah kan phei a, khumah chuan min delh tlu in min fawp leh nghal buan buan mai, chumipah chuan kan thawmhnaw in bel chu kan hlip sawk sawk bawk. Engdang mah ka ngaihtuah thei tawhlo, a dul thep zaihah chuan chulin ka thaw halh halha.

“Ka mamawh che" ka tihchuan a rawn nuisuka, ka hmeichhiatna a nuai nak nak chuan a kut chu hmerin ka mit ka chhing sawka, ka taksa chu sawifiah thiam bakin a awm. “Taitai min en teh" a rawn tihsap chuan ka mit chu ka mengchhuaka, a mitmu dum fiah kak chu a tle ralh ralh mai. “Min mamawh takzet maw? I duhchiang chiah em, tun kan tih leh chuan nidangah ka insum thei tawh dawn miah lo ania" a tihchuan engmah ka ngaihtuah hman tawhlo.

Ka taksa hian a mamawh lutuk tlat “Aw thil dang ka ngaihtuah duhlo, tunah Hriatpui" ka tihchuan a rawn che zuia, a boxer chu hlipin a thil khawng auh chu ka kap karah chuan a rawn vaw thlawpa, a mitchhingin thawk a la vang vanga. Chutah rawn meng leh in muangchang hian a rawn lut zui riai riaia, ka lo rak that mai.  Ani erawh a rum hawk thung, ka lukham ah chuan rawn innem khalhin a kawng chu a ti che a.

Chuveleh ka hmui hupin ka taksa nuam tuar chu ka rak chhuah mai loh nan ka in pet ruh fan fan mai. “Ka ta chiah i nih hi" tiin ka hnute chu a tham tawn tawna, nutei ten kan thawm an hriat ka hlau bawk nen ka insum zawh loh ka hlau takzet. A hnungah chuan ham in ka mittui a tla thei hial mai “Ka hmangaih lutuk che Taitai" tiin a che na sauh va. Ka zo tur chu ka chhunglam atangin a rawn intham tup tupa au chhuah hlau chuan ka fawp chawta.

Ka taksa chu mar vakin ka zawi nghal hnawk mai, ka taksa chhunga lum puat puat chu ka hailo. Hriatpuia chuan min en reng tih ka hria “Min hrilh tawh rawh" a rawn tihchuan zawhna mitmengin ka ena, ka sira rawn mut thlak pah chuan min kuah betin “Hetiang thil i tihna chhan hian awmzia a nei ang, i rilru a buai tih ka hria Taitai min hrilh rawh" a rawn tihleh chuan ka thaw ham ham mai, ni e ka nu leh pa avangin alakah in ngaihtuah fim hmanlo in ka inphala .

Mahse pawi tihna ka nei chuang lo, kan vawikhatna a ni tawh miau lo. “Ka nuten min rawn bia a, he khua a mi hi kan thenawmah zuk thlengin a ni chuan kan chanchin a lo hrilha" tiin ka ngawi deta. “Ka nu leh pa in kalsan tur che leh nupuia min dil tu an awm thu leh a nichu nei tura min tih thu an rawn sawi a, ka hniala" tiin ka mittui tla tur chu duhlo in Hriatpuia awmah chuan ka hmai ka phuma.

Mahse ka mittui chu a tla ta tho va, Hriatpuia taksa chu a tang nghal teuh mai “Chuan Aizawla haw thla tur leh ka hna hi chawlhsan turin min ti a, mahse ka duhloh thu bawk in ka chhanga. Min tuithlar hial an duhthu an sawi khan min tina takzet, khatiang thu kha ka nu leh pa lak atang ka dawn ka ring ngailo. Ka theihtawpin ka enkawl ve a, mahse ka kawppui tur ah duh thlang theia min siam an tum lo hi ka na em a ni" tiin ka insut hlawp hlawpa.

“Hrep chuan tu mipa mah i nei ngailo ang, ka ta chiah i nih hi. Ka ru mai ang che, i mittui kha titla suh,  i nu leh pa chu rintlak ka nihzia ka la hmuh ang. Taitai min nei mai rawh" a tihchuan ka rilru a buai ve takzet, mahse tun maia inneih chu ka la zuam bawk silo, kan pahnih hian kan la inpeih tawkin ka hrelo “Nilo e nghak rih ang aw, i zirlai hi zo phawtla ka nghak thei che ka tihkha, nang lo mipa dang neih ka tum biklo. Chuvang chuan i nihtum te han ni phawt la, hun kan la ngah a lawm. I hma hun tihchhiat sak he ka duhlo, naupang taka i ko a mawhphurhna a tlak chuan nakinah kan chhiat phah ang" ka tihchuan a thaw ham ham mai.

Ni e hnial thei tur ka nilo, alakah ka in phala nupa ang chiahin kan khawsa tawh bawk. Mahse a duhzawng ti hman lo a ka siam chuan nakinah ka laka a lungawi lohna tur a ni tih ka hre chiang viau, tin tlangval a kham dawn bawk hek lo. Tunah kum 20 na ang tur a tan ve meka, a tlangval lai a chen loh zawngin nakinah keimah bawkin ka tuar leh dawn. Chu ai chuan puitling taka a awm hun nghah pawh ka duhzawk.

Nimahsela kan hun tawn dan a zirin ka rilru ka thlak leh thei bawk. “Awle, mahse mipa dang i neih ai chuan ka ru ang che, nangpawhin min hmangaih chuan min tiam tur a ni i thei em?" a rawn tihchuan a kut chu ka hum vata “Ka tiam a che, ka nei ngei ngei ang che" ka tihchuan ka hmuiah chuan a rawn fawp leh vawng vawnga. A awmah chuan bei chialin ka thaw ham ham mai, kan taksa chu ala ruak kanga.

Puan chu a ke chuan la chho in min sinpuia, ka mittui tla chu a kut chuan a rawn tuai nghal zauh “Hahdam tum rawh le, ka bialnu hmeltha deuh mitah hian mittui a awm ka phal miah lo a nia. Tah i in hmeh ve lo, i taksa pawh hi keima hmuh bak ka phallo, i show ve vak chuan ka thinrim viau ang" a tihchuan ka nui haka “Ka ngam ve teuhlo, hmeichhe pangngaiin an ching ve lo, ka taksa hi mi zawng zawng hmuh turin ka phal bik hleinem, nang erawh ka ring che a ka hmangaih bawk che. Ka insum theilo reng bawka" tiin hnuailam chu ka melha.

“Ka tum ngai miah loh leh inneih hma chuan ka vawng ang ka ti thina, mahse nang ka tawn meuh che chuan ka thutiam zawng zawng ka thlauhthla a, ka phatsan ta a nih hi. Mahse ka inchhir chuang lo, nangpawhin min hmangaih tih ka hre si a " ka tihchuan hahdam hmel lutuk hian a thaw chhuak a, a awmah chuan ka hmai chuan nawr kualin a dul thep tangah chuan ka kut ka daha. Sap mipa ho pian nalh tak tak ang mai a ni.

Ka lo dream ve fo thin an bialnu ten chhuang taka an lo show thin ang ngei kha. Ka fel famkim biklo, mahsela ka theihtawp chuan ka nun hman that ka tum thin, ka sawisel fo te tan pawh sawisel letna tur ka nei ve fo. Mahse a lang apaua tihlan erawh ka nei ve ngailo thung, ka tha bik lo a mi thianghlim tak ka ni tawh biklo. Ka chhungte lakah pawh an duhzawngin ka awmlo mek chu a ni si a.

He khawvelah hian mi tha famkim hi kan lo awmlo, keimah ngei pawh inthunun theilo hian midang nun ka lo sawichhe thin a ni si a. Hriatpuia ka en chu alo muhil daih tawh, tun a chinah chuan mi nun a inrawlh lovin ka nun leh keimah in ena, Hriatpuia chiah ngaihven ka tum tawh ang. Tumah hi kan tan an awm thei tak tak lova harsatna hi mahni ngeia hneh dan zir ka ngai ve ta ah ka ngai, ka in nghahna ber ka chhungte lak atang lahin engmah beisei chi a ni tawh silo.