LALHRIATPUIA CHAPTER 18

LALHRIATPUIA 

CHAPTER 18 

“Taitai" ka biang rawn nul dan dan tu avang chuan ka mengchhuak riai riaia, Hriatpuia chu ka chungah a lo bawk leh ran tawh. Ka thawk a sak nghal vek “Ka mamawh che" tiin a rawn insiam rem leh sawk sawka, hnial bik lo chuan a chet theih nan ka lo insiam rem ve bawk. Nizan ang kha chu a nitawh hauhlo, ka taksa chu nawmna in a rawn tuama ka au chhuak ta that that mai.

Hriatpuia chu nghet zetin ka pawm beta, ka taksa chu a sa pup pup bawk. A ni pawh a bang lo ka hmui bulah chuan a rawn thaw ham hama, a mit a chhing duar duar bawk “Ka....ka zo dawn" tiin ka phun sap a. A ni pawh chuan a rawn duhthawhin a che rang sauha, chu chuan nawmna nasa zawk chu min pe in au rin hlau zet chuan ka ka ka hupa, ka khur nghal ngawt ngawt mai.

A ni pawh chu reilo teah a rawn mu zawi hnawka, ka lo kuah bet vat. “I tha em? Ka tina che em?" min ngaihtuah tih hriat zet hian ka taksa chu a en kuala, ka tha tih hriat tir nan ka lu ka chet na chuan a ti thaw huai mai. A chungah min pawt kaiin ka hnung ruak kangah chuan a chul hauh hauha, “Ka rai angem le" ka tihchuan ka chalah a rawn fawp vang vang phawta.

“Ka nei mai ang che" a tihchuan ka nui deuh hak “Ka chhunglam atang hian ka nuamlo huih mai, ka khua hi a sik dawnin ka hria" ka tihchuan “A hmasa ber chu a ni thin an tia lawm, vawiin pawh inah kan awm mai dawn em ni" a tihchuan ka hnial nghal vat. Kan awmfal ngun lutuk chuan ka rai tak tak ka hlau, hetiang tawng tur hian ka la in peih tawklo.

“Karlehah in exam tawh dawna, chuvang chuan school pelh theih a nilo. Keipawhin suggestion tlem ka pe duh cheu, ka tha leh mai ang" ka tihchuan min hnial biklo. Thaw huai chuan tho chhuakin ka thawmhnaw chu ka ha mawlh mawlha, ka chetdan chu min lo en char char bawk nen a lam hawiin ka mit chu ka kan zauh va “Enge ni ta" ka tihchuan rawn tho chhuakin a thawmhnaw chu a inbel ve a.

“Engmah nilo e, i mawi ema ka en kham theilo che" a tihchuan ka lei ka chhuah zauh ringawt. Pawnlamah chhuakin rawngbawl tur chuan ka che rak raka “Ka phei phawt ange, khawthim laia phei ngai ziah hi ka ning, ka nupui ni tawh mai la ka duh, school kal turin ka lo nghak ang che" a tihchuan ka hnial bik lo. A chhuah hnu chuan ka thaw ham hama, tunah chuan insum zo lo in a lakah ka in phal tawha, pawi tihna em em pawh ka nei chuang lo.

Ka hmangaih avangin alakah ka in phala, mahsela a ni in ka rilru ang a put loh chuan ka tuar tawh mai ang chu. Ka hlauhthawn ber zawk erawh kan awmdun theilo ang tih hi a ni, a tleirawl at thil mai mai ah a ngai ang tih ka hlau bawk, chaw eikham chuan muangchangin ka insiama. Ka kawchhung lam atang chuan ka nuamlo in ka sa huam mai, Hriatpuia ka pan lai te chuan ka zawi deuh ngiai a . Chiang zet hian min lo en bawk.

“A hrehawm viau em? Tinge ina awm leh chu i duh mai loh" tiin ka chalah chuan a kut in a rawn khawiha “Ehe i pang a sa a nih hi, Taitai damdawi ka va lei lawk ange tah hian lo awm rawh" tiin dawr lam pan chuan a kal hlawk hlawka. An kawtah chuan thu in ka biang chu ka dawma, reilote tal pawh class ka kal loh chuan zirlai ho in suggestion an mamawh ve dawn bawk nen chawhnu lam ka chawl mai ang chu.

“Kha hei hi ei rawh aw" tiin nachhawkna chu a rawn kheha, a bag a tui chu ala bawk. Keipawh chuan hniallo in ka lo ban ve maia, a tuium chhin chu hawngin min rawn pe leh nghal zat. Ka damdawi ei chu min lo en renga, a hmelah chuan a inthiam lo ve hle tih ka hria, “Kal ang hmiang, i bike hi vawiin chu keng leh mai la ke a kal ka huphurh riau, hetiang hi chuan chawhnu chu chawlh ka la mai ang" ka tihchuan ka sam tla chu ka benga rawn zeh pah chuan a bu nghat mai.

A bike chu va la chhuakin ka bulah a rawn dinga, a in rah khalh pha bawka a control hneh viau mai. Ka rilruah ka thil en an bike rah khalh phalo a mawng tawlh tel ngaia ding ve tai ho a rawn langa ka nui vur vur mai, Hriatpuia lah chuan mak tih hmel zet hian min lo ena, engmah sawi lo chuan a chhip buk lai chu thamsak zauhin a hnungah chuan ka lawn zuia. A hnung chu rinchhanin ka bawh bet ran bawk.

Ka mit chu ka chhing zuia, school kan thlen rual chuan ngawi rengin office lam chu ka pan zuia, midang in min lo biakna chu a rul tawk te te in ka chhanga “I nuamlo em ni" Nunkimin a rawn tihchuan ka lo bu nghat ringawt “Ka khua hi a sik deuha, chawhnu lam chu ka lo off san mai ang cheu" ka tihchuan an lo rem ti ve mai, class ah chuan lut kualin zirlaiho suggestion ka pe zung zunga. Hriatpuia te class a ka luh chuan ka en zawka.

Hmeichhe lo thu ka hmuh chuan an hmuh loh lamah ka ner sak, Lalhriatpuia lah chuan engtin mah zuk ti lova “Helaiah hian pawnlam mi duh duha luh phal a nilo,min lo va chhuahsan dawn em ni. In duh leh ban ah te in inhmu zawk dawn a nia" ka tihchuan thinrim hmel zet hian a chhuak tau nghawng nghawnga. Lalhriatpuia ex a nih vang hrim hrim pawhin ka millo ve tawp, an exam atana pawimawh tur chu ka sawi mawlh mawlha.

Ka sawi zawh rual chuan pawnlam ka pan nghal nal nal, thinchhia in ti viau mah ila tunah rih chuan keimah ka nihna ah hian ka lungawi, fiamthu thiam leh tawng tam deuh hi chu an bula awm nuam viau thin mahse rilru tha tak hi an vang duh phian,Jonathan-a a tang hian a chiangin ka hria, fiamthu thawh zut leh mi hnialfiam zut zut ho hi chu inhnial tak takah pawh hian an lo tawngthei nge nge a, ka hriat chinah keichuan rilru tha tih ka la neilo.

Ka dik lo nge pawh ka hrelo, an fiamthu thiam vang a ni pawhin ka hrelo. An tawng theihna an pholang mai maiin ka hria, lunch break lai chuan haw tumin gate lam ka pana. Lalhriatpuia lo ding reng ka hmuh chuan ka ding dat, a bulah Rosy-i ka hmuh leh avang chuan ka tum nghal hmak bawk. Nizan lawkah khatiang khan kan awma, hmeichhe dang bula a awm chuan min tilawm lo takzet.

Kal pelh mai ka tum lai chuan “Ka thlah lawk ang che, lo chuang rawh" a tihchuan a mah chu ka en chho ha a, a thu chu zawm beisei zet hian min mitmei bawk “Angailo ve, class ah lut zawk rawh. Ka kal phawt ange" tiin kal leh mai ka tuma “Taitai i thinrim em ni? I nuam deuh tawh em?" tihpaha ka pang rawn khawih a tum chu ka lo awmsawn vat “Ka tha a ngailo ka tih tawh kha, in a hla chuang lo a ke in ka kal thei" tiin ka kalsana.

A bike chu tinungin Rosy-i kohna pawh ngaihsak tawh lo chuan ka zawnah a rawn tlana “Thinrim lo la, lo chuang rawh ka thlah ang che. I nawmloh kha" a rawn tileha, hrelo ang mai chuan ka kal lui miah miah mai. A dawh theihna in a tlin tawh lo nge rawn chhukin ka kutah a rawn vuana,a bikeah chuan min hlang kai nghal nawlh. Hnial leh ka tum chu na zet hian ka dar a hmera “Rosy-i vang khan thinrim ringawt suh, ka thian mai ani ka tih tawh kha" a tihchuan chhan pawh ka tum tawh lo.

Ngawi reng chuan ka thu ngara, a ni pawh chu engmah sawi tawh bik lo chuan bike chu a start a, a tlan chhuak nghal zat. In kan thlen rualin chak zetin ka kal a, kawngka khar mai ka tum lai chuan a rawn inthawlh lut hman tho nia. Engmah sawilo chuan ka hmuiah chuan a rawn fawp tawn tawna, namsawn ka tum ve ngat ngat chu duhlo in ka kut chu a man bet hmak bawk.

“Ka hua che, nizanah i lakah ka inphal avang khan min hmusit hauh suh, Lalhriatpui nang chauh mipa hi an awm bik lo ania" ka tihchuan mit chuar nungin min en a “Ka hmusit hauh lo che, engvanga ngaihtuahna mak pui pui nei nge i nih? I nuam lo a i ngaihtuahna a buai a nihkha, tihian inah hian awm ila a tha, ngaihbel tur i hmu thei mai mai" a tihchuan ka tlawh leh awk “Chhuak rawh a bula awm kha i kham lo viau a ni lawm ni? Chhuak nghal rawh hmeichhe thian i neih chhung chu min be tawh suh" tiin ka nam nawk nawka.

A chesawn duh eihlo lehnghal, engtin nge hetiang em em a tha a neih ni “I rilru hi a mak emai" a rawn ti bul bul a “Amak loh i duh chuan hmeichhe dang kha hnaihlo mai rawh."

“Awle" min chhang awlsam lutuk chuan min tilawm chuang lo ka chum leh vaka, a tawpah min pawm bet in sofa ah chuan min thut puia “A tawk ka thian ka tih tawh kha, ka hnaihlo school ah a rawn kal si a ka bulah a thumai a lawm, tinge i huat tlata ka ex nimahse duhna ka nei tawhlo" a rawn tinghet charha. Ka lawm chuang lo,ka ngei tho tho.

“I su kuh a nihchu" ka hmui chu ka hup chawt, tinge kha thil kha ka sawi lei chhuah zukin lehlam chu ka hawia. Zahmawh sawi hi a lo sim theih miah loh a nih hi “Lalthakim khatiang kha engvanga sawi nge i nih, ka nei bawk lo" a rawn tih hluk chuan ka lei ka chhuah leh zauh va. Sawi ka tum pawh a nilo a mahin a rawn lang tawp a nihkha ti a au chiam mai ka duh. “Khatiang kha vawikhat mah sawi tawh suh ang che" a rawn tileha.

“Ka thu thu chhuak rawh, i hmel hmuh hi ka peih rihlo, chhuak phawt mai teh. I tlai ange class  tan a hun tep a nia" tiin awmsawn mai ka tuma. Ka kawngah nghet zeta a kuah tlat avang chuan ka nuamlo sa nen ka tang thei der lo “Min thlah rawh ka tihchu" a kut chu hmeh phelh ka tum ngar ngar, mahse a nghet lutuk tlat. A khabe chuan ka darah a rawn nawra, a hmui chuan ka biang vel chu a fawp kual bawk.

Chu chuan min tibuai ru leh vek tawh “Hetiang chung hian ka kalsan lo ang che, i lungawi lo tih hre rengin engtin nge lehkha ka zir theih tawh ang. Chubakah i damloh hi keimah vang a ni a, keimahin ka enkawl ang che" tiin min pawm tha in min thawh pui nawlha, roomah chuan min hruai lut nghal zat, “Haw phei vat ang che, in i nei ve renga heta awm reng hi a tul ber lo. Chubakah nutei te pawh naktuk lamah chuan an lo haw thei tawh ang" ka tihchuan a ngaihthlak hmel tehchiam lo.

“An duh leh lo haw sela, ka bialnu damlo ka enkawl a nih hi" a ngaihsam lutuk hi chu a buaithlak chu a nih hi. “I chhungte hmuh leh hriat ah pawh a mawi lo, engtin nge min ngaih ang ngaihtuah vela, nang chu mipa i nia engtin mah a nghawng ve lo ang che. Kei erawhin sawiselna tinreng ka tuar thei a sin" thutak zet hian ka ti a, a ning deuh nge “Ninawm phun peih si, nula senior hi chuan phun leh sawisel bak an thiam lo an tia i nihchiah hi,rawng ka bawl dawn phun reng mai" tiin a chhuak zuia.

A hnung lam atang chuan rum zetin ka en ringawt, ngeiawm lutuk mai. Keipawh chu insiam remin ka mu tha sat sata, ka lo muhil a ni ngei ang Hriatpuia ka bula a mut lai pawh ka hrelo, ka harh leh chuan min kuah chungin a lo muhil sak saka, a muhil hmel hi hmuh a nuam takzet.  A hnar ngul sang vah chu ka khawih saka, a mithmul sei lam mah chu a inhmeh hle bawk, a hmui phir deuh thaiah chuan khawih sakin ka nui ver vera.

A rawn chet tak tual tualah chuan ka insiam rem vat, ka mit chu ka chhing hmak bawk. Ka bianga a rawn rin riak riak chuan ka mengchhuak lo chauh “Ka hmangaih che thinchhe duhawmnu" tiin a nui haka, min kuah hnaiin ka samah chuan a chul hauh hauh mai. Thinchhia min ti chu ka lawm lo lek lek, mahse engmah sawi duh lo chuan harh hlim ang mai chuan ka che tiah tiaha.

“I mutui em?" ti a min zawhna chu chhang lovin “Tinge ka bulah i mut leh ringawt, haw phei tawh rawh" ka tihchuan a tum leh hmuk tawh. “Ka duhlo, ka ni te pawh ka hrilh vek tawh. I damlo tih an hria a an phal, chubakah ka rawngbawl te pawh ei dun ve ka chak a lawm" tiin a tho chhuaka “Inti harh rawh, i mut tam a vang i phunchiar a reh lo emai chaw ei ila a reh deuh mahna, ka lo va tilum nawn leh ange" tiin a chhuak zuia.

A hnial hman thin loh reng reng, keipawh chu in phih harhin pawnlam ka pana, a lo che mawlh mawlh chu ka en reng, kawr a ha lo a. A hnung lam zawng pawh chuan a pian a nalh hle tih a hriat, pan hnaiin a hnung atang chuan ka kuaha. Chutih lai chuan kawngka chu rawn inhawngin Dina a rawn au lut nghal lawng lawng mai “Eh! eh eh, an lo inpawm romantic vel en ve mah teh u. Khawi maw Hminga in pawm ve lawk teh ang" tiin Hriatpuia hnung lam atanga ka lo kuah dan ang chiah chuan an inti zir kuala.

HRIATPUIA HNUNGLAM ZAWNG 🤭❤️

An va ngeiawm tak “Ti tak kha chuan tu te emaw pawh in an kha" tin Zira chuan sting a rawn phawrha, in a tum rual chuan Dina bawk chuan a lo ben thlak sak “In suh, a tenawm sahbawn nen va sil rawh, tunlaia lar luai luai te hi i hre ve nange, sil phawt tur " a tizui duaha. “A ho e, heta miin a rawn ti pawh nilo. Khawi ka inchak tawh teh a nia, a rim pawh a nam reng reng lo. Heichu vantirhkoh thianghlimtei a nih hi" tiin Zira chuan a ina.

“Aw haw le, Ziran tu emaw thil a in e, awi uakah"Roland-an a lo tihrualin an thian ho chuan an uak tuar tuar a, an va han sual thiam tak e aw “In chhe lutuk, ka sil sa vek mi thianghlim a nih hi ka tihchu, taka Chhipruaka thil chu in ru thei ta em?" tiin an inzawt kuala. Engmah ka hriat ve loh avang chuan Hriatpuia chu zawhna mitmengin ka en a .

“A theihai lawhsaka zawrh an tum a nihsaw" a tihchuan Dina te lam bawk chu ka ena “ Hey tu thil mah ru su aw, ka sawi cheu a nimai" ka tihchuan “A ho nangpawh lo tel ve rawh miss, a nuam iti dawn lutuk. Chubakah Hriatpuia nen in chungchang a lo sawi vang hrim hrim khan tihbuai ve hlek a phu, hman zan kha chu nihnih vel a e tha theilo an tia, a chhungten an sawi kuala. Ka nui lo chauh a ni,min man chhuah ka hlau sia ka insum hram hram a ni" Zira chuan a rawn ti zat zata.

Ani reng ang chu mawng in kawm sak te chu ana dawn em a sin, Hriatpuia nen chuan chaw kan eisana, kan sawm ngial pawhin an puar tawh thu an sawi bawk nen ngawi rengin kan ei mawlh mawlha. An ni erawh ml khel in an lo rak chel chul mai, an in hau thul. Kan bengchheng tih piahlam a ni.