LALHRIATPUIA CHAPTER 11

LALHRIATPUIA

CHAPTER 11

Che hrut hrut avang chuan ka mutui lai chu harhin ka mengchhuak riai riai a,Hriatpuia thawh tum mek chu ka hmu zui nghal zat. “Khua a var tawh em ni?" ka tihchuan min rawn enin a nui saka “La var lo deuh, midang thawh hma a ka insawn loh chuan, ka kal phawt ange zingah kan in hmu dawn a nia" tiin a kal tum tawh chu a rawn let leha.

Ka hmuiah chuan a rawn fawp tawk a, a awmsawn rualin a bo zui chu a nimai. Keipawh chu insiam remin ka mit ka chhing zui leh mai bawk “Thawh a hun e" ti a au lauh lauh chu Zira a ni tih a hriat nghal. An thian ho chuan thleng an vaw ri vak vak a, thawh loh theih pawh a nilo. Sam hnawk luau chung chuan ka vak chhuak a, min hmuh rualin min lo nuih uar uar lehnghala. Hriatpuia chuan min rawn pan phei vat a.

“Nizan in che na deuh em ni?" midang an la rawn tho lo bawk nen mi chu an fiam an fiama, Hriatpuia lah chuan a chhang duh thaklo. Ka sam khuih dahna min zawtin amah chuan ava la a, ka sam chu min khuih sak nghal mawlh mawlh mai. Dina te ho lah an lo ngeiawm ve char char bawk nen kan ti le lu mai, zirlai hmeichhe rawn tho chhuak ho chuan min thik hle tih ka hre thei.

Hriatpuia te thian ho hi an hmelthat bakah an bula awm hrim hrim a nuama, chu chu an chak ve tih ka hria. Ka sam khuiha tawn mawlh mawlh tu chu ka en chho ha a, zingkarah pawh a hmeltha tho “Lo awm tha rawh ka tawn theilo" a rawn tihchuan ka nui hak mai. Inherin ka insiam tha sut sut a “Nang ni hi in miss in nel mah mah a ni, Lalhriatpui nang phei chu" sir Jonathan-a chu kan melh zawka.

“A pawi lem em ni sir, zirlai leh zirtirtu nih vang ngawtin a inkawm theihloh chuang lo a. Kan inkawm a nimaia" a lo tiliam puata. Jonathan-a chu a in hera, a kalsawn zui nal nal mai “Khapa kha hnaih tam hauh suh, ka duh miah lo a nia. A ngaizawng che a nihkha " a rawn ti deuh hmuka, “I ho emai, min ngaizawng lovang zirtirtu ve ve kan nia, chutiang in i teacher tingawt suh" ka lo tihchuan a lawm loh hmel hle.

“Ka sawi chu awih mai rawh, mipa ka nia ka mipa pui mitmeng leh awmdan atang a rilru ka hre vek, a carah te ila chuang leh ta nghal. Hlat rawh ka tihchuan hlat la a nimai" tiin a kalsawn deuha“ Nia hlat mai rawh, a duh che tih kan hria alawm" a thiante ho lah hi an lo pui nghal ziah mai “Awle a tha e, ka hnaih tawh lo ang" ka tihchuan Hriatpuia chuan min rawn piai zauhva.

“Vawiin chu hmun nuam deuhah kan hruai ang che" Dinan a rawn tihchuan Hriatpuia chuan a lo tuknghal lawlh mai “Aiah!! Ninawm tinge min tuk rikngawta" a ti bul bula “A hun hma a sawi loh tur kan tih tawh kha, i hmui pawrh zet kha lo veng ve rawh"Hminga chuan a lo ti ve a, an awmdan chu enin ka lo nuih char char thung. “A changtupa in a hun a tih hma a lo sawi thawt thawt mai" an tizui leh a.

Dina chuan a hmel a siam chhe vaka “Bialnu pawh nei ve hlei lo hi mahni thiante bialnu vangin kan na reng mai" a tihchuan a thiante chuan an chum deuh nawk nawk a, ei rawngbawl tu ten chaw ei an peih tawh avang chuan kan inzui phei tham thama. “Hriatpui hei hi min lo suihsak" hmeichhe pakhat hian a kawr hnunglam suih awm chu a rawn tilang va va a.

Hriatpuia chu ding chawtin “Bawng em ni i nih?" a lo tihchuan a hmeichhe rawn kal chuan a ngaihna a hriat loh hmel hle“Ran ang maia inthlun tum chu Bawng nen ka tehkhin thin, tin ka bialnu bak ka suihsak duhlo, i duh leh kha Vena kha insuih tir rawh. Ka bialnu tan ka inserh thianghlim" a tiduaha, lo nuih ngam a ni bawk silo.

A va han ngeiawm thiam thin tak “Ringawt thin a che, ka thiam reng reng lo saw thian i ngaha tinge mipa suihsak kher pawh chu i ngen, i thiante saw va tir rawh" pakhat lah chuan a lo tileh. An va tikhawngaihthlak thin, chunu pawh chu zah hmel takin a kalsawna “Khatiangin hmeichhia ti tawh suh u. A zah hmel em kha, mi rilru tur dawn lo in khatiang ti tawh suh u aw,tikha chuan bialnu pawh in hmu theilo ang" tiin chaw thleng chu la in chaw hmeh chu ka dawh zuia.

“A duh chuan a suih pha reng, a ban a sei tehlul nen. Hauhuk ang vel a nihkha" Hriatpuia lah chuan a la ti bul bul mai. Chhang tawh lem lo chuan ka tent lam chu ka pana, min rawn zui leh diah diah tawh. “Tak takin miss, bialnu hi nei ve ila engtin nge kan awm ang le? Kan mawl ve ropui sia kan sawisa khawlo vek mai anga" Ziran a rawn tihchuan za zet hian ka nuia.

“In insiam rem ve mai ang chu, class 12 in pass meuh chuan in danglam duaiin in inhre mai ang. Taka in pass chuan enge tihzawm in tum" ka tihchuan an ngawi vang vang hlawma “Keichu pass pawh ka chaklo, kan pass chuan kan luhna a inang lo nual dawna. Kan inkawm thei tawh awm silo, inthen hran ka huphurh,mahse ka pass chuan ka kalzawm ang chu " Hminga chuan a rawn ti a.

“Ni e,kumin hi a liam meuh chuan kan kalna tur a dang vek tawh awm si a" tiin an lungngaih hmel hlawm riau. Keipawh chuan ka ngaihtuah a,an in kawm ngeih hlawm bawk nen a then ram dangah a then Mizoram nisi in hmun hrang hrangah an chhungte duhna ah theuh an kal ngei angai anga, an in hmu leh angem hriat lah a nilo. Kum tawpa an haw khawm a nih erawh chuan an inhmu ngei anga.

Mahse chumi loah chuan inhmuhna hun a awm meuh lo ang le “Chutiang ngaihtuah tur a ni hleinem, in dam anga hna in neih hun thlengin in la inkawm khawm thei mai thei asin. Khaw khat ah in awma, inhmuh khawm hun te in insiam ang chu " tiin ka lo hnem ve a. Mahse kei ngei pawhin ka chianglo, a then kuthnathawk te pawh an ni thei tho va. Inthen darh hun chu an nei ngei ang .

“In chaw ei ru, in insawi lungpuam zo dawn" Hriatpuia chuan a rawn ti vat a. “Hriata keichu ka ngaihtuah zawng ringawt pawhin ka lung a leng sa, heng kan classmate tam tak te nen hian kan inhmu kim vek tawh awm silo" tiin Dina chu a insut deuh hruih a, “I chhe perpur, tuna inthen tur ang maia, Chaw kha bar zung zung ula kan kalna turah chuan kal vat tur" Hriatpuia bawk a ni.

A ni erawhin a lungchhe thei zawnga thil ngaihtuah a duhlo tih a hriat, a huphurh ve thoa. Mahse engmah sawi a tum ve lo a nih hmel, chaw eikham chuan duhnaah theuh kan vak darh hlawm a. Keini paruk bakah Loisy class 12 a mi tho chu kan hruai tel ve a, a tawng duh bawk nen kan khua a har lo viau mai. Dina te nen chuan fiamthu thawhin kan nuihpui leh far dar thina.

An kianga awm hi a hahdam thlak ngawih ngawih zel “Kan kal hmasaka helai kawi hrui chelh chunga kan" Hminga tawng laklawh lai chu Hriatpuia chuan a ka a hup sak vat,midang chu an lo nui put put a“Enge a " Loisy nen kan lo tihchuan “Ih maw..." Dina tawng tur chu Hriatpuia chuan rum zetin a melha “Sawi rawh" ka lo ti vat.

“He kawi hrui chelh chung hian kan inthiara, Hriatpuia a che suala a letling zawngin a inkhai zuar bawk nen" a tihchuan Loisy nen kan lo au that “Sawi tawh suh" Hriatpuia chuan a rawn ti vat “Ka sawi laklawh tawh, kan la thla mai thei silo kha chempuiin kan sat chat tawp a, chuan maw a ma ek" tiin an nui ta vak vaka 

Nuihzatthlak viau mahse a tenawm lam mah mah a ni“ Luiah chuan uih vut vut chungin a inbual nileng zak a lawm, chumai a nilo. Kan kawmchhak pa len deng tur rawn kal kha kan tih thaih a, a hlau lutuk kha a thidang tawpa a harh leh thei mai silo kan phur haw tawp a" a tih leh chuan Loisy nen kan lo nui kar kara. Hriatpuia erawh a nui tha duh der lo.

A tawpah far hmun kan thlenga,a lo thelh nuam ngei mai “Helai hi a nia kan sawi chu, tu vak mah an kal ngailo,tiru puan kha phah ang u" tiin an che zui sang sanga . Hriatpuia thinrim laklawh erawh kan piahah mi hnungchhawn zawngin a ding zuar mai. Ka pan hnaia “Tinge i va lawm lo awm ve" ka tihchuan a rawn in her ruai ruaia.

“Thian mawl lutuk, bialnute hriatah khatiang chet chhiatna sawi chi a nilo tih te hriat ve awm" a tihchuan nuih insum zet hian a hmuh theih loh tur lam chu ka en zauh a “A ho lutuk,kan hmu ve chuang hleinem phei ve ang. A nawm em hi" tiin kan inzui pheia.

ZAWMNA...

Puan chungah chuan thu thapin Hriatpuia erawh ka mal khamin a mu dar dara, midang titi lai chuan a mit chhingin a thaw sek sek mai. A hmel chu ka en reng, a hmeltha chiang alawm engvanga kei min thlang tlat nge a nih ang. A aiin ka la upa zui, Dina te ho chu card dengin an tang lutuk chu an in hau leh lawk thin a, nui chungin ka lo en mai mai thung.

Hriatpuia a tello bawka Dina inti thu lutuk chu midang ngai theilo chuan an han chum leh awk awk thina. Ani erawhin a ngai ang bawkin ro a rel leh zat zat zel, “In bengchheng lutuk a hahchawlh theih hleinem, Taitai kalsawn ang" tiin Hriatpuia chu a rawn thu chhuak hlawla. Puan la awm chu banin ka kutah a rawn kaia, kan bag nen chuan mual letliam lam chu min panpuia.

Loisy kha chu ka vengthawng lem lo,Venchhunga nen an in ngaizawng ve deuh tih ka hria, “Lo kal rawh le Hmelthanu" rawn tihchuan lei chhuah zukin ka thu thla a. “Tikhan keiai i inla upa em em chu a nisia,i tau hma thei sia lo kal teh" tiin alamah chuan min pawt hnaia. Min kuah mu nghal zat “Min duh ve tak zet em?" a rawn tihchuan amah chu ka ena.

A lo thutak phian mai “Um a tir kha chuan ka la tim deuha, mahse ka duh che a lawm zep ka tum lem lo. A hma kha chuan keiaia nau ngaihzawn kha ka inthiam theilo, mahse tunah chuan ka nei tawhlo, ka duh em em che a lawm" zam deuh tak chuan ka ti a “ A tha e, ka ta chauh ni reng ang che. 12 hi ka pass chuan i tan ka bei ve tawh ang chu, Taitai min nghak thei angem?" a rawn tihchuan a kut chu ka vuan leta.

“Enge tih i tum?" ti a ka zawh chuan a nuisak mai“Football lam ka luhchilh tawh ang chu, ka pa in a rem ti hlauha. Khulamah ka zuk chhuk phawt anga, tichuan India football team ah ka lut chho nghal dawna. Hlawh pangngai tak nen, a hma atanga min ko kha an ni zawka, mahse i hriat angin ka nu leh pa hian an rem ti vaklo a. Ka zawhna che chu min chhang la" a rawn tihchuan ka bu ta nghata.

“Ka lo nghak reng ang che, rinawmlo miah suh ang che. Mipa tam tak anga tawn hnu hnung apiang duh nghal thei i nih loh hram ka beisei, keiai chhelo leh hmeltha tak takin an bawm reng dawn chea. I hlawhtlin chhoh ngat phei chuan min hre tawh lo mai ang tih ka hlau" ka tihchuan ka hmuiah chuan a rawn fawp vang vanga “Khawi hmunah pawh awm ila ka theihnghilh ngai lovang che, a chhan chu ka pian ahnu lama ka nu tihloha ka lungphu ti danglam theitu ini tlat" a tihchuan ka nui nghal ver ver mai.

A rilru puitling tak te hi ka neih phak loh an ni “Ka hre reng dawn a nia, i thutiam hlen ang che" tiin a kut chu ka khalsak neuh neuh a, kan chunglama thli in far hnah a chhem avanga ri rawn chhuak leh sava hram bak chulai hmunah chuan hriat tur a awm lo. Kan pahnih lungphu tihloh chu “Inneih vat kan tum ang chu, nangmah nena naute neih te ka ngaihtuah thleng vek tawh a nia, ka ngaihtuahna ah chuan panga kan nei tawh" a rawn ti a.

Ka nui chhuak ta har har mai “I va ngaihtuah thui tawh ve, fa ngah i duh em ni?" ka tihchuan a bu nghata “Fa neih tlem ka duh velo, indan pawh ka phallo, mi tam tak fa neih chak mahse nei theilo an awm laia lo indan emaw vel kha ka duh ve miahlo a nia. Siamtu in rem a tih zat zat neih ka duh, kan hnam kan tlem bawk nen keichuan fa tam tawk neih ka duh " a tihchuan a ngaihdan chu ka tawmpui chiah.

Mizo kan la tlem a, chim ral tham lek kan la nih laia fa ngah lo hlauh em em te hi ka duh ve lemlo, kan chawm zawh loh tur fa hi Pathian hian min pek bik ka ringlo. Pasal kan nei ngam a nihchuan fa neih a, enkawl pawh kan inhuam thui tur a ni, kan rethei reng dawn loa. An rawn thanglian anga min la chawm let ve dawn tih hre reng chung a kan fate hi ngaih pawimawha enkawl uluk hi kan hna a ni bawk.

Kan thenawmpa pawh fa an ngahin a hunlai chuan an berh ve thei hle a, mahse tunah chuan an faten enkawlin nun nuam tak an nei tawha. An hrehawm reng hauhlo, keichu Pathian rem tihna ah ka in nghat ngei ang “Tunah chuan kan la thei rih silo a, suangtuah vak vak rih mai ang aw" tiin kan nui dun hak haka. Hriatpuia bula awm hi a thlamuan thlakin a hahdam thlak ka ti a.

A lamah a ni telin ka nghet tual tual tihlah ka hailo, u Chhana nen ka tehkhin lo theilo. A kuma nau zawk nimahse u Chhana khan tluk lohna tam tak a nei a ni, chutiang bawkin Hriatpuia pawhin u Chhana tluk lohna a nei ve bawk. Mahse chu chu sawi chhuaha, tehkhin kher kha ka duh lem lo “Kan phei tawh dawn em ni? Midang an haw khawm tawh ang, kan tlai bik lutuk ange" ka tihchuan min kai tho zuia.

Dina te ho awmna lam kan pan lai chuan kan innuih leh thin, a hmela hlimna leh phurna lang zut zut chu ka rilru ka hrilh vang a ni tih lah ka hai heklo. Dina te lam kan pan takah chuan an lo la bengchheng hle “Kan haw tawh mai dawn em ni,a tlai bik kan ni palh ange" tiin ka va au a, an inhnial chu an tawp ve hram e “Infiam ve tawh suh u, in thinchhe bawk nen in bengchheng mai mai" Hriatpuia chuan a lo ti bul bula.

“I hmel kha a nihchu, bialnu neih tak avanga khatia mi tih kher le, i bialnu neih hma chuan a hrat ber ber i nih kha, insual pawh i hrat ber" pawr lutuk hian Hminga chuan a rawn ti a, Hriatpuia chuan a beng bu nghal lawp mai. Ka lo nui hak, an in khawih sawk sawk a a tu amah an thinrim leh ngai chuang lo thung. Bungrua vel chu seng in in nghahna hmun lam chu kan pana, naktuk bak kan cham tawh dawn lo nen kan am tlang tih a hriat.

Hriatpuia nen chuan in kai rialin hnung kan dawla, kalkawnga ram pangpar kan hmuh ang ang chu min thliah sak zauh zauh bawk. Fiamthu a thawh chu ka nuih pui leh ar ar tawh, mi tih hlim dan hi chu a hre chiang a lawm “Aiah!! Hmingthankim min pui vat rawh u, ana lutuk " Dina au aw kan hriat rualin hma lam pan chuan kan tlan phei vata, chutah thing kung tetakte vuan chunga a lo bawk zuar chu kan hmu nghal.

Midang lah chuan pui ta nge pawh tilo hian an lo nuih tiah tiaha “I inti thu lutuka tikhan rawn in pawt chhuak rawh, Zo Tarzan-a i nihkha, Chhurbura ai pawha chhur lehchhawngpa" Zira chuan a lo la tizui, a nilah a tha a zawi tial tial tih a lang reng bawk nen Hriatpuia nen chuan kan va pui vat, thaw hlawp hlawp hian midang chu a ena “In chak dawn lo" tiin a hnar chu kawmin a hnap tah tum chuan a um lehnghal. An rak phei teng tung mai.

“An mawl thei mange aw" Hriatpuia chuan a ti bul bula, a thiante awmdan chuan a bei an tidawng ve te pawh a niang. Kei erawh ka nuih za chu ka lo nui khur dawt dawt ringawt