LALHRIATPUIA CHAPTER 10

LALHRIATPUIA 

CHAPTER 10 

Status ka view kual a,Hriatpuia chuan rinloh lutukin status alo nei ve a,ka hriat tirh ata a status vawikhat neihna a ni hial ang. Chuvang chuan view ka chak ta tlat a,mahse ka en rual erawhin ka tum nghal hmuk mai. “Mipa dik tak chu a bialnu a upa zawk tur a ni" tihchu a lo hmang chu niin,mai mai chuan mi in an hmu tam ang tih hlauhawm hian.

“Ngawi hle hle rawh, miin an hmuh tam hma in deleted rawh. Mawl thei lutuk" tihchu ka va thawn a, a seen nghal zat. Ka message hi a chang reng emaw tih turin a online tawh phawt chuan seen nghal lo in a awm ngailo. Mahse chu chuan min ti lawm viau thung, midang a be lo tih tichiang tuah ka ngai “Lungngai suh an mawl hlawm emai, tumahin an hrelo che" tih rawn thawnin status a up zui leha.

“Thikthu han pe chhe ve teh maw" tihzawng chu, tinge ka thikthu chhiat pawh chu a duh em em ni. A chhiat zia hre turin kan la inzui tam loh bakah hmeichhe dang thik tham khawpin han awmpui nei hek lo le. “Mu rawh, naktuk thawh hmat a ngaih kha, zing atanga inbuatsaih a ngai a nia. Kan kalna tur a hla ve bawk nen" tiin ka va bia a, a rawn nui hak mai. “I rawn call ta rau rau chu in be reng ang, dah miah suh" a tihchuan ka thaw haka.

COMMENT PEK TAIMA DEUH ANG AW

“Naktuk chu ka bulah chuang rawh aw, midang inphurh tir miah suh ang che. A bikin sir Jonathan-a" a rawn tihchuan ka ner nang mai “Engah ngawt chuan maw? Nang pawhin hmeichhe dang i phur duh ang chu" ka tihchuan a rawn thaw hawka “Tinge min hnial reng, i bialpa ka nihna angin vawikhat tal chu ka thu hi awih ve la, engah nge mi kara kan inzawmna tihlan hi i hlauh em em reng le " a rawn ti deuh hmaka.

A aw ah chuan a lungawi loh zia a hriat theih. “Min duh ve tak tak lo a nihkha, i duh duh danin awm rawh" tiin phone chu a dah a. Engmah pawh ka sawi ve hmanlo, hepa hi chu aw tinge a tih tauh hma em em thin le. Ka call nawn pawhin a la duh thak lo, call duh tawh bik lo in ka mu a. Ka hrethiam ve tho, ala naua kan inzawmna hi a ni chuan miin hre mahse pawi a tilo tih.

Keipawhin pawi ka ti em em lo, mahse kan chhungten an hrethuai dawna chu chu ka duhlo mai zawk a ni. Zingah chuan innghah khawmna tur hmunah kan awm thap a,Hriatpuia erawh ka la hmulo, min phurh te kha a tum ve sia,motor a kan inhlan vek hnuah Rintei nen an rawn inphur tih ka hmuh chuan ka mood a off nghal vek. Mai mai chuan, keipawhin ka runluih ve thiam tho a lawm.

Sir Jonathan-a chu panin “Ka lo chuang ve leh si ange,zirlai ho bula chuan chu a uap deuh emai" ka tihchuan a car kawngkhar chu min hawn vat a,ka thu lut nghal zat. Lalhriatpuia chuan min en reng tih ka hria, ka be tawh awm hlei lo emai. U Chhana vanga thinrim tawh sa nen min runluih reng chuan ka luhlulna a kai tho ve tlat.

Kan titi mawlh mawlh a, kawng a thui bawk nen ka lo la muhil zui. Thawm awm nak nakah chuan ka meng chhuak a “I lo harh tawh maw ,hei kan thleng chiah e, kan chhuak ve nghal mai dawn em ni?"tiin kan bung rua chu ava bana. Ka bag min rawn pe in keipawh chu ka chhuak zui a, tent kan keng deuh veka. Neilo tan pawh thiante nen an intawm thei dawn a, a tihchi phian mai . Lui awmna piaha hmun zawl chu sam faiin mipa ho chu an che mawlh mawlha.

Hmeichhe thenkhatin an lo pui ve bawk,Miss Nunkimi te nen chuan kan lo inkawm khawm a, kan nui leh dar dar thin. Lalhriatpuia pawh a a thawk ve nasa hle, an sam zawh chuan mahni riahna tur theuh kan thlanga, a fal deuh berah chuan zirtirtu ho kan awmkhawm dawn a nih hmel, kan tent theuh chu buaipuiin kan zar zawh rualin ka in dahlut a.

Riahpui tur ka nei dawn lo bawk a,ka thawl tha dawn hle mai, khua a tlai tawh bawk nen ei relin kan buai zui sang sanga. A nikhatna a ni bawk a,in tih hlimna hun a awm meuhlo, zanah chuan meipui chhepin kan ai a,Hriatpuia ka la hmu leh miahlo. Ngaihtuah duhlo chuan Dina te ho chu ka be mawlh mawlh a“ Miss in inhau em ni? Hriatpuia mood a uih emai" Ziran a rawn tihchuan ka nui hak.

“Hau lo e, aning deuh tawh a niang hei a bo leh hmak tawh hi,tikhan lo inkawm rawh u. Kan mu tawh ange " tiin ka tent lam chu ka pan a,ka mu zui nghal vat. Thil tam tak ka ngaihtuah a, tuna ka hun tawn mek nen lam chuan mumang a ang rum rum hian ka hria, mipa puitling tak chiah ngaihzawng atana duh thin khan keiai naupang leh engkima ka dawh ngai mipa ka thlang a nia.

A tuk lamah chuan lui velah chuan kan infiam ho a, hmeichhe kara tap deuh chawt Lalhriatpuia chu a thiante nen chuan kan en thap “A va han ngeiawm e aw, miss lo lungngai miah suh khawi maw ka va kal teh ang"Hminga chuan tiin vau kama Lalhriatpuia ding chu a pan nul nul a,a hnungah chuan kan zui ve vat “ Mahni bialnute runluih reng renga khawsa mai " tiin Hminga chuan Hriatpuia chu a hnung atang chuan a tlawh awk a.

A nilah in ring heklo tui chhungah chuan a bawk lut per chuai mai. “ Tinge khatia i tih" Zira leh Dina chuan tiin Venchhunga erawh a lo nui kur kur a, an thian ho an in ngam tlak zia ka hria a, ka lo nuih ve hak ringawt. Lalhriatpuia chu a rawn chhuak a, a kekawr bul hak atang chuan tui a far zawih zawih mai. A chhip atanga a dul lama luangthla chu ka en reng a.

A abs chuan ka chil min lem tir khawlh mai, en rei duh lo chuan ka hawisawn vat a“Hminglulian engvanga min rawn tlawh ringawt nge i nih?" ti bul bulin a rawn pana “Ngaihsak vela, tinge ngaihsak leh lo tur si i bem kual" Hminga chuan a lo ti pawr hlur mai. Ka thlavang an hauhna chuan min tihlim veng veng, keiai naupang vek mahse tam takah chuan an rilru a puitling daih zawk.

“Ngaihsak a duh hleinem, min zahpui miau hek " Hriatpuia thusawi avang chuan ka nui tawp chat “Ka khawih lahin rei a awm tha duh lo, khatiang kha ka ning ka peih ve lo, ka bialnu a nihchuan a nihna ang ngeiin awm rawh se " a tihleh chuan amah chu chiang takin ka en a. Min lo en let ve reng bawk, engmah sawilo chuan ka kalsan nghal nal nal.

A thianten an hau ri chu ka hre pha, midang awmlohna laiah chuan lung chungah thu in lungte deuh chuan lui chu ka vawm ka vawm a,Hriatpuia thusawi ringawt chu ka ngaihtuah a, ni e ka la tima a duhthusam angin ka awm lo tih chu keipawhin ka hria, ka thinlung takin ka la pawh thei miau lo va“Kha " thei tui hi ka hma ah a rawn leka.

“Ka duhlo" ti hmakin kalsawn ka tum a, ka kutah chuan manin ram lamah chuan min hnuk lut nghal dawr dawr mai. Thingkung pakhat ngheng hian min nawr bet a“Tinge hetianga i awm " a tihchuan ka nuih ringawt “Inthen ang" ka tihchuan a meng deuh kawk mai. “ I duhthusam hmeichhia i nih pui zawk dawn ania chuvang chuan inthen ang" ka tihleh chuan a ngawi run runa, thinrim tur hmelte pawh a pu.

Chutah “Mi tihtauh lai laiin inthen lo sawi suh, i thulo kan inthen lo ang. Tih tauh apianga inthen hi sawi thin loh tur, hmeichhe ho hi chu in thinrim apiangin inthen hi in cho em em reng mai, na veleh tur tho si ka thu hi awih ve mai la, i tau lo mai ang" a tihchuan ka thinrim ve ta deuh “Min phurh i tum a, chuan ka nghak bawk che. Mahse kha Rinmawngeri bawk kha i rawn phur leh vel a ni lawm ni? In runluih vel hi ka peih velo,i duh thlang la chu chu ka zahsak ang che " ka tihchuan a rawn nui vur vura.

“Ka duh angin i awm thei chiah ang maw?"a rawn tihchuan “Tehreng mai, hmeichhe dang thlang pawh nila ka awm thei" tiin ka dak vah a. A nui reng chu ka ngei “A that chu a nihchuan" tiin min rawn hnaih sauh a, ka nghawng zawnah chuan rawn thaw ham hamin a rawn chuk dan dan a. Namsawn ka tum chu ka kut man betin “Ka duh ang ti turin min tih tawh kha, lo che suh " ka nghawngah bawk chuan a rawn fawp lehnghal.

A na lek lek lehnghal “Lalhriatpui enge i tih?" ka kawr chu hlim deuhin ka dulah a rawn zut zai zaia, ka hnute khawih a tum chu ka dang vat “I duhlo chung chu ka khawih dawn lo che, mahse hei mai mai chu phal rawh, uikawm viau suh. Tinge ka bulah hian i inven tlat, Taitai i bialpa ka nihna angin min en ve rawh" beidawng aw lek lek a a rawn tihchuan ka kut chu ka thlah dul ta hnak a.

Ni e kan tum chhin poh a niang chu, ka inthlah dul takah chuan a che na sauh a. Ka na ti chu ka ner sak mai, u Chhana nen pawh khan kan awmdun ve fo va, mahse Hriatpuia nena kan awmdan lakah hi chuan a dang lutuk thung. Hriatpuia pawhin mutdun lam chu a ngaihtuah hmel loh, ka hnute a hum tai chu ka melh zauha.

“Awm tha ang, midang khan min rawn hmu ange" ka tihchuan a ni pawh chu a insiam tha sut sut a. Ka bra vel chu ka siam rem nghal zung zung, kal mai ka tum lai chuan ka kutah a rawn man beta “Lawk i nghawng kha, mi hmuh i duh loh chuan " tiin ka puan ken chuan min tuam sak mawlh mawlha. Ka lo ding mawl tawp ringawt.

“Kal ang le...inthen kha sawi tawh miah suh. Fiamthu pawhin ka duhlo, ka then dawn lo che, chuvang chuan min duh tum ang che" tiin ramhnuai atang chuan min kal chhuahpui a,midang chu an lo la infiam rak chel chul mai “In va insawi fel thei maw?" Dina'n a rawn tihchuan Hriatpuia chu a lo bu nghut a. “Tiru mei saw i va ai tawh ang u,a vawt tan riau" tiin kan phei diala.

Kan paruk chuan mei chu kan kil bial thapa, Hriatpuia dar chu ka nghenga,min rawn en nghal vut mai, nuisakin “Enge a" ka tihchuan lu thing nur nurin a titi zawma. Fiamthu an thawh chu kan nui leh dar dar thin, midang an rawn phei ve takah chuan ka insiam rema “Nangni hi in inkawm ngeih mah mah" an rawn tihchuan kan nui hak ringawt “Thian kan nia kan inpawh zual alawm" Dina te ho chuan an lo ti vata.

Hriatpuia erawh mi an tam takah chuan a tawng tha duh leh meuh tawh lo, zanriah eikham chuan an thianho bik nen ka tent zarah chuan card kan denga, Hriatpuia leh Hminga nen tangin midang pathum chu an tang ho bawka. A chaklo kan in pen kawrh kawrh a, a hlimawm phian midang erawh pawnlamah an zai thung “I bulah ka riak dawn" ka bengbula titu chu ka melh zawka.

“Teuhlo mai" ka tinghal hlak“Helai vel hi a hrang ania, chuvang chuan duh rawh" a tihchuan awihlo lutukin ka en a,“Awihawm loh loh, tumahin an sawilo " ka tihchuan Venchhunga chuan“ Miss a nia lawm,helaiah hian tla hlum an awm a. Saw mi kan piah deuh li thuk laiah sawn,a tlak hlim phei chuan a hrang nasa lutuk an tia. Heng lui dung velah hian zanah a vak kual thin ani awm e, hmeichhe ho hlauh kan duh loa kan sawi tawh lo mai mai" a rawn ti ve a.

Heng ho hi ka thla an ti muang lo zo vek “Hmeichhia ka ni ve tho a, tinge min hrilh bik " ka tivat. An in en thapa “Aw i tawn palh tak thutin" an rawn tihchuan ka ner nawng mai “Hriatpui min va zun pui rawh" ka tihchuan an nui dar dar a, thlahrang lam hi chu ka hlauh zawng tak. Hriatpuia pawh chuan min kalpui ve mai, thui pawh ka kal ngamlo.

“Tikhan lo ding reng ang che " tiin ka inphelha, hawi hrek hrek chung chuan ka zung nghal vat. Ka zun zawh rualin ka insiam tha sawk sawk a “Kal ang" tiin tent lam pan chuan ka kal hlawk hlawk “I bula ka awm reng chung pawhin i hlau ania, lo kal teh mu vat ila a tha " tiin ka tent awmna kan thlen rualin a thiante chu a chhuah tir veka.

Ka puan ken a lian tho bawk nen phahin kan mu a, eng chu a ti thi hmak bawk. Midang kan hnaih lutuk lo bawk nen kan thawm an hriat vak ka ringlo. An thusawi avang khan ka dawih zo vek “Ka lam lo hawi la, hlauh tur a awmlo. Ka venghim dawn che a lawm" ka bengbul a a rawn tihchuan thuawih takin a lam ka hawi a, a kawngah kuahin a awmah ka hmai ka nawr a.

“Tinge i sawi kher kher a?" tiin a awmah chuan ka chuma “I bulah ka riak duh ka tihkha,muhil rawh le, ka veng reng che a nia. Ka kianga i awm chhung chuan engmahin an tina ngai lovang che, i mitthlaah khan keimah min dahtlat rawh" a tihchuan ka nui sak a, insiam remin ka ham nghal bai bai mai. A rimtui tak chu hnimin ka en chho ha a “Tinge Rintei kha i phurh ziah" ka thusawi avang chuan a nuisak a.

“Min ngaihsak rawh tihna a nihkha, min ngaihsak chuan a ni kha ka mamawh hleinem" a  tihchuan ka thaw huai mai “I thik em ni?" a awah chuan phurna a hriat theih “Tlemin " ka tihchuan min pawm nghet sauh va“A ni chu phur phur mah ila nangmah chiah ka duh che " a tihchuan ka nui var var mai. “Thikna i nei ve ta tih hriat chu a nuam riau, muhil tawh rawh. Kan thawm an hre hlauh ange" a rawn tihsup chuan tawng tawh bik lo chuan ka mit ka chhing zui a.

Taksa lum nuam em em in min pawm avang chuan vawt pawh ka ti tawhlo, a nuam ve veng veng mai.