MR.CONTROLLING CHAPTER 28

MR . CONTROLLING

CHAPTER 28 

Kan fate pathum chu an piin an hming tur sa in in lamah kan hawng tawh a ,a piang hmasa ber chu “ Vannunhlua " tih sa in pahnih te erawh “ Eddie Zonuntluanga leh Danis Hmingsangkima " a sa thung a ,u Remtluanga nen chuan an in chuh hi a ni ber . Hnute pek ah chauh lo chuan ka pawm ve vak lo,an pafa li in an in awm a.  A changin hna thulh thakin inah a awm thin .

Ka nu chuan “ Naupang a ngainat ngai loh nen a ni fate takngial pawh awm tha peih lo kha ,pa a nih ve meuh chuan a danglam ta hle mai " tiin a fapa te pathum awma phur zeta che turh turh chu a en a. Vawikhat chu ka hau hrep a ,a la titau leh nghal a fate a hre hrang lo chu a theihnghilh loh nan a in ang lo zawng vekin a lo muttir a .

Ka hauh lai laiin “ An hmel a inang lutuk a chuvang alawm " a rawn ti ve nung nunga . Mahse a ma fate ngei a hre hrang lo khan min tilawm lo bawk nen kha mi hnu atang kha chuan a hre hrang ve ta in ka hria,a piang hmasa ber Hluhlua hi a chum ber a ,Eddie-a hi a hmel a dang hret a ,a piang hnuhnung ber Danis-a thung chu a te ber thung.

Mahse phir an ni miau a ,nu leh pa tan bak loh chuan hriat hran an har viau thung . Kan thenawm khawveng te lah chuan an lawmin thawmhnaw an dawng nghal zut a ,an len deuh huna hak tur thlengin an dawng nasa ,lo hnial thin mah ila phir ah rau rau pawh pathum chu an vangin an lawm zual tih a hriat. An rawn tilui tho tho zel .

Hnial enah pawh kan en duh ta lo,min duhsakna chuan min tilawm letling zawk ,rooma ka luha a fate pathum hnute buai zeta lo pe tu chu ka nuih hak.  Eddie chu pawm sakin ka hnute chu ka pe a ,aniin pahnih te chu hnute burin a pe thung “ An changkang sawt hle mai" tisupin min rawn en a “ An chhun che a nih hi,ka nu in a sawi a lawm .

An hmel te hian an ang vek che a ,ka lawm lo lek lek . Mahse dam taka an awm thei hi ka lawm em em thung,Lalpa hi a tha a ni" ka tileh a ,ni e ka sawi fo lo thei lo hetiang zawng zawng malsawmna min petu hi engtin nge kan sawiloh teh lul ang ni . “ Danis hi i hnute tui khan chawm zawk la a tha lo maw ,a te deuh bawk sia " a tihchuan ka en kar “ I ti dik ang,kan duat deuh bik a ngai a nih hi .

Han leikang deuh se enge an an zel dawn ni,an mut takah chuan an bawm ah chuan dahin kan en dun a “ Ka fate ka hmuh a piang hian ka chak thar leh thin,Bawihi ka pi kha la dam se a va hlim dawn em " tiin min kuah a ,rilruna tih hriat tak hian a fate chu a en vang vang bawk . Ka pi a rawn sawi leh takah chuan keipawh ka rilru ana in ka thin a rim thar bawk .

A accident na laiah cctv a awm lo a, accident pangngai ang in sawi mahse mi thenkhat sawi dan nen a in ang lo miau va . Su lui an ang tlat a ni,mahse a motor number an lo chhin chhiah tlat lo “ Ka pi chuan van atangin i pu nen an lo thlir reng dawn a lawm,hlim takin an tute hi an lo ven ngei ka ring ani .

Nangpawh chak tak in awm la ,kan fate hian an la mamawh dawn chauh che a nia ,an pi leh pu chu an theihnghilh ngai hauh lo ang.  An hriat reng theih nan kan siam dawn a lawm" ka tihchuan a rawn nui suk a ,ka biangah chuan a rawn fawp nghal nawk nawk bawk “ Ka va han duh tak che , ka nupui thu sawi tha thei lutuk hi ,tham nawk nawk mai che ka duh" a rawn tihchuan ka nui hak a .

“ I mak e ,min sawisa ziah zel suh ,ka chau ania chaw ei ila mu vat ang,kan fate avang hian zan kan mutlem si " tiin inhnuai lamah chuan kan chhuk a . Ka sawi angin Hluhlua te unau an awm chin hian zan kan mu tlem thei viau ,zan tah an ching thar bawk nen kan inthawh chhawk hi a ni ringawt “ Nu chaw ei tawh ang u hmiang,Remi chaw ei siam ang u bawihtea te mutthilh lai hian " tiin ka che nghal sawk sawk a .

“ Mendy nau awm pui tur che kan la mai dawn em ni?" ka nu in a rawn tihchuan u Remtluanga chuan a lo pawmpui hmel viau “ Nilo e ,keimah ngeiin awm ka duh. Hah dawn mah ila a pawi ka tilo,ka fate hi keima enkawlna hnuaiah ngei thanglian sela ka duh a ni " ka tihchuan u Remtluanga chuan min en vung vung a ,ka sawi hi ka duh ang chiah a ni. Mi tam tak chuan kan fate nau awm tu la in kan kalsan mai zel a .

An thalo ka tihna nilo in ,mahni fate an nih lohna ah tihloh tam tak an nei thin,tin nu leh pa leh fate inkar a hlat phah duai ka ti ve tlat.  Chuvang chuan ka fate hi keimah ngeiin enkawl a ,hah tak chung pawha tih hram hram ka duh,an puitlin thlengin sual kawng an dailoh nana thu tha nena enkawl ka duh a ni . “ Nu,u Remtluang min ngaihtuah vang tih ka hria.

Mahse ka fate hi keimah ngeiin enkawl , ka nu leh pa min pek loh zawng zawng kha pek ka duh a ni. Nau awm tu la ila ka zangkhai phah ngei dawn tih ka hria ,mahse fahrah ka nihlai khan nu leh pa ngeiin an enkawl nih that bik zia ka hria a sin ,ka fate hi engkim zirtira an nu thil tawn ang kha tawng lo se ka duh,ngaihsaklo min tih ka duh hek lo .

Ka thei em em ang" ka tihtakah chuan an pawm ta a niang,ni e naupang chu an tette atanga kaihhruai ngai an ni a . An puitlin hunah chuan engmah an zirtir theih tawh tak tak thin loh,chu ai chuan thil hrethiam rual an nih atanga theih tawpa zirtir ka duh zawk,tunangah chuan hnam dang angin kan fate zalen takin kan dah a.  Mahse chu duh duh dana kan awm tirna rahin a hrin chhuah chu kan duhpui leh chuang silo .

Ka fate erawh sual kawng an zawh loh nan theih tawp ka chhuah anga,ka theih tawp a ka beih pawha an mahni a engmah a thleng lo a nihchuan Pathian kutah ka in nghat tawp mai ang. An hma hun hre lo mah ila tun atanga engkim an tana tihsak ka duh a ni,kei ngei pawh thi thei ka ni ,ka damchhung tal hian nu leh pa hmangaihna hi hre ngei se ka duh bawk .

U Remtluanga chuan ka kut a rawn hmer vang vang a “ I ngaihdan chu a tha a lawm,vawiin chu hna ka va kal tawh ange,tualthahna kha a hmawr kan bawk fel a tul tawh a ni,a hma thei ang bera lo haw ka tum ang " tiin ka kut ah chuan a fawp zauh a ,ka bu nghat bawk . Chaw eikham chuan insiam pui leh te te in pawn thleng ka thlah a ,a tlanliam hnu chuan inchhungah ka lut ve chauh bawk .

Ka nu pawh office lamah a kal leh dawn a nih hmel,ka fate chu enin ka chul a “ Nu,pa in hmel vawikhat tal hmu thei ila,in duh loha in kalsan in fanu hian engtiang chiahin nge dam khawchhuak tur a a beih a ,hetiang dinhmun a thlen theih tih hi hria ula ka duh a ni. In tute hi hmu ve ula,in rilru ala nga reng a ngem? Tinge min enkawl zuam silo a min pai tura in in huam si ..

In tute hi en teh u,pi leh pu pawh nei lo in an awm mek a sin" tiin ka phun sep sep a .Ka fate pathum tui taka an mu ka hmuh chuan ka tah nuih hak “ Dam te in lo thang zel ula,i pa nen a min enkawl thei turin mi ropui tak rawn ni ang cheu aw . Sual kawng in zawh loh nan siamtu hnenah ka dil fo ang" tiin ka phun mawlh mawlh a .

Eddie a rawn meng ka hmuh chuan ka pawm nghal vat,a unaute pahnih ai a harhvanga a buaithlak thin. In awi hliau hliau in a muhil leh duh mai lo lehnghal ,a rawn nui a lawm pawh ala hre awm tawp silo,a kut te tak te chu a awmah a dah kek bawk a .Ka fate aia duhawm tih hi ka nei ngai lovang .

ZAWMNA ....

“ Nu i " ti a ka bianga nul dan dan tu chu tunge a nih ka chiang viau “ I chau viau a nimaw " a tihleh sup hnuah a reh zui leh vang vang a .Ka meng thei thlawt lo,zan ka mu tha lo thin bawk nen ka chau ve takzet ,ka harh leh chuan amah pawh chu khumah lo mu in min kuah hlun a .Kan fate pathum chu ka veilamah chuan an mu dal bawk .

Alamah chuan in herin ka kuah thak a,a biang leh khabe hmul to tan siar siar chu khawih sakin keimah te chuan ka nui ver ver ringawt,mi thenkhat nupa in then emaw in uire san emaw ka ngaihtuah chang hian mak ka ti thin,ka pasal lakah hian keichuan lawm lohna tur leh duh lohna tur ka hmu lo va .A engkim hi a famkim nimai hian ka hria ,a ni tel hian ka thlahlel tulh tulh zawk .

Nupa kan nih dawn hian mahni in en fiah ila,kan duh tak tak em? Kan hmangaih em tih hi inzawt hmasa ila chu chuan inthenna tur tam tak hi a tihbo ngei ka ring . Ka pasal kiangah hian keichuan kumkhua a awm ka duh,ka hmangaiha a hmangaih ka ni bawk ,he kan nun reilo tea ral leh mai tur ah hian kan hmangaih te kiang ai baka nuam a awm dawn em ni .

Inhauh chang leh intih thiam loh chang nei mah ila kan in hmangaihna hian min zawm leh thin .Tlawm zawk nih kan hreh lohna hian tun thleng nupa hlim tak min la nihtir in ka hria ,nupa chu kan nuam tih zawng te kan duhzawng te in hriatsak tawnin in ngaihsak ila,chu chuan a tu a ve ve tan pawh hlimna leh lawmna min thlen thin .

Chutia thil ngaihtuah neuh neuh paha a hmel ka thlir reng lai chuan a rawn meng thut a ,ka mitah chuan a mitmu uk kharh chuan a en reng bawk .Ka lai leh ringawt tawh nia,hei chen cheng dun tawh mah ila min en reng hi chuan ka lai ziah zel ,hnuai lam chu hawiin ka kun daih a . Ka kawnga rawn manin alamah min pawt hnai nghal salh bawk .

“ I lai leh tawh elo? Bawihi min en let ve thin la " a tihchuan a awmah chuan ka sih sak a ” Ka duh lo ,i zahawm thei ropui si" ka tihchuan a rawn nui hawk hawk mai “ Thawm dim rawh,an harh ange ,a letling zawnga ilo muttir lo chu a lawmawm " ka tihchuan ngeiawm min tih hmel lutuk hian min en a “ An in ang lutuk hi an pa mah ni ila ka buai thin,mahse ka hmangaih dan a in ang vek .

An kut te tak te in a ka kut an vawn hian ka thinlungah thu tam tak a rawn lut thin" tisupin ka hmuiah chuan a rawn fawp zauh a “ Zanriah kan la ei miah lo a nia " ka lo tihchuan ham buai buai hian ka chungah a rawn bawk nghal thurh a . Phawk zet hian ka lo en nghal kawk chu min nuih vur vur in mit a siai suk a ” Kan fate an harh ange aw " ka tih takah chuan min pawm in sofa lam chu min panpui a .

Hepa hi chu a hnial theih thlawt loh,“ Tihian an harh lo ang " tiin a thawmhnaw chu a phelh mawlh mawlh a . Dan pawh ka tum buai peih lo,inhnuai lama kan chhuk thlak lai chuan a nui vur vur reng a ,enge a hriat leh ni . A bulah chuan ngawi renga kalin ka en reng ringawt “ Bawiha i va nui nasa vur vur ve ,enge thlenga ? Khatianga mi â ang maia i nuih ni" ka nu in min lo hmuh rual chuan a rawn ti a .

Keipawhin ka zawh tum tak ani “ Mahriakte a tu hriatpui loh hlimna nun ka hmang ve a nih hi ka nu " tiin chaw ei siam tur chuan a ti nghal a . Ka lo sik vak ,khatianga chhan chi pawh a nia mi hepa hi chu aw. A hahthlak a nih hi,chaw kan ei lai chuan dawhkan hnuaiah ka ke a rawn tlawh zauh zauh a .Vawiin hi a rawn â haw vekin ka hria .

Rum zeta ka en lahin min en let duh der silo ,chaw eikham rual chuan kan fate ka ngaihtuah nen amah ka ngei hrim hrim chuan chhuanlam siamin inchungah ka chhoh san a ,an harh ka rin tawh nen tui tak hian khumah chuan an lo la mu dal a . Nuihsakin an chalah chuan ka fawp dan dan mai,nu ka ni ta mai hi a chang chuan mak ka ti thin .

Ka puitlin hun tur ngaihtuaha,chhungkua ka din ve tur anga ka ngaihtuah lai hun te kha an la reilo riau in ka hria a ,mahse tunah chuan khang ka suangtuahna te kha a taka tawng chho in hmangaih taka enkawl tura ka intiam na tihlawhtling turin fapa duhawm tak tak pathum ka nei ve ta reng mai .Ka suangtuahna aia tha pasal ka nei bawk a .

Hei bak enge ka duh belh tawh chuan ang,ka nunhlui leh ka nihna ngai pawimawh ve lo,ka nihna ang anga min hmangaihtu ka nei hi vannei ka in ti a ni . Remtluangpuia rawn lut chu en duh miah lo chuan ka fate thawmhnaw chu ka thlep malh malh a ,kan leisak bakah chhungte leh thenawm te ho lei ringawt pawh a tamin a then te phei chu veng dang emaw a mi pawh nise harsa deuh ni a kan hriat kan pe then hial .

“ Nu i lo kal teh maw ?" a rawn tihchuan hrelo ang hmak chuan ka tih ngai chu ka ti malh malh a “ Vat,lo kal vat teh " a rawn tihleh takah chuan muangchangin ka pan a “ Khale i ta tur a nih hi " tiin bawm hi min pe a ,mak tizet chuan en in ka la a “ Ka hna ka kaisang leh a " a tihchuan lawm zet hian ka kuah nghal chawt a .

“ Ka lawm pui lutuk che ,ilo haw tirh ah ka lo mu chu ka inthiam lo hle mai" ka tihchuan ka biangah a rawn piai zauh va “ A pawilo ,kan fate avanga i hah zia ka hria alawm,thil pek tha deuh ka dawng ve tho a " a tihchuan la zet hian a awmah chuan ka chum nghal dat a . A mal chunga min pawh thut takah chuan a darah ka bei nghal hle hle bawk .

“ Tunah chuan ka pi tan ka theih tawp ka chhuah angai tawh a ni. Ka tan kawng a awlsam sawt bawk ang " a tihchuan ka bu nghat nghat a . A thil min pek ka hawn rual chuan ka nui nghal ver ver a ,mutkawr hak nawm hmel zet bakah ka ngainat em em kawrfual chu a lo awm khiau a ,kekawr ai maha ka hak tam avang hian alo hre reng a ni ngei ang.

“ Ka lawm e ,ka hmangaih che " tiin a biangah chuan ka fawp zauh va “ I duhzawng ka la hre reng a lawm,sawi ngai lo mahla heng hi chu ila dawng fo ang,inah hian awm a kan fate ,lo la piang leh zel tur te nen ka theih tawpin ka enkawl ang cheu,ka nupui leh fate rualawh hlauin a lawm theih tawpa hna ka thawh " tiin ka biangah chuan a rawn piai leh nawk nawk a .

“ Nupui ka neih hun tur leh fate ka nei ve ngai anih chuan nun nuam tak an neih ka duh avangin nasa takin ka bei a ,tunah chuan chu ka thil tum chu ka ti thei chho mek a ni .Nangin hlen thei tur in min pui bawk a " a sawi zawh rual chuan ka hmuiah a rawn fawp vang vang a ,kan fate rawn tap avang chuan kan in thlah nghal zawk mai .

Pan hnaiin Danis-a tap chu ka pawm vat a ,a diaper chu ka en nghal vat,thlak a ngai tih ka hriat avang chuan u Remtluanga chu ka in puih tir a ,ka thlak zawh chuan a tap chu a bang nghal hmak bawk . Eddie-a leh Hluhlua erawh an la mutui viau,an nau tap chuan a ti buai pha lo a nih hmel. An pathum chuan an bawmah mut in kan thlir dun vang vang a ,tunah chuan heng ho in nghahna kan ni a .

Kan nupa inkar hian kan fate hma hun leh nun dan tur tam tak a hril tih ka hria a ,chuvang chuan theihtawp chhuahin ka pasal leh fate hi ka enkawl anga,an hmuh laia inhauh mai mai lah ka duh dawn hek lo . Nupa in hau nasa chuan an fate nun an nghawng tel tih hi ka hrechiang em a .