MR. CONTROLLING S2 CHAPTER 26

MR. CONTROLLING S2

CHAPTER 26 

Ka kâwng na lutuk chu ka eu al al a,ka naupai an rit tawh bawk nen chêt har tak a ni. Awmpui kan lak belh nangin ka awm mai mai theilo nen tih tur ka zawng ve phet a, u Remtluangan min hau leh ngei dawn a nih hi, zanah a rawn haw chuan min hmet ziaha. Hna pawh a chawl zeuh zeuh mai, a chhan pawh min ngaihtuah vang a ni pakhat .

Keipawhin ka ngaihtuah bawk, ka pi thih hnu atang khan ka ngaihtuah zual, pa Zoa thil tih a nih ngat phei chuan ka ngawi thei mai maiin ka ring lo va, mahse tunah rih chuan eng finfiahna mah kan la nei miau silo. A ni lah rinhleh turin a awm lo hrim hrim bawk nen midang te hi an ni zawk angem tih rinna ka nei leh zauh thin a. U Remtluanga erawhin a thil chhui lai engmah min la hrilh duh vak lo thung.

Hmasawnna tur vak a ala awm lo tih erawh min hrilh thunga, ka pi kha tumahin thah ani tih an ring phalo a. Keini pawhin kan la chiang hek lo, u Remtluanga erawh chuan a ring bur thung. Khumah chuan mu in ka pum lian tawh tak chu ka chul heuh heuh a ,“Lo piangin lo thanglian zung zung ula, i pa hi puiin hahdam takin siam thei tawh ula ka va ti em. Kan khawvel rawn tifamkimtu ni ngei ngei ula, i pa rilru hah hi in chhawk zang khai ve ngei ka beisei, ka fate u in nu pawh hian ka nghakhlel lutuk cheu" tiin ka be mawlh mawlh a, a chang chuan an insual emaw tih tur in ka pum hi a rawn che dawt dawt thin a, u Remtluanga a nui huk huk zel. A nghakhlel em em a, a be mawlh mawlh thin nen ka nuih a za thin viau.

“Nu i i nuam sam lo em ni?" nau ka pai tak hnu hian midangte tihdanin nu i hi min ti kher zel a, Duhnu min ti duh tawh thak lo lehnghal “Pa a ka kawng hi ana deuh a nih hi" tiin ka tho taih taiha. 

A rawn meng rum ta lutuk chu a hlauhawm zawk hial mai “Mendy Lalnunkim vawi eng zat nge awm mai mai tur a ka tih che? I che sual ang ka ti a ni lawm ni? Engvanga thusawi hi zawm thei miah lo nge i nih? I awm awl ka duh avangin awmpui kan lak belh a. Tinge i lo chet ve sek reng?" a rawn tihchuan ka en kar a ,“Min vin kher suh" ti ler hlarin a hmaah chuan ka ding a, ka dara rawn sawi nawk pah chuan “Vin i duh loh chuan thu awih ve mai thin rawh, ka hrilh tawh che. Nau pai i nih hi, awm tura ka tih che chuan awm ve mai mai rawh" a tihchuan ka mittui a tling nghal pam mai.

 Nidangah chuan min hau mahse hetiang em em hian a awm ngai lo a sin, insut hraihin tlansan ka tum a, mahse ka naupai avangin ka tlanchak thei tawh silo. Min man bet leh rang viau “Hey min en teh, i tap em ni?" dam dupa a rawn tihchuan ka tah a chhuak zual sauh.

Min thlem chiah hian ka tah a chhuak deuh deuh zel, ka insup hlawp hlawp a. Ka mittui lah chuan min pui tha lutuk, a rawn far zung zung mai, kan in hauin kan in vin khat a. Tun hi a vawikhat mi vinna leh hauhna a ni hial ang “Ka tihpalh, shhh tap tawh suh le. Ka tihpalh a nihkha, nangmah i intina ang tih ka hlauh vang a nihkha, tap lo teh maw Nu i. I tah hian thlem dan tur che ka hre thin lo, tap tawh suh ka vin tawh miah lo ang che" tiin a awmah min kuah bet hlun a.

 A kawr nghawngah chuan ka tham nghal vak a “Ka khawhar vangin tih tur ka zawng ve a lawm, tinge min vin vak zel, in chhuak bo veka. Awmpui te lah kawm an theih hekloh, keimahin roomah ka awm a, ka khua a har ang tih pawh min ngaihtuah pui velo a nihkha" tiin ka tap nasa sauh va. 

A buai hmel takzet tawh “Duati tap tawh lo la, kan fate an hrilh hai dawn a nia aw, an nu hi tap bengchheng an ti palh ang che" a rawn tihchuan “An ti bawklo " ka tinghal hlur a. Chutah kan thusawi hria ni awm hrimin ka dul chu a rawn che awka.

Ka rak nghal that mai “Kha kha a nimai, anu tap an duhlo ve tho nihkha, tirawh le lo mu leh la ka va intifai lawk a nge" tiin khumah chuan min mut tir a. Ka samah chuan chulin ka chalah a rawn fawp leh phawta “Lo tap tawh suh aw" tichunga bathroom lam a pan chu ka en ta reng a . A duh duh hunah hian a in la zei ziah mai.