MR. CONTROLLING CHAPTER 30 LAST

MR.CONTROLLING 

CHAPTER 30 (LAST)

“ Nu i " tiin u Remtluanga chuan min kuah thlawp a ,kei erawh ka harh hlim a ni nen engmah ka la sawi theilo .Ka aw a chhuak theilo ni berin ka hria,ka hnung chu ala na bawk nen min kuah zawng chuan ka ner sak mai “ Ilo harh leh avangin ka lawm e " a tihchuan zawi muang chuan ka kuah let a . 

“ Tinge min chhan miah loh a ?" ti a min rawn en chuan “ A har...sa..lawm" ka ti bahnak mai . Ka thawk te hi ala har riau hian ka hria “ Ka hrethiam e ,na lai ila nei em " a tihchuan ka hnung an vihna lai chu ka kawk zauh va “ Kha mihring phiangsen kha ka that lo kha a vannei a ni " tihlukin ka biangah chuan a rawn khawih zauh va.

“ Nu i thil hrilh duh che ka nei a ,i rilru pawh ana viau mai thei " tiin a thaw hawk a, a hmel awmdan atang chuan a sawi hreh hle tih ka hre thei . Eng thil tak ni ang maw “ Kan fate an tha em " tiin ka en kar a ,a thil sawi tur nen ka ngaih a tha lo zo vek tawh . Khapa khan ka fate kha a khawih leh tho em ni ang “ U Remtluang kan fate an tha em?" ka tihchuan a bu nghat a .

“ An ni chu an tha ka sawi duh zawk chu Dika zawk ania" a tihchuan a ngaihna hriat loh hmel zet hian ka en ha ringawt “ Ka pi te ,chuan nangmah ngei pawh thah tum tu cheu kha Dika vek a ni,i u anga i en ngei kha " tiin ka kut a vuan a . Mak ti lutuk chuan ka meng kawk kawk ringawt,ka rin loh lam daih thu a sawi chuan min thawng lo theilo,u Dika ber kher engvang nge ?

Ka u anga ka en zia a hre reng si a , mihring pawh hi kan lo va mak thei ngai em . Ka thaw hak a “ Engvanga tinge a nih le ,ka thian leh ka u angah ka lo ngai a sin " tiin u Remtluanga chu ka en kar a,a awma min kuah bei pah chuan “ A duh che tih i hriat kha ,mahse ka hnenah i rawn let a ,a pa hial kan tan tir takah khan a lung a dam lo a ni ber .

A tirah chuan ka ring bik lo,mahse kan ina an rawn len ni a an awmdan awmpui te hnen atangin ka dawng a . Ka ringhlel ta chauh a ni,an chhuah hnu khan in vel a enkual nasa hle a ni awm a ,ama hnen atanga kan hriat dan chuan ka pi kha inah a lo va hmu hmasa a ,chumi hnua a duh lo chung pawt chhuak a lo nia,kan chhui tih a hriat khan a hlauthawng ta a . Kan awmloh lai a lo chang a nih ber chu " tiin hrehawm ti tih hriat tak hian a thaw hak a .

Tinge hetiang thil a tih chhan ber ka la hrethiam chuang lo,a fel hle in ka lo hria a sin “ Hetiang mi a ni ang tih ngaihna ka lo hrelo a ,ka harsat laia min pui tu ber a ni a ,engtin nge hetianga a awm thut theih le " tisapin u Remtluanga chu ka melh chho kar a , ka thu hriat hian min thawng mah mah a ni .Kum tawp lama a nupui neih tur thu a sawi te chu ka ngaihtuah a ,ka pi chu ka ngaihtuah let a .

Ka mittui a tla nghal fap ,u Remtluanga te min huat em em lai pawha ka tana awm ve ve an ni a ,mahse u Dika erawh a rilru a dang ta si “ A hmangaih che a ,ka ta i ni leh ka fa i pai tih a hriat hnu phei kha chuan huatna in a rilru a luah vek a nih hmel .Min tihchhiat a tum na lamah ka pi in a tawrh phah a ,ka chhui nghal mai a rin avangin accident angin a lan tir reng a . Mahse thudik chu a thup hlen theih loh .

Hmannia ka rawn haw loh char char atang khan hma a lo la ve reng a,finfiahna ka nghak mai chauha .A pa zawk ka rinhleh laiin a mah zawk a lo ni leh tih ka hriat khan a hlauthawng a ni mahna ,tin ka ringhlel tih hrilh tu an awm bawk a . Kan thawhpui ngei ka rin em em chuan min lo phiar ru ve reng bawk a ,khatiang a lo hriat ruk takah chuan nangmah ni a rawn bi tum ta chat cheu a nihkha ,ka lo thleng tlai ang tih ka hlau hlel love .

Kha ni ai a hlauhthawn kha ka la neilo ,chan cheu hlauhna avang khan ka mumal loh phah vek a " tiin ka kut chu a fawp zauh a . ” Kha min thah tum tu ka fate ngei pawh thah tum kha amah maw? Kei min bitum hmasa lova kan fate a bi tum hmasa kha engvang nge ni ang" tiin ka phun sap sap a . “ A chhan chu kan pahniha fa a ni miau a ,an ni thaha nang hruai bo che a tum a nih ber chu " tiin a in seh ruh tawlh tawlh a .

A thinrim hle tih ka hriat avang chuan thudang sawi pui vat angai tih hria in kan fate chungchang chu ka zawt thuai a ,damdawi ina an awm ve thu leh ka nu leh nurse ten an pawm tih a sawi chuan ka thaw huai mai “ Ka hmu duh,an na lo tiraw?" ka tihchuan ka hmuiah a fawp vang vang phawt a ,a tha chu a khur dar dar tih ka hre thei. A hlauthawng takzet a nih hmel .

“ Na lo e ka sawi tawh kha ,nu ropui tak ama nunna aia a fate nun ngaihlu tu an nei a ,an him vek e nangmah vang liau liau in " tiin min nuih suk a . Ka thaw ta hak mai“ Kan va hruai ange aw,lo awm reng la" tiin nurse pakhat chu kovin min awmpui tur chuan a ti nghal zauh va .A chhuak zui chu ka en reng ,ka fate an him tih ka hriatna chuan min ti hahdam huai huai mai .

Chutih rualin ka mi rin leh ngainat em em u Dika chungchang erawh chuan min tina tak zet thung. Ka tan a a pawimawh zia a inhre reng awm si a ,engvanga ka laka rilru chhe pu ta nge a nih,min duh tih hre mah ila hetiang khawpa a kal duh hi ka ring lo a sin le .U Remtluanga leh ka nu chu an rawn lut a ,pahnih u Remtluang an pawmin ka nu in pakhat a rawn pawm lut bawk a .

Ka bula an rawn mut chuan ka en vang vang a ,min hre ve niawm tak hian an nui hlawm lehnghal . An kut chu ka hum a ,min lo vuan let ve nghal zat,ka tah nuih hak a “ In him chu ka lawm e ,ka chakna in nih hi aw ka neih chhun liau liau " tiin an biangah chuan ka fawhsak diat diat hlawm a . An aw an chhuah ve nak nak thei tawh bawk nen mi lâwm ang mai chuan an rawn tawng ve a .

u Remtluanga chu kan bulah rawn thu in “ An nu chu an hre hle che a nih hi ,an tawng ka vawikhat hriatna a ni . Hrethiam lo mah ila an be ve ngei che a nih hmel,heng ho pawh a nu ang maia tuarchhel an ni dawn tih ka hria a ni " tiin a phun sup a ,a fate chu a kut lian pui chuan khawih dan danin “ In nu nen hian ka kal hlat san leh tawh lovang che u,ka venhim theih loh cheu avangin ka tihpalh" a tihchuan a kut chu ka vawnsak vat a .

“ Inthiam lo suh ,kan hma hun hi mihringte hian kan hre hleinem,a hun takah ilo thleng tho a . Tunah chuan hlim takin kan awm ve thei tawh ang ,kan fate nen pa i nihna angin engkim min tihsak a ,inthiamlohna tur i neilo kan hmangaih vek che" ka tihchuan duh tih hriat ngawih ngawih hian min en a . Ka pasal mit ka en hian min hmangaihna chauh lo chu ka hmulo.

Hei hian min kalsan ngai dawn lo tih a tichiang a ,hlim taka a angchhunga awm mai loh chu enge thlan tur dang ka neih chuan? Ka hmangaih ani ve tho va ,chubakah tul dang tih ka neilo ve ,ka phatsan ngai bawk hek lo ang .

____

“ A pa ,apa" Hluhlua te unau thum a pa lam pana tlan phei chu thlir in ka nui var var a ,bolero atanga chhuak chiah a pa chu a ke ah an va pawm nghal tai mai . Danis-a chang ve lo chu a au chul a ,a piang tlai ber tih takah a tha a chak lo ber a ,apa pawh hian a duat zual hle. A pa in a pawm rual chuan in ti thei zetin a unau te pahnih chu a en a .

An ni lah lo diau bik lo,a pa pawm chu an ngen ve chul a ,a tawpah bawr luk chuan ka lamah an rawn phei a . Kawng dawm ata ka lo en chu ka biangah a rawn fawp leh zauh va ,ka dul lian zet tawh chu en lehin a fate chu a dahthla a “ Vawiin lam ilo chau leh em? An tibuai leh viau ang che a ,ka fapa te hian anu an lo tibuai nasa em?" tiin an unau thum chuan a enchhuk run a .

An ni lah thiamlo bik nih duh lo ,an inhek tawn leh zak zak tawh mai . U Remtluanga chu a nui hawk hawk a “ An buaithlak ve ta khawp mai,khawih hman loh pawh an neilo pakhat ka hauh chhungin pahnih in an lo khawih ve hman zel a ,mahse awmpuite a zarah kan in enkawl ve thei viau ania" tiin ka thaw hak a . Vanneih thlak takin u Terami pawh u Dika khan a sahuatah a lo vit lo hlauha .

Tunah chuan dam var in kan bulah an la thawk ve ve e,keini pawhin chhungkaw zing a mi ang maiin kan en tawha. Ka nu pawhin a hna chawlh sanin inlamah a awm ve chawt a ,a tute a vangin a ni pawh a buai ve viau,pakhat chauh pawh harh tak a nih laia pathum lai enkawl chu kan hah zual a ,mahse inchhirna emaw lungawi lohna emaw ka neilo,ka fate hian ka nun an tihlima.

Ka hmangaih bawk ,ka naupan lai ang a an awm ve lah ka phal hek lo .An pa in theih tawp chhuahin min enkawl a ,nu leh pa nei lo mah ila tunah chuan ka pasal avangin engkim ka nei a ,chulo beisei dang ka nei hek lo . Room kan thlen rualin an tihdan ngai te in an pafa li chuan an inbuan zui lehnghal zat .

An sirah chuan chair ah thu in ka lo awm ve reng a ,ka pasal ama tawka in la pa ve tak leh khirh em em a fate hmaah erawh zaidam leh nui huau huau chu ka en a ,ka nui leh sak thin .Kan inhau ngailo chu ka tilo,mahse ka tana natna khawp tling turin eng tawngkam chhia mah a thinrim ber lai pawhin min sawi khum ngai lo .Keimah zawk hian ka chhuah chhal leh zauh thin a .

Mahse chung hunah chuan a dawh thei zawkah tangin min be duh ngai miah lo a . Min biak chhunah pawh tawngka dam dap hian min be thin a ,chu chuan ka thinrimna pawh a bengdai leh thin .Nupa chu engkim kan inhrilh anga,kan thiam lohna ah in hrilhin inhauh chang kan nei thin ang,mahse chutiang hunah chuan inthenna thu sawi hi tih nghal mai loh tur .

Hmeichhe tam tak chu kan pasal te laka kan lungawi loh apiangin tlan kan tum a ,fate kan neih phei chuan inthen hrehawm tizawk kan ni leh fo . Koh a haw leh tho tho ai chuan kan thinrim ber lai pawhin ngaihtuahna thui tak neia kan tawng hi a tul fo,mipa chu induhtawk ve tak an nih avang hian hmeichhia kan fin ve a ngai thin. Lungawi lohna kan neih apianga chhungte bula haw kan tum chuan nupui tha kan ni thei ngai lovang .

Mipa te pawh hian kan nupui te dawm dan thiam ila,hmeichhia chu âwm nêm zawk kan nih hria a kutthlak ngawt lo a dawh theihna nena kan enkawl ve angai a . Khawvela nupa tha ber kan ni tih ka sawi theilo,mahse kan in hmangaihna avanga tlawm zawk nih kan hrehlohna hian tun thleng inthen lo in min la awm tir ka tilo theilo .

Kan hun kal tawha kan tihsual khan tun hunah hian in hriatthiam tawnna leh in ngaihsak tawnna min pe tih a tichiang hle bawk . “ Chawlh ka la a ,a tul tawpkhawk a nih loh chuan i nau neih hma loh chu ka chhuahsan tawh lovang che " zan kan mut hnu chuan ka dul chul pahin a tisup a . Kan fate an muhil tawh a ,keini pawh kan mu zui ve kha a nia .

“ I chau viau ang,keilah hi eng ti thei ka ni silo va,kan fate lah an hrisel em em bawk nen" tiin ka nui hak a .Ani pawh a nui ve huk mai “ Ka nu in an chhun che a tia,a dikin ka ring i kut a hlei bawk nen ka awih thlap " ka tihchuan ka biang tawn tawnah a piai vak a “A ni tel hian i duhawm tulh tulhin ka hria ,ka hmangaih ngawih ngawih mai che chu a nih hi .

I tello chuan ka dam theih pawh ka ring lo " a tihchuan ka nuih var var a ,ka kuah nghet sauh sauh mai “ Ka damchhungin ka hmangaih ang che nga ,nangma nupui chiah ka ni reng bawk ang " tiin keimah zawk chuan ka fawp a .He ka pasal hi ka tawng lo ang tih ka hlau a ni,rilru na tawp khawkin min siam a ,mahse amah vekin a tireh leh a . Ka damchhungin a tan chauh ka nung reng tawh ang .

A TAWP TA