LALHRIATPUIA CHAPTER 8

LALHRIATPUIA 

CHAPTER 8 

“ Miss an in sual ania " class 12 ho room atang chuan thawm a rawn chhuak a ,sir Thana nen chuan kan pan nghal vata “ Duhtawk rawh u" sir Thanan a tih hrawk rual chuan insuala te pawh chu an inthlah a ,Lalhriatpuia leh an class monitor a kan ruat Rinzela an ni tih ka hriat chuan ka thaw hak mai,Lalhriatpuia hmui leh a hmai chu a thi deuh a ,Rinzela phei chu a hnar atanga thi a chhuah bakah a mit chu a duk chur mai.

“ Office ah min rawn zui rawh u " tiin sir Thana nen chuan kan chhuak zui a “ An insual reng mai a ,mipa sual enkawl hi chu an hahthlak a ni e " ti a Sir Thana a phun mawlh mawlh lai chuan ka ngawi reng thung,keichuan an insual lai ka vawikhat hmuhna a ni a . Engmah sawi tur ka hre ve lem lo,office a an rawn luh chuan ka lo en kar a ,Hriatpuia chu min hmuh rual chuan a inthlahrun hmel hle lehnghal .

An insual chhan kan zawh chuan an sawi duh thak lo lehnghal “ School hung chhungah vawikhat mah insual leh tawh suh u .In duh chuan school huam chhung loah in insual dawn a nia ,in ti lui leh a nihchuan hnawhchhuah in ni tawh ang" Sir Thanan a tihchuan bu nghatin an chhuak zui a . Engvanga insual nge maw an nih reng reng ni.

Ban ah chuan haw tumin ka kal hnak hnak a,ka thawhpuite ai ka awm hnufuala ,tumah an awm ka ring tawh lo . Phone chu en pahin ka kal zel a ,gate ka pelh rual chuan aw thian kharh ri chu ka hre nghal zat “ Lo chuang rawh " Hriatpuia chu a bike nen a lo la awm chu niin. A necktie chu duhdah zet hian a nghawngah chuan a dah a ,a phelh thawl duai bawk. 

A kamiz lah chu bilh lo in a pawt chhuak a ,“ Enge tun thleng thleng ila tih" ka tihchuan a dar san ukin “ Ka bialnu hual ka nghak " tiin a nui leh vur vur tawh .“Kei min ngaizawng lo in  i rualpui nula te  bem zawk rawh" ka tihchuan mitmeng tur ngan chuan min en a ,“ Nangpawh Bawng  va ngaizawng rawh ti che ila i duh bik dawn em ni?" a rawn tihchuan ka melh nghek a .

“ Bawng an ni lo" ka tihchuan a ha var nalh zet lang chuan a rawn nui ver ver a “ Ni e ,ka mitah chuan nangmah chiah hmeichhia in i lang" a tihchuan hahthlak ti lutukin ka en tawp a .He naupang hi engtin nge ka tih dawn pawh ka hrelo,amah aiin kum sarih laiin ka upa a ,mahse a ngai pawimawh lo nge min tihbuai a thulh lo hrim hrim .

“ Taitai nang chiah hi hmeichhe enin ka en che,hmeichhe dang ka duh lo . An ni chuan min bema,min tlawn thin,mahse an ni chu ka duh lo,min hnar tang tang reng lo teh" a tihchuan ka hmui chu ka pet zauh va “ Taitai min tiziah suh ka hming pawh a nilo " tiin kal pelh mai ka tum a“ Ka thlah ang che ka tihkha ,luhlul suh ka tan chuan i hminga koh a remlo,chubakah ka hmuh hmasak ber che a i biang tai tek atang khan he hming hi i pu nghal" tiin ka lamah a rawn kûn hniam a .

“ Min duh lo mahla ka chance neih hi ka bawh pelh dawn lo ka tih tawh kha,lo chuang rawh i tlai mai mai ka umzui tho ang che " a tihchuan hnial duh tawhlo in a bike hnungah chuan ka lawn a ,rawlthar luhlul a ni bawka . A thu ang chuan a awm duh leh dawn tih lah a chiang reng,kan tlanchhuah hnu lawkah school naupang ho kan um pha a .

Min en haw haw hlawm mai,mi an ngai dik lo ang tih a hlauhawm . Hepa vang vek hi a ni,kan haw tlai fal bawk nen ngaikawi an awm ngei ngei dawn tih lah a chiang “ Engvanga insual nge i niha?" tih ka zawh chuan a rawn hawi zawk a “ A tul a nihkha " tihzawng sawiin a ngawi leh hmak a . Bike chu chuang lo ila ka chum dawp duh ang ,chimawm thiam lutuk.

In kawt kan thlen chuan Nautei chu in kawtah chuan lo awm in a lo phiat fai a ,Hriatpuia bike atanga ka chhuk chu min lo en ha mai “ A nih mangtha aw " tiin ka en zauh va ,a sam hma hui that leh mawlh mawlh pah chuan “ Mangtha le " tiin an in lam pan chuan a tlan zui a . Kan in hlat lo bawk nen ka en zui reng a “ U Tha ,u Hriatpuia nen khan in in ngaizawng em ni? " Nautei in a rawn tihchuan ka hawi let vat a .

“ A teuh lo mai,ka zirlai a nihsaw " tiin ka ner nang a “ In inhmeh ka ti,u Hriatpuia sawn a duh hmel che e ,ka thiante ho pawhin an sawi nasa lutuk cheu,hmeichhia a phur mai mai ngailo . Ngaihzawng lah a nei heklo,dik tak chuan kan khuaah hi chuan mipaah ani aia luck an awmlo .Nang chu a ngaihsak bik che e " a tihchuan ka nuih ringawt a .

“ Thian angin a lawm kan in en ,a bak engmah a awm lo " tiin inchhung lam ka pansan a . Nautei thusawi chuan ka ngaihtuahna a luah tlat leh nghal,in ngaizawng angin min lo ngai tak tak a nih hmel. Nutei rawng lo bawl mawlh mawlh chu enin ka pan hnai a ,ka pui ve nghal zat “ Vawiin chu i nu in a lo phone a ,reife kan inbia a ,i u Chhana te pawh an inhruai ta a nih hmel ,a tha mai ,fa an inkarah a awm miau sia " tiin a sawi pah mawlh mawlh a .

A mit chuan min en ran bawk ,nui sak hian “ Hriat leh pawh ka duh tawh lo,an inneih ber chuan a tha a nihchu,enge kan hmeh dawn a. Wow maian maw ?" tiin a maian bai bel a mi chu ka tem nghal zauh a . A chhum zawr bawk a a tui ngei mai ,maian hi chu a zawr hneh pauh leh a tui ka ti .Sa lam ai hian thlai lam hi ka ngaina bawk nen ka ril a ti tam nghal rawih rawih mai .

Chaw eilai te chuan nutei rawngbawl chu ka fak chamchi a ,kan nui leh dar dar thin . Tunah chuan u Chhana vanga ka rilru nguai lutuk pawh a reh ve ta tial tial a ,mipa dang erawh nih pui tumna ka nei lem lo .Ani in min phatsan mahsela keimahah mipa dang hnaih chakna a la awm lo a ni ber ,be tu leh bem tu chu ka hmu nel nual a . Mahse ngaihzawng han neih leh a ,bul tan thar tur chuan ka la inring tawk lo nge ,ka duhzawng tak ka hmu rih lo te pawh a niang. 

“ Ka lo leng dawn i phal em?" Hriatpuia message chu ka en a“ Leng lo in lehkha zir rawh,in exam dawn tawha ,tang ve ta che " tihchu thawnin ka khumah chuan ka lawn kai a“ Ka tang ve reng a lawm,hmalaiah lehkha ka zir theilo . Chubakah ka hmu chak leh tawh che a ,chu chu a rem lo em ni?" tiin emoji lungngai tawk lem chu a rawn dah tel a .

A hahthlak thin teh e “ Min ngaihzawng chei tawh suh ka tihkha ,Hriatpui nang nen chuan kan innei thei dawn lo,lo in ngaizawng ta ila miin eng ang in nge min sawi ang. Eng angin nge an sawi ang che ,tin i nu leh pa lahin an rem ti hek lo vang . Chuvang chuan a tlai hma in min duhna kha tihreh tum rawh " ka tihchuan zawhna chhan harsa zet chu mi rawn zawt khauh a .

A zawhna chu hei hi a ni ” Anih arsi khi dawi bo tur in ti ta che ila,i thei bik angem? " tihchu chhan dan tur ka hrelo,arsi kan ban phak loh .Lian leh eng tak,khawvel atanga hla tak si chu engtin nge ka tihbo theih tehlul ang “ Kha thil i tih theih loh ang bawk khan ka duhna che hi ka ti bo theilo,ka tan chuan arsi ka thlir theih,mahse ka khawih theih leh tih danglam theihloh i ni . Zanah i eng a ,mahse ka tan a nilo . Chhunah i mawina i thup tlat a ,ka hnaih theilo lehzual che ,chuvang chuan nang duh lo tur che in min ti tawh suh " a rawn ti khauh a .

Hepa hi tehkhin thu tha tak tak a hria in a sawi leh nawlh nawlh thin a ,thluak tha tak a nih ka ring nghal pang. “ I mawina mi zawng zawng tan nimahse,ka tan bik chauha enga mawi tak ni turin ka duh che .Tan ka la bawk ,nangmah lak theih nan chuan thih thleng in ka bei mai ang ,eng anga sangah pawh awm in ,engtianga hla ah pawh awm mahla ,nangmah ka neih theih nan chuan ka damchhung in ka pan mai ang che " tihchu a rawn sawi leh a .

“ Tinge min duh tlat,keiai tha i rualpuiah an tam em hi?" a thusawi chuan min hneh ru tlat,ka zawt lo theilo “ Engvangin nge miin engkim neitu nih ang chak em em? A chhan chu nun nuam tak leh hlim taka awm an duh vang a ni,mahse keichuan nang ka neih che chuan engkim nei angah ka in ngai ang.  A dang ka mamawh lo,naupang zawk pawh ni ila ka nghak zawk mai ang che ,engtikah emaw chuan puitling ang tak takin min en ve thei mahna " chu thu chuan min hnehin min thawng a ni ber.

A tir kha chuan a rawlthar awm tha duh lo in min fiam kual emaw ka ti a ,mahse a lo nilo tih chu a lang chho zel a nih hi . “Anih muttui aw ,lo in ngaihtuah rawh,mi in engtin nge min sawi ka ngai pawimawh ve dawn lo keichuan,ka neih phawt che chuan ka duh tawk . An ni thusawi avanga ka hlimna tur tih chhiat ka duh hek lo, an niin kan nun ah thu an nei thiang lo,an nunah buai mai rawh se . Keinilo pawh innei an tam lutuk " tiin a offline zui a .

Ka chhang tawh lo ,a sawi chu a dik chiah mi nunah hian kan buai leh lutuka ,kan pawi rawn sawi miah lo pawh lo sawisel hi kan chak zek zek miau va . Hriatpuia ngaihtuah rauh rauh chung chuan ka mit ka chhing zui riai riai a ,tunah chuan engmah ka la sawi theilo,hunin a la hril ang chu.

ZAWMNA 

“ Lalhriatpui ding teh " nili chhung min pehhel tawh,nilo min tilui emaw tih turin a rawn lang zuk a .A tlanchhe nghal ziah lehnghal “ Ka duhlo " tihlukin a bula hmeichhe kal chu a kuah nghal tharh bawk . Umzui tum tawh bik lo chuan in herin in lam chu ka pan a ,exam zawh ni a ni bawk a keipawh ka thawveng huai mai, Aizawl lamah ka haw ve zawk thei anga a tha phian ang .

I

Helam nuam ti viau mah ila mahni seilenna nge nge chu ngaih a na lo theilo “ Ka nghak dawn che ka tihkha ,tikhan ka zûnah uai turin ka siam dawn che . Ka telloa awm theilo turin " a rawn tihzui hram chu hawi let duh tawh miah lo chuan ka kal zawm zat a “Lalthakim misualnu, thik ve tawh em em ta che " rawn tihluk hluk tu chu ka melh zauh a .

Ka sirah thaw huam huamin a rawn kal ve a “ Taitai, tinge min duh hi i tum ve chhin miah loh " a rawn tihchuan ding datin ka en kar mai “ Duhtawk tawh rawh,ka sawi tawh kha nang leh keichu kan inmil lo,kan in upat hleih lutuk,i rualpui ngaizawng zawk rawh ka tih tawh kha,duh che tumna ka neilo,min kiansan zawk rawh " ka thusawi avang chuan a mengrum ta al mai .

“ A tha a lawm,ka tibuai tawh lo ang che. In la upa si mi chen tawp silo,te ropui si i duh dan chuan awm ta pauh che ,kha mihringin a tihnat ang che khan tina reng che rawh se" tihlukin a tlansawn nghal nul nul mai . Chumi hnu atang chuan min rawn be tawh ngai lova ,a last seen lah ka hmu tawh hek lo,mi a block tih ka hailo . A message hmuh tur a awm lo chu ka ruak huai hian ka hria .

A hma kha chuan min biak reng avang khan ka chhang tha duh ngai lova ,mahse a han reh chiah chu ngaiah ka neih hman tih chiang takin message dang awm mahsela reh ka ti ve riau. Aizawl lamah ka haw chhun zawm bawk nen a chanchin ka hre ta meuh lo ,ka chawl rei dawn chuang lo a biak buai ka tum lo law law .

Keiai a naua ,nihpui ila engtin nge kan chhungten an ngaih ang? Min dem nasa dawn lutuk tlat ,ka let leh hnu class kan tan hmasak ber chuan a hmai vel bandage in a tuam bur a ,a insual leh tawh pawh animahna.Min melh duh thaklo nia ,hmeihchhiate chu a fiam kual zuk zuk a ,biak ka tum bik thak lo .

Zirna chungchangah khaw thenawmah ka kal angaih avangin nutei te scooty chu hmangin keimahin ka kal a ,hun kan hman rei tak phian avangin khawthimah ka haw a . Ka hlau riau lehnghal,zan lah chu a vawtin lirthei dang tlan an vang bawk nen hlau rilru tak chuan ka tlan zel a ,vanduai thlak lutukin ka scooty lah chu a la chhe zui .

Tih nun leh ngial ka tum pawhin ka thei thaklo ,zan lah chu a rei tulh tulh bawk nen motor rawn tlan lah an awm der silo . Nutei te lah an mut tawh ka rin bakah lirthei dang an nei bik lo bawk nen tun ang zan reiah chuan khawia chuan tur nge an hmuh ang,Lalhriatpuia chu ka ngaihtuah chhuak zawk a . Ka phone chu phawrhin a number chu ka en vang vang a .

Reife ka in ngaihtuah hnuah ka call ta tawp a ,a la duh angem ka hrelo.Ka tihdan avang khan a la lungawi lo ropui bawk nen,a tawpah chuan a rawn ri khap a . Mahse hello pawh zuk ti duh miahlo a “ I hre thei em?" khur hlak hlak chuan ka ti a ,chutah thaw hakin ” Hria e,enge pawimawh " a rawn ti tawi tuk a ,biak a huphurh awm ngawih ngawih .

Naupang zawk mah nise ka inthlahrung zo vek “ Min lo hruai thei angem,kalkawngah ka scooty a chhia a " ka tihchuan rang zet hian ka awmna lai min zawt a,ka hrilh hnuah phone a dah zui nghal zat .Inkuah khawm hlan chuan scooty bulah chuan ka thu khur hlak hlak a ,ka bul vel thim chin ah te chuan thawm a awm leh rak rak thin bawk nen thla a muang lo duh ngei mai.

Darkar chanve tling lo deuhah bike ri ka hria a,ka ding chhuak nghal vat . Head light in min rawn chhun hnu lawkah Hriatpuia chu ka bulah a rawn ding chawt a ,ka hnaih nghal ruak mai engmah a sawi hma chuan in ngaihtuah buai miahlo in ka lo kuah a .

Harsatna ka tawh a piangin ka bulah a awm ziah a,ka tan pawh a hlu lo theilo . “ Ka hlau lutuk,hengah te hian thawm a rawn awm thin a ,motor rawn tlan lah an awm thei silo " tiin ka khur hlak hlak a ,muangchanga min namsawn deuhin a kut kawr chu phelh mawlh mawlhin ka kutah chuan a rawlh lut mawlh mawlh a . A vawt ka ti tih a hria a ni ngei ang .

A jumper rawn ken chu min hak tir leh nghal mawlh mawlh a ,ka tan chuan a lian tha hnekhnawk hle “ A vawt ang bike khalh tur i nihkha ,i kutkawr hi bun leh zawk rawh " tisapin ka en chho a ,a la ngawi ngur reng chu ka chil lem khalhin “ Motor lo tlanse chu lo call che pawh ka tum miahlo,nutei te lah an mut tawh dawn bakah lirthei dang an nei tawh bawk silo va " ka tileh a .

“Lo ngawi hle hle rawh,hetianga vawt tawrh ai te chuan a hma daihin min lo call mai ta che ,i hmui a duk vek hi " light engah chuan a hmu vek te pawh a niang “ I thinrim sia biak che ka hreh a lawm" ka tihchuan a rawn nui sak a,ngawi reng chuan a muffler awrh lai chu ka nghawngah a rawn vet leh mawlh mawlh mai . “ Tihian la awm ang,i taksa kha lum phawt sela kan haw dawn a nia .Tihi chuan a tha lo " tiin kawngpuiah chuan a thu a.

Metal road a ni bawk nen a balh vak a ring lo te pawh a niang “ Tah hian lo thu rawh,i lum vat a ngai a nia " tiin a kapkara thu tur chuan min hui zauh a ,tuna ka awmdan hi tleirawl ni leh ang mai te hian ka inhria ,nula senior nih tawh lama tleirawl anga inhriat chu ka nuih a za phian lehnghal .

Engmah sawi tawh bik lo chuan ka thu thla a ,a rawn inring sa te pawh a nimahna ala inthuam lum tha viau . Ka hnung lam atang chuan ka kawngah a kut a rawn rawlh lut a ,a awm ngheng thei tur chuan min hnuk hnai nghal zat ,ka lunglah chu a phu dawt dawt lehnghal “ Engtin nge hetiang rawn ken nachang i hriata" ka tihchuan “ I aw khur nasa lutuk khan vawt i ti tih a tilang chiang a lawm,nula ve pui si thawmhnaw lum hakna chang pawh hrelo khaw vawh zia hi i hre ve lo em ni" a rawn tinghal hmuk a 

“ Kan tlai ka ring lova " ka tihchuan engmah sawi tawh lo chuan ka darah a khabe a rawn nghat nghal thak bawk . Haw duh bik lo chuan ka ngawi hle hle ringawt,ka mangan laia min tanpui tu awmchhun a nih thin vang te pawh hian a niang,ka rilru hi a dang ve ta tial tial tihlah ka hailo . Ngawi reng chuan kan thu dun renrawn a ,thawm chu hre leh thin mahila min kuahtu taksa lum thur thur avang hian ka phu tawh bik lem lo .

“ Taitai " ka bengbulah chuan a rawn phun sap a ,ka taksa khur der der chu a hria te pawh a niang ,alamah min kuai herin thim karah chuan min en reng tih ka hre thei,ka lamah a rawn awm hnaia,ka hmui vawt thlarah chuan a rawn fawp nghal chat . Ka phu deuh zawk a ,a hmui lum ham ham chuan engtin emaw min siam ka timai,ka chhang lo va ,ka hnar hek lo .

He kei ai naupang daih zûnah hian ka uai ta mai em ni? Ka biang tawn tawnah chuan vuanin min en vang vang a ,a nui ta hak “ I duhawm lutuk ,tunah chuan thil i hre thiam ve tan ni in a lang " tiin a awmah chuan min kuah bei a . U Chhana kha Hriatpuia awm ang hian ka lakah a awm ve ngai hauh lo tih ka hre chhuak chiah a ni .

Ani khan min ngaihsak ve tho mahse hetiang ang hian a awm ve ngai lo,an dang hlak ka timai . Ka sawi thiam lo zawk,an laka ka awmdan pawh a dangdaih a ni ,ka ngawi kara he mipa angchhungah hian tluk luh ka duh a ni ber. A ni ai u mah ila amahah in nghah duhna ka nei bawk “ A vawt ila ti em?" a tihchuan lu thing nar narin ka awm sawn a .

“ Haw tawh ang,ka chhungten min lo ngaichang reng tawh ang .Dar 10 a rik hma chu min ngaihtuah lo turin ka tia ,ka haw hman hun tur a chian loh vang khan " tiin ka sawi sap a . Ka kut chu rawn vuan lehin a rawn kun hniam a “ Ka duhna che i pawm ve ta ah ka ngai ang,naktukah i scooty chu lak tir mai rawh . Chahbi kha ak la " tiin a bike lam pan chuan kan kal a .

Kan tlan chhuah rual chuan a kawr ipteah ka kut zen lutin a hnungah ka bei a ,a rawn nui che dat mai . Chak lutuk lo chuan a tlan a ,ka mut a chhuak ve tawh bawk nen ka muthlu leh thin,intih harh hram hram tumin ka lu chu ka thing leh nak thin a , khawchhung kan luh takah chuan ka thaw huai mai . In kawt thlen rualin ka chhuk vat a ,a kutkawr min bun tir chu phelhin ka pe a.

A muffler leh jumper erawh kawl rih tura min tih avang chuan ka phelh duh ta lova ,mangtha a inchhung luh mai ka tum chu ka kutah rawn manin “ Vawikhat leh chiah " tiin thim karah min luhpuiin min fawp leh vang vang phawt a ,ka chhang let ve ta nge nge bawk . Reife kan awm hnu chuan inchhung lamah ka tlan lut a ,ka lungphu phurang lutuk chu dawmin ka nui sak mai .