LALHRIATPUIA CHAPTER 5

LALHRIATPUIA 

CHAPTER 5 

In ka haw hnu lawkah status ka view a, ka thil hmuh chuan min tisa zak mai. Kan thenawm nu Hmingchhuangi chuan status neiin u Chhana bianga a fawp lai te,an in pawm lai te chu a rawn status a.Thinrim zet chuan u Chhana chu ka thawn a message chuan ka be nghal zat bawk.

“Bawihi kha te chu thlalak mai mai a lawm,thian ang bakin kan awm hleinem " chu a thusawi chuan min ti thinrim zual daih zawk “Thiana? Thian chu hetiang hian an awm thin em ni? Anih khang khan mipa dang hi awm pui ve ila i lawm angem? Ka awm lo chu nuam in lo ti hle a nih dawn kha hlim takin awm rawh u " tihmakin ka chhuahsan a.

Min rawn call nghal tluk tluk bawk, la duh lo chuan ka charge san a, pawnah ka chhuak nghal nal nal bawk. Nutei te chaw eisiam chu puiin kan in be bawrh bawrh a, chu chuan ka rilru hahna chu a ti bo ve deuh, kan inzui rei a ka hmangaih em chu ka hrelo,mahse ka duh ve hle chuan ka hria. Ka thikthu chhiat zia pawh a hre vek, amahin pha mahse Hmingchhuangi hian a duh zia ka hailo.

Helama ka chhoh hma pawhin a be ziah tih ka hria a, mahse kan awmdun miau avangin a hnaih ngailo thung.Tunah ka awm loh lai a an awmdan kher kher chuan ka thin a tirim takzet ,ka rilru ana bawk. Rinawm turin kan intiam ve ve a, mahse tunah hi chuan ka ringngam meuh angem ka hre tawh lo, chaw eikhama rooma ka luh leh chuan a call leh message a lo awm tuar a.

Chhang duh lo in Lalhriatpuian zai min rawn sawmna chu ka chhang a, kan chakna lawm an beisei tih ka hriat avang chuan pawisa keng chhuak in nizana kan zaina lam chu ka pan a ,nuteiin “I zirlaite nen in inkawm rual vel chu a nia " ti a min fiamna chu ka nuih pui ve hak hak mai. An lo awm leh thap tawh “Enge kan lei ang" ka tihchuan phur zet hian an lo au a.

“Va kal phawt ila miss hei bel vel kan lo keng a thuk siam ila spicy chhum ang u, a hmeh tur nen kan rawn lei ang" an tihchuan pawisa chu pe in a pali te chu dawrah an kal leh a. Kei erawh ka mood a fuh chiah lo nen ka thu ngawi kar a,Lalhriatpuia chuan min rawn thut hnaihin “I diklo,enge thleng?" a rawn tihchuan mak ti zet hian ka en a.

A la nau viau emaw ka tia, hepa hian engtin nge thil a hriatthiam hmat em em bik ni “Engmah a nilo " ka tihchuan ka kut a rawn vuan a “Taitai min hmu naupang chhia viau thin suh, mi hmel landan atang engkim hre rual ka ni ve tawh a nia " a tihchuan ka thaw hak a “Hmeichhe dang in a bianga an fawp lai te an rawn status a, ka va bia a,a pha nasa mahse khanu kher kha chu helam ka rawn kal hma pawhin ka millo sa tawh.Tin thian mai mai chu nise khatiang khan an awm lovang" tiin engkim chu ka hrilh a. 

A hmel chu a rum nghal hle “Miin kan duh deuh kan bema, min hnawl laia chutianga mipa zawk lo awm, hmu ila chuan ka khawih hrep duh ang.  Amah vangin hnar ka la nizui" a rawn tihchuan ka nui hak a “A ho lutuk, a duh duhin awm phawt teh se tunah chuan engmah ngaih tuah loh ka duh" ka sawi zawh rualin midang chu an rawn thlenga.

Nui mah ila ka chhungril erawh a ipik tun thung, inneih te hial kan sawi rik hnua hmeichhe dang a awm pui chuan ka rilru a tina lo theilo “ Tikhan lo awm ula, in ei chak ngang a nih chuan lo ei mai rawh u, kan va vak harh lawk ange " a tihchuan a thiante chuan an aw an lo thian kharh kharh a “Hun a la tam alawm,in lo let hunah a nimai a lawm, va awm rei lutuk lo ula " an tihchuan ka nuih ringawt.

Zaktheilo rûal an ni tawh bawk a, puitling tak tak anga an tawng chu a awm ve tho“Kal rawh le, khatiang kha chuan kan hlim rual theilo ang " tiin min kalsawn pui a, ka zui ve tawp ringawt. Khawiah tak min hruai tum ang maw? Hmun reh deuh tak kan thlen chuan ka hawi hrek hrek a “Khawiah nge min hruai i tuma " ka tihchuan a rawn nui hak a.

“Hlauthawng suh,engtin mah ka tilo ang che. En la tah hian lo thu teh " tiin pipu chu a kawk a,ka lo hmu miah lo. Thu thla in ka nui var var a “Ka lawm e " tisapin vanlam chu ka hawi chho a “Awi a mawi lutuk" tiin van lam a arsi lang tuar chu ka en vang vang a“Thuruk ka hrilh ang che aw " ka tihchuan ka bulah rawn thu thla in a bu nghat a.

 “Chhungkaw hlim tak a tanga rawn chawr chhuak ka nih loh avang hian ka na hma em em a.Dik tak chuan zu in a tihbuai chhungkua atangin ka chawr chhuak a, chhungkaw hlim tak kan ni ngailo. Nilo kan hlim ve thin, ruihhlo in min tihbuai loh kha chuan,chuvang chuan hei hi ka intiam a, keichuan pasal ka neih chuan ruihtheih thila fihlim ngei, duat taka min enkawl thei tur ngei ka nei ang tiin " tiin ka nui hak a. Min en vung vungin ka bulah a rawn tawlh hnai nghal zat.

”Kohhran leh khawtlangah pawh ka in hmang tha ngam ngailo, keimah ka felloh bakah chhungkaw zahawm tak kan nih loh avang khan kan veng mite hial khan min hmusit thin ,mi karah ka in kiltawih phah a. Keimah te a awm chawt kha nuam ka ti ta ber a, thian kawmte kha chak viau mah ila ka dinhmun avang hian ka ngam lo a ni ber .Mahse ka infuiha ,nasa takin ka bei anga keimah intun nun theih kha ka chak ber a ni. Tunah chuan chu kawng chu ka zawh ve ta mek a nih hi " tiin ka nui hak a.

ka kut a rawn vawn chuan ka en ha mai “Khi en teh arsi a thlawk a nia" a tihchuan ka hawi nghal vat, engmah ka hmuh loh avang chuan ka melh nghek “I hmeltha sia thinrim i inhmeh lo,zanin chu nui hawk hawk rawh.Kan chak kan lawm dawn kha " a tihchuan ka nui ta hak hak a, a sekah chuan ka hnek nghal zauh mai “Nia an innei pawh ni hleilo, engah nge ka lo lungngaih vak,nang hi ka thuruk zawng zawng i hre ta vek a nih hi" tiin ka nui var var a.

”Thian kan ni a lawm,thian chu an harsatna an in hrilh tawn a,an in tihlim thin,englai pawhin i kiangah ka awm reng ang " thu tak zeta a tihchuan min hneh riau.

“Taitai ka duh che tih i hria a, mahse thian anga awm hi ka hnaih theihna che a nihchuan a pawi ka tilo,mipa dang duh mahla a pawilo. Mahse chu mihring chuan a tina che a nihchuan keiai upa pawh nimahse ka chhuah mai mai lo ang, hlim taka siam che ka duh. Ka thian i ni a, chu chu ka duh tawk rih ang, keiai u mahla ka tan chuan hmeichhe duhawm tak ini. Duat phu ngawih ngawih,chu mihring i sawi chuan ngaihdam a dil lo che a n noihchuan keimahin chet ka la ang" tiin ka kut chu a vuan vang vang a, kan awmna hmun thim deuh ruih mahse a ruangam chu ka hmu thei tho.

“Ka venghim ang che ,min mamawh hun apiangah ka tlanchhiatsan ngai lo ang che tih ka intiam e,thian chu an in tlansan ngai lo a ni lawm ni" a rawn tihchuan ka bu nghat a.

“Le hlim deuhin awm rawh, zaninah chuan ngui hmel put phal a nilo, phei tawh ang hmiang, kan mi thawveng ho khan min lo eikhalh palh hlauh ange, chubakah miin min rawn hmuh chuan i tan a tha lo ang" tiin a tho chhuak zui a. Hepa hi a dangdai ka ti tan riau, a ni chuan ama lam aiin keima mualpho a ni a hlauh ni. Inzui pheiin a fiamthu thawh chu ka nuih pui leh har har thin a.

Midang kiang kan thlen chuan kan ei tur chu hmanrua nen an lo inchhawp nasa tawh mai ”In va rawn let har em em ve, kan eisan hman tep cheu a lawm. Enge chutiang chen chen in va tih a, leu luau mai Lalhriatpuia hi chu kan thian chu nilo la kan sawp hrep ang che, nangmah vangin kan tlai ziah lehnghal " Zira chuan a lo ti hluk hluk a. 

Kan lo nuih dar dar thung “In thian ho hian infiamna lamah hian kal ula in thleng sang viau lo ang maw.Lehkha lamah lah in kal vak silo va ,a tlai tak tak hma hian in damchhunga in inchawm theihna tur ngei ti thei ula ka duhpui che u " ka tihchuan an in en thap a.

”Lehkha zir hi chu a ninawm tak tak,mahse zir loh theih siloh. Keichu lehkha zir hmu chhuak tu hi hmu ila chuan zawhna ka zawt ve vak ang,mi a tihah vak ringawt ,lehkha kan zir ang hu hian hna hi a tam leh thin silo.Tihian han zir tau tauh ila,kan zir tluan theih loh leh lo neiin sawhthing kan ching ve vak mai ang chu" Dina chuan tiin an nui dar dar a, engmah lungkham an nei lo tih a hriat. Hriatpuia erawh a thiante bulah pawh a tawng vak tawh lem lo, engtin nge zirtirtu dang te hian sual an tih em em ni? Nge an lo chimawm tak tak viau nge, ka hmuh ah erawh chuan chutiang chuan an awm der silo.

Thil kan ei zawh chuan reilote zaiin haw tum chuan ka tho chhuak a “Min lo nghak ve thin rawh,ka seh lo ang che. Nge nangmah a awm pawh chu i va chak tawh awm ve, hmeichhia i nihkha mahni chauha awm a tha lo, zeilo lutuk khawi ka lo thlah ang che " Lalhriatpuia chuan tihmukin hma a hruai a, enge min thlah pawh chu a tum tlat zel ni. Kan in a hla pawh a ni tawp silo.

Kan inzui phei chhat chhat a, kan let leh hnu atang khan a tawng tam lo ta riau mai “I mood a fuh chiah lo em ni?" ka tihchuan min en lo hian “Chutiang ka sawi em ni,kal mai mai teh . Mood fuh loh lai ka neilo" tiin hma a hruai leh a,a awmdan hi a hlim emaw a inti emaw ni. A nelawm loh ta riau hian ka hria “Mangtha aw " in bul kan thlen takah chuan tiin luhsan mai ka tum a.

“Lawk naktukah lui kal kan tum a, i kal ve duh em ?" a rawn tihchuan ka phur sarh mai. Tinge ka thil chak zawng a hriat em em mai le “Aw min lo sawm ula" ka tihchuan a nui suk a, a sam hma seilai chu thliin a rawn chhem zawng chuan a phe hlep hlep a,chu chuan a ti cool ka ti riau pek “Awle ,muttui le tui deuhin mu la i rilru tihah suh ka tihkha, mipa an tam lutuk keimah tiamin " a lei chhuah zuk chuan a kal nghal nul nul a.

Nui var varin inchhungah chuan ka lut zui a ,tunlai chu a chetdan hian min tihlim riau. Ka lu ka thing nawk nawk a, ka ngaihtuah tam dawn tlat ,ka insum a ngai ani. Keiai naupang daih a nih hi tih in hrilh mawlh mawlh chung chuan ka room lam chu ka pan hnak hnak a,rin ang ngeiin u Chhana min call na leh message chu a tam ngei mai .

“Ka lo kal ang " a tihchuan makah ka ngai lem lo,ka thinrim tawh chuan khawi hmunah pawh awm ila min pan ngei ngei zel, chhang chuang lo in ka mutsan a, zing ka thawh chuan Lalhriatpuia message a lo awm leh vang tawh mai. Ngaiah ka neih a ,a message hi hmu lo ila chuan a reh ve deuh ruihin ka ring, wish letin ka tho chhuak a.

Nutei pawh a lo tho leh tawh, an tho hma thei bawka. Thawh khalh an har phian, rawngbawl pah chuan luia kal ve ka tum thu chu hrilhin a ni pawhin a lo rem ti mai a. Lo neilo an ni bawk a tih tur a awm lo bawk nen chuvang chuan ka inthlahrung lutuk duh bik lo, Nautei chuan kal ve a dil a. Ka lo dil sak ve takah chuan a phal ve mai bawk “A u Tha, tute nen nge kan kal dawn a ?" tiin min zawt a.

Alama inher pah chuan Hriatpuia te thianho an nih thu ka sawi chuan a ner nang mai“An ni ber kher, ka nello a sin" a rawn tihchuan ka lo nuih hak a, a nello tih chu he khua ka awm tirh khan ka hre tawh a nihkha. “Chutiang in tih ngawt loh tur, an bulah i awm anga nuam iti ve mai ang ,an fel lutuk a lawm i hre chiang lo mai mai a nihkha " ka tihchuan a bu nghat nghat a.

Pa Muana rawn tho pawh chu lo hrilh in,a ni pawh chuan fimkhur tura min chah mawlh mawlh chung chuan a phal viau mai. Chaw eikham chuan Lalhriatpuian min rawn lam dawn a vangin inah kan lo nghak a, an rawn thleng har lo. Dina ka a rawn tel ve a, Nautei a phur dawn tih ka hriat chuan ka thaw huai mai, Hriatpuia bike hi a hnung sang chi a ni bawk nen pathum in phurhna atan chuan a chiloh renga.

Nautei te chuan nel lo tih hriat tak hian Dina chu a pan a “I va tit hmel di de ve, khatiang te chuan ran khawi ngam loh i ang lutuk, rawn chuang la min vuan nghet hle ang che. Ka tlan chak dawn a nia " Dinan a lo tihchuan ka lo nui hak a, Nautei pawh chu inhum ruhin a chuang nghal thak mai. An tlan chhuah hnu chuan Hriatpuia chu ka en a, a sam hma a lo siam tha mawlh mawlh mai.

Kekawr bul ha in tshirt dum a ha bawk a, bag chu a hnungah a ak puar lah mai. Keipawhin tuichen ve ngei ka duh dawn avangin ka inthlakna tur ka keng ve bawk “Khawnge midang" ka tihchuan khawpawna an lo awm dawn thu chu a sawi a. A hnungah chuan ka thu nghal tharh, kuah ka tum loh nen chak zeta a tlan avang chuan kuah loh theih pawh a nilo.

Kan tlanpelh ho chuan min en ha ha hlawm a ,Hriatpuia erawhin hmalam chu ding takin a melh ngar thung. A hnungah chuan ngawi hle hle hian ka chuang a, a sawi ang tak takin khawpawn kan thlen rual chuan a thiante chu an lo awm a. Hmeichhe pahnih lo tel ve chu kan zirlai te tho an ni tih ka hria, kan thlen rual chuan an tlanchhuak zui leh nghal a.

Keini erawh a hnung berah kan tlan thung “Kan kalna tur chu a hla em" ka tihchuan darkar khat vel tlan a nih thu sawiin a rawn hawi zawk a, a beng bul chetah ka lu a awm bawk nen kan hmui a intawk thuak lehnghal. Nui suk hian hmalam chu a melh leh a, rang zet hian hmun dang chu ka hawi nghal vat. Kawng a chhelo bawk a, kan tlan tluang viau mai.

Midang chu an hnung kan hmu pha vuai vuai chauh a ni “Enge in chanchin nita " a rawn tihchuan u Chhana nen kan inkar tih ka hre mai “Lo kal a tum a, zaninah a rawn thleng ang chu" tiin hmalam chu ka en a, phurna em em pawh ka nei hran miah lo. Hetiang hian u Chhana nen kan in hmuh dawnin ka la awm ngailo, nidangah kha chuan hmuh kha ka chak thei em em kha a nia .

Tunah erawh kan awm hran vang nge ka chak lutuk ta hauh lo “Nuamawm ve, ka tlanchak dawn a nia midang kha um ang hmiang " tiin tawng tawh lo chuan a tlan nghal vut a ,keipawhin ka be leh tawh bik lo. Rei fe kan tlan hnuah lui lian ve pangngai tak nawm hmel zer chu a lo awm a, a kam velah chuan changel kung an ding thluah bawk.

Bike atang chuan chhuk sap sapin Nautei chuan min rawn pan a “Rinai an fel, nuam ka ti tawp " a rawn tihchuan ka lo nui var var a, mipa ho in bike an dah fel lai chuan in nghahna tur kan lo zawng thung“Miss ilo kal ve elo? Avan nuam dawn " tiin class 11 a mi Rintei chuan a rawn ti a. Ka lo nuih var var ringawt, thing hlim ah chuan in nghatin a bul vel chu kan ti fai a. 

A dai nuam phian lehnghal “Awi khu sangha" tiin tui chhungah chuan ka zuang lut a, a thuklo lai a ni bawk nen ka pil lo hlauh, Sangha lah chu an tamin ka au nghal chul a, Hriatpuia te ho rawn phei chuan min ko chhuak vat “Khatiang chuan ilo ti ti vek ange, lo kal rawh " tiin Hriatpuia chuan min rawn kai chhuak a. Hepa hi chu aw, naupang zawk lehnghal min khap ve ziah lehnghal.

“A pawi vah loh kha, len kan zar tan mai dawn em ni. Mary nang ni mei lo chhem ula miss ilo kal ve dawn em ?" an tihchuan ka zui ve nghal vat, len chu zar in an phawrh leh chuan Sangha bakah kaikuang te chu an lo tang nawlh nawlh a, ka hlim lutuk chu ka lo au ve char char. Reivak lo chhung pawhin an man teuh a ,Sangha an la tam hle tih a hriat.

Duhtawk an ngah hnu chuan tui chu kan cheng ho a, lung chung atang chuan mipa ho chu an in dive lut leh burh thin a, kei erawh an chhak deuhah lung chunga thu in ka ke chu tuiah ka chiah a, ka hawi kual veuh veuh bawk. Chutia ka lo awm lai chuan Lalhriatpuia chu a rawn lang hlawl a “Khawiah nge mi dang " ka tihchuan luimawng lama an chhuh thu sawiin ka bulah chuan a rawn thu a.

An zu che sual ang tih a hlauhawm mah a ni “I ke chu enga tinge" tiin len den laia ka khup ka tihpilh chu a rawn hmu lehnghal chat “Lungah ka sawh palh a, a nalo " ka tihchuan tui atang chuan chhuak zawkin kan piaha zapanhlo chu va la in ka bulah chuan a rawn thu leh a, nuai sawm in a tui chu a rawn far a,a thip ka tibawk nen ka lo si hlak hlak a.

“A duk vek anih hi lo che suh " tiin a chhem nghal heuh heuha,a awmdan chu ka lo en reng. A mithmul pir sang chu mipa mah nise amah tihmeltha zual tu a ni,Rinteii khan a duh tih a chetzia atang khan ka hria a, kha vang a chance pek tuma kalsawn pawh ka nia,mahse ka bulah bawk a rawn kal leh bawk si.

“Che rih suh a thi kha tawp phawt rawh se " tiin ka taksa si chet chuan a rawn thu a, kan ngawi dun ta vang vang mai. Sava hram leh lui luang ri bak chu hriat tur a awm lo, a reh ngawih ngawih mai. Ka kut chu a rawn vuan thut a ”Thian ang chauha en che ka tum a, mahse a har takzet " a tihchuan ka en ha mai.

Ni e ka hrethiam,mahse keiai anau tlata beiseina pek lah na duh hek lo. “Tirawh tuicheng ang " tiin ka tho ta daih a, a hnung a rawn dawh chuan ka en nghal ha “Lo lawn rawh, ka lo pua ang che i tlusual ang vatin " a tihchuan ka lawn ve mai bawk.

Min din puiin a thukna lam chu kan pan a “Inring rawh " tiin ka inrin hma hma chuan min in hnim pui bawrh a. Mahse a ding chhuak leh vat “A nuam em, he tuiah hian kan sual zawng zawng kan tleng fai dawn a nia, nangpawh min hnawlna kha i tihsual a nia lo fai tawh rawh se" atihchuan a thusawi chu naupang chhia tizetin ka nui hak hak a.

A thusawi ho thin viau mahse min tihlim thin viau lawi si