LALHRIATPUIA CHAPTER 4

LALHRIATPUIA 

CHAPTER 4

Zanah ka rooma ka awm lai chuan kan inpiaha zai thawm chu ka hria a, tuk verhah ka dak chhuak nghal vat.  Tlangval rual khat hian meichhemin an lo kil bial taih a, mei eng thlarah chuan Lalhriatpuia pawh a awm tih ka hre thei,an vai chuan HOM hla chu an sa a, an aw chu a nalh phian mai. An sa lungleng thiam phian lehnghal.

Tukverhah chuan dak chhuakin ka ngaithla ta reng a, tunlaia ka zaithiam ngaihsan ber a lo ni bawk nen a hla chu ka feel zual “Chhing mittui nen a liam ang suihlunglen, nang tel lo hringnun zawh inge, tawn leh ni her se ka rem tawh mawlh silo, lengi chhai kan ngai lo kan tha e " tih an sak lai chuan Lalhriatpuia chuan kan in lam a rawn hawi thut a.

An awmna a hla lo bawk nen ka en tih a hria nge a thiante chu eng emaw a hrilh zauh a, chutah Smiley leh Leskey a sak I NAU LUA tihchu a tawp chang an rawn sa kher a, ka va han ngei tak “Keichuan ka tiam ang che damchhung nawmsakna chu, lungngaihna tur a awm lo pawisa chhiar bak tih tur i nei dawn lo" tihchu an rawn sa kher a nihchu. A thiante a fuihpawrh tih ka hre chiang bawk.

Hmu dawn lo mahse ka melh nghek mai “Chhai rual loh nimahla, nghah reng che ka huam " tihchu Lalhriatpuia chuan a mah chauhin a rawn zai a, kan in lam a rawn la pan phei deuh deuh lehnghal. Ka lunglen a hnawt tiau nghal vek, ka khumah chuan ka thu a chuti chung pawhin a zai chu ka la hre pha tho “Aw zan lalnu i tan tih theih tlem hle mahse, hei hi hria la i tan engkim tih ka huam tih hi " cool raiha a rawn tihchuan min hneh riau mai.

HRIATPUIA ANGIN IN DREAM TAWP DAWN NIA 

Tukverhah chuan ka va dak leh a, he nau hian talent a va ngah em em ve, min lo la en kar mai. A kut chuan pawna chhuak ve turin min rawn hui a, Aizawl lama kan tih ngai zen zen loh a ni bawk nen ka kal chak ve tho bawk nen min nghak turin ka ti a.  Puan chu sinin ka chhuak nghal vat, February thla chauh a la ni bawk nen a vawt riau mai. 

Ka nutei chu bia in ka dil a “Nia va kal rawh, hetiang meipui chhepa zai ho te chu a nuam alawm, in bul mai a ni bawk a.  Mahse lo haw har lo la aw " tiin tha tak chuan min lo hrilh ve mai bawk a, ka chhuak nghal vat. Lalhriatpuia chuan min lo la nghak reng a, ka chhuah lai chuan ngawi rengin gate bulah guitar nen a lo la ding reng nia.

“I lo kal tak tak elo? A nuam dawn e " tiin a lo nui vur vur a “Ka chak vang mai mai a nih hi, hetiang hian kan awm ve ngai hleinem" tiin a thiante lo thutna lam chu kan pan phei a “Hla thuah khan ka biahthu di ka chham vek a nia aw " a rawn tihchuan “I zak lo, min bem min bem suh naupang i nihkha " ka tihchuan duh lo tih hriat tak hian a rum nghat a.

“Keiai kum sarih bakin i u lo tih ka hre ve bawk,inneiah hian a hmeichhia zawk upa an tam lutuk, a ho emai nge ka duh che chu lawm hle zawk ta che. Star tu i neih awm loh ropui nen,nula senior ka star che hi lawm hle rawh " a rawn tihchuan ka thin a tirim leh zo vek dawn “Ka senior bawk lo " tihlukin thutnaah chuan ka thu thla a.

A thiante pali chu an lo nui hak mai “Dik chiah tiraw miss, nang ai chuan kan class hmeichhe ho hmel a chal daih zawk. An hmelin an kum a thansan " Hmingan a rawn tihchuan ka tum loh lutukin ka nui chhuak hak a, an va han tawng thei tak. Mahse an bula awm a nuam riau, an tawng duh bawk nen “Zai tlaivar zak ila a nimai a lawm" an tihchuan ka lo khap vat.

“Mi tan in bengchheng ang,chubakah naktukah infiam leh te in ngaih kha " ka tihchuan“Eh Hriatpuia tih that theih loh i hlau chiang, miss min hau lo la maw zak theilo chu kan ni bik miah lo a, mahse zak chung chungin Hriata hian a bem ve tho che a nia. Mahse lungngai suh i duh loh chung kan nawr lo ang che ,tlangval kan ni ve tawh a.  Duh nei rual kan ni ve tawh a lawm. Kan zai chu tumahin an rawn beng khawn lo ang,kan tihziah dan a nia " an tihchuan ka chhang lo,ngawi reng chuan an bulah ka awma.

A changa an inhnial leh thin leh pitar uikawm zet huana serthlum an ruk alo man vel an sawi chu ka nuih pui uar uar a, ka mittui a tla phung thei. An thian ho ngeiawm an tihkha an hriat thiam loh vang a nih ka ring .

An bula awm a nuamin enghelh an nei hek lo,an naupan ang bawkin an rilru pawh a la naupang chhia hle tih a hriat,an zai chu ka sak pui ve a,Zanlai thlifim tihchu sa rual thap thapin ka tui ve ta phian mai, Aizawl ah kha chuan thian ho a len pawhin khawi khawiah emaw a thenin zu an lo in bakah drug ti kha an tam in zan reiah phei chuan hetiang thil hi an ti ve ngai lo a.

Thingtlangah erawh zana chhuak pawh hi nula rim an nih loh chuan pawimawha vak chhuak an ni tlangpui a,hmeichhe leng hmuh tur an vang pharh mai. Kan hun hmandan a inang lo viau mai,hmanlai nun tam tak an la vawng nung tih a chiang,tuna kan tih mek ang te hi. Pasaltha thawnthu ka ngaihthlakah khan thla eng lawma zai an sawi khan ka chak ve thei hle kha a nia.

Tunah chuan a tak ngeiin ka tawng a ,ka rin ai ala nuam zui. Hla chu kan sa tui tulh tulh a ,ala tlai chhiat loh bakah Dina te chu dawr nei an ni bawk a, pawisa ken tirin coke vel lei tur chuan pathum kalin kei leh Hriatpuia, Hminga chu kan awm thung a “Kan va zung lawk " Hminga chuan tiin a kal nghal nal nal,he mite thian ho hi an in lak zei hmel riau.

“Miss i bialpa chu i duh viau em ni?" Lalhriatpuia zawhna avang chuan ka melh zawk a, chiang zetin min lo en kar mai “Um kan school kal lai atang tawha in zui kan nia,a tan chauha rinawm ka tum bawk. Kan inneih theih chuan ilo kal ve ang chu " ka tihchuan a nui suk a.

“Kan duh deuh te midang ta an ni lai ka hmu duh teuh lo,tak takin ngaihzawn che i phal silo a. Thian tal kan ni thei ang chu tiraw?" a rawn tihchuan ka khi sak mai,a pawina em em a awm ka ring lo. He khua ah hian hriat ka la neilo lutuk bawk nen a tha phian ang “Tehreng mai, thian chu a nih theih a lawm " tiin a kut rawn phar chu ka lo vuan let thuai a. “I chhungte helamah an awm lo em ni?" ka tihchuan vanlam a en vung vung a.

“Champhai lamah an awm a,kei erawh ka peih changin Aizawl a kan in ah ka haw thin thung,ka pi leh pu an la dam a,chuan ka unaute an awm bawk. Chu chu a nimai, ka nu leh pa erawh ka pa hna a vangin Champhaiah an awm angai sia, hmun hrang hrangah kan in then darh a nih hi " tiin vanlam chu a en leh a, mei eng ah chuan a hmel landan chu ka en kar bawk.

A hmelah chuan eng emaw a lang zawk mai “Nang teh miss " a rawn tihchuan ka aw ka thian kharh a “ School ka lut hma a, chuan lehkha ka zir char char a, tihian hna ka zawnga ka hmu ta a, helaiah ka rawn thawk a nih hi, ka nu leh pa leh ka u erawh Aizawl ah an awm thung " ka tihchuan a rawn nui hak a, ka sawi dan chu a tawi a ti a ni tih ka hailo.

Hminga a rawn let hnu lawkah midang pawh chu an rawn thleng a, in tur te chu in in rei vaklo kan zai leh hnuah in mangtha in in lam ka pansan a.  Lalhriatpuia chuan min rawn zui leh vat “Ka lo thlah ang che, thui lo mahse kawng a thim sia i hlau ang " a ti ngei a. Nui hakin ka kal ve leh mai bawk “College khawiah nge kal i tum a " tiin ka zawt a,in kan thlen tep tawh avang chuan kan ding dat bawk .

“Ka hrelo le,ka tuina lama kal tur khan min ti sia, football lam ka luhchilh dawn mawni ka ti deuh " tiin ka kut chu a rawn vuan a. “Kha hei hi,i ta tur a ka lei ve liau liau a nia, ka bialnu anga pek che chak mah ila i phal teh derh silo a,tikhan thian angin lo awrh tle sep sep rawh aw " tiin thi hi min pe a. 

Ka nuih hak “I nghal hmel riau,min duh loh tum rawh ka tihkha. Thian chauh,muttui le " tiin inlam chu ka pan phei a, hepa chet dan hi tinge a dangdai riaua ka hriat. U Chhanan min tihsak ve ngai loh vang te pawh a niang, a ni kha chuan thil pek tih vel kha a duh ngai lo a, amah ngei pawhin min pe ngai hek lo. Kan birthday ah tak ngial pawh, lu thing nak chuan ka room lam ka pan a,a thi min lei ka hmuh chuan ka nui hak.

Love inkual chhunga sava lem awm a ni a ,a dangdai phian mai. Khum sirah chuan dahin mu tur chuan ka in tin tuah zui a,“Muttui le,tui deuhin i mu dawn a nia " tih a rawn thawn chu ka chhang let ve mai bawk. Chhang ngai lo mah ila a rawn sawi leh tho tho ka ring,zingah chuan hma zetah tho in rawng ka bawl sawk sawk a.

Midang an rawn thawh chuan chaw ka lo chhum hmin diam tawh a, nutei chuan min rawn pui nghal mawlh mawlh a. Nileng chuan infiam leh in kan team chu pakhatna kan ni hlauha ,kan lawm ngei mai, Lalhriatpuia te thian ho vang ka tilo theilo,engkimah an ni tello se chuan kan laktlak vak ka ring lo.

“Miss zaninah zai pahin lawm leh ila " an rawn tihchuan“ Lehkha zir hmasa phawt ula" tiin ka lo hrilh a. An eee dual mai “Engmah zir tur a awm rih lo " tiin an kalsawna,Lalhriatpuia nen chuan dingin hmalam chu kan thlir dun a “I ti tha hle mai" ka tihchuan a mit a siai suk ringawt.