LALHRIATPUIA CHAPTER 2

LALHRIATPUIA 

CHAPTER 2

“Miss i la meng em?" tih message rawn lut chu ka view a, tunge a nih ka hre mai lo bawk nen zawh ka tum chiah tihah “Keimah Lalhriatpuia" a rawn tih takah chuan “Enge nita" ka tihchuan thla lak a rawn thawn a “Min lo hrilh tihdan tur ka hrelo a" a rawn tihchuan ka hrilh nghal mawlh mawlh a. “Ka lawm e,i mut a chhuak tawh em?" a rawn tihchuan ka mut loh thu in ka chhang ve mai.

Ka bialpa ka be pah bawk nen a message chu ka seen lo vang vang a “I bialpa i bia a mi?" a rawn tihleh chuan ka ner nak, hepa hi a nghal hmel riauin ka hria, biak tam loh a that ka rin avang chuan chhang duh chuang lo in u Chhana nen chuan kan in call a, ka nui leh hak thin “Kan innei ve tawh ang chu tihnak a laiin khalamah min awmsan daih bawk sia.Bawihi ka lung a va leng em em ve" a rawn tihchu ka nuihpui har har a.

“Tikhan lo lungleng rih em em la, nakinah kham hnurin min la hmu dawn a lawm" ka tihchuan a tum bur a. A chang chuan keimah ai pawh hian a naupan chhiat chang a tam thin,“Ka chhungten nupui nei turin min tur reng tawh a ,min ti lengtar mai dawn a lawm" a tihchuan ka nui leh hak mai.

Ni e kan chhungte pawhin in nei mai tawh turin min ti fo a, mahse keimahah hian min dang tu hi a awm tlat a, aw ka la pawh thei lo mai chauh zawk a ni. Reife kan in biak hnuah phone chu kan dah ta chauh va,“Min be duh lo em ni?" Lalhriatpuia message chu enin ka nersawk, he nau hian min ngaizawng em ni? 

“In miss ka nih hi, a tul a nih loh chuan min rawn be suh, ka duh duh ka bia ang chu" ka mil lo sa nen ka chhang let hrep a, nui vak emoji chu rawn dahin “A tul a ka bia che chu a nih hi, i hmeltha ka ti Taitai" a rawn tihchuan ka hmui ka tikawi nawk mai. Chhang tawh lo chuan ka mutsan a, mi a ngaizawng a nihchuan anasa lo khawp ang le.

A tuk ka school kal chu min zui char char avang chuan ka thinrim chuan kawmkar lam ka pan a “Engvanga min zui reng nge i nih? Min ngaihzawng chei miah suh aw, i teacher ka nih hi" ti thatin ka en a, ka hmai bula rawn kun hniam pah hian “I hriat tawh chu, mihring ka nia duh ka nei ve thiang a lawm" a rawn tih te chuan ka kut ka hum ruh a.

 “Chuti a nih a hnu, kal la i rualpui va ngaizawng zawk rawh. Chuti a nih loh chuan i nu leh pa ka bia ang" ka tihchuan a nui sak mai “Pawi lo, an be reng tho a, awmzia a nei vak lo ang Taitai, ka hmuh tirh atang che khan ka duh che a, chu chu a pawi em ni? Nang in min duh ve lo mahla duh neih chu a thiang a lawm" a rawn tihchuan “Naupang i nihkha" tiin ka melh chho ram rama, ka nghen chhan bang chu rawn nemin, chiang zet hian min en a.

“Kum 19 chu ka ni ve tawh, puitling chu ka ni ve tawh a nia Taitai, chuan hmeltha ka ti em em bawk che. Lungngai suh school ah chuan ka teacher i ni ang, pawnlamah erawh ka sawi theilo. A nih phawt aw, vin pawng pawng lo la zirtirtu tan a zirlai hauh vak vak chu nuam mahse a mawi ber lo" tiin a nui suk a. A kal nghal nal nal bawk.

Ka en zui reng ringawt, chhan dan tur ka hriat hauh loh chu, ka thawhpui te sawi kha a lo dik ngei dawn a nih hi. Zahna chang a hriat hmel der silo, an class a ka lut te chu ka en a piangin min lo en reng thin a, zirlai zawk leh naupang zawk mahnise ka lai lek lek, mahse engah mah ngailo ang chuan ka melh let ram thin thung “Chapter 12 short zawng zawng kha in lamah in zir tur. Naktukah ka zawt vek ang cheu, a thiam lo lo chu in stay back ang"ka tihchuan an e duala.

“I awm ve ang tiraw " Lalhriatpuia a ni“ A awm loh in" tiin a thiante chuan an lo tuk lawlh a. Chhang duh lo chuan ka chhuak nghal nal nal “Miss i chhelo ber" a rawn tih laia midang nui dar dar chu ka hre reng, he mihring hi kum tir atanga hetiang a nihchuan kan in zirtir rei pawhin ka ring lo.

Office ah chuan tum burin ka lut a “An au che kha ka hria a, Lalhriatpuia bawk maw? Engtia tihchi nge mawni a nih, a nu leh pa kan biak lahin awmzia awm lo, hetiang hi chu hmun dangah sawn daih se nia ka tih, mahse an chhungkua mi thil tithei lutuk an ni bawk sia, mi hausa fa awm tha duh lo hi chu an buaithlak a nih hi" an tihchuan ka nuih ringawt a.

“Enkawl a har lo,a rei anga ala sim em em ang. An sawn theih loh a hnu, tih hrehawm ve deuh a ngai dawn a nihsaw" tiin ka nui sak a, haw lamah min thlah a tum chu ka duh ta lo. “A pawilo e, nidangah a nimai aw Taitai" engvanga hming maksak lutuka min ko nge maw a nih ni? In ka thlen chuan ka thu hnawk a.

“Bawihte i hah viau em ni? Hei i nuten thlai hring min lo thawn a ,a lawmawm tak tak. Helai chu engmah a tha thei tak tak lo a, thlai chin chi pawh a ni lo. Khawpawnah a nih loh chuan, ran an khung silo a"tiin nutei chuan min lo hrilh mawlh mawlh a “Um ka chau ve deuh a, zirtir an buaithlak lutuk. An in la nula tlangval ve tawh bawk nen, Lalhriatpuia an tih phei saw chu mi awm tha duhlo tak a niang" ka tihchuan nutei chuan min rawn en ha a.

“An sawi dan chuan sawtia a lan ang saw a ni lo an ti fo a sin, mi puih nuam a tih thu leh midang harsa zawkte a pui thin tih an sawi a, i nau pawh hian an tibuai thin tih a sawi a. Mahse hei a reh leh tawh chu a nih hi, i zirlai a nia dawhthei takin zirtir zawk la, zirtirtu i nihna ang ngeiin sawtiang misawn alawm mamawh em em cheu ni. In hna a ni bawk, in nun hmangin an inzir tur a ni. Zirtirtute hi nu leh pa tih lohah kan naupang te tana an nun kaihruaitu tha ber in nia. Hre reng rawh, mi hi an landanah teh nghal ngawt loh tur, dawhthei takin enkawl in zirtir la a tha chhuak em em ang " a tihchuan ka ner nang mai, ka ring teh nek lo e. Thuawih tak a ni dawn lo bawk nen chu ai chuan biak loh law law ka duh zawk.

Rooma lut a ka phone ka en chu a message a lo awm leh tawha “Lalhriatpui"call chuan a hmingpum chuan ka va ko a “Eihah Taitai, i thleng tluang maw" a rawn tinem thlapa. Thawk la ham hamin “Min rawn be tawh suh,chuti a nihloh chuan" ka tihchuan a rawn nui ri saka “Chuti a nihloh chuan enge, ka sawi tawh kha, ka thawk chhung chuan ka bia ang che. Hre reng rawh,i duhchuan bialpa dang pawh nei rawh ka be reng tho ang che. Kum chanve velah chuan min vei viau mai thei asin,Khawilam lanu nge maw inih le? Tu hraileng chawi nge maw i nih le? Tiang renga ka dawn lungruk min tibuai tu ka tawng ngailo nang lo chu,aw hmeltha aw hmeltha, i zunleng ngaihreng a na e,Muah chuksi bye" uang thuang zet si a tiin phone chu a dah zui hmaka. Engtia tihchi nge ni dawn ni?