DIKTAWN CHAPTER 7 LAST

DIKTAWN 

CHAPTER 7 (LAST)

Sava hram chiah chiah chuan min ti harh a ,ka puan sin lai chu ka sin tha sauh sauh mai. “ Chhingpui harh tawh la ,chaw ei tawh ang le " aw thum bul bulin a rawn tihchuan ka nui sak a . Ka meng chhuak nghal riai riai bawk “ A tlai tawh viau em ni ?" tiin ka ham bai bai a ,khuma thu chunga min lo enreng tu chu ka kuah nghal chat . Ka taksa lah chu a rit riau hian ka hria ,ka kap bawr chu ana hle bawk .

Thaw hakin Hrangliana chu ka en a ,“ A tlai ve tawh viau mai,ei vat ila i taksa kha kan tihdam vat vat angai a nihkha " tiin a nui suk a . Min pawm tho nghal zat,a kawngah chuan chep betin a darah chuan ka dak chhuak kar a ,ka la ham bai bai bawk ,tunlai ang maiin dawhkan leh thutthleng lo awm thlap ka hmuh chuan ka ang phiau a

Hetiang em em hian a inbuatsaih nasa ang tih ka ring phak lo,ka mak ti chu min enin “I tan vek a ti ka nih hi,midang ta ni tur khan ka phal reng reng hleinem che " tiin thutthlengah chuan min thut tir a,amah chuan chaw leh chawhmeh chu thleng lian zetah chuan a rawn chhawp a . Thleng an intawm thin tih ka hria a,kan pahnih chauha kan intawm tur chuan min ti phur riau lawi a.  Nui ver ver in ka lo en reng ringawt .

Chaw chu kan ei dun malh malh a ,sakhi sa tui taka a chhum chuan min ti hahdam sawng sawng hial mai,phuihnam nen ngeia a chhum chu a tui lutuk tlat . “ In khawvelah khan ka lo kal reng zel a ,heng bungrua zozai hi ka la lut ta a ni " a tihchuan ka bu nghauh nghauh a “ A tui lutuk,ka ngainat chi vek lehnghal,ka lawm e aw " tiin sa chu ka ei hlak hlak a.  Hmarcha nen chuan ka hmawm mawlh mawlh mai .

Hetiang khawpa ka chaw ei tui hi ka la hrelo,kan eikham meuh chuan ka puar awkin ka hria .ka irh ak chu min rawn melh vut a ,chaw ala ei bawk nen ka nuihtlawn ver ver a,a rawn nui ve nghal hawk mai “ I puar tha chu a lawmawm e " tiin a ni pawh chu a kham zui a ,thleng chu seng nghal zung zungin pawnlamah min kai chhuak a . In bula dil te chu a melh vang vang hnuah a rawn khu chhuak a .

Ka mit a tla lo chauh in ka hria ,lasi thlah a nih hre mah ila hetiang em em chu ka beisei pha lo,“ Kal rawh le ,i taksa rawl lutuk pawh kha a reh sawng sawng mai ang . Tirawh le " tiin a puan ven chu a phelh ta mai ,au tuarin ka inhup a ,a nui nghal hawk hawk mai . “ Amak e Chhingi i hmu lo pawh a nilo,pumkhat kan ni tawh a lawm,hetiang te chu an ti fo thin tih ka hria ania. 

Zah angai lo tirawh le " tiin ka puan ka nghawnga ka veh chu a rawn phelh a ,helamah bra leh panty hak tur awm ve hek lo ruak vekin ka awm tih ka hria . Mit pawh meng ngam lo in a mi kaih ang ang chuan ka awm a ,tui lum nuam zeta ka luh takah chuan muangchangin ka meng chhuak a. A thuk vak lo bawk nen a mah chu thu in ka ngheng a ,ka kawng zawna a mipatna ruh tung chu ka hre chiang viau mai .

Ka dar vel chu min nuai sak heuh heuh a ,kei erawh ka ngawi kar reng mai “ Ka nu leh patena min rawn zawn hmuh i ring em?" ka tihchuan a chelai chu a tawp chat a . Keima nu leh pa nilo in a ma chhungte chungchang ka zawt tih chu a hrechiang viauin ka ring “ Aih,he hmunah hian kan chhuak tawp te a nihloh chuan tumah an rawn kal thei lo . Enganga dawi thiam pawh nimahse .

I hrethiam em ,hlauthawng suh . Vawikhat ka chan tawh che a ,chan nawn leh che ka tum tawh hleinem . Kum khua in ka kiangah i awm reng duh angem Chhingi " a tihchuan alamah ka inher a . A mitah tak chuan ka melh nghal kar a,a thutak hle tih ka hriat takah chuan a hmaiah chuan chul sak in “ Eng lai pawhin i kianga awm reng ka duh.  Kan nunhlui kha chu a chhe lam zawng chuan sawi tawh lo ang,a hlimawm lai zel le .

Nangmah nen kan fate pawh,chhungkua kan dinna hmun tur " tiin ka kuah vang vanga. Ni e midangte kara chen ka mamawh lo,ka lasi tlangval Hrangliana ka bula a awm phawt chuan khawi hmun pawh a nuam a ni,tui atang chuan min pawm chhuakin kan sir phulah chuan min delh mu a.  Ni chu thing kar atang chuan a rawn inkhawh lut a ,a nalh hle bawk .

Reiloteah Angel te fan ngai loh ram chu fang dunin kan inkuah ta vang vang a .

THLA 3 HNUAH 

“ Hranglian" ka pasal rawn haw har lutuk chu auin ramhnuai lam chu ka pan a ,ka naupai nen ka che fimkhur viau bawk . Mihring pangngai ka pai loh vang nge ka naupai hi ka chauh pui thei hle ,Hranglianan min pui reng lo se chuan ka talbuai thei hle ang . “ Enge itih Chhingi ,inah lo awm rawh ka tihkha " tiin Hrangliana chu a rawn lang hlawl a .

A dar hliam ka hmuh chuan ka hlauthawng nghal hle ,panhnai vatin ka vuan a “ Engthil nge thleng min hrilh rawh. Tinge hetianga i awm " tiin mittui tling pamin ka en a “ Engmah a nilo,ka vahna lamah ka nute nen kan inhmu palh a ,tunah chuan min rawn tibuai tawh lovang " a tihchuan ngaihla tha lo zet chuan ka en a . Chu chu hmu in min nuih suk a ,ka hmuiah chuan a rawn fawp nghal zauh va .

“ Ka ti tak tak a lawm,i haw ang le . Helai thleng thleng tinge ilo kal,hahchawlh i mamawh a sin " tiin min pawm nawlh a . Inlam pan chuan min kalpui nghal zat . In kan thlen rualin a dar hliam lai chu ka tihfaisak a ,ka zawh hnu chuan khumah min mutpuiin ka dul chu a chul hauh hauh a “ Kan naute hi thil ti thei tak a nih i ring ve em ? Tun atangin ka tuar em em a ni si a ,him takin lo piang se .

Engbuaina mah awm lo se ka ti " tiin ka phun sep sep a ,a taksa chunga min pawh kai pah chuan “ Ka hrelo le ,ka lo insum lo a ,hrehawm i tawrh phah a nih hi ,mihring ni ve ila chuan hetiang em em hian i tawrh a ngai lo tur " pawi tih hmel taka a tihchuan ka lu ka thing nak nak a“ Pawi ka tilo,nau pai sak che hi a sin ka duh ber ,kan pahnih khawvel rawn fin belh tur kan nei dawn tihna a nia " ka tihchuan ka kawngah chuan a rawn hmer salh a .

Ni e ka inchhir miah lo,tunlai mipa ang vek lo mahse a mi ngaihsakna anga min ngaihsak tur hi an awm ka ring lo,ka tan engkim a ti a . Chu chu ka tan a hlu ber a ni,thla 6 a liam leh meuh chuan mipa naupang duhawm leh hmeltha tak chu ka hring a . Ka rin ang ngeiin apa ang maia thil tithei a ni,engmah la hrethiam silo in a kut hmangin thil a tiche in a tichhe thin chu a pa nen kan buai phah thei hle .

Mahse kan hlimpui phian thunga ,inbul phulah chuan kan chhungkua chuan kan thu dal a ,Hrangliana chu ka ngheng ar ar bawk. Kan fapa Hrangchhingpuia erawh in ka hnute a hne dawk dawk thung “ Ka hmangaih che ,kan intawng leh hi mumang emaw ka ti fo thin a sin " a tihchuan ka nuih sak a “ Khuanu ruat a ni ngei ang,kan nunhlui chu a liam tawh a.  Kan hma hun erawh nang leh kan fapa tan hian ka hmang kumkhua tawh ang" tiin ka nuih sen sen a .

Hmangaih tih hriat lutuka min enna chuan kan hmalam hunah pawh min tina ngai dawn lo tih a tichiang hle a ni .

A TAWP TA