DIKTAWN CHAPTER 5

DIKTAWN 

CHAPTER 5 

Hun a liama Hrangliana pawh in lo vah a zo tawh bawk a, kei erawh ka pasal neih hun hnai telh telh avang chuan ka hlauthawngin ka tlan chhuah dan tur ka la ngaihtuah renga, Hrangliana lah chuan ka rilru a hria emaw tih turin min hlat duh lova , chute lah chuan ka duhna a tizual zel si, insum theiloa ka tihlan tum lah a tam .

Amah lah chu min duh angin a awm ve ngai der silo, kha ka puk thuhrukah khan ka inbualin ka rilru hahchangin ka awm thin a, Lianchhingi leh Hrangliana inzui leh inlawm hmuh chu ka tan chuan a hrehawm a ni. Pheikhawk tha deuh ka siam sak ve pawh a lawm chuang hello, nu Partei chuan afapa laka ka rilru put dan a hria a .

Min huat a hnekin tan la nasa turin min fuih sauh sauh zel, mahse Hrangliana meuh zawng hneh a har a ni . Nikhat chu kawtchhuahah hla do chham thawm a rawn awm a, Hrangliana aw ngei a ni tih ka hailo an ram vak an hlawhtling a ni ngei ang, a hla thu chhamah chuan a thang kimna sa a ni tih ka hailo.

Hmanlaia thangchhuahpa an dahsan dan leh an thih hnu thlenga an sa kah leh ral thahin pialrala lo hmuak tur anga ngaia an chak thin zia ka hre thina. Ka zu siam that bik liau liau leh thangchhuah diar nen chuan kawtchhuah lam chu ka pana, ka thlen chuan khaw mipui pawh an lo awm teuh tawh .

Bawrtu a ngah rih em avang chuan ka hnaih duh rihlo a, Lianchhingin thangchhuah diar a khim tir lai chu thik zetin ka lo en a, chutih lai tak chuan a rawn hawi ta thut a, inthup theih a nih tawh loh avang chuan muangchang chuan ka pan phei chhat chhat a , zu chu tulh ve in thangchhuah diar chu ka pe a ” Ka lawm pui a che " tiin ka kalsawn ta vat a .

A chhan chu kan bula awm te pawh khan Lianchhingi nen a an hmeh bel vek vang a ni. Zan lamah chuan lalpa ho in kan inah chuan a thangchhuah chu an lawm mup mup a , a tuk lama khawtlanga ruai siam tiin pa Thana chuan an se pa leh vawk a talh dawn bakah lalpa pawhin a se pa chal a thawh ve bawk a. Mipui chu an hlim ngei mai .

Hrangliana bo daih chu ka zawn duh avangin ka chhuaj a , pawnlam chu ka melh ruai mai. Chutah kawm char lama thawm awmna lam chu ka pan a , thla eng hnuaia Hrangliana leh Lianchhingi te pahnih chu ka hmu chiang viau mai . Lianchhingin a puan a siam tha ka hmuh chuan rindan ka nei sa , ka lu chu ka thing nawk nawk a .

Ka tawlh hnung dat dat bawk, ka mitthlaah chuan hun kaltawh a lo lang a , Hrangliana ngei hi a ni. Chuan a ni hian min that bawk, ka thawm chu an hria nge an rawn hawi rual thawt a , Hranglianan min hmuh rual chuan a mengkawk mai, in her vatin ka mittui chu ka hru a. In chhung lamah chuan ka tlan lut nghal nal nal, ka duhzia ka tilanga a hai lo .

Mahse hmeichhe dang ta a ni tawh, hetah hian ka awm thei tawh lo ang . Ka nunna chan huamin ka tlan chhuah a ngai a ni, ka nat tam hma hian ka kal a ngai. Engmah hrelo ang hmak chuan ka awm a , Lianchhingi nen a an rawn lut ka hmuh chuan ka en duh lo ve hmiah bawk . Ka mut san a , lalfapa min biakna pawh ka chhang ta lo .

A tukah chuan zing lam atangin an ri bung bung reng a , an hlim lai tak hian ka tlan chhuah angai a ni . Ka tan hun tha ber a ni bawk . Tui chawi tur anga insawiin ka awmna thin puk lam ka pan a , ka mamawh tur awm ang ang chu ka la nghal mawlh mawlh “U Chhingte ka u kalsan suh,a chi ai vek mai ang " titu chu ka melh hrawk a “ Nang hian dawt bak i sawilo.

I unaupa hian kan nun hmasa atangin min hmangaih ngai reng reng hleinem, ka hma ah rawn in lan tawh suh . Kan khuaah ka let anga, he khua ka tihchhiat vek hun hi lo nghak ang cheu, i u hian mi a tina ngun ta mah mah e , ka thei tawh lo . A nuna min tirh luh leh avang hian nang pawh hi hmuh che ka duh tawh lo " tiin mei chu ka chhem hlum hmak a .

Puk chu chhuahsanin hmanhmawh zetin kan khawlam awmna ni a ka rinna lamah chuan ka tlan nghal hlawk hlawk mai . Ka awm lo tih an hriat chuan an awm mai mai lo tawp ang , chuvang chuan ka theih tawpa ka kal a ngai a ni . Reife ka tlan hnu chuan ka chawl zawk a, ka thaw huam huam mai , tlan leh ka tum chiah chu “ Ding rawh " rawn tihrawk tu avang chuan ka ding chat a .

Hrangliana lam chu ka hawi nghal zat “ Min rawn hnaih suh" ka ti tuar mai. Kan nunhlui ka ngaihtuaha ka mittui a tla zung zung, a ni hian engkim a hria a. Helaia min ko lut tu a ni bawk “ Engkim ka hre vek tawh , ka hria nang hian "tiin ka tap chhuak hlawp hlawp a . Ngawi reng hian min en reng ringawt “ Min tihnat bak i thiam lo, engkim hre vekin min hrelo dera khanu kha i mutpui bawk .

“ Min rawn um zui hauh suh " tiin ka inhera, pen leh mai ka tumlai chuan “Ka mutpui lo, tin ka duh vangin ka hruai lut lo che " a tihchuan ka nui hak a. “ A that nasat chu min rawn ngaihven miah suh ka hua che , engvanga min that tu bula let leh nge ka nih " tiin ka nui hak a. Pen leh mai ka tumlai chuan ka awmah thal a rawn bur chat a .

Hrangliana min au ri chu hre mah ila chhang turin tha ka nei tawhlo, ka tlu riai riai a.

ZAWMNA

Ka awmna zet avang chuan ka rak thawt a,ka mengchhuak nghal zat “I tha em?"titu chu melh pawh ka melh duh lo . Ka hua a ni “ I dam deuh hunah kan haw dawn a nia " a tihleh lek phei chuan ka sa nghal phat mai “ A teuhlo,ka let leh tawh hleilo ange ka hmaah rawn in lan tawh suh .

Helai hmuna min hruai avang pawh hian ka hua che ,ka let leh ai chuan ka thi zawk mai ang " tihmakin lehlam ka hawi san a ,engkim ka hre vek tawh nen hlauhna chhe te mah ka nei tawh lo