XAVIER CHAPTER 23 LAST CHAPTER

XAVIER

CHAPTER 23 

MR DENIS POV....

“ Duhtak an inneih tawh ber chuan pawm mai rawh,i fapa a nih hi . A mizia leh a awmdan engkim i hriat kha ,keimah avang in hetiang hian awm tawh suh a hrehawm ka ti lutuk,ka thlavang hauh avangin nangma fa ngei pawh i hmelma ah i siam mek a ni si a ,hlim takin awm ve tawh rawh u . Ka tha lutuk,nangmahin bul tan lo la hliam pawh hi ka tuar kher lovang,i fapa hian a thinlung zawng zawngin hmangaih a tawng ve tawh a nih hi 

Nangin min hmangaih ang chiah in ,chuvang chuan in haw renga awm lo hian hlim takin a awm ve theih a sin,vawiinah a nupui chu ka va hmu ange " tia ka nupui tawng chu ka melh ngur mai ,kan inhmangaihna avangin thil kan tuar nasa a ,ka nupui hmasa kha ka hmangaih hauh lo,mahse ka fate erawh chu tihnat tak tak ka duh bik lo ” Mahse Cassie i ke a hliam a nih hi " ka tihchuan a nui sen sen a 

He ka nupui rilru tha lutuk hian min tinem leh thin “ A hmangaih i laksak emaw a tih vang a nihkha ,min that em hleinem . Min thah a duh bik lo tih a hriat reng a lawm,a hmangaih that anga i sawi hnuah pawh ka nunna la thei a ni tih i hriat chian kha,mahse a tih loh hi be rawh ,engkim hrilh la a nu nen in inkar pawh hrilh ang che ,keichuan kan chhungkua a hlim taka awm hi ka duh tawh .

In ngeih lo reng renga awm chu a hrehawm emai,i ti ang tiraw " tiin a mitmeng ka buai phah fona thin chuan min en leh kar tawh,thaw hawk hian ka ngawi vang vang a ” Awle kan pahnih in kan va hmu dawn a nia a tha em" ka tihchuan a rawn nui leh sen sen tawh,kan fate hian kan nunhlui an hrelo va,ka pa avanga a ni nen pawh hian innei nghal theilo leh Xavier nu Marry pawh kha nei ka ni,tunah chuan engkim ka kutah a awm ta thung a .

Ka fapa hmuha tlawm taka awm chu duh lo viau mah ila ka hmangaih hlimna hi ka duh miau si a ,ka car nen chuan vengtu nen ka fapa in lam chu kan pan a ,Cassie chu a tawng siam siam reng mai . Khawpawna an in kawtah chuan kan ding ta vang mai,an lo infiam duna an nui hmel ka hmuh chuan kan kal hmaa ka ngaihtuahna te kha an dang ta vek ni berin ka hria ,ka fapa leh Sara nui hmelah chuan Cassie nen kan nunhlui ka hmu a ni .

“ An inhmeh hle mai,a hmeichhia pawh sawn a hmangaih takzet a nih dawn saw lut ang hmiang " ka kuta rawn kaih pah chuan a rawn ti sep a,ka fapa in min lo hmuh rual chuan Sara chu a hliah vat a ,an mahni vengtur a a tihte pawh an rawn lang nghal zat mai bawk a , Sara pawh chuan hlau leh inthlahrung dak hian min rawn en a“ Bawiha buaina siam turin kan lo kal lo,i pa nen hian ngaihdam dil tur cheu in a sin kan lo kal " Cassie chuan dam dap in a ti a .

Kei erawh ka ding ngeng ngulh thung “ Hetah hian kan lawm lo cheu,dawt sawi rawn tum suh u,ka nu nihna luahlan tu phei chu hmuh reng che ka duh lo " a rawn tihmuk a . A ni pawh keimah ang chiah thu duh lutuk “ Sharky tikhan tisuh in biak an duh chuan ngaihthlak sak ang,keipawhin inngeih lo tak a awm hi ka duh lo,ka bulah i awm reng hi engtin mah kan awm dawn lo " a tihchuan ka nui suk,a ni pawh Cassie ang chiah,eng tin nge ka lo duh loh theih ni .

“ Rei awm suh ang cheu" tihmukin Xavier chu inchhung lamah a lut zui a ” Mr Denis lo lut ula " nui var var a rawn ti tu chu ka en reng,a nui sang nangin a zam ru hle tih ka hria “ Bawihi nichina i thusawi awmzia kan tih kha enge " Cassie chuan hriatchak hmel tak chuan a zawt a “ Nia ih nau ka pai a " a tihchuan ka phu zawk mai,ka inhum ruh tun lai chuan Cassie chuan ka kut chu a rawn hum a ,min enin hahdam turin min duh tih hriat tak chuan a mit chu a chet ralh a .

Muangchang chuan an in lam pan chuan ke ka pen nghal ruai ruai bawk .

SARA POV....

Engvanga Xavier pa te hi rawn kal nge an nih ka hrelo,mahse an hmel leh mitmeng ka hmuh hian min tina dawn lo anga hriatna ka nei bawk . Inchhung lamah chuan kan inzui lut a, Xavier chuan kawngka bul ka thlen rualin min lo vuan nghal chat . A pa chu a la haw hle a nih hmel, Mrs Samuel ka hmuh hian hmeichhe sual a ni dawn lo tih ka hria,a chhan chu a mitah hian Mr Denis a hmangaihna ka hmuh sak thei, Xavier chenin mawle .

Inchhungah chuan kan inzui lut a ,“ In sawi duh chu sawi ula chhuak nghal ang cheu " Xavier chuan a ti hmuk mai.  Hepa hi chu aw insum ve thin awm “ Xavier i pa nen hian inrem ula kan duh a ni ,a hma a kan awmdan kha min theihnghilh sak ula,Sara nangpawhin ka pasal thil tih kha ngaidam hram rawh aw " a tihchuan mak tiin ka ang pam mai . Xavier erawh a lawm loh hmel hle .

“ Tan hmasa lo mai ta che u " a tileh hrawk a ,a tei nghut nghut bawk “ Ka nu kalsanin henu hi i pawm bawk a,ka pa vawikhat tal min ngaihtuah ve ngai em " a tihchuan nu Cassie chu a mittui a tla fap a “ Xavier Samuel,i nu khatiangin tawngkhum suh Marry kha ka hmangaih ngai lo " tiin pu Denis chu a rawn au chhuak thawt a . Xavier pawh chu a thinrim zual sauh mai “ Chhuak nghal rawh u" ti tuarin a silai a phawrh a ,au thatin ka dawm bet vat .

Pu Denis pawh chu a thinrim hmel takzet “ Sharky insum rawh ,hey engkim a tha insum rawh le " tiin a biang tawn tawnah chuan ka dawm a,min en ngur hnuah a inthlah dul nghal ruai ruai mai “ Xavier ka fapa ini a sin,i nu dik tak ka ni a sin " nu Cassie chuan a rawn ti chhuak phawng a ,kei mai nilo Xavier pawh chu a thawng tih ka hria ” Dawt sawi suh nang hi ka nu ini ngai lovang" a ti leh tuar a .

Nu Cassie chu a mittui a tla ngiai ngiai “ I awih lo ang tih ka hria a lawm,mahse kei hi i pi leh pu in min duh lova ,min thah tumin min um reng bawk nen ka pai chung che in ka tlan chhia a,mahse min rawn zawng hmu zel bawk si.  I pa hian ka him theih nan theihtawp a chhuah a ,mahse engmah tih theih ala nei bik lo nen nang leh kei kan him nan tuna i nu anga i hriat Marry kha a nei ta a , Marry pawh khan a fa anga a en theih tur thu che a sawi avangin a kut ah ka hlan ta che a .

Chubakah i pa hian a venghim tlat dawn che tih ka hriat vang a ni pakhat a ,a chhan chu ka bulah awm la tuna i dinhmun ang hi i thlen theih dawn loh vang a ni . In awih loh chuan hei hi en rawh u " tiin thlalak hlui tawh tak hi a rawn phawrh a ,ka en chu naute leh nu Cassie ngei chu an ni . Dawt a sawi lo tih a mitmeng atang chuan ka hre thei a ni, Xavier chuan thlalak a hmuh rual chuan ring zetin a au va .

“ Dawt,dawt vek a ni. Ka nu chu Marry chiah a ni " tiin a au tuar tuar a ,pu Denis chu a rawn tawng chhuak veleh a ” Ka fapa thudik a ni,i nu nen hian nang leh Sara ang chiah khan naupan tet atangin kan inkawp chho va ,kan in hmangaih hle bawk. In hmangaih na na na chu kan chesual dun ta nge nge a ,mahse i pu khan a ni hi ka kawp a nihchuan a ro engmah ka khawm dawn loh thu in min vau fo va .

Mahse Cassie hi ka hmangaih em avangin ka kalsan ai chuan tiin ka pa thu pawh chu ka zawm duh ta lova ,mahse i nu dinhmun a der thawn takah chuan ka venhim theih nan tiin i pu thu chu ka zawm ta a ,mahse i nu hi ka kalsan thei tak tak lo nang a pai phah reng che bawk a.  Engvanga i tet te atanga thil khirh khan tak tak tih tir che nge ka nih tih i hre hauh lovang tiraw .

A chhan chu tuarchhel takin awm la ,i pu unau te hmachhawn thei khawpin nangmah inveng thei la ka duh a ni, tuna i hmelma lian ber chu i thianpa Benedict pa ngei hi a ni e . Mahse chu chu i duhthlan ni rawh se,i nu nena kan awm anga in awm ka hlauh avangin a sin Sara pawh hlat tur che a ka tih ,mahse a ni pawh i nu ang chiah hi,hmeichhe huaisen tak a ni " tiin a nui suk a .

Xavier chu a ngawi ngul a ,kei erawh ka mittui a tling pam thung,an thusawi zawng zawng chu dawt a nih ka ring lo . Kei leh Xavier ang chiah an lo ni ve reng si a “ A nihte chuan engvanga Sara chu lak bo tum nge in nih,in thusawi hi ka awih mai ring hauh suh u " Xavier chuan a tichang leh fak a ,nu Cassie chu a thu hnawk mai “ Ka fapa i nu hian dawt ka hrilh lo che a sin,en teh he thil hi " tiin naute thinrik hi a rawn la chhuak a ” He thil hi i tap ka thlemna ber che a ni thin a .

I tleina ber a ni bawk ,mi angin toys tha tak tak ka lei ve thei lo che a,hrehawm ka ti thin a sin,mahse i nu meuh pawh min hriat loh phah ta si ,khang thil kha thleng leh in ko kir thei ni ila i pa leh nang nena hlim taka awm kha ka duhthusam ber a ni thin a sin " tiin a tap zui hawm hawm a,Xavier awmdan a tang chuan chu thil chu a hria tih ka hre thei “ He hla hi kan sak dun fo kha i la hria em" tiin hla chu a rawn sa a 

Looking down at you,and how you look so much like  me ,Son,i know I'm gonna make mistakes,but my love for you will never ever change " Xavier chu rawn pan pheiin a mittui chu a luang zawih zawih a , Xavier biang tawn tawnah chuan dawmin “I khawilai emaw ah chuan i la hriat ve ka beisei a sin ,mahse a pawilo . Ka duh zawng chu i pa hi haw tawh suh tih hi,kan kal tawh ange " tiin a inher a ,a tap khur dar dar bawk .

A pen tan chiah tihah ” Mama " Xavier chuan tah chhuak zeta tiin nu Cassie chu a hnung atangin a kuah a ,a mittui chu a tla nghal fap . Keipawh ka bang bik lo,an nufa in kuah vawng vawng chu mittui nen ka en a ,pu Denis pawh chu a lo ngawi vung vung mai “ Ka fapa ,ka inhriat tir vat loh che avangin ka tihpalh ,mahse hun rei tak i nu lo ni tawh chu ka rin tir thei dawn che in ka ring lova ,mittui nen ka thlir fo che a sin.

Chutah Marry laka i pa chhuhsak anga min ngaih tlat avang khan ka tan sawi a sawt dawn silo va  " tiin Xavier sam vel chu a chulsak a ,Xavier pawh chuan a lo dawh ve bawk . Hlimna nen ka en a,tunah chuan nufa dik tak chu an in hmu ve ta “ Ka tihpalh Mom,hun rei tak chhung hrelo che leh huatna a ka en che avangin,chuan ka kah avang che pawh khan min ngaidam rawh. " Xavier chuan a ti tham tiak a ,a nu lakah chuan a puitling thei bik lo tih ka hria.

“ A pawi reng reng lo,i pa ang chiahin i hmangaih venhim i duh vang a ni tih ka hria a lawm,Sara lo kal teh " a tihchuan ka pan vat a “ Ka lawm e ,ka fapa min lo enkawl sak a vang hian ka lawm e " tiin min kuah vang vang a ,ka kuah let ve vat “ Sara i chunga ka chet dan avang khan ka tihpalh a ni e ,ka fapa tichak lo tu i nih hi ka hlau em ani" a tihchuan ka nuih var var a .

“ A pawilo,tunah chuan engkim a tha vek tawh a lawm,pa Xavier in lo nei hi ka lawm lutuk a nia ,a ni hi tawng lo ila chuan tiang ang hian kan awm thei hauh lovang ,ka vanneihna in ni" ka tihchuan kan vai chuan kan in kuah khawm a ,tunah chuan hun rei tak kan buaina chu chinfel a ni ve ta ,zanriah an ei ve nghal a.   Xavier chuan a nu nen chuan chawhmeh min suah tawn zak zak a,kan hlim dar dar viau mai . Benedict te chungchang chu Xavier chuan sawi chhuakin an hlauhawm lo thu a hrilha .

A pa pawh a thaw ve huai mai ,an haw hnu chuan Xavier nen chuan titi dunin kan nui dun leh thina“ Ka awih lo dawn a ,mahse kha hla kha ka bengah hian a cham reng thin,ka huat em em chu ka nu dik tak a lo ni reng si a ,nang hi ka tan chuan angel ini,nangmah tawng lo che ila chuan kan chhungkua hi kan la in ngeih hauh lovang " a tihchuan a hmuiah chuan ka fawp vang vang a .

“ Ka tawng lo ang che tih hi ka hlau zawk a sin,ka hnangaih che " tiin ka fawp let zauh va.  Hun chu liamin kan nun chu a hlimawm in a hahdam tih piah lam a ni,buaina kan nei ngai ta lova ,nu Cassie i pawh ka nau neih a hnaih tawh avangin kan inah a rawn awm ta bawk a.  Xavier leh a pa chuan an sumdawnna chu enkawl dunin mi fak leh ngaihsan an hlawh in an lar a,in ngeih taka an awm hmuh tluka hmuh nuam a awm kher lovang .

Ka nu leh pa pawhin min rawn kan fo va ,ka nun hlim vang nge ka hmel leh taksa thlengin ka nung sar reng a , Xavier nen kan lenchhuah dun apiangin a thinrim haw ziah a ,chupawh mipa dangin min en a hmuh apiangin a ni lehnghal ,a ni pawh hmeichhe ho in an en nasa thei hle tih ka hmuh hmaih bik der silo . Mahse chung mai mai avanga inthen kan sawi ngai lova .

Englai pawhin min hmangaihna a lan tir reng thin,thla a liam leh meuh chuan fanu duhawm tak a pa leh a pi leh pu ten an atchilh em em chu a rawn piang a,a sam leh a mit chu apa chiah chiah a ni,a pi leh puten an inchuh reng bawk nen kan hlimpui phian a , Jolie leh Benedict pawh an innei ta dawn bawk nen kan in puah chah ve nasa viau mai, Xavier chuan nu Cassie a nu a ni tih a hriat atangin a ngaihsak em em a,chu chuan keipawh min ti hlim .

Kha ni khan engmah sawi lovin zep tlang se chu tun dinhmun hi kan thleng hauh lovang ” Ka hmangaih che " mu tura khum kan pan hnu chuan ka hrilh a ,nitina kan in hrilh thin nimahse ka ngaithla ning thei lo . Tunah chuan tualthah lam an sawi ngai ta lova ,tute pawh chuan nun pangngai tak hman an duh te pawh a niang,mahse an hote erawh an la awm reng a ,min vengtu tha tak an ni bawk .

“ Ka thinlung zawng zawngin ka hmangaih che " tiin ka kut chu a fawp zauh va ,zai sak ka chak avang chuan ka awmah pawm betin a lu chu ka chul sak hliau hliau va ,kan khum bul maia kan fanu mu chu en leh in Camila Cabello in a pa tana a sak first man tih chu ka sak sak a ,keichuan ka pa tan mai nilo in ka mipa hmangaih leh ka fanu pa tan hian ka sa fovang,a chhan chu ka tan engkima hmasa ber leh a tan a hmeichhe hlu ber ka nihzia tilang thin tu a mi miau va .

Kan fanu rawn chik that that avang chuan tawp zawkin ka phun hlak a “ Naute sual lutuk " ka tihchuan Xavier chu a rawn nui hawk hawk a ,amah chu tho chhuak in a fanu chu a awi hlu hlu a ,an in pawm ngun bawka kan fanu chuan keiai mahin a pa a hre zawk a ,apa a awm tawh chuan an in pawm chawt ti ila a dik ber awm e .

“ A nu thinchhe hlik hlek te a chhun a nih hi,mipa pawh a insual pui ngam ve mai ang" a tihchuan rum zetin ka ena ,kan lenchhuah tuma min lo chhaih nawm  nah tu mipa pakhat ka khawih chu sawi chhuah a chinga,ka ngei bawk nen a ni lahin mi tihluih nan tak a hmang leh nghal.  .

Kan in chum awk awk zel “ Ngawi hle hle khan awi rawh,a engkimah a chhun che tih i hmu reng a lawm,fa kan neih leh hunah chuan keimah min chhun tawh ang" ka tihchuan a nui vur vur a ,kan fanu chu a thenbawmah chuan dah lehin ka lam panin a rawn phei a “ a nih chuan kan siam vat vat a ngai a nih chu,zaninah chuan ka chanpual ini " tiin mitmeng de sawr sawr chuan min en a ,nuih hak hak in “ Englai pawhin daddy" tisak chuan ka lo kuah let a .

CAMILA CABELLO FIRST MAN 🎵🎵🎧

I swear on my heart that he's a good man,

I promise he loves me,he never hurt me.

You held me so tight,now someone else can,

But you were the first man,that really loved me .

A TAWP TA