XAVIER CHAPTER 21

XAVIER

CHAPTER 21

Cutie chu ka zawng kual a ,an in leh a thiante in zawng zawng kan zawng tawh chung pawhin engmah thawm ri va hriat tur a awm lo,nihnih a liam meuh phei chuan hlauhthawnna hlirin ka khat a ,ka in kawtah chuan thu in a thlalak chu ka en a“ A hma a i thusawi kha lo hrethiam ila a tha tur,tinge engmah sawi lova min kalsan, Sara khawiah nge i awm ? Tinge be hman lo che a min kalsan leh mai si le ,enge i chungah thleng tih ka hriat hma chu ka beidawng dawn lo " tiin ka phun chhuak sap a .

Engvanga min then duha khatiang thil kha tinge maw a nih le ,amah avangin ka nun zawng zawng ka thlak phah a ni si a . Ka intuala bike rawn ding chu en pheiin ka thaw hak ” U ,Sara chu ila hmulo em ni ?" Jolie chuan ka bula rawn thu in min rawn en kar a ,ka bu nghal nghut “ Khawiah mah a awm lo,a kal bo nge ruk bo a ni zawk tih ka ngaihtuah mek a nih hi" tiin za lo tak chuan ka nui hak a “ U,sawi tur a ni em ka hrelo, Sara khan sawi chhuak lo turin min ti a .

Mahse hetiang thil a thlen takah chuan inzawmna a neiin ka ring tlat,ih eng lo a nia Sara in a kalsan chhan che kha ka pa in a vau vang a nia" a tihchuan ka en nghal vut “ Sawi chiang rawh " tihmukin ka melh ngur a “ Ka pa in a hnaih leh che a nihchuan nang leh kei,a nu leh pa thlengin a thah tur thu in a vau a ni " a tihchuan ka ding chhuak nghal hluai a” Hrep hian, Sara chungah thil tha lo a ti a nih vaih chuan ka pa a nihna theihnghilh in ka che ngei ang .

Benedict leh Tyler lo call rawh " tiin ka pa number chu ka call a a rawn lak rual chuan “ Khawiah nge Sara i dah ,hre rawh a chungah eng pawh a thleng a nihchuan " tiin ka ngawi dat a “ Ka fapa henu hian a ti nem mah mah tawh che a ni,ka dah bo tawh i tlai a ni e " a tihchuan ka inseh ruh nghal tawlh tawlh “ A tha e ,dama i awm rei ring suh ang che . Kan sumdawnna ah hian keiin thuneihna ka keng kawh tawh ang " ka tihchuan lehlam atang chuan a rawn au tuar a .

A lam panin ka tlan mek tih a hre lo chu a vannei a ni e ,in ka thlen rualin ka nuhrawn malah chuan ka kap pawp a ,ka pa chu room atangin a rawn chhuak rang viau mai “ Xavier Samuel " a rawn ti tuar a ,a ni pawh chu engmah sawi lo in a banah chuan ka kap nghal pawp,ka mitthlaah cutie nui hmel a rawn lang a ,chu chuan thinrimna leh natna min pe nasa zual sauh “ Ka hmeichhe hmangaih khawih lo tur in ka ti che a ni lawm ni,cutie i rawn hruai let a nih loh chuan he i nupui duh tak pawh hi a thi nghal ang " ka tihrawk a. 

Kan pafa inkar a nih miau avangin kan hnuaia thawk tumah in rawlh ngam an awm lo,ni e he pawl hi ka kuta awm leh ka enkawl tur a ni miau va.  Nakina a neitu nimai tur hi tumahin min khawih ngam hauh lovang “ I pa ka nih hi ,kha hmeichhe pakhat ve mai kha engvanga hauh viau nge i nih" a rawn ti tuar a,ka nui suk ringawt . A ban ka kahna lai chu a dawm vang vang a“ I nupui leplerh zet hi engvanga thlang nge i nih ve thung le ,he nu laka i rilru put ang chiah ka put vang pawh a nimahna ,khawiah nge cutie chu i dah sawi nghal rawh .

A nih loh chuan nangpawh kha i thi nghal ang " ka tihchuan a tho chhuak taih taih a “ I hmet puak a nih chuan nang leh kei hian kan tawrh tur kan hre chiang viau,hmet ta che chumi rualin i nu leh i hmangaih te zawng zawng i chan ve tho ang" tiin a nui hak a ,ni e he mihring hian englai pawhin ka nu a zui tir reng a ,a him theih nan ka nu pawh ka hmu lo thin mai zawk a ni . Mahse cutie chunga hetiang thil a tih avang hian ka ngaidam hlek lovang “ Khawiah nge i dah sawi mai rawh,i fanu pawh saw ka dah tha dawn nge " ka tileh hrawk a .

Ka mitmeng atang chuan engkim a hrethiam tih ka hria,ka ti duh tak tak dawn miau va ,hetiang lama min train tu chu amah a niin ka mizia pawh a hre chiang viau ang “ Khawpawna ka inah ka dah" a tihrual chuan inherin ka chhuak zui a “ Xavier Samuel tun atang chuan i pa nen hian hmelma kan ni tih hria ang che " a tihchuan pawi tihna chhete mah ka nei tawh lo,a tul chuan amah pawh ka that mai ang . Ka bike chuan chak zetin a chawlh hahdamna in lam pan chuan ka tlan a .

Cutie chu engtin nge a awm ang tih ringawt chu ka ngaihtuah a ,an tina a nih vaih chuan tumah ka zuah hauh lovang ,a hmun ka thlen rualin lo awm ho chu ka hnek nghal thuai a ,tumahin min dang ngam hek lo . Min dang a nihchuan an nunna in a tuar dawn miau va “ A awmna sawi rawh u" ti bul hmukin ka silai chu ka phawrh a ,inchhung lamah chuan min hruai lut in room pakhat chu an kawk a ,rang zet chuan ka pan nghal . Kawngka kalhna chu tichhia in ka lut a,khuma lo mu ka hmuh rual chuan ka thaw nghal huai mai .

Pan ruakin an phuarna hrui chu ka phelh hmawk hmawk a ,a hmai duk raih ka hmuh avang chuan hrehawm tiin ka rum nghal kawk mai “ Sharky " tiin min kuahin a tap nghal hawm hawm a ,nghet zet chuan ka pawm a,ka thaw nghal ham ham“ Ka lo thleng tawh e ,tumahin an tina leh tawh lovang che ,ka phal leh tawh hek lovang " tiin a samah chuan ka chul sak a ,lungchhe zeta a tap ri chuan ka lung a tina vawng vawng ,hetiang a siamtu te hi thah vek duhna rilru min put tir hial mai .

“ Engkim a tha vek e ,ka venghim tlat ang che . Tumah hlau tawh suh i kiangah ka awm hi" tiin achalah chuan ka fawp a ,ka pawm kang nghal nawlh ,pawnlam chu panin Benedict chu ka signal zauh a ,midang nen chuan inchhunga ka pa thuih hruai te chu an dah tha nghal hmak a . Pawi tihna ka neilo,ka hmangaih an tihnat na a vanga an phu tawkah ka ngai, Benedict nen hian thian kan ni a ,kan thawk dun bawk .

A langah erawh chuan kan inkawm ngai lo thung,a chhan chu midangin kan chungchang hi hre lo se ka duh vang a ni . Ka pa ngei pawhin a hrelo,mi hausa fa ve tho a nih avangin ka tangkai pui viau bawk ,chuvanga ka nau nen pawha an inkawp rem ti ka ni.  Ka nau a venhim theih bakah ka pa lak atanga hum thei tur ber a ni bawk ,a fate nunna pawh engah mah ngailo pa a ni miau va .

“ Sara chu a tha em" a rawn tihchuan ka bu nghat a ,cutie erawh ka darah beiin a thaw hle hle ringawt. A la hlauthawng hle tih ka hriat avang chuan ka hlata awm tir duh lo in ka pawm a ,ka bike ah chuan thutpuiin a hnungah chuan a ke chu ka dah rem sak a ,min kuah nghet sauh sauh mai,a lian lem lo bawk a ka hmalama a thu chuan ka bike khalhna tur a dal lo hle .

“ Ben in kutah ka dah a nia " ka tihchuan a lo bu nghat a ,cutie chu ka tlan chhuah pui zui a .

SARA POV....

Min dahna roomah chuan ka awm ngawt ngawt a ,engvanga min that leh silo nge tih chu ka ngaihtuah a ,a lehlam takah chuan ka lawm a ni . Xavier hmuh leh ka chak em a ,ni khat chu min vengtu pathum hi roomah chuan ngawi renga rawn lutin min phuar mawlh mawlh a,an hmanhmawh danah hlauhthawn an nei tih ka hre mai “ Min chhuah rawh u " ka tihchuan engmah an sawi lova .

Min phelh pawh an tum lem lo,chhuak leh vatin pawn lam atang chuan kawng chu min kalh khum a “ Sharky min lo zawng hmu vat rawh,ka hlau a nia " tiin mittui nen chuan ka phun sep sep a ,min zawng angem ka hrelo mahse ka thinlung hian min zawn a ring tlat si a ni . Ka mittui nen chuan khumah chuan ka mu a,damin ka chhuak leh angem tih pawh hriat a ni bawk silo, hetiang tur tho a ni tih hria ila Xavier kha ka lo kalsan tawp lo tur .

Tlai lamah chuan kawngka chu a rawn ri rawk a , Xavier a rawn lang hlawl mai . Ka lawm lutuk chu ka mittui a tling pam thei ,min phuarna chu a phelh mawlh mawlh a ,a phelh zawh rual chuan ka pawm nghal thlawp,insum tum miah lovin ka tah khum a,ka lung a chhe em bawk a ni . A pa khan min thah ngei a duh tih ka hai silo,min tawng thlamuanna chuan min tihahdam sawng sawng thei .

A taksa atang chuan chhuh ka tum lova ,a ni pawhin min dahthlak a tum bik lo. Engtin nge Benedict nen hian an awm tlan theih,chumai bakah inkawm ngeih tak an ni tih ka hre thei, University ah khan in hre awm pawhin an awm ngai lo a nihkha ,min man tute a thah tir te chuan pawi tihna ka nei miah lo a nihchu. A chhan chu min man chhunga ka chunga an awm dan zawng zawng avang khan an phu ka ti te pawh a niang .

Ka taksa erawh an khawih lo hlauh thung,it hmel zeta min en thin erawh ka hmuh bik lo,Xavier an min zawng hmu lo se chuan min khawih tum hun an neih ngei ka ring,bike ah chuan min chuanpuia ,a hmalamah chuan ka uai tai bawk,amah a palian em a harsa a tilo te pawh a niang,ka awm ang ang chuan min thut pui tawp a ,tlan pah chuan min tawng thlamuan reng bawk nen keipawhin chungin ka hlau tawh lo .

Kan inkawtah chuan min din puiin ka nu te chu an rawn lang nghal vat a , Tyler leh Jolie pawh an tel bawk,min hmu chu ka nu leh Jolie chuan min kuah thlawp a ,kan pathum chuan kan tap hawm hawm mai. Ka nu chuan ka chalah fawpin ka sam te chu a chul a “ Ka fanu i bo hlen tawh dawn emaw ka ti a sin,midangin police a report an duh bawk silo ka hlauthawng takzet a sin" tiin a mittui a tla zawih zawih a. 

Keipawh chuan eng mah ka sawi thei bik lo,ka nu kuah chung chuan ka thaw hle hle ringawt,inchhung lamah chuan kan inzui lut a ,ka pa pawh chuan min rawn kuahin ka bulah an thu a . Tumah inbia kan awm lo,hmeichhe ho kan tap ri tih loh chu,reife kan ngawih hnuah Xavier chu a rawn ding chhuak a “ Mr Wilson Sara hi ka bula awm tir ka duh a ni,hetiang chuan kan vai tan pawh a tha lo .

In hriat a hun tawh a nimahna " tiin a pa leh ama chungchangte ,an nihna engkim chu sawiin keimah avanga apa nen an inhuat tak thu te leh ka him zawk nana a bula chen a that thu a sawi chuan ka nu leh pa chu an ngawi ngar a ,an thu hriat chuan a thawng tih a hriat . Tyler pawh chu ti tho, Jolie nen chuan a mak tilo awmchhun kan ni ngei ang ,chutah ka pa chu rawn khuh kharhin a ding chhuak zui a .

“ I nihna ilo zep reng a , Sara i hre ve reng reng em?" ti a min rawn en chuan ka lo bu nghat,ka pa chu a thaw ham ham a “ Thil sual titu nen a inhnam hnawih hi ka duh ngai hauh lo" tiin a ngawi zui a ,ka pa chu hlauthawng leh inthlahrung ta chuan ka en kar mai “ Mahsela hetiang thil a nih takah chuan kan fanu venghim tur hian ka ring tawk ang che ,mahse hei hi min chhang phawt teh,kan fanu a him theih nan i pa chu thah ngai ta se i that angem?" ka pa thusawi avang chuan ka nu te nen chuan a lam chu kan hawi thap.

Xavier chuan zamna leh timna nei miah lo hian “ Ka tiam a che ,i fanu hi ka hmangaiha,a himna tur a nihchuan ka nunna emaw ka pa pawh nise ka la mai ang,ka duh zawng chu Sara hi ka hmuh phakah awm reng sela,venhim tlat hi ka duh a ni . A theih phei chuan nupuia neih ka duh a ni" in ring tawk taka a tihchuan hlauhthawnna karah ka lo hlim ve em em ringawt .

Ka pa chu hahdam huai ang hian a inthlah dul a “ A nihchuan a himna chu i kutah a ni tawh e ,kan ring tawk che a kan fanu hi tina ngai suh ang che . I intiamna chu i tihhlawhtlin ngei ka beisei " a tihchuan Xavier pawh chuan a intiam nawn leh sak a,kan cheng dun tawh dawn tih ka hriatna chuan min ti danglam riau lehnghal . Ka pa te nen chuan eng emaw sawi zuiin an inkawm khawm a 

Kei erawh Jolie in ka thawmhnaw min pack pui mawlh mawlh thung,“ Sara ka thik lek lek mai che ,ka u hian hmangaih a neih ka ring pha ngailo,mahse a hmangaih takzet che tih vawiinah khan ka hmu chiang leh zual a ni,hmeichhe dang lakah a hmang ngai hauhlo,a mitmeng nen zawng zawng,i bo hlim phei kha chuan a tal buai nasa a sin,a zawng kual che a . A mu ngailo " a tihchuan mak ka ti .

Chutiang khawp chuan Xavier hian min lo hmangaih tih ka hrelo va ,ka chhungrilah chuan ka hlim veng veng “ Keipawhin a ni anga hmangaih hi ka neih leh tawh pawh ka ring lo,taka Benedict ka hmu a , Xavier nen hian an in ngeih loh hmel nen mahse a rukin an thawk tlang reng si a " ka tihchuan Jolie chu a rawn nui var var a “ Ben hi ka u thiantha ber a ni a lawm,,mahse an nihna avang hian midang hriat loh nan University ah chuan an in be ngailo tih tluk a ni.

Ilo luh tirh pawh khan an inhre daih tawh a lawm,mahse ka pa lakah an inzep tlat thung,a chhan chu Ben hi ka pa hmelma fapa a nia ,an thawk dunin an inkawm ngeih hle tih a hriat chuan a tu ave ve tan pawh an thawh hona a chhe vek thei,a chhan chu an pawl hi an mahni thu chiah a ni bik lova " a tihchuan ka bu nghat nghat a “ I hre sa vek sia mahse Benedict chu i la duh tho tihna " ka tihchuan a nui leh var var a.

Kan tleirawl tan lai in ka hmu a ,ka hmuh hmasak ber atangin ka duh nghal a ni,a tir chuan a thianpa farnu ka nihna avangin min pawm duh lova ,mahse tunah chuan ka duhthusam te chu a thleng ve tawh a nih ber hi" tiin ka thawmhnaw chu a khung sawk sawk a,khai chhuakin midang awmna lam chu kan pan a ,ka nu nen chuan kan inkuah leh vang vang phawy a , Tyler pawh chu lawm thu ka hrilh ve bawk .

Thian nihna a hlen tha takzet,a ni hi awm lo se kan buai viau ngei ang le , Xavier nen chuan a in lama awmdun tur chuan kan inzui chhuak a,ni e a bulah lo awm ka tum tawh lo . Ka nu leh pa ka ngaihtuah lo a nilo,mahse Xavier hi chan mai ka hlau ve tho,apa keimah avangin a do dawn ta chu a ni si a . A kawngah chuan kuahin ka mit ka chhing chial a,ka kut chu rawn hum hnanin a hmer salh a .

A tlan chhuak zu nghal zat a,a in kan thlen rual chuan pi Rosaline chu auin ka thawmhnaw chu a duty te nen chuan a lakluh tir a ,kei chu min pawm lutin room lamah min kal pui nghal zat,khuma min dahthla in kalsawn a tum chu ka man bet vat a “ Ka kalsawn dawn hleinem,inbualna tur ka va siam lawk ange ,ka lo let lehnghal ang,kan inbual rual dawn a nia " a tih takah chuan ka vawnna chu ka thlah riai riai a. 

Min rawn hmu hma chu ka lawm takzet,chuti nilo se chu a pa khan min thawn bo ngei ang.  A rawn chhuak thuai a ,a thawmhnaw chu a phelh nghal mawlh mawlh “ In phelh vela,chuan in bual zawhah kan mu dawn ania i chau ang " a tihchuan muangchang chuan ka inphelh a ,ka taksa a hmu ngun tawh bawk nen zah tit tet ka tum tawh biklo,bra leh panty nen chuan awm in ka pan a ,min lo vuan nghal vat .

Bathroom ah chuan lutin bathtub ah chuan tui a lo li punga ,a zau tha bawka kan pahnih pawh chuan kan thawl lam mah a ni.  Ka taksa ah chuan sahbawn chu min hnawih sakin ka nghawng vel chu a fawp zauh zauh a “ An tina hman che em" a tihchuan ka lu ka thing nak nak “ Ka hmaiah an beng tihloh chu min khawih lo " ka tihchuan ka biang duk lai chu a rawn fawp zauh va .

“ I chungah thil tha lo thleng se chuan ka that zo duh vek ngei ang" a tihchuan a kut chu ka humsak vang vang a ,ka himna a du avangin heti khawp hian a kal chu a ni si a “ Ka tihpalh aw ,mahse ka laka i lungawi loh apianga hmeichhia i kawp ziah hi ka lawmlo a nia" ka tihchuan nui hakin ka hmuiah chuan a rawn fawp vang vang a ,keipawh chuan ka lo chhang let ve nghal tan tan mai . 

A aia thui erawh min ngaihtuah thiam takin min kalpui duh biklo,kan inbual zawh chuan bathrobe chuan min tuamin min pawm chhuak zuia  ,min hru hul zui mawlh mawlh,ka chau bawk nen ka lo muthlu lap lap a ,nui hawk hian khumah chuan min mutthlak pui a ,ka ngheng nghal talh talh.  Mumang mai a nih leh ka hlau a ni ber ,nghet zet chuan ka kuah tlata .