XAVIER CHAPTER 20

XAVIER

CHAPTER 20 

“ Hello " titu chu ka melh ran a, Xavier pa a ni tih ka hailo . Enge kan inah a rawn tih,a mah zuitu palian pui pui pali nen chuan ka hlauthawng ru hle , Xavier lah vawiin tak chu a thawm a reh bawk si “He..llo " ti bag nakin ka hawi kual a,ka khur der der mai . Ka awmdan chu ngun zet hian min en a ,ka nu leh pa an awm lo bawk nen Xavier pa hi chu ka ngaina lo a ni tawp mai “ Min hlau em ni" a tihchuan ka lu ka thing nawk nawk a.

Hlau anga awm ka tum bik der lo,chutilo chu min zuam mai ang “ Enge i duh " tiin ka en kar a ,a kut chu tiche zauhin a hawi kual a ,kan inchhung awmdan chu a en a ni ber . “ Ka fapa hi kalsan la ka duh,keichuan ka sumdawnna kawnga min pui thei tu te fanu neih tir ka tum a ,mahse nang hian chu chu i ti chhe vek a ni " a tihchuan ka en ha a ,engtin nge chutiang chuan a sawi theih zawk .

“ Aih,ka duh lo keichuan ka hmangaiha a ni in min kalsan te a nihloh chuan ka kalsan ngai lovang " ka tihchuan a hmel chu a ruh nghal tawlh tawlh a ,a mitmeng nen zawng zawng chuan rapawm tak ani. “ Pu Denis i fapa hian min hmangaih a ,keipawhin ka hmangaih bawk,tin sumdawnna ang maiin Xavier hi en ang in ka hria che,i fapa a nih hi " ka tihchuan dawhkan chu a beng thuai a .

“ Ngawi chip cham rawh,ka that lo che hi lawm hle rawh,ka thah che chuan ka fapa ka lakah a hel ngei dawn a ,chumi ka duh loh avang chuan ka dawh mai mai che a nih hi,hre reng rawh . I kalsan lo a nihchuan ka that mai ang,ka fapa mah nise ka chhiatna tur a nih dawn ai chuan dah that ka hniallo,ka nihna i hria tih ka hria ,ka ti duh ngei bawk ang tih hria ang che " a tihchuan ka melh ngawt ngawt .

Engtin nge hetianga mi rapthlak lutuk hi an awm theih,ama thisen a piang ngei a thah tur thu a sawi a maw ? Dang lawp lawp hian ka ena,ka hmel a hmuh chuan a la lawm hmel em em zui leh nghal “ I hrechiang maw chu chu,i kal san lo a nihchuan ani mai nilo i nu leh pa pawhin an tuar ang " a tihchuan ka lung a che dawt thei . “ Engvanga i fapa tana min iai em em nge i nih? Engtin nge hetiang hian ilo sual theih zawk .

I rapthlak takzet Xavier an a hriat hunah chuan a ngaidam hauh lovang che " tiin ka thaw hawk a ,ka hmai te chu a sa vek thei . A thusawi tin chuan rapthlak min tih tir lo theilo ,mahni fa te ngei thah hreh lo chutah ka nu leh pa leh zel pawh maw “ Ka mamawh lo,ka fapa chu ka lakah a hel sa tawh a lawm,chupawh nang hmeichhia vang vek hian mawle ,i hria em ?

A hma a ka thu hnial ngai lo khan a vawikhat nan min hnial a sin,min dodal zawngin a chet tak fo nachhan hi nangmah vang a ni tih ka hai hleinem . Chuvang chuan a lak atang hian kalbo ang che ,chuti a nihloh chuan i nu leh pa , Jolie mai bakah a mah thlengin an tuar ang" a tihchuan a hmaiah chuan chil ka chhak thawt a “ Eng ang pa nge maw i nih,mi tenawm tak ini" ka tihchuan amah veng tute chuan min khawih an tum a 

A kut chuan a zap nghal zauh mai . Ka lam hawi leh in thah chak hmel zet chuan min en a ” Hre rawh i kalsan lo a nihchuan ka sawi ang khan ka ti ngei ngei ang tih hria ang che ,i thu thu a ni e " tiin a silai chu a rawn phawrh a. Ka mengkawk mai ” Engvanga hetiang thil hi tinge i nih?" tiin ka melh kar a,ka thinrim a ka rilru ana bawk“ Ka sawi tawh kha ka fapa tan hian ka duh lo che. Amah thlawpa pui thei tur ngei ka neih tir dawn " tiin a tho chhuak a ,“ Englai pawhin ka thlawp reng a sin,ka hre ve vek in nihna thlengin .

Chuan ka pui ve thei tho,ka kalsan dawn lo " ka tihchuan rum zet hian min rawn en a “ Tun hi ka last warning a ni tawh ang ,chuvang chuan he hmun hi chhuahsana i chhungte thah sak i duh loh chuan tawp san ang che " tiin an chhuak zui a . An chhuah rual chuan ka tap nghal hlawp hlawp “ Sharky eng tin nge ka tih dawn le ,hlim takin kan awm ve dawn emaw ka tihlaiin hetiang hi kan thleng leh si . 

Ka nu leh pa ka ngaihtuah lo thei silo,vuan lui che ila ipa hian a ti duh ngei dawn bawk si . Enge ka tih dawn ka hre thiam lo,tinge hetiang em em a i pa hian min duh loh le ,ka kalsan lo che a nihchuan nang leh zel pawh a zuah loh tur thu che a sawi si a ,chutiang chu ka thlen tir theilo " tiin keimah chuan ka phun sep sep a ,ka rilru a buai bawk nen Tyler chu ka call ta tawp a ,a ni hi min pui thei tur ber a ka ngaih a ni “ Aw Sara enge nita min ngai deuh em ni?" a rawn ti lang lang a .

Tah insum deuh chung chuan “ Kan in ah ilo kal thei a ngem " ka ti chhuak thei hram a. “ I tha em? I tap em ni ?" a rawn tihchuan ka khuh kharh a ,ka aw atang hian a hai theih miau loh “ Ilo kal vat thei angem " ka tihchuan a che ri sat sat a ” Ka lo kal nghal" tiin phone chu a dah zui a ,thaw ham ham hian hmalam chu ka melh ngawt ngawt. Eng thu tlukna nge ka siam dawn ka hre lova ,ka nu leh pa leh amah ka hmangaih a ngei an him ka duh chuan ka kalsan ngei chu a ngai dawn si .

Tyler rawn thlen rual chuan ka lo kuah thlawp a ” Tyler engtin nge ka tih ang " tiin ka tah khum a ,hamhaih zet chuan min kuah let tawp a “ Eng thil nge thleng min hrilh rawh " thutthlenga min thutthlak pui pah chuan a ti nghet charh a. Ka mittui chu nuai nawk nawkin Xavier pa nena kan thusawi zawng zawng chu hnuk ulh teuhin ka sawi a,hetiang ka hrilh ngam chhan pawh a hnen atang hian a put chhuak dawn lo tih ka hriat chian vang a ni .

Ka kut chu rawn vuanin ” Engkim a tha leh vek mai ang,ka pui ang che " a tihchuan ka lu ka thing nawk nawk ” Nilo in in rawlh tur a nilo,a hlauhawm lutuk chubakah ka hmangaihte an him nan chuan ka tuar mai ang " tiin ka nui sak a “ A nihchuan Xavier chu kalsan i tum ta em ni? A duh hauh lovang "a tihchuan a tidik chiah a ni . Xavier hian awlsam takin min kaltir dawn hauh lo ,chuvang reng chuan Tyler hi ka mamawh a ni .

“ Min pui rawh,nang nena inkawp anga kan awm a nihloh chuan Xavier hian awlsam takin min kal tir dawn hauh lo ,chuvang chuan hetiang zawnga ka tih loh chuan keimah pawhin ka hnar reng thei dawn lova ,atawpah an tuar vek ang " tiin ka insut faih faih a . Khawngaih hmel zet chuan min enin ka kut a rawn vuan a “ Awle a ni i then theihna hmanrua nihchu ka chak tho a lawm " tiin a nui lui sung a .

Ka nui ve hak , Xavier ka ngaihtuah erawh chuan ka tah a chhuak sa tun mai “ Ka tihpalh ka tih ngei a ngai si " tisapin ka mit ka chhing a ,a tuk lamah chuan Tyler nen chuan kal dunin Xavier te thian lo dinkhawm na lam chu inkai chung chuan kan pan a ,ka zam takzet “ Sharky " ka tihchuan a rawn hawi phei a ,min nuih nghal var var mai mahse Tyler nen kan inkaihna a hmuh rual chuan a mitmeng chu a inthlak nghal vek a .

“ Thlah nghal rawh " tihrawkin Tyler kut chu a rawn vuan nghal chat mai . Tun hi sawi hun a ni tih ka hriat avang chuan in thing harhin thawk ka la halh a “ Xavier inthen ka duh " ka tichhuak ta phawng mai . Ka thusawi avang chuan min rawn melh hrawka “ A theih loh"a rawn ti bung nghal nghut mai “ Tyler hi ka duh a ni " ka tihrual chuan Tyler zawk chu a hnek nghal thuai mai ,ka lo au that a “ Sharky duhtawk rawh ,min kal tir rawh " ka tihchuan a rawn hawi chhuak a .

A mitmeng chu a rapthlak tih piah lam a ni “ A tha e phiang sen chuan keiai i thlan hian a tihlim che emaw chu,hmeichhe danglam tak emaw ka ti che a ,mahse ilo khawlo tak zet a nih hi Sara Wilson " a tihchuan ka mit chu ka chhing sawk a ,ten hmel lutuka min en in a thiante chu a kalsawn pui a “ A nilo hmeichhe dang an tam lutuk " ti a a thiante phun ri chuan ka lung a chhun ngawt ngawt mai . Tyler rawn tho tur chu in ngaihtuah harhin ka pui vat a “ I tha em ?" a rawn nuih hak avang chuan ka thaw huai mai .

Keimah vanga Xavier an kut a thlak chu ka inthiam lo viau bawk ,nitin chuan hun chu a kal ve bek bek a . Mi chuan min sawi nasa in Xavier ka phatsan anga sawiin hmeichhe thenkhat chuan min ti duhdah thei hle a , Jolie erawhin engkim ka hrilh miau avangin khawngaih takin min en in ka bulah a awm tlat zel. Xavier chuan a mizia zawng zawng a thlak a ,kan college a hmeichhe hmeltha leh chhelo zet Elyna nen an inzui nasa in an sawi nasa a .

Na viau mah ila ka kaltir a ni miau si a ,an mudun in an riak dun fo tih ka hria,ka thik a ka lung hi a na ut ut zel,ka natna avangin in enkawl reng ka ngai chungin ka natna aia na ka tawrh a ngai miau si ,party tur a min sawm tlat avangin ka kal ve a , Tyler chuan ka kutah a kai ran bawk . Party na hmun kan thlen chuan Xavier leh Elyna pawh chu an lo awm tawh,a nalh takzet , Tyler nen kan lut chu min lo en ve reng a ,a meng rum al bawk .

Chutah Elyna lam chu hawiin eng emaw hi a sawi sup a ,an nui dun nghal hak hak mai . Ka mittui tla tur chu khap kir tumin ka mit chu ka khap fak fak a , Tyler in tur min pek chu la in ka in nghal khawlh khawlh ,lam kan tana engmah ka ngaihtuah theilo ka sir a mite lam ringawt chuan ka rilru an luah a ni,ka chauh deuh avangin Tyler chu ka kalsan a ,in tur awmna lam chu panin brandy chu ka inthlita ,ka in nghal pawp pawp mai .

Ka thinlung na lutuk tihreh chu ka duh ber a ni,ka rui tawh lutuk chu pawn lam pan tumin ka pan chhat chhat a ,intirh harh vat ka ngai a ni ” Wow i nihna dang leh bawk maw " Xavier hmel chu ka hmu nghal zat “ Kalsawn rawh Xavier" tiin kal leh mai ka tum a,chutah a thil ken chuan ka chhip atangin a rawn leih a ,kan bula awm ho chu an nui dar dar mai “ Hmeichhe lepchiah " a tihchu ka hre reng ,engmah ka sawi thei tawh lo .

Ka mittui chu a far fap fap a,hei hi ka tawn tur sa tih hre mah ila a taka tawn chu ana zual bik nimai hian ka hria ,“ I hlim bawk em,a tihlim che em " tiin ka darah chuan a rawn sawi vak vak a ,mittui nen chuan ka en kar ringawt “ Ka tihpalh Tyler" tiin Tyler chu ka au a ,mahse thawm chu a bengchhengin a hriat phak ka ring lo “ I mipa ve chuan a kalsan leh si che a nimaw " tiin a nui zui hak a .

“ Min kal tir rawh Sharky " ka koh leh dan avang chuan a hmel a rum zual sauh ” Khang khan min ko tawh hlek suh " a tinghal hrawk mai . Nui lui hakin“ I hlimna tur a nihchuan kal tir che ka hnial hleimem,i liam tur chu lo en che in duhsakna ka hlan a che ,chelh che ka tum tawh lo . I hlimna leh himna chiah ka duh,keichuan tuar mah ila a pawilo,ka mangah tal ka tawng thei che a lawm ,mahse ana tho" tiin ka nui hak a .

“ Enge maw ka sawi chiam chiam le " chiang zeta min en avang chuan kalsawn tumin ka che a ,ka kutah chuan kaiin pawn lam pan chuan min chhuahpui dawr dawr a ,ka tal ve tak nangin ka rui bawk nen ka hnial thei der lo . A bialnu chuan min rawn zui ve zel a “ Ely naktukah ka rawn hmu ang che" a tihchuan a bialnu chu lungawi loh hmel zet hian inchhung lam bawk chu a pan a .

A carah chuan min thut luh puiin a khalh chhuak a “ Min kal tir rawh i bulah ka awm duh tawh lo,tinge ka la hmuh reng che le ,i hmuh phak lohah awm vang vang tawh tur ka ni a sin le " tiin ka nui hak hak a . Engmah sawi lo vin a khalh par par a ,reife hnuah in pakhat kawtah min din puiin min kai chhuak leh dawr dawr mai “ Min hnuk kual reng suh min thlah rawh,haw ka duh " tiin a kutah chuan ka chum ve taih taiha 

Kawngka chu hawngin a chhungah min luhpui zui a ” Enge i thusawi awmzia kha " thinrim tih hriat tak chuan min en a ,mahse hlauhna pakhat mah ka neilo ,a hmel rum tak te chu ka hmu pa zual in ka hmu mawi leh zo vek tawh “ Sharky en teh i van hmeltha em em ,hei vang hi a nih hi kalsan i lo harsat em em " tiin a kawr kilh loh atanga a awm lang chu ka zut sak a ,a thaw hawk mai ” Pehhel tum suh enge i thusawi awmzia kha sawi rawh" a tihchuan lu thing nawk nawkin ka hnaih zual sauh .

“ Engmah min thlah haw rawh " tiin ka thaw ham ham a,ka hmui chu ka liak zauh,a insum thei tawh lo nge min fawp tawn tawnin min pawm kang nawlh a. Room lamah chuan min kalpui nghal zat a ,ka nui nghal ver ver khumah chuan min mut tirin min bawh bet a,a che zawm nghal mial mial mai . Khaw var hma chuan harhin ka bula Xavier mu chu ka en vang vang“ Mangtha le ka hmangaih che" tisepin ka mittui chu a luang ngiai ngiai a ,tho chhuakin ka thawmhnaw tla darh nuaih chu in belin ka chhuak zui a .

Kawngpui chu a reh ruih mai,chutia Xavier in ka chhuah hnu thui vak lo ka kal hnu chuan tute nge ka hriat loh hi ka hmaah chuan an rawn dinga ,au vak ka tum chu ka hnung lam atang hian tu emaw hian min rawn tuk chawrh a ,ka mit chu a thim nghal hmak mai,” Kal vat ang u " ti a an tawng ri chu ka hriat hnuhnun ber a ni.

Ka hmaia tui a an rawn theh chuan ka meng chhuak kawk a ,Mr Denis nen chuan kan in melh nghal chat,nui vur vur hian min lo en a “ Ilo harh ta maw ,ka fapa hnaihah awm lo tur che in ka ti che a ni lawm ni" a rawn tihchuan ka ngawi reng a ,chhan pawh ka tum chuang lo ,ka hmai chu a ri sawk a ” Tunah hian dah that i ngai a ni " a tihchuan hlauhna pakhat mah ka nei tawh lo . Ka hmangaih ber ka kal tir a ,chuan midang kiangah a hlim tih ka hre bawk .

Engmah thlak hleh tur ka nei tawh lo,ka hmangaihte an him tih ka hre miau a lawm. Ka nuihte chu hua tih hriat tak hian a meng rum ul a ,silai chuan min tin nghal zat “ Kap ta che " ka ti ve ta sak a .

XAVIER POV....

Ka harh ruala cutie ka hmuh loh avang chuan ka tho chhuak nghal vat,inchhung hmun tin chu ka zawng kual a . A thawmhnaw ka hmuh loh avang chuan a haw tawh a nih ka ring ringawt a ,a number chu ka phone nghal zat ,nizana a thusawi kha ka ngaihtuah a ,ka ngaih a tha thei der lo . Keipawh hian engvanga zawt lo a chetsual pui leh ringawt nge ka nih ni ,ka lu chu ka tuai pah nawk a ,a phone chu a ring ral thak thak lehnghal .

Ka ngaih a tha lo zual sauh mai “ La rawh cutie la rawh " tiin ka phun chhuak sup a ,ka call nawn leh pawhin chhanna ka dawng chuang lo a nu chu ka call ta tawp a ,a lak rual chuan Sara a awm em tihchu ka zawt a “ Alo la haw lo, Tyler pawhin a hmulo,ka fanu hian buaina a tawk em ni . I bulah a awm ka ring a " a rawn tihchuan ka thawh hma in a awm tawh loh thu ka hrilh chuan a ni pawh a hlauthawng ta hle “ Khawiah nge a kal ang,tunlai chu a cher in a nun a nguai em em lehnghal .

I inbul vel kha lo en chiang teh ,khawiah emaw te hian alo tlu leh reng nge engvangin nge nangpawh chuan ilo hruai haw,ka fanu hi tina tawh suh " a tihchuan ka inhum ruh a ,a mah zawkin min kalsan chung pawhin ka la kal tir theilo a ni zawk chu a nih hi .