XAVIER CHAPTER 19

XAVIER

CHAPTER 19 

SARA POV...

Ka sam chu thiam leh thiam lo hian a khuih a ,a dim thiam em em lehnghal . Thinrim a ka biak pawhin thinrimin min chhang duh hleklo bawk nen ka tan pawh thinrim reng a har ,tlai lama ka chhuah theih nghal dawn avangin ka nu te pawh lo kal lo law law turin a ti a , Kan pahnih chauh chuan ka awmna cabinah chuan kan awm a ,doctor pawhin an hlau nge ka bula a mut pawhin an hau duh miah lo va 

A nilahin khap an tum chuan a melh rum thei nasa si,a mah nelawm hmel viau mahse rum taka a men tawh hi chuan keipawh hian ka hlau deuh thin “ Ka zo ta ,i mawi lutuk " tiin a thiam tawka sam min tawn sak chu min en tir ve ngei a ,ka nui hak . A va han tawn thur tak a khuih sa zawng zawng a tihnawk leh hi a ni ringawt “ Ka thiam tawk a nihkha ,tawn tha miah suh ang che " tiin ka chalah chuan a fawp zauh a “ Cutie zin kha i la duh em?" a tihchuan ka en ha mai .

“ Khawiah maw " ka tihchuan a lu a hiat nauh nauh a ,sawi a zak ve deuh emaw ni “ Ih Switzerland ram kha kal i chak sia " a tihchuan ka nui nghal sen sen ,engtik ah nge kan zin ang tih ka ngaihtuah reng zel kha a nia “ Aw ka duh lutuk,lauterbrunnen ah aw,phul hmun tlangin a hual vel hmunah khan,tuikhawhthla mawi tak tak a awm bawk a ka kal chak lutuk,min hruai dawn tak tak em ni" tiin ka en kar a ,“I fel chuan,tin min thinrim khum tawh loh a ngai ang" tiin a rawn awm hnaia.

 A duh chu ka hre nghal ,a hmuiah chuan ka fawh sak zauh a ,awmsawn mai ka tum chu min pawt betin duhthawh zet hian min fawp buan buan a ,keipawh chuan ka lo fawp let ve tawn tawn bawk . A duhthawh tak em avang chuan ka namsawn a ,a thaw hawk hawk mai a hmai chu a sen tan a,a mitmengah chuan min mamawh hle tih ka hre thei “ Damdawi in a nih hi,mi an lo kal ang " tiin ka damdawi in kawr hak a tih phelh deuh chu ka siam tha sawk sawk a .

“ Innei tawh mai ang" a tihchuan ka nui hak,ka va en chu a lo thutak phian lehnghal “Ka duhlo i lerh emai,min ti thinrim reng lo la kan la innei ve mahna " tiin ka kuah a,ka chalah a pen kawrh avang chuan ka au that“Min dim ve ta che" tihlarin ka kiu chuan ka nghawk sawka “Ka dim thin viau che si" ti a nui vur vur chu a thusawi awmzia ka hrechiang bawka ,ka hmai chu a sa nghal hat hat mai. Tinge a tawng theih em em mai le .

“ I hmai a sen leh vek tawh a nia ,i duh awm lutuk " a tihchuan ka hawisawn a ,ka lei ka chhuah vak ringawt . In then kan tum ngun a ,mahse kan in then thei meuh lo chu a nih hi ,inthen dawn apiangin amah zawk a buai ziah a. Kalsan harsa khawpa min zar tawh hi chuan ka pawm leh nge nge zel chu a nih hi,hmangaihna avang tih ka hailo . Hmangaihna hian thil a huam thuiin a lo dawh thei hle a lo nih hi,mihring pawh min thlak danglam zung zung thei chu a nia .

“ Chhuak tawh ang,ka na tawh chuang lo tlai nghah kher pawh a ngaih loh hi " tiin room chhungah chuan ka vak kual a ,ka che a tibuai zo vek . Awmdun ngun viau mah ila a bula ka awm chuan ka zamna a reh thei ngai lo,kan inhmuh ngun pauh leh ka zah thar thin,a zahawm ru riau ka timai,ka bialpa mah nise midang ang maia en chang ka nei thin “ Enge i ngaihtuah vung vung ,doctor ka va hmu lawk ange hetah lo awm reng ang che. 

Ilo kalsawn a nihchuan hremna i hmu ngei ang" nuih suk pah chuan a ti a ,nui mahse a mitmeng tak ran atang chuan a thusawi chu a timai mai lo tih ka hria “ Um va kal vat rawh,ka ning tawh a nia ,ina ka room a mut vang vang ka duh " tiin ka kalsawn a ,a chhuah hnu chuan ka thaw huai . Inneih a sawi a piangin suangtuahna ka nei zui ziah zel lehnghal a ,hahthlak hian. Nu leh pa ni tur anga ka in ngaihtuah hian ka nuih a za tlat zel,a nilah chungin a la upa lo bawk nen.

Mahse ka chak tho,tun ang reng hian min ngaihsak bawk sela ,a rawn let leh chuan ka thawmhnaw tlem te chu bagah chuan khungin ka kutah chuan min kai a , hospital a awm min hmu ho chuan min en ha ha mai “ Mr Denis Samuel fapa Xavier samuel-a a nih saw ,awi a van hmeltha tak. A bialnu nih ve ka chak e " ti a an phun sep sep te chu ka hre reng,ka lo lawmlo ve em em ringawt “ A bialnu pawh saw a chhelo reuh e ,an in hmeh si" pakhatin a tihchuan ka nui vur vur a .

Xavier pawh chuan an thusawi chu a hre vek ang ,mahse hria ang in a awm duh lo va ,melh lah a melh hek lo . Chu chuan min tilawm ve em em ringawt,pawn kan chhuan rualin a bodyguard rinawmte kha an lo awm leh thap tawh . Chibai min lo bukin car kawngkhar chu min hawnsak a ,ka thu lut vat . Ka hmuh tirha ka hlauh hlawm nen tunah chuan ngaiah ka neih tawh, Xavier hi a pa hian a khuah khirh hle tih ka hria.

Ka lo hlauthawng thin,kan naupan laia ka hmuh bak kha Xavier pa hi ka la hmu leh lova ,a fapa nen kan inkawp hi engtin nge a ngaih ang tih lah ka hre hek lo . “ Sir i pa in hmuh che a duh a" pakhatin a rawn tihchuan Xavier chu a nernawk a ,ka lo en kar tih a hmuh chuan a hmel chu a siam tha vat “ Zanah ka rawn hmu ang,chuan pahnih khan min zui sela a tawk mai,cutie hian a nel lutuk lo cheu,chubakah a nu leh pa hmuhah lang lo ula a tha " a tihchuan pahnih chu awm in pakhatin a khalh a .

Pakhat erawh a bulah thu in Xavier chuan a hnungah chuan min thut pui a ,a darah chuan ka lu chu min nghah tir in a thaw ham ham a ,a phone chu a en leh zauh thin “ I tha em" ka tihchuan min nuih sakin ka luah chuan a tuai zauh a ,a hmel awmdanah hian rilru kam tu a nei tih ka hria ” I harsatna chu min hrilh ve zel rawh aw ,ka lakah thuruk nei lo la ka duh,keipawhin i lakah thuruk ka neih miah loh hi,ka engkim hi hria la ka duh a ni" ka tihchuan ka chhipah chuan a fawp vang vang a .

“ Ka pa mawle chungin ka rilru a tihrehawm loh,mi a nawr lutuk hi ka duh lo mai a nia ,i rilru tihah suh " tiin ka biangah chuan a rawn piai zauh a ,ka nuih hak. In kan thlen chuan ka nu leh pa chuan pawnah min lo hmuak a ,kan chhuah rual chuan min pawm nghal vang vang mai “ Lo kal rawh i duh ber eitur kha ka siam a nia " tiin ka nu chuan inchhung lamah min luhpui a , Xavier leh ka pa chuan kan hnungah min rawn zui ve bawk .

Chokaah chuan min luhpuiin min thut tir a,eitur ka duhzawng hlir a lo siam tak tak chu niin , Xavier lo lut chu ka pawt thu a“ Ei ve rawh aw " ka tihchuan a bu nghut a . Ka nu leh pa bulah hian a cool thei riau,enge a hriat ni,inlak eng emaw a tum nge maw ni “ Kha hei ei rawh a tui lutuk" tiin a ka an tirin ka barh zung zung a ,keimah chuan ka ei ve pah bawk . Ka tih ang ang chuan a awm a ,ka hlim hmel chu a en vung vung lehnghal . Mi hmu ngailo te pawh a ang “ In va induat ta ve ,tikhan lo ei ula i pa nen kan leng chhuak lawk dawn a nia .

Lo vak chhuak tawh suh u aw " an tihchuan aw ti a ka chhan hnuah an chhuak zui a , kan pahnih a kan awm takah chuan Xavier pawh a nghal leh sawt viau tawj mai ,ka kut chu man betin a mah chuan eitur chu min barh a “ Chaw ei tha hle ang che ,i tana tha tur bak i tih ka phal tawh hauh lo a nia ,i damdawi ei tha hle ang che " a tihchuan ka bu nghauh nghauh a ,ka sam chu ka bengah min zeh sak in ka kamsir vela kai chu a kut chuan a hru fai a ,ka nuih sak mai 

Chaw eikham chuan ka roomah kan awmdun a ,keini lam hi chu nu leh pa hian puitling anga min ngaih tawh miau avangin kum kan tlin tawh hi chuan kan nunah thuneih lutuk hi an tum ngailo . Hnam dang erawh ka hrelo thung,keipawh hi theih se chuan in luah hran mai pawh ka duh a ,mahse ka hriselna ka ngaih pawimawh ve a ngai miau si a .

“ Kan inneih hunah chuan khawpui pawnlamah in kan sa anga,phul mawi leh tlang in a hual velah,chuan nitin ka hna bang min lo hmuak anga chu chu i duh em " tiin ka hnung atang chuan min rawn kuah a ,ka lo bu nghat nghat “ Nitin ka lo hmuak ziah ang che,midang chim phak loh ah kan fate nen kan awm a nga " tiin ka lo sawi zawm a ,a nui nghal suk mai . “ Rawng ka lo bawl anga,tlai tin i rawn haw hun lo nghakin pawnah ka lo ding anga kan faten tual atangin an lo hmuak bawk ang che nga .

Ka ngaihtuahna hi a tak ni thei se chuan a nuam viau ang " ka hmuiah chuan engmah sawi lo hian a rawn fawp a ,khumah chuan min mutthlak puiin a chungah min mut tir a ,“ Ka ti ngei ang,engkim fel hunah leh i inpeih hunah i duh chuan tunah pawh hian kan thlen tir thei" a tihchuan ka awih lo phallo . A chhan chu a pa ang chiaha thil ti thei a ni tih ka hria ,a duh chuan hmun hrang hrangah in hmun a leiin a sa thei ang chu.

“ Nghak ang aw ,i graduate hun chu ka nghak thei alawm,kei erawh ka hrelo . Hetiang renga ka awm chuan ka thei kher lo mai thei,hrisel tak chu ni ila ka thei mahna " zuai raiha ka tih chuan ka khabe ah rawn dawmin a mah en tur chuan min kuai dak a “ I duhthlan a ni hleinem,damdawi i ei tha anga i dam leh vat dawn a lawm,hnuallo in hmalam pan tum zel zawk tur ,kan nat lai leh beidawnna tawp khawk lo thlen hunah pawh beiseina in pe thar ila .

Mahni infuih chunga harsatna hmachhawn ngam te hi an ding chhuak thin,i kiangah ka awm reng dawn bawk a,engmah hlau ngai suh. Ka venghim zel ang che " a tihchuan ka thaw siai siai mai,ka hahdam huai bawk. Ka lung hi a dik loh thut chuan ka thihpui thei tih an hai ka ring lo,mahse beiseina nei turin an ni hian min hruai kal a ni .

Ka muhil zawm a ,ka harh leh chuan a lo awm tawh hauh lo,ka zawng deuh nangin a pa hmu tur chuan a kal a nih ka rin avang chuan ka call duh ta lo va , toilet ah chuan lutin ka zung te te a ,khumah bawk chuan ka let leh nghal,khua a thim chiang tawh bawk a . Pawn lama chhuah pawh ka peihlo, Xavier chu ka text a “ I tha em? Engmah sawi lo in i kal daih a ,ka mu mai dawn aw ,muttui " tihchu thawnin puan chu ka sin tha sauh sauh va .

Ka ngaihtuahna chu ka kawm melh melh,mipa in min bem ve nasa a ,mahse Xavier laka ka awm ang hian ka awm ngailo,min tihnat laia mipa dang in min hnaih pawhin amah bak ka ngaihtuah theilo chu a nih si hi . Mipa dang chu nise ka ngaihdam theih ka ring ngailo,mahse a ni chuan eng tin pawhin min tina mahse ka ngaidam leh zel thei si . Hmangaihna hian ngaihdamna leh khawngaihna hi a lo pai tam hle a nih dawn hi .

Apa nen chuan eng thu nge an sawi ang,nge hremna a pe leh zawk ni . Chung ka ngaihtuah kai takah chuan ka muhil thei ta mai hauh lo,Jolie sawi anga apa in a sawisa leh a nih vaih chuan a taksa in a tawrh mai ka hlau . Ka phone chu phawrh leh in call ka tum uk thin a ,mahse ka hmet thei lo,ka tha chu a khur der der reng lehnghal . Ka thaw ham ham a ,a tawpah ka dah ta tawp .

Mutthilh tuma ka beih ngial hnuah chuan ka muhil ve leh thei hram a ,zinga ka harh chuan ka menrei vang nge ka lu a na bur mai,Xavier message ka hmuh rual chuan ka nui ver ver a ,a that thu a rawn sawi chuan min tihah dam huai mai,ka nu nen chuan kan in be mawlh mawlh a ,ka pa erawh ka thawh hma in hospital ah a kal leh hman tawh . A hna hi chu tlin vet vet tak a ni .

Keipawh chu rei inah awm lo in college kal tur chuan ka insiam a ,pawnah Xavier lo thlen hun ka nghak ran,reiloteah rawn thlengin ka pan a ,ka kuah nghal vawng vawng . A helmet chu khumin ka ta tur ni ngei tur hi min rawn pe a ,zawhte beng ang a la nei zui,nui ver verin ka la a ,ka khum nghal zat . Kan hmel a hliah vek bawk nen tihi chuan miin tunge kan nih an hre mai mai hauh lovang .

College kan thlen hnu chuan kan in then rih a ,mipa hnaih lo tura min chah ang bawkin keipawhin hmeichhia hnaih lo turin ka chah let ve zat a , Jolie te lam chu ka pan pah bawk “ In tha leh tawh a nimaw " Jolie in a tihchuan ka bu nghat . A unau nu a ni miau a,kan inkar hi a hre vekin ka ring, Jolie pawh hi mi bawn tak a nilo ang tih tunge sawi thei ang,hriat a ni miau lo.