XAVIER CHAPTER 18

XAVIER

CHAPTER 18 

Xavier ka hmu duh lova ,ka be duh heklo Tyler chu ka zui tawp a ,min hmuh a tum pawhin ka duh ngailo. Jolie pawhin min kam khat hial mai ,engtin mah chhang lo in ka ngawi ngar zel a ,nikhat chu keimaha ka awm laiin Jolie chuan ka hmaiah a rawn beng a “ Nangmah vang vek a ni " a tihchuan ka en ha mai ,ka hmai chu ka dawm a “ Jolie enge a awmzia,engvanga min beng nge i nih?" ka tihchuan a tap hlawp hlawp a .

“ Ka u hi engvanga tina reng nge i nih? Ahma kha chuan ka tan thin che ,mahse ka u hian heti khawpa a hmangaih che tih ka hriat hian ka lawm asin,mahse nangpawh hian i tina lo bik reng reng lo ,tunah hian ka pa hnenah a hna bansan a duhthu a sawi avangin ka pa chuan hremna a pe hial a sin . Chupawh nangmah vang bawk a ni,tual a thah duh tawh loh thu a sawi avangin ka pa chu a chungah a thinrim hial a sin" a tihchuan ka phu dawrh thei hial mai .

“ Eng...engtin nge a awm ,khawiah nge tunah a awm " ka ti bah nawk nawk a” Ka hrelo,ka pa te bulah erawh a awm lo tih ka hria " a tihchuan a awmna tur awm ang ka ngaihtuah a,a tawpah khawpawna a in kha ka ngaihtuah chhuak nghal . Tinge keimah avanga chutiang thleng thleng a tih le ,taxi chu pharin ka thu lut a ,ka bag chu ka tham ngawt ngawt tinge amah na khawp khawpa chutiang thil a tih le ,a in awmna ka thlen chuan pawisa chu pe in inchhung lamah chuan ka tlan lut a 

Pi Rosaline-in min lo hmuh chuan a mengkawk mai “ Enge ilo tihdawn a Sara hetah lo nghak zawk ta che " a tihchuan ka lu ka thing nak nak,roomah chuan a awm ringin ka pan dawna ,mahse pool lama thawm ka hriat avang chuan ka pan nghal vat,chutah ka thil hmuh chuan min ti tawp chat, Xavier chu hmeichhe pakhat nen tui lo chengin an lo nui dun bawk bawk a , Xavier chuan chu nu kawngah chuan dawmin a chawi nawlh a .

Chunu nui hak hak te chuan keichu min tina thung si,ka bag chu ka thlauh hnak a,chuveleh thawm hria chuan an rawn hawi chhuak a . Xavier an min hmuh rual chuan a mengkawk mai “ Cutie " tiin rawn hleuh pheiin min au pah a ,kei erawh ka tawlh hnung hrat a ,ka bag chu chhar in ka inher a . Ka mittui chu hru tawkin ka tlan ta dawr dawr, Tyler chu ka call pah a ,ka tap hlawp hlawp bawk ,a lak rual chuan “ Min lo hruai rawh " tiin ka awmna chu ka hrilh a . 

Chutih lai chuan ka hnunglam atang chuan min rawn kuah thlawp a “ Cutie i hmuh kha " a tihchuan ka hmui chu ka seh vak “ Min thlah rawh " tiin ka tal vak vak a ,min thlah duh bawk silo “ Min be duh silo a ,a ni kha chu ka thian mai a nihkha " a tihchuan ka nui hak. Ka chhang lo,ka chhan chuan ka keh chhe zual dawn ,khanu nen a hlim taka an awm lai kha ka mitthla ah chuan a lang char char bawk si “ Min thlah rawh Xavier Samuel ka hmu leh duh tawh lo che " tiin ka tap hlawp hlawp a .

A lama min kuai herin ring turin min duh tih hriat tak hian a mitmeng chuan min ngen a ,mahse chhan ka tum lo ,nilo a bula awm pawh hi ka duh tawh lo “ Min kalsan rawh,ka hmu leh duh tawh lo che ,nang hian natna bak min pe ngai lo, Xavier min thlah rawh,in hmu tawh lo ang. Nilo hriat che pawh ka duh tawh lo,ka nun atang hian kal bo rawh" tiin ka tap hawm hawm a. Chuveleh a hmel chu a dang nghal vek ” Nilo min kalsan thei lovang,ka kalsan dawn lo che " a mah te chu a buai vekin ka hria .

Kan bulah car a rawn ding a ,chuveleh car lam chu ka pan vat ,ka kutah a rawn man beh chuan ka inseh ruh leh vaka ,hawi letin ka en vang vang “ In tina tawh lovang aw ,min theihnghilh la nichina i nui ka hmuh khan ka kiangah lo pawh i hlim tih ka hria a ni . Keipawhin theihnghilh che ka tum tawh ang,Sharky nang nen chuan thian nih kha a tawk chiah,tinge bul kan lo tan reng reng le ,hetianga kan intihnat tawn hi a ngai lo tur . Nang nen chuan bul tan lo ila kan hlim a nimai .

Nang ka hmangaih che hma a kir leh kha ka duh,ka duh takzet " ka thusawi tinte chuan a thawngin a tina hle tih ka hria ,a mittui a luang a . Mahse keipawh ka nalo bik lo “ I thusawi kha i chiang maw " a tihchuan ka bu nghat “ Keimah vangin i pa do tawh suh,chuan i thil tihkha bansan suh . Na i tawrh dawn ai chuan ti tlang ang che ,keichuan pawi tihna ka nei tawh lo,chuan hei hi " tiin a zungbun kan inhualna ngei chu ka phawi a .

A chi ai nghal vek “ Nilo phawi suh,kha thil kha phawi miah suh" a tihchuan ka lung chu puak tur ang maiin a awm “ Ka tihpalh,ka nunah hian i lo lang hi ka hlim a sin,mahse chu hlimna erawh a tluan tling dawn ta lo a nih hi" tiin ka khawhmuh chu a thim ta hmuk a ,ka lung chu ana vawng vawng bawk . Hetianga awm hi ka duh lo a sin,tinge a hma ah hian ka chaklohna hi a lan thin le ,engmah chu ka hre chhunzawm tawh lo .

XAVIER POV...

“ Cutie " a tlu tur chu ka vuan vat ,a dang baia . A thawk a mumal lo hle bawk “ Sara " Tyler pawh chu a rawn chhuak a ,kan au mawlh mawlh nangin a rawn meng hauh lo,ka ngaihtha lo chuan Tyler-a carah chuan ka luhpui a “ Damdawi in kan panpui vat a ngai" ka tihchuan a ni pawh chu a rawn lut ve nghal vat a ,damdawiin kan pan chhung zawng chuan a rawn harh lo hrim hrim,chu chuan min tihlauthawng zual .

A kutah chuan zungbun chu ka rawlh lut leh a ,ka fawp vang vang “ Min kalsan ka phallo" tiin a biangah chuan ka mittui chu a far a,ka hmangaih takzet . A tello hian ka awm theih ka ring lo a ni 

ZAWMNA 

Damdawiin kan thlen rual chuan an lo buaipui vat a , Tyler chuan a nu leh pa a lo be ve bawk . Kei erawh ka pangngai thei meuh lo,cutie an hruai luhna lam chu ka melh ngawt ngawt a ,khanu kha tinge ka lo awmpui kher ,min ngaidam duh tawh hauh lovang . Nilo min ngaihdam theih nan chuan engpawh ka ti ang,ka chan phallo ,ka cousin a nih thu hrilh duh viau mah ila min ngaithla thei miau silo va .

A nu leh pa an rawn thlen rual chuan hlauthawng tak hian chin min rawn zawt a, Tyler chuan a lo hrilh mawlh mawlh a , a nu erawh chuan min rawn pan hnaiin ka mitah tak chuan a en kara “ Sawi ka duh lo viau nangin ka fanu hi kalsan la ka duh a ni" a tihchuan ka en let ngur mai “ Ka theilo " ka tihchuan ka hmaiah a rawn beng thuai a “ Ka fanu natna hi i ngai pawimawh ve reng reng em ,nangmah avanga hetianga a awm hi ka hmu thei tawh lo .

Kalsan rawh,a mithmuhah hian rawn lang leh tawh suh " a tihchuan a hmaah chuan ka thingthi hnawk a “ Khawngaihin a bula awm hi ka duh a ni,ka kalsan theilo ka hmangaih takzet ,in fanu hi tina thin mah ila keimah chiahin ka tihlim leh thei,chu chu i hrechiang a ni lawm ni" ka tihchuan a tap a ,a ngawi ta reng mai . Doctor rawn chhuak chu kan pan vat a “ A lung lam hi a tha lo tih in hria em?" a tihchuan a nu leh pa chuan an lo chhang vat a “ A tana tha lo tur nilo a lunglam khawih thei tur thu leh thil reng reng hriat tir lo ula a tha ber .

A damdawi ei reng mahse hetianga a awm fo chuan zai mai a ngai dawn a nia " a tihchuan a nu leh pa chuan an lo buk pui nghat a ,cutie an rawn nawr chhuah chu ka pan vat,a mit a khap fak fak a “ Ka tihpalh,khanu kha ka cousin a nihkha ,kan inkarah engmah a awm lo hrim hrim,ka pa in eng emaw min tih tir a ,chuvangin ka bulah a rawn kal a nihkha " tiin a mittui luang ngiai ngiai chu ka hruksak a “ ka tihpalh takzet ,i thik turin ka ko miah lo a nia " ka tihleh chuan a thaw ham ham a .

“ Khatianga a taksa kuah a i nuihpui lai khan min ngaihtuah ve reng reng em? Ngaihtuah lo ang tiraw ,ka tello in i hlim tih ka hria a a tawk,khawngaihin ka hmuh theihah rawn in lan tawh suh. Hmuh leh che ka tum tawh lo,nilo ka duh lo takzet ,nang hian natna bak min pe ngai lo ,i thusawi in min tina a ,i chetzia in min tina bawk hetiang chung chuan ka ring thei tawh lo che . Nang nena inzawmna neih hi ka duh tawh lo,ka hmuh phak lohah kal bo rawh,I pa in hremna a pe che tih ka hria a ,mahse sim turin ka ti lo che. 

I nun a nia i duh dan in i hmang thei a lawm,inrawlh tumna ka nei tawh lo kal rawh Sharky i kal ka phal lai hian kal mai rawh" a tihchuan ka inhum ruh ngawt ngawt a ” A teuhlo,ka kal lovang,i mi pawm leh hma chu i kiangah ka awm reng bawk ang " tiin room lamah chuan keimah ngeiin ka pawm lut a ,tal a tum chu ka man nghet sauh mai . Midang chu an lo ngawi thap a,kan awmdan chu min en reng ringawt ,min pawm leh hma chu kalsan ka tumlo,a bulah ka awm char char anga a hlatah hian ka awm dawn lo a ni tawp mai .

A duh leh thinrim leh mai rawh se ,min kalsan ai chuan a tha zawk tho tho,keilo mipa dangin an hnaih ka phallo,an hnaih a nihchuan ka duh loh thlengin ka kal thei hial ang . A mu ngawi ran a ,min en duh miah lo in a nu te leh Tyler hlir chu a bia a ,a thinrim tih ka hriat avangin ka haw duh lem lo ,zan lamah chuan ka chuh tlat avangin midang chu an haw vek a ,kan pahnih chuan kan awm ran a ,min biak pawh tum lo in phone ngawt chu a melh a ,ka ngai thei leh tawh lo . A bulah chuan thu kaiin a thil en lai chu ka en pui a .

Rum zet chuan min rawn en leh nghal kar tawh ,nuih vur vurin a dul thep zaiah chuan ka chul sak a ,ka kut chu a thip nghal vawr mai . A kutthlakte lah hi ana phian lehnghal “ Titau tawh lo la um,chutilo chu ka kalbosan tak tak ang che nga,i buai leh thovang,ka taksa te hi a na teh a nia " ka tihchuan a hmui chu a tikawi nang a , a mitmeng pawl ram chuan min en khai khai bawk “ I duh leh bo la tinia ,lo lang chhen suh na i tihchuan haw la khanu bulah khan va mu rawh .

Pawi ka ti ther te lo " a thusawi zawngte chuan a thinrim nghal teuh tih hriat reng reng ,haw duh lo in ka pawm nghet sauh sauh a ,a thik zia hmu reng chung hian engtin nge ka huat phal ang ni “ Hei ka hmeichhe duh ber chu ka kuah reng a lawm,amah chiah hi kuah nuam ka tia ,hmeichhe dang kuah ka peih teuh lo " tiin a biangah chuan ka nulsak a,a tal leh nghal vak mai .

“ Amak emai kalsawn rawh doctor te kha an lo lut leh ange he khum hi keima mutna tur chiah a nih hi " tipang pang hian min rawn en a ,a hmuiah chuan ka lo fawhsak nghal hmiah,a thil enlai chu laksakin khum sira dawhkanah chuan ka dah a ,a mah chu ka awm ngheng chuan ka pawm bet nghal bawk . “ Muhil rawh,naktukah tha taka tho turin ka duh che,tlai anga hlau thawnga min siam leh chuan ka hrem ngei ang che " ka tihchuan min chhang tawh lo .

Ngawi hle hle hian a tal leh thin a ,ka thlah duh der silo nen a tawpah chuan ka awm ngheng chuan a muhil ta sak sak a ,ka nui nghal suk . A harh lai chuan min hua angin lang mahse a taksa leh a mitmeng atang hian min huat theih tak tak lohzia ka hre vek a,hmuhsit phah nan erawh hman ka tum hauh lo . A kut tang sin sang leh sei thlarh chu humsakin ka fawp zauh a ,tep chiap chiap hian min rawn khan nghal thak chu ka nui hawk mai .

Kuah nghet sauh sauhin a chhipah chuan ka khabe ka nghat a ,pawnlam atanga eng rawn lut bak eng dang a awm tawh hauh lo“ Ka hmangaih che zûn ngah nu, engtin nge hmeichhe tetak te ni si hian i salah min siam theih tlat le ,khawiah mah min kalsan ka phallo ka tihkha ,ka rawn pan leh zel ang che. Keiin ka kalsan che a ngai a nihpawhin rei ka kalsan ngai lovang che " tiin a muhil thaw sak sak ri chu ka ngaithla reng a .

Reiloteah chuan ka muhil zui ve nghal mai bawk ,ka hmai leh hnar rin riak riak ru kut chu man in ka meng chhuak a ,min lo en kar tu hmuiah chuan ka fawp nghal tawn tawn,min chhang lo va min namsawn pawh a tum chuang lo,chungte avang chuan ka duhthawh zual sawt mai,aw thian kharh ri kan hriat takah chuan min rawn nam dat dat a,ui fe chuan ka thlah ta hram a ,doctor pa lo ding chu ka melh nghal runa ,a ni erawh chuan hlauh hmel zetin min en thung,ni e ka pa hming hria chuan keipawh min hre nghal thin miau va .