XAVIER CHAPTER 17

XAVIER

CHAPTER 17

Thli leh ruah chu a rawn ri ta hum hum a ,pawnlama thingte chu an kur duai duai bawk . Xavier si chet chuan ka thu a ,ka kuah chial bawk ,pi Rosaline erawh Xavier an hahchawl tura a tih avangin room lamah a awm daih nen ka hlau chu ka hawi hruk hruk,tek lah chu a khat tawkin atla leh thin a . Ka phu zawk zawk reng chu Xavier chuan min chawi nawlhin a mal chungah min dah a “ Kan mu mai dawn em ni? I hlauhthawnna reh tir angai a nih hi .

Eng thil mah a thleng dawn lo ka awm hi " a tihchuan ka nuih ringawt,diktak chuan thli leh khawpui ri vel hi ka ngaina ngailo,keimaha ka awm phei chuan puanin ka in khuh hlun zel . Min thawhpuiin room lam chu min panpui a ,kawngka chu a kalh nghal hmak lehnghal,parda vel chu a zar vek a,room chhung chu a thim ta khap mai ” Enge i tih dawn , Xavier ka hlau a nia aw " tiin ka hawi kual a . Khum bula dim light chu onin alamah chuan min hui a .

A mitmeng avang chuan ka khur nghal dar dar ,a de sar a . Min mamawh ngawih ngawih ang hian a ni a men ni,muangchang chuan ka pan a ,a bula ka thut rual chuan min fawpin khumah chuan min delh tlu a ,a hnua thil thleng chuan kan vela thil thleng chu min hriat chhuah tir lo hrim hrim,thlan dap a ka chunga a bawh lai chuan ka lo chul ta hauh hauh va,kan chetsual hnu atang khan a insum thei ta meuhlo ni berin ka hria .

Ka hmangaiha,dan ka tumlo keini chauh lo pawh helam mi reng reng hian s*x hi an ngai holam viau zel a,in kawp kher lova chesual pawh an tam hle tih ka hria . Mahse Xavier nen kan inkar erawh chu hmangaihna avang chauh a ni ,a tan chauh ka taksa hi ka vawng reng bawk ang,mipa dang tan ka awm theih ka ring lo . A sam chu ka chul heuh heuh a ,a la thaw hawk hawk mai “ Insum hi a har a ni " tiin a rawn phun sup a ,insiam remin ka sirah chuan a rawn let thla a .

Min kuah nghal hlun bawk “ Ka hmangaih che a ,i tan chuan ka in peih reng . Mahse Xavier nau lo pai ta ila " ka tihchuan a ngawi vang vang mai,engmah a sawilo a ,a hmel a dang heklo . Chutah rawn nui sukin “ Pa nih maw? Enge a awmzia ka hrelo,ka nu leh pa avang hian a chang chuan nu leh pa ni tura fa neih hi ka duhlo thin,mahse nang nen chuan ka hrelo le " tiin ka kut chu a fawp vang vang a ,tek rawn tla thuai avang chuan au thatin ka kuah nghal chawt

Ka nute lah engmah kan hrilh bawk silo,min ngaihtuah lutuk em lovang chu maw . A awmah chuan ka bei than a “ Mutthilh tum rawh le ,thil hlimawm deuh ngaihtuah la ,i kiangah ka awm reng a nia " tiin ka beng chu a rawn hup a ,ka thaw nghal huai mai . Nghet zeta kuahin ka mit ka chhinga ,ka mitthla ah chuan hmun mawi leh nuam tak tak hlir hmuh tumin ka bei nasa ,mahse pawnlam thawm bengchheng lutuk avang chuan engmah a ngaihtuah rei tak tak theihloh .

A tawp a tawpah chuan ka muhil thei ta hram,ka taksa chul kual dan dan tu avang chuan zi tiah tiahin ka meng chhuak a , Xavier chuan min lo en kar mai,nui saka a nghawngah kuahin a duh puitlin tur chuan ka insiam rem a ,room atanga kan chhuah chuan khua a lo var uar tawh mai . Thli a awm tawh lova ,ruah erawh a la tla cherh cherh reng thung,pawnlamah chuan chhum a zing phui luk bawk ,ka nu te chu bia in min lo hrethiam viau a 

“ Puitling ini tawh a ,i duhdanin i awm ve thei a lawm, khap bur che kan tum lo a nia . Xavier kha kan ring a lawm,chhum ala zing nasa bawk nen inlam chu rawn ngaihtuah suh u,inchesual ang tih a hlauhawm . Thli avanga nunna chante an awm lehnghal,i pa pawh damdawi in lamah a buai viau mai " ka nu in a tihchuan ka hahdam huai huai mai “ Awle min lo ngaihtuah su aw ,khua a en ve leh kan lo haw ang" tiin phone chu ka dah a , Xavier chuan coffee chu min rawn pe in ka bul chetah chuan a rawn thu a .

“ Ka nu te chuan haw hmanhmawh lo turin min ti a nihchu,keipawhin ka duh vak lo . Chhum a zing nasa sia kawng a hmuh thui theih loh nen accident palh a hlauhawm emai " tiin coffee chu ka in hlak hlak a , Xavier phone pawh a ri ve chiah mai . A en vung vung hnuah a chhang a ,a phone hmang ka lo en reng “ Nidangah nimai rawh se,vawiin chu khua a nuam lo emai ka hahchawl duh, college pawh ka kal lo vang" tiin a ngawi vang vang a .

Lehlam a mi chuan a rawn hnial deuh nge a hmel chu inthlak hlawkin a inseh ruh tun a ,a kut chu a hum ruh nghal bawk ,ka vawnsak a min rawn en rualin ka lo nuih sak . Thaw hak hian phone chu a dah zui a “ Engthil nge ,tunge a " tiin ka zawt a ,a hmai tuai pawkin “ Ka pa a nihkha , haw turin min ti a nihkha ,mahse kan hun hman dun hi tih tawp ka duhlo,i bula awm ka la kham hleinem" tiin a nui lui sak a ,a hmel awmdan atang chuan a pa chuan thil tha lo lam bawk tih tir a tum a nih ka ring nghal mai .

Engmah sawi tawh lo chuan ka kuah a ,ka awmah chuan a rawn nawr nak nak “ Thil sual iti tawh lovang tih min tiam rawh,a zawng zawngin ka ring che a. Khawngaihin mi nunna la zawng chuan i che tawh lovang tih min tiam rawh " ka tihchuan a taksa chu a tang nghal teuh “ Ka theilo,ka hna a ni" a tihchuan ka mit ka chhing sawk . Jolie khan a sawi tawh a ,mahse beih ve hrim hrim ka duh “ Keimah vang pawhin i thei tur a ni " ka tihchuan “ Min nawr lui suh,ka pa thu ka hnial theilo" a tihchuan ka mit ka chhing sawk 

“ Ok a tha a lawm,ka nawr lui lo ang che . Kei min kalsan tur a a tihche pawhin i pawm nghal mai dawn tihna a nihchu" tiin ka tho chhuak a . Pawn verenda ah chuan thu in puan chu ka sin hlun a ,ka bula a rawn thut rual chuan ka tho lehnghal “ Tiang hian awm suh" a rawn tihchuan ka nui hak ” Ka hre thiam theilo che Sharky,keimaha awm ka duh,haw ila a tha in ka hria " ka tihchuan a rawn ding chhuak veleh nghal a .

“ Engkim hi kei leh ka chhungkaw him nana ka tih a ni a sin, chuan nangpawh ka nihna ang anga min pawm dawn lo a nihchuan min kalsan mai rawh " a rawn tihchuan ka meng kawk “ Eng .....maw...I...sa..wi" ka ti bah nghal nawk nawk a ,ka tawlh hnung dawrh bawk “ Min hmangaih tak tak lo tiraw Xavier" ka tihchuan mit chhing sawkin min rawn hnaih a tum a ,ka lo awmsawn nghal “ Ka sawi tum a nilo" a tihchuan ka nui hak “ Min thlah haw rawh ,i duh lo a nihchuan ke pawhin ka haw mai ang " tiin inchhung lamah chuan ka lut a .

Ka thawmhnaw chu ka ha nghal mawlh mawlh “ Chhum ala tam lutuk,chetsual i duh loh chuan awm hle hle rawh,tin ka thusawi ngaikawi ziah suh. Min hmangaih a nihchuan ka nihna ang ang hian min pawm mai tur a ni lovem ni" a tileh a ,ka kun ngar mai “ Kan in mil thei tak tak lo a nih hi,ka neih theih che ka ring lo,hetiang thil i tih reng chhung hi chuan ka hma hun ka ngaihtuah ve a ngai a ni.

Pasal tualthah hmang nei chung hian hlim taka ka awm theih ka ring lo,min thlah haw rawh ,tunah haw ka duh" ka tihchuan a inhum ruh tawlh tawlh mai . Ngawi reng chuan kan in khalh chhuak a ,ka be lova min be bik hek lo ,in thlena ka chhuk dawn chuan min pawt ding in “ Kan tha tiraw,khatiang a ka tawngkhum che avang khan ka tihpalh,cutie ka che lo a nihchuan an ni zawkin min that dawn " a tihchuan ka mittui a hnam sawk .

“ I theilo,tinge i kalsan mai loh,i nunna chan palh la ,min ngaihtuah ve miah lo tiraw. Ni e i tan chuan hmeichhe dang an tam a lawm,i nunah hian vawikhat te tal pawh ka thu hi a la pawimawh ve lo,min hmangaih lo nimai hian ka hre tawh . Ka at em avangin bul ka tan that pui leh che a,keimah pawh hi ka in hrethiam tawh nek love ,ka kham tawh . Hetianga awm reng hi ka kham,keimaha in ngaihtuah ka duh 

Khawngaihin min rawn tibuai suh " tiin inchhung lamah ka tlan lut dawr dawr a ,ka nu min lo auhna pawh chu chhang lovin ka roomah ka inkalh khum tlat. Ka theih tawpa pawmthiam ka tum nangin a har em a ni,engtin nge a tual thah lai hre reng chunga hrelo ang maia ka awm theih ang,nunna mi nunna ngei a la thin a ni si a . Ka theih ka ring lo a ni ,nunna chhanin ka pa a buai a ,chutih laia tualthattu ka lo hmangaih leh si hi kei hian ka tidik lo zawk nge .

Doctor fanu niin mi nunna chhantu fa in a pa thil tih dodal ang in mi nunna la thin mipa ka hmangaih tlat si,ka phone chu a ri reng a ,ka la duh lo Xavier bak a ni dawn lo tih ka hre miau a ,a message rawn lut chu ka en a “ Thinrim suh aw ,naktukah kan in be leh dawn a nia ,min kalsan tum hauh suh " a tihchuan mittui chu a luang ngiai ngiai,a thusawite ka ngaihtuah a ,kei hian ka nawr mah mah nge ni zawk .

Mahse a thusawi khan min tina em a ni,kalsan pawi a tilo a nihkha . Chhang lo chuan ka intifai sawk sawk a,ka ril a tam tawh bawk nen pawnlamah chuan chhuakin ka nu chu eitur ka dil a ,min rawn chhawp sak mawlh mawlh ,thil thleng min zawt a ,ka chhang theilo a ni pawhin ka awmdan a hmuh chuan min zawt lui duh ta bik lo va “ Ka fanu i nihkha ,a chang chuan dawhtheih te hi a ngai ve a nia " tiin ka lu ah chuan a rawn chul hauh hauh va .