DIKTAWN CHAPTER 1

DIKTAWN 

CHAPTER 1

Ka mumang atang chuan ka harh chhuak kawk a, ka thaw hlawp hlawp bawk . Zantin ka mang a ,a ngai nilo in a thar zel a ni,thawnthu kan ziaha a dang leh zel awm ang mai hi a ni ,nu leh pa ka neia chuan thiante nen khang thil te kha a tak tak ang vek an ni.  Zanina ka hmuh erawh mipa pakhat lian leh pa tak,mahse a hmela tualthah chakna hlir awm a ni ka hmuh ni .

A hmeltha tak chu thinrimna in a tuam a ,mihring te a huat thu a sawi a nihkha,amah pawh mihring tho a ni si a ,hmeichhe pakhat hian min en chungin “ Chhingpui nang chiah hian i dang thei,he mipa hi nang chauhin i dang thei. A nih loh chuan midangte tana mi hlauhawm ber a ni dawn,tumahin an dang thei dawn lo,nang chauhin i thei,a thinrimna chhan hi keimah vang a ni .

A kiangah ka awm thei silo va ,khawngaihin min lo enkawl sak ang che ,keimah avangin tunah hian in khuaah khan a kal mek a ni,i mumang zawng zawnv kha a tak tak vek a nihkha ,i khum bul banga kua kha khawih rawh " min ti a nihkha,chutiang thil kua a awm reng em ni . Tinge khatiang thil te kha ka hmuh ziah le ,tho chhuakin light chu ka on a ,ka khum bul bang chu ka en kual nghal dan dan mai .

Ka luahluhna a la rei lova ,chungin thil awmvel ka la chian lutuk lo bawk nen ka zawng uluk hle reng a,ka mitthla ah lah chuan kha mipa natna leh thinrimna a khat hmel hlir kha ka mitthla ah a cham a ,ka awm a nuam thei der lo . Ka room kil bang kua ka hmuh takah chuan khanu thusawi kha ka hrechhuak nghal zat .

Ka kut chuan banin a chhung chu ka zena ,chutah min pawt tu awm ang mai hian ka hnaih dawrh a ,bang chu rawn kaw lianin a chhung eng pup ah chuan ka lut nghal zat.  Min pawt kal tu awm ang mai hian hmalam pan chuan ka thlawk niber hian ka hria,thawk leh khatah ka hmuh thin ngei ka nu leh pa te hmaah chuan ka tla dawp a “ Awih bawihte thingkungah lawn thin suh kan tihkha ,i tla na em ?" tiin ka nu anga ka hriat chuan min rawn kai tho va .

Ka thawmhnaw chu a inthlak vek tih ka hre thei ,“ Ka na lo " tiin ka hawikual ruai a ,engkim chu ka mumang ang tak tak vek kha a ni . Mak ka ti takzet kei hi hmanlai hunah ka awm ta tak tak em ni,nge ka mumang tho a ni leh zawk “ I nat loh chuan haw ang u " tiin min kalsawn puia. Ka mumang ang kha a nihchuan lalfanu ka ni tihna ,muangchang hian lal in lian zet lam chu kan pan a .

Min lo hmutu te chuan ka nu leh pa chu an be bawrh bawrh mai,kei hi khanu khan min hruai lut ngei a nih ka ring nghet hmiah . Kha mipa hmeltha tak kha ka ngaihtuah lo theilo,keihian ka dang thei amaw ,a hnungah mi tam tak in an zui bawk a nihkha ,a nihchuan he khua hian run kan tawk thei tihna “ Nu ,pa ka ngaih a tha theilo ralveng hi in dah a ngaiin ka hria ,kan khua hian buaina kan tawk dawn in ka hria " ka tihchuan min en haw a .

Ni e ka mumanga ka lo hmuh fo leh ka biak fo an nih avangin engkim chu ka hmu thiam zung zung tlat,khaw chhung awm dan thlengin “ Min awih lo tih ka hria ,mahse nizan ka mumangah ka hmu a ,mang mai mai a nih ka ring theilo " ka tihchuan ka pa chuan tlangau pa chu a ko ta vat a ,ka nu chuan inchhung lamah chuan min luhpui ta thung. 

 

Kha mipa khan he khua hi a rawn pan a nih vaih chuan kan din zawh ka ring lo,khanu kha a ngaihzawng a nih ngei ka ring bawk ,reiloteah lal mualah chuan tlangval an rawn pungkhawm a,ka pa in ka thil tawn a sawi chuan an phun mur mur mai ,insum thei tawh lo in ka chhuak a .

Luhka a ding chuan ka aw ka thian kharh bawk,ka lam an rawn hawi thap a“ Pasaltha Hrangliana in hre ngai em " ka tihchuan thawm chu a reh duk a ,chutah tlangval pakhat chuan “ Hria e ,lusei tlang tin thang chhuak khawpa pasaltha theihna neisang a ni ,lalfanu hman ni mai khan a nau an thah sak a ni awm e ,huatna in a khat an tih chu ka hria" a tihchuan ka thaw ham ham ,a bialnu emaw ka tihchu a nau lek maw .

“ He khua hian a pawi kan sawi ngei a nih ka ring,chulo nise kan khua hi a rawn pan lovang " ka tihchuan an rawn phun mur mur a “ Ka mumang mai ka sawilo a nia ,he khua hi a rawn pan ngei a ni tih hmeichhe pakhatin min hrilh a ni, ka pa he khuaah hian a ni pawisawi chu kan awm a nih ka ring" ka tihchuan ka pa chu a ngawi vang vang a,chutah ” Pasaltha Rothanga te zin chhuak kha " a rawn tihchuan ama lam chu kan hawi nghal thap a .

Chutah ” Pa chupa te chu khawiah nge an awm " ka tihchuan a hriat loh thu a rawn sawi a ,ka thaw hak “ Lalpa an thenawmten zanlaiah an pemchhuak a ni tih an sawi asin" pakhatin a rawn tihchuan ka pa chu thinrim hmel zet hian a thaw hawk a ” Mai mai chuan a ma thil tihsual avangin tlem a tlemah nunna kan chan lo chauh a nihchu le ,a farnu that tu ngei chu kan Rothanga chu a nih ngei dawn chu. Pasaltha dawihzep lutuk,tunah in ring ula .

Ralveng in dah nghal rawh u " ka pa chuan a tituar a ,an che nghal sap sap mai “ Ral do turin tlangval ral kai thei chin chu inrin vek tur " a tizui a “ Pa ka lo va hmachhawn ange,min ngaihtuah suh u keimah ngeiin pasaltha Hrangliana chu hmuh ngei ka duh a ni. Hmeichhia a tihnat duh ka ring lo " ka tihchuan tlangval pakhat chu a rawn tawng chhuaka “ Lal fanu Hrangliana chu mi nunrawng tak leh a pawisawi hlauhawm tak an ti a sin .

A duh loh zawngah chuan hmeichhia leh naupang a thliar ve lo,a nunrawn avangin khaw tam takin an hlauh rawn leh tlawn rawn a ni a sin,lal duhsakna a dawngin an khua lah a mah avangin a lian in khaw tam takin an pawisawi an hlau a sin,keini pawh hian kan dang thei angem tih a ni" a tihchuan ka nui sak a “ Ka thei ang chu ka tilo,mahse ka be duh a ni . Pa min ngaihtuah suh,ka thei ang ka ring" ka tihchuan ka nu zawk chuan min rawn au that a .

“ Nu pa mi pakhat thil tihsual avangin kan khua hian a tawrhna tur a awm lo,ka bia anga chuta ka rawn let lo a nihchuan min lo zawng suh u ,ka tih ngei angai ,kan khua leh tui hi a him theih nan chuan keima nun hian tuar hmasa rawh se " tiin ka nuihsang a ,ka mumanga ka hmuh thin te mai mah nise a tak anga ka tawn miau avangin ka tlangnelin mak tihna em em ka neilo,hmanlai hunah ka lut hi mak ka ti deuha a nimai .

Ka ke chuan hling vel a rah a anat loh nan puan them chuan chhah takin ka tuam a ,ka buai pui nghal mawlh mawlh bawk,ka thawmhnaw pawh chu ka khawvela mi ka hakluh ka mut kawr fual chu a nimai . Ram lam pan chuan ka kal zui a ,ka nu leh pa leh tlangval te chuan min dan tumin theihtawp chhuah mahse ka tih ngei ngei a ngai tih min hrilh tu an awm tlat a ni . “ Ka lo let leh vat ang,tlangvalte u ka lo let ta lo a nih pawhin ka nu leh pa leh he khua hi min lo venhim sak dawn a nia " tiin hawi let duh tawh lo in ka kal zui a .

Dai ka thlen chuan ka mit chhing vang vangin ka rilru leh mitthla a an awmna tur zawn awmah chuan ka kal zui hnak hnak a ,dik tak chuan ka huphurh takzet ,ka mi hriat chian loh leh hmuh pawh ka la hmuh ngai loh hmuh tumin ke ka pen mek chu a ni sia,lungpui lian zet chungah chuan thu in ka zaia rat rat a ,ka rilru ah awm miau hek . Khua a thim titih tawha,ka thla erawh a muang lo takzet  .

Ramsa an la tam bawk nen sakei te ka hmu thut ang tih ka hlau,thawk leh khatah tu emaw hian ka ka rawn hup chawtin min pu nawlh a ,ka tal nghal phat “ Tunge i nih " tiin ka ke chu ka leng bat bat a ,mahse min hnehsawh lutuk tlat . Min thing nawk a ,ka zawi nghal hnawk ni ber hian ka hria,min kalpui zui nul nul a,khua a thim tawh bawk nen a hmel ka hmu theilo,mahse a lian hle tih ka hre thei .

Reife hnuah nui dar dar thawm ka hria a ,ka hlauthawng zual sauh. Ka mi nghahte ngei an nih chu ka ring nghal ,meipui an lo chheh hluahna ah chuan min putu pa chuan min nghat dawp a ,ka tho chhuak nghal vat . Ka hawi chhuak chu phawk lutuk hian min lo en thup a ” Tute nge in nih" ka tihchuan an aw an thian nghal kharh bawk “ Engvanga min man nge in nih" ka tileh that a 

“ Ava hmeltha ve " an tihri chuan ka beng a luh var mai,“ Tlangpui lalfanu chu ini ang maw " pakhatin a rawn tihchuan ka melh ngar a “ Chu chu enge i tan a tangkaina " ka tihchuan an nui leh dar dar mai “ Nang ni hi kan khaw rawn run tum tute chu in ni ang maw ,khawi hi nge in pasaltha nunrawng Hrangliana chu " ka tihchuan an in melh hrek hrek a “ A rawn putu che kha a ni e ,i va huaisak reuh ve mawle ,a farnu thattute khua in ni chunga a that nghal lo che kha lawm hle rawh .

I vannei ngawt mai,mahse kha i hmelte lah chu a tha ang vur lehnghal a " rawn titu chu lalfapa ngei a nih ka ring,a inthuam dan atag chuan a hai theihloh,ka hnung lam chu ka hawi a ,chutah min putu pa ngei lo ding thim run mai chu ka en nghal ha,ava han lian em em ve mawle. Ka sang ve hle a nia ,a awm ka chen tawk a ni ,hmanlai mipa hi hetiang an lo awm thei a nimaw .

Ka chil chu ka lem khalh,a hmel en turin ka dak chhuaka ,chutah mitmeng thim raih leh hmui chip hmaka min lo en tu avang chuan ka ip chawih thei,ka taksa chu ka hriatthiam siloh hian a mur chuaih nia “ Ka be duh che " in ti huaisen luiin ka tilet sap a ,a la ngawi run mai. An sawi ang chiahin a nelawm loh takzet,ka mang ang chiahin a hmel chu thinrimna in a tuam a ni .

“ I farnu avang in a pawi ka ti,mahse chu avanga midang pawisawilo tuar tir kher hi a ngai em ni" ka tihchuan a ngawi vung vung a ,a thinrim hmel hle mai . Midang chu an lo thum hak mai “ Pasaltha kha hmeichhia kha ava chaltlai ve mawle " an rawn tilang lang a ,khawih chhe rawh lo ti tawk lah bo lo . Tim dai hian ka melh kar a ,a mitmeng chu ka chhiar thiam lo ” Khawngaihin ka ngen a che ,pasaltha i nau thattu chuan kan hriat lohin khua a chhuah san a .

Chumi avang chuan keimah hi ka lo kal a ni,i lo kal dawn tih hi ka hre sa a sin,ka mangah i farnu khan min bia ani " ka tihchuan ka darah na zetin a rawn hmer a.  A kut a lianin tha a ngah bawk nen ka dar chu a na nghal vawng vawng mai ,“ I ka tenawm tak khan ka farnu chung chang chu sawilo mai teh,zanin la la hian in khua chu mei vapah ka chan tir ang " a tihchuan hlauthawng zetin ka en a ka awmna reilo mahse ka khua a nihna angin ka ngaina a ni .

Tumah vak ka la hrelo a ,ka manga ka hmuh chin bak mahse thawnthu ka chhiara indona in nghawng a neih pawizia ka hre ve miau a lawm“ Khawngaihin min ngaithla teh,pawisawilo tam tak an awm a sin,i nau chungchang chu ka tawrhpui lutuk che ,mahse i nau that tu ber a awm tawh lo va ,khawngaihin in thil tum hi sut rawh u " ka tihchuan a nui hak a.  Ka nghawngah chuan a rawn rek nghal chawt bawk .

Ka thawk a har bawk nen a kut chu ka theih tawp chuan phelh ka tum a ,mahse a ni mipa tha chu ka hneh lo takzet ,midang lah chuan dan an lo tum der silo ,chutah mei enga ka hmel a hmuh rualin a tawp chawt a . Ka mittui nen ka en nghal kar chu a mitmeng chu a dang zawk mai ,min rehna chu a thlah a ,ka thaw nghal kawk kawk mai,ka khuh bawrh bawrh lai chuan an lalfapa chuan min rawn pana. 

“ Khawi maw kan kawi sarih eni chu,a hmelthat thu a thang nasa bawk a a lo hmelthat hi le ,ka nupuiah neih ka duh a ni . A ni hi chu tihnat ka phallo " tiin ka biangah chuan a rawn chul a ,ka lo au that. Ka rap lutuk,tenawm zet chuan min en a,midang lah chuan lalfapa a nih avang chuan an dang dawn lo tih ka chiang,Hrangliana chu a rum nghut a “ Lalfapa phuba la tura kal kan nih kha ,i duh chuan i hruai haw thei ang " a tihchuan ka lo meng kawk a .

“ Nilo ka nei dawn lo che " tiin lalfapa chu ka melh kar a ,a nui vur vur ringawt ” I khua leh tui himna i duh chuan min zui ngei angai ang,ka nupui i nih phawt chuan i nu leh pa leh i khua chu an him ang" a tihchuan ka en ha mai . “ Enge i sawi awmzia " ka tihchuan ka biang bawk chu a rawn khawih a “ Ka nupui i ni ang,chuan i khua chu kan run lo ang,mahse ka nupui i nih chauhin" a tihchuan ka melh ngawt ngawt ringawt .

A thusawi chu a tak tak a ni angem tih chu ka ngaihtuah a ,Hrangliana an tihlam chu ka en leh nghal zawk,a ni erawh a hmel a pangngai thlup renga . Engmah ka hre theilo “ Iti tak tak em" ka tihchuan a bu nghut a “ Min neih phawt chuan" a tinawn leh sak . Hmanlaiah ka lut chauh a ,mahse ka harsatna tawh zozai chuan min ti chau hluah hluah a ni ber mai . “ An him vek dawn chuan ka zui ang che ,mahse hei hi min tiam rawh inneih nghal ka duh lo .

Reilote tal hriat chian nan che hun min pe rawh" ka tihchuan a bu leh nghat ” Awle mahse ka nghak rei dawn lo che a nia " a tihchuan ka chhang tawh lo,chutah ding chhuakin “ Awle kan tum kan thlak ang,pasaltha Hrangliana khan min lo hrethiam la,ka tuarpui lo che tihna nilo in thil tisual tu lo in an tawrh chu a thalo ,tin ka nupui a ni dawn bawk a ,a chhungte tal chu kan zuah sak ang chu. Chutih rualin i farnu nunna la tu erawh ka tlangvalte nen hian kan zawng hmu ngei ang.

Khawngaihin lung loah i la lo ang chu maw " a tihchuan Hrangliana pawh chuan harsa tih hmel zet hian a lo buk khum a ,kei min melhna erawh a la rum tha viau thung. An khaw thleng ka zui anga,chumi hnuah tlanchhuah dan ka zawng tawh mai ang chu,khua a rawn var a ,mi an en duh zual sawtin ka hria “ Ka nupui tur hmeltha tak avang hian ka lalna tlang chang tur te pawh an chhe hauh lovang le " tiin a nui huah huah a .

Ka ten takzet ,mahse tih theih ka nei rih silo,ka chhungkua leh mipuite himna ka ngaihpawimawh a ngai si,Hrangliana chu ka en leh thin. Engvanga ka rilru luah tlat nge a nih tih ka hrethiam bik lo,mahse ka en lo theilo. A hmel chu a tha takzet ,a ka chu chip hmak mahse ka ngaina ru riau tih ka hailo,a mithmul chu a bukin a mitmeng chu a vawt raih a ,hmeichhia in a a pâ kan tih ang chi ngei hi a ni . Lalfapa chuan min ngaihvenin ka bulah a kal chawt a. 

Kan khua kan hlat ta hle tih chu ka hre chiang ta bawk nen ka thaw huai mai ,thui fe kan kal hnuah chuan ka hah lutuk chu ka thu hnawk a “ Ka chau tawh lutuk " tiin ka thaw hlawp hlawp a ,ka ke te chu a kham hluah hluah mai ,an lalfapa chu ka bulah rawn thu in “ Kan kalna tur ala thui sia kan in puak chhawk mai a ngai dawn a nih hi " a tisup a ,Hrangliana chu ko in min paw tur chuan a bia a .

A nilah an lalfapa thu a nih vang nge ka bulah a rawn thut hniam chuan ka inthlahrung viau mai,mahse tih theih dang awm hek lo min puak ngei chu a ngai bawk si,a hnungzang pharh darhah chuan ka bawk kai a ,ka kuah nghal bawk . A taksa ka tawh leh chuan ka khur dar dar thei,ngawi reng chuan min din chhuahpui a ,a lian bawka leite chu a hla dawrh thei nia . Hmalam ngawt a melh lai chuan keiin a hmel chu sir zawng chuan ka ena .

Hetiang khawpa mipa ka mit la tu hi an la awm miah lo ,a nelawm loh an tihte kha ka awih lo rum rum mai . A hnar ngul chu a nalh hle a ,a khabe ruh in vuah dan te chu a fuhin a ngheh hmel tlet tlawt hle ,hah hmel pawh a pulo a ,thui tak kan kal hnu pawh chuan min dinpui zawk tih loh chu midangin min puak an tum pawh chuan hrelo ang mai chuan a kal hmiah hmiah a ,an lalfapa pawh chuan mak a tih hmel viau mai 

“ Keimahin ka kal thei tawh ang,i chau lutuk ang " ka tihchuan min chhang lo,engtin nge hetiang em em a tawng nachang hrelo leh nelawm loh hian a awm theih ni.  Nge ni a min haw viau zawk ,engmah sawi tawhlo chuan a hnungah chuan ka bei hle hle a ,ka mut chu rawn chhuakin ka ham bai baia ,ka mit chu ka chhing zui nghal riai riai bawk .