XAVIER CHAPTER 9

XAVIER

CHAPTER 9 

” Pa ka nu nen hian in biak in tum tawh meuh lo em ni?" chaw ei pah chuan ka ti a ,a fian chu dah ri rakin a ngawi vung vung mai ” I nu chuan a duh a thlang a lawm,chubakah awm hran hi a tha zawk" a tihchuan ka ner sak mai,ka nu nen an ngaihdan a inang ve ve a ,an luhlul dun bawk si “ I hmangaih lo em ni?" ti a ka zawh leh chuan min rawn en vang vangin a nui sak a ” Ka hmangaih avangin a lo kir phah dawn hleinem " a tihchuan ka phur hle . 

Ka pa hian ka nu hi ala hmangaih tihna ,a nihchuan ka nu ka bia anga engkim a fel vek em ang chu maw . A tuk lam college ka kal chu Xavier a rawn kal har bawk nen college kawtah chuan ka hawi kual ruai mai . Nidangah chuan a rawn thleng hma pawl a ni ziah thin sia,a tawp a tawpah a bike gate a rawn tlan lut chu ka hmu a ,ka thaw nghal huai . Pan hnaiin a bulah chuan ka va ding a ,ka awmlohna lam a hawi tlat lehnghal .

“ Tinge khalam chu i hawi tung a ,hmalam i hmu thei dawn em ni" tiin a kutah ka va vuan a . ” Class ah lut tawh rawh, tinge min lo la nghah" a tihchuan ka hmui ka pet zauh “ Khawi maw enge min hmuh i hlau em ni,rawn chhuk la rawn hawi teh maw " tiin ka pawt nawk a ,a hoodie lukhum chu khumin muang chang hian a rawn chhuk a . A la kun hram chu thil dik lo a awm tih hria in ka bik nghal dak dak,chutah a mit ko leh a hmui bul vel pilh ka hmuh chuan ka meng kawk.

“ Xavier Samuel i insual tiraw ?" lungawi lo zet chuan ka en a ,midang awm ve pawh chu enga tan mah ka ngai duh tawh lem lo,ka kawng dawm atin ka en kar a . A rawn hawi chhuak ta nge nge a lawm,a rawn hawi chhuah takah chuan a mit bul vel duk ruih chu ka hmu a ,ka nersawk . Hei vang hi a nih hi ka hmuh a hlauh em em ni ,engmah sawi tawh lovin a kutah chuan ka kai a .

Hmeichhe ho in thik hmel zeta min enna chu ka hmuh hmaih hauhlo“ Min tibuai hmasa alawm " a rawn ti bul bula,insual a hrat zia chu he University ka luh atang khan ka hre tawh . An sawi nasat ber ni miau hek “ Tah hian thu rawh ,i hmaiah ser siam i duh em ni" tihlak hlakin thutthlengah chuan ka nam thu a ,a hmaah dingin a biang tawn tawna vuan chuan ka en nghal ran ,a hmui bul kak chu ala tharlam hle lehnghal .

“ Engmah a nilo,ana lo " a ti ve zat. Ka hau dawn tih a hriat vang pawh a nimahna a insawi thiam nghal zung zung “ Nangma taksa na zawngin eng thil mah ti tawh suh aw " tiin a hmuiah chuan ka fawhsak zeuh a ,awmsawn mai ka tum lai chuan a phal leh pek lo . Duhthawh zet hian min rawn fawp nghal tawn tawn a ,ka namsawn rualin a nui nghal vur vur lehnghal . ” Lut ang phakar thei lutuk mai,insual leh vaih teh ka lawm lo tawh viau ang .

Thu awih lo lutuk mai,mi tihbuai hi a tha lo " tiin ka thaw hak a ,min fawhna avang chuan boruak ka kham lo a ni ber ,a duhthawh ropui si . “ I lawm lo tawh chu nih hi" tiin ka biang a rawn piai zauh va ,a fiamthu reng chu ka haw takzet ” Fiamthu reng suh,ver vur in ka chhu lawlh mai ang che " tiin ka kalsan a ,min rawn um pha leh rang viau mai . Ka hnungah chuan min zuiin min fiam zuk zuk reng a ,a thiante an rawn kal takah chuan a ngawi nghal hmak .

A in la cool leh tan dawn e ” Hey dude ,kha i boss chu a awm veleh tawh a nimaw " Brooklyn chuan a rawn ti a ,boss hi min ti vek lehnghal . Xavier nen kan in zui chin hian min ngaina hlawm bawk a ,min fiam reng zel ,mahse Reynold erawh in min ngeih loh hmel thei hle thung . “A hlau ber che a nih hi,nanglo chu hlauh pawh a nei lo,vannei ver vur lutuk" tiin ka sam chu a rawn tuai thur leh kher a.

A kut chu ka ben thlaksak nghal hlak“ Tikhan min ti ziah suh " tiin kalsawn ka tum a , Xavier chuan min lo pawt ding lehnghal ,chuveleh ngeiawm zet hian an lo au dual hlawm lehnghal . “ Enge i thiante hi an mawl si " ka tihchuan a nui vur vur a,a hmui chu a tuai zauh bawk . “ An fiam thiam viau che ka ti a sin, class i ban hun tur sawi teh" a tihchuan ka ding leh dat a “ Chawhnu ah ka neilo ,chawlh ve leh ringawt te kha i tum ange ,i chhuah kum a nih tawh hi " ka thusawi avang chuan a phur hmel chu titau hmelin a thlak nghal 

A rukin ka nui tet tet a “ Ka rawn kal thovang min lo nghak ang che " tiin ka hmuiah a rawn fawp zauh a ,lai zet chuan ka kalsawn nghal nal nal,mi kara awm lai hi chuan ka la zak tlat zel ,ka pangngai thei meuhlo a ni ber ,class ka thlen chuan ka in zap vat var a.  Jolie chuan mak ti zet hian min lo en ha mai “ Enge i hriata "  a tihchuan ka lei ka chhuah zuk ringawt “ Zanin chu party naah kal ila" a tihchuan ka ngawi vang vang 

Xavier an a duh ka ring chiah lo a ,a nih loh pawhin amah kal a tum leh ngeiin ka ring “ Ka hrelo le " ka tihchuan “ Ka u pawh a kaldawn a sin" a tinghal zat . Enga chupa mai mai chuh! Engmah min hrilh hauh lo ,thinrim zet chuan ka thu tum bur ringawt . Chawhnuah chuan Jolie class a la neih avangin keimahin pawnlamah ka awm a ,ka thu tau bur ringawt . 

“ Kal and" ka bula a rawn din rualin min tung tho nawlh “ I hmel a va dik love ,i la thinrim reng em ni" tiin a bike lam chu min panpui a ,engmah ka la sawi duh rih lo a mah hian sawi a tum nge tum lo hriat hrim hrim ka duh . Bike chuan kan in phur chhuak a ,tuipui kamah bawk chuan kal dunin coconut kung hnuaiah kan thu dun a “ Zaninah party naah ka bulah i kal duh a ngem" ngawi renga kan awm laia a rawn sawi chuan ka nui sak .

A sawi tawh dawn lo emaw ka ti hman a “ Ka hriat loha kal i tum emaw ka tia ka lawm lo hman viau a sin,ka duh a lawm" tiin ka nuihsak a ,ka kutah chuan a rawn hmer nghal salh . “ Dik tak chuan Sharky rin nghal mai che hi ka harsat thin,ka ringhlel em em che pawh a nilo mahse ,ka hlauthawng tlat a ni " tiin a darah chuan ka bei hle hle a ,a ni pawh a ngawi deuh vung vung mai .

“ Min ring rawh ka tihkha ,nang lo thinlung taka duh ka la nei ngai lo " ka hmuiah chuan a rawn fawp nghal zat,ka sam ka biang zartu vel chu a huisawn a . A chal chu ka chalah rawn nghatin a thaw ham ham mai,a mitmeng de sar sar chu enin ka nui ta ringawt .

Zanlamah chuan a sawi ang ngeiin min rawn hruai ta ngei a ,kawrfual khup chen awrh chauh ka ha bawk nen min en uluk viau mai,tun tum chu car nalh zet Lamborghini ngei a rawn keng a ,mawi tizet chuan ka en reng . Mi hausa hi chu an lo pui mange ,engmah sawi lo in ka bulah a rawn ding a,alama min pawh hnaih pah chuan “ Mipa dang hnaih hauh suh ang che " tiin car kawngkhar chu min hawnsak a .

Ka thut luh hnu lawkah rawn thu lutin party na hmun chu kan pan nghal vang vang a . A hmun kan thlen chuan hawikualin mipui lam hut hut chu ka en a , Xavier chuan inchhung lam min panpuiin hmeichhe pakhat party buatsaih tu ni ngei tur chuan a rawn pan a ,a biangah a fawhsak nghal zauh chu ka lo melh kar . An in hriat that hmel em em lehnghal “ Hetah lo awm rawh aw ,ka rawn let vat ang Miya hi kan zui lawk ange " tiin an kalsawn a .

Chutia mi a ngaihsak miah lo chu ka thinrim hlur mai . Reife ka nghah hnuah pawh an la rawn phei chuang lova ,mipa pakhat hian min rawn bia in intur min laksak a ,ka lo la ve mai bawk “ Jack ka nia " a tihchuan “ Sara" tiin ka chibai let a ,a nui nghal sak mai . “ Lam ang hmiang" a tihchuan ka hnial bik lo . Xavier an min ngaihsak chhunzawm miah lo chu ka tlawm lak vang a ni pakhat .

Kan lam dun a ,a titi pah bawk . Kan nui dun leh hak hak thin ,thawk leh khatah min rawn fawp thut a ,ka mak ti lutuk chuan namsawnna chang pawh ka hrelo . Ka lak atang hian pawhsawn ang maiin a hla dawrh a ,chhuatah chuan a thal nghal tawp ” Ka ta a nih hi,alak atangin awmsawn nghal rawh " Xavier mitmeng rum leh thinrimna a khat tih hriat tak chu kan hmachhawn nghal ran .

Chupa chu khawih leh chak tih hriat zet hian a en run a ,a ni lahin a hlauh hmel nasa “ Ka tihpalh i bialnu a ni tih ka hrelo a ni" tiin a kalsawn a , Xavier chu thaw hawkin ka banah a rawn man a . Sir lamah chuan min hnuk phei nghal dawr dawr bawk “ Enge i hriata min thlah rawh " tiin a kut chu ka chum zawt zawt “ Kha pa kha ilo lam puiin i fawp vel a maw " thinrimna a khat tih hriat tak hian min en a .

A la rawn thinrim ngam chu ka haw zual,keimah zawk hi thinrim tur zawk ka ni “ Min vin hauh suh,min ngaihsak lo a bo daih chu nangmah i nihkha ,kha nu kha i bialnu ve tho a ni hial lo maw . Min ngaihsak lo tu nghah reng ka duh bik hleinem,min thlah rawh "tiin a mi kaihna chu lasawnin pawnlam chu ka pan nghal hlawk hlawk a. Ka haw hluah hluah,min rawn umzui tih ka hriat chuan rum zeta melhin ka thaw hak a .

“ Thinrim suh" a rawn tihchuan za lo zetin ka thensak “ Hremhmunah kal rawh " tiin taxi rawn tlan chu ka phar a ,min rawn khawih leh a tum chu a kut chu ka vaisawn nghal nawlh “ Ka haw hluah hluah che dawtsawi hmang pa " tiin taxi ah lutin ka tlanchhuah tir nghal a ,min auh lawm lawmna pawh chu hrelo ang hmak chuan mit chhingin ka thaw ham ham ringawt .

(Tunkar chu hei bak ka dah rih lo mai thawei , presbytery kan kal dawn a ,ka hman vak lo mai thei a ni )