XAVIER CHAPTER 8

XAVIER

CHAPTER 8

“ Sharky ka ning ania aw,sual lutuk mai " ka thinrim hlur tawh,a nilahin min runluih deuh deuh lehnghal. Ka period mood kual nen ka bula lung chuan chhut duk chur mai ka duh tawh . “ Xavier Samuel,min runluih tawh suh,rawn la rawh " tiin ka phone a ken luih tlat chu ka ban leh a ,ala keng sang zel bawk si ,a ngalah chuan na zetin ka pet nghal tawk .

Amah zawk na ti tur a nihlaiin keimah zawk chu na tuar ang mai chuan ka tap vak a ,chuveleh min pawm nghal vat ” Engah nge min runluih reng a ,thlawk bo rawh " ti tawn tawnin a awmah chuan ka nawr sawk sawk a , Jolie te lahin nuihzat hmel zet hian min lo en tawp ringawt ” Ka u a period a nih kha,a mood a kual nasa dawn a nia " Jolie in a tihchuan Xavier chu a ngawi vung vung mai .

Chutah bike lam panin a tinung a ,rawn hawi let map lo chuan a tlanliam nal nal anihchu. ” Ka hua che ,mi pawh i ngaihsak duh lo vel a " tiin midang awm ve ho chu ngai pawimawh duh lo in ka kalsawn a , building hnung lamah chuan kal in thingkung hnuaia thu chuan ka mittui hru mawlh mawlhin ka phun pah a ,ka period tih a hre ta chenga .

Min tlansan nal nal chu ka haw takzet ,minute 20 hnu velah ka bulah thawm a rawn awm a ,tunge a nih en pawh tum lo chuan ka hmalam chu ka en ngar ringawt “ Kha le ei rawh lem,chuan tihpalh aw ka Naute duat em em " tiin ka hmaah chuan eitur chu sarang khat tunin a rawn khai lang a ,ka bulah rawn thu in ka mittui chu a hru nghal mawlh mawlh ringawt . Keipawh chu ka nui nghal ver ver .

Ka taina nen chuan class lam luh pawh ka peihin ka ring lo, eitur a lei ho chu ka ei nghal mawlh mawlh . Nutrella chu ka ka khat khatin ka hawp a ,a thlum tui bawk nen ka dam huai huaiin ka hria ,ka lungawi lohna pawh a bo nghal vek. A vai chuan a thil min lei ho chu ka ei vek a ,amah chu ka pe ve bawk ,ka ei zawh rual chuan a malchungah thu in a nghawngah ka kuah tai bawk .

“ Tihpalh aw ,mahse ka period lai chuan ka duh loh zawngin awm miah suh aw ,ka period laia ka huat hi ka haw hlen zel a nia " ka tihchuan a nui vur vur a ” Keichuan ka inhuat hlen tir dawn hleinem che ,i bialpa ka nih hi . I kiangah ka bet chawt mai dawn a lawm,class kal i duh em" a tihchuan ka lu ka thing nghal nawk nawk ,bengchheng deuh kara awm ka peih rih ngang lo .

Kan pahnih chuan in phur chhuakin hmun pakhat ramhnuai in nalh leh lian vak silo ah chuan min kalpui a ,a nawm hmel em em lehnghal “ Avan mawi em em " tiin in lam chu ka pan a ,nui sukin ka hnungah min rawn zui ve bawk . ” Ka chawlh hahdamna thin a nih hi,i duh duh kha i enin i khawih thei ang " tiin a ni chu sofa ah chuan a thu thluang duai a ,kei erawh inchhung chei dan mawlmang tak leh nuam tak si chu ka enkual ruai ringawt .

Hetiang a in nuam tih hi ka la nei ngai lo,reivak lo hnuah chuan Xavier bulah a dar nghengin ka va thu a ,ka mit ka chhing diar diar bawk “ Cutie ka rualin Iceland ah chawlh i hmang duh angem?" ti a min zawhna chuan phurna min pe nghal ” Tak tak em?" tiin ka thu tha nghal sawk sawk a ,amah chu chiang zetin ka en bawk . A fiam thu mai mai a nih ka hlau a ni ber ,a chhan chu iceland ram hi ka kalchakna ber te zing a mi a ni miau va .

“ Tak tak,i duh angem . Hmun hrang hrang kan fang kual dawn a nia ,an waterfalls mawi zet te pawh " a tihchuan ka kuah nghal thlawp . Hei aia min tiphur leh min tihlim an awm dawn em ni “ Aw duh e,ka duh lutuk engtikah nge kan kal ang " tiin mitmeng de sar sar chuan ka en a,ka hlim hmel a hmuh chuan a nui pawh a nui ve vur vur bawk . “ Nipui chawlh hunah,chutah chuan an ram pawh a nuam tawk viau ang ka ring .

I duhna apiangah kan kal anga,tlang lawn te tui chen te pawh ,i hlimna tur a piang chu kan ti vek ang " tiin ka hmaiah a piai zauh a. Ka haw duh lo a thusawi hian ka mood fuh lo zawng zawng a tireh vek,nipui chawlh hun a hla tawh lova ,ka pa pawhin a phal ngei ang ka hmuiah chuan rawn fawpin min pawm kang a ,room ni ngei tur lam chu min panpui bawk . Hnathawk awm ve pakhat a awm nangin a ni erawh pawnlamah kan thlen tirh khan a awm daih thung .

Khumah chuan min mut a ,min delh bet lehnghal zat ,ka hnute vel chu a hrawm bawrh bawrh a . A kap zawn pawng ul chu ka hrechiang hle ” Sharky kan theilo tih i hriat kha ,ugh" tiin ka period tih a hriat thiam theihnan chuan ka mitmei zauh a ,thaw hak hian ka sirah chuan a let nghal tawp ,ka nuih hak a . A awm chungah chuan kut dahin ka thai sak neuh neuh ” Chubakah hetiang ti tur chuan ka la in peihloh bakah kan la nau lutuk .

Nang chuan a hun i tipawh a nimai thei,mahse kei min ngaihtuah ve tak tak a ,min hmangaih tak tak a nihchuan min tihluih ka ring lo . A chhan chu mipa tha ber ini miau va " tiin ka nuih sen sen a,a nipawh a nui ve suk tho. Min chhang lo mahse ka thusawi chu a pawmin min hrethiam hle tih ka hria,min nawr luih ka ring hek lo “ I tai ana si a,kan insum mai ang chu . Vawiin chu hah chawl dun ang hmiang" tiin a kawr chung chu phelhin min rawn kuah a .

Keipawh chuan ka khan let chial bawk , ka chalah fawpin tui deuha mu tur chuan min hrilh pah sup a. Thu awih zet chuan ka mit ka chhing nghal riai riai,thil rimtui zet chuan min kai tho va . Ka harh chuan Xavier a lo awm tawh hauh lo,choka lamah chuan thawm a ri leh rak rak thin a ,ka thawmhnaw chu inbel tha in ka chhuak nghal vat. Ka mu rei hle a nig ka ring ,khua a lo tlai duai tawh mai ,choka lama a awmpuiin rawng a lo bawl malh malh ka hmuh chuan ka pan vat .

“ Ilo harh tawh a nimaw ,Xavier chu tui a cheng a nihkha " min hmuh rual chuan zawh ngai lovin Xavier chanchin chu a rawn sawi a ,ka thaw huai bawk . Nu upa lam deuh tawh a ni nangin a la hrisel hmel viau thung ” Enge i siam a ,a va tui hmel ve " ka tihchuan lawm hmel zeta min enin “ Bawngsa mawle, Xavier an siam rawh min tia. A hem hmin lam nen i danglam bik hle mai . 

Helai hmuna a rawn hruai danah che a tana mi pawimawh tak ini tih ka hre mai,a chhan chu a mah bak a rawn kal ngai tlat lo " a tihchuan ka lawm hle . Nui ver verin “ Keilo rawn hruai miah lo maw " tihchu ka zawt leh ngat a “ Hruai love ,hmeichhia phei chu nang hi ka hmuh hmasak ber ini" a tileh a ,ka thinlung chu lawmna in a khat a niber . Xavier an keimah chiah maw hetah hian min la hruai,thil ho te mah nise ka hlim pui lutuk tlat.

ZAWMNA 

Chutia pi Rosaline-i nena kan lo in biak mawlh mawlh lai chuan Xavier chu kekawr bul nen chuah a rawn lut a ,a pian nalh leh sexy zet chu ka lo thlir vung vung mai . Chil lem khawlh hian ka hawi kual zauh a ,chutah min rawn en ve ta chiah,a mit chu a chet kual raih a . Zawhna mitmengin min en bawk nen lei sawi tur ka hrelo chuan lei chhuah tetin hmalam bawk chu ka en a.

A nui ri hak leh kan lam pana a rawn phei ri chu a awm nghal zat,ka hnung chetah rawn dingin ka thutna cher nghen chhan chu a rawn vuan a “ I mutui em?" tiin ka biang vel chu rawn nul nghal dan dan pah chuan a fawp zauh a ” Um ,i thawhna a rei tawh em ,hei pi Rosaline nen hian kan lo inkawm mai mai a" tiin alam a inher in ka nuih a . Nui ve sukin ka hmuiah a rawn fawp nghal zauh .

Midang awm ve reng lai a min fawh avang chuan lai zet hian a awmah ka chum dat a,pi Rosaline lah a lo nui vur vur lehnghal “ Zah tur a awm lo,i bialpa ka nia ka fawp ve bawk ang che chu,ka pi pawh hian a hrethiam alawm,nilawm ni" tiin pi Rosaline chu a en a,a ni pawh chuan a lo aw vat . “ Thawmhnaw kan han ha lawk ange ,chuan in bul vel hi kan fang ang chu" tiin a chho zui a 

Ka phur ngei mai “ Hmuh a nuam hle mai ,apa nen an in tih thiam loh chang hian hetah hian a rawn awm thin a ,apa hi a hua a ni ber . A nu nen an inneih an la beisei lutuk hi ka khawngaih thin,i bula a awm khan a hlim takzet tih ka hre thei . Hetianga a awm lohna hi a rei tawh a sin " a tihchuan mak ka ti,tuna Xavier awmdan kha a hlim lai ber a nihsi chuan a nun a lo ruak ngawih ngawih thin em niang ? “ A nimaw ? Ka lo hre lova,keipawh a bula ka awm hian ka hlim takzet .

A chhan chu a ni ang mipa hi ka tawng ang tih ka ring phalo a,kalsan lah ka tum hek lo " ka tihchuan a rawn nui var var a . Xavier a rawn chhuh takah chuan engmah sawi zawm tawh lovin ka bula a rawn dina ,ka kut a kaih nghal a vang chuan ngawi reng chuan ka zui chhuak a,a in awmna bul vela ram ngaw chu fangin thing hnuaia phul hmun awm thluah te chuan a nawm na an belhchhah bawk,thingkung chu bit lutuk silo hian a khat mawi tawkin an awm a .

A hnah a buk tha bawk a ,a hnuai chu a daihlim vek tho ,in kai rial chuan kan kal kual a . Ka hlim lutuk chu ka nui leh vur vur thin ringawt “ Ka lawm e aw ,a nuam takzet " tiin a biangah chuan ka fawh sak zauh a . A lawmna tawk a tling tih hriat takin a khi suk suk a ,min chelh nghet sauh bawk ” Cutie,nakinah hna ka neih a ka enkawl theih hunah che min nei duh angem?" a tihchuan ka ngawi vang vang,ka chhanna tur erawh ka hre chiang viau thung .

Engtin nge ka hnar phal teh lul ang ni “ Awle tehreng mai,ka tan i rinawma min kalsan hma loh chu ka kalsan bawk lovang che. I thusawi hi i ti takzet a nihchuan nang neih che aia duh ka nei hleinem" tiin ka kuah nghal thlawp a ,min chawikangin min vir kual pui nghal zat . Nui dun hawk hawkin kan in en a,a mitmeng dum deuh te ,a hmui pan lam leh nalh zet si te . A hnar ngul nalh leh a khabe ruh kual nen chen hian ka tan chuan a nalh em em vek .

Tunah chuan ka naupan lai atanga ka vei chuan min duh ve in ,inneih puiah hial min sawm a nia . Hlim lohna chi a nilo hrim hrim,hmeichhe ho duhrawn kha ka ta a ni miau a lawm. Inlamah letin pi Rosaline-i nen kan pathumin a bawngsa siam leh thil dang chu kan ei ho a ,thlai leh thei a tam hle bawk . A hrisel avanginXavier chuan ei nasa tur chuan min hrilh reng a ,kei erawhin bawngsa fry chu tui ti takin ka ei tawn tawn thung .

An pahnih chuan ka thil ei chu hmuhnawm tih hmel zet hian min en a ,min tilai lek lek a ni . Ka mak ti an hmuh rual chuan insiamtha vatin an plate a mi chu an ei ve leh mawlh mawlh a ,juice an chhawp chu ka in pah khawlh khawlh bawk “ A vahan tui tak,hetianga thil tui hi ka la eilo,pi Rosaline i eirawngbawl hi a tui takzet " tihpahin ka nuih var var a . A ni pawh chuan hlim hmel zet hian min en ve bawk , Xavier erawhin ngawi rengin a ei mawp mawp thung .

Kan eikham chuan haw tumin kan in buatsaih a ,vawiin class kan kal lo chu ka inchhir lem lo,a chhan chu hun nuam tak ka hmang miau a lawm “ Sharky kan kal leh a ngem?" tiin a banah chuan ka kuah tai a ,bike bula min din tir pah chuan a bu nghal nghat,ka nui nghal ver ver a . Dik tak chuan khawpui chhung thawm beng chheng taka awm ai hetianga hmun reh leh fal raiha awm hi nuam ka tih zawng tak a ni.

A thawven thlak ka ti bawk ,bike ah chuan thu in kan tlan chhuak zui a ,a hnungah chuan beiin ka mit ka chhing chial bawk . A bike khalh thiam zia ka hriat avangin ka thla a muang em em ringawt ,kan in kawtah bike a ti ding a ,ka chhuk nghal vat ” A nihaw ,naktukah kan in hmu leh dawn a nia " tiin a hmuiah chuan ka fawhsak zauh a,kal mai ka tum lai chuan ka kutah rawn man betin min pawt ding leh rih a .

Mak ti taka ka en lai chuan ka hmuiah chuan duhthawh zetin min rawn fawp tawn tawn a ,ka lo chhang let nghal vat “ Zanah ka lo bia ang che " tiin lut tur chuan min mit mei zui a ,keipawh chu inchhung lam pan chuan ka kal nghal vat . Ka pa chu a lo haw ve tawh a nih hmel,inchhung ka luh rualin rin ang ngeiin ka pa chu a lo awm a ,min hmuh rual chuan min rawn panin min kuah vang vang a 

Ka lo kuah let ve vat “Zanlam i duty dawn lo em ni" ka tihchuan a bu nghat a,ka nuih nghal ver ver,dik tak chuan kan inhmuh lohna rei ve tawh bawk nen a bula awm a,inkawm ve te ka chak a ni ber . Ka nu chungchang pawh ka sawi pui thei bawk anga.