XAVIER CHAPTER 14

XAVIER

CHAPTER 14 

A tuk lamah chuan ka pa leh Tyler nen Tyler-a te private jet in New York kan pan dawn a , Jolie chuan a hmun thleng min zui ve bawk . Tyler-a te hausak zar kan zo ka tilo theilo ,ka pa nen pawh an inkawm thei phian lehnghal ,hepa hi chu a tawng duh bawka tupawhin an ngainat nghal ka ring , Xavier tih loh chuan. Thlawhna a kan luh dawn chuan ka thi chu Jolie ka pe a “ I u chu min lo peksak rawh aw ,kan awm rei deuh mai thei a ,nun thara bul tan ka duh tawh a ni " ka tihchuan a bu nghat a .

Tyler leh ka pa chuan min lo en ve reng bawk “ Kal ang ule,ka nu in min lo nghakhlel tawh ang " tiin thlawhnaah chuan ka lut a , Tyler chuan min lo pui vat bawk. Kha thi kha Xavier khan phelh ngai miah lo turin min ti kha a nia ,mahse tunah chuan hmeichhe dang a nunah ala lut tawh a ,chumi ngei chuan a kawl tawh ang chu . Tyler chuan mi a be pah reng a ,kan nui leh dar dar thin,an thlawhna a ni bawk a ,duhzawng a lam theihin thutna vel pawh a nuam hle bawk .

Ka pa nen an inkawm mawlh mawlh lai chuan mit chhingin Xavier bawk ka ngaihtuah leh a ,a hma kha chuan kan hlim a sin,tinge tual kha a thah kher le ? Tinge ka rilru a hriatthiam miah loh,ka thaw ham ham a ,ka hnena a thutiam zawng zawngte chu ka bengah a ri nawn awn awn a ,inneih hial kan suangtuah a nihkha. Ka hriat loh laiin ka mittui a luang a ,ka pa te hmuh hlau tak chuan ka hru nghal mawlh mawlh .

Tunah chuan ka ngaihtuah tur a nilo tiin ka infuih sauh sauh a , New York kan thlen meuh chuan ka mut a chhuak viau mai,zan lam ka mu tha thei bawk silo. Ka nu chuan min lo hmuak a ,ka pa nen an inhmuh rual chuan an in en vang vang mai . Ka nui sak a ,an la in ngaihsak tawn tih hi ka hre reng a ,an la upa lo bawk a. Heltu pawh an ngah ve ve reng a ni,ka pa hi pa hmeltha ve tak a nih bakah doctor a ni bawk nen keimah ngei pawh min be tu hi an tam ve viau reng a .

In lamah kan in zui haw a , in kan thlen chuan ka thiante pahnih Christy leh Elena te chu an lo awm a ,kan in hmu chu kan au nghal chul mai . Kan in kuah nawk nawk hlawm a , Tyler an hmuh chuan“ Awi a van chhelo,i bialpa em ni " ka bengbula an rawn tih sar sar chuan ka lu ka thing nghal nawk nawk ,room lamah chuan min pawt lut a “ Hei LA lam chanchin chu min hrilh rawh " an tihchuan ka nuih ringawta .

Ka sawi lai chuan an lo au leh chul thin a , Xavier nen kan chungchang ka sawi lai chuan a hmeltha em tihchu an lo ngaihven leh ber tawh,ka phone chu phawrhin kan pahnih thlalak chu ka hmuh a ,an au leh nghal tuar “ Awi avan hmeltha em em ,a pa bawk si . Awi Sara engtin nge i bialpa a nih theih,nichina mi ai pawh khan ka duh zawk,a pa reuh e " Elena chuan a rawn tinghal zat zat a ,ka nuih ringawt . Chutah kan inthen thu ka sawi chuan mak tih hmel zet hian min en a .

“ Tinge a duh hmel em che hi,a mitmeng atang hian a hriat vek a lawm " Christy chuan a rawn ti a ,ka nuih ringawt “A rem lo a ni ber, thil dang sawi tawh ang u " tiin ka awm loh hnua thil thleng vel chu ka zawt let a . Phur zeta an bialpa te nen an hun hman dan te chu sawiin kan nui leh hak hak thin a,room atanga kan chhuah meuh chuan a lo tlai duai tawh. Tyler pawh a lo che vut vut reng a ,ka nu leh ka pa erawh an inbia pawh a niang an hmel hmuh tur a awm lo .

Keichuan kan chhungkua kan kim leh theih hi a ni ka duh ber chu ni . Tyler pawh a nelawm bawk nen ka thiante pahnih pawh chuan an nelin an inkawm tlang a ,an mizia a in ang hlawm bawk a ,an nui ring thei viau mai. Pawnlamah chuan chhuakin NYC khawpui chu ka thlir vang vang a ,ka chet tlat tamna a ni bawk a ,LA ai chuan ka ngaina lo theilo . Mahse LA pawh ka tan chuan a hlu tho,a chhan chu a chhungah ka hmangaihte an cheng miau sia lawm .

“ Enge pawnah i awm reng ,lo lut ta che chaw ei ang u " Elena chuan ka bula rawn kalin ka kutah a rawn vuan a ,inchhungah chuan min kai lut nghal dawr dawr mai . Nui hak hak hian ka zui ve zel a ,chaw ei lai chuan ka nu leh pa chu an in en leh zauh zauh thin a ,ka nuih lam lam an tiza. Tleirawl in ngaizawng tir an ang hi ka tiber , Tyler pawh a tlangnel bawk a a tawng bawrh bawrh mai. Boruak pawh a tiziaawm viau .

Karhnih vel zet New York ah chuan kan awm tawh a, Tyler pawh a ni telin ka ngaina telh telh . Mahse thian ang bakin ka en theilo thung,ka nu leh pa pawh tunah chuan an inkawmin an in kuah lai ka hmuh leh thin avang chuan ka ngaih a tha viau mai ,ka hlim takzet bawk. Xavier ka ngaihtuah erawh chuan ka na leh thin ,ka thiante pahnih leh an bialpa te bakah Tyler nen chuan tuipui kamah kan leng a ,kan paruk chuan infiamin kan nui leh dar dar thin .

Kei leh Tyler chu min hmeh bel phet an tum leh nghal,ka nuih liam tawp ringawt . Intur mipa ho in an la a ,keini kan mu dar dar thung a , Tyler chu ka bulah rawn thu in intur chu min rawn pe a ,lawmthu hrilh pah chuan ka la ve mai a,ka bul chetah rawn thu in ka kut a vuan a “ Sara ka rilru hi i hria tiraw ,ka ngaina takzet che " a tihchuan ka ngawi ran mai . Ni e min duh tih ka hailo,mahse Xavier bak ka ngaihtuah theilo a ni .

Hmeichhe dang vuan tawh mahse keichuan ka thri ve lo “ Sara pawm ve mai la ,a duh thu che a sawi ve em em a " Christy in a lo tihchuan za lo tak chuan ka nui ringawt . Tyler chuan min hnaih leh sauh a ,min fawh a tum tih ka hriat chuan ka namsawn ta vat ,chumi rual vek chuan a kang lawp a,kan piah deuhah chuan a leng lawp mai “Ka warning tawh che " ti a rum taka en tu chu Xavier tih ka hre nghal “Hey tunge inih " Danny chuan rawn thawh chhuah pahin a rawn ti nghal that a .

Elena chuan a lo dang vat,achhan chu Xavier hi a hmel an hre miau alawm “ Enge hetah i rawn tih " tiin Tyler lam pan mai ka tum a ,min pawt let lawpin min pu nghal nawlh . Ka chum ve na te chu engah mah ngailo in beach atang chuan min chhuah pui a ,car dum pakhat lo awmah chuan min dah lut nghal zat .

Engvanga helaia lo kal nge a nih,engtin nge ka awmna a hriat theih le , Jolie in a hrilh em mi niang,mahse ka ring chiah silo . A hmel chu ka en reng a ,a la danglam lo a that ngaiin a la tha reng a ni,car kawngkhar chu kalh te te in a kawr chung chu phelhin a tshirt chu a phelh zawm a ,mi hak tir nghal mawlh mawlh bawk . “ Min khawih hlek suh " tiin ka lo in dang ve vat a .

Ka kut chu vai hlukin min hak tir mawlh mawlh a ” Engvanga khapa nen khan helaiah hian kal dun nge in nih?" tikhur khurin min melh run run a,ka ngawi kar ringawt . Chhan pawh ka tum lo,car chu khalh in khawi hmun nge min panpui dawn lah ka hre hek lo ,hotel kawta min dinpui chuan ka kut ka kuangkuah hmak a “ Inah ka haw duh,min thlah nghal rawh " tiin chhuah ka tum a ,min pawt let nghal dawrh mai . A car kawngkhar chu hawngin min pu chhuak leh nawlh a .

Hotela thawk ho chuan zah tih hriat tak hian an lo be nghal zat “ Xavier Samuel min dahthla rawh ,ka hua che ka haw hluah hluah che " tiin a hnungah chuan ka chum dawt dawt reng a . Ngai pawimawh lo zetin elevator a min chuanpui chuan a ngawi ngul ringawt,engvanga helaia rawn kal ringawt nge a nih. Elevator in hawn rual chuan min chhuahpuiin room pakhat ah hian min luhpui a ,khum lo awmah chuan min nghat nghal dawt .

“ Awrh leh rawh " ka hmaah a thi min pek ngei chu a rawn lek va a ,ka hawisawn nghal hmak “ Ka mamawh lo ,i duh leh i bialnu thar kha awrh tir la tinia,ka kal dawn " tiin ka tho chhuak a ,kal leh mai ka tum chu min pawt let leh dawrh. Chutia min pawt kual reng chu hlauh enah pawh ka en tawhlo,a taksa ah chuan zuang nawlhin ka kek nghal bawrh bawrh a ,min khawih let pawh tum lo hian a dawh tawp ringawt. 

Keilahin ka thinrimna zawng zawng ka inhri thla a ni ber,reife hnuah chuan ka thlah ve chauh a ,a taksa atanga chhuk ka tum rual chuan ka malah hmer chatin khumah chuan min thut pui a , thi min awrh tir leh mai a tum chu duh lo in ka pawt thla a,ka paih nghal hmiah “ I bialnu pawh ka nilo,i duh duha min thunun tum suh. Ka hlau hauh lo che a nia ,min thlah nghal rawh ,ka haw duh i hria em ? I bula reilote awm pawh hi ka peih lo .

Ka luak iti chhuak,i duh leh Rozzah bulah va kal rawh,min rawn tibuai tawh suh " tiin ka au khum tawn tawn a . A ning ta deuh nge ” A tawk " a rawn tinghal tuarh a,ka ngawi nghal hmak mai “ Ka tihpalh " a rawn tihchuan ka tal nghal nawk nawk “ I duh duha i vin tur ka nilo,hre rawh ka mithmuhah rawn lang leh tawh suh. I tello pawh hian ka hlim ve thei tho tihchu i hmuh chian ka ring ,min thlah rawh ka tihchu " tiin rum theih patawp chuan ka melh a .

Min en reng ringawt“ I tello in ka awm ve thei hleinem,kha pa avanga min kalsan duh te hi ini zawk lo maw ? Min hrilh rawh a nih vaih chuan ka that nghal ang,min hriat chian tawh kha " a rawn ti fak fak a ,rapthlak tizet chuan ka melh ngawt ngawt tawp a ,chutia ka en chu a duh lo nge thaw hawk hian ka chalah a rawn fawp vang vang “ Min hmangaih ve miah lo em ni cutie " tiin a phun chhuak sup a .

A aw ah chuan a na a ni tih ka hre thei” Ka nihna i hriat meuh chuan nang pawhin min kalsan leh si dawn a maw ? Nge nang pawh hian ka sum chauh kha ilo it zawk? Min hmangaih ngailo tiraw a dik em " tiin chiang zet hian ka mitah chuan a en a ,a mitmeng rum lam lek lek mahse nat hmel tak si chu ka en ve kiau a ,engtin nge a pawisa avang chauha hmangaih anga min chhuah theih.

Ka chhang theilo,amah bawk chu a rawn nui hak a “ Ka lo rindan chiah,nang pawh hian min hmangaih lo hmeichhia hi chu sum duhtak vek in ni,thinlung tak hian hmangaih pawh in nei lo a nih hi" a tihchuan ka thinrim leh nghal phat “ I sum kha ka awt lo tih hria ang che ,engtin nge khatianga i sawi theih zawk. Keichuan i tualthatlai ngei ka hmuh pawh khan a tak a nilo ang ti a inhnem ka tum fan a ,ka theihnghilh ngai reng reng lo che. 

Engtin nge khatianga min sawi theih zawk ka hmangaih che ka tihkha dawt angah i ngai a maw? Dik tak chuan maw i tualthatlai ngei ka hmuh khan ka na a sin,kei hi min that ve mai ang tih thlengin ka ngaihtuah a . Ka hlau ve tho a sin,mahse ka hlauh viau lai che pawhin ka ngaihtuah lo thei silo che ,nang chuan engmah ngaihtuah lo in Rozzah i pawm a ,min theihnghilh hmak a nihzawk kha min puh reng reng suh " tiin ka thinrim lutuk chu ka khur dawt dawt thei .

“ That duh ni che ila ka that daih tawh ang che" a rawn ti ve hmuk a ,chutah thi chu en vung vungin “ Awrh rawh " a rawn tileh hmuk a . Ka lu ka thing ve leh ngat ,a ning ta deuh nge “ A tha a lawm,kal ta che ka nihna i hriat meuh chuan min lo hmangaih tawk lo hle a nih hi,hmeichhe danglam bik leh min hmangaihtu angah ka ngai che a ,ka lo ring dik lo hle che a ni " tiin khum bula glass atanga siam dawhkan chu a chum keh bur a .

Ka au nghal that , a kut atang chuan thi a far nghal zawih zawih. Hlauh lam pawh rilru ah a lang theilo ,ka pan hnai nghal rawk a “ Xavier i kut" ti a ensak ka tum chu a kut vaisawn hlukin“ Ka tha chhuak rawh ,ka mamawh lo che min hlau a ni lawm ni? Tunah hian chhuak nghal rawh" tihrawkin a tho chhuak a ,tukverh lamah chuan a phei nghal daih . Mittui tling pamin ka en reng ,tinge a luhlul viau mai le ,muangchang chuan ka pan phei leh a .

A kut chu lakangin insut faih faih chung chuan ka rawmawl chuan ka hruk sak a ,ka chhem pah heuh heuh bawk . Min namsawn tawh bik lo in la chet dan chu a en reng a “ Tinge min hlauh chuan i kal mai loh" a rawn tileh sup . A aw ah chuan thinrimna a lang tawh lova ,chu ringawt pawh chuan min ti thlamuang sawng sawng ,a thinrim hi chuan ka hlau riau zel ,khum lamah bawk chuan hruai pheiin ka thut tir a ” Hetiang chuan ka kalsan thei lo che a lawm " tisepin a first aid dahna ka zawt nghal zat a .

Khum bul pawhdawh a kawh chuan ka en nghal vat,la chhuakin a hliamah chuan damdawi chu ka hnawih mawlh mawlh a. Ka chhem pah heuh heuh bawk ,ka tuam zo ka hawi chhuak chu min lo en reng tih ka hriat avang chuan ngawi reng chuan ka en let ve kar a ,chutah rawn kun thutin ka hmuiah chuan a rawn fawp nghal tawn tawn a,keipawh chuan ka hnial thei tawh lo a nghawngah chuan kuahin ka lo chhang let ve nghal zat a .

A duhthawhin a che reng reng chu a zawi lo hle ,min chawi kangin a mal chungah min thut tir a ,min fawh zawm lehnghal. Ka hnute chu min fawp reng chung chuan a tham tawn tawn a ,ka thaw te chu a sak talh mai ,ka thiam ang ang chuan a taksa chu ka chul kual ve rual a ,a t-shirt ka hak sak chu phelhin ka bra pawh chu a phelh a. Ka hnute chu lang thiang ral chu enin a hmur chu a hmuam nghal chat,a fawhlohna lam chu a khal pah a .

Thaw hak hak hian a samah chuan ka tham sak ve bawk,a kutna ka ngaihtuah deuh avang chuan ka chelh sak a “ A na lo " tiin min fawh zawm lehnghal,khumah chuan min lehthalin min bawh bet a . Kana la in fawp mawlh mawlh tho,a kawr ha lo sa nen kan taksa ruak kang chu a innawk dun a ,kan thawk chu a pangngai lo hle bawk,kan danglam chak zia chu kan inhriatsak ve ve a ni . Ka panty chhanah chuan a khawih kual a .

Thaw halh halh hian ka lo en ve bawk,min nuih sukin hnuailamah chuan a insawn thla zel a ,a chet dan chu ka en ve kar bawk .

(A LAKLAWH AN TILEH ANG CHU 🤣😂A DAWT LEHAH SEXY MAI RAWH U AW 😝🤭🤭)