XAVIER CHAPTER 11

XAVIER

CHAPTER 11 

Class ka lut chu hmeichhe pakhat hian ka samah a lo kek nghal buan buan a ,ka inring hman lo nen ka tlu nghal thuai a ,ka tlukna lamah ka ban ka la tina zui . “ Nang nu hian Xavier ilo ngaizawng vel a maw ,ka ta a nih hi" tiin a au tuar tuar a . Ka kut ka tina tawh bawk nen ka khawih let ve thei hauh lo chu ka dawh tawp a ,Jolie awm loh lai a ni bawk nen ka sam a kehna a vang chuan ka mittui a tling pam tawh 

“ F*ck " tih hluk ri a rawn chhuah rualin chunu chu ka lak atangin a awm sawn dawrh a ,ka hawi chhuah rualin Xavier chuan chunu chu a lo rek ang chawp chawp a ,midang lah chuan hlauh hmel zetin an lo en bawk “ Ilo khawih leh a nihchuan ka that ang che ,i hria em ? A taksa them pawh i tina a nihchuan hmeichhia i nihna theihnghilh rak khawpin ka che ang " tiin a thehsawn zui nawk a,a mitmengah chuan a thinrim zia hai rual a nilo .

Khawih zui leh mai a tum a,chunu lah chu rak tuar tuar chungin a lo hnung tawlh zawt zawt mai,ka kohna avang chuan ding chawtin min rawn en a “ A tawk ,khatiang in tisuh ka tha " tiin thei leh theilo in ka ding chhuak taih taih a ,min rawn hnaih nghal ruak mai “ Ka tha a nia ,khatiangin hmeichhia ti tawh suh. Ka tha lutuk" tiin ka kut na lo lam chuan ka vuan bet a ,thawk la kawk kawkin in beng daih tum tih hriat tak hian a mit a chhing vang vang bawk .

A thiante pawh chu kan bulah chuan an ding thap a,kan awmdan chu min en thap bawk . Ka kut ana tih a hmuh phei chuan a thinrim leh dawn tih hriat tak hian a hmel a inthlak leh nghal khup khup a,rang zet hian ka kuah bet vat “ Ka inring lo lai a nisia ka tlukna lamah ka ban hi ka sawha,damdawiinah min hruai rawh . Hetah chuan engmah ti tawh suh aw " tiin zaidam thei ang ber chuan ka bia a ,dik tak chuan ka hlau lo a ni bik lo . 

Mahse keiin ka beng daih loh chuan a aia pawi a thleng dawn tih ka hre chiang lutuk tlat ,engmah sawi tawh lo chuan min pawm kang nawlhin pawnlam chu min panpui a “ Ka tha tak tak a nia aw. " tiin a hnungah chuan ka chul sak heuh heuh a ,keiai maha a thinrim chuan min tilawm letling zawk . Ka thlavang hauh tu ka nei ve ta ,bike ah chuan dim te a min nghatin ka chalah a fawp zauh a .

“ Tumahin an tihnat leh che ka phal tawh ngai lovang " tiin amah pawh chu a rawn thu a ,damdawi in lam pan chuan min tlanpui nghal vang vang a . Damdawiin kan thlen rual chuan min lo buaipui nghal zung zung a , Xavier chu an hrechiang hle tih a hriat. An zah thiam hle bawk ,ka kut chu tuamin kan chhuak zui a ” Lenkual i duh em" a tihchuan ka bu nghat, college kal pawh ka phur lo , Xavier ka tawn hnu hian ka kal lo ngun riau lehnghal .

Tuipui kamah kan leng dun leh a ,amah nen hi chuan engkim hi a nuam vek nimai hian ka hria . Ka kut na avang chuan min dim thiam hle lehnghal a chet dan chu enin ka nui sen sen ringawt “ Xavier sawng ho saw ahma pawhin min zui tawh,tinge min zui zela" tiin kan piah hla deuh si a mi tam fe mai thawmhnaw dum veka inthuam chu ka kawk a “ Cutie thil ka hrilh che anga,i chiai lo ang tih min hrilh phawt la " a tihchuan ka bu nghat .

Ka kut chu rawn humin ka mitah a melh kar a ” Sawngte saw min veng tute an nihsaw chuan keihi mi tha tak ka nilo,tawk rih tehse ka pa in min ngaihtuah bawk nen keimah min veng tura a tirh te an nihsaw " a tihchuan mak tiin ka en ha mai,saw tiang em em a tam te chu engtin nge a awm thiam zawk ni . Chuvang a nih dawn hi tumahin an lo tihbuai ngam ngai loh .

Vengtu a nei tha emai ” I hre ta tho tho kan ko phei ange " tiin a phone chu a hmet zauh a ,chung ho pawh chu reilo teah an rawn phei nghal “ Cutie ngaihthat lohna turin awm tawh suh u,min tibuai hauh suh ang cheu coconut khi lo ula min rawn pe dawn a nia " tiin keichu hmun dangah min kalpui a ,chung ho coconut kunga in dawm chho laih laih chu ka thlir zui reng .

Thu an awih hle tih a hriat,lungpui inkarah chuan puan phahin kan mu dun a ,min kuah bet chial bawk . “ Cutie min nei duh tak tak angem?" a tihchuan alamah in herin a biang ka vuan a “ Engtik lai pawhin,ka nei ang che ka tih tawh kha. Ka hmangaih che a lawm " tiin ka nuih ver ver a ,thaw huai hmel a pu lehnghal. Ka hmuiah rawn fawpin ka taksa chu a chul leh ruai tawh mai .

“ Boss hei coconut chu" tihri rawn chhuak avang chuan rang zetin kan inthlah a ,ka insiam tha nghal sawk sawk bawk . Ka zak chu ka hmai a sa nghal hat hat thei , mi an va hmu fuh lo tak “ Thawm nei hmasa ta cheu,tah khan dah ula a hma a in awmnaah khan lo va awm leh rawh u" tiin coconut chu intheih turin a siam a,ka lamah chuan a rawn lek nghal zat . Ban nghal chatin ka in nghak khalh khawlh a .

Ka dang ro chu a tihnawm nghal sawng sawng mai “ Haw hmat i duh em ?" a tihchuan pawi ka ti em em lo,ka kut na nen in a hahdam taka mut ka chak ber “ Um a pawi lo ang " tiin ka mu thla leh a ,a ban min kham tir in vanlam chu a en reng “ I awm loh hnuah khan helaiah hian ka kal fo thin a sin,in pemna lamah rawn kal ve mai te kha ka duh a . Mahse ka la naupang in tih theih ka la nei lo nen tihian ka lo nghak ta char char che a nih hi .

I rawn let har phian lehnghal " a tihchuan ka nuih hak ringawt ,kan naupan lai sawidun in kan nui hak hak a,min lo duh ve reng tih ka hriat chuan ka hlim hle ringawt. Haw dawn chuan ka kut tihnat hlau takin min kai tho a ,khanu a huat thu ala sawi chamchi bawk,hmeichhia chu nilo se a khawih na hle ngei ang le .

ZAWMNA ...

“ Zanah i tukverh lo khar suh aw " a bike atanga ka chhuk ruala a rawn tihchuan mak tiin ka en ha mai “ Ngatimaw ?" tiin ka ding leh rih a ,nui chunga min hnaihin ka kut na lai chu dim te hian a rawn khawih a “ Aw ka lo riak dawn ,i kut hi i tihnat belh ka hlau a lawm ,kal tawh rawh . Ka thusawi theihnghilh lo la " tiin inchhung lama lut tur chuan min nam deuh a ,nuih hakin ka lut zui ve nghal mai bawk .

Ka pa lo awm ka hmuh chuan ka thaw huai mai ,ka kut a hmuh chuan min lo pan hnai nghal vat “ Engtia i tihnat nge " a rawn ti a ,amah chuan phelhin a en dik nghal mawlh mawlh “ Hmeichhe pakhatin ka in ring lo lai min nek palh a ,a na vak lo " tiin a hmeh avang chuan ka ner leh sak thin. “ Fimkhur tawh la ,chaw ei ka siam anga kan ei nghal mai dawn a nia. " a tihchuan ka bu nghat a ,chaw eilai chuan ka nu nen an chungchang bawk chu ka sawi pui a 

A ni pawhin ahma ai ngawt chuan min chhang tha a ,ka nu zawkin inthen a duh a nih hmel . Chaw eikham chuan ka room lam panin bathtub ah chuan ka in chiah vang vang a ,ka kut na lam erawh ka tih huh hlauin a pawnah chuan nghatin ka mit ka chhing diar diar a , Xavier nen kan awmdan vel chu ka ngaihtuah a ,ka nui var var bawk . Ka hlim takzet,a kianga awm a nuamin mi a ngaihsak bawk nen vawiin a ka thlavang hauha a chet dan te khan min hneh takzet.

Bathroom atanga ka chhuaha,ka khuma lo thu ka hmuh chuan ka au chhuak thelh a ni . Xavier chu khumah chuan a lo thu run a ,tshirt tum leh joker pants dum a hak chu a inhmeh leh pek hle ” Khawi atang nge ilo luh?" ka zawhna chu keimah bawkin ka hre lehnghal,ka room tukverh atanga a lo kal tur thu a sawi tak kha mawle . “ Min en reng suh " towel nen chauh ka awm bawk nen ka ti vin that a ,a nilahin hawisawn lek lo hian min en bawk .

“ Tinge thawm neilo a ilo thut reng reng a ,min ti phu lawm " tiin ka thawmhnaw bawm chu haiin a hmuh loh turin puan chu ka inhliah tir a,ka inthlak nghal sawk sawk mai “ Ka rawn kal dawn tih ka sawi sa tawh kha ,engvanga chu thu chu min zawt leh nge inih " a bula ka va kal hnaih rual chuan ka kutah vuanin amah bawh tur chuan min pawt a ,ka delh nghal rawk . Ka nghawng vel chu hnimin a thaw ham ham a .

“ I rimtui hle mai" a tihchuan “ Nangpawh " ka lo tinghal vat,a inthuamna hi a inhmeh em em zel a . Engtin nge a ni ang hmeltha lutuk hian keiang hi min duh theih ni,a thawmhnaw hak apiang a pian nalh zet avang hian a inhmeh em em zela ,a rim te hi a tui bik hliah hliah hian ka hria ” Kha hei ka lo ken che ei ang " tiin noodles leh kimchi bakah bawngsa hem hmin chu a rawn keng a . Chaw eina la reilo viau mahse ka ril a tam lehnghal thei nia mawle .

Korean lam thil hi ka ngaina hrim hrim a ,phur zet chuan ka phawrh nghauh nghauh a ,a thakna tak hi ka duh zual ni mai hian ka hria . Kan pahnih chuan kan ei dun a ,a ni erawhin bawngsa hem tih loh chu a ei vak lo,a thak a ti a nih ka ring ,thak a ngam vak lo nge mawni . Kei erawhin ka hip ri thlawrh thlawrh a ,kimchi chu ka ka ah chuan ka hnawh lut pah bawk ,ka thil ei chu hmuhnawm tih hmel em em hian min en a ,intur a rawn ken chu a ni erawhin a inpah thung .

Alcohol lam hi chu in ka duh ve vak loh avang leh a mah pawhin ka in a phallo bawk nen eitur chiah chu ka ei mawlh mawlh a “ Karleh khian kan zinna tur chu ka ti fel a nia aw " a tihchuan ka bu nghauh nghauh “ Chuan maw Sharky thil dil che ka duh a " ka tih chuan min en kar avang chuan ka tawp leh rih thul,a pawisa hlir ka hman tir angaih avang chuan ka sawi hreh leh bawk si . A nilah chuan ka thusawi tur ngai changin ngawi reng hian min en a .

“ Angai leh lo mai" ka tihchuan nui suk hian ka thil ei ka kamsira kai chu a rawn hru fai a “ Sawi rawh,enge i duh inthlahrunna tur a awm lo " tiin ka kut chu a vuan a “ Switzerland ram ka kalchak e ,an ram a mawi in khualzin an tam thei sia kal ve ka chak a ,mahse tunah tut tut pawh ka ti chuang lo va ,nakinah hun dangah kan pahnihin kal leh ka chak " ka tihchuan a nui ta var var mai “ I duhna hmun a nihchuan kan kal anga a nimai a lawm,mahse tunah chuan ni rihlo in aw, iceland kal kan tum tawh kha " tiin ka chalah a fawp zauh a .

Lawm zet chuan ka bu nghal nghauh nghauh mai,hlim zet chuan ka kuah a . Min lo kuah let ve bawk ,thil ka ei zawh chuan kan mu dun a ,kan zin hun tur sawiin kan titi dun sap sap a,a bawp ka khan chial bawk “ Kan inneih hunah chuan fanu leh fapa duhawm tak tak neih ka duh ania " tiin a nui var var a ,a kut chu humin ka fawhsak zeuh ” Ka lawm e aw , min hmangaih avang hian" tiin mitmeng de sar sar chuan ka en a .

Hetiang khawpa ka tan a in phal hi keipawh in ka pek theih zawng a nihchuan hnial ka duh lo ,atan chuan ka theih ang ang tih sak ve ka duh a ni . “ Ka hmangaihna che avang hian i tan chuan engpawh ka ti zel ang,chuvang chuan min kalsan ngai lo la ,ka kiangah hian awm reng ang che " tiin min fawp vawng vawng a ,ka lo chhang let vat. A biangah chuan dawmin duhthawh zet hian ka chhang let ve zel a ,ka hnute a tham tawn tawn lai te chuan ka thaw leh ham ham thin .

Ka hmangaiha ,atan chuan ka engkim ka phal bawk ,mahse ka in peih hma chuan min nawr lui dawn lo tih ka hria a ,ka ring tawk bawk . “ Min kalsan suh " awmsawn a tum chuan ka kuah nghet sauh bawk. “ Ka kalsan dawn lo che ,insum theihloh ka hlauh avangin ka awmsawn mai zawk dawn a nia " a tihchuan ka inthlah dul ta deuh a “ Awle ,ka lawm e ka thianghlimna min ngaih pawimawh sak a vang hian,mahse maw i tan chuan engmah ui ka nei lo .

Chu chu hre reng rawh aw ,ka tan hian i hlu lutuk" tiin a awmah chuan ka mu a ,ka thaw nghal sek sek bawk . Ham bai bai hian ka insiam rem a ,ka hnungah chuan a chul heuh heuh bawk “ Muhil rawh le ,mang nuam tak i mang dawn a nia " tiin ka chhipah chuan a rawn fawp a ,ka nui nghal seih bawk. Mitchhingin ka muhil zui ta siai siai a ,zing ka harh chuan a lo awm tawh lo . A haw tawh tih hriat takin khum bul dawhkanah chuan lehkha a lo hnut chhiah a .

Nui var varin ka tho chhuak nghal vat, college kal turin min rawn sawm leh a , college kan thlen chuan Jolie leh Benedict pawh an rawn lang nghal . He mite pahnih pawh hi ahma atangin an lo in ngaizawng ve thin tih ka hria a ,tunah pawh hian sawi lo mahse an in ngaihven ru hle tih ka hria ,kei erawh Xavier an min hnaih a chin chu tu mipa mahin min be ngam tawh meuh lo va ,a hma a min bem tute ho pawh an reh ta duak bawk .

Xavier hi an hlau hle a nih ka ring,ni e mi hausa fapa chutah insual hrat tak a ni bawk nen kei ngei pawhin a insual hratna hi ka la sim tir thei lo chu a nih hi . Kan kal hran dawn chuan min vau lawk leh thlap a ,a thik thu chhe lutuk hi a mak thin. Ka bula mipa awm tawh phawt chu a thik a ,a chang leh a mah zawk a ti tau ah a tang thul ,mipa biak leh hnaih ngam a ni meuh lo .