XAVIER CHAPTER 7

XAVIER

CHAPTER 7

College kan kal rual a ,mi chuan min en duh lehzual in ka hria,a bike atanga ka chhuk chiah chu an phun sep sep a . Xavier an eng atan mah ngailo tura min tihsa avangin hrelo ang chuan ka awm ve hmak ,a bike a park fel hnu chuan ka bulah rawn dingin ka kut chu a rawn hum chat a . Ka nuih chho nghal ver ver chu ka hmuiah a rawn fawp zauh, students dang ho awm khawm leh a mala awm te chuan min kawkin an phun sep sep reng a 

Xavier chuan hrelo ang hmakin hmalam chu min panpui a “ Baby khanu kha engvanga rawn phur a ,kai nge inih?" Rozzah chu kan bulah rawn dingin a rawn ti khur dar dar a . A thiante pahnih chu a bulah an ding ve bawk , Xavier chuan chhan a tumlo tih hriat takin kalpelh mai a tum a ,Rozzah bawk chuan min lo dang leh ngat mai . Ka sama rawn keh a tum chuan lo thle zauhin min ban thelh fua mai .

“ Nangnu hi Xavier kut kha thlah nghal rawh ka chhuah dawn lo che " a rawn ti tawn tawn a ,ka nuihsak ringawt . Midang lah chuan min lo en thup lehnghal,mi buaina emaw mi lar deuh emaw hi chu an ngaihven vek a nih hi “ Oh ! Tunge bialpa ni chiah lo te chhan ngai zawk chu i hre mai ang chu maw? I tap leh si ange,tin a duh duh kutthlak tur ka nilo a nia,kan in ngaizawng a nimai a,i bialpa pawh nihlei lo " ka tihchuan a thinrim zual sauh tih a hriat .

A mit leh a hmai chu a sen rawm rawm mai,min rawn khawih leh a tum chu Xavier chuan a kutah a lo man beh sak a “ Baby,henu ai hi chuan ka siam nuam daih zawk ang che . I duh tak tak lo tiraw ?" tiin Xavier chu mittui tling pamin a en a,a mah Arab hnam a ni bawk nen a hmeltha tak chutia khawngaih thlak zeta a siam chuan mipa thinlung chu a hneh thei ngei ang .

“ Rozzah,Ka bialnu tih i hre tawh a . Tibuai leh tawh suh ang che ,tin nang ni ho pawh khan hre rawh u.  Sara hi vawikhat pawh in tibuai leh tawh tur a nilo ,kal ang le " tiin min kalsawn pui a . Ka zui det det ringawt,Jolie leh Benedict-a lo ding tlang chuan mak tih hmel zet hian min lo en dun a ,an bulah Xavier chuan min din puiin Jolie chuan rum zetin a lo en thung ” Tikhan min melh rawm rawm lo teh baby, Sara hi lo veng tha hle ang cheu,ka kal phawt ange " tiin keichu min rawn en leh a .

“ Tina hauh suh ang che ,ka u mah nila i tihnat vaih chuan ka ngaidam dawn lo che a nia " Jolie chuan tiin min rawn kai a ,nui vur vur chunga ka hmuiah rawn fawpin ka sam chu ka bengah min zehsak a“ Lungngai suh unaunu tetakte ,i thiannu chu ka enkawl tha em em ang ,mipa dang hnaih hauh suh ang cheu" tiin Benedict chu a melh run a . He mite pahnih hi in hre chiang lutuk an ang ber, Benedict zawk a hmel a rorum a ,mahse Xavier chu a hlau leh em em si .

Xavier erawh sual hmel pu lo zawk ni siin a thinrim a hlauhawm em em chu a ni sia . Mi hi an hmel landana tehngawt loh tur tih tichiang tu an niin ka hria. A kal liam hnu chuan Jolie chuan a aw a rawn thian kharh a “ Enge a awmzia?" a rawn tihfak chuan ka nuih ringawt “ Hnaih suh ka tih mawlh mawlh kha " a rawn tileh a ,ka thaw ta hak “ Hnaih ka tum bik hleinem,mahse tumna ang ngawtin a awm theih loh chu a nih hi,a hrim hrim in Joe i u tan hian min duhpui lo em ni? 

Mi i duh lo nge ,i u tan em chuan ka hniam iti em ni?" ka tihchuan a meng phar awk a “ Chutiang a nilo,a tina ve ang che tih ka hlau a lawm,ka thiantha ber inia i rawn lan hma a a mizia lah midang zawng zawng pawhin an hria ang . Chuvang chuan i nat ai chuan hnaih lo la ka duh vang a ni,eng pawh nise a nih tur ang a ni vek tawh tho va ,keiin thu ka nei hleinem kan enchhin poh a niang chu,tiru class lam i pan tawh ang u" a tihzawm a .

A mah chuan hma a hruai nghal bawk , Benedict chu kan class a inan loh avangin a peng zui a ,ala nui vur vur lehnghal . Enge maw a hriat ni , class kan luh chuan min lo fiam tawk an awm a,a then erawhin min lo melh rum viau thung . Heng hi chu ka rindan lawk ania,mi zawng zawng chu nilo mahse a tam zawk hian Xavier an atchilh zia ka hre chiang miau a ,min huat phah an tam reng ang chu.

Jolie a awm ve miau avangin tumahin min tibuai lem lo thung,nilengin kan inhmu zui tawh lo nangin min rawn text reng thung . Banah nghak turin min ti bawk ,an chhuah kum a ni tawh a ,a nizawng graduate tur a ni tawh bawk nen a zir ngawrh ve hle tih ka hria . A sawi angin banah chuan ka lo nghak ran a ,rei nghah a ngailo,Jolie leh Benedict pawh an inphur haw a , Xavier nen chuan bike a in phurin khawpawn lam kan pan thung .

Tuipui lan theihna tur kham chungah chuan min dinpui a ,khua a tlai tawh bawk nen tuipui chu ni in a kah tle zar a ,enthla in tuipui boruak rim chu ka hip lut vang vang mai . Tuipui sava hram ri te chu ngaithla in ka nui var var a ,ka hnunglam atanga ka dula a rawn kuah chu a kut chu ka lo hum hnan ve nghal salh “ A nuam hle mai, New York ai nuam ka tihna a la ngai reng a nih hi ,enteh a mawi zia saw " tiin kawl sen phut chu ka kawk a .

Nui ve sukin amah hmachhawn zawng chuan min kuai her a ,kan in en dun ran mai . Ka chalah a chal rawn nghatin a thaw ham ham a ” Kan graduate hunah ka bulah i cheng ve duh angem? Ka kiangah i awm duh angem cutie" a tihchuan nuih ver verin ka bu nghal nghauh nghauh mai. Ka kut pahnih chu rawn chelhin ka hmuiah a fawp zauh a “ Ka hmangaih che " a tihchuan ka kuah nghal thlawp. Hun reilo te mah nise ka ringhlel chhin lo hrim hrim 

A chhan chu a mitah hian thudik chu a langsa vek a ni “ Ka lawm e min hmangaih avangin " tichuan ka nuih sen sen a ,ka hnarah chuan rawn nawr nak nakin min chawi kang nawlh a . Ka rak chul mai ,haw lamah chuan kan in thlen hma feah chuan a bike dahin ke ngatin min kal puia,engmah ngaihtuah lo chuan ka titi bawrh bawrh ,kan bula awm ve thup te chu hmu lo ang mai chuan ka titi bawrh bawrh a . An inthuamna dum vek ka hmuh erawh chuan mak ka ti deuh .

Company khata thawk ho rawn tei chhuak an ni ngei ang.

XAVIER POV...

Ka hma a kala hlim zeta zuang euh euh chu enin ka nui suk suk a ,ka hnuaia thawkte min rawn biak tum chu ka kut chuan zaizirin min hnaih lo turin ka hrilh nghal zauh . Ka kut hmang vek chuan kalsawn deuh turin ka hrilh a,min hlat lutuk lo tur chuan an kal ve mai bawk . Englai pawhin min zui a ,ka him leh him loh an en reng thin ,Cutie hmuha in lan tir erawh ka duh lo bur ,mafia hruaitu fapa ka ni tih a hriat chuan engtin nge a awm dawn ka hrelo va .

Chuvanga engmah hrilh duh lo pawh ka ni “ Sharky naktuk chu leng kual leh ang aw ,ka pa in a awm ngai bawk silo a keimah te chiah chuan ka awm duh lo a nia " tiin ka lamah a rawn tlan let a . A hlim hmel eng sar leh a biang taitek chu ka thlir dauh dauh ringawt “ Sharky ka biak che chu" lungawi lo tih hriat tak hian a biang a tipuar pek a ,ka nuih nghal hawk . A mah vanga ngaihtuahna hmang ka ni tih hria se a lawm viau ngei ang le “ Ok,ka lo hruai dawn che a nia khawia len nge i duh?" tih ka zawh chuan a ngawi vang vang phawta .

A kut zung chal ti pir vah chung chuan kal kuai theuh theuhin ” Kha kan naupan laia kan kal fona thin khawpawna sakawr vulhnaah khan ka kal leh duh" tiin an inzawnah chuan a ding a . Ka lama pawt let vatin ka fawp leh vang vang phawt,engtin nge ka nghah reng theih ka hrelo ,mahse ka nuna pawimawh tak a ni tih erawh ka hrechiang viau thung . “ Pawn chhuak tam lo la ,zanah ka lo be hman lo mai thei che a .

Lo lungawi lo suh aw ,zanin chu ka pa nen tih tur pawimawh kan nei a " ka tihchuan thuawih tak chuan a bu nghat nghat a.  Hmeichhe dang angin zawhna min zawt ve vak vak ngailo hi a danglam na tak a ni,chutih rual erawhin a thil min zawh chhun erawh chhan mai an harsa thin thung . A luh thleng chuan ka enliam a ,kawngka a khar takah chuan ka naute pawh rawn lang vatin mi hmuh loh tur chuan ka inthlak a .

Zanin hian kan pawl phatsan a pawl leh lam zawm tu that tura thupek ka hmuh angin ka dah that ngei a ngai ang le . ” Pahnih kha hetah lo awm ula,a him nge him lo en reng ang cheu " ti in ka silai chu apaiah dah lutin car awmna lam chu ka pan a . Min lo hawnsak rual chuan ka thu lut nghal vat ” Dar sarihah Bestia restaurant ah an in hmu dawn a ,chumi an rawn chhuah leh chu kan tan hun tha a ni " driver in a tihchuan ka nui nghal suk. Cap chu khumin ka hmai ka tuam zui a .

Ka silai chu ka load sa bawk ,darkar khat vel hun ala awm nangin in ring renga awm hi ka tih fo a ni miau va.  Restaurant kawtah chuan nghakin a mi hmuh pa hmel chu chiang takin ka en a ,ka hriat chian em avang chuan ka khi nghal suk . An rawn chhuah hnu chuan zui ru in kawmkarah chuan ka pawt lut a ,a ka ka hup zui hmak . ” I che a nihchuan i nunna a tawp nghal ang " tiin chemte chuan a nghawng chu ka tin a. 

Hlauthawng zet chuan“ Tunge inih?" a rawn tikhur nghal dur dur mai . Nui sukin car lam chu ka panpui a ” I la hre mai ang,i phatsan pawlte zinga mi " tihzawng sawi chuan driver chu ka tlanchhuah tir zui a . Khawpawnah hruaiin ka hmel ka hmuh tir chuan a mengkawk kawk mai ,nun tura min ngen lawm lawm chu nuih sukin silai chuan ka tina “ I pawl i phatsan hma khan ngaihtuah hmasa la a tha tur" tichuan ka silai chu ka hmet puak zui a .

Ruang chu ka mi hruaite chuan thian faiin kei erawh in lam ka pan zui a ,a muhil tawh a ka rin avangin be ta lo chuan in ka thlen rualin ka mu zui ve nghal a .