XAVIER CHAPTER 6

XAVIER

CHAPTER 6

“ Sharky " tiin ka phun chhuak sep a ,ka nghawng chu a fawh kual avangin ka za ti chu ka tal deuh sek bawk . Khua lah chu a tlai chak viau lehnghal,ni chu thlang lamah a her bawih tawh a,khawpui chu a chhun sen phut mai. Rawn dak chhuakin min en reng a ,ka zam lutuk chu ka kun nghal vat “ Ka mitah tak hian en ve teh " tiin ka khabe ah chuan a rawn dawm a .

Min kuai dak nghal zat ,ka hmui chu phu det det mahse sawi tur reng reng ka hrelo . Ka tukkhumah chuan a kut hlai leh sei tang a rawn chelhin min fawp a ,ka hnial thei talo chhang let ve zelin a kawr awmah chuan ka tham tai a ,kan awmna hmun nen a chet dan chuan min hneh lutuk tlat . Duhthawh telh telhin ka mawngah chuan chelhin a tham salh a .

A kut chu ka dawm bet nghal vat,thaw halh halh hian a mah chu ka en a “ Ka ring thei che a ngem" ka tihchuan ka thusawi awmzia a hre chiang viau ang. A kut chuan ka kut humin a lungphu zawnah a nem bet a ,a nui nghal suk bawk ” Engtik lai pawhin i tan a phu reng tawh ang . He lung hian a chakna dik tak a nghak chhuak ve ta ,a rawn kir har mai pawh a . Kum tam tak a nghah hnuah a hmu leh a nih hi ,i tello chuan ka nun hi engtihna mah a nilo .

Englai pawhin i mitmeng pawl phat hi hmuh leh hun ka nghak fo a sin,i lo kir hun ka nghahna lamah ka lo dai pelh zeuh mai chauh a ni " a tihchuan mak tizet chuan ka en ha a “ A hma atang khan min duh tawh maw?" ka mak tihna chu ka thup theilo . Kan bulah khan awm ve thin mahse a ni chu rawlthar ni chho tan in a mah a thang duh bawk nen khan a ai a u te pawhin an ngaizawng fo a nihkha ,min ngaihsak angin a awm ngai hauh silo va .

” Englai pawhin,ka hmuh hmasak ber atang che khan mawle ,puitling taka min hmachhawn theih hun tur leh keipawh ka awm theih hun kha ka nghak hlel thin hle a sin,mahse New York lamah in pem ta daih si a . Engmah pawh ka hrilh hman ta lo che kha ka lungngai hman a sin,â ka in ti bawk . In kal bo dawn tih hria ila chuan ka hrilh ngei ang che " tiin ka sam chu a tuai heuh heuh a ,a thusawi chu dawt a nih ka ring lo 

“ Mahse bialnu i nei si a ,Rozzah rilru a na dawn a sin " ka tihchuan a nui leh hak “ Ka bialnu a ni hleinem,amahin min duh em a,min zui kual mai zawk a lawm " a tihchuan ka hmui chu liak zauhin “ Dawt a nihchu,i fawh reng kha " tum hmakin ka kut ka kuangkuah a ,nui hawk hawk hian min pawm betin na deuh tak hian min hrawm nawk nawk bawk . Ka rak chhuak nghal that that chu lawm hmel em em hian min en a .

“ I thik a nihkha " tiin min kuahna chu a thlah a ,ka kut bawk chu chelhin “ Tunah chuan ka hmangaih chu ka ta a ni ve thei ta,kum 10 chhung ka nghah chu ka kiangah a rawn let ta e " tiin a au vak a . Aka ka hupsak nghal vat,a va han mawl tak miin an hre ngei ngei dawn a nih hi “ Chhuk vat ang,mawl mawl suh. Khatiang tunge au pui ngai " tiin ka inher a ,muangchangin kailawnah chuan ka chhuk thla nghal zat .

“ Fimkhur rawh " tiin min rawn zui ve nghal a . Keipawh chu fimkhur thei ang ber chuan ka chhuk ve zel bawk,chetsual palh vaih chuan kan thih loh pawhin a teuh viau ngei ang . Chuvang chuan fimkhur tluk a awm lo,kan lawn sang ve bawk nen,lei ka thlen rualin ka thaw huai mai . A rawn thlen ve dawn chuan rawn zuang thla in min delh tlu nghal rawk a .

Phulah chuan kan lumthla tawp tawp mai,zawl lai kan thlen rualin ka chum nghal zawt zawt “ Hmela min tihlauthawng lutuk,khatiang kha ching leh vaih teh . Lung a awm lo a kan vannei hle mai ,mawl lutuk" ka tibawrh bawrh a . Ngaihsam hmel fe hian a kut chu lukhamin vanlam hawi zawng chuan a mu a . Haw a la duh lo emaw ni,a tlai tawh viau a sin le .

“ Tho rawh ,haw ang a tlai tawh em hi" tiin pawh thawh mai ka tum a ,ka thei thak lo . “Tihian awm rih ang. I pa pawh ala haw kher nang " a tihchuan “Engtin nge i hriat" tiin a bul a ben thuk thuk avang chuan ka thut hnaih pah a ,min kuai mu in a awm si chet chuan min pawt hnai a,a rim tui zet chu hipin a awm zawn chu ka melh ngar ngar bawk “ Doctor ania ,ka hre ve alawm,damlo zualpui an awm phei chuan a rawn haw ka ring lo " a tihzawm zat a .

A sawi dik chiah,ka pa hi a duty loh hun pawh nise damlo nazual an awm chuan damdawi in lamah a awm ngei ngei a . A thawhpui tepawhin an fakna ber a ni ,a tshirt chu thamin a lungphu chu ka ngaithla a ,ka mit ka chhing nghal hmak bawk. Nuam ka ti a ,ka hlim lutuk chu au vak te ka chak rum rum zawk ,min kuah tha sauh sauhin a khat tawkin ka hmui chu a khat tawkin a fawp zauh zauh bawk a .

Ka ring em em hi a chhan ka hre biklo,kan inhmuh lohna rei tawh viau mahse ahma ang mai khan alakah ka rinna ka la tinghet a ni . Khua a thim tan a,keini erawh kan la inkuah chial thung,a a kawrchung chu kan sin dun a ,phula mut chu a nuam dangdai viau bawk. Van a arsi leh thla rawn lang chu thlirin kan titi dun a ,kan nui leh hak hak thin ,hetiang khawp hian a bula awm a hahdam thlak ang tih ka rin ngai lo.

College a a mizia nen kha chuan a inpersan hlak a tih theih . A taksa lum ka kuah reng avang chuan vawt pawh ka ti meuh lo “ I mizia hi a inthlak kual zung zung thei em ni?" ka tihchuan a nui hak a “ Ka bula awm te mizia a zir zel ti ila a nimai ang chu" tiin ka hnar chu a piai zauha ,ka nernang mai ” A nihchuan ka lakah i mizia chihnih a ni tihna , college ah misual inia hetah mi fel i va" ka sawi zawh hma chuan min rawn dek a .

Ka er nghal zawk mai ,min bawh betin ka nghawng velah chuan a rawn nul kual a ,a za bawk nen ka nui rak ti ila a dik ber ang. A ni pawh a nui ri ve hawk hawk tho ,ka hmuiah rawn fawp bawrh bawrhin ka kawr chu a hlim chho va ,min fawp duhthawh zual sauh bawk,ka bra chu zenin ka hnute lawng chu a tham nak nak a . A kut chu laksawn ka tum chuan a rum deuh nghut mai.

Chutah tho kang deuhin min en run run a ” A tet tet nen " a tihchuan a kutah chuan ka sih sak nghal vak “ A te awzawng lo,Fredrin pawhin a mawi a tih thu a sawi ziah,mipa dang pawhin" ka tihchuan ka sawi sual tih ka hre nghal . Ka ngawi nghal kar a “ Tunge chupa chu,a khawih tawh em " a ti ta ngei mai le . ” Awmsawn phawt la " tiin ka nam dat dat a ,a thu chhuak ve mai bawk .

Chu veleh in siam tha sawk sawkin ” I hriat ve zel pawh a ngailo,a te i ti bawk a . Vawikhat mah khawih tawh suh,keiai i bialnu lem lem hnute kha a te fe zawk" tiin ka tlan thut a . A ham haih deuh nge min rawn um mai lo,chutah harh chhuak thut tih hriat tak hian tho chhuakin min rawn um a,bike lam pan chuan kan inum thla dawr dawr mai .

Nui har harin ka hnunglam atanga min rawn kuah rual chuan ka inher a,a biangah chuan ka dawm sak nghal thak. “ Ka lawm e aw ,vawiin ni anga hlim hi ka la nei ngailo " tiin ka nuih ver ver a ,a nipawh a nui ve suk mai . Bike ah chuan lawn in kan inphur chhuak zui a ,kan in kan thlenga ka lut tur chu min pawt dingin ka hmuiah a fawp leh zauh a . Lai zet chuan lei chhuahin in lam pan chuan ka tlan phei nghal dawr dawr a .

A bike tlan liam hnu chuan choka lam panin ka ei tur ka siam nghal mawlh mawlh a , restaurant ah min ei pui mahse ka la puar tlat lo a .

ZAWMNA ....

Ka pa pawh rin ang ngeiin a rawn haw leh dawn lo a nih hmel,min rawn phone rual chuan ka lo sawi khalha . A nipawh chu a nui hak mai “ I hlau lo ang tiraw baby,i pa hian duh ang pawhin ka awm pui theilo che a nih hi " a tih chuan ka nui hak,a aw a inthiam lo ri chu ka hriat hmaih hauh lo ” A pawi lo,damlo te tan a awm tur i nia lawm . Ka hlau hauh lo a nia ,a tul leh Joe pawh min riahpui turin ka sawm mai ang" tichuan ka chhang a .

A rawn thaw ve huai mai, dik tak chuan keipawh hian ka bulah awm tam thei se ka duh a ,ka nu nen an inneih leh theih hi ka duhthusam ber a ni . Mahse doctor an ni a ,damlo an awm ve reng bawk nen keia duhdan in awm tir dawn ila mi tam tak nunna a kutah a awm si . Phone kan dah hnu chuan WhatsApp ah lutin message chu ka en kual a ,number hriat loh atanga message ka hmuh chuan ka hawng vat . Ala tam em em zui.

“ Enge i tih ,min ngai ve miah na nge . 

Min va chhang har ve 😒😤,

min rawn chhang vat rawh . 

Sara Nelson,min chhang vat ta che,mipa dang i bia em ni " tih vel chu a lo awm nawk a ,Xavier a ni tih ka hre nghal ” Ka pa nen kan in bia a lawm" ti a ka ply rualin a seen nghal “ A rawn haw tawh em" tihchu a rawn thawn nghal zat a “ A riak dawn " “ A nihchuan ka rawn riak ve dawn " tihchu a rawn thawn a . Hepa hi a rawn riak leh duh tak tak mai ang “ A ngailo,Jolie ka sawm dawn" tihchu ka thawn a .

A rawn call nghal zat “ Tumah i sawm lovang,ka rawn kal dawn ka tihchu" tiin a dah leh hmak a . Engmah pawh ka sawi ve hman lo “ Mahni thu duh lutuk" tiin ka phun chhuak sap a ,ka lo hrilh duh palh palh . A nghal ropui si ,minute 30 liam meuh chuan bike ri a rawn chhuak zat a . Horn a la rawn pe vak zui,thenawm ten min hre ngei dawn a nih hi,rang zet chuan ka chhuak a . A bike nghenga a lo thu chu panin ka chum nghal zawt zawt .

“ Mawla thenawm ten an hre dawn a sin,pi Heleni phei chu a tawng thei ropui si,lut vat ang" tiin inchhung lam pan chuan ka kai kal dawt dawt a . Thu awih zet chuan ka hnungah a kal ve mai bawk,in chhung kan luh rual chuan kawngka ka kalh nghal vat “ Lo kal suh ka tihkha " tiin a hmaah chuan kuangkuah at hian ka ding a .

Min en chhuk ngurin ka thusawi chu a ngaih hauh hmel em em mai lehnghal.  Ka chhu chawrh dawn emaw ni “ I bulah ka riak dawn ka tihkha ,phallo mahla ka riak tho ang.  Khawiah nge i room" tiin in chu a enkual a ,a nui nghal vur vur mai,ka room kawngkhar ka khar lo tih ka hre chhuak chiah 

Chu lam pan chuan a kal nghal a ,ka umzui nghal bawk.  Ka khum leh ka room chhung thil awm chu a enkual a ” A nawm dawn hi,tirawh mu ang" tiina kawr chung chu phelhin tawnzau nen chuan a awm a.  A kekawr a phelh nghal bawk,hawisawnin ka insiamchhe vak a ..

Ka ngaihtuahna a ti kal sual zo dawn “ I kut hlei miah suh se ,ka muhil vat duh ania " tiin khum chu ka pan a ,ka bulah chuan rawn mu in in hmachhawn ran chuan kan mu a ,min en reng lehnghal . A hmelah chuan a hlim tih a hriat theih,hmuhnawm tih hmel zet hian min en a .

Ka lai leh pek,mitchhingin ka thaw ham ham ringawt ” Min en ve la " a tihchuan ka lu ka thing nawk nawk,bul kan tan chiaha ka la awm thiam chiah lo . Jolie lahin hlat turin min ti a ,mahse hlat chu sawi loh a zunah ka uai chu a nih ber tawh hi,ka hmaiah chuan a rawn rin riak riak a “ I biang puar hi a la reh theilo a nimaw " tiin a nui hak a .

Kan naupan lai atang rengin ka biang hi a puar reng a ,mi tam takin min fiamna thin a ni bawk . Mahse thenkhat erawh chuan ka inhmeh thu an sawi thung “ A duh leh a reh lo ang chu,ka thu a reh thei a ni hleinem" tiin ka mengchhuak a “ I lungawiloh phah nan ka sawi lo,i duhawm ka timai mai ania ,i inhmeh hle bawk " tiin a nui leh suk a .

A kut chu rizai hnuaiah rawn dahin ka kawngah chuan a rawn vuan a “ Bialpa kei tih loh i nei tawh em Cutie? Dik takin min chhang ang che " chiang taka min en chung chuan a ti a.  Ka lu ka thing nghal nak nak “ Neilo,ka la nei ngailo . Min bem tu chu an awm ve a ,mahse ka chhang ngailo,nangpawh hi min nawr hle lo la chuan ka chhang lo ang che .

Engtia nihpui duh che nge ka nih pawh ka hrethiam lo " ka tihchuan a ner nung a “ Ka nihpui duh che hi lawm hle zawk rawh,ka hmeltha a.  Ka lar bawk a ,he khawpui hmeichhia min hmutu apiang en zui ka nih hi" tiin a hawi vah a.  A awmah chuan ka sih sak nghal sawk,in sawi thei thei lutuk mai .

“Anihchuan chung ho chu va bem la tinia ,kal vang vang rawh " tihmakin in her ka tum a,chuveleh rang zeta min man betin min delh bet nghal hmiah bawk“ Thik thu chhe dawn hle mai,mahse a tha hmarcha ang maiin han vin tak mai la maw " tiin a nui vur vur a . A rit ropui si namsawn tumin ka kut chu ka phar chhuak a 

Alo la man bet zui “ Min thlah teh,i rit ania " tiin ka khup chuan ka do chho a ,ka hmuiah rawn fawpin ka khup chu a bawp sei leh hrawl zet chuan a chep bet nghal zat . Hnial duh bik lo chuan ka chhang let ve zel a ,a nghawngah chuan kut suih betin a hmui hnuai chu ka seh sak zauh .

Rum hak hian a awmsawn deuh a ” I cho deuh a nimaw?" tiin a nui vur vur a ,a hmel awmdan atang chuan a tih tum ka hre nghal vek “ Tisuh" ka sawi zo hman tawk a ni,ka nghawng leh biang vel ah chuan na lutuk si lo hian a seh kual a. Ka rak leh that thin chu a lawm zawk emaw ni .

“ Sharky duhtawk rawh ana ania " tiin hawisawn ka tum a,ka thei der lo “ Ka duh che tiphawt la " tiin ka hmui chu a tuai heuh heuh a “Aih mu ang,thawh hmat angai a nia ka pa lo haw hma in haw ang che " ka thusawi avang chuan thaw hakin zawi hmel zet hian ka sirah chuan a mu thla a .

Ka nuih hak “ I pa bulah chuan kan innei kan ti anga a tha viau ang" rum lutuk chuan ka melh nghal . Sawi awm leh awm loh pawh hrelo “ Pasal neih ka la duh bawk lo ,nih tum leh tihchak ka la ngah lutuk" ka tihlak a . A awma min kuah betin ," Engtik niah emaw chuan ka nupui niin ka fa he i pum chhungah hian a la awm ngei ang .

Eng pawh nise mu phawt rawh le " tiin ka chalah a fawp a ,be tawh lo chuan ka mit ka chhing nghal vat . Ka men reng chuan min titi pui tlaivar zak thei mai ang.