XAVIER CHAPTER 5

XAVIER

CHAPTER 5 

“ Hey Sara " Jolie nen chuan kan kal dun a , Benedict chuan min lo au leh lung lung a. Jolie in a hmuh chuan mak ti zet hian min en dun a “ Pan ang,i awm loh chhunga min kawm duhtu awmchhun a nihsaw " tiin ka hruai phei a ,a tang deuh tung lehnghal ” Joe nang maw " Benedict pawh chuan a lo ti a ,Jolie lah chu enge a hriat ni a hmai te chu a sen tawn tawn mai. Benedict chu ka en a .

Hemi te inkarah hian ka hriat loh a awm em ni ang ? “ Um Sara hi ka thiannu a nia " Jolie chuan a titham chal a , Benedict chu a bu nghat mai ” Kal ang u hmiang " tiin min rawn kuah nghal thukin min kal pui nghal nul nul mai . Mi chuan min en leh duh pek e ,milar deuh leh hmeltha deuh kalpui chu kan heti reng dawn a nih hi . Jolie chuan kan hnungah min zui dat dat a .

“ Cutie kha thlah nghal rawh " tih rawn chhuak avang chuan kan ding thap . Xavier leh bawk maw,tinge min tihbuai hi a tum reng mai le ” Ka u" Jolie chuan a lo tinghal thak “ Jolie lo ngawi rawh . Khapa kha engvanga zui reng nge in nih,i kut kha Sara lak atang khan la sawn nghal rawh " ti a a rawn hawi phei mitmeng chu rum tak hi a ni ringawt . Benedict chuan mak lutuk in a kut a lasawn nia ,ka hau chuan ka en ringawt .

XAVIER 👇

Xavier chu kan lam panin a rawn pen phei pawk pawk a ” I kut khan vawikhat mah tawk leh tawh suh ang che " a rawn tileh chu ka ter ve nghal at mai “ I thu a nilo,a duh leh min tawk ang hmiang. Engvanga ka nuna inrawlh tum reng nge i nih? I bialnu emaw ,i unau emaw pawh ka nilo" tiin rum zet chuan ka melh let a ,kan in melh dun ngat ngat . Kan mitmeng chuan kan in bei a ni ber , Jolie leh Benedict bakah a thiante chuan min en thap ringawt a .

Chutah a hmui tikawi nawkin min pu nawlh a ” Min rawn zui suh u tumahin" tiin min kal pui nghal nul nul a nihchu,a hnungah chuan na zet zet hian ka chum sak a , Benedict leh Jolie chuan min en liam ringawt . Tinge tupawh hian hepa hi an hlauh em em le ,engtiang chiaha sual ni ang maw ” Xavier min thlah rawh " tiin ka che ve sek a,chutia ka tal chu ka mawngah a rawn beng thlawp chungin ” Tal tal suh,i in tichau mai mai" tiin a bike bulah chuan min din pui a.

Min hlang nghal nawlh mai “Enge i hriata,min dahthla rawh " ti a chhuk ka tum chu min nem deuhin hnehsawh zet hian a rawn kar pawk a,ka hma ah chuan a thu nghal der . Ka kut pahnih chu rawn la in a kawngah min kuah tir pah chuan ka lak sawn hlau ang mai hian a rawmawl chuan a tawn zui a . Ka bawh deuh ul mai,a bike hnung a sang bawk nen ka lang sar vuk hian ka hria .

Kan bula awm ve ho lah chuan min en haw haw lehnghal . Xavier chuan bike chu a start vut vut a“ Khawiah nge min hruai i tum,ka kut hi phelh teh . Class lak ka duh,i bulah ka awm peih miah lo a nia aw " tiin ka hawi kual a ,kan hnunga car pathum ding thap chu ka melh ha mai . A glass a a dum an hman miau avangin a chhunga chuang erawh ka hre theilo .

“ Keiin ka duh alawm,che miah suh " ka taksa ka tih chet avang chuan a rawn tihzawm a . Thudang ka sawi veleh hma chuan a tlan chhuak nghal fua a ,ka inring hman lo nen a helmetah chuan ka hmai ka la nawr nawk zui.  A tlan chak lutuk lo nan mi pangngai ai chuan a la tlan chak tho tho mai,kan hnungah lah chuan nichina ka car hmuh khan min zui zel lehnghal .

Ka hlauthawng zo vek ,khawpui chhunga in sak lohna tlang sang ve tawk takah chuan min kalpui a ,khang car te kha kan dinna hnung deuh fe min hmu pha si ah chuan an ding a “ Xavier miin min zui ru char char a nia ,misual an niang " ka tihchuan ngaihsam hmel zet hian hnunglam chu en in a phone a khawih mual mual a ,eng tak chu ti ang maw .

Kei hlauthawng em em a ka awm lai lehnghal,car ri ka hriat rual chuan hnunglam chu rang zet hian ka en a . Min zui tu a ka ngaihte chu an tlan liam leh vek a nihchu ” Kal ang,mi an zui tawp loh saw mi leng kual ve te pawh an niang chu,min rawn zui rawh hlauthawng hma lutuk  " tiin ka kutah a rawn kai a . Rum deuh chuan ka han melh leh rih ” Ka duh lo chung vawikhat mah min hruai chhuak tawh hauh suh " ka tihchuan a nui hak a 

A lei chu chhuah zauhin ka thusawi ngaipawimawh lo zet chuan hmalam chu min panpui nghal vut a,ka zui ve tawp ringawt. Ka la hriat chian loh bakah keimah in haw tum ila khawi hmun mah ka hre der silo . Tlang pawng laiah chuan tower sang ve tawk tak khaw thlirna tur hi an lo siam a . Ka kâ chu ang hauin ka thlir chho dauh dauh mai ,a lawnna tur in thir laihlawn an dah tawp a .

“ Kal ang hmiang" tiin keichu min lawn hmasak tir a,ka awmlohna a rei tawh bawk nen chungin hmun mawi leh nuam awmna ka hre meuh lo . Ka hnungah chuan a rawn lawm ve zel a ,a sang tawka ka ngaih leh ka ngam tawkah chuan dingin thutna tur an siamah chuan ka thu a . Ka bulah chuan a rawn thu ve nghal tharh ,Los angeles khawpui chu a lang chiangin a lang thui bawk nen hmuh nawm tizet chuan ka thlir a .

Thli chu a tleh reng bawk nen dawih deuh tan chuan tha a khur thei hial ang,kan awmna lai mah hi a sang tawh a nia . A chhip thleng tur phei chuan keipawhin ka ngam ka ring lo” A mawi hle mai,hetiang hi a awm tih ka lo hre lo a " ka tihchuan hmalam hawi a a mit ti zim deuh sanin a hmui chu a tep deuh chap a . A sam hma chu thli in a chhem zawng chuan a phe hlap hlap bawk .

“ Hunawl ka neih chang a pianga ka kalna a nih hi,helai atang hian ka thlir a ,ka chak riau hian ka hre thin. Chubakah tumah in min tihbuai lo va ,ka zalen na hmun a ni bawk " a tihchuan ka en ha ringawt . Chutianga mahnia awm nuam ti hmel a pu hauh silo ,min rawn enin a then sak a ,ka sam thli in a chhem zawnga leng chu rawn huiin ka biangah a vuan nghal chat .

“ I nu leh i pa chu an la in then reng em ni?" a tihchuan harh chhuak thutin hmalam ka en a “ Um,nang teh" tiin ka hriat tawh sa reng chu ka zawt nawn leh tho va . “ Innei chi an ni tawhlo,midang an nei ve ve tawh tihchu i hriat ka ring, New York ah chu nuam iti ang maw?" a rawn tileh zat a .

Zawhna min zawt deuh sek chu mak ka ti,amah a nilo hial emaw tih tur a ni “ Nuam e ,an ni chuan mi tih duh dah leh nuihsawh an hmang velo a ,an polite hle bawk " ka tikher chu a rawn nui hawk a ,mitchhinga dak vang vangin thlifim chu a inchhem tir a ,a hahdam hmel ngawih ngawih bawk . A hmel chu chiang takin ka en reng,a mithmul sei sang te a khabe ruh kual nalh lutuk te chuan a ti hmeltha zual .

XAVIER MENGNO VEL 🤭THUTAK VE THO SI

En ringawt chuan a zaidam hmela ,mahse a thinchhe em em thung si . Mihring hi kan lo mak a nih hi “ Ka hmeltha viau em ni" a rawn tihchuan rang zetin ka hawisawn a“ I zaklo " tihlakin sir lam hawi chuan ka lei ka chhuah vak ringawt . Kan chung lama thlawhna thlawk ri te ,khawpui chhunga lirthei leh mipui tawng thawm ri nuaih nuaih te chu a hriat chian theih viau mai,keipawh chuan mitchhingin thlifim chu ka dawng a .

Ka nui var var bawk,ka thlawk ni ber hian ka hria “ Cutie " tiin Xavier chuan ka kut a rawn hum avang chuan meng chhuakin ka en nghal vat . A mitmeng ka en chuan engkim ka hrethiam nghal “ Ka theilo ka tihkha ,i infiamna lek nih ka duh ve lo . Khawngaihin min tibuai tawh suh Sharky,ka ngen che a nihchu,ka awm ang ang hian min en ve mai rawh .

Bialnu i nei reng chungin engtin nge min hnaih i tum tlat thin ni . A hma kha i ang tawh lo takzet a ni,i nunrawngin i sual takzet " ka tihchuan a ngawi vung vung mai “ A nihchuan nunrawng lo turin min zirtir mai ta che " thutak zeta a tihchuan chhan ngaihna ka hrelo,ka en mawl tawp ringawt. Ka lamah a rawn awn hnai a ,ka hmui chu a tuai nghal hauh hauh bawk .

Chil lem khalh hian ka en let kiau ringawt,ka lungphu lah chu hriat theih khawpin a ring lehnghal,hetiang em em hian mipa dang lakah ka la zam ngai lo . Ka tha a khur thei hial nia,min fawp dawn emaw ka tihlai chuan ka darah a chal chu a rawn nghat dat a ,a thaw zui ham ham bawk “ Tinge ka ta i nih ve mai loh" ril ruiha a tihna chuan min fan rawih rawih thei nia .