XAVIER CHAPTER 4

XAVIER

 CHAPTER 4 

Jolie chu a tuk lam thleng pawh chuan a rawn la kal lo va , Xavier bialnu te chu corridor ka phei laiin ka hma ah an rawn lang leh hlawl a . Ngawi renga kal pelh mai ka tum lai chuan ka samah an rawn keh avang chuan ding chawtin “ Min thlah rawh " ka tinghal that. Nui chung hian min en a ” I theih chuan tal chhuah tum ta che samsen nu " a tihleh chuan ka insum thei tawh bik lo .

Ka kut chuan a hnarah tak ka hnek sawk a ,min thlah chiang ngei mai . Ka hnek na bawk a ,chhuata a tluk rual chuan keipawh chu ka kut a na nghal vawng vawng thei hial mai . A thiante pahnih min rawn khawih tum chu ka tlawh leh thuai a ,ka dawh rei tawh bawka ,kut thlawn tuar reng ka tum bik aw zawng lo . Ka nu leh pa in insual tawh lo tura min tih avang chauhin ka insum a .

Hetiang renga tawrh ka tum bik der lo,hrisello viau mah ila insual hi chu ka thulh theilo ti ila a dik ber ang. Midang chu an rawn pungkhawm a ,min thlirin an lo au thup thup lehnghal“ Rozzah kha hnek leh rawh " tite chuan an lo au thul. Tun a hming ka hre ve chiah a ni ,khawih leh ka tum lai tak chuan ka kang nawlh a,min au tu te pawh chu an ngawi nghal thap,tal chhuah tumin ka ke chuan ka in leng vak vak a ..

Mahse min man tu tha hi a chak mah mah a ni “ A tawk cutie " rawn titu avang chuan ka tal lai chu tawp chawtin thinrim zet hian ka lu chu ka her a ,a hmel pawh ka hmu chiang theilo . “ Min dahthla nghal rawh" ti tuarin ka tal leh vak a , min dahthla ve mai bawk . Rozzahi te thian thum khawih leh ka tum chuan min dang lehnghal,ka thinrim bawk nen a mah chu chum bawrh bawrhin a lo in dawh tawp a .

“ Baby,khanu khan ka hnar a hnek thi a nia " ti tiauin Rozzahi chu rawn tho chhuakin Xavier banah chuan a rawn vawn sak a ,rum zeta ka lo en chuan min hlauh hmel hle lehnghal . “ Kalsawn rawh Sara" Xavier rawn tih avang chuan ka nui hak,a bialnu chu a chhan leh kha ka ring reng ah . “ An ni hian min tibuai leh a nihchuan kha ai na khan ka khawih tawh ang,tenawm hlawm lutuk .

In hmel pawh ka hmu tuitang nek love " tiin ka inher san hmak a ,a bialnu la tawng zawih zawih chu khawih leh chak viau mah ila a chhan leh ka rin avang chuan her pawh in her let lo chuan ka kal nghauh nghauh a “ I va chak ve" rawn titu an awm avang chuan ka sir lam chu ka melh nghal zawk . Mipa sang leh hmeltha zet hian min lo nuih sang a ,a khabe tuai zauhin min rawn hnaih nghal zat 

“ Benedict ka nia " tiin a kut a rawn phar chhuak a “ Sara " tiin ka nuih let ve sang mai . “ Nangai tam i hneh thei a ,he University a hmeichhe lar ber ber lehnghal . I pui hle mai " tiin a nui leh vur vur a ,nernang hian class lam chu ka pan zui nghal nal nal . Min rawn zui leh in min be bawrh bawrh a ,ka la hmu ngai lo bawk nen chungin ka chhang tha vak duh lo ” Min hlau em ni? Hlauhawm ka nilo a nia,thian kan ni thei angem" a rawn tihchuan ding datin a mah chu ka ena. 

A hmel a dam dup mai bawk nen m isual a nih ka rin loh avang chuan ka bu ve ta nghat a . A ni chu biology lam a la a nih hmel . Chuvang a in hre lo pawh kan ni reng a,lunch ei tlan a tihchuan ka lo pawm ve mai,a chetzia leh hawiher midangten an en danah Xavier ang tho a mi pangngai chunglam a nih ka ring nghal mai . Mahse Xavier nen chuan an mizia a dang hlak a nih hmel,a nuisang renga,fiamthu a duh hle bawk 

Class thleng chuan min thlah thlap a,kan class a awm ve te lah chu an inhrilh ru sep sep reng lehnghal. Awm an ti nuamlo leh zo vek mai,ngawi reng chuam ka thu a , professor rawn luh takah chuan lehkhabu chu keuin ngun zet chuan ka ngaithla a . Lunch break a hun takah chuan tho vatin pawnlam chu ka pan nghal vat,ka class pawn lamah chuan Benedict chuan min lo nghak ta ngei a .

A lo nui sang bawk ,nuih ve sakin ka pan hnai a . ” I ril a tam tawh em,kal ang hmiang " tiin ka kutah chuan a rawn kai a ,ka lasawn duh bik lo . Jolie tih loha min kawm tum hmasa ber a ni miau va ,ka thian neihchhun a ni rih bawk nen engmah ngaihtuah buai lo chuan ka zui ve tawp ringawt . Canteen kan thlen rualin an lo ri leh mam mam tawh a ,mahse kei leh Benedict luh rual chuan an ngawi thap mai .

Nge min hmuhna apianga hetianga an awm ziah le ,Xavier te thian ho an rawn lut ve leh a . Midang chuan min en tawn hrek hrek ringawt, Benedict chuan engah mah ngailo ang mai hian ei tur chu ala mawlh mawlh a . ” Wow,Cutie tunge i kal pui hi " Xavier chuan nui hmel pu si mahse rum tak si chuan a rawn ti a ,ka chhang duh thak lo . Nge ka hmaah pawh chuan a rawn in lan theih viau ni .

Benedict chuan thutna awl lam chu min panpui a , Xavier lah chuan min melh zui ngur mai lehnghal . Ka awm a tinuam lo zo leh vek tawh ,thil chu ngawi reng chuan ka ei mawp mawp a ” I hak ange muang chang khan ei rawh,hlauh nei ang mai . Ka bulah i awm hi thla muang deuh khan awm rawh ,ka veng ang che " nui vur vur chunga a tihchuan ka khi ve sak ringawt.

“ I bialpa em ni?" ka bula rawn ding chunga a tihchuan ka ner nghal nang “ I hriat ve angailo,kalsawn rawh " tiin ka melh kar a. A hmui chu a tikawi nawk mai “ Xavier a duh lo che a nihkha ,tihbuai kher kan ngai lo" Benedict an a rawn tih fakah chuan Xavier mitmeng chu a inthlak nghal hlawk mai . Benedicta kawr nghawngah chuan thamin “ Engmaw i sawi a " a tinghal hrawk mai .

A thiante lah chu insual peih atin an lo awm tawh lehnghal . Benedict lah a la nui mai mai si “ Xavier duhtawk rawh u,buaina kan duh lo . Kal kiang rawh u,ka nunah in rawlh tur in tumah i nilo " ka lo ti ve chu ka lam rawn hawiin rum zet hian min en zui a ,a mitmeng chuan min ti khur thei hial mai . A hlauhawm tih piah lam a ni,chutah Benedict a thamna chu thlah hmakin a kalsawn zui a 

Ka en reng ringawt,engvanga khatianga rawn che kha nge a nih ang . “ Ei ang hmiang " rawn ti tu avang chuan harh chhuak zawkin ka eitur chu ka ban zui a , Benedict chu a lo nui hak mai . Lei sei tawk chu ka chhuah khum vak ringawt ,eikham rualin college tuala thutna an dahah chuan thu in kan titi dun a ,apa chu doctor niin an mahni damdawi in a enkawl a nih hmel .

A sawi dan ringawt atang pawh chuan mi hausa an ni tih a hriat,keini lak ah chuan sang tak an ni. Kan in be tam a ,keipawh chan ka nel tial tial bawk ,midangin min kawm duh loh laia ka bula a awm vang pawhin ka lawm ,kan class tan a hun tawh dawn vangin kan in kalsan a ,ka en zui vung vung ringawt. A hmelthat bakah a fel bawk nen ka tan chuan vantirhkoh a ni ringawt .

Kan Xavier hmelphaka ai chuan a tha fe zawk bawk,kha mihring pa chapo lutuk leh lerh lutuk kha hmuh pawh ka hmu peih teh nek lo ..

 BENEDICT AW 👇👇

ZAWM LEH TUR